«وراء كبرياءه عاشق»
الفصل السابع وعشرون الاخير
بقلم دودو محمد
فى بيت حسن جادالله
كانت حوريه قعده بتتفرج على التلفزيون وسمعت خبط على الباب قامت وفتحت الباب
حوريه :- انت جاى ليه انت وابنك
محمد :- ايه يا مرات اخويه مش هدخلينا عندك ولا ايه
حوريه :- اصل انا قعده لوحدى
محمد :- ده هما كلمتين وهنمشى علطول
حوريه :- وسعت ليهم ودخلتهم وقعده
ها دخلتو اهو عايزين ايه
أشرف :- عايزين ورق الارض يا مرات عمى
حوريه :- وانا مش ممنعه بس هتدفعو كام
محمد :- دى ارضنا واحنا احق بيها وبعدين ما انتى اخدى منى فلوس قبل كده علشان الجوازه دى تتم ومحصلش حاجه ومأخدش الفلوس منك
حوريه :- لا عندك انا مليش دعوه انا اقنعتها وهى كانت موافقه مليش دعوه باللى حصل بعد كده
محمد :- شوفى عايزه كام يا حوريه
حوريه :- 2 مليون
أشرف :- كاااااااااااام
حوريه :- زى ما سمعت كده
أشرف :- بس ده ياما اوى يا مرات عمى
حوريه :- يبقى خلاص معندش ورق ارض
محمد :- موافق
أشرف :- ايه اللى انت بتقوله ده يا ابا
محمد :- بس انت وبص لحوريه وقال ممكن بقى تعملى لينا حاجه نشربها
حوريه :- اكيد طبعآ عن أذنك وقامت حوريه ودخلت المطبخ وهى فرحانه
أشرف :- ايه اللى انت هتعملو ده يا ابا انت بجد ناوى تديها المبلغ ده
محمد :- لا طبعآ عايزك تخش تضربها بآى حاجه على دماغها بس اوعى تموتها خليها يغمى عليها بس وانا هخش ادور على الورق بسرعه
أشرف :- ماشى يا ابا ودخل أشرف وضرب حوريه على دماغها من وراه ووقعت على الارض مغمى عليها ودخل مع ابوه يدور على الورق واول ما لاقى الورق خرجو من الاوضه ولسه بيفتح الباب لا الجاره هتخبط
الجاره :- امال فين الست حوريه
محمد :- ج.ج.جوه مشغوله
الجاره :- انا هخشلها هى مستنيانى
أشرف :- لالا هى مش فاضيه
الجاره :- انتو فى ايه بالظبط شكلكم مش مريحنى عملتو ايه فى الوليه
أشرف :- زقها ونزلو يجرو هو وابوه من على السلم
الجاره :- دخلت لاقت حوريه وقعه على الارض والدم نازل منها
طلعت فى البلكونه وقعدة تصوت وتقول الحقوهم قتلو الوليه
أشرف ومحمد :- حاولو يركبو العربيه بس الناس منعوهم واتصلو بالشرطه والاسعاف وجت الشرطه واخدوه اشرف وابوه وجت الاسعاف واخدت حوريه
……………………………………………………
فى قصر عزالدين
كان الوضع متأزم
حازم :- وانت مفكرها هتموت من غيرك لا هى كده ارتاحت من واحد متهور ومعندهوش دم وبنتى انا هاخدها معايه امريكا وهتعيش معايه علطول
سيف :- احسن خلى البلد تنضف من اللى زيها
وفى الوقت ده جه أدهم
أدهم :- فى ايه ومالك يا حبيبه
سيف :- اطلعى بررررررررررره من القصر خليها تنضف من الزباله
أدهم :- ايه اللى انت بتقوله ده يا سيف حد يفهمنى فى ايه
حازم :- البيه اخوك طلق حبيبه وبيقول عليها كلام وضربها
أدهم :- ايه ده ياسيف هو ده الوعد اللى وعدهولنا انت هتفضل كده طول عمرك واحد مريض وبكره افكرك هتعيش كده وحيد فى الدنيا وهى ربنا هيكرمها وهتبقى احسن منك الف مره علشان انت متستهلش واحده زيها وبص لحبيبه وقال وانتى يا حبيبه حقك عليا علشان انا اللى عملت كده فيكى لما خليته يتجوزك كنت مفكره هيبقى بنأدم وهيتصلح حالو حقك عليا
حازم :- يلا يا بنتى هنقعد فى فندق لحد ما اعمل ليكى الاوراق وتسافرى معايا
عزالدين :- اعمل حسابك لو اخترت بنتك انسا ان ليك اخ
حازم :- مسك ايد حبيبه وقال يلا بينا
ومشت حبيبه مع حازم وهى دموعها على خدها
……………………………………………………
فى المستشفى
وصلت حوريه وهى فقد الوعى ودخل الدكتور كشف عليها وفوق حوريه
حوريه :- ا.ا.انا فين وليه النور مطفى
الدكتور :- بس النور مش مطفى
حوريه :- بس انا مش شايفه نور انا شايفه الاوضه طالمه
الدكتور :- شاور للجاره علشان تخرج من الاوضه وطلعت الجاره مع الدكتور بره الاوضه
الجاره :- خير يا دكتور
الدكتور :- انتى تقربيلها
الجاره :- انا جارتها
الدكتور :- مفيش حد من اهلها
الجاره :- للاسف لا خير يا دكتور
الدكتور :- عمومآ هى حصلها فقدآ بصر علشان الضربه جت على المركز البصرى فى المخ عملها تلف وحصل ليها فقدآ البصر نهايئآ
الجاره :- لا حولا ولا قوة الا بالله طب يا دكتور هى ملهاش عمليه
الدكتور :- مفيش حاجه ملهاش علاج بس طبعآ هيبقى مكلف اوى محتاج ملايين
الجاره :- يا عينى عليكى يا حوريه اتكتب عليها تعيش بقيت عمرها عاميه وبصت للدكتور وقالت شكرآ ليك يا دكتور ودخلت الجاره لحوريه
حوريه :- مين مين هنا
الجاره :- انا يا اختى
حوريه :- ايوه يا حبيبتى ولعى النور احسن مش شايفه حاجه
الجاره :- مصمصت بشفايفها وقالت يا حبيبتى النور مولع معلش بقى قضاء ربنا
حوريه :- قصدك ايه مش فاهمه
الجاره :- معلش يا حبيبتى حصلك تلف فى مركز البصر خليكى مش هتشوفى تانى منهم لله اللى عملو كده اهو اتمسكوه وهياخدوه جزائهم
حوريه :- ايه اتعميت لالالا مستحيل وجلها انهيار عصبى وادوها ابره مهدئه
……………………………………………………
وبعد مروررر اكتر من خمس سنين
فى شركة عز
سيف :- ازاى يعنى مش عارف تبع مين الشركه دى ده تالت صفقه تاخدها مننا
كريم :- اهدى يا سيف الشركه دى لسه مبتدأه علشان كده مش معروفه تبع مين
سيف :- بس مش شغل شركه مبتدأه ده شغل شركه عارفه بتعمل ايه يعنى خبره
كريم :- فعلا هى لسه مبتدأه بس شكلها فى حد جامد اوى سندها
سيف :- انا عايز اعرف كل حاجه عن الشركه دى واعرف هى تبع مين
كريم :- الصبح هتكون عندك معلومات للشركه
سيف :- ياريت يا كريم احنا طول عمرنا واحنا شركتنا ملهاش منافس متجيش شركه مبتدأه وتقف قصاد شركتنا
وفى الوقت ده دخل أدهم ومعاه بنته
آدهم :- نفسى اخش لو لمره واحده القيك مش متعصب
سيف :- ما انت حاطط ايدك فى الميه مش حاسس بحاجه ياريت يا اخى عندى نص برودك
كريم :- شهاده لله اللى معاه قمر زى ده ليه حق ميتعصبش ولا يزعل وشال بنت أدهم وبسها وقال اخبار بيبه ايه
حبيبه :- كويسه يا عمو الحمدالله
كريم :- تستهلى الحمد يا قلبى
أدهم :- بقولك ايه ما تاخدها وريحنا شويه
كريم :- يا خلاثى دى عسل خالص ده انا لو عندى واحده زيها كده مفرطش فيها أبدآ
أدهم :- عسل ما هو اللى ميعرفش يقول عدس دى ما خليه امها صوتها طالع لاخر الشارع
كريم :- هههههههه ربنا يخليهالكم
أدهم :- يارب وبص لسيف وقاله مالك ساكت كده
سيف :- عادى يعنى هقول ايه
أدهم :- يا ابنى الاطفال احباب الله نفسى لو لمره واحده تشيل البنت تلاعبها تضحك معاها البنت طالعه تخاف منك يا سيف
سيف :- الضحكه راحت لما راحت حبيبه يا أدهم
أدهم :- كريم والنبى ادى حبيبه لمامتها فى المكتب
كريم :- يلا يا بوبه
ومشى كريم وحبيبه
أدهم :- انسى بقى يا أدهم اكتر من خمس سنين وانت مش قادر تنسى حبيبه مع انك انت اللى غلطان فى حقها واتسرعت لما سمعت كلام اللى اسم اشرف ده
سيف :- غيرتى وعصبيتى عامونى يا أدهم ومن يوم ما مشت مع عمك حازم وانا مش عارف اوصلها وحتى لما سفرت امريكا علشان اشوفها مردضتش تشوفنى
آدهم :- معاها حق يا سيف اللى انت عملته فيها مش قليل
سيف :- ترجع بس ليا واللى هى عايزه هعمله ليها
أدهم :- ربنا يصلح الحال يارب
وطلع وساب سيف غرقان فى افكاره وذكرياته يفتكر ازاى كشف الحقيقه
……………………………………………………
فلاش بااااااااااك
بعد مرور ايام من اللى حصل مابين حبيبه وسيف كان سيف حابس نفسه فى الاوضه ورافض يكلم اى حد ورافض الاكل والشرب دخل عليه أدهم ورمه فى وشه ورق
أدهم :- خد اقراه ده
سيف :- ادهم اطلع برررره مش عايز اكلم حد
أدهم :- فوق بقى اقراه اللى فى الورق وانت تعرف ان حبيبه مظلومه وان حبيبه شريفه ومحدش لمسها وان هى فعلا بنت بنوت بختم ربها
سيف :- ماتحاولش تبرأها يا أدهم
أدهم :- مش بحاول ابرأها بس هى فعلا بريئه والورق ده من عند الدكتور اللى كشف على حبيبه يوم الحادثه بتاعة اغتصبها وفى بيثبت ان هى فعلا بنت بنوت ومفيش حد لمسها ولما سألته ان ممكن يكون غشاء صناعى أكد ليا وقالى ان هى شريفه وده غشاء ربانى ومحدش لمسها قبل كده
سيف :- اتصدم من كلام آدهم وقال مستحيل وابن عمها هيقول كده ليه
أدهم :- علشان و***** وكان عايز ينتقم منها علشان هربت ورافضته
سيف :- انا لازم اروح ليه البلد ضرورى
أدهم :- مش محتاج تروح البلد علشان هو محبوس هنا بمحاولة قتل مرات عمه حوريه
سيف :- ايه
أدهم :- ايوه محبوس وربنا انتقم من كل اللى ظلم حبيبه
سيف :- قام وقف
أدهم :- رايح فين
سيف :- هروح ليه
أدهم :- استنا رايح معاك
وراح سيف وآدهم لاشرف فى القسم وواجه سيف بالكلام واعترف أشرف ببرأة حبيبه وان دى كانت خطه مرسومه من حوريه وهو نفذها
ومشى سيف وهو ندمان وحاول
يوصل لحبيبه كتير علشان يتأسفلها و تسامحه ومعرفش يوصلها
……………………………………………………
بااااااااك
سيف :- واحشتينى اوووووووووى يا حبيبه نفسى ترجعى تانى ليا فى حضنى وترجعى ليا ضحكتى زى الاول يارب هموت واوصل ليها انا عارف ان انا ظلمتها وجرحتها وصعب تسامحنى بس اشفها بس ولو من بعيد
……………………………………………………
فى شركه يظهر عليها الفخامه والزوق الرفيع من الديكورات تجلس فتاه ذات شخصيه قويه على مكتبها
حبيبه :- انا كام مره قولت مش هسامح اى حد يتخازل فى شغله
المهندس :- انا اسف يا فندم بس والله غصب عنى
حبيبه :- انا مليش فى الكلام ده انا ليا يبقى الشغل عشره على عشره ولما تيجى شكوه من عميل يبقى ده استهتار يا باش مهندس وده اخر تحذير ليك بعد كده لو جت شكوه واحده تانى هيبقى ليا تصرف تانى مش هيعجبك اتفضل روح مكتبك
المهندس :- عن آذن حضرتك وفى الوقت ده اتفتح الباب ودخلت رشا تجرى
رشا :- بوبه يابوبه وعملنها للمره التالته وكسبنا المناقصه
حبيبه :- اتفضل انت يا باش.مهندس
وخرج المهندس وحبيبه بصت لرشا وقالت
حبيبه :- الله يخربيتك مش ناويه تعقلى شويه فى حد يعمل اللى انتى عملتيه ده
رشا:- يا باى عليكى يا حبيبه فرحانه يا ستى ان احنا كسبنا تالت مناقصه من شركة عز وقهرناهم
حبيبه :- انا مليش دعوه بحد انا بعمل كده علشان شغلى وبس مع شركة عز او غيرها فهمتى
رشا:- يابت عينى فى عينك يعنى مش انتقام من سيف
حبيبه :- رشا قفلى على الموضوع ده انا قفلته من زمان ممكن
رشا :- خلاص خلاص متتعصبيش كده مع انى متأكده انك منستيش سيف بس براحتك انا طالعه وخرجت رشا من المكتب وجه عمر
حبيبه :- حبيب قلبى عامل ايه
عمر :- الحمدالله يا حبيبتى بس ايه ده اللهم صلى على النبى الشركه تصميمها تحفه
حبيبه :- ايه رأيك تصميم اختك
عمر :- طول عمرك لهلوبه
حبيبه :- ههههه من زمان اوى مقولتليش الكلمه دى
عمر :- انتى كنتى فين وانا فين
حبيبه :- يا حبيبى مهما عشت فى بلاد بره انت موجود هنا وشورت على قلبها
عمر :- ربنا ميحرمنيش منك طب هقولك خبر يفرحك
حبيبه :- ايه
عمر :- رجعت خلاص اسكندريه
حبيبه :- لا بجد هتقعد هنا معايه
عمر :- اه ايه رأيك
حبيبه :- ده احسن خبر سمعته
يلا بينا نتغداه عندى فى الشقه
عمر :- انتى رجعتى الشقه مع ماما
حبيبه :- بزعل لا جبت شقه صغيره قعده فيها لوحدى ولما بابا حازم بينزل هنا بيجى يقعد معايا فى الشقه لحد ما يرجع يسافر تانى لاخواتى
عمر :- بس طلع كويس حازم
حبيبه :- اه ده طلع طيب اووووى وكان بيعملنى زى اخواتى بالظبط مع انهم رافضونى فى الاول بس بعد كده اتقبلونى واتعرفنا على بعض وحبنا بعض اووووى وهو وقف جامد جمبى علشان يخرجنى من الحاله اللى انا كنت فيها و علمنى بره وجابلى الشركه دى وجاب ليا الشقه اللى قعده فيها دلوقتى
عمر :- ربنا يخليهولك
حبيبه :- يارب ويرحم بابا حسن
عمر :- ا.ا.انتى مشفتيش سيف لحد دلوقتى
حبيبه :- لا ومش عايزه اشوفه
عمر :- انا لولا انك حلفتينى ان مليش دعوه بى كان زمانه ميت من زمان
حبيبه :- انا مش عايزاك تأذى نفسك ياحبيبى وفى ربنا يجبلى حقى منه زى ما جاب حقى من اشرف وابوه عمك مستحملش الحبس ومات فيه والتانى اللى اسمه اشرف مرمى فى الحبس رميت الكلاب
عمر :- ربنا مش بيحب الظلم حتى امك ربنا انتقم ليكى منها وبقت عاميه ومش بتشوف دلوقتى
حبيبه :- تعرف يا عمر رغم ان هى وراه كل اللى حصل فى حياتى بس برضه مش قادره اكرها ولما نزلت مصر وعرفت اللى حصلها وروحت من غير ما تحس وشوفت حالتها صعبت عليا وجبت ليها واحده تخدمها وتقعد معاها
ووصيت عليها جارتنا
عمر :- علشان انتى قلبك ابيض ومش بيعرف يشيل من حد يا حبيبه ده انا اللى معملتش فيا نص اللى عملته فيكى ومش قادر اسامحها لحد دلوقتى
حبيبه :- دى امى يا عمر مهما حصل
عمر :- مش ماشيه
حبيبه :- يلا بينا ومشيت هى وعمر على شقتها
……………………………………………………
فى قصر عزالدين
كانت قعده ديمه ودخل أدهم من الباب هو بنته حبيبه ومراته سمر
ديمه :- بيبه حبيبت عمتوه عامله ايه واحشتينى ياقلبى
حبيبه :- ده انا لسه شايفاكى من كام ساعه يا عمتو
ديمه :- يالهوى على الكسفه وبصت لادهم وقالت مين دى يا ابنى
أدهم :- ديمه بس على صغير نسخه من بولين
ديمه :- يا خلاثى يا ناس انا حلوه كده
آدهم :- لا طبعآ هى شبهك فى الطباع واللماضه بس لكن الشكل طالعه لحبيبه
ديمه :- حبيبه واحشتنى والله
أدهم :- ومن سمعك والله هتجن عليها والله نفسى اشفها ولو دقيقه
سمر :- يا سلام يا اخويه هتموت عليها
أدهم :- يا شيخه اتنيلى دى اختى التانيه ياريتك كنتى عرفتيها
سمر :- انا عارفها كنت بشوفها فى الشركه
أدهم :- لما تشوفيها من بعيد غير لما تعشريها بجد كانت انسانه فظيعه
سيف :- هى مين دى
أدهم :- ها
سمر :- على حبيبه طلاقتك
أدهم :- الله يحرقك هو انتى لسانك فى حته زياده
سمر :- الله مش هو بيسال وانا بجاوب عليه
سيف :- بصلهم وسبهم ومشى على اوضه
ديمه :- يووووووه هو انتو مش بتزهقو من الخناق خمس سنين خناق وزعيق على اقل حاجه
سمر :- هو اللى عصبى
أدهم :- سمر ادحرجى قدامى ببطنك دى
سمر :- شهده يا ديمه اخوكى بيقولى ايه
ديمه :- يا عبيطه ده كده بيحبك وبيحب يغلس عليكى ما كان بيعمل معايه كده وقعد مخاصمنى اكتر من سنه لحد ما قلبه رق وصالحنى
أدهم :- ما بلاش كلام فى القديم انا ما صدقة نسيت
ديمه :- احم ماشى انا هخش البس علشان اروح المستشفى عايزين حاجه
سمر :- انتى هتسبينى معاه لوحدى
ديمه :- ههههههههه اه ربنا معاكى يا قلبى ومشيت وسابتها
أدهم :- وحياة امك هتسبونى معاه لوحدى ليه هاكلك
سمر :- لا بس انت غلس وغلستك دى بتشلنى
أدهم :- بس متقطعيش ربنا يستجاب منك وتتشلى وارتاح يارب
سمر :- عععععععا وسابته ودخلت اوضتها
آدهم :- خدى يا بت هقولك وقال لنفسه يارب تموتى يا سمر يااااااااابت
……………………………………………………
فى اوضة سيف كان قاعد يفتكر حركات حبيبه وهزار حبيبه وكلامها ويضحك
وسمع صوت التليفون بيرن بيبص لاقه كريم
سيف :- ايوه يا كريم
كريم :- انا عرفت مين صاحب الشركه المنافسه
سيف :- ها مين
كريم :- دى واحده ست
سيف :- ايوه انا مالى ست ولا راجل انا عايز اعرف مين
كريم :- احم دى دى حبيبه
سيف :- حبيبه مين دى
كريم :- بنت عمك
سيف :- بنت عمى مين
كريم :- طالقتك يا سيف فهمت كده
سيف :بصدمه ايه اللى انت بتقوله ده حبيبه فى امريكا
كريم :- حبيبه بقالها كام شهر فى مصر وعمك هو اللى عامل الشركه دى ليها وجايب شقه ليها صغيره وقعده لوحدها فيها
سيف :- وهو مش مصدق نفسه يعنى حبيبه هنا وانا معرفش انا لازم اروح واشفها
كريم :- بلاش يا سيف اللى انا عرفته عنها انها اتغيرت وبقت شخصيتها قويه جدآ ومش بتخاف من حد
سيف :- مش مهم تعمل اللى هى عايزه تعمله فيا بس ترجع تعيش معايه تانى
كريم :- انت حر سلام
وقفل سيف مع كريم وهو مبسوط ان هيشوف حبيبه ونام يحلم بالوقت اللى هيشوفها فيها
……………………………………………………
اشرقت شمس يوم جديد فى سماء اسكندريه لتستيقظ حبيبه من نومها ودخلت حمامها اخدت الشاور بتاعها واتوضة وخرجت لبست هدومها واداة فرضها وعملة قهوتها وشربتها ونزلت ركبت عربيتها وراحت على الشركه بتاعتها وكان عبدالله ورشا قعدين مستنينها
حبيبه :- هههههههه مالكم قعدين شبه اللى بيشحتو على باب السيده كده
رشا وعبدالله :- بصو لبعض وبعد كده بصو ليها
حبيبه :- ايه فى ايه
رشا :- جوه
حبيبه :- فى ايه جوه
عبدالله :- فى حد جوه مش هتحبى تشوفيه
حبيبه :- ما تنطقو علطول انتو هتنقطونى بالكلام
رشا :- سيف جوه
حبيبه :- سيف مين
عبدالله :- سيف طليقك
حبيبه :- نععععععععععم جوه بيعمل ايه
رشا :- استهدى كده بالله علشان انا قلبى مقبوض وحاسه ان هتحصل مصيبه
حبيبه :- زقت عبدالله ورشا ودخلت تجرى وطلعت عند المكتب ولاقت سيف مستنيها عند السكرتيره
سيف :- اول ما شفها طلع يجرى عليها ووقف قصادها وقعد يبصلها وقال ياااااااه واحشتنى اوى يا حبيبه
حبيبه :- جاى ليه يا سيف
سيف :- علشانك
حبيبه :- يبقى طلبك مش عندنا
سيف :- حبيبه ممكن نتكلم شويه فى المكتب
حبيبه :- مليش كلام معاك واتفضل من غير مطرود
سيف :- حبيبه من حقك تعملى اكتر من كده بس اسمعينى بس
حبيبه :- فين الامن اللى هنا
جه الامن وقالت
حبيبه :- البنأدم ده ميخشش هنا تانى واتفضلو طلعوه بره
سيف :- اسمعينى طب هقولك ايه
حبيبه :- خدوه بره برررررررره
ودخلت مكتبها وقفلت الباب وراها وقعدة وراه وعيطت وقعدة تخبط على قلبها وتقول بدق ليه دلوقتى لسه بتحبه بعد اللى عمله فيك لسه ضعيف مهما بحاول اظهر قويه لسه نفس الدقه بتاعة اول مره مش قادر تكره ولا قادر تسامحه ليه ليه وحطت ايديها على وشها وقعدة تعيط
……………………………………………………
سيف من الشارع
سيف :- بحبك يا حبيبه انا اسف بجد عارف ان جارحتك بس اعملى حسابك مش هبعد عنك وهرجعك ليا تانى وانا عارف ومتأكد انك لسه بتحبينى وشوفت ده فى عنيكى بسهولا ومش هسكت غير لما ارجعك لحضنى تانى ياحبيبه
……………………………………………………
عند حبيبه فى المكتب سمعت صوت سيف وقفت وراه الشباك وسمعت كلامه وكانت دموعها نزله منها وقالت
حبيبه :- ياريت ينفع ياسيف ياريت بس مش هقدر انسا اللى عملته فيا ودخلت وقفلت الستاره وراها
……………………………………………………
عند عمر كان ماشى بعربيته والعربيه فلتت منه ودخلت فى عمود النور ووشه كله نزل دم والناس اتصلو بالاسعاف واخدته على المستشفى ووصلت الاسعاف ونزلو عمر المستشفى ودخل اوضة الكشف وجت الدكتوره علشان تكشف عليه ولاقته مغمى عليه
ديمه :- مسحت الدم من على وشه واتفاجئة بى وقالت عمر ونضفت وشه من الدم وخيطت ليه الجرح اللى فى راسه وقعدة جمبه على الكرسى اللى قدام الكرسى وقعدة تبصله وهو نايم وشويه وعمر بدء يفوق وحرك راسه يمين وشمال
عمر :- اممممم اه انا فين
ديمه :- وقفت وقالت احم استاذ عمر انت كويس
عمر :- اممم راسى وجعانى وعينى مغششه شويه
ديمه :- معلش من الجرح اللى فى راسك دلوقتى تاخد مسكن وهتبقى كويس
عمر :- شكرآ يا دكتوره
ديمه :- العغو يا عمر
عمر :- انتى عرفتى اسمى ازاى
ديمه :- ركز شويه فى وشى
عمر :- كانت عينه مغششه وقال انا اسف بس نظرى من الخبطه مهزوز شويه
ديمه :- اه ماشى عن أذنك
عمر :- بقولك هو انا امشى من هنا امته
ديمه :- اول ما تتحسن وسابته ومشيت
……………………………………………………
ديمه دخلت مكتبها وقعدة تعيط وتقول
ديمه :- ياااااااااه يا عمر كنت واحشنى اوى اوى يارب هو ليه رجع تانى ما كنت صدقة انى هنساه وهقدر اعيش حياتى اكتر من خمس سنين وانا منستكش ولو للحظه يا عمر وحتى لما كنت بجيب تقدير حلو كنت بحط كلامك هدف ليا اااااااااه يا قلبى مش مكتوب ليك ترتاح ابدآ وقعدة تعيط
……………………………………………………
فى شركة عز
كان آدهم قاعد على مكتبه وكريم قاعد قصاده على المكتب
آدهم :- انا مش عارف ده راح فين من الصبح
كريم :- انا عارف
أدهم :- يا برودك يا اخى من بدرى وانا بسأل عليه وانت ساكت ماتنطق راح فين
كريم :- راح عند حبيبه
أدهم :- سافر امريكا
كريم :- لا طبعآ حبيبه فى مصر بقالها كام شهر
أدهم :- احلف
كريم :- اه والله والشركه اللى كانت بتاخد مننا الصفقات هى شركتها
أدهم :- لا بجد برافوه عليكى يا حبيبه انك موقفتيش حياتك على حد ونجحتى فى حياتك
كريم :- ده بيقولو انها بقت حاجه تانيه خالص وشخصيتها بقت قويه و صعبه اوى
أدهم :- انت مش عارف انا مبسوط قد ايه بنجاحها ده
كريم :- ده شركتها كبرت اوى فى الفتره الصغيره دى وبقت من اكبر منافس لينا
أدهم :- طب وسيف راح ليها ليه هو مفكر انها اول ما تشوفه هتترمى فى حضنه وفى الوقت ده دخل سيف وكانت حالته وحشه اوى
كريم :- سيف ايه عمل فيك كده
سيف :- قعد على الكنبه وقال مش هسيبك تبعدى عنى يا حبيبه انا بحبك
أدهم :- سيف مالك
سيف :- بحبك يا حبيبه ومش هسيبك تبعدى عنى تانى
أدهم وكريم :- بصو لبعض
كريم :- يا سيف احكلنا ايه حصل
سيف :- بحبك يا حبيبه
كريم :- بص لادهم وقال حالت اخوك وحشه اوى خده روحه البيت احسن بدل ما حد من الموظفين يشوفه كده
آدهم :- انا بقول كده برضه طب يلا ايديك معايه ننزله العربيه عندى
وكريم وأدهم سندو سيف ونزلو العربيه وركب آدهم العربيه وراح على االقصر
……………………………………………………
عند حبيبه مسكت تليفونها واتصلت على عمر وانتظرت الرد
عمر :- بتعب السلام عليكم
حبيبه :- وعليكم السلام مال صوتك انت تعبان ولا ايه
عمر :- حكه ليها اللى حصل
حبيبه :- يانهار اسود انت فين بالظبط
عمر :- فى مستشفى (………)
حبيبه :- انا جايه ليك حالا
وقفلت مع عمر ونزلت ركبت عربيتها وراحت للمستشفى اللى فيها عمر
……………………………………………………
فى قصر عزالدين
وصل أدهم القصر ونده على البواب علشان يساعده يطلع سيف اوضه
أدهم :- تعالى ياعم عبده ساعدنى نطلع سيف اوضه
عبده :- خير يا أستاذ أدهم مال استاذ سيف
أدهم :- تعبان شويه تعالى بس
وسند أدهم وعبده سيف وطلعوه اوضه
سيف :- انا اسف يا حبيبه انا بحبك ومقدرش.اعيش من غيرك
أدهم :- يا سيف فوق بقى حبيبه خلاص شافت حياتها ومستقبلها وموقفتش حياتها على حد انت كمان شوف نفسك وشوف شغلك
سيف :- بدموع حبيبه يا أدهم مش.عايزه تسامحنى وترجع ليا
أدهم :- معذوره ياسيف.اللى حصل منك فيها مش شويه وصعب يتنسى
سيف :- بس هى بتحبنى وشفت ده فى عنيها
أدهم :- كبريائها هيمنعها يا سيف حتى لو هى لسه بتحبك بس اللى حصل منك صعب تنسا وكل ما هتشوفك هتفكر اهانتك ليها
سيف :- بس انا مش هسبها يا أدهم وهفضل وراها لحد ما ترجع تانى ليا
أدهم :- ماشى يا سيف اهدى انت بس شويه واللى ربنا عايزه هو اللى هيكون
……………………………………………………
فى المستشفى وصلت حبيبه ونزلت تجرى من عربيتها ودخلت تجرى فى المستشفى
حبيبه :- لو سمحت عايزه وفى الوقت ده قطعت كلامها صوت
ديمه :- حبيبه
حبيبه :- بصت على الصوت وقالت ديمه
وحضنو بعض
ديمه :- واحشانى اوى يا بيبه يا معفنه مهنش عليكى تسألى عليه ده حتى احنا ولاد عمى ولا ايه
حبيبه :- والله واحشتنى لمضتك اوى بس انتى بتعملى ايه هنا
ديمه :- انا اتخرجت واشتغلت هنا
حبيبه :- بجد مبروك يا حبيبتى ولو انها متأخره
ديمه :- الله يبارك فيكى يا ستى انتى جايه هنا ليه ليكى حد هنا
حبيبه :- اه أخويه عمل حدثه بالعربيه وجابوه هنا
ديمه :- بجد الف سلامه عليه
حبيبه :- الله يسلمك يا جميل
ديمه :- قولى طب الاسم وانا اجبهولك
حبيبه :- عمر حسن جادالله
ديمه :- عمر الظابط
حبيبه :- احم ايوه
ديمه :- يعنى انتى اللى كان عمر بيحكى ليا عنك وعمر اللى انتى كنتى بتحكى عنا ليه
حبيبه :- ايوه
ديمه :- طب وليه مقولتيش ليا ان هو اخوكى
حبيبه :- مكنتش عايزه اسبب ليكى احرج بعد لما صرحتى ليا بحبك لعمر
ديمه :- غلطانه يا حبيبه كنتى عرفينى يمكن كنت قدرت اوصل ليه من خلالك بدل ما كان الشوق والعذاب مموتنى
حبيبه :- هو شافك
ديمه :- لا الخبطه مش موضحه الصوره ليه
حبيبه :- انتى لسه بتحبيه وفكراه
ديمه :- يا حبيبه كل اللى انا فيه الفضل يرجع ليه علشان كلامو ليا وتشجيعه ليا هو ده اللى حطيته قدام عينى ووصلت الحمدالله
حبيبه :- الحمدالله يا حبيبتى تعالى ورينى الاوضه
ومشت حبيبه وديمه للاوضه اللى فيها عمر
حبيبه :- هتخشى معايه
ديمه :- لا انا كمان شويه هخش اطمن على الجرح عن أذنك
ومشيت ديمه ودخلت حبيبه لعمر
حبيبه :- هههههههههههه ايه العمه اللى على راسك دى
عمر :- انا عارف خلونى شبه رفيع بيه
حبيبه :- هههههههههههه شكلك مسخره
عمر :- بنت انتى اتلمى كفايه عليه ان انا مستحمل البتاعه دى على راسى
حبيبه :- انت عارف مين اللى خيط ليك الجرح
عمر :- مين
حبيبه :- حبيبت القلب
عمر :- اوعى ليكون اللى فى دماغى
حبيبه :- ايون هى
عمر :- وايه هيجيب ديمه هنا
حبيبه :- شغاله هنا دكتوره
عمر :- وانتى شوفتيها
حبيبه :- ايوه يا ابنى يعنى انا هكون عرفت منين
عمر :- اه صح يبقى هى دى اللى كانت بترد عليا علشان كده عرفت اسمى
حبيبه :- عمر حرام عليك بقى ظروفك وبقت الحمدالله كويسه خلى عندك دم واتجوز البت دى لسه بتحبك
عمر :- طب واللى بينك وبين سيف
حبيبه :- ملكش دعوه انت انا اقدر اوقف سيف عند حده
عمر :- بس انا مش طايقه ازاى هحط ايدى فى ايده
حبيبه :- ملكش دعوه بي خليك مع ابوه او أدهم
عمر :- مش ابوه ده اللى كان عايز يقتلك
حبيبه :- كلمنى عند بابا حازم واتأسفلى لما عرف ان انا مظلومه وانا سامحته
عمر :- سمحتى كده علطول
حبيبه :- اه يا عمر فى الاخر ده عمى برضه وهو كان معذور من اللى شافه من امك
عمر :- مش عارف اقولك ايه بصراحه
حبيبه :- سيبك منى دلوقتى ركز شويه مع الغلبانه اللى بتحبك وقلبها متشحتف عليك
وفى الوقت ده خبطت ديمه على الباب وقالت ممكن اخش
حبيبه :- اه طبعآ اتفضلى
ديمه :- دخلت وراحت عند عمر وكشفت على الجرح وقالت عامل ايه دلوقتى
عمر :- سرحان فى ديمه
حبيبه :- وهى بتكتم فى ضحكتها قرصت حازم فى كتفه
عمر :- اااااه يابنت ال
ديمه :- نعم حضرتك
حبيبه :- قصده يقولك يابنت الناس الطيبه
عمر :- حبيبه ماتروحى شوفى العصفوره عايزه ايه
حبيبه :- مش قادره الصراحه يا عمر اتزاح شويه كده خلينى اريح جمبك
عمر :- العن ابو شكلك ياشيخه
ديمه :- عمومآ يعنى انا شيفاك بقيت كويس هكتب ليك على خروج حالا
عمر :- ايه لالالا انا لسه تعبان حتى شوفى عينى وجعانى
حبيبه :- اه وحرارته فوق الاربعين
عمر :- ههههه خفه
ديمه :- عن اذنكم
عمر :- لا استنى رايحه فين
ديمه :- هروح اشوف شغلى
عمر :- ا.ا.اصل تعبان وعايز ابره مسكنه
حبيبه :- هههههههه من امته ده انت بتخاف من الابر
عمر :- اللهى تنشكى فى قلبك يا بعيده ما تروحى شوفى شغلك لزقه فيا ليه
حبيبه :- اخويه حبيبى مقدرش اسيبك
ديمه :- كتمت ضحكتها وقالت عن أذنكم ومشيت وقفلت الباب وراها
عمر :- يا بارده يالى معندكيش دم لزقه ليه عجبك كده اهى مشيت من غير ما اكلمها
حبيبه :- ههههههههههه واعمل حسابك انا مش ماشيه من هنا غير معاك
عمر :- قام من على السرير ومسك المخده وكتم نفس حبيبه بيها وقال اموتك وارتاح منك
حبيبه :- وهى صوتها مكتوم هموت يخربيتك نفسى هيتكتم
عمر :- شال المخده وقال انتى عارفه لما تيجى تكشف عليا لوشفت خيالك هنا هكتمك بجد واخلص منك
حبيبه :- ههههههههههههه.خلاص خلاص ده انت زعلك وحش اوى يا اخى
……………………………………………………
فى قصر عزالدين
نزل أدهم من عند سيف وكان ابوه طالع من المكتب
عزالدين :- ادهم ايه رجعك بدرى كده وفين مراتك
أدهم :- سمر لسه فى الشغل ورجعت بدرى من الشغل علشان سيف تعبان طلعته اوضه
عزالدين :- بخضه مالو سيف
أدهم :- حكه ليه اللى حصل مع حبيبه
عزالدين :- سيب حبيبه عليه انا هروح ليها واكلمها
أدهم :- يا بابا حبيبه عندها حق فى اللى بتعمله ده خليها تربيه شويه وبعد كده نبقى نكلمها مع انى عارف ومتأكد ان هى لسه بتحبه بس كرامتها منعها
عزالدين :- اللى تشوفه صح اعمله وقال المهم فين البت بيبه مجتش صبحت على جدها النهارده
أدهم :- اصل احنا نزلنا وحضرتك نايم مرضناش نصحيك من النوم
عزالدين :- ماشى لما تيجى هقطعها بوس علشان مصبحتش عليا
……………………………………………………
فى بيت حسن جادالله
حوريه :- فين الميه مية مره اقول عطشانه
فايزه اللى بعتها حبيبه :- يووووووه ما تزهقنيش بقى ما انتى لسه طفحه الميه من ساعه اتكتمى شويه خلينى اعرف اسمع المسلسل
حوريه :- عطشانه وهموت من العطش مش هتخسرى حاجه لما تشربينى
فايزه :- يخربيت زنك يا شيخه خدى الطفح بالسم الهارى وشربتها الميه ووقعت على هدوم حوريه
حوريه :- مش تخلى بالك بدل ما غرقتينى كده طب ممكن تغيرى ليا الهدوم علشان مابردش
فايزه :- خليكى كده لما المسلسل يخلص ابقى اكفنك
حوريه :- يادى الغلب اللى الواحد فيه ربنا ياخدنى بدل الذل اللى انا شيفاه ده
فايزه :- ولما انتى تغورى فى داهيه انا هخد مرتب على خدمة مين
حوريه :- يعنى انتى عامله بيها اوى ماانتى كل حاجه بتذلينى عليها على ما تعمليها غير لسانك الطويل اللى عايز قطعه
فايزه :- ام انتى وليه قليلة الادب اوى ما تلمى لسانك يا مره يا عاميه انتى
حوريه :- انا اسفه بس غيرى ليا الهدوم احسن سقعانه
فايزه :- لا لما يخلص المسلسل
وقعدة فايزه تتفرج على التلفزيون وحوريه تتحايل وتتذلل ليها على كل حاجه
……………………………………………………
فى المستشفى دخلت ديمه تطمن على عمر فى اوضه
ديمه :- عامل ايه دلوقتى
عمر :- زى الفل طول ما انا شايفك
ديمه :- احم طب والغشاشه اللى على عنيك
عمر :- مش شايفه غير قمر منور قدامى
حبيبه :- تيراريره اجيب شجره واتنين لموناته
عمر :- ايه يا خفه لموناته اسمه ليمون
وبعدين ايه المخده موجوده
حبيبه :- ها لالالا حبيبى ابو الزومل
عمر :- زقها من على السرير وقال عسل عسل يا اختى
حبيبه :- اااااااه طب انا فى الاوضه بتاعة العطم هروح اشوف عمودى اللى اتكسر ده
عمر :- عسوله حبيبه
حبيبه :- ماشى يا اخويه عرفنا وخرجت حبيبه من الاوضه
عمر :- ديمه
ديمه :- نعم
عمر :- متزعليش منى علشان الفتره اللى فاتت بعد عنك بس كنت بحاول ابنى نفسى علشان اقدر اعيشك فى نص مستواكى
ديمه :- لا عادى ولا يهمك مش انت عايزنى اقول كده لا يا عمر ولا كلام الدنيا كلها هيداوى قلبى المجروح اكتر من خمس سنين بموت فيهم سبتنى فى عز ما كنت محتاجاك وجاى دلوقتى تقولى سورى انا اسف متزعليش خلاص طلع قلبك دلوقتى وهاتو تحت رجليه وخلينى ادوس عليه لحد ما يتخنق وينزف دم واقولك سورى متزعلش منى مستوى ايه اللى انت كنت عايز تعيشنى فيه ده جيت سالتنى وانا قولت لا خليك لما يبقى معاك فلوس تقدر تجيب بيها عربيه وقصر كبير لا قررت كده من نفسك انت مفكر ان انا ممكن افرط فيك علشان شوية حجات ملهاش لازمه فى الحياه
عمر :- انا عارف ان انا جرحتك بس حتى لو كنتى انتى مش هتتكلمى فى اهلك كانو هيفكرونى ان انا طمعان فى فلوسك وبعد كده جه موضوع حبيبه مع سيف ومكنتش عايز اجى اتقدم ليكى علشان مكنتش عايز اشوف وش اخوكى سيف بس يا ديمه انا بجد نفسى تبقى مراتى ام عيالى
ديمه :- اتفاجئة من طلب عمر وقالت انت قصدك عايز
عمر :- قطعها عايز اتجوزك على سنة الله ورسوله
ديمه :- وهى مش مصدقه نفسها ط.ط.طب سبنى افكر وارد عليك
عمر :- مبلاش والنبى الحركات دى احسن عنيكى فضحاكى والفرحه هتنت منها
ديمه :- من الكسوف طلعت تجرى
عمر :- يابت استنى نسيتى تكشفى عليا
حبيبه :- ههههههههه هو فى ايه البت طالعه من عندك وشها طماطميه حمرا ومش شايفه قدمها
عمر :- ملكيش دعوه خليكى فى حالك
حبيبه :- كده ماشى يا عمر براحتك ومشت وسابته
عمر :- ههههههههههه اتنين اجن من بعض
……………………………………………………
وانتهى اليوم كله ونام الجميع لياتى الصباح بكل ما فيه من مفاجئات لتستيقظ حبيبه من نومها ودخلت اخدت شاوره وجهزت نفسها واداة فرضها وبتفتح باب الشقه علشان تطلع لاقت باقة ورد ومكتوب فيها صباح الورد على عيونك الجمال وفيهم سحر يخطف كل من كان حنى على حبيبك الغلبان وقولى ليه بحبك من زمان
حبيبه :- قطعت الكارت وقالت اشتغلنا فى شغل المراهقين اهو وذقت الورد برجليها وقفلت الباب ونزلت
ولاقت بوكيه ورد تانى مكتوب فيه انااسف كلمه بقولها بحنين وبكسرة نفس وبشوق سنين
حبيبه :- قطعت الكارت ورمت الورد على الارض وداست عليه برجليها وركبت عربيتها ومشيت راحت على الشركه ونزلت من العربيه ودخلت على الشركه وكان الكل عمال يبص لحبيبه
حبيبه :- هو فى ايه هما ييبصوه عليه كده ليه ودخلت مكتبها واتفاجئة بالاوضه كلها مزينه بالورد وفى الوقت ده دخلت رشا
رشا :- صباح الورد على الناس الرومانسيه هيبيييييح حاجه كده ولا فى الافلام
حبيبه :- بعصبيه مين الزفت اللى عمل كده
رشا:- بتاع الورد
حبيبه :- والله مكنتش اعرف مين اللى بعته يا اذكى اخواتك
رشا :- اكيد صاحب المحل بتسال اساله غير منطقيه خالص
حبيبه :- اه معلش انا غبيه شويه رشا
رشا :- نعم
حبيبه :- اطلعى بره علشان ما ارتكبش جريمه دلوقتى
رشا :- مالك بس يا بوبه فى حد يتعمل ليه مفاجئه حلو كده ويتعصب
حبيبه :- وهى بتحاول تمسك اعصابها رشا بره بررررررررررررررره
رشا :- طلعت تجرى من المكتب
حبيبه :- لا ما انا لو محطتش حدود للموضوع ده هيفضل يعمل كده وخرجت من المكتب وكان الموظفين عاملين يتكلمو مع بعض
حبيبه :- وقفين كده ليه كل واحد على شغله يلااااااااااااا
الموظفين خافوه من عصبيت حبيبه وراح كل واحد على شغله وهى نزلت ركبت عربيتها ومشيت بيها
……………………………………………………
فى شركة عز.
كان سيف قاعد فى مكتبه مع كريم
سيف :- ههههههه تلاقيها هطق من الغيظ
كريم :- ولما انت عارف ان ده هيغظها عملتو ليه
سيف :- علشان تتعصب عليا وتخرج كل الزعل اللى فى قلبها ليا وبعد كده اقدر اصالحها
كريم :- مش بسهولا دى يا ابنى
سيف :- ملكش دعوه انا عارف بعمل ايه
وفى الوقت ده دخلت حبيبه عليهم
حبيبه :- بعصبيه ممكن افهم بقى ايه شغل المراهقين اللى انت بتعمله ده
كريم :- اهدى بس يا حبيبه واتفهمو براحه
حبيبه :- مفيش بنا تفاهم ولو مبطلتش شغل العيال ده انا هيبقى ليا تصرف تانى انا قولتلك اهو
أدهم :- بكل هدوء كريم روح انت على مكتبك
كريم :- ماشى وسابهم وطلع
سيف:- قام من على مكتبه وراح قفل الباب بالمفتاح
حبيبه :-، ا.ا.انت قفلت الباب بالمفتاح ليه
سيف :- قعد تانى على مكتبه من غير ما ينطق ولا كلمه
حبيبه :- اتغاظت منه وقالت ده انت بنأدم بارد ومعندكش دم ومستفز انا بكرهك يا سيف بكرهك
سيف :- بص على الورق اللى محطوط على المكتب من غير ما يرد عليها
حبيبه :- ععععععععع كتلة برود قعده قدامى ودورت حواليها على حاجه تحدفه بيها ولاقت تحفه محطوطه صغيره على التربيزه مسكتها ولسه هتحدفها على سيف
سيف :- كان بيبص عليها من طرف عينه واستغرب لما لاقها بتبص بعنيها فى المكان وشفها مسكت تحفه وهتحدفها عليه قام بسرعه على حبيبه ومسك ايديها وبص فى عنيها وقال اهون عليكى برضه
حبيبه :- اوعى متلمسنيش لو سمحت وسيب ايدى
سيف :- لا وقرب ليها اكتر
حبيبه :- ابعد لو سمحت ما ينفعش كده
سيف :- قرب اكتر منها وقال ليها فى ودنها كل ده ولسه ليكى عقاب عندى فكراه وبعد عن ودنها وبص على شفايفها
حبيبه :- اتكسفت من الوضع اللى هى فيه وقالت ا.ا.ابعد لو س
سيف :- قطع كلامها ببوسه طويله
حبيبه :- قومته فى الاول وفى الاخر استسلمت ليه وهدة
سيف :- بعد بوسه طوووووويله جدآ بث فيها مدى اشتياقه وحنينه ليها وحط جبينه على جبين حبيبه وقال سامحينى يا حبيبه انا عارف مهما اتأسف ليكى مش هقدر انسيكى اللى حصل
حبيبه :- بدموع تنسينى تنسينى ايه ولا ايه تنسينى لما طعنت فى شرفى ولا لما مديت ايديك عليه وسحلتنى من شعرى من غير لا رحمه ولا شفقه ولا لما طلقتنى بكل برود وانا بترجى فيك تسمعنى قولى ازاى انسا انسا قلبى اللى كسرته لما حسسته ان هو ملهوش خاطر عندك ولا لما كسرت فرحتى ان انا هسلمك نفسى وابقى مراتك بجد
يااااااااه يا سيف انت وجعتنى اوى يا سيف اوى وجيت على اكبر جرح وحطيت عليه ملح علشان ناره تزيد اكتر واحس بي شفت انت عملت فى ايه يا سيف وجى بعد كل ده تقولى سامحينى انت بأى وش بتطلب منى السماح انا بكرهك يا سيف بكرهك
سيف :- طب حتى ادينى فرصه اصلح اللى حصل زمان
حبيبه :- بدموع عمر اللى اتكسر ما يتصلح ياسيف ممكن تفتح ليا الباب
سيف :- فتح الباب
حبيبه :- خرجت تجرى من مكتب سيف ونزلت وركبت عربيتها
……………………………………………………
فى المستشفى
دخلت ديمه علشان تطمن على عمر
ديمه :- احم عامل ايه النهارده
عمر :- تعبان اوى
ديمه :- بس انا شيفاك كويس
عمر :- علشان الوجع هنا وشاور على قلبه وقال مش هيرتاح غير لما تردى عليه بالموافقه
ديمه :- هزت راسها بمعنى اه
عمر :- وحياة ابوكى موافقه
ديمه :- هزت راسها تانى اه
عمر :- اسمعها بقى
ديمه :- موافقه وخرجت تجرى
عمر :- يابت نسيتى تكشفى عليه يخربيت جنانك ياشيخه
وخرج عمر من المستشفى واتحدد معاد مع عزالدين علشان يروح يطلب ايد ديمه منه
……………………………………………………
فى الشقه عند حبيبه
كانت قعده هى وعمر
عمر :- يا حبيبتى مش هينفع اروح لوحدى لازم تكونى معايه
حبيبه :- يا عمر ربنا يهنيك وديمه كويسه وبنت حلال بس انا مقدرش اخش القصر تانى هيفتح معايه جروح قديمه
عمر :- يعنى هتسيبى اخوكى فى يوم زى ده
حبيبه :- ياعمر بجد هتعب لو روحت هناك
عمر :- لا خلاص يا حبيبتى المهم عندى انتى انا هخش البس علشان الحق الميعاد
ودخل عمر يلبس هدومه وخلص نفسه وطلع من الاوضه ولاقى حبيبه لبسه ومستنياه
عمر :- رايحه فين
حبيبه :- مقدرش اسيب اخويه حبيبى لوحده فى يوم زى ده ويلا احسن اتأخرنا
عمر :- اخد اخته فى حضنه وقال ربنا يخليكى ليا يارب
حبيبه :- ويخليك ليا
يلا ننزل ونزل عمر وحبيبه وركبو العربيه وراحو على القصر
حبيبه اول ما شافت بوابة القصر حست بقلبها وجعها
عمر :- مالك لو حاسه نفسك هتتعبى بلاش
حبيبه :- لالا يا حبيبى بس اول مره اجى هنا من بعد اليوم المشؤم ده
عمر :- وجهى ضعفك والحاجه اللى تحسى نفسك خايفه منها دوسى عليها واتغلبى على خوفك
حبيبه :- ربنا يخليك ليا يا قلبى انا من غيرك ولا حاجه
ودخلو الاتنين القصر
عزالدين :- اذيك يا ابنى عامل ايه دلوقتى ديمه قالت انك كنت عامل حادثه
عمر :- اه الحمدالله بقيت كويس اهو
عزالدين :- اذيك يا حبيبتى
حبيبه :- الحمدالله يا عمو
سيف :- كان قاعد منزلش عينه من على حبيبه
أدهم :- والله وليكى واحشه يا بيبه
حبيبه :- وانت اكتر يا ادهومى
أدهم :- يابت بس احسن انا دلوقتى متجوز وهى ممكن تنط فى كرشك
حبيبه :- هههههههههه برضه ادهومى دلعتى اخويه حبيبى
سمر :- كانت قعده متغاظه
حبيبه الصغيره :- طنط طنط هو انتى اسمك حبيبه
حبيبه الكبيره :- اه ليه
حبيبه الصغيره :- اصل انا برضه اسمى حبيبه
حبيبه الكبيره :- يا خلاثى على العسل وبصت لادهم وقالت بجد يا ادهم انت سميت بنتك على اسمى
أدهم :- طبعآ يا بيبه دى طالعه شبهك واسمك
حبيبه :- ربنا يخليك ليا يا ادهومى
سمر :- قعدة تمصمص فى شفايفها
أدهم :- طب بس يا بيبه احسن فى ناس هنا هتتحول بعد دقايق
حبيبه :- بصت لسمر وقالت على فكره يا سمر أدهم ابن عمى واخويه زى عمر بالظبط فاملهاش لازمه الغيره
سمر :- عادى يا حبيبتى انا عارفه نفسى ماليا عينه
حبيبه :- شاطره خليكى واثقه فى نفسك علطول
سيف :- متابع الحوار وعينه على حبيبه
وعمر طلب ايد ديمه وافق عزالدين وقراه الفاتحه واتفقو على معاد الفرح
……………………………………………………
ومرت الايام وجه معاد الفرح وتم تجهيز القصر للفرح وجه معاد كتب الكتاب وبدء المؤذون بمراسم كتب الكتاب وتم عقد قران عمر وديمه
وبدء الرقصه السلو ورقص عمر مع ديمه وأدهم مع سمر وحبيبه اخدت جمب مع نفسها بعيد عن الزحمه
سيف :- قعد يدور بعنيه على حبيبه لحد ماشفها وقفه فى مكان بعيد عن الفرح
راح ليها وقال ممكن تسمحيلى بالرقصه دى
حبيبه :- سابته ومشت
سيف :- مشى وراها ومسكها من ايديها وقال خلاص بقى يا حبيبه شهور وبحاول معاكى علشان اصلحك وانتى على نفس الحال انسى بقى كل اللى حصل وتعالى نفتح صفحه جديده بيضه مفهاش زعل ولا دموع ولا حزن ولا انتقام نفتح صفحه بيضه كلها حب وسعاده وهنا وموده ورحمه ونجيب اطفال ونربيهم على طاعة الله
حبيبه :- نفس يا سيف اعمل كده بس مش قادره انسا اللى عملته فيا زمان وجعنى اوى يا سيف اوى نفس بجد اقدر انسى واعيش زى اللى فى سنى حياتى مع البنأدم اللى بحبه واجيب منه اطفال تطلع كلها شبهو بس شبح الماضى منعنى يا سيف
سيف :- تعالى نحاول مع بعض ونبدء من اول وجديد
حبيبه :- سكتت.
سيف :- اعتبر السكوت ده علامة الرضا
حبيبه :- هديك فرصه يا سيف بس لو فكرت تجرحنى تانى انسا ان انت تشوف طيفى مره تانيه
سيف :- اوعدك يا حبيبه عمرى ما هجرحك يلا بقى نلحق المؤذون قبل ما يمشى وراح سيف وحبيبه وتم كتب الكتاب وكان وكيل حبيبه اخوها عمر وانتهى الفرح وكل واحد طلع على اوضه
……………………………………………………
فى اوضة عمر وديمه
عمر :- تحبى اطلع علشان تبقى براحتك
ديمه :- لالا ا.ا.انا هخش الحمام
عمر :- لا خليكى انا هخش الحمام وانتى غيرى براحتك
ودخل عمر غير هدومه واتوضه وطلع كانت ديمه غيرت هدومها ولبست الاسدال
عمر :- خشى يلا اتوضى علشان نصلى ركعتين
ديمه :- ح.ح.حاضر
ودخلت ديمه اتوضة وصل عمر بيها الركعتين وقال الدعاء وراحو قعده على السرير
عمر :- جعانه
ديمه :- هزت راسها بمعنى لا
عمر :- طب انتى ناويه تنامى بالاسدال
ديمه :- هزت راسها بمعنى لا
عمر :- طب اقلعيه
ديمه :- قلعت الاسدال وهى مكسوفه
عمر :- صلاة النبى احسن ايوه كده وشدها على السرير (وسكتت شهرزاد عن الكلام الغير مباح )
……………………………………………………
فى اوضة أدهم
كان أدهم نايم على السرير
سمر :- قعدة تهز فى وتقول أدهم يا أدهم قوم
أدهم :- امم عايزه ايه
سمر :- عايزه فسيخ
أدهم :- قام قعد وقال نعم يا اختى
سمر :- بتوحم الله وعايزه فسيخ ولا عايز الولا يطلع ليه فسيخايه
أدهم :- نامى يا حبيبتى الله يهديكى هجيب ليكى منين انا البتاع ده
سمر :- قعدة تعيط اصلك مش بتحبنى لو كنت بتحبينى اول ما اقول نفسى فى حاجه تروح تجبها ليا علطول
أدهم :- وقف وقال بس بس حاضر هروح اجيب ليكى وقعد يبرطم ويقول انا كان مالى ومال الجواز ياربى كنت عايش ومقضيها ناس ليه الدخله وناس ليها فسيخ ونزل ركب عربيته وقعد يدور على محل فسيخ فاتح لحد ما لاقه واحد جاب منه الفسيخ وروح تانى على القصر وطلع اوضه وكانت سمر نايمه
أدهم :- سمر سمر
سمر :- امممممم
أدهم :- قومى يا حبيبتى جبت ليكى الفسيخ اهو
سمر ؛- فسيخ مين قال عايز فسيخ انا بقرف منه ومن ريحته روح ارميه هرجع من الريحه
أدهم :- نعمممممممممم مبتحبهوش امال صحتينى ليه ونزلتينى فى الوقت ده علشان احبهولك
سمر :- معلش يا حبيبى هرومونات الحمل يا حبيبى وبعدين انا فى الشهر الخامس يعنى شهور الوحم خلصت
أدهم :- خلصت روحك يا بعيده والله ما انا نايم معاكى فى الاوضه وراح نام مع حبيبه بنته
……………………………………………………
فى اوضة سيف وحبيبه
سيف :- نورتى اوضك من تانى يا قلبى كانت بجد وانتى مش فيها كانت عامله شبه القبر
حبيبه :- احم ش.ش.شكرآ
سيف :- طب ايه مش هتغيرى هدومك
حبيبه :- ها ا.ا.اه هغير هدومى
سيف :- طب انا هخش اغير هدومى فى الحمام واتوضه على ما انتى تغيرى
حبيبه :- ماشى
ودخل سيف الحمام غير هدومه وطلع كانت حبيبه غيرت هدومها ودخلت اتوضة وصله سيف الركعتين بحبيبه وقال الدعاء وقام وقف ووقف حبيبه قصاده وقال
سيف :- ربنا يبارك ليا فيك وانا بوعدك ان انا عمرى ما هجرحك ولا هقولك كلمه تزعلك وهعيش علشان سعادك وبس
حبيبه :- ربنا يخليك ليا
سيف :- بص فى عنيها وقال بحبك
حبيبه :- بحبك
سيف :- بسها بوسه طويله وشلها حطها على السرير و (سكتت شهرزاد عن الكلام الغير مباح )
……………………………………………………
وبعد مرور اربع سنين
حبيبه :- سييييييييف
سيف :- ايوه يا حبيبتى بتصوتى ليه
حبيبه :- من اسر وياسين
سيف :- مالهم حبايب بابا
حبيبه :- ولا حاجه كائنات لطيفه فى القصر بيعيطه مع بعض بيجوع مع بعض لما تعبت
سيف :- معلش يا حبيبتى بكره لما يكبرو هما واللى فى بطنك هترتاحى
حبيبه :- قصدك هخش مستشفى المجانين
سيف :- امال فين حسن ابن عمر وديمه وحبيبه وعز عيال أدهم وسمر
حبيبه :- حسن مع امه فى المستشفى
وحبيبه فى المدرسه وعز تلاقيه مع امه فى الشركه
سيف :- ربنا يخليهم لينا يارب
حبيبه :- يارب بس ربنا يستر ميطلعوش متكبرين زيك
سيف :- كده يعنى شايفانى متكبر
حبيبه :- متكبر بس وراه كبرياءك عاشق
النهايه