#حب بنت الشوارع (حياه الصقر)
بقلم ملك اسامه
الفصل السادس والسابع
صقر جري علي برا و الكل وراه بيبص في كل حته في الجنينه و لمح حياه بتجري من أوضة الكلب بتاعه و الكلب بيجري وراها قربت من صقر و أستخبت وراه و بقي صقر بين حياه و الكلب.
حياه: صقر صقر بالله عليك أبعده عني يا صقرر ونبي
صقر بضحك: أهدي يا حياه أهدي
و وجه كلامه للحراس: واقفين ليه خدوه علي أوضته
الحراس أخدوا الكلب علي أوضته و حياه أتنفست براحه و وليد بيضحك عليها.
وليد:هههه بقي كلب يجريكي كدا أومال فين القطه الشرسهه
حياه:بلا قطه بلا كلب ياخوياا هو أنا مستغنيه عن عمري
سفيان دخل كل المعازيم الڤيلا تاني و حياه و صقر و أميرة مدخلوش.
أميرة:أممم كلب!!
حياه بصتلها من فوق لتحت:اه كلب
أميرة:الكلب دا أنا بلعب معاه علي فكره و ميخوفش
حياه:آه ما هو الدم بيحن عشان كدا مش بتخافي
صقر ضحك و أميرة بصتلهم بغضب و مشيت.
صقر:الدم بيحن!!
حياه:آه بيحن
صقر:أنتي مشكلهه أدخلي أدخلي
حياه دخلت و صقر وراها بيضحك...الحفله خلصت و العيله باليل قاعدين بيتكلموا عن اليوم.
عاصم:اليوم كان لطيف جدآ مكنتش متصور هيبقي كدا
صقر بفخر و هو بيبص لحياه:كل حاجه كانت أختيار حياه و مصممه الحفلات تولين
سفيان:ياباااي علي تولين دي إنسااانه باارده
صقر ضحك هو و حياه و بصوله.
سفيان:إيه في إيه!!
صقر:اللي يشوفك كدا ميشوفكش وأنت بتتصل بيها عشان تيجي
حياه بتقلده:ألو أيوة يا تولين ممكن يعني لو مفيش إزعاج
وليد بيكمل:تيجي الڤيلا أصل عندنا حفله و عايزك تصمميها آه لا عيد ميلاد
صقر بيكمل:اه هستناكي تمام شكرآ جدآ جدآ
سفيان بصلهم بغضب و أنفجر في الضحك و هما ضحكوا معاه و ناهد و عاصم بصولهم بحب و أستأذنوا يطلعوا ينااموا.
سفيان:بقي أنا كنت بقول كدا
حياه:أينعم
سفيان:والله
صقر:والله
سفيان:تصدقوا إنكوا باردين أنا ماشيي
وليد:طب ما تخليك قااعد
سفيان:لا يا خفيف أنا ماشي
ضحكوا عليه و هو كمان ضحك و مشي..حياه أتنهدت و بصت لوليد و صقر:أنا طالعه أنام
صقر:تمام تصبحي علي خير
حياه:وأنت من أهله
حياه طلعت و وليد قرب من صقر.
وليد:آيه!
صقر:آيه في إيه؟؟
وليد:إيه أنت عينك متشالتش من عليها طول الحفله و لما صوتت كنت أول واحد تجري عليها إيه العبااره؟؟
صقر:عباره إيه!!
وليد و هو بيقوم:أمم هتيجي و تحكيلي في يوم يا صقر و كدا كدا العبااره واضحه
و بص ورا صقر و قال:حياه أنتي من امتي هنا
صقر بص وراه لكن حياه مش موجوده و وليد ضحك و صقر قام عشان يضربه و فضلوا يجروا ورا بعض..
^^^^^^^^^^^^^^
تاني يوم
صقر في شركته حس بربكه و إن الدنيا برا مش تمام طلع و كانت مها و حياه مش موجودين أتمشي في الشركه و الموظفين برضو مش موجودين لحد ما وصل عند السلم و كانوا الموظفين متجمعين عنده قرب منهم و بص و......
#حبت بنت الشوارع (حياه الصقر) 7
الفصل السابع
صقر بص في المكان اللي كلهم بيبصوا فيه و اتفاجئ بمها قاعده بتعيط و حياه جمبها بتهديها..
صقر:إيه اللي بيحصل هناا دا
حياه بصتله كأنها بتترجاه يمشي الموظفين..
صقر فهم حياه :كل واحد علي شغله يلا مستنيين آيه يلاااا
كل الموظفين بدأوا يمشوا و هو سامع همساتهم..
@ياعيني مسكينه
#حياتها هتتشقلب
بصلهم بأستغراب هما يقصدوا مين أصلا بكدا و نزل علي السلم لحياه و مها..
صقر:في إيه!!
حياه بصتله بخوف.
صقر:حياه في إيه ردي!!
حياه:المرادي مش هتعرف تدافع عنه لو أنا رديت
صقر:هو مين!!
حياه:أبن عمتك
صقر:وليد!؟ ماله!!
حياه:صدقني بلاش
صقر:في إيه يا حيااه مهاا في إيه
حياه:وطي صوتكك
صقر:ما أنا مش فااهم هوطي لما أفهم
حياه:تمام وليد أتعدي علي مها
صقر كان آخر حاجه متوقعها هي دي..كان متوقع إن وليد يكون زعق لمها،احرجها،أي حاجه غير كدا أي حاجه غير الهبل دا بالنسباله..
صقر بصدمه:وليد مين!!وليد أبن عمتي!!وليد!!
مها بتزيد في عياطها و حياه بتهز رأسها بنعم.
صقر بتوهان:يعني ممكن يعني
حياه:صقر فوق كدا بالله عليك هاا فوق
صقر هز رأسه بعدم تصديق و طلع جري علي مكتب وليد دخل زي الإعصار كان وليد حاطط رأسه بين إيده و ساكت..
صقر:أفهم من كدا إن الكلام دا صح؟!
وليد بندم:صقر أنا آسف مش بإرادتي
صقر قرب منه و قومه من مكتبه و مسكه من لياقه قميصه.
صقر:إيه هو اللي مش بإرادتك إيه هو أفهم إزاي مش بإرادتك إيه أتجننت و قولت أما أروح اغتص*بها ولا إيه؟؟
وليد بأسف:أنا عارف إني غلطان بس مكانش قصدي صدقني
صقر بجمود:والله اللي يغلط بيصلح الغلط جهز نفسك باليل كلنا مسافرين البلد عشان تتجوز مها
وليد:هتقولهم!
صقر:أكيد لا محدش هيعرف غير اللي عارفين و دول انا و أنت و حياه و مها و بس هنسافر البلد و تقول إنك عايز تخطب و
كدا كدا عيله مها من نفس البلد يعني كتب كتاب و فرح علطول في خلال أسبوع هيقولولك ليه السرعه دي هتقول إنك بتحبها سااامعني بعد اللي عملته مينفعش نستني
وليد بندم:حاضر
صقر بصله بقرف و بعد عنه نفض إيده كأنه ماسك حاجه ملوثه و بصله بحسره و طلع قابل حياه في وشه و هي من نفسها
دخلت المكتب وراه و هو حكي ليها كل اللي حصل و مع إنها كانت متضايقه من كل اللي حصل إلا إنها عجبها موقف صقر جدآ..
^^^^^^^^^^^^
باليل فعلآ صقر عرف العيله أنهم مسافرين و أخد حياه و والدته و والده في عربيته و وليد و سفيان في عربية.. و مها عشان محدش يشك هتسافر لوحدها..
وصلوا البلد و كلهم سلموا علي بعض و صقر عرفهم علي حياه اللي أول ما شافت البيت قلبها دق و زاد أكتر لما شافت والدة
وليد و والدة وليد نفس الحال حست إن حياه مش غريبه حست إنها منها سلمت عليهم و بدأوا يعملوا أكل عشان الفطار و بعد كدا الكل طلع يرتاح و والدة وليد أخدت حياه أوضتها
حياه شكرتها و حضنتها و أول ما حضنتها حست بإحساس غريب إحساس من زمان نفسها تحسه بعدت عنها و دخلت أوضتها أخدت دش و كانت هتنام لكن شئ خلاها تطلع
البلكونه طلعت و شافت صقر وسط الرجالة شافته بيساعدهم ازاي شافت ضحكته و هزاره شافت فرحته وسطهم أتنهدت بحب أو بمشاعر كتير و أتمنت لو يبقي عندها عيلة زيهم و فضلت تتفرج عليهم..
تاني يوم
وليد كلم والده علي الكتب كتاب علطول و صقر ساعده في دا و وافقوا و خصوصآ أنهم عارفين أهل مها و اتفقوا علي المغرب يروحوا لمها و عيلتها..
باليل
والد و والدة وليد و صقر و ناهد و عاصم و وليد راحوا لبيت مها و باقي العيلة في البيت و سفيان بيستقبل تولين عشان
تصمم حفله كتب الكتاب و البنات قرروا يتجمعوا في الجنينه في حته مداريه عشان يلعبوا و خصوصآ إن حياه معاهم و أنهم عايزين يتعرفوا عليها..
البنات جهزوا قعدتهم و قعدوا في وسط ضحك و هزار و أتعرفوا علي حياه أكتر و حبوها جدآ..
البنات قاعدين و قطع ضحكهم و قعدتهم صوت ضرب نار فزعهم كلهم و خلاهم يجروا..