رواية انت لي
الفصل السادس والسابع
بقلم / منه ياسر محمد
.
مفيش سبب انو بنتك تصرف مبلغ انا زمان كنت بتمنى انو يكون عندى نصه...... وانا بقول واخده الطبع من مين
مدام مليكه: لا مفيش سبب اظن انك تعرف انا بنت مين وانت متجوز مين وطول عمرى كنت بصرف ولا كان حد بيقولى بتصرفى ايه واظن انك عارف يااسلام
استاذ اسلام: ومش عايز بنتى تكون كدا شوفى رغد مش زيكوا ليه بتقدر القرش كويس كدا ومش مستهتره
مدام مليكه: اتعصبت عليه وعليت صوتها وقالتله اوعى تقارن رغد برفيف ياسلام اوعى تقارن بنت شغاله ببنتى..... استاذ اسلام سكتها واخدها على المكتب....... وقالها انتى اتجننتى الموضوع ده اتقفل من سنين جايه تفتحى ليه تانى افرضى كان حد سمعك......
مدام مليكه: حبيت افكرك بس واوعى اشوفك مقارن بنتى ببنت الشغاله اللى هى كانت مراتك ولا انت نسيت ال انت عملتوا يااسلام تحب افكرك ولا اروح اقول لرغد.........
استاذ اسلام..... بس اسكتى خلاص يامليكه ليه هتعيدى ذكريات سنين تانى.....
مدام مليكه: الذكريات ديه انت ال فتحتها يااسلام وانا بحذرك تعمل لرفيف حاجه خلاص عشان متزعلش فى الاخر... يلا باى عندى طياره. اه صح ڤيزه بنتى ترجع وتجيب ال هى عايزه مااشى........ ومشيت وسابته..
استاذ اسلام كان واقف ومش قادر ياخد نفسه...... وكان بيدور على بخاخه التنفس ..........
رغد كانت لسه صاحيه وقامت لاقيت صوت الباب بيفتح وطلعت تشوف لاقيت سليم لسه جاى....
رغد: انت لسه جاى دلوقتى
سليم: اه هدخل انام
رغد: طيب انهارده اعمل اكل
سليم: لالا هطلب اكل ماشى يلا انا داخل بقا......
رغد كانت زعلانه بس هى مكانتش عارفه ليه زعلانه مالها فى ايه مكانتش فاهمه نفسها.........
رفيف حضرت نفسها ولسه نازله شافت باباها واقف تحت وبياخد نفسه بالعافيه
رفيف: بابا انت كويس
استاذ اسلام: ايوه يارفيف كويس
رفيف: طيب انا ماشيه باى......... رفيف ركبت عربيتها وراحت الكليه ووصلت...... رفيف لاقيت لچين مستنياها
لچين: اتأخرتى ليه كل ده يابنتى
رفيف: بابا كان ساحب منى الڤيزه قال ايه عشان انا صرفت كتير يعنى بس انا قولت لماما ورجعتلى كل حاجه
لچين: اه كويس.. رفيف أياد واقف هناك اهو بس كريم مش معاع انا قلقت على كريم اوى يارفيف.......
رفيف: متخافيش يعنى اكيد سهران كل يوم وانتى مش فارقه معاه شيلى من دماغك يالچين احسن
لچين: انا بحبو اوى ونفسى حتى يكلمنى..... لاقوا أياد جه وقال لرفيف ممكن اقولك حاجه على انفراد............. اياد كان بيحب رفيف جدا جدا من سنتين بس مرضاش يقولها خاف متكونش عندها نفس المشاعر اتجاهه برضوا..وكمان اياد مكانش فى نفس المستوى المادى بتاع رفيف وديه كانت حاجه مخوفا انو رفيف مترضاش بيه اصلا ..........
اياد: بقالك يومين مش بتيجى ليه يارفيف
رفيف: مشغوله عادى يعنى
أياد ماشى ولسه هيكلم.... رفيف انا همشى بقا باى عشان المحاضره.......
لچين: ايه قالك ايه
رفيف: هقولك بعدين انتى عارفه انى مبطيقهوش اصلا
لچين: تعالى نقعد فى كافيه شويه تعبت... راحوا هما الاتنين..... وقعدوا وفضلوا يكلموا............... وأياد كان واقف زعلان على نفسه وقال يمكن تكون تعبانه او حسيت انى انا حبيتها مثلا....
يتبع.................البارت الاثنى عشر...
انت لى... ♡
فى المساء......
رغد كانت قاعده والمفروض تغير على الجرح بس مش عايزه تقول لسليم ويفتكر انها مش هتعرف تعمل حاجه من غيروا....... سليم دخل جوه وقالها رغد يلا عشان اعملك ايدك....... رغد فرحت انو كان فاكر.. سليم جاب الشنطه ومسك ايديها وفضل يعملهاا..... رغد كانت عماله تبصله وسرحت معاه.......
سليم: رغد رغد
رغد: ايوه ياسليم
سليم: روحتى فين سرحتى فى ايه
رغد: لا لا معاك
سليم: انا خلصت خلاص
رغد: انت هتمشى تسهر مع صحابك
سليم: احتمال لا عشان بابا الشغل عليه كتر واحتمال انزل بكره
رغد: اه انزل ساعده شويه
سليم: ضحكلها وقالها ايه عايزه توزعينى ولا ايه
رغد: لا مش قصدى بدل ماانت كل يوم سهر وترجع الصبح روح اشتغل احسن
سليم: صح صح وقالها بس سليم مش مستنى حد يقولوا كدا هو عارف الصح من الغلط..... ممكن تكون جوازتنا فعلا هى كانت اكبر غلطه ومش صح وكانت اول مره سليم يعمل حاجه هو مش راضى عليها بس ماشى هسيبك تنامى وانا طلع........... سليم طلع وقفل الباب....
رغد كانت قاعده ولاقيت نفسها بتعيط وقالت انا مالى ايه اللى بيجرالى الايام ديه هو قال جوازتنا كانت غلطه طب انا المفروض مزعلش واقوله صح زعلت ليه ياربى زعلت كدا .... رغد فضلت تعيط لوحدها ومكانتش قادره من ساعت ما سليم قالها كدا.........
سليم طلع وقعد برا وشغل فيلم... وكلم صاحبه عبد الله...
عبد الله: الو ياسليم
سليم: ايه ياعبد الله مش بتيجى معانا ليه تسهر وليد بيقعد يستناك ومش بتيجى
عبد الله: مشغول اوى الايام ديه مش هقدر اجى
سليم: اه تمام ربنا يقويك....وفضلوا يكلموا......وخلصت المكالمه....وسليم قال انا هدخل انام بقا.......سليم لسه داخل لاقى رغد داخله الحمام وكانت عينيها حمرا......
سليم: رغد مالك مال عينيكى فى ايه
رغد: مفيش ياسليم
سليم: اي مالك يارغد كنتى بتعيطى
رغد: لا مبيعيطش وبعدين هعيط على ايه يعنى
سليم: طيب براحتك انا داخل انام......رغد مشيت من قدامه.....سليم استغرب قال مالها ديه فى ايه....ودخل نام عشان كان تعبان..........رغد طلعت ودخلت اوضتها وقفلت البابا ونامت هى كمان...............
فى منزل رغد......
رفيف كانت قاعده بتسمع اغانى وبترقص فى اوضتها...............
استاذ اسلام كان طالع لاقى دوشه وصوت اغانى عالى من اوضه رفيف.. خبت على بابا اوضه رفيف....
رفيف: نعم يابابا فى حاجه
استاذ اسلام: ايه الدوشه والاغانى ديه
رفيف: بسمع اغانى يابابا
استاذ اسلام: طيب اسمعى مش الهيصه ال انتى عاملاها كأنه فرح يارفيف كل حاجه بالمعقول.....
رفيف: حاضر يابابا قولت اسلى نفسى بس
استاذ اسلام: مش المفروض تذاكرى عشان امتحاناتك
رفيف: لسه بدرى على امتحاناتى
استاذ اسلام: انا مش فاهم انتى بتنجحى ازاى....يلا انا طالع انام.....
رفيف دخلت وقفلت الاوضه وقالت الواحد ميعرفش يستريح ابدا وانت موجود اوف ايه ده.........رفيف اتصلت بصاحبتها وقالتلها ايه رأيك نسهر فى مكان انهارده......
لچين: يلا بينا اغلى مكان هنروحوا
رفيف: هحضر نفسى يلا......رفيف لبست بس المرادى لبسها كان قصير شويه.........ونزلت وركبت العربيه وراحت على المكان ال اتفقوا عليه........رفيف ولچين وصلوا وفرحانين وبيرقصوا...........
فى الصباح........
سليم صحى لاقى رساله من ابوه وبيقوله تعالى الشغل عشان بقا كتير اوى سليم كان عايز يلبس قام فتح الباب على رغد ودخل جوه........
شاف رغد كانت نايمه ورفرده شعرها وشكلاها المرادى كان حلو اوى اوى...سليم اخد نفسه وفضل يبص عليها وهى نايمه....وبعدين سليم غير هدومه ولسه بيلبس قميصه.....رغد صحيت وقالتله ايه ده ايه ال دخلك هنا.....وبتفتح عينها تشوفه لاقيته قالع ولسه بيلبس القميص...رغد بصيت بعيد عنه وقالتله انت مش لاقى غير هنا وتغير......
سليم: بصراحه استسهلت يعنى قولت لسه هاخدهم واروح هناك وبعدين انتى كنتى نايمه......
رغد وصحيت..وجت تبص ناحيته لاقيته لسه ملبسش القميص......
رغد: ممكن تلبس بقا
سليم: لازم يعنى
رغد يعنى هتمشى كدا مثلا خلص والبس لو سمحت....سليم لبس قميصه وقالها خلاص يلا كملى خناق بقا.........
بقلمي الكاتبه/ منه ياسر محمد
...................................
part 7
انت لى...
رغد لو سمحت متدخلش تانى خلاص..... رغد قامت من السرير...
وسليم شاف انها لابسه قصير... وزقها ناحيته وقالها عيدى كدا مش سامع....
رغد: متدخلش تانى خلاص.. ابعد شويه ياسليم...... سليم: هو انا مش قولتلك متلبسيش كدا تانى ولا انتى عايزه تجربى زعل سليم....
رغد: انا قاعده فى اوضتى وانت ال دخلت
سليم: انا قولتلك متلبسيش تانى كدا فى اوضتك بقا او مش فيها
رغد: طيب سيبنى لو سمحت.... سليم زقها نحيته ومسكها جامد.. رغد صرخت وقالتله ايدى ياسليم بتوجعنى اوعى... سليم سابها وقالها انا حذرتك خلاص زعل سليم وحش.... وسابها ومشى.......
رغدفضلت واقفه وكانت متعصبه وقالت بجد مفيش فايده فيك هتفضل طول عمرك كدا........... سليم ركب عربيته وراح الشركه.....
وصل شركه ابوه.. كله قان وقف لسليم اول مادخل الشركه.. ودخل مكتب ابوه.....
استاذ محسن: مش تخبط ياسليم حد يدخل كدا
سليم: اه انا
استاذ محسن: عامل ايه بقا فى الجواز
سليم: عادى يعنى مفيش جديد
استاذ محسن: سليم حاول تقرب منها هتحبها رغد طيبه
سليم: ملوش لزوم الكلام ده انا هروح على مكتبى جيت اعرفك انو انا موجود فى الشركه..... وسابه ومشى وراح مكتبه.........
سليم افتكر انو مش هيروح انهارده ورغد مش بتعمل اكل عشان ايديها وقال لو طلبتلها اكل هتاكل لو حدها لا هتصل برفيف تيجى واطلبلهم مع بعض.......... اتصل سليم برفيف... رفيف كانت بايته عند صاحبتها لچين ونايمه... لاقيت التيليفون بيرن..... وقامت شافت مين اول ماقريت اسم سليم قامت بسرعه وردت.....
رفيف: الو ياسليم
سليم: الو يارفيف ازيك
رفيف: كويسه وانت
سليم: كويس بقول يارفيف روحى لأختك انهارده اتغدى معاها عشان انا فى الشركه ومش هلحق اروح وهطلبلكم اكل وتتغدوا مع بعض فى البيت
رفيف: طيب ماشى ياسليم
سليم: باى... وقفل..... رفيف رمت التيليفون من ايديها وكانت متعصبه.... وصحبتها صحيت..
لچين: ايه يامجنونه فى ايه صحيتينى
رفيف: تخيلى سليم متصل عليه عشان.... لچين: ايه ده اتصل...
رفيف: اه اتصل عشان يقولى اتغدى عند اختك عشان انا مش هتغدى معاها انهارده ايه... اختى هتخاف تتغدى لوحدها مثلا وانا مالى انا..
لچين: قولتيلوا ايه طيب
رفيف: قولتلوا ماشى هقول ايه يعنى
لچين: طيب انتى تلحقى تروحى وتجهزى نفسك يارفيف
رفيف: اه همشى بقا يلا باى......
رغد كانت قاعده وبتقول اكيد هيسبنى ومش هيتغدى معايا انهارده... وقالت مش مهم عنو مااتغدى مش هتقف عليه ده انسان متكبر اصلا وانا هطلب اكل لنفسى.... وبعدين قالت بس بحب اقعد معاه بحب القعده معاه.... وقالت ايه ده انا بقول ايه فوقى يارغد فوقى لاا........
فى منزل رغد......
استاذ اسلام كان رايح شغله وقال هدخل اشوف رفيف.... فتح الباب ملاقاش رفيف.... قال اكيد راحت الكليه..... ونزل هو.. وكان السواق محضر العربيه واستاذ اسلام لسه رايح يركب.... شاف.......
شاف بنته نازله من عربيتها بلبسها ده وداخله الڤيلا واتعصب اكتر لما شاف اللبس .... ونزل من العربيه.... ونده عليها.....
استاذ اسلام: رفيف
رفيف: نعم يابابا
استاذ اسلام: كنتى فين وايه ال انتى لابسا ده
رفيف: كنت بايته عند واحده صاحبتى من امبارح
استاذ اسلام: انتى خرجتى امبارح
رفيف: اه روحت اسهر مع صاحبتى
استاذ اسلام: انتى بتخرجى من غير ما تقولى لاحد وصاحبت ايه ديه كمان طب انتى وماشيه على كلام امك هى بقا صاحبتك معندهاش اهل....
رفيف: لا اهلها مسافرين
استاذ اسلام: ما شاء الله الاهل مش موجودين والبنت كل يوم خروجات
رفيف فيها ايه يعنى
استاذ اسلام: مسمعش صوتك خلاص واللبس ده لو اتلبس تانى همنع كل حاجه عنك خلاص...... ومشى... رفيف كانت متعصبه جدا جدا وقالت انا مش عارفه ده بيفكر ازاى بجد... قديم اوى الراجل ده.... وطلعت تغير هدومها عشان تروح لأختها.......
رغد كانت قاعده لوحديها وزهقانه وقالت انا خلاص اكتب عليه انى اعيش كده طول عمرى كدا عمرى مافرحت من قلبى بجد ويوم ماجيت اتجوز جوزنونى واحد بيكرهنى ومتكبر وانا مبحبهوش.. ليه انا كده ليه الفرحه بتيجى عندى انا وتقف..... رغد كانت قاعده سرحانه ودمعت لاقيت الباب بيخبط... فتحت لاقيت اختها فرحت اوى اوى......
رغد ايه ده انا مبسوطه اوى اوى يارفيف هتقعدى معايا طول اليوم بقا صح
رفيف اه هعقد... رغد كانت مبسوطه وقعدوا هما الاتنين يتكلموا.........
رغد دخلت تجيب حاجه...... وبعدين لاقوا جرس الباب رن.. وكان واحد جاى ويوصل الاكل رفيف ندت على رغد وقالتلها تعالى......... رغد جت ولسع بتحاسب لاقيتوا بيقولها الحساب مدفوع ڤيزه.......... رغد دخلت الاكل وبعدين رغد مش عارفه تحطه على السفره عشان ايديها ومحتاجه حد يساعدها والاكل كان سخن جدا ورغد حاولت تمسكه بأيد واحده معرفتش... اختها كانت واقفه تبص عليها من بعيد وتضحك وتقول وعامله نفسها القويه يجوا يشوفها وهى مش قادره تشيل حاجه يعينى بجد...... لاقيت رغد بتنادى عليها وبتقولها ممكن تساعدينى يارفيف.....
رفيف جت وشالت وحطوا على. السفره... وقعدوا ياكلوا...
رفيف مردتش تقول لرغد انو سليم هو ال اتصل عليها وقالها تعالى ولا هو ال طلب الاكل..... عشان رغد متفتكرش انو هو بيهتم بيها مثلا....
رغد: سليم هو ال جاب الاكل
رفيف: عرفتى منين
رغد: مانا سألت ال وصل الاكل وقولتله الحساب مدفوع منين قالى استاذ سليم....
رفيف: اه عشان ايدك بقا وكدا
رغد: اه هو حتى يوم ماايدى حصلها كدا جرا عليه وكان بيلفهالى واخدنى فى حضنه... وضحكت......... رفيف كانت بتموت من جواها وقالتلها بعصبيه متنسيش انو دايما بيهينك وبيتعصب عليكى يارغد.......
رغد: ايوه بس ساعات بحس.....رفيف لا يارغد ده وحش لا لا اوعى تغلطى وتحبى لا
رغد: احب ايه لا طبعا
رفيف: انا بحبك وعايزه مصلحتك بلاش الشخص ده يارغد
رغد: اكيد ياحبيبتى متقلقيش عليه........كلى يارفيف..........خلصوا اكل وقعدوا يتفرجوا على التيليفزيون...وفجأه لاقوا الباب بيخبط...
رفيف قالت انا هفتح وقامت.........