رواية حب بنت الشوارع حياة الصقر الفصل الاخير بقلم ملك اسامه

حب بنت الشوارع (حياه الصقر) 

الفصل الاخير 

بقلم ملك اسامه

وليد بتنهيدة: مش مستعد أكون أب يا مها و متفقين إننا مش هنخلف دلوقتي 

مها: لاا يا وليد أنا متفقتش علي حاجه أنت قولت إنك عايز تأجل و كنا بنتناقش لسه و قولتلك نأجل الكلام مقولتش  هأجل الحمل 

وليد: طيب يا مها وأنا بقولك مش مستعد 

مها: يعني أنزله!! 

وليد مسح وشه بإيده: أكيد  لا بس عايز فترة أستعد فيها 

مها راحت طفت الشمع و نامت علي السرير: تمام لما تستعد و تفرح زي أي أب أبقي عرفني 

وليد أتنهد بحزن و قرب منها: أنا أسف بس أنا خايف من المسؤولية مش عارف هبقي قدها ولا لا 

مها بحزن: بس أنت كسرت فرحتي 

وليد حضنها: عارفة جوايا مشاعر فرح و خوف و توتر و حاجات كتير و مع ذلك فرحان بوجود حته مني في بطنك أنا أسف. ♡

مها هزت رأسها: وأنا فهمتك خلاص 

*في الشارع *

حياه بتلف الشارع كله و هي فرحانة الوقت كان باليل و مفيش حد غيرها هي و صقر و بس. 

حياه ماسكة إيد صقر: صقر أنا بحبك 

صقر باس رأسها: يا حياه صقر أنتي صقر بيعشقك مش بيحبك وبس 

حياه ضحكت و بصتله و حمدت ربنا عليه و حمدته أكتر أنه عوضها بيه و بالعيلة و الأصحاب اللي بقوا حواليها.. 

*عند عمار *

عمار: بحبك 

ملوك بصتله و برقت عينها: بتحبني أنا!! 

عمار ضحك: اومال بحبني 

ملوك: لا بصراحه أنت تتحب يعني 

عمار بغمزة: يعني بتحبيني 

ملوك بتكبر مصطنع: والله تخطبني بعد كدا نشوف الموضوع دا 

*بعد مرور شهرين *

كان وليد اتأقلم أنه خلاص هيبقي أب و بقي بيهتم بمها بحب و يروح معاها للدكتورة و مها فرحت أنه بدأ يهتم و أنه عايز يكون أب و فرحان بده.. 

عمار كتب كتابه علي ملوك و سفيان كتب كتابه علي تولين و الأربعة فرحهم بعد أسبوع مع بعض. 

حياه و صقر حياتهم مستقرة جدآ و حياه بتزاكر و بتشتغل مع صقر في الشركة.. 

*في الڤيلا بتاعت صقر اللي بيتجمعوا فيها *

البنات بيحضروا الأكل و الشباب بيلعبوا بلاستيشن و بيهزروا مع بعض. 

صقر: جوووووون جوووون جوووون 

تولين جاية بتجري: الحقواا حيااه بسرعة 

كلهم جريوا علي المطبخ و صقر شال حياه و طلبوا دكتورة.. الدكتورة جت و دخلت كشفت عليها  و طلعت و هي مبتسمة.. 

صقر: أنتي بتضحكي ليه دي واحده مغمي عليها هي بتقولك نكتة!! 

كلهم ضحكوا عليه و عمار قال: لا يا حبيبي أصل دا اللي بيحصل في الروايات الدكتورة تطلع مبتسمة و تقولك مبروك المدام حامل 

صقر برق و بصله: يعني حياه حامل!! 

الدكتورة: أيوة فعلآ حامل بقالها شهر 

صقر بصلهم كلهم عشان يتأكد و سفيان قال: أقرصه يا عمار عشان يصدق 

عمار ضحك و قرصه فعلآ و صقر ضحك: يعني حياه حامل!! 

وليد: لا دا تخلف ماالك يابني ما قولنا آه 

صقر ضحك و دخل جري الأوضة و هما بيضحكوا عليه.. 

*بعد أسبوع في الفرح *

ملوك في حضن عمار و تولين ماسكة إيد سفيان بيرقصوا علي أغنية( الليلة لعمرو دياب) 

عمار بهمس: هي فعلآ الليلة أجمل ليلة في حياتي أنا بحبك. ♡

ملوك بصتله بفرحة و حضنته أكتر: وأنا كمان 

سفيان بهزار: أيوة هنقضيها مسك إيد بس!! أنا عااوز حضن أي حااجه كداا 

تولين و هي بتلف: لم نفسك بقي 

سفيان: دلوقتي هلم نفسي بعدين موعدكيش 

صقر من جمبه خبطه: خف علي البت هاا 

سفيان: الله هو أنا عملت حاجه!! 

حياه ضحكت و هي بتسحب صقر:ياحبيبي أنت مالك بيهم بس تعالي 

صقر ضحك و هو بيبصلها و بغمزة:إلا قوليلي جايبة الحلاوة دي كلها منين 

حياه ضحكت و حضنته:جيباها من حبيبي 

صقر شدد علي حضنه ليها: حبيبك بيحبك لا بيحبك إيه دا بيعشقك 

حياه: وأنا بموت فيه 

صقر: لا كداا هتهور جاامد 

حياه ضربته علي صدره: أتلم وبعدين الدكتورة قالت غلط 

صقر: هو أنا حايشني عنك غير الدكتورة وبس 

حياه ضحكت و هي بتلف و ماسكةإيده و بتغمزله زي ما هو بيعمل.. 

الدي جي طلب من  العرسان يقعدوا و من عيلة العرسان  يتقدموا و يقفوا وراهم عشان يتصوروا.. 

صقر أخد حياه في حضنه و راح وقف ورا عمار و ملوك و وليد مها في حضنه و وقفوا ورا سفيان و تولين و في النص عاصم

 و ناهد و والد حياه (يحيي) الصورة أتخدت و كلهم مبسوطين و فرحانين إن كل واحد ربنا رزقه بنصه التاني اللي عوضه عن

 كل الوجع اللي عاشه و كل الهم اللي شافه آه هيشوفوا مشاكل كتير بس هيقدروا يحلوها و هما مع بعض و أخيرا الصورة أكتملت و بقوا كلهم مع بعض.. 

                       تمت بحمد الله 

لقراءة باقي الفصول من هنا