واية ظلام الرعد الفصل الخامس والعشرون25 والسادس والعشرون26 بقلم فاطمة عيد

الفصل الخامس والعشرون

دلفو الي القصر والإبتسامة تحتل ثغرهما وسط بعض الكلمات التي يتفوهو بها لتتغير هيئتهم حينما وجدو هيئه الحاضرين ...ورد تبكي وادهم يحاول أن يهدأ من روعها ...مازن في حاله من الذهول ..أما الجد فكان يجلس بشموخ وجهه يخلو من التعبيرات تحمحم رعد بحرج وهو يقول:-

خير ياجدي قاعدين كده ليه

سيد:-

داليا سابت البيت....داليا رجعت لفاروق يارعد

ابتسم بسخرية وهو يقول:-

كنت متوقع كده ...بس مكنتش متوقع أنها تهرب

سيد:-

هي اللي اختارت تتحمل نتيجه اختيارها

ورد:-

يعني اي هنتخلي عنها

رعد بحزم:-

البيت ده مفتوحلها في اي وقت ...زي ما سابته واتخلت عننا بإرادتها مش هترجع لي غير بارادتها ... احنا مش هندور عليها مدام هي معاه

ورد:-

انت اي حجر دي امك

غادر من أمامها حتي لا يفرغ غضبه بها ...نظرت إليها كيان بعتاب وركضت وراءه

-دلف الي غرفته ودلفت هي وراءه ليقول بغضب:-

كيان بعد اذنك انا عايز ابقي لوحدي

كيان:-

هقعد ومش هتكلم

استسلم لرغبتها لتتجه إليها وتعانقه وهي تقول:-

هي بتحبه وضعفت عادي بتحصل

رعد:-

طب وانا غلطت ف اي هو كل شويه فيلم جديد ولا اي ياكيان انا من حقي اهدي الاول ساره بعدها انتي بعدها ابويا وهو بيحاول يخليني اخذلك واطلقك وبعديها امي اللي بعد كل إهانته ليها رجعتله ده غير مشاكل الشغل ومسؤوليه العيله انا تعبت

كيان:-

هي اختارت الوقت الغلط وكمان طريقه رجوعها لي  مكانتش صح

رعد:-

لو حاولت ارجعها هتفتكر اني اناني خليها هي اختارت شكل لحياه جديده واحنا هنسيبها تعيشها...كل حاجه هتفضل زي ما هي الفرح ف معاده وممنوع تحضره

كيان:-

بس

رعد:-

كلامي يتنفذ ياكيان انتهينا

في الاسفل

سيد:-

خد مراتك وروح ياادهم

ادهم:-

يلا ياورد ...ياحبيبتي هي رجعت لباباكي وزمانها مبسوطه دلوقتي انتي منكده علي نفسك ليه هي كويسه

ورد:-

دي كاتبه انها مش عايزه تعرف عننا حاجه تاني

سيد:-

فاروق لعب ف دماغها ..وهي اديته الفرصه وصدقت زي ما قدرت تتخلي  عنكم ..انتو كمان لازم تقدرو تكملو حياتكم

--------

في منزل چنا.....

تجلس في صمت وتوتر ليقول عز:-

لا مش كده انا عندي شغل ..عايزه اي ياچنا

چنا:-

عز هو انت بتحبني

عز:-

أعتقد أن دي حاجه متخصكيش احنا اتفقنا علي الحدود

چنا:-

بس انا مش عايزه الحدود دي ...عز انا حبيتك ..انا عارفه أنه جنان وعارفه اني معرفش عنك حاجات كتير بس حبيتك ..انا اطمنت أما أنت عملت كل ده عشاني واما اطمنت بوجودك حبيتك انا مش عايزه اكون مراتك بالاسم وبس انا عايزه اكون مراتك بجد واوعدك اني هكون اد المسؤوليه

عز:-

يعني مش شايفه انك اتسرعتي

چنا:-

لا ..انت هتبقي جوزي خلاص تسرع اي بقا

---------

في المانيا

داليا:-

تفتكر رد فعلهم اي

فاروق:-

ولا حاجه محدش كان حاسس بيكي وانتي معاهم اكيد مش فارقه معاهم دلوقتي .. لكن بعدك كان فارق معايا انا واديكي شايفه من ساعه ما بقيتي معايا وانا الفرحه مش سايعاني

داليا:-

ياحبيبي يافاروق

فاروق في نفسه:-

الفرحه مش سايعاني فعلا كفايه اني رديتلهم القلم وحرمتهم منها وبكده هبقي كسرته زي ما خسرني

--------

في القصر..

لازالت نائمه علي صدره لكنه لا يشعر بها...لا يشعر بأي شئ تساقطت دموعه رغما عنه ..تركته وذهبت بكل هذه السهوله...تذكر كل شئ حدث بينهم حتي سئم من تلك الأفكار التي تزيد انين قلبه ..آفاق من شروده وهو يشعل سيجارته لتستيقظ هي وتقول:-

مش قولنا تخف سجاير بقا

رعد:-

بذمتك ده وقته

كيان:-

اقنعتني ماتجيب سجاره

رعد:-

شكلك هيبقي كويس اما اكسرلك دماغك مش كده

كيان:-

رعد انت مش اوبن مايند ليه

رعد:-

كيان انتي مترتبتيش ليه

كيان:-

مجتش مناسبه

-ابتسم علي هيئتها لتقول هي :-

رعد متفكرش كتير

رعد:-

شايفه أن الموضوع ميستاهلش التفكير

كيان:-

يستاهل...مكنتش متوقعه كده

رعد:-

طب انتي زعلانه ليه

كيان:-

يمكن لو مكنتش اتمنيتك زمان مكانتش ساره خانتك عشان القدر يمهد حياتي معاك ...يمكن لو مكنتش رجعت مصر واتجوزتك مكانتش طنط مشيت ...انا السبب يارعد انا ظلامك

رعد:-

مش انتي السبب ده قدر وياتري مخبي اي تاني

كيان:-

مستغربه هدوئك

رعد:-

ورا الهدوء ده نار محدش حاسس بيها

كيان:-

طب ما نكلمها ونعرفها اننا مش رافضين أنها تعيش معاه علي الاقل نطمن عليها

رعد:-

لا هي هترجع مسير الايام ترجعه

البارت👇26👇

ذهب إلي الشركه قرر انقطاع اجازته ...دلف معتز الي الشركه واتجه الي مكتب يقين ليقول لها:-

صباح الخير ياقمر

يقين بابتسامة :-

صباح النور....لمين الورد ده يالمبي

معتز:-

هيكون طالع بيه القرافه مهو ليكي يابومه

يقين:-

لا ده انت حلو بقا وبتعرف تنكد

معتز:-

انا مش بنكد عليكي انا بوصفك

يقين:-

احم ...رعد باشا ف مكتبه علي فكره

معتز:-

اي اللي جابه ده....عموما علي معادنا بليل

يقين:-

اها ماما مستنياك

اقترب منها وهو يقول:-

طب وانتي هتستنيني مع ماما ولا لا

يقين بخجل :-

هستناك

معتز:-

انتظريني انا مش جاي..سلام

اتجه الي مكتب ذلك الرعد ليدلف إليه هو يقول:-

اي اللي جابك دلوقتي يارعد

رمقه بنظره حاده غاضبه ليقول الاخر :-

العاصفه بدأت

رعد :-

تعالي اقعد

معتز:-

قعدنا اهو قول بقا قطعت اجازتك ليه

رعد:-

اولا انا مش طايق البيت ...ثانيا الجاسر أعلن إفلاسه وشركاته هتتباع برخص التراب وانت اللي هتتفاوض معاه لكن النسبه

 الاكبر هتكون ليا ولو بشكل مؤقت

معتز:-

عايز تحسسهم انك اخدت مكان الكل وكل اللي كانو فيه هيبقي مملكتك

رعد:-

انتقام ..بعمل كده بدافع الانتقام ..انا عارف ان امي مش ف امان هناك لكن مش قادر احميها

معتز:-

اما اروح اتفاوض مع الجاسر هاخد الناس اللي امنه الشركه هنا يحطو اجهزه تجسس ف بيت والدك ف كل مكان وبكده هتطمن عليها

رعد:-

مفيش حل غير كده ...هتجسس عليهم علي اخر الزمن

معتز:-

عموما فكر ....هسافر أمتي

رعد:-

بعد بكره وهسافر معاك انا وكيان

معتز:-

فرحكم قرب حرام البهدله دي

رعد:-

متقلقش كل حاجه هتتنفذ ف معادها ...اخوك ناوي علي امتي

معتز:-

كان في مشكله بينه وبين خطيبته واما اتحلت اصريت أنه يدي لنفسه فرصه اطول يعرفها وتعرفو كويس ..اجلنا يعني

رعد :-

ربنا يتمم بخير ...روح كمل شغل

-دلفت إليهم في ذلك الوقت لينظر إليها بدهشه ويقول:-

اي اللي جابك

كيان:-

ماانت جيت

معتز:-

طب استأذن انا بقا

خرج متجها الي مكتبه بينما جلست هي علي المكتب ليقول رعد:-

اقعدي عدل

كيان:-

ولو فضلت كده

رعد:-

كيان انا مش بهزر

كيان:-

طب قولي السكرتيرة الجديده دي علي طول حرانه كده....ولا هدومها وأكلها الفار

رعد:-

أدهم نبه عليها كذا مره وهي مبتسمعش الكلام والبنت شاطره انا مالي ومال طبيعه لبسها

كيان:-

انا مليش دعوه بأدهم ..لو جيت لقيتها كده تاني هتخانق علي طول

رعد:-

مش وقتك خالص

كيان:-

عارفه

رعد:-

يبقي اسكتي

------------

في القصر

جلس الجد برفقه مازن ليقول الجد:-

مازن انت كويس

مازن:-

لا....ليه مطلوب مني دايما اتظاهر بأني كويس ...انا عمري ما كنت كويس انا انسان مش مستقر ف اي حاجه عيشت طول

 عمري بين هنا وألمانيا وانا مش عايز ده ..فضلت عايش من غير هدف ولا طموح لانه عودني أن طول ما الفلوس موجوده

 كل حاجه هتبقى تمام ..عيشت ف خوف ممنوع اجادل ...ممنوع ادافع عن حقوقي ..ماحدش كان بيسمعني من قلبه

 ولو سمع مكنش بيفهم..ف نظركم انا عايش حياتي بالطول والعرض لكن ف نظري انا عمري ما عيشت...اتربينا وسط اب

 وام معرفوناش اصول دينا ولا دنيتنا ..ام اهتماماتها كانت الفاشون والنادي وسيدات المجتمع ورغيهم اللي مبيخلصش

 اللي نصه مبني علي الكدب ..اتربينا وسط ناس بتحكم بالمظاهر ...اتربينا وسط عنصريه فكريه واجتماعية ...تقدر

 تقول ما اتربيناش اساسا احنا شوفنا بس ..ورد كمان تايهه ف

 حياتها اتجوزت أدهم عشان كانت رومانسيه وفاكره أن الجواز هيكون افضل ...مااتجوزتش وهي فاهمه معني المسؤوليه اللي

 بجد عشان كده أدهم بيعاني معاها وهو بيتعامل علي انها طفله مش واحده ناضجه..رعد كان قوي مشي بدماغه وبس

 ودي احسن حاجه...واهي دلوقتي اتخلت عن الكل ومش عايزه تعرف عننا حاجه وانا كمان مش عايز اعرف عنها اي حاجه

نظر الجد بشموخ وهو يقول:-

اول مره تتكلم كده

مازن:-

عشان عمري ما اخدت حقوقي ك انسان والسبب اهلي ..هما عاشو حياتهم واتعلمو من أخطائهم لكن مش عايزين يدونا حق

 اننا نعيش...حتي رعد رغم نجاحه كرجل اعمال مشهور ومسؤولياته الكتير كان ف نظرهم من ضمن الجيل الفاشل زي

 ما بيقولو طب وهما اي النجاح اللي قدموه اساسا ...اتهمونا بالفشل وهما مش ناجحين..! ياتري مين السبب ف دمار نفسي

 لاغلبيه الجيل ده ...اب وام مش متقبلين كلمه قدر زي اللي حصل مع رعد ولحد دلوقتي بيفكروه بيه ولامين

 السبب...المشاكل اللي بنعملها بتبقي ماضي ...العيب مش فالماضي ده لان حتي لو دفنته ..هما بكلمه واحده قادرين

 يحيوه جواك ..لو فضلنا نحاسب بعض علي أخطاء انتهت مش هنعرف نكمل ...هما اساسا مش مدركين ان محدش لي الحق

 أنه يحاسب ف حاجه انتهت ربنا وحده اللي هيحاسب عليها

سيد:-

لسه قدامك فرصه يامازن فرصه تحيي الامل جواك وترجع

 تحلم من جديد انا معاك وانت هتقدر تثبت نفسك انا واثق من ده

---------

بعد مرور عده ساعات

في منزل يقين...

ابتسام:-

معتز كل اللي انت قولتو ده كلام جميل ...بس اكيد انت واخد بالك من فرق المستوي الاجتماعي

معتز:-

وانا يهمني مستواكم الاجتماعي ف اي ...انا يهمني يقين وأخلاقها

ابتسام:-

انا اللي يهمني سعاده يقين وبس

معتز:-

ودي انا اضمنهالك يقين ف عيني وكمان اهي فتره الخطوبه تقييم لده

اكملو حديثهم وقرأو الفاتحه ..ولكنهم لم يستقرو علي معاد محدد لاتمام خطبتهم

          الفصل السابع والعشرون من هنا

 لقراءة باقي الفصول من هنا