#حب بنت الشوارع (حياه الصقر) 2
بقلم ملك اسامه
الفصل الثانى والثالث
حياه أبتسمت لكن أبتسامتها أختفت لما سمعت صوت هي عرفاه كويس:صقر الصفتي واااحشني قد الدنيا
حياه لفت لمصدر الصوت و كان هو نفس الشاب اللي كان هيشتريها حياه أتصلبت مكانها و مش قادره تستوعب يعني ممكن صقر اللي ساعدها هو أصلا اللي عايز يشتريها ولا هو ميعرفش الموضوع دا أصلا؟؟
كل الأفكار دي بتدور في دماغها و هي شايفه صقر قام و بيحضن الشاب دا و الشاب بيبتسم و بيحضنه.
صقر:أعرفك يا حياه وليد عبدالله أبن عمتي
وليد بمكر:مين دي يا صقر أومال؟؟
صقر:دي حياه هتبقي ضفيتنا هنا
حياه كانت بتنقل نظراتها بينهم بخوف و بعد وقت قدرت تستوعب الموقف و قامت عشان تطلع أوضتها
صقر:حياه رايحه فين!!
حياه بصوت مهزوز:هنام هنام و تعبانه هنام
صقر بأستغراب من حالتها:طيب
حياه بصتله بخيبه أمل و طلعت و هي حاسه إنها مخنوقه عاجزه مش عارفه تعمل إيه هي بالنسبالها صقر كان منقذها
لكن دلوقتي حست أنه عدوها أو مش عدوها ممكن يكون مدمرها لأنها مش هتعرف تعادي صقر الصفتي هربت من كل الأفكار دي بالنوم.
^^^^^^^^^^^^^
تحت صقر قاعد مع وليد و بيتكلموا و موبايله رن٠
صقر:طيب لحظه يا وليد دي أميرة
وليد:أيوة ياااعم والعهه معاك
صقر:بطل نبر يا زفت
وليد:طيب متنساش تقولها علي حوار البت دي
صقر:اسمها حياه علي فكره مش البت دي
وليد ضحك و صقر بصله بزهق و دخل يكلم أميرة... رجع بعد مده و قعد مع وليد و صقر أصر عليه يبات و دخله أوضة من
مرحبا بكم في مدونة كرنفال الرويات
الأوض الموجوده و دخل أوضته فتح موبايله بيكلم أميرة لكن صورة حياه بتظهر قدامه و كان تلقائي بيبتسم أستغرب نفسه
ليه بيفكر فيها؟؟وراها إيه طيب؟؟تفكيره دا مينفعش غير لما يعرف وراها إيه تفكيره مينفعش أصلا غمض عينه بإرهاق و نام٠
^^^^^^^^^^^^^^^^^^^^^^^
صباح تاني يوم
صقر صحي بإرهاق و تعب و أستغرب الحلم اللي حلمه لكن مدهوش أهتمام و دخل يأخد دش و يصلي خلص و لبس بدله سوده و سرح شعره و نزل كان وليد تحت مع العيله بيفطروا و حياه لسه مصحتش٠
وليد بصفير:صقر الصفتي قاهر قلوب العزارههه
صقر ضحك و اتكلم بثقه:عيب عليك صقر الصفتي لو لابس إيه هيفضل قاهر قلوب العزارهه
ناهد:طيب أقعد يا قاهر أقعد
صقر ضحك و قعد و أنتبه إن حياه مش موجوده:فين حياه يا ماما
ناهد بخوف:حياه يا صقر إمبارح باليل كانت عماله تصوت و تعيط و صحيت من نومها مفجوعه و بتأخد نفسها بالعافيه
صقر بصدمه:يعني اللي أنا سمعته دا مش حلم
ناهد بأسف:آه و الحمدالله لما تعبت نامت من شوية
صقر و هو قايم:تمام أنا طالع أطمن عليها
ناهد:أصبر أطلع معاك
صقر هز رأسه و خلاها تطلع قدامه و طلعت غطت حياه كويس و دخلته أطمن عليها و طلع (مش معني إنها مش
محجبه يبقي هي مش محترمه)صقر حاسس بحاجه غلط و كلف وليد أنه يعرف معلومات عن حياه و وليد بدأ يجبله معلومات ٠
^^^^^^^^^^^^^^^^^^^
باليل
حياه قدام المرايا بتسرح شعرها و هي خايفه دخلت ناهد عليها و حياه بصتلها كأنها أنقذتها من أفكارها.
حياه:طنط ناهد أنا عايزة أمشي من هنا ممكن؟؟
ناهد:ليه كدا يا حياه
حياه:معلش يا طنط عشان خاطري
ناهد قعدت قدامها و بصتلها جامد:حياه ممكن تحكيلي؟؟
حياه بتنهيده:لو حكيتلك مش هتصدقي أو هتكدبيني او هتسكتيني عشان مش عايزة تصدقي
ناهد مسكت أيدها:وعد وعد مهما اللي هتقوليه هصدقه و هحاول أساعدك حتي لو هتقولي حاجه عن صقر
حياه بأمل:وعد؟؟
ناهد:وعد
حياه بدأت تحكي اللي حصل و خلصت و بتبصلها تشوف رود أفعالها ٠
ناهد بصتلها كتير و بعد كدا قامت عشان تمشي..حياه مسكت إيدها و بصتلها بخوف...ناهد مسحت علي شعرها و قالت:متخافيش هساعدك أنا وعدت
حياه هزت رأسها بأطمئنان و راحه و نزلت معاها ٠
نفس نفس الوقت كان وليد و صقر رجعوا من الشركه و حياه و ناهد نازلين ٠
ناهد بغموض:صقر عيزاك
صقر:ماشي بس ثانيه يا ماما عايز حياه في كلمتين
ناهد:عيزاك حالا و في المكتب
ناهد دخلت المكتب و صقر بص لحياه بصة غريبه و دخل ورا ناهد ٠
وليد:هاي
حياه بقوه:نعم؟؟
وليد:أحب أقولك إن بعد شوية هتطردي من هنا
حياه:آه أنشاءالله
وليد بصلها بزهق و قعد قدامها و هي قعدت قدامه بتحدي ٠
بعد مده صقر خرج من مكتبه هو و ناهد بغموض و وقف قدام حياه ٠
حياه أبتسمت:في إيه؟؟
صقر بجمود:في أنك ملكيش مكان هنا
حياه بصدمه:إيه؟؟
صقر أبتسم علي صدمتها و بص لناهد و ضحكوا
صقر:أهدي أنا بهزر أقصد إن مكانك مش هنا مكانك هيبقي في الشركه و من النهارده أنتي معايا في الشركه و البيت
وليد بصدمه:اللي هو إزاي دا؟؟
صقر بجمود:ملكش دعوه هتبقي السكرتيره بتاعتي
وليد:حتي بعد اللي عرفته؟؟
صقر:آه
صقر بص لوليد نظره غريبه و طلع أوضته وليد نفخ بضيق و طلع هو كمان...
ناهد:قولتلك هساعدك حتي لو إيه بس لازم نعرف وليد كان عايز يشتريكي ليه
حياه:أنتي قولتي لصقر إيه؟؟
ناهد:قولت اللي قولته المهم دلوقتي نعرف حكايه وليد
حياه:في العاده اللي بيشتروا البنات بيشغلوهم في دعاره أو بيسرحوهم و بيشحطوا أو بيأخدوهم يتمتعوا بيهم
ناهد:بس وليد ميعملش كدا و ملهوش في كدا
حياه هزت أكتافها بمعني متعرفش و ناهد نفخت بضيق لأنها مش فاهمهه و قامت....
^^^^^^^^^^^^^^^^
باليل
البيت كله نايم و حياه في أوضتها نايمه حست بحد بيشيل الغطا من عليها فتحت عنيها و....
الفصل الثالث
قبل ما نبدأ حابه أقولكوا حاجه إن أي حاجه الإنسان بيعملها بيبقي ليها غرض مش لازم يبقي شرير ممكن يبقي بيساعد بس التعبير خانه و اتمني إن تفاعلكوا ميقلش عشان الرواية لسه في البدايه 💙👀
باليل
البيت كله نايم و حياه في أوضتها نايمه حست بحد بيشيل الغطا من عليها فتحت عنيها و أتصدمت إن ناهد اللي موجوده بس اتنهدت براحه و فتحت النور.
حياه:في إيه؟؟
ناهد:حياه أحنا لازم نعرف وليد كان عايز يشتريكي ليه
حياه:يعني يا طنط مصحياني بالخضه دي عشان تقوليلي كدا
ناهد:لا عشان أقولك إن أنا و عاصم و وليد مسافرين بكرا فمش هيكون موجود معاكي غير صقر و الخدم و كدا و مش عايزة أسببلك أي حرج فيعني
حياه بأبتسامة:فهمتك لا مش هيبقي في مشكله وبعدين انا هبدأ شغل مع صقر من بكرا و هنبقي طول النهار في الشركه بس برضو افهم أنتي قولتيله إيه
ناهد بفخر:قولتله إنك ممكن تساعديه في الشركه و إنك طيبه و محترمه
حياه بشك:بس!!
ناهد:لا طبعآ مش بس أكيد حكيتله عن وليد و عشان كدا مسافرين عشان نعرف وليد ليه كان عايز يشتريكي
حياه:اه تمام تمام
ناهد بحنيه باستها في رأسها و قامت:تصبحي علي خير
حياه أبتسمت:و أنتي من أهله
ناهد طفت النور و طلعت و حياه حاولت تنام بس مش عارفه قامت و لبست حاجه تقيله و طلعت في البلكونه قعدت حوالي نص ساعه في صمت لكن قاطع صمتها صوت خناق من
البلكونه اللي جمبها و صوت تكسير و صقر طلع وقف في البلكونه و كان غضبان لدرجه أنه محسش بيها أصلا..
حياه:احم
صقر بأنتباه:حياه!!أنتي صاحيه؟؟
حياه:آه يعني من شوية
صقر:آه تمام
لحظات من الصمت و الإتنين اتكلموا في نفس الوقت و بعد كدا ضحكوا.
صقر:قولي قولي
حياه بضحك:لا أنت الأول
صقر:طيب ياستي عمتآ عايز أقولك إن وليد أكيد مكانش هيعمل معاكي شئ وحش دا أبن عمتي و أنا عارفهه
حياه بحيره:مش عارفه بس طريقته مكانتش بتقول كدا
صقر:وليد كدا دايما طريقته مش بتبقي واضحه بس صدقيني لو هو كان هيعمل معاكي حاجه وحشه كان أول ما شافك حاول يتعرضلك
حياه:أما نشوف ياعالم بقي كان عايز إيه
صقر هز رأسه و رجعوا تاني للصمت اللي قطعته حياه.
حياه:علي فكره إنك تكسر حاجه لمجرد إنك متعصب دا مينفعش
صقر أتنهد بقوه و بصلها:عارف بس مش بعرف أتحكم في نفسي خصوصآ لو بسبب خطيبتي
حياه بصدمه:خطيبتك؟؟
صقر:آه أكيد مكنتيش تعرفي لأنها مجتش هنا ولا مره
حياه:آه طيب مالها خطيبتك؟؟
صقر:عارفه يا حياه أنا و هي مبنحبش بعض
حياه بأستغراب:في أتنين مخطوبين ميحبوش بعض؟؟
صقر بضحكه:إحنا..كنا مبهورين ببعض من البداية أتخطبنا عشان شغل أهلنا مكناش مهتمين ببعض و لحد الآن مش
مهتمين لكن عارفه بتعمل حاجات بحس انها قاصده تجرح رجولتي بتسهر لحد الفجر مثلا بتقرب من الرجاله حاجات كتير هي متعوده عليها لكن و هي مخطوبة في أختلاف
حياه بتفهم:طيب ما تحاول تكلمها
صقر:أنتي فاكره إني مكلمتهاش و كنت دلوقتي بكلمها لكن لاقيتها بتقولي صقر أنت خنيق و الخطوبة دي خنيقه أوف و قفلت قومت كسرت الموبايل
حياه:طيب مادام كدا ما تنهي
صقر:بفكر من زمان أعمل كدا و لكن بحاول لحد الآن منهيش يمكن
حياه هزت كتافها:يمكن
صقر أبتسم و بص للقمر و هي اتنهدت و قامت:تصبح علي خير
صقر:و أنتي من أهله
حياه دخلت و صقر أتنهد أنه أخيرا أتكلم مع حد هو كان محتاج دا فعلآ...و دخل نام.
^^^^^^^^^^^^^^^^
تاني يوم
وليد و ناهد و والد صقر سافروا و صقر أخد حياه و وصلوا الشركه دخلت حياه مع صقر و قعدت...
صقر:تعالي معايا
أخدها و طلعوا لمها السكرتيرة و اتكلم معاها كتير و ساب حياه معاها و دخل مكتبه..
مها بأبتسامة:تعالي يا حياه
حياه قعدت معاها و بدأت تشرحلها الشغل و حياه شوية شوية اندمجت معاها و صقر بيتابعها..
^^^^^^^^^^^^^^^
يومين مروا و ناهد و عاصم مسافرين و حياه بتتعلم الشغل بسرعه و صقر معاها خطوة بخطوة...
في يوم
حياه:صقر ممكن منروحش النهارده الشركه!!
صقر:أشمعني!!
حياه:النهارده عيد ميلاد أبن سعديه الداده و عايزين نحتفل ممكن
صقر بأبتسامة:نحتفل اكيد منحتفلش ليه و أنا معاكوا
حياه فرحت و بدأوا فعلآ يظبطوا كل حاجه و حياه و صقر بيعملوا الكيكه..
حياه:صقر مش كداا مش كداا
صقر:ما تيجي تعمليها أنتي يا حيااه بدل دا كلهه
حياه:أنت اللي طلبت علي فكره تعملها
صقر:كنت فاكرك هتقولي لا مش هتعبك
حياه بضحك مسكت شوية دقيق و رشته علي صقر:لا يا حبيبي هتعبك
صقر بصدمه:أنتي عملتي إيه!!
حياه مسكت شوية تاني و رشت عليه:عملت كداا
صقر مسك الدقيق هو كمان و كان بيرش عليها
حياه و هي بتستخبي في داده سعديه :دادههه سعديه الحقناااي منه
سعديه بتضحك و صقر بيحاول يمسك حياه و مش عارف و هي بتطلع لسانها و بتضحك..
صوت من وراهم:الله الله صقر الصفتي بيلعب مع الخدامين..