رواية حب بنت الشوارع حياة الصقر الفصل الثامن8 والتاسع9 بقلم ملك اسامه

حب بنت الشوارع (حياه الصقر)

بقلم ملك اسامه 

الفصل الثامن والتاسع

البنات جريوا علي جوا و هما مخضوضين.. 

سمر: أكيد البيت اللي جمبنا هما دايمآ كدا 

حياه بأستغراب: دايما!! 

سمر: آه دايما أصل عندهم فرح من شهر مش عارفه إيه الفرح اللي يفضل شهر دا والله 

حياه بصتلها بأستغراب و استغرابها مادامش مع دخول صقر و عيلته و ناهد بتقول: دا جنان دا اللي عملتوه والله. 

صقر ضحك و هو بيحط المسدس في إيد والد وليد.. 

حياه بصدمه: هو أنتوا اللي ضربتوا نار!! 

ناهد: الأستاذ صقر عشان مجنون 

حياه: صقر!! 

ناهد: أيوة 

حياه بصتله بأستغراب و هو ضحك.. 

صقر بضحك: أيوة يعني بابا قالي يوم فرحه هو و ماما ضربوا نار فأنا بصراحه حبيت أضرب نار النهارده و بما أنهم وافقوا فضربت لكن نونا كانت خايفه 

حياه بتريقه: نونا بس!! أنت مشوفتش الرعب اللي كنا فيه بسبب ضربك دا 

ناهد: قولتله و كمان قولتله إنها عادات قديمه خلاص و أنه مينفعش بس أصر 

🍁🍁🍁🍁مرحبا بكم مدونة كرنفال الرويات ترحب بكم وتقدم لكم كل ما هوا حصري وجديد

حياه هزت رأسها بتفهم و كلهم قعدوا و بعد وقت سفيان و تولين وصلوا.. 

صقر: إيه رأيكوا نروح المنطقه اللي فيها مياه بكرا؟؟ 

سفيان: أشطي موافق جدآ 

تولين بأستغراب: هي آيه المنطقه اللي فيها مياه دي!! 

سفيان: بصي ياستي دي منطقه كدا بعيده عن هنا شوية فيها مياه عذبه و حواليها زرع و كدا يعني منها فسحه و منها ننزل المياه 

تولين لأنها محجبه: طب بالنسبه للبنات!! 

سفيان: في جمب المنطقه دي جزء صغير مقفول للبناات بتدخلوا و يتقفل عليكوا تخلصوا و تطلعوا تاني 

ناهد: روحوا أنتوا الشباب إحنا لا هنقعد نظبط الدنيا و نعزم الناس 

صقر: بس يا ماما 

عاصم: والدتك عندها حق يا صقر بعد ما نخلص من الفرح نبقي نروح كلنا لكن دلوقتي أنتوا الشباب و بالمره تفرجوا حياه و تولين علي المنطقه 

صقر: خلاص تمام وليد كلم مها تيجي معانا 

وليد هز رأسه و هو مش رافعها لصقر ولا عايز يبص في عيونه أصلا.. 

صقر أتنهد بقله حيله لأنه لاحظ حركاته وانه مش عاوز عينه تتحط في عيونه.. 

سفيان بصلهم بأستغراب و فهم إن في حاجه..

ناهد دخلت مع الستات المطبخ و الرجاله طلعوا لأوضة فوق مخصصه لقعدتهم و اللي فضل الشباب و البنات..البنات انسحبوا مفضلش غير حياه و تولين..

صقر:وليد عاوزك برا 

وليد:لا معلش هطلع أنام 

صقر:وليد عاوزك يلا 

وليد قام عشان مش عاوز صقر يتكلم قدام شباب العيله..

سفيان:طيب بعد أذنكواا 

سفيان قام وراهم و حياه اخدت تولين و قاموا.. 

^^^^^^

برا 

صقر:ليه بتعمل كدا؟؟

وليد:عشان مكسوف منك 

صقر:أنت أهبل!!وليد احنا قبل ما نكون قرايب إحنا صحاب 

وليد:بس أنا عملت حاجه تستاهل إني اوطي رأسي 

صقر:وليد يكفيني إنك ندمان بس عاوز أفهم عملت كدا إزاي!!كنت شارب طب ازاي!!

وليد:لا مكنتش شارب هحكيلك اليوم دا روحت شركه عمار الدسوقي لأنه كان بعتلي و عايزني أستغربت لأننا أعداء في

 السوق لكن بعد كدا فهمت لأنه قدملي عصير و طلع في العصير دا منشط و بدأ مفعوله أول ما وصلت الشركه تاني و وقتها مها هي اللي كانت موجوده و اللي حصل حصل 

صقر:طيب و هو عرف منين إن كل دا هيحصل!!ممكن!!

وليد:لا مها مش معاه لأني بعد ما خلصت دخلت المكتب لاقيت بنت نايمه و فهمت إن البنت دي هي اللي معاه 

صقر:آه يا ابن الكلب بقي الو***عمل فيك كدا 

وليد:خلاص اللي حصل حصل دلوقتي إحنا في دلوقتي و الأهم النتيجة مش يمكن جوازي من مها يكون خير 

صقر بإبتسامة:هو أكيد خير

سفيان من وراهم:يا زبااله أنت و هو إزاي مقولتوليش علي اللي حصل 

صقر:عشان مها يا سفيان سمعتها 

سفيان بتفهم:آه صح بس الأهم أنك فعلآ تبص للنتيجة 

وليد بإبتسامة:باصص والله باصص و كمل بغمزة:و أنت ياسي صقر إيه الأخبار؟ 

صقر:إيه!!

وليد:عليا أنا برضو حياه 

سفيان بخبث:أما يا وليد متعرفش إيه اللي حصل في مكتب صقر..

صقر حط إيده علي بوقه و عمل نفسه كأنه بيتف عليه سفيان ضحك و الإتنين ضحكوا معاه..

^^^^^^^^^^

تاني يوم 

الشباب جهزوا و لأنهم مش كتير أخدوا عربيتين..

واحده لسفيان و تولين و وليد و مها و صقر و حياه.

واحده تانيه لباقي الشباب و البنات اللي هما أحمد و عبدالله و رؤية و هاجر و ريم..

🍁🍁🍁🍁مرحبا بكم مدونة كرنفال الرويات ترحب بكم وتقدم لكم كل ما هوا حصري وجديد

حطوا الحاجات في العربيات و ركبوا.

حياه طول الطريق نايمه علي كتف صقر و كل شوية تصحي مفزوعة من كوابيس غريبه..

وصلوا المنطقة و نزلوا فرشوا ملايه علي الأرض و حطوا الأكل و الشباب أستعدوا عشان ينزلوا المياه..

تولين:طب و إحنا!!

سفيان:ادخلوا 

تولين:طب و الأكل 

سفيان ضحك و هما معاه معادا تولين.

تولين:بتضحكوا ليه!!

سفيان:حبيبتي أنتي متوقعه إن حد هيسرق الأكل لا بجد!!

تولين:آه عادي 

سفيان:ربنا يشفي أدخلوا يلا يلا 

البنات دخلوا و الشباب نزلوا المياه و فضلوا يعوموا البنات تعبوا قرروا يغيروا و يطلعوا برا غيروا و طلعوا و الشباب بعدهم بفتره طلعوا كمان فضلوا يتكلموا و رؤية و أحمد لأنهم كاتيبن كتابهم اخدها عشان يتمشوا..

سفيان:نلعب الصراحه أيه رأيكوا!!

الكل وافق و عبدالله نده أحمد و رؤية و بدأوا يلعبوا الازازة جت علي هاجر تسأل حياه..

هاجر محبتش حياه أصلا و حست انها دخيلة بينهم..

هاجر:عرفت إنك بنت شوارع صح!!

حياه بهدوء:آه صح 

هاجر:وياتري متشعلقه ليه في صقر كدا!!

صقر:أنا هرد يا هاجر حياه أنا اللي متشعلق فيها مش هي أو يمكن كلنا أتشعلقنا فيها أنا و نونا و بابا و وليد كلنا فعلآ كلنا حبناها و دخلناها وسطنا و اتعلقنا بيها فلو هتسألي مين متشعلق بمين هقولك إحنا 

هاجر:بس السؤال كان ليها 

صقر بلا مباله ليها و وجه كلامه ليهم :لو كل الأسئله هتبقي شبه دي بلاها لعب 

رجعوا يلعبوا و أي سؤال ناحية حياه بيبقي عادي و لو  هاجر هي اللي هتسأل صقر بيرد.. 

خلصوا و قضوا يومهم و روحوا البيت و أول ما دخلوا قابلتهم والدة وليد و حضنت حياه وسط أستغرابهم..

#حب بنت الشوارع (حياه الصقر) 9 

الفصل التااسع 

والدة وليد حضنت حياه و فضلت متبته فيها مش عايزة تسييها.. 

صقر: هو في إيه 

ناهد: مش عارفه يا صقر من وقت ما حكتلها حكاية حياه و هي مخضوضة عليها و أول ما جت عملت كدا 

والدة وليد: يا حبيبتي 

حياه مرتاحه في حضنها مش عارفه ليه بس أرتاحت.. 

وليد: ماما في إيه!! 

والدة وليد خرجت من حضنها: دي أختك 

وليد: اختي مين بس يا ماما 

والدة وليد: أنت مسمعتش حكايتها يا وليد!! 

وليد: فيها إيه حكايتها يعني!! 

ناهد بتنهيده: لا أنا هدخل أنام أحسن يلا تصبحوا علي خير 

ناهد طلعت و والدة وليد كانت هتسحب حياه لكن وليد مسكها و قال: أفهم الأول إيه حكايتها 

والدة وليد: ناهد بتقول إن الست اللي اسمها ريسه دي هي اللي مربية حياه من صغرها و أختك مخطوفه من صغرها يا وليد 

وليد: هي أي واحده يا امي الست دي مربياها تبقي أختي!! 

والدة وليد: مش أي واحده انا حاسه و بكرا نتأكد 

وليد: و لو مطلعتش أختي!! 

والدة وليد بعند: هتطلع 

وليد هز رأسه بمعني مفيش فايدة و مشي و والدة وليد أخدت حياه أوضتها و فضلت تحضن فيها و تحكيلها قد إيه وحشتها.. 

^^^^^^^^^^^^^^^

في أوضة صقر 

وليد رايح جاي: إزاي يا صقر ممكن تطلع أختي؟ إزاي!! 

صقر: زي الناس يا وليد فيها إيه!! 

وليد: مستحيل 

صقر بشك: ليه مستحيل!! 

وليد: لا بلاش شكك دا ونبي و أقولك ليه مستحيل لأن مفيش شبه ولا ليا ولا أمي ولا حتي بابا ولا أنتوا أصلا وبعدين الست اللي كنت هشتريها منها قالت إنها بنتها فهمت بقي!! 

صقر: بس ممكن تكون مش بنتها يا وليد 

وليد: معرفش بقي بس إحنا نأجل التحليل لحد الفرح لو ممكن عشان أبقي فايق 

صقر: تمام نام دلوقتي وأنا بكرا هكلمهم نأجل التحليل 

وليد خرج علي أوضته و صقر طلع وقف في البلكونه.. 

^^^^^^^^^

في نفس الوقت كانت حياه طلعت البلكونه بعد ما والدة وليد سابتها.. 

صقر بأبتسامة: ازيك 

حياه: دا علي أساس اننا مش مع بعض من الصبح!! 

صقر: صح احنا مع بعض من الصبح بس أنا بسألك بعد اللي حصل أزيك!! 

حياه بصتله و أتنهدت: مش عارفه خايفه أتعلق و في الآخر تطلع مش أمي خايفه اعاملها بفتور تزعل مش عارفه متلخبطه 

صقر بصلها قوي: حياه أدخلي كدا شوية 

حياه مفهمتش بس دخلت من البلكونه و صقر نط من بلكونته لبلكونتها.. 

حياه بضحكه: و دا ليه دا بقي 

صقر: عشان نتكلم 

حياه: والله!! 

صقر ضحك: طبعآ المهم أنا عايزك متتعلقيش و عامليها عادي زي الأول 

حياه قعدت علي الأرض: خايفه يا صقر خايفه أنا مكانش عندي عيله طول السنين دي فجأة كدا لا هخاف 

صقر قعد جمبها و قرب منها حضنها حياه متحركتش هي أرتاحت في حضنه فسكتت.. 

صقر: متخافيش أنا معاكي 

حياه بهمس: وعد هتفضل معايا!! 

صقر: وعد 

بعد وقت حياه انفاسها أنتظمت صقر بصلها و ضحك و شالها حطها علي سريرها و غطاها و طلع من البلكونه زي ما دخل.. 

مر الأسبوع و صقر أقنع والدة وليد إنها تستني شوية و طول الأسبوع والدة وليد مع حياه و حياه أتعلقت بيها  و خايفه في النهايه تطلع مش والدتها أصلا.. 

^^^^^^^^^^

يوم الفرح 

الكل بيرقص و فرحان وليد طلب من الدي جي أغنية بحبك يا صاحبي و بدأ يرقص هو و سفيان و صقر و حياه فرحانه بيهم و أتمنت أنهم لو فعلآ عيلتها لو وليد أخوها لو صقر حبيبها عند

 حبيبها و فاقت لنفسها هي مش زيهه و أكيد مش هيحبها تولين شدتها عشان يرقصوا و بدأت تندمج معاهم.. 

الفرح خلص و وليد دخل هو و مها أوضته.. 

وليد أتنهد: بصي يا مها أنا أسف علي اللي عملته دا أول حاجه تاني حاجه أتمني إننا نعيش حياه طبيعيه فهل أنتي عايزة حياتنا طبيعية ولا!! 

مها هزت رأسها بكسوف وليد أتنهد براحه و قرب منها.. 

^^^^^^^^^^^^^^

تاني   يوم 

والدة وليد أصرت يعملوا التحاليل و نزلوا فعلآ و دخلوا المعمل و أخدوا عينه من والد وليد و عينة من حياه و النتيجة هتظهر

 بعد يومين والدة وليد عندها أمل و كبير أوي و حياه أتمنت لو فعلآ دي عيلتها..

^^^^^^^^^^

يومين عدوا علي الكل في توتر يوم النتيجة صقر  و حياه اللي أصرت تروح معاه راحوا يجيبوا النتيجة ركبوا العربية بعد ما أخدوها و صقر وقف بعد فتره..

صقر:أفتحيها أفتحيها و أعرفي متخافيش أنا جمبك 

حياه بصتله و أتنهدت و فتحتها و دقايق و بصتله بعيون كلها دموع و.... 

                   الفصل العاشر من هنا

لقراءة باقي الفصول من هنا