#روايه أحببتها_ولكن
#الفصل_التاسع_عشر والاخير
هادي قاعد يفتكر الي حصل معاه لما جه من شويه
فلاش بااك
دخل هادي البيت لقي الدنيا هاديه جدا استغرب لما ملقاش فرح عرف انها اكيد نايمه لسه هيمشي لقي سهر واقفه قدامه بفستان قصير جدا ومش محترم خالص مفيش حاجه مخبيها اصلا ف غض بصره بسرعه وبص ف الارض
سهر بإغراء:بتدور علي فرح قولتلها انزلي استقبلي جوزك مرضتش فقولت مينفعش اسيب العيون دي غير لما اجي استقبلها
هادي بغضب:لو سمحت يا انسه سهر امشي من قدامي
سهر بتقرب منه:ليه انا عارفه ان فرح طفله وحركاتها بدايقك بس انا ممكن أكون زوجه تانيه واوريك إنك مش بتحب فرح
هادي اتصدم انها بتعرض نفسها عليه اتقرف منها جامد:لو سمحتي انا عمري ما هبص لغير مراتي وعمري ما هتجوز علي مراتي وعمري ما هزهق من مراتي ابدا اتفضلي امشي من قدامي
سهر قربت منه وحطت اديها علي صدره:انا عارفه ان الكلام دة من ورا قلبك ولسه كانت هتقرب منه
راح هادي مسك اديها ولوا اديها وراها:انا مفيش واحده زيك تقرب مني فاهمه
سهر بوجع:اااه سيب ايدي
هادي:لو اتعرضتي تاني ليا او ل فرح وربنا لقتلك وراح رماها علي الارض وتف عليها ومشي وطلع لحبيبته
باااااك
انا مش هقول لفرح عشان متزعلش ومتدايقش وراح بصلها وباس راسها وقال:ياريت كل الستات ف برائتك وراح حضنها ونام
ف الصباح استيقظت فرح الاول لقت هادي نايم بعمق وواضح عليه الارهاق ف سابته وقامت وراحت الحمام وطلعت كانت لابسه فستان لحد ركبتها كان جميل عليها وطلعت بتسرح شعرها لقت هادي بيفوق
فرح:صباح الخير
هادي صاحي مزاجه مقلوب:صباح الخير يعني صاحيه بدري
فرح:بدري ايه دة الساعه عشرة
هادي:الساعه كام
فرح:عشرة
هادي بغضب:مصحتنيش ليه انا معادي 9
فرح:لقيتك تعبان سبتك
هادي والغضب خلاه مش عارف بيقول ايه:وانتي مالك تعبان ولا لاء انتي مالك
فرح بصدمه منه:انا مقصدش
هادي:متقصديش ايه وبصراخ
فرح بتعيط ومش بترد
هادي اول ما شاف دموعها عاد لوعيه:فرح حببتي والنبي متعيطي والله اسف انا مش عارف قولت كدة ليه والله صاحي مدايق متزعليش مني
فرح بتعيط:انا والله شوفتك تعبان مردتش اصحيك
هادي بندم:والنبي ما تعيطي سامحيني انا اسف متعيطيش والنبي
فرح مسحت دموعها:ماشي
هادي:مسمحاني
فرح:ااه
هادي:حببتي الي قلبها طيب جدا دة حببتي وباس خدودها
فرح حضنته: متزعلقيش تاني عشان بخاف
هادي:اخر مرة والله متزعليش مني
استحمي هادي ولبس ونزلوا يفطرو
مامت فرح:يعني مروحتش المستشفي
هادي:واخد اجازة يومين عشان اقعد مع فرح
مامت فرح:ماشي يا حبيبي
سهر اديها مربوطه
فرح:مال اديكي يا سهر
هادي بصلها بصه خوفتها
سهر بتوتر:لاء مفيش وقعت عليها امبارح
اسماهان بخبث:كنت سمعاك بتزعق يا هادي من شويه
ف ايه
هادي ببرود:هو هيبقي غلط لو قولت لحضرتك انتي مالك انا ومراتي ف الاوضه راميه ودانك معانا ليه ها
اسماهان:ولد اتعدل معايا ف الكلام وانا لازم اعرف كل حاجه هنا ف البيت
هادي قام ببرود:تعرفي كل حاجه لما بتكوني ف بيتك لكن هنا انتي ضيفه فاهمه وملكيش اي حق تدخلي ف كل حاجه وحاولي متحشريش منخيرك ف كل حاجه انتي والبتاعه الي جنبك دي"سهر"
اسماهان:بس دة مش بيتك عشان تتكلم بثقه كده
مامت فرح:دة بيت هادي والي مش عجبه ميقعدش فيه
اسماهان:انت ازاي تكلميني كده
مامت فرح:زي ما انتي سامعه انتي تجاوزتي حدودك انتي وبنتك جامد وخاصه بنتك امبارح وهي بتعرض نفسها علي هادي بس انا ابني متربي ومبصلهاش حتي
هادي بصلها
مامت فرح:ايوة يا هادي شوفت كل حاجه وانا افتخر بيك زوج لبنتي وابني كمان وقد ايه انت بتحب فرح
اسماهان:ماشي انا ماشيه بس متجيش تقولي يا اختي تاني
مامت فرح:انا عمري ما اعتبرتك اختي ابدا واتفضلي
وبالفعل لمو هدومهم ومشو
فرح بهدوء:ايه الي حصل امبارح
هادي:مش لازم تعرفي حاجه تافهه والله
فرح:انا عايزة اعرف
مامت فرح:انا هحيلك وبالفعل حكيتلها وعارفه يا فرح لو زعلتي منو انه مقلكيش تبقي هبله لانه مكنش عايز يزعلك ولو زعلتيه تبقي غلطانه لانو بيحبك جدا ودة دليل امبارح والا والله هطلقك منو واجوزو للي تقدرو
هادي بتسرع:حتي لو فرح زعلت وخاصمتني عمري ما اطلقها او اتجوز غيرها ابدا
فرح بعياط:انتي بتهزري يا ماما ازعل من مين انتي لما حكيتيلي كان هاين عليا انزل ابوس علي رجله والله هادي انت حاجه افتخر بيها ف حياتي لحد ما اموت هتفضل اكتر انجاز ف حياتي لو قالو ايه اكتر حاجه انجزتها ف حياتي هقول اني
اتجوزتك عارف انا لو شوفتك بتخوني قدام عيوني مش هصدق لاني عارفه هادي جوزي مبيحبش غير فرح
هادي عيونو دمعت وحضنها وبعد كده بصلها وحضنها جامد
مامت فرح بضحك:جيل قليل الادب وسابتهم
وهادي مازال حاضن فرح بس بيضحك بعد عنها وبصلها:يلا نروح بيتنا
فرح:ياريت انا وحشني سريري قوي
هادي راح شايلها وطلع برة البيت وركبها العربيه وراحو بيتهم
#الفصل_العشرين_والاخير
بعد 7 شهور كانت فرح ف الشهر التاسع من حملها وكان هادي بيخاف عليها من الهوا وف مرة كانو نايمين وفرح صحت الفجر بطنها وجعاها
فرح بألم:هادي اصحي يا هادي انا بطني وجعاني أوي
هادي قام:مالك يا حببتي
فرح بألم:اااه يا هادي بطني بتوجعني أوي
هادي بصلها لقي ف مايه نازله عليها عرف انها بتولد قام بسرعه لبسها وشالها وراح علي المستشفي بتاعته
ودخل بيها ملقاش اي دكتور ف قسم التوليد
هادي بغضب:يعني محدش موجود تمام كلهم هيتجازو جهزولي العمليات بسرعه انا الي هولدها
وبالفعل جهزولوا العمليات ودخلوا
هادي قرب من فرح الي بتزعق:قلبي انا الي هولدك ساعديني عشان نشوف بنتنا ونربيها مع بعض
فرح بألم ودموع:ح حاضر
وبالفعل هادي ابتدي الولادة وفرح كانت تعبانه قوي وتمت الولادة بالفعل لكن فرح اغمي عليها وهادي بص لبنته بدموع والممرضات اخدوها منه وهادي راح لفرح وخلص العمليه ونقلوها لاوضه عاديه
بعد ساعتين ف الغرفه كان هادي قاعد جنب فرح النايمه وبيلاعب بنته الي ف السرير جنبها
فرح بدأت تفوق ولقت هادي جنبها
هادي:فرح حببتي عامله ايه
فرح بتعب:الحمدلله بنتي فين
هادي راح شال بنته وعطاها لفرح
فرح بسعادة:الله دي واخده لو عنيك
هادي بضحك:ايوة امنيتك اتحققت
فرح:هنسميها ايه
هادي:مش عارف شوفي انتي
فرح:امممممم ايه رأيك ف رهف
هادي:رهف هادي المحمدي حلو ماشي اهلا بيكي يا قلب بابا
فرح:وانا ايه
هادي:انتي كل حاجه فيا
وبعدها مامت فرح جات وكريم وفرج وميار جم بسرعه
ااه صح ميار وكريم اتجوزو وميار حامل ف الشهر الاول لسه
ميار:حببتي عامله ايه
فرح:الحمدلله
كريم:حبيبه خالها فين
هادي:ملكش دعوة بالبت انا عارف انك هتخليها رقاصه سيب البت
الكل ضحك
كريم:ماشي يا هادي هات البت الله
وعدي ايام وشهور وسنين وبقت رهف عندها 5 سنين
هادي دخل البيت لقي رهف طالعه تجري عليه
رهف:بابي بابي
هادي ابتسم وشالها:قلب بابي انتي
فرح:انت جيت يا هادي
هادي:ااه يا حببتي
رهف:مس تقولها حببتي انا بس الي حببتك
فرح:بس يام نص لسان هادي حبيبي انا
هادي بيضحك عليهم لانهم كل يوم كدة بيغيرو علي هادي من بعض
هادي:باااس انا حبيبكم انتو الاتنين سبوني بقي اغير هدومي واكل
وطلع هادي يغير هدومه ونزل لقي فرح ف المطبخ بتحضر الاكل راح باعتلها بوسه ف الهوا
فرح اتكسفت وباصت ف الاكل
وهادي ضحك وراح قعد ف الصالون يلعب مع رهف
رهف:بابي انا عايزة اخ او اخت زي صحابي صحابي كلهم عندهم اخوات
هادي بخبث وهو بيتصنع البرأة:انا مليش دعوة يا حببتي كل ما اقول لماما عايزين نجيب اخ لروفي تقولي لاء
رهف بغضب:انا هقول لماما
هادي:قوليلها
رهف قامت لفرح وهادي قعد يضحك
رهف ف المطبخ وحطط اديها ف وسطها:انتي وحسه علي فكرة
فرح باستغراب:ليه
رهف:عسان بابا يقولك تجبيلي اخ وانت ترفضي بابا احسن منك ها وسبتها ومشت وفرح مصدومه وراحت وراها علي الصاله لقت رهف حاضنه هادي الي بيضحك وتقولوا:متزعلس يا بابا انا هجوزك واحده احسن منها
فرح:لا والله
هادي بيضحك:ااه والله
فرح:بقي انت مفهم البنت كده
هادي بيتصنع البرأة:انا معملتش حاجه
فرح:لاء والله ماشي وراحت تجري وراه
هادي بيجري وبيضحك
راحت فرح تعبت راح هادي شالها من ورا وحطها علي الكنبه جامد
رهف:انتو اطفال وسابتهم ومشت
فرح بضحك:عاجبك كده اهو جبتلنا الكلام من شبر ونص
هادي وهو بيزغزغها
فرح:بس اهدي والنبي انا حامل
هادي:اللعبي غيرها
فرح:وربنا مبهزر انا حامل
هادي تصنم مكانه:حقيقي يعني هبقي اب للمرة التانيه
فرح:ايوة
هادي راح مزعق وشالها ولف بيها وراف حضنها جامد
رهف:بابا انت قافش ف ماما كدة ليه وبعدين أحضني أنا
هادي بعد عن فرح راح شال رهف:شبر ونص بيتكلم انا اول مرة اشوف شبر ونص بيتكلم
فرح ضحكت:عاجبك كده
هادي:روفي حبيبي مش انتي كان نفسك ف اخ او اخت
رهف اومأت براسها
هادي:طب ماما حامل وهتجبلك اخ
رهف بفرحه:هاااااا انا بحبك يا ماما
هادي:وانا
رهف:انا بحبكوا انتو الاتنين قد البحر
هادي حضنهم هما الاتنين:وانا بحبكوا يا احسن حاجه ف حياتي
بعد 7 سنين
كريم وميار بقي عندهم ولدين وبنت قمرات اما عند هادي وفرح
هادي قاعد ف الصاله هو وعياله وفرح
هادي قاعد وعلي رجله شمس اخر العنقود بيحبها هادي قوي وعلي يمينه فادي ابنه الوسط وجنبه رهف وجنبها احمد اصغر ولد وعلي شماله فرح وقاعد يبصلهم بسعادة
فرح:مالك باصصلنا كده ليه
هادي:فرحان جدا بيكوا كل ما نتلم واشوفكوا قدام عنيا بفرح جدا وادعي ربنا يخليكوا ليا ديما وباس راس فرح وبخليكي ليا يا اعز ما املك
فرح بمرح:بس ربنا استجاب لدعواتي
هادي بإستغراب:الي هي ايه
فرح بضحك:ان كلهم يبقي لون عنيهم زيك
هادي بصلها وقعد يضحك:انتي لسه فاكرة
فرح:طبعا فاكرة كل كلمه قولناها لبعض
هادي:كأنها امبارح راح قبل جبيتها
فادي:هشش عايزين نسمع الفيلم
فرح وهادي بيضحكوا:حاضر
وهادي اخد فرح ف حضنه وكملو الفيلم مع بعض
النهايه