وليد ... اول ما يدخل المطبخ حياه ايه اللى حصل 😳
حياه قاعده فى الارض فى المطبخ وضامه رجليها وبتعيط
وليد يقرب منها وياخدها فى حضنه أهدى يا حبيبتى مالك بس حد عملك حاجه
حياه بين شهقاتها ... لا بس خلاص مبقيتش قادره امسك نفسى اكتر من كدا محتاجه اعيط وكنت خايفه ساره تصحى عشان كدا جيت هنا
وليد ... ضاممها ليه وبيطبطب عليها احكى وطلعى اللى جواكى
حياه .... تيتا وحشتنى اوى مش متخيله حياتى من بعدها وتطلع من حضنه وتبص ليه
هو ليه كل اللى بحبهم يروحوا منى مع انهم بيحبونى وبيخافوا عليا ماما وبعد كدا تيتا
وليد ... اولا حرام تقولى ليه دى دا قضاء ربنا قولى الحمد لله وادعيلهم هما محتاجين الدعاء دالوقت قومى معايا
حياه ... تنتبه انها فى حضن وليد تحاول تبعد لكن هو يرفض
وليد ... متحاوليش تطلعى من حضنى ويشيلها ويطلع اوضه تعالى بقا نكمل كلام فوق
حياه تشهق ... انت بتعمل ايه عيب كدا
وليد ... مراتى والله وبعدين انتى فى ايه ولا ايه
حياه ... نزلنى عيب كدا نزلنى بقولك ووليد متجاهلها لحد ماوصل الاوضه نزلها ع السرير
وليد ... ها بقا كنتى بتقولى ايه عيب صح وبيقرب
حياه بتوتر ... انا عايزه اكل
وليد ... عايزه اكل عشان معيطش يا دوك صح كدا
حياه .. لا مكنتش هقول يا دوك
وليد .... اومال كنتى هتقولى ايه كل دا وهو مقرب وحياه متوتره من قربه
حياه ... كنت هقولك يا ديدو وتقوم بسرعه هتاكلنى ولا اكمل عياط
وليد ... لا تكملى ايه هاكلك طبعا تحبى تاكلى ايه اؤمرى حتى لما اختارتى مكان تعيطى فيه اختارتى المطبخ
حياه .... اولا بلاش تريقه انا بس مالاقيتش مكان اخد راحتى فى العياط من غير ماحد يحس غير المطبخ
ثانيا هاكل اى حاجه
وليد ... اطلبلك بيتزا
حياه .... لا هو سندوتش عشان انام هنزل اعمله وارجع تانى اعملك معايا
وليد .... خلاص خليكى انتى هنا وانا هنزل اعمل وناكل سوا
حياه .... لا مينفعش
وليد .... اقعدى هنا وانا مش هتاخر ويسيبها وينزل يعمل سندوتشات وعصير ويطلع ليها يلاقيها نامت والدموع على خدها
وليد ....زى مامعتز قال بتعملى اى حاجه عشان محدش يحس بحزنك ياحياه بس انا باذن الله هعمل اى حاجه عشان افرحك ويسيب الاكل ويروح جمب حياه ياخدها فى حضنه وينام
______________________
تانى يوم
الكل متجمع على الفطار
ينزل حياه ووليد ....صباح الخير
الكل ... صباح النور
ساره ... صباح الفل على الندله كدا تسبينى وتروح لوليد طيب قوليلى انك عايزه تنامى معاه
معتز بيتصنع الجديه .... تنامى جمبه ازاى مش قولنا لا
وليد ... ايه يا معتز حياه مكانتش عارفه تنام فسهرنا سوا لحد ما نامت مش اكتر
احمد ... معلش يابنى مش هتتكرر تانى لحد معاد الفرح
وليد ... دى مراتى مش هتتكرر ايه بس
حياه ... ممكن اتكلم بس
وليد ... طبعا ممكن دا سؤال
حياه ... معتز مش لايق عليك الدور خالص يمكن هما صدقوا بس انا لا
معتز ... بجد يعنى مصدقتيش زيهم
وائل ... ضحك يعنى كنت بتهزر
معتز ... طبعا دى مراته
وليد ... دا انا صدقت ازاى ما اخدش بالى
حياه ... عشان انا حافظه معتز متربين سوا واعرف امتى بيتكلم بجد وامتى هزار
معتز ... حياه فين السلسله اللى لبستهالك قبل ما اسافر
حياه باستغراب من انفعال معتز .... فوق فى شنطتى
معتز ... وقلعتيها ليه مش نبهت عليكى دى ماتتقلعش خالص
حياه ... معلش يا زيزو بس قلعتها قبل ما اعمل العمليه وبعد كدا كله جه ورا بعض ونسيت
ألبسها تانى مالك بس السلسله كانت ذكرى لحد ماترجع وانت اهوه يعنى حتى لو مالبستهاش مش فارق
معتز ... حياه السلسله دى لو اتقلعت تانى هتبقى بزعل جامد بينا ماشى
حياه ... حاضر أهدى بس فى ايه هطلع ألبسها
معتز ... اه ياريت عن اذنكم انا ماشى
وليد كل دا متابع بصمت ومستنى يعرف سر السلسه وليه معتز مضايق كدا أنها قلعتها وقرر لما يبقى هو ومعتز لوحدهم
احمد ... رايح فين يابنى
معتز ... هروح فرع الشركه اللى شغال فيها هحاول انقل هنا تانى وهدور ع شقه ايجار
احمد ... ينفع يعنى فى شقه تبعنا فى الشارع اللى ورانا انا طلبت أنها تتنضف ليك يعنى ع بليل هتكون جاهزه وكمان عشان تكون قريب من حياه
معتز بتفكير ... موافق بس بشرط
وليد بهزار ... هتتشرط كمان
احمد ... بس يا وليد قول شرطك يا معتز
معتز ... هأجر الشقه منكم مش هقعد فيها كدا
احمد ... كدا هزعل منك بقا
معتز ... معلش عشان ابقى مرتاح
حياه ... معلش يا بابا سيبه على راحته عشان يفضل جمبى وابقى مطمنه عليه
احمد ... اللى يريحكم بس انا مش راضى ها
معتز ... متزعلش بس كدا هبقى مرتاح اكتر عن اذنكم بقا هروح اشوف موضوع الشركه دا يارب يوافقوا بس
وائل ... فى شركه ايه
معتز ... شركه ***
وائل ... طيب اعتبر نفسك اتنقلت وفى الفرع الرئيسى كمان
معتز ... ازاى انت تعرف المدير ولا ايه
وائل .... بضحك دا حبيبى تعالى فى سكتى انا رايح هناك يلا بينا نروح سوا ويمشى معتز مع وائل
احمد ... وانا رايح المستشفى سلام
وليد ... حبيبتى انا رايح الجامعه عند محاضرات النهارده اجازتى خلصت وهطلع منها ع الشركه ياريت تاكلى كويس ومتهمليش نفسك عشان مش هكون طول اليوم هنا اهتم بيكى
ولاء ... متقلقش احنا موجودين معاها وهتاكل كويس
وليد ... ماشى بس فى حاجه مهمه لازم اتاكد منها قبل ما امشى ويمسك كوب لبن حياه تقوم من مكانها بسرعه
حياه ... لا لالالا بقا كدا كتير مش هشرب وبترجع لورا
وليد ... حياه بلاش شغل اطفال تعالى هنا
حياه ... لا طيب حطلى شاى عليه بلاش لبن كدا وهى بترجع لورا لحد ما تلزق فى الحيطه وليد يكتفها زى المره اللى فاتت ويشربها اللبن عافيه وبعد كدا يبوسها من خدها ويحط الكوبايه ويمشى
حياه وشها احمر من الكسوف
ساره وسلمى ... وانا ورايا جامعه سلامه
مفاضلش غير ولاء وملك
ولاء ... انا هشوفهم فى الطبخ
ملك ... تهزر مع حياه عشان تخفف الكسوف شويه
______________________
عند وائل ومعتز يصلوا الشركه ويدخل وائل ع طول مكتب المدير على طول
معتز باستغراب .... طيب مش تستأذن كدا ممكن تحصل مشكله ايه دا هتقعد مكانه كمان وائل المدير لو جه
وائل... ها بقا ايه رايك تشتغل فى الفرع الرئيسى معايا هنا
معتز ... انت
وائل .... ايوه انا دى شركه جدى وانا ماسكها انا ووليد والفرع اللى انت كنت فيه ماسكه ابن عمى يعنى بما انهم مقيمين هناك فهو وعمى مسكوا الفرع اللى هناك
نسيبهم يكملوا
______________________
فى الجامعه
... دكتور وليد ممكن ثانيه بس
وليد ... ايوه فى حاجه
الفصل السادس عشر
بقلم مروه السيد
فى الجامعه
ندى ... دكتور وليد ممكن ثانيه معلش
وليد ... ايوه فى حاجه مش مفهومه
ندى ... لا كنت عايزه اسال حاضرتك على حياه مش عارفه اوصلها مش بترد عليا
وروحت لها المستشفى امبارح قالولى مشيت مع حاضرتك فلو تعرف بس توصلنى بيها
وليد. ... ايه كل دا هى عندى لو حابه انا قدامى محاضره ممكن بعد ما اخلصها اوصلك.لها
ندى ....عندك ليه عايزه اشوفها انا كمان عندى محاضره هخلص وممكن تدينى العنوان واروح لها
وليد ... حياه عندى عشان مراتى خلصى محاضرتك واستنى فى مكتبى هخلص ونمشى
ندى... بذهول مراتك ازاى
وليد ... كدا هتاخر ابقى استفسرى منها سلام
ندى ... بعد ما مشى اوووف مقالش تفاصيل واتجوزت فى يومين ايه ياجزمه تتجوزى من غير ما تعرفينى ومن مين الدكتور إللى مكنتيش
بطقيه بس ازاى وهى بقالها يومين بس يوووه هتاخر ع المحاضره بعد ما اخلص اروح لها وافهم احسن وتروح محاضرتها
عند حياه
ولاء وملك قاعدين مع حياه
وبيتكلموا معاها فى اى حاجه عشان متبقاش لوحدها وتعيش فى وجعها
حياه ... هو انا امتى هبقى بحريتى
ولاء ... ايه دا احنا مضايقينك معلش يا حبيبتى هنسيبك لوحدك اهوه احنا بنحب نقعد كلنا مع بعض وعشان اعتبرناكى مننا بس مكنتش اعرف انك هتزهقى مننا ك
حياه مقاطعه .... ثوانى بس فهمتى ايه انا قاصدى هتحرك براحتى هفك السلك امتى عشان حجه وليد انى ابقى براحتى ومشربش لبن تانى انى افك السلك
ملك ..... هههههههه وماما ولاء اندمجت اوى وانتى قاصدك حاجه تانيه خالص
ولاء... بس ياملك بطلى ضحك عشان كنت زعلت بجد
حياه ... لا يا حبيبتى مقدرش ازعلك بالعكس أنا مبسوطه اوى بوجودكم دا
ولاء ... حبيبتى انتى بقيتى زى بناتى بالظبط
ملك ... وانا يالولو
ولاء ... وانتى طبعا حبايبى انتم
ملك ... بحزن ماما كلمتنى الصبح
ولاء ... مقالتش حجزوا على امتى انتى كدا قربتى تولدى خلاص وانا قولتلها تيجى اليومين دول عشان لو ولدى فجأة
ملك ... مش هتيجى للاسف قالتلى مش هيعرفوا كأنهم لما صدقوا اتجوزت وخلصو منى (ملحوظه ملك تبقى بنت اخو احمد يعنى هى ووليد ولاد عم)
ولاء ... متقوليش كدا انتى عارفه الشركه هناك اللى ماسكها ابوكى واخوكى وامك مش هتعرف تسيبهم لوحدهم
ملك ... ليه هما مش صغيرين ممكن تنزل تحضر ولادتى وترجع تانى ليهم لكن هى تقريبا نسيت بنتها
حياه ... بصى يا لوكا انا معرفهمش بس اكيد لو هى فى أيدها تيجى مش هتتاخر عليكى
ولاء... حلوه لوكا دى
ملك ... ايه لوكا دى يا حياه
حياه ... ايوه كدا فكى محدش واخد منها حاجه
الباب يخبط وتكون الداده بتقولهم أن الغدا جاهز
حياه ... هو انا لو قولتلكم مش جعانه وهنام شويه ووليد ميعرفش عشان هينفخنى تقولوا ايه
وليد ... هيقولوا انك هتتنفخى فعلا (الباب كان مفتوح ووليد واقف ورا حياه )
حياه ... ما انا عارفه عشان كدا بقولكم مايعرفش وبعد كدا تركز استنو كدا مين اللى قلد صوت وليد
ملك وولاء بيضحكوا
حياه ... هو موجود بجد بس لا هو قالى هيروح ع الشركه ومش هيرجع دالوقت
ملك ...طب هنزل انا بقا افترس الاكل على ما تتنفخى قاصدى ع ماتيجى
ولاء ... وانا كمان بلاش تصوتى يا حياه عشان محدش هيلحقك الحقيقه
حياه ... استنوا هتسبونى لوحدى
وليد ... بيحاول يدارى ضحكه بعد ماطلعوا كنتى بتقولى ايه بقا
حياه ... مقولتش حاجه
وليد ... لا قولتى تقريبا عايزه تنامى ومش هتاكلى
حياه ... لا مقولتش كدا تلاقيك سمعت غلط انا بقول جعانه هنزل اكل وبعد كدا اطلع انام شويه
وليد ... بجد طب يلا عشان تاكلى وكمان ف مفاجأة تحت هتعجبك اوى
حياه ... مفاجأة ايه
وليد ... البسى الطرحه وانزل وانتى تعرفى وفعلا لبست الطرحه ونزلوا سوا حياه اول ما شافت ندى كانت بتجرى عليها بس وليد مسكها
وليد. ... براحه فى عمليه تتعبك
ندى. .. عمليه ايه دى مالك يا حياتى وتجرى ندى عليها تحضنها
حياه ... دى الزايده بس الدوك مكبرها شويه
ندى ... قاعده فى بيته وبرضوا دوك يابنتى خافى ع نفسك
حياه ... لا وكمان بقا جوزى تعالى هحكيلك انتى وحشانى اوى تعالى نطلع فوق عن اذنكم ياجماعه
ولاء... طيب تعالو كلوا لاول واطلعوا براحتكم
حياه ... لا مش جعانه وندى وحشانى اوى
وليد ... يمسك ايد حياه مفيش اكل يبقى مفيش ندى وزى ماجبتها هاخدها اروحها
حياه ... سيب ايدى كدا بس وورينى هتعملها ازاى بقا ومش هاكل
وليد ... حياااااه انا ورايا شغل يلا ناكل عشان أمشى ولا انتى لازم أكلك بايدى زى اللبن
حياه... اوووف بقا هو كله عافيه كدا
وليد ... ما انتى اللى مش بتسمعى الكلام
ندى .... بااااس حتى هنا دا انا قولت اتعودوا على بعض وبطلتو خناق روحى ياحياه كلى وانا مستنياكى هنا يلا بقا اسمعى كلام جوزك عشان فضولى هيموتنى اعرف بقا جوزك ازاى
وليد ... تستنى فين يلا انتى كمان تاكلى
ندى ... الف هنا بس انا مش جعانه
حياه ... لا مع دكتور وليد مفيش لا تعالى بقا ما انا مش هاكل عافيه لوحدى وتمسك ايديها ويروحوا عشان ياكلوا
ولاء ... كلى يا حبيبتى متتكسفيش
ندى ... شكرا يا طنط بس انا شبعانه فعلا
وليد ... كلى يا ندى اعتبرى نفسك مع أهلك وانسى انى دكتورك حاليا انا جوز صحبتك دكتورك فى الجامعه بس
وانتى يا
حياه تقاطعه ... باكل اهوه باكل اكل ولبن اكل ولبن
وليد ... بتقولى حاجه
حياه ... لا بقولك كل حلو
وبعد شويه يخلصو ووليد يروح الشركه وكان ساره وسلمى رجعوا ويقعدوا مع ملك وولاء
وندى وحياه فى اوضه وليد
ندى ... يا نهار ابيض معقول