البارت السادس والاربعون الاخير
روايه حكايات العاشقين ♥️
بقلم رحمة ناجح
احمد. بما أن بقا الإفراح جت كتير مجتش علي قرمط جوزني اختك يا غيث ..
لينظر الجميع الي احمد بصدمه مما قاله ..
احمد. انتو بتبصولي كده ليه ..
غيث. اخت مين ..
احمد. هو انا عكيت الدنيا ولا ايه ..
حور بهمس. شكلك كده يا نيله ..
غيث. انتا شوفتها فين اصلا ..
احمد. وربنا هي مره شوفتها امبارح لما كانت قاعده مع البنات وبالغلط كمان ..
چود. الواد عايز يكمل نص دينه اي هنعترض..
احمد. والله انتي قلبي ده اختي مقلتش كده ..
حور. قابل بقا ..
ليتقدم منه غيث ويمسكه من ياقه القميص ..
غيث. هي مين دي اللي قلبك ..
احمد. اختي حور دي قلبي ..
غيث. بحسب ..
احمد. لا متحسبش المهم بقا موافق ..
غيث. لا ..
احمد. ليه بس ..
غيث. مزاجي ..
ابو حور. انتو مش عاملين احترام لحد ما تقعدوا ..
احمد. والله يا بابا انا قصدي خير ..
ابو حور. غيث يابني انا بطلب ايد الانسه مها منك لاحمد ابني ..
غيث بهدوء. وانا معنديش مشكله يا عمي بس الرائي الاول والاخير ل مها ..
ابو حور. خد راحتك يابني ..
احمد. ممكن طلب كمان ..
غيث. ارغي ..
احمد. احم الخطوبه تبقا يوم كتب الكتاب بتاعكم ..
غيث. لما توافق الاول وهي مش هتوافق اصلا ..
احمد بهمس. ليه بس يا بومه ..
حور. اسكت بقا بدل ما يقوملك ..
عدي. طب عن اذنك انتا يا عمي هنمشي ..
ليخرج الشباب من هذا القصر ..
في غرفه البنات كانوا يجلسون بفرحه عارمه ..
چود. هتجوز هتجوز لولوليييي ..
حور بضحك. البت اتجننت يا عيني الله يكون في عونك يا غيث ..
چود. الله ما انا قمر واتحب يا بت ..
عشق. جتك قرف ..
حور. عاااااا ..
عشق. في ايه يا بومه انتي كمان ..
حور. ثانيه كده هما اقنعوهم أن كتب الكتاب اخر الشهر صح ..
عشق. صح وبعدين فين المشكله بردو ..
حور. اخر الشهر أمته يا حلوه انتي وهي ..
چود بضحك. البس ..
عشق. ده كمان يومين يادي النيله هنعمل ايه ..
چود. هنعمل كدهون ..
قامت چود لكي ترقص ولكن يد عشق منعتها واجلستها مره اخري ..
چود. تصدقي انك حقوده انا واحده عايزه ترقص ده ايه ده ..
عشق. اقعدي يا نيله عشان نشوف هنلبس ايه من الفساتين ..
چود. حد قالك اني مول مصر هنا هانروح بكره المول ونختار اللي احنا عايزينه ..
عشق. اموت واعرف بتجيبوا البرورد بتاعكم ده منين ..
چود وحور. من عند بتاع المثلجات ..
عشق. الصبر يا رب ..
حور بهمس ل چود. تفتكري هتتجنن مننا ..
چود. انا مفتكرش انا اتاكدت ..
عشق. انا هعد لخمسه لو ملقتش النور مطفي عشان اتخمد مش عايزه اقول ايه اللي هيحصل هسبها لخيالكم ..
حور. هي مالها بقت قفوشه كده ليه كل شويه اطفوا النور وعايزه انام ..
چود. معرفش ياختي ده حتا مارو فرفوش كدهون ..
عشق. واحد ..
حور. اهدي بس هنسهر نعمل ماسكات ..
عشق. اتنين ..
حور. الله ما تتهدي بقا ..
عشق. تلاته ..
حور. علفكره انا مبتهدتش ..
عشق. اربعه ..
حور. احم انا فعلاً عايزه انام ..
ثم توجهت سريعاً واطفات هذا النور ..
عشق. ناس متجيش غير بالعين الحمره ..
حور. الله يكون في عونك يا مراد ..
چود. عندك حق ..
عشق. هووس ..
بالفعل نامت البنات بعد تزمرهم من افعال عشق...
صباح يوم جديد كانت البنات قد استيقظت ومتوجدين داخل هذا المول ..
حور. مسا مسا ..
عشق. مالك في ايه ..
حور. مش لاقيه حاجه عجباني ..
چود. في ايه احنا لسه جايين ..
حور. مليش في مرمطط البنات دي ..
چود. اومال انتي ايه يا جعفر ..
حور. انا حور يا عنيا ..
عشق. طب تعالي ياختي انتي وهي المحل ده شكله فيه فساتين حلوه ..
وعلي الجهه الأخري ..
مراد. احنا فعلاً هنتجوز ..
غيث. والله انتا لسه واخد بالك ..
عدي. انتو سمعتوا عن الستات اللي بتقتل اجوزتهم ..
مراد. احم سمعت حاجه زيي كده ..
عدي. بفكر مجبش طقم السكاكين عشان حور عصبيه ..
غيث. الله عدي باشا خايف ..
عدي. احم ما هو العمر مش مرتين ..
مراد. يا واد يا جامد ..
عدي. ما بلاش انتا عشق شكلها قلبها جامد وهتقطع بضمير ..
مراد بخوف. هااا لا عشق دي قره عيني متقلقش ..
عدي بضحك. لما نشوف ..
وعلي الجهه الأخري ..
حور. حاسه اني زيي الراجل اللي بيبقا مع مراته وشيلها الشنط ما تخلصي يا بارده انتي وهي ..
چود. ما انتي اللي خلصتي بسرعه اعملك ايه ..
حور. احم عشان انا لو لبست خيشه كده اصير ملكه ..
عشق. يا واد يا جامد ..
چود. خلاص خلاص فاضل الطرح ويكون انتهي ..
عشق. احم عندي سؤال ..
حور. حاسه ان فيه مصيبه ..
عشق. يعني مش اوي هل ممكن البس دون طرحه ..
حور. تؤتؤ عشان الحج مراد راااجل ..
عشق. وايه علاقته بالرجوله ده ..
چود. مراد هيبقا يقولك ..
عشق. عالطول حبطني كده جتكم نيله ..
حور. طب يالا عشان انا جعانه وعايزه اكل لحسن افضحكم هنا ..
چود. هوس هوس خلاص هناكلك ..
أخذوا تلك الطرح ثم توجهو نحو ذلك المطعم المفضل لديهم واللذي كان متواجد علي النيل ..
چود. ها يا فضحانه عايزه ايه ..
الجرسون . تطلبي ايه يا فندم ..
حور. بيتزا حلوه كده وتكون فراخ عشان مبحبش اللحمه وايه تاني اه جمبها مشروب بيبسي كبير كده ويكون في تلج ..
لينظر لها هذا الجرسون ثم يضحك علي طريقه كلامها ..
حور. اضحك اضحك محدش واخد منها حاجه ..
عشق. انتي جايه تحققي احلامك هنا ..
حور. بظبط كده ..
چود. وانا عايزه باستا وشويبس ..
حور. بالله اسمها مكرونه الله يرحم ..
عشق. وانا زيها ..
لياخذ هذا الجرسون ويذهب وهو يضحك عليهم بشده ..
عشق. انتي مالك يا حور في ايه ..
حور. معرفش ..
چود. هتلقيها عايزه تنام فنخلص ونمشي كده عشان احنا علي وشك الفضح ..
حور بضحك. حبيبي اللي فهمني ..
عشق. والله انتي لما بتبقي عايزه تنامي بتبقي عامله ولا احسن دماغ فيكي يا مصر ..
حور. ما انتو تعبتوني بصراحه وانا ماليش في الفرهده دي انا كائن صحتي علي قدي ..
عشق. الله يكون في عونه ..
حور. ماله ياختي خد جوهره العيله الله ..
عشق. اممم انتي هتقوليلي بردو ..
انتهت البنات من طعامهم ليذهبوا الي القصر الخاص بهم ثم ذهبوا في سباق عميق فهذا المشتريات اتعبتهم بشده لياتي اليوم التالي هذا اليوم الذي سيغير حياتهم الي الأحسن وسوف يحصلون علي حبهم الي الابد بعد هذا المعاناه الذي مروا بها ..
الام. قومي يا نيله منك ليها عشان تجهزوا نفسكم ..
حور بنعاس. خمسايه بس معلش ..
الام. طول عمرك غيبوبه نوم حتا يوم كتب كتابك ..
حور. ده ايه النيله دي اهو قومت لما نشوف اخرتها ايه ..
بالفعل قامت البنات بعد معاناة تلك الام ..
چود. وهتجوز هتجوز ..
حور. لولوليييي ..
عشق. واخيرا هبقا حرم مراد باشا ..
حور. مراد باشا جتك وكسه ..
عشق. شكرا شكرا شكرا ..
چود. هو احنا مش قد المقام ولا ايه هو مفيش اغاني في ام القصر الحليوه ده ..
حور. معرفش ياختي دي شكلها شكليات بس ..
وسط ما كانوا جالسين يتحدثون ليدخل عليهم احمد وهو ممسك بهذا الطبله ..
احمد. وعند بيت ام فروق ..
لتقوم البنات وتتوجه اليه وهما يترقصون ..
چود. اي اي ..
احمد. والشجره طرحت برقوق ..
حور. اي اي ..
احمد. اخيرا هتغوروا من وشي أخيراً ..
حور. هي مها وفقت ولا ايه اصلي شايفه الغزاله رايقه ..
احمد. انا مطرفتش اصلا ..
حور. طبعاً مش اخويا ..
عشق. هوينا بقا كده عشان هنعمل حاجات بنات ..
احمد. مانا لسه متخانق مع امي وقالتلي انا مخلتفش رجاله ..
حور. امشي يا فضحني ..
احمد. خلاص متزوقيش انا هاروح اجهز نفسي عشان هبقا عريس كمان شويه تكير يا بنات ..
چود. اخوكي ده ..
حور بضحك. مش باين ..
عشق. بصراحه فظيع بس عسل ..
حور. نخلص بقا عشان أنا متحمسه اوووي ..
بالفعل بدات البنات باضاعه هذا الماسكات علي وجههم وهم يدندنون مع الاغاني وكل منهم يوجد في قلبها فرحه عارفه فرحه الوصول إلي حبهم فبعد مرور ساعات سوف يتزوجوا بحب حياتهم
يمر النهار سريعاً ويأتي الليل حيث موعد كتب الكتاب بعث الشباب إليهم ثلاث من الميكاب ارتست انتهو من ملابسهم ليتجهوا ثلاثتهم الي أسفل حيث الماذون ينزلون علي الدرج بطلتهم هذا الخاطفه للأنفاس ..
نظر الشباب إليهم فكان يتمنون أن تقف حياتهم عند هذا اللحظه فكانت الفرحه تغمر قلوبهم لحظه الوصول للحب بعد معاناه والتي سوف بعد دقائق معدوده سوف يبقون علي اسمهم ..
بدأ احمد بتلبيس تلك الشبكه ل مها والتي كانت سعيده بشده فهي شعرت أن احمد مناسب لها من كلام أخيها عنه وهذا الاحمد الذي كان سوف يطير من الفرحه فهو احب مها بشده فقبل أن تنزل البنات كان أحمد راي مها من دون نقاب وهذا ما يسمي الرؤيه الشرعيه لينتهي من خطبتهم ..
احمد. مبروك عليكي انا يا روحي ..
مها. الله يبارك فيك ..
احمد. لا انتي مكسوفه ولا ايه ..
غيث. ولا سيب اختي في حالها ..
احمد. ياعم خليك انتا في عروستك انهارده كتب كتابك مركز معايا ليه ..
غيث. قاعد علي قلبك ..
احمد.بهمس. اخوكي بارد علفكره ..
مها. لو سمعك مش هيسكت ..
احمد. ادينا سكتنا ..
ليبدأ مراسم الزواج ..
كانت البدايه ل مراد وعشق ..
الماذون. موافقه يابنتي علي مراد الهواري ..
عشق في سرها. يعني هلبس فستان وكل التكاليف دي ومش هوافق ..
الماذون. ها يا بنتي ..
عشق. احم موافقه يا شيخنا ..
نطق الماذون بهذا الكلمات التي جعلت قلوبهم سوف تخرج من الفرحه وهي
(بارك الله لكما وبارك عليكما وجمع بينكما في خير)
قام مراد من جلسته احتضن عشق بقوه وكاد أن يكسر عظامها ولكن عشق كانت سعيده بشده فأخيرا أصبح ملكا لها ..
مراد. بحبك يا عشقي بحبك بكل تفاصيلك ..
عشق. وانا بحبك اوي يا مراد ..
اخذها مراد من يديها ثم خرج بها خارج القصر بأكمله ..
حور. يااااه يا مراد علي الحلاوه ..
ثم اتي موعد كتب كتاب چود و غيث ..
بعد وقت كان يقول الشيخ بارك الله لكما وبارك عليكما وجمع بينكما في خير ..
كما فعل مراد قام غيث واحتضن چود بقوه وهو يقول لها عن مدي عشقه لها ثم اخذها وذهب بها خارج القصر ..
حور. هو انا هفضل واقفه زيي عود القصب كده ياعيني عليا كل واحده اتحضنت ومشيت ..
بدا كتب كتاب حور و عدي ..
الماذون. موافقه يا بنتي علي عدي الالفي ..
حور.بتنهيده. موافقه يا شيخنا ..
بعد مرور قليل من الوقت كان الماذون يقول ..
( بارك الله لكما وبارك عليكما وجمع بينكما في خير)
كانت حور تتوقع أن عدي سوف يفعل كما فعل مراد وغيث ولكنه ذهب إليها وقال لها ..
عدي. مبروك ..
لتنظر حور إليه بغيظ. الله يبارك فيك ..
ثم تقول لي سرها. والله انا شكلي لبست وهخلي عم الماذون قبل ما يمشي ينهي الموضوع ..
عدي. في حاجه يا حبيبتي ..
حور. في سواد ..
عدي. هاا ..
حور. لا مفيش انا هطلع اوضتي عن اذنك ..
لتذهب حور الي الاعلي وهي تلعن في عدي بشده فهو من وجهه نظرها عديم المشاعر ولكن ما أن دلفت الغرفه حتا تنظر لها بشده فكانت متزينه بطريقه تخطف الانظار يوجد بها بالالين من اللونين المفضلين لديها الاسود والابيض وهذا الورد الموجود جعلها اسعد انسانه علي وجهه الأرض فكان الورد مختلف فكان مزيج من الألوان ولكنه كان رائع ما افقها من تأملها وصدمتها معا هذا العدي الذي احتضنها من ظهرها ..
حور. بفرحه. عدي انا ليا كل ده ..
عدي. ومازال يحتضنها. انتي تستهلي اكتر من كده يا حور انتي حياتي بحبك وكلمه بحبك دي قليله عليكي انتي جيتي وبكل بساطه خليتي قلبي ده ملكك ملك حور وبس ..
ثم يلفها إليه وهو يحتضن وجهها بيده وينظر الي عينيها نظره معشوق ويقول ..
وعينيكي في الحسن ايه تتلي علي قوم كفروا فاهتدوا ..
حور بفرحه عارمه. انا بعشق الجمله دي عرفت منين ..
عدي. انتي بقيتي جزء مني مش هعرف بتحبي ايه ..
حور بعشق وضحك معا. طب انا بحبك طب ..
عدي. هعمل حاجه كان نفسي اعملها من ساعه العربيه بصراحه ..
لم يمهل لها وقت لكي تفكر ثم التهم شفتيها في قبله تحث عن مدي عشقه لها ابتعد عنها لينظر الي وجهها يجدها تغلق عينيها بقوه و وجهها اصبح احمر بشده ليبتسم عن هيئتها ثم يميل عليها يحتضنها بشده ولفرق الطول بينهم شالها عدي لكي تكون في مستواه وهو يقول في أذنها ..
عدي. وما كنت ممن يدخل العشق قلبه و لكن من يبصر ل جفونك يعشق ..
كانت حور في عالم اخر لم تصدق ما يحدث معها فهي لم تحلم بكل هذا من الاساس فهي ما في مخيالتها هذا الحضن الذي يتبع كتب الكتاب ..
عدي. بضحك. انتي نمتي ولا ايه ..
حور. بحبك اوي يا عدي ..
عدي بضحك. عارف انا اتحب اصلا ..
حور. والله طب نزلني كده ..
عدي. اهدي يا مجنونه ..
حور. هديت ..
عدي بصدمه. ايه بسهوله دي ..
حور في سرها. بصراحه حضنك حلو اوي ابغي اقول كده بس استحي ..
عدي. عندي سؤال وانتي طالعه كنت حاسس انك هتقتليني ..
حور. ما انتا بصراحه فلت مني يا روحي ..
عدي. كنت حاسس والله ..
حور . ابقا اتاكد بعد كده ونزلني بقا عشان ايد حضرتك متتعبكش ..
عدي. لا انا مستريح كده ..
حور. والله ..
عدي. اه والله بس هنزلك عشان لسه المفاجاه مخلصتش ..
حور. احلف ..
عدي .والله ..
ليتركها عدي ويتوجه الي أحد الأركان في الغرفه ويأخذ منها هذا الصندوق ..
عدي. خدي افتحي ..
لتأخذ حور وهي سعيده بشده وثم بدأت بالفعل أن تفتحه ..
فتحته حور لتنصدم بشده فوجدت صور كثيرا لها من بدايه طفولتها الي حتا الان صور لها وهي غاضبه تارا وصوره لها وهي تضحك صورا كثيرا لها ثم وجدت طقم من الالماس لتنظر له بصدمه ..
حور. ايه ده ..
عدي. وهو يقبل يديها. ده ليكي يا عيوني عرفت أنه مبتحبيش الدهب فقولت انوع ..
حور. بس ده غالي اوي بجد ..
عدي. انتي أغلي ويالا كملي ..
استكملت حور ولتنظر له بصدمه مره اخري ..
حور. ايه ده كمان ..
عدي. تليفون ..
حور. ده ايفون ولا اللي لسه نازل كمان ..
عدي. كملي بس ..
حور. يا خوفي تكون بعت الشركه اللي حلتك ..
عدي بضحك. لا متقلقيش مستوره ..
حور. مفتاح ايه ده ..
عدي. مفتاح ڤيلتنا ..
حور. احلف ..
عدي بضحك . والله ..
احتضنته حور بقوه ..
حور. بحبااااااك اوي ..
عدي. وانا بعشقك ..
ثم يخرج لها خاتم من الالماس علي شكل قلب ..
حور. ده حلو اوي ..
عدي. ده قلبي هيبقى ملك ايديكي يا حوري ..
حور. والله ابغي أعيط بس استحي ..
ثم قام عدي بتلبيسها تلك الخاتم ..
حور. احببتك كحياه اريد العيش معك دائما وجودك بجانبي يشعرني بسعاده لتصبح أول وآخر حب في حياتي ...
يمر شهر كاملاً علي هذا كتب الكتاب شهر كان يستعدون فيه علي اكمل وجه كان مشغولون بشده فكانت يجهزون كل منهم هذا الڤيلا الذي سوف يعيشون بها فأخذه كل منهم ڤيلا خاصه به ولكن متقاربون من بعضهم وهذا الفساتين الخاصه بالبنات.يمر شهر عليهم ويأتي اليوم الموعود هذا اليوم الذي كان الجميع سعيد فيه وهو يوم فرحهم ..
كانت البنات كل منهم يجلسون في غرف مختلفه ومعهم الميكاب الارتست الخاصه بهم في هذا الفندق الذي سوف يقيم به الفرح كانت البنات قد انتهت من لبس الفستان والميكاب وكل شيئا وكانوا منتظرين كل منهم والدها ..
دلف والد حور غرفتها لينظر لابنته نظره يملؤها الفرح والحب فكانت حور بهذا الفستان الابيض والميكاب الذي أبرز ملامحها كانت حوريه فكانت في قمه الجمال ..
لياخذها محمد ويتوجه بها إلي الأسفل ..
وهكذا حدث من عشق و چود ..
في الاسفل كان الابهات يسلمون بناتهم الي زوجها ..
كانت الفرحه تملئ قلوبهم فعندما شاهدوهم بتلك الثوب الابيض التي كان أكثر من رائع عليهم وهذا الحجاب الذي زين وجههم كانوا بالفعل اميرات والشباب التي كانت في قمه جمالهم فكان يرتدون البذل من اللون الاسود ولكن دائما الاسود لا يليق سوا بهم ..
كان الجميع سعيد لهم فاتت طيف وأيهم من شهر عسالهم منذ فتره وطيف الان حامل وهذا عمار وليليان و سيدرا ومالك كان الجميع بتلك الحفل سعيد لأجل هذا العاشقين ..
بدأت الاغاني والتي كانت البنات فرحه بشده وهذا العدي الذي نبه علي الحراسه أن لا يدلف أحد من الصحفيين ..اقامه فرح تشهد عليه القاهره جميعاً من روعته ومازالت الفرحه تملأ قلوبهم فكان اليوم سعيد علي الجميع فعندما ينتهي الحب بالزواج يصبح إنجازا بالفعل وهذا هو أعظم إنجاز بالنسبه لهم ..
حور وعدي الذي سافروا إلى جزر المالديف كما كانت تتمني حور ليقضوا شهر العسل الخاص بهم ..
عشق ومراد الذي سافروا إلى انطاليا التي توجد في تركيا فكان هذا حلم عشق ..
چود وغيث سافروا إلى باريس بلد العشاق والتي كانت تتمناها چود أن تسافر مع من أحبه قلبها ..
بعد مرور عشر سنوات كانت حور قد تخرجت من جمعتها منذ زمن والان أصبحت من أكبر الجراحين في مصر وهذا الطفلان الذي انجبتهم تيم والذي كان عمره سبع سنوات وتالين الذي كانت خمس سنوات فكانت تالين تأخذ عين عدي والداها وأخذت تلك الغمازات من حور و تيم الذي أشبه حور كثيرا فكان يأخذ لون عينيها ولكن أخذ طباع الاثنين فكان عصبي مثل عدي ويحب الضحك مثل حور ..
عشق. التي تخرجت من كليه الهندسه وأصبح لديها مكتب خاص بها و انجبت توأم بنت و ولد واسمتهم يامور ويامن كان الاثنين بعمر السابعه كانت يامن يأخذ عين مراد ولون شعر عشق ويامور كانت نسخه مصغره من عشق فكانت تأخذ لون عينيها وشعرها حتا طباعها فكانت بالفعل نسخه مصغره منها ..
چود. تخرجت من كليه الطب وأصبحت دكتوره اطفال و افتتحت العياده الخاصه بها والذي انجبت بنت واسمتها وتين كانت في عمر السادسه والتي كانت مزيج بين غيث و چود فكانت تمتلك عين غيث الزيتونيه وطباع چود المرحه فكانت مزيج بينهم ..
مها. الذي تزوجت احمد بعد عذاب فكان غيث يقف في زواجهم عنادا في احمد تلك ولكن بالاخير تزوجا وانجبا طفلاً واسموه يوسف وكان في عمر الثامنه ...
طيف. التي كانت تعيش مع ايهم اجمل ايام حياتها فهي بالفعل عشقته وانجبت ولد واسمته عمرو كان في عمر العاشره فهي كانت حامل منذ فرح حور وعدي ..
ليليان. الذي أحبت عمار بشده بالفعل عوضها عن ما عشته في حياتها كاد عمار أن يجن منها فهي متقلبه المزاج بشده ولكن هي الان انجبت طفلاً واسمته احمد وكان يبلغ سنه واحده فليليان قد تأخرت في الحمل لكن عوضها الله ب احمد فكان يشبه عمار الي حد كبير من لون عيونه الزرقاء وبشرته كان طفلاً في غايه الجمال ..
كان جميعهم يعيشون في سعاده ولكن لم تخلوا الحياه الزوجيه من تلك المشاكل التي تواجههم ولكن دائما العشق يتغلب عليها فعندما تعشق سوف تتغلب علي اي شيئاً في حياه ..
كان جميعهم يجلسون في جنينه الفيلا فهي عادتهم بأن يوم الجمعه يتجمعون في ڤيلا عدي ..
في المطبخ ..
حور. مها هاتي الكب كيك وتعالي لحد ما اخرج الحاجات دي انا والبنات ..
مها. تمام يا قمري ..
لتخرج البنات من هذا المطبخ ويتبقي مها لتزين الكب كيك ..
في الخارج ..
احمد. اومال فين مها ..
چود. بتزين الكب كيك وجايه ..
احمد. ماشي ..
حور. عدي فين تالين وتيم ..
عدي. هتلقيهم بيلعبوا ..
غيث. احمد راح فين ..
بتضحك چود بقوه فهي لمحت احمد عندنا انسحب ودلف الي الڤيلا ..
غيث. مالك بتضحكي ليه ..
چود. اكيد دخل لمراتوا يعني ..
غيث. طيب انا قايم ليهم ..
چود. اقعد بقا شويه حرام عليك انتا وقفلهم علي واحده البت مراته سبهم في حالهم ..
غيث بتزمر. ماشي ماشي اديني قعدت ..
في الداخل كان يقف احمد يشاهد تلك الحوريه وهي تزين الكيك ليتسحب إليها ويقوم باحتضنها ..
مها.بخضه. احمد حرام عليك خضتني ..
احمد. وحشتيني ..
مها. بضحك. وحشتك فين بس انا قدامك عالطول ..
ليديرها إليه ..
احمد. بتوحشيني وانتي معايا ..
مها بخجل. احم احنا مش في بيتنا علفكره ..
احمد بعشق. مش مهم ..
ليقترب إليها ويقوم بلثم ثغرها بحب وعشق ..
يوسف. بابا عيب كده ..
ليبتعد احمد عن مها وهو يلعن في ابنهم تلك ..
مها بخجل. عجبك كده هتقوله ايه دلوقتي ..
احمد. تعالي يالا انتا عايز ايه ..
يوسف. ابعد عن مامي ..
احمد. مامي دي بتاعتي يا حبيبي ..
يوسف. لا بتاعتي انا ..
مها. بتاعتكم انتو الاتنين اتفضلوا بره بقا عشان اخلص الكيك ونخرج ..
احمد. تعالي يا خويا انا كان مالي بالعيال بس هو انا اهرب من خالك تطلعلي انتا ..
في الخارج ..
تيم بعصبيه. يامور مش انا قولتلك متلعبيش مع حد غيري ..
يامور ببراه. بس انا كنت بلعب معاهم وكمان تالين كانت بتلعب معانا ..
حور. عدي شوف ابنك اللي مش سايب يامور في حالها دي ..
عدي. ابني يعمل اللي هو عايزه ..
حور. والله الصبر منك انتا وابنك ..
عدي. مالي انا وابني أن شاء الله ..
حور. بحبكم ..
عدي. والله لو مسكتيش مش هيهمني حد فيهم وهخدك ونطلع ..
حور. بخجل. طب اسكت بقا ..
چود. غيث انتا لسه بتحبني ..
غيث. حبيبتي انتي بتساليني في اليوم السوال ده خمس مرات ..
چود. وماله باكد عليك ..
غيث. والله بموت فيكي ..
چود. وانا بعشقك ..
عشق. شايف ..
مراد. لا ..
عشق. مراد متعصبنيش ..
مراد. يابنتي هو الحمل و الولاده هيجوا علي دماغي والله بحبك ده احنا متجوزين بقالنا عشر سنين ..
عشق. ما بيقولوا أن الجواز بيموت الحب ..
مراد. الحب عمره ما يموت يا عشق طالما الطرفين بيحبوا بعض ..
عشق. بحبك ..
مراد. وانا بموت فيكي يا عشقي ..
يقضون ليلتهم وسط ضحكاتهم ومشاكسه الاطفال لهم ولكن ما اجمل اللمه وسط اناس تحبها ..
في المساء كانت يجلس عدي و حور يستمعون الي أحد الأفلام ..
حور. بتذكر . عدي انتا ليلتك مش فايته انهارده ..
عدي بضحك. في ايه ..
حور. فاكر ليسون ..
عدي. ليسون مين ..
حور. اللي كانت قاعده علي مكتبك وكنت هتبوسها خلاص ..
عدي بزهول. حور احنا متجوزين بقالنا عشر سنين ولسيون اللي انتي بتقولي عليها دي كان موقف قولتلك انها مقعدتش كده غير لما جيتي ..
حور بحزن . يعني مش هتسبني ..
عدي بعشق. انتي روحي يا حور والروح مبتتفرقش عن الجسد اللي بالموت ..
حور بعشق. بحبك يا من ملكت قلبي من الوهله الأولي وجعلته متيما بك ..
قناتنا 👈 علي التليجرام من هنا
🌹🌹🌹🌹🌹🌹🌹🌹🌹🌹🌹🌹
تمت بحمد الله