رواية .#براءتى
الفصل الحادي عشر والثاني عشر
بقلم كوكي سامح
__ قرب من الشاشه وعمل زووم علشان يشوف مين ولما الباب اتفتح شاف شاب غريب
وكان لأول مره يشوفوا وبقى يكلم نفسو
زى المجنون.. فى ايه انا مش فاهم حاجه!؟
الشاب قرب من البنت وحضنها بحبكك يا______
" صدمه ةةةةةةة" 😱
فهد اتأكد من البنت وعرفها بمجرد ما قرب الشاشه
والشاب نطق اسمها.
قام وبقى يخبط دماغو فى الحيط.. انا هقتلك
يا خاينه يا فاجره.. ومش هسيبك يا علام الكلب
وخد الاب وركب عربيتو وطلع على البيت الكبير
وعينو بطق شرار
فون فهد بيرن وكان شريف بيطمن عليه
إنما كان بيكنسل.. شريف قلق جدا لانه
عارف مقالب علام ومدى كراهيتو ل فهد
___من جهه تانيه براءه وصلت لمنزل مجهول دور واحد فى نفس البلد وكانت منهاره ودخلت جواه
____ اسرار واقفه بتراقبها من بعيد واستغربت جدا لما شافتها دخلت البيت البسيط ده وبتسأل نفسها.. هى تعرف مين فيه؟!
بس مشيت وهى واثقه انها عرفت مكانها ورجعت
البيت الكبير وبداخلها.. يا ترى براءه هربت ليه؟
دخلت جرى على غرفه نعمات والفرحه باينه
على وشها.. يا حماتى.. يا حماتى
" نعمات بتعجب" حماتك؟.. فى ايه يا اسرار
هو فهد طلق اللى ما تتسمى ولا ايه🤔
اسرار رفعت ايدها لفوق.. يارب
وبلهفه فرحه.. هربت من البيت انا شوفتها بنفسى
" نعمات بصدمه ةةةة😱" هربت يا مصيبه سوده
طيب ليه.. وازاى وبعدين مش يمكن رايحه مشوار ولا حاجه.. مين قالك انها هربت؟
اسرار.. معرفش هربت ليه؟. بس شوفتها وهى ماسكه شنطه فى ايدها وخارجه تتسحب زى الحراميه.. شكيت فى الموضوع .. مشيت وراها لحد ما عرفت طريقها
ياااه اخيرا ارتحنا منها.
" نعمات بتوتر" يبقى اكيد عرفت بالورقه العرفى
وخدتها وهربت والخطه باظت يا فالحه
وبقت تمشى فى الغرفه زى المجنونه وبتضرب
كف بكف.. اومال هتهرب ليه؟
اسرار بغضب.. معقول تكون عرفت بالورقه.. طيب مش يمكن فهد اللى عرف علشان كده هربت
" نعمات" يعنى لو عرف كان هيسكت ده كان شرب من دمها وخرجها من البيت بفضيحه.. ما انتى
عرفاه.. اسرار بغيظ.. كان نفسى اشوفها مضروبه
ومفضوحه يا مرات عمى
وفكرت لثوانى وسابتها وجريت وهى بتتسحب على غرفتهم وفتحت الدولاب ودورت وملقتش الورقه.. رجعت وبصراخ وغضب.. كل كلامك
صح.. عرفت بالورقه وسرقتها وهربت بنت الكلب
" نعمات بحيره" يا ترى عرفت ازاى.. دى كانت نايمه فى غرفه البت اللى اسمها نور وقولت
فهد اللى هيشوف الورقه مش هى خالص
اسرار.. مش مهم كل ده.. هنعمل ايه دلوقتى؟
" نعمات" طيب مفيش ورقه تانيه
اسرار.. ازاى يعنى.. هى شغلانه🤔
نعمات بعد تفكير.. خلاص انا عندى فكره هتوديها
فى ستين داهيه.. اسرار بلهفه.. قولى بسرعه
" نعمات" انا هطلع الطقم الالماظ واقول انها
هى اللى حرقت الغرفه وكانت قاصده
لما عرفت ان علام باعت لها الورقه العرفى
اسرار بتعجب.. ولما يسألك على الورقه هتقولى
اي!؟ ولسه هتتكلم
الباب اتفتح عليهم
وقاطعت كلامهم ام فرحات وبصدمهةةة😱
وصراااااااااخ
يا ست نعمات براءة خدت هدومها كلها ومشيت
من البيت..
__ فى المنزل الموجوده فيه براءه__
دخلت وهى منهاره وقعدت على كرسى وحطت الشنطه على الأرض
المنزل كان لإمرأه مطلقه اسمها بسمه
بسمه كانت علاقتها ببراءه كويسه ونفس الوقت
" مسااااااااااعده"
هى من نفس عمرها تقريباً مع اختلاف الظروف
بسمه بذهول وقلق.. بصت للشنطه.. خير يا
ست براءة فى حاجه ولا ايه
وبصت لها اوى ولقيتها بتعيط
ضربت بإيدها على صدرها.. انتى بتعيطى
خير يا ست الناس فى ايه بس
براءه بدموع ونرفذه.. مفيش.. مفيش
بسمه.. ازاى مفيش!.. ده انتى وشك مخطوف
وكأنك عامله مصيبه
براءه بتهرب.. شويه مشاكل..انا بس كل اللى عاوزاه منك انى هقعد عندك يومين لحد ما اشوف
هعمل ايه وارجوكى انا مش قادره اتكلم دلوقتى
بسمه.. انتى تقعدى على راسى يا ست براءه
ده البيت بيتك.. براءه باحراج.. هما يومين بس
بسمه.. انتى تقعدى زى ما انتى عاوزه
براءه قربت منها.. انتى طبعا عارفه انا بثق فيكى
قد ايه.. بسمه بابتسامه.. متقلقيش محدش هيعرف انك عندى
براءه.. شكرا يا بسمه
بسمه.. لا شكر على واجب ده اققل حاجه
اعملها معاكى بعد ما لمتينى من الشوراع وكلاب
السكك واشتريتى ليه البيت ده
بعد ما اهل طليقى لابسونى مصيبه ورمونى
ومضوووونى على ورقه تنازل عن ابنى
ده غير الفضايح وحسرتى على ابنى
حسبى الله ونعم الوكيل 🖤
ولطمت على وشها.. وكل ده علشان بيحبنى
وقال ايه! .. قالوا عليه بعملو اعمال سفليه
منهم لله.. براءه بتوعد وقربت منها وحضنتها
وانا لسه عند كلمتى ليكى ومتابعه المحامى
اللى رفع القضيه وان شاء الله ابنك هيرجع
وهيكون فى حضنك قريب.. عارفه ليه🥺
بسمه بدموع.. ليه يا ست الستات
تراكمت الدموع فى عينها.. علشان انتى مظلومه
وربنا ميرضاش بالظلم
بسمه بدموع.. ربنا ينصرك ويبعد عنك كل ظالم
براءه بابتسامه ودموع.. يارب بجد احلى دعوه
انا كده اطمنت😘
بسمه.. انا هدخل احضرلك غدا إنما ايه هيعجبك
وبلهفه.. انا عارفه انك حامل وهعملك فرخه
ترم عضمك براءه بدموع.. انا مش حامل يا بسمه
بسمه.. عااااااااا
____ فى البيت الكبير ______
___ نعمات فى غرفتها ومعاها اسرار
ام فرحات خارجه بتلطم فى داخله فهد
ست براءه مشيت من البيت
فهد بزعيييق.. براءه.. براءه
ام فرحات برعب وفزع.. الست براءه مش هنا
فهد بغضب وجز على أسنانه.. اومال فيييين؟ها؟
ام فرحات بلجلجه.. ممممم معرفش.. بس ببببس
خدت كل هدومها ومشيت
شريف داخل يجرى وفى ايدو ورقه
وجرى عليه وشوش فهد وقالوا ___________
نعمات خارجه ووراها اسرار
" نعمات بخباثه" مالك يا فهد بتزعق كده ليه
وبصت لشريف.. وده جه ليه هنا دلوقت
خير يا شريف بيه
فريده خارجه من غرفتها وماسكه جمبها.. فى ايه
ليه الزعييييق ده.. لمحت شريف وعينها فى عينو
وكأنها بتقولوا بحبككككك ونفسى ارجعلك ❤️
فهد بغضب.. فييين براءه... هى فييييين؟
وضرب بإيده على ترابيزه السفره
نعمات قربت منه.. ابنى حبيبى مالك يا ضنايا
وبكل خباثه عينها فى عين اسرار
وغمزت لها.. وطبطبت عليه وبلجلجه وبكل خبث
ان انتتتتتت انت عرفت ولا ايه؟
فهد بصلها حته بصه كلها شر وعينه حمرا
عرفت ايه يا امى ها
" نعمات بتوتر" عرفت يا ابنى ان مراتك
اللى قولتلك عليها بلاش جواز منها علشان مش
بنت أصول ولا تعرف يعنى ايه عشره وبيت محترم انها هى اللى حرقت الهدايا يوم السهره
الياها ورمت نفسها فى الحريق علشان تصعب
عليك ومش تشك فيها
ام فرحات.. كذب.. الست براءه دخلت الاوضه وهى والعه" نعمات بغضب" وانتى مالك يا وليه
ياللى اسمك ام الزفت يلا غورى من هنا
ام فرحات بخوف.. حاضر هغور ودخلت المطبخ
فهد ببرود.. اه.. براءه حرقت الهدايا.. مممممممم
طيب ليه حرقتهم ها مع ان المفروض يعنى ان الهدايا ليها وده كان هيفرحها.. تبقى تحرقهم ليه وبزعيييق ردى عليه يا ماما ساكته ليه!؟
" نعمات بقلق" علشان.. ولسه هتتكلم
فهد قرب من شريف.. هات الورقه
خدها منه وظهرها قدام الكل وقال بأعلى صوته
براءه كانت متجوزه عرفى وانا معرفش
وجمعت بينى وبين علام والمفجأه ان الحمل
مش منى.. اللى فى بطنها طلع ابن علام
ونزلت الدموع من عينه وقعد على الكرسى
متسمر مكانه؟
نعمات بداخلها.. الحمد لله انى ملغبطتش فى الكلام.. طلع هو اللى عرف موضوع الورقه
علشان كده هربت
___ وقفت عربيه قدام باب البيت ونزل منها
حماده ومراته آيات
[12]
___ فهد قاعد متسمر مكانو
حماده ومراته آيات دخلوا وشافوا منظرهم وهما
واقفين ومنظر فهد وهو قاعد ماسك فى ايدو الورقه والدموع نازله من عينه
حماده بخضه.. هو فى حاجه ولا ايه؟ مال شكلكم عامل ليه كده وجرى على نعمات.. ماما هو فهد مالوا وايه جاب شريف هنا؟
" نعمات بزعيييق وغضب" فى مصايب فى خراب
بيوت
ايات بقلق.. ليه بس كده يا ماما وجريت على فهد وبفزع براءه جرالها حاجه وقربت منه.. انت بتعيط
متزعلش ربنا ان شاء الله هيعوضك خير وبصت
ليهم كلهم وعينها فى عين حماتها.. وطبعا هى
مش فاهمه حاجه وقالت.. خلاص يا ماما متكبريش الموضوع.. براءه بس تشد حيلها
وان شاء الله يحصل حمل قريب اوباااااا
فهد بخضه وقلق.. يعنى ايه.. هى براءه مش حامل
آيات.. هى كانت حامل وسقطت.. يوم السهره
اللى حصل فيها الحريق كنت انا وحماده رايحين
الاسكندريه نقضى يومين علشان شغلو
واليوم ده حصلت مشكله بينى انا وماما
وكالعاده اتهزقت وسكت.. اليوم ده براءه كانت تعبانه وعندها مغص جامد وطلبت منى اروح
معاها قبل ما أمشى الكوافير علشان تظبط
نفسها وتعبت وحست بالمغص أقوى
وحست ب علامات السقط وروحنا لدكتوره نساء
وقالت إنها سقطت وفقدت الجنين.. بس هى كانت
فى الشهر الأول أو التانى تقريبا.. بس سقطت
وطلبت منها ترتاح.. بس براءه رفضت الراحه قالت لازم تجهز نفسها وبصت ل فهد.. علشان انت متزعلش منها.. كانت عاوزه راحتك
وطلبت منى أخبى عليكم لحد ما ارجع
لأنها كانت خايفه عليك من صدمه فقدان البيبى
وخصوصا بعد ما عرفت مشكلتك.. كانت خايفه
عليك من الزعل وقالت لما ارجع ابقى انا وهى نتكلم معاكم عموما قدر الله وما شاء فعل
ربنا يعوضكم خير.. وبصت حواليها.. هى راحت فيييييييين👀👀؟
الكل ساكتتتتتتتتتتتت
فهد ضرب بإيدو على الترابيزه وثار وقام من مكانه وبزعيييق وكانت حالته غير طبيعيه
فينك يا براءه.. هى فيييين
نعمات.. ما هربت علشان تفضحنا المفضوحه
فهد قرب منها.. انا لازم اقتلها واشرب من دمها
بس هى فيييين.. اسرار بلهفه.. انا عارفه راحت فين " فهد بلهفه" فييين.. اسرار بقرف.. انا شوفتها
وهى بتهرب.. كان معاها شنطه هدومها وراحت
على بيت.. انا معرفش ازاى دخلت فيه
فهد بغيظ.. انا لازم اروح اجبها من شعرها
علشان اعرفها ان الله حق
وازاى تعرف تخون فهد
اسرار بفرحه.. اه لازم تتضرب وتتفضح.. لأنها تستاهل العقربه اللى ملهاش كبير
مش كفايه أن امها كل يوم مع راجل
فهد بتجاهل.. ما علينا ومسك اسرار
من ايدها.. تعالى معايا.. انا عاوز اعرف مكانها
وخرج معاها وطلب من شريف يستناه
آيات قربت من فريده.. ايه اللى بيحصل
انا مش فاهمه حاجه؟!
فريده بحزن.. معرفش.. انا معرفش حاجه
خرج مع اسرار وركب عربيته ولما وصل
عند البيت نزل ونزلت وراه اسرار
وخبط على الباب بقوه
براءه قاعده ولسه بتمد ايدها علشان تاكل
بعد ما حكت ل بسمه ازاى سقطت
سابت اللقمة بفزع ورهبه.. ده فهد انا عارفه خبطتو😱 والرعشه من الخوف مسكت
جسمها..
بسمه بفزع.. متخافيش يا ست براءه انا مش
هفتح.. بس لقيتها متسمره من الرهبه
والخضه وضمت رجليها فى بعضها
بسمه بتحاول تهربها إنما هى مستسلمه
فهد بيخبط جامد وبزعيييق.. انتوا ياللى هنا
فينكم.. حد يفتح الباب ده يأما هكسره
وخبطو برجلو مرتين ورا بعض
بسمه فتحت الباب
فهد دخل جرى.. وبلهفه هى فين براءه
بسمه.. ابوس ايدك يا فهد بيه الست براءه
طيبه ومعملتش حاجه.. سامحها.. البيوت
كلها مشاكل
فهد.. فين براءه.. ولمحها بعينه وهى متسمره مكانها قرب منها وشدها من دراعها.. انتى تكذبى
عليه يا براءه.. انا هوريكى
اسرار دخلت.. تعالى يا فاجره
فهد بزعيييق.. اسرار.. اسكتى انتى
وخد براءه، وخرج بره البيت.. بسمه.. يا بيه يا بيه
وخرجت ومعاها الشنطه.. فهد بحده خدها منها
وركب العربيه وبراءه جمبو وأسرار ورا
لما العربيه اتحركت.. بسمه.. ربنا ينصرك
يا ست براءه على قد ما ساعدتينى ووقفتى
جمبى ودخلت البيت وعينها
كلها دموع ومش بإيدها اى حاجه
___ العربيه وصلت وبراءه نزلت وكانت
خايفه وعارفه ان فهد مش هيسبها
دخلت ووراها فهد واسرار
قعدت على الكرسى والدموع نازله من عينها
آيات قربت منها.. انا اسفه انى قولت.. براءه
مش بترد.. آيات.. انتى كويسة
براءه بصت لها وهزت راسها وبصت لفهد بالأ
نعمات بغضب..انتى تهربى مننا يا عار علينا
فريده.. خلاص يا ماما
فهد عينه فى عين براءه وشايف حالتها وعارف
انها تعبانه
قعد على الكرسى وطلع الاب من الشنطه
وفتحو وقعد قصاده وطلب منهم كلهم يقربوا
فهد.. انا عاوز كل واحد فيكم يتفرج ويشوف الفيديو ده ويعرف قد ايه انا كنت مختوم على قفايا.. آيات بداخلها.. يارب استرها على براءه
دى عينو كلها شر
حماده قرب منه.. فى ايه الاب ده
فهد بسخريه.. الكل هيتفرج.. كلها دقايق
وفتح الاب وشغل الفيديو
نعمات قربت.. مين دى ؟ مش واضحه
فهد.. عمل زوووم وقرب الشاشه
فريده.. ايه ده.. هو ده فيلم
حماده.. ايه يا عم ده
اسرار بانهيار.. لا لا لا لااااااااااا ومسكت جسمها
وكأنها عريانه.. اه يا علام يا ابن الكلب
الكل بص عليها " نعمات بلجلجه" مممم مين دى
هى دى انتى يا اسرار.. يا نهار اسود ومنيل
اسرار بتحاول تجرى فى البيت
براءه فاقت والرعشه فكت من جسمها بس
قاعدة مكانها متفرجه
فهد جرى عليها ومسكها من شعرها.. انتى تضحكى
عليه يا بنت الكلب.. انتى تلعبى بينا وبشرفنا
اسرار بفزع.. بصتلوا.. والله ضحكوا عليه
كنت شاربه مع علام خمرا.. انا كنت سكرانه
يا فهد.. ابوس ايدك سبنى
فهد.. اوعى تكونى فاكرة انى بغير عليكى
لا يا روح امك.. انتى بنت عمى يعنى منى
ونزل ضرب فيها ب الأقلام وشدها من شعرها
واتحول لواحد تانى
اسرار بقت تنزف من كل مكان فى جسمها
شريف جرى عليه ومسكوا.. دى هتموت فى ايدك
فهد بعصبيه وغضب.. ما تموت ولا تغور.. انا عاوزها تموت.. ما الفاجره اللى زى دى مينفعش
تعيش وسطنا وتبقى حته مننا
يا زباله يا نجسه وشدها عليه.. كام واحد ها
عينها فى عينو ومنهاره.. ابعد عنى وسبنى
وزقته.. انت ملكش حكم عليه
وبصت لبراءه.. كله بسببها من يوم ما خددتك
منى وانا حاسه انى بموت
فهد قرب منها ونزل فيها ضرب وكانت هنا المواجهه بين اسرار ونعمات وفريده
"صدمهةةةةةةةةةةةةةة" 😱
اسرار.. انا مش لوحدى.. ما الست فريده اختك الطاهره اللى عامله فيها شريفه.. اسألها ماشيه
مع مين وبتعرف مين ومسكت شفايفها من كتر
النزف
نعمات.. ضربتها بالقلم اخرسى يا فاجره
اسرار.. مش هخرس وهقول على كل حاجه
الست هانم امك.. مرات عمى المصون.. طلبت منى
اضرب ورقه عرفى بأسم مراتك علشان تطلقها
وهى اللى طلبت منى بردوا أحرق كل حاجه
وابوظ الليله
براءه بداخلها.. حسبى الله ونعم الوكيل🖤
فهد ماسكها من شعرها وبغضب.. يعنى علام ميعرفش حاجه عن الورقه دى وشدها عليه.. انطقى..يعرف ولا لأ.. اسرار بألم ودموع.. اه يعرف
لما الست والدتك طلبت منى اعمل كده روحتلوا
زياره لأنى كنت عارفه علاقته ببراءه
وعارفه ان عاوز ينتقم منك وطلبت منه الورقه
العرفى.. فى الاول رفض وبعد كده بعتنى لمحامى
شمال هو اللى عمل الورقه وزور امضت مراتك
بس اللى مكنتش اعرفوا
انه كان مصورنى فيديو.. انا غلطت وعارفه
انى غلط بس العيب مش منى العيب فى مرات
عمى وضربت بإيدها على كتف فهد
ابقى حاسب والدتك قبل ما تحاسبنى يا فهد باشا
براءه قاعده مكانها وشايفه حقها كله بيخلص
قدام عينيها..
اسرار.. ابقى الحق فريده علشان ليها فيديو
فهد نزل ضرب فى اسرار
فريده بفزع ورهبه.. والله ما عملت حاجه
انا كل اللى عملتو.. كنت معاها وشربت وكانت اول مره واخرها ودوخت ولقيت نفسى فى اوضه
وشاب معايا ولسه بيلمسنى.. حسيت بيه
قومت جريت.. فهد قرب منها ونزل فيها ضرب
شريف جرى عليه وخدها من ايدو
فريده عينها فى عين شريف وكأنها بتقولو انا بريئه إنما بتوجهه الكلام لاخوها
اكشف عليه يا فهد.. انا زى ما انا محدش قرب منى
اسرار بسخريه.. الله اعلم بقى
حماده قرب من فريده.. وحاول يضربها
بس شريف دافع عنها
" نعمات" اه يا ملعونه يا بنت الكلاب
اسرار.. شوفى بنتك اهى شبهك
" نعمات بغضب" يلا يا زباله من هنا.. مسكتها
وبتضربها وتخرجها بره البيت
اسرار ماسكه جسمها وبتتوجع من الضرب
اوعى ايدك وزقتها شريف قرب منها.. هى مش هتخرج من هنا" نعمات بغضب" وانت مالك
شريف باحراج.. انا اسف وبص لاسرار.. أصلها
هتخرج معايا وفى ايدها الكلبشات لأنها زورت
عقد الزواج العرفى وانتحلت شخصيه براءه مع المحامى بالأتفاق مع علام ولازم اقبض
عليها وحالا
اسرار بانهيااار.. لا مش لوحدى مرات عمى معايا
فى كل خطوه.. إنا مش هتحبس لوحدى
شريف.. كله كلام.. معاكى دليل على أنها متفقه
معاكى ع كده.. اسرار.. لا مش معايا
شريف.. يبقى أسف.. إنما حضرتك عليكى ادله
وأولها.. الزياره لعلام فى السجن ووجودك عند المحامى.. وانتحال شخصيه براءه
اسرار بتهرب.. انا معملتش حاجه ومنتحلتش
شخصيه حد.. انت فاهم ولا لأ