#قيدنى_عشقه
الفصل الثامن عشر والاخير
👇👇👇👇
"خطه "
استيقظت صباحا تشعر بدفئ جسده يحيطها انفاسه الحاره المنتظمه تلفح تجويف عنقها الذي دفن رأسه به كادت ان تعتدل وتنهض لكنها عدلت عن فكرتها لتلتف بجسدها ليصبح وجهها مقابل لوجهه ابتسمت بهدوء وهي تتأمل ملامحه
الرجوليه الوسيمه ظلت تتأمله بابتسامه مشرقه لم تفارق وجهها منذ استيقاظها .. رفعت يدها لتمرر اصابعها اعلي وجهه تعبث به بهدوء ..ليقول وهو لا يزال مغمضا عينيه
-هي دي صباح الخير بتاعتك !! في واحده تصحي جوزها كده !!
ازدادت ابتسامتها اتساعا واشراقا مبرزه غمازتيها بوضوح ثم احاطت عنقه تقترب اكثر اليه تدس نفسها باحضانه ليشدد من احتضانه لخصرها مبتسما هو الاخر ثم فتح رماديتيه ينظر اليها وهي تقول
-امممم انا مكنتش عاوزه اصحيك ..شكلك حلو وانت نايم !
رفع احدي حاجبيه يقول باندهاش
-ايه ده سديم هانم بنفسها بتقولي كده .. لا كده انا هتغر !!
ارتفعت ضحكاتها الناعمه تقول
-ايه ده هو انا مقولتلكش قبل كده ان شكلك حلو !!
جذبها اليه اكثر واتسعت ابتسامته لضحكاتها وهو يقول لها اثناء تأملها برماديتيه
-مش فاكر !!
اقتربت منه بابتسامه ماكره ثم قبلت شفتيه تقول
-كده افتكرت !!
رد عليها بعبث مندهشا مماتفعله فغالبا هو من يغازلها او يبدأ مشاكستها لكن علي كل حال ادهشته كل يوم يتعلق بها عن ذي قبل اصبحت هي انفاسه ..فان فقدها فقد الحياه باكملها
-مش اوي برضه !!
ثم مال يقبلها بنهم لتقربه اليها مبادله اياه بخجل طفيف ليعتدل بعد ان شعر بتقطع انفاسها وهو يقول
-اعتقد كده افتكرت شويه !!
ارتفعت ضحكاتها ليقول هامسا لها وهو ينظر اليها بنظرات متفحصه متأمله لكل انش بها
-ده الحمل طلع حلو اوي !!
زادت ضحكاتها الناعمه لتعدل جسده بيديها ليتسطح فوق الفراش وتتوسد صدره العاري وتحيط خصره بقوه الي ان هدأت ضحكاتها لتتحول الي ابتسامه هادئه علي شفيتهما معا
احاط خصرها باحدي ذراعيه والاخري تبعث بخصلاتها بهدوء شارد .. ليفيق علي صوتها الناعم تناديه بهدوء تقول
-آسر تفتكر ايه خلي نور تعمل كده !! انا مش مصدقه ان نور تبقي كده معايا !! انا حاسه ان في حاجه !! دي مش نور !! ممكن تكون خايفه من حاجه او من حد !!
تنهد بهدوء ثم قال وهو يضمها اليه
-سديم ..!! مش لازم تفضلي شاغله تفكيرك بنفس الموضوع علي طول ..!! مفيش حاجه بتفضل علي حالها ياحبيبتي ...!!خلي تفكيرنا دلوقت فيكي وفي البيبي اللي جاي !!
قالها ثم قبل وجنتها مبتسما لها لتقول وهي تداعب ذقنه المشذب
-مبسوط بالبيبي ياآسر !!
اتسعت ابتسامه يقول
-هتصدقس لو قولتلك اني ده اجمل خبر في حياتي !! شعور ان حته مني هتكبر جواكي انتي بالذات البنت اللي جننتني عشان تبقي بتاعي معايا ليا لوحدي ... وتعبتني عشان تبقي ملكي !! البنت الوحيده اللي شغلت تفكيري وعلمتني حاجات كتير مكنتش اعرفها !! انتي مش مراتي بس ياسديم !! انتي
بالنسبالي كل حاجه ! انتي الام اللي انا اتحرمت من حنانها عشان تيجي انتي تعوضيني بسه من غير مااطلب .. والاخت اللي صبرت عليا وعلي عجرفتي واستوعبتني بهدوء والزوجه
اللي مقدرش ادخل الحناج ده اخر يومي وهي مش فيه ..انتي اللي علمتيني اني اصبر سنين عشان اوصلك .. انتي الوحيده
اللي بتستحمليني .. انتي النفس اللي خارج منك بالدنيا كلها عندي ... انا لما دهلت امبارح الجناح وشوفتك علي الارض حسيت بقلبي بيوقف فعلا !! انا قولتهالك وقولتها للكل
وبقولهالك تاني الا انتي ياسديم !! الا انتي !! ولا مليون واحده هتعرف تاخد جزء صغير من مكانك في قلبي !!انتي النظره منك ليا تساوي حياتي !! انك معايا وحواليا ومش هتبعدي عني
ده بيطمني .. انا بلاقي روحي معاكي انتي وبس !! انا الراجل اللي مليان عيوب وانتي صلحتيها ولسه بتصلحيها !! انتي اللي مبصتيش لاملاك اسر ولا مميزاته واختارتي عيوبه وصلحتيها
من نفسك !انتي الروح النقيه اللي حاوطتني ونضفت قلبي من حقد كان بيقتلني كل يوم !! انتي اللي علمتي اسر يضحك انتي
اللي بتقويني ياسديم !!انتي اللي استغنيتي عن مجموعتك كلها عشان توقفي آسر ومايقعش ..فاكره اني مش حاسس بيكي ولا بتفكيرك بالعكس ياسديم انتي روحي حد مايحسش
بروحه ..!! انتي ملكتي قلبي من سنين وانا اول مره حد ياخد مني حاجه وابقي مبسوط كده !! ومش اي حد لا دي سديم !! ضبابي الناعم !!
اتسعت بندقيتها من كلماته لتهبطت دموعها من وصفه لها من كم المشاعر التي لم تصدق انها تخرج من ذلك المتعجرف الفظ .. عانت معه منذ اعوام .. لم تصدق انها تسمع تلك الكلمات منه
لم تتخيل انه يضعها بتلك المكانه بقلبه .. لم تخطئ حين ميزته عن جميع الرجال ..اعتدلت تجلس علي ركبتيها فوق الفراش
ودموعها تهبط ليعتدل بقلق حيث ظن انها تألمت من شيئ ليقول وهو يجلس امامها يكور وجهها الباكي بيديه
-سديم !! مالك ياحبيبتي!!
بلمح البصر كانت باحضانه تحيط عنقه بقوه بذاعيها تلتصق به بقوه تدفن رأسها بتجويف عنقه ارتفعت شهقاتها وهي لا تدري مابها لما تبكي الآن باسعد لحظاتها معه !! لما تبكي حين
استمعت الي كلماته التي هزت اوتار قلبها بقوه !! لعنت جميع من آذاهم وفرقهم لاعوام .. ليحرمها من ذلك الدفئ بين احضانه ... احتضنها يقوه يربت فوق ظهرها يحاول تهدئتها
بجميع الكلمات وهو لا يعلم مااصابها ..هي كلماته فعلت بها ذلك.. ام انها متألمه خائفه مما يحدث ... بدأت بالهدوء لتقول له من بين شهقاتها الطفيفه
-انا بعشقك ياآسر ماتبعدش عني ابدا !!
ضمها اليه يقول
-انا مقدرش ابعد عنك ياسديم ده انا اموت فيها ياقلب آسر !!
ضمته ثم ضربت ظهره بقبضتها تقول بحنق
-بعيد الشر عنك متقولش كده !!
ابتسم لردود افعالها التي بات يعشقها !! وقال لها بمزاح
-لا وفري الملاكمه دي لبيريهان هي اولي مني !! وبعدين انتي قد الضربه دي !!
هدأت بالفعل وارتفعت ضحكاتها تقول بعد ان خرجت من احضانه
-متفكرنيش بالبتاعه دي !! انا ساكتالها بمزاجي علي فكره !!
ارنفعت ضحكاته الرجوليه يقول لها ..
-وانا مش عايزك تتعبي نفسك مع اي حد ولا تفكري في اي حاجه .. !! وبعدين انتي مش كنتي بتعيطي دلوقت .. شوبه تعيطي وشويه تضحكي !! هتجننيني معاكي !!
ارتفعت ضحكاتها هي بالفعل لاتعلم مايحدث معها اليوم ليتأملها بنابتسامه هادئه ثم اكمل بجديه
-سديم انا مش هقدر امشي بيريهان من القصر عشان في النهايه دي بنت خاله مروان ووامها تبقي اخت مرات عمي! لكن لو تحبي احنا نبعد عن القصر وتهدي اعصابك انا معنديش مانع ياحبيبتي انا معنديش اغلي منك !!
ابتسمت له ثم قبلت وجنته تقول بهدوء
-لا ياحبيبي متخافش عليا انت عارف اني محدش بيعرف يضايقني بسهوله ..هو يمكن مسأله نور دي هي اللي جت في وقت غلط .. بس عادي مش مهم اديني بتعلم !!
استمعت الي صوت هاتفها يعلن عن رساله نصيه وصلت اليها لتفتحه ثم ابتسمت بهدوء ليعقد حاجبيه ويقول
-ايه في حاجه !!
نظرت اليه تبتسم وقالت
-اه طنط نريمان حجزتلي عن الدكتور ..وبعتالي المعاد !! بعد ساعتين !!
نظر الي الساعه ثم قال
-طيب يلا عشان نجهز عشان مانأخرش !!
نظرت له باندهاش وقالت
-اي ده انت هتيجي معايا !!
رد بتعجب
-امال يعني هتشوفي حد من الشارع تروحي معاه !!
اجابته بلطف
-لا ياحبيبي بس طنط نريمان طانت بعتالي انها هتجهز وتستناني !!
هز رأسه بالرفض وهي ينهض ويحملها بين ذراعيه اثناء حديثه الصارم لها
.-لا محدش هيروح معاكي غيري !! ومش عايز نقاش في الموضوع ده !!
ثم اتجه بها الي حمامهم الخاص ،،،،
،،،،،،🔥🔥🔥🔥🔥🔥🔥🔥🔥🔥🔥🔥🔥🔥🔥،،،،،،
ذهبا الي الطبيب معا لم يخلُ الطريق من مشاكساته لها وتذمرها بين الحين والاخر عليه وعلي اوامره التي لا تنتهي لاجل صحتها وصحه الجنين دخلا الي الطبيب ليبدأ كشفه
عليها ليقف هو يلقيه بالنظرات الحانقه المحذره له وماان امتدت يده الملاءه ليعدلها قليلا امسك يده بغضب ينظر اليه بنظرات لاهبه ..لتتسع اعين الطبيب وهو يقول بتوجس..
-انا بس بعدلها عشان اعرف اكشف !!
ليقول بغضب
-متجيش جنبها قولي وانا اعدلها انا !!
اخفت سديم ابتسامتها حتي لاتتعرض لتوبيخه لاحقا وكتمت ضحكاتها لينظر اليها والي نظرات التسليه باعينها ثم عدل الملاءه لها وهو يرميها بنظرات متوعده !!
اجري الطبيب فحصه الروتين ثم اتجه بعمليه الي مكتبه ليعاونها هو بالاعتدال وينتظرها حتي انهت اعدال هندام
ملابسها وهما لايزالان بذهول بعد ان رأي تلك النطفه شعور لذيذ سيطر علي جميع خلايا جسده وانعشها ..احاط خصرها واضعا يده فوق بطنها لتبتسم له بهدوء واتجها اليه ليقول الطبيب
-مبدأيا كده هكتبلك علي فيتامينات لازم تستمري عليها ولازم طبعا نظام الاكل يتظبط .وراحه تامه بلاش حركه كتير .هتمشي علي النظام اللي هكتبهولك وياريت تبعدي عن اي انفعال او زعل في الفتره دي عشان البيبي مايتأثرش !!
لينظر اليه آسر يطرح عليه عده اسئله فضوليه حول صحتها وصحه الجنين ومواعيدها وعلاقتهم معا ..خجلت سديم من بعض اسئلته الجرئيه ورمته بنظرات تحذيريه غاضبه لكنها
تغاضي عنها واكمل اسئلته تنفست الصعداء هي والطبيب بعد ان انتهي من اسئلته العديده واتجه معها الي الخارج بعد ان التقت الروشته والنظام الخاص بها ..
احتضنها الي صدره وخرج معها متجهين الي المصعد وما ان ركبا سويا اذ بها تلكزه بجانبه وتقول ..
-ايه ياآسر الاسئله السخيفه دي !!
نظر اليها لحظات بغضب ليدرك مقصدها فانفجر ضاحكا يقول
-الله الحق عليا يعني خايف عليكي !!
تحول وجهها للاحمر القاني وقالت بغضب هامسه
-قليل الادب !!
اعلن المصعد عن وصولهما ليقول لها بابتسامه عابثه
-لولا تعليمات الدكتور كنت هرد عليكي في الموضوع ده .. نظرت له بغضب ثم اتجهت الي الخارج تزفر بغضب ليلحق بها مسرعا يقول بصرامه وحده جاذبا اياها برفق اليه
-سديم خلي بالك بلاش المشي بسرعه كده !! ولا العصبيه !
نظرت له ببندقيتيها بهدوء ثم امأت بصمت واتجهت الي السياره ليفتح لها الباب ثم اتجه هو الآخر خلف عجله القياده ينظر اليها وهي صامته تعقد ذراعيها اسفل صدرها بهدوء ليبدأ
القياده الي القصر بصمت تام وشرود ... افاق علي يدها فوق ذراعه و صوتها الناعم يهتف ياسمه ومن الواضح علي وجهها الغاضب انها تناديه منذ فتره .. ليقول عاقدا حاجبيه
- في ايه ياسديم !!
اجابته باندهاش
-ده مش طريق المجموعه !!
ابتلع رمقه بقلق هو يعلم انها عنيده وان الآن سوف يحتد النقاش فيما بينهم وفي الغالب سوف يضرها ..لكن العمل بتلك الفتره يشكل خطوره عليها خاصه بتلك الاوقات العصيبه وفي تواجد تلك العقارب من حولهم نظر لها بابتسامه ثم قال
-ماهو انا قولت ناخد اجازه سوا النهارده يعني احتفال بالبيبي ياسديم .. انتي مش كل يوم حامل يعني !!
لم يجد سوي المراوغه معها ..نظرت له لحظات ثم امأت بالموافقه ونظرت امامها بهدوء وهي تقول
-اوك !
اندهش من موافقتها هكذا دون نقاش .. او جدال ..لكن ذلك افضل لكليهما ..تواجده معها افضل بكثير وان ذهبت معه الي الشركات لن يتوفر لها الراحه ..هكذا افضل .. فلتكن اسفل ناظريه دوما !!
وصلا الي القصر وكادا ان يتجها الي الداخل لكنها لمحت سياره غريبه الهيئه فقالت
ايه ده هو في ضيوف ولا ايه !!
اجابها فرد الامن الذي اخرج حقيبه كبيره من السياره واتجه بها الي الداخل ...
-دي مدام نادين ..ومدام نور امرتني اخدت شنطها ادخلها !!
اتسعت بندقيتيها بصدمه جليه وحدقت باآسر الذي وقف يصيح به
-شنط ايه اللي تدخلها انا مش منبه انها متدخلش من بوابه القصر حتي !!
اجابه بتوجس وقلق واضح
-والله ياآسر باشا انا عملت كده بس دي مدام نور طلعت استقبلتها بنفسها وطلبت مني ادخل الشنط دلوقت واطلعها فوق !!
ادمعت عيناها للحظه من افعال صديقتها ثم اتجهت الي الداخل بخطوات هادئه بطيئه .. وهي تردد بداخلها
-عايزنها حرب .. اوك معنديش مشكله !!
كاد ان يتجه الي الداخل يوقف تلك المهزله لكنها خطواتها وصمتها اقلقه ..شعرت بخطواته قريبه حسنا هي سوف تقلقه لكنها حرب النساء ياااسيدي فليتحمل معها قليلا ..توقف بمحله واتسعت رماديايه بهلع حين صرخت وكادت ان تسقط ارضا .. بالالتواء احدي قدميها !!
هرع اليها يضمها لصدره يسأله برعب
-سديم حصلك ايه !
تأوهت وتشجنت ملامحها لتحيط عنقه وترتمي بثقل جسدها عليه وهي تقول
-رجلي اتلوت ياآسر ..اااااه !!
احاطها جيدا ثم حملها بين ذراعيه متجها الي الداخل وهو ينظر اليها بقلق ويقول .
-مش تخلي بالك ياسديم ..!
اتسعت اعين الجميع جين وجدوه يحملها هكذا وهي تدفن وجهها بعنقه هرعت اليها سيدرا تسألها بقلق ..
-سديم مالك !!
لم تجيبها بل احاطت عنقه بقوه لتسقط دموعها هي لوتها بالفعل لكن ماذا تفعل عليها ان تبعدهن عنه بجميع الطرق اجابها آسر بقلق
-رجلها اتلوت واحنا داخلين !!
لتقول نادين التي اشتعلت داخلها النيران حين وجدتهم هكذااا يحيطها باحضانه كعادتهم دوما تغير كل شيئ من حولها الا ذلك العشق لتلك الفاتنه التي استفزتها نظرت اليهم بحقد
...ظنت ان وشايتها بها سوف تحطم تلك القيود حول عشقهم لكن ماازادته سوي ندما منه وعشقا لها ليوقم بطردها من حياته ..شر طرده حين علم حقيقه الامر
هبط يضعها فوق الاريكه ونزل علي ركبتيه يتفحص قدمها ليجد ذلك الاحمرار عند قدمها ..نزع حذائها بحذر وهتف لمنال التي اتجهت اليه مسرعه
-هاتيلي بسرعه تلج وعلبه للاسعافات !!
اسرعت لتنفيذ طلبه لتنظر بيرهان اليها بغضب هي علي يقين انها قويه لايبكيها التواء بقدمها نظرت اليها بحقد تقول
-مش مستاهله كل ده دآآآ!! قطع حديثها حين هب واقفا يرميها بالنظرات الحارقه يقول بزمجره
-اياكي تدخلي محدش طلب رأيك ..ساااامعه !!
انتفضت من صوته متسعه العينين لتقف هند غاضبه تقول
-آسر مش طريقه دي متنساش ان بيريهان قريبتك و..آآآ!!
صاح بها
-انا مش عايز حد يتدخل في حاجه متخصوش ..!! قولتها وهقولها للمره المليون ! محدش ليه دعوه بسديم نهااااائي...مفهووم !!
نظرت له هند باندهاش من اسلوبه الذي انتهجه معها لاول مره لم تتحدث نريمان بل ايدت فعلته تقول
-هند كفايه كده !!
نظرت لها هند بغضب تقول ..
-قصدك ايه يانريمان .. !
ثم اصطنعت الحزن تقول
-خلاص انا عارفه اني ازعجتكم انا وبنتي يلا يابيري .. خلينا نمشي !!
صاحت نور بغضب تقول
-انتوا ضيوفي محدش هيمشي من هنا .. ده مش قصرك لوحدك ياآسر !!
قالت نادين بغل وابتسامه شامته
-خلاص يانور آسر نسي نفسه ومراته اكلت عقله !!
نظر اليها يقول بسخريه وهو يمسك علبه الاسعافات
-بلاش انتي يانادين هانم انا مش فاهم ازاي تدخلي مكان اتطردتي منه !!
اشتعلت من حديثه ليمسك الثلج واضعا اياه برفق فوق قدم سديم التي جلست صامته تراقب مايحدث بهدوء ثم مالت عليه وهو يعاونها تهمس بأذنه ليبتسم لها ثم وضع لها مرهم
بهدوء ليحملها بعدها بين ذراعيه متجها بها الي الاعلي لتحيط عنقه بهدوء وتبتسم اليهم بالخفاء لتلمحها الجده التي تابعت الاحداث بصمت وابتسامه ماكره !!
....♥️♥️♥️🔥🔥🔥🔥🔥🔥🔥🔥🔥🔥♥️♥️♥️.....
ظلت نائمه ماتبقي من اليوم ..انهي اعناله علي الحاسوب مغلقا اياه ثم نظر الي الساعه باندهاش و واتجه اليها جلس فوق الفراش يتأمل ملامحها الهادئه برفق ليداعب بشرتها باصابعه
هاتفا باسمها فلم تجيبه ليكررها يهدوء وهو يبتسم لهمهمتها وملامحها التي عبست بضيق ليقول بصوت قوي
-سديم كفايه نوم كده من غير اكل .. يلا ياحبيبتي انتي نايمه طول اليوم !!
افاقت علي صوته لترفع احدي حاجبيها وهي تحاول الاعتدال لتجده بلمح البصر يسحبها الي احضانه ليلتصق ظهرها بصدره جاذبا صنيه الطعام فوق هدميها يهمس بأذنها
-كل ده نوم !!
ابتسمت له مقبله وجنته وهي تقول بهمس مماثل
-مش عارفه وعاوزه اكمل نوم تاني ! وبعدين انا هتعود علي الدلع ده بقي آسر بنفسه جايبلي الاكل للسرير !!
ابتسم ثم قبلها فوق وجنتها يهمس لها
-اتعودي ياقلب آسر !! وبعدين ده آسر هيأكلك كمان بنفسه !! انا لازم اطمن علي صحه ابني !!
ابتسمت رافعه احدي حاجبيها وهي تقول
-ما يمكن بنت !!
ضمها اليه وهو يضع الملعقه بفمها اثناء قوله
-هو انا اطول يبقي عندي نسخه من سديم ..بتاعتي مني انا !!
تأملته بهدوء ثم قالت وهو تبتلع الطعام
-اي ده مش هتاكل معايا !!
رد عليها وهو يطعمها
-لا انا مش جعان هاكل بعدين !!
عقدت حاجبيها برقه تقول
-لا يآسر مش هكمل غير لو اكلت معايا !!
ابتسم ثم قال وهو يشير لقدمها
-رجلك لسه وجعاكي !
امأت بالرفض وقالت وهي ترمش ببرأه
-عاوزه لما اخلص اكل انزل اقعد في الجنينه بقالي فتره مقعدتش فيها ممكن !!
ارتفعت ضحكاته الرجوليه وقال ..
-بس كده ..شاوري وانا انفذ ..!!
وبالفعل انتهي الطعام وعاونها ليهبطا الي الاسفل غافلين عن تلك الاعين التي ترصدتهم بحقد دفين بالغ لم تمحوه سنوات طوال .....
بالصباح اجتمعت العائله علي طعام الفطور .. رفضت سديم التناول وكادت ان تطلب قهوتها لكن آسر قال لها
-سديم القهوه ممنوعه ..انتي نسيتي !!
نفخت وجنتيها وقالت
-كل حاجه ممنوعه اكل واشرب ايه بس !
ضحكت نريمان وقالت
-معلش باسديم لازم تاخدي بالك ياجبيبتي غشان البيبي مايتأذيش !!
اتجهت الخادمه بالعصير الي سديم تضعه امامها وكادت ان ترتشف منه لكنها وجدت من يطيح بالكوب ليسقط علي الارضيه مفتت اتسعت اعين الجميع لتنهض سديم مندهشه من فعله نور وكادت ان تعنفها لكن نور صاحت بآسر ..
-انت ازاي كنت هتسيبها تشربه !!
نظر لها باندهاش يبرر
-مكنتش هسيبها تشربه يانور بس مش كده !!
اتسعت اعينهم اكثر لتصيح بيريهان وهي تتجه لنور بغضب
-انتي عملتي ايه ياحيوااانه !!
وقفت نادين تقول
-قولتلك اني مش مرتاحه للبنت دي ..واضحه اوي كانت بتخدعنا ياغبيه !!
نظرت نور بغضب وهي تقول بسخريه ..
-اه اطبعا هي غبيه وانتي اغبي منها .. عارفه ليه لان بيريهان بتاعتك هي اللي سرقت الشركه الوهميه لا دي سرقت كمان من حسابك في البنوك بالتوكيل اللي عملتيه ليها النهارده الصبح هي حولت نص اللي في حساباتك ليها !! عارفه ليه اصل قدمتلها كلم نصيحه كده حلوين عن غدرك ووطيانك !!
صاحت نادين باعين متسعه تقول ابيريهان التي انتفضت وعادت الي الخلف باعين مرتعبه
-الكلام ده كدب صح !!
نظرت لها ثم صاحت بخوف
-لا صدقيني دي كدابه اتا سحبتهم فعلا واستثمرتهم في الشركات الجديده بتاعتهم .. انا شوفت بعيني خطه الشغل بتاعتهم قولي حاجه يانور !!
ارتفعت ضحكات نور المجلجله وقالت
-اه قصدك الخطه الوهميه اللي آسر حطها عشان يوقعك بيها ويخليكي زي الهبله عاوزه تحطي كل فلوسك فيها !!
اتسعت اعين بيريهان وقالت
-ايه وهميه !!
صاحت نادين تقول بغضب
-خطه ايه وزفت ايه فين فلوسي !!!! ايه اللي بيحصل !!
قطع تلك المعركه الطرقات العاليه لتفتح الخادمه وتدلف افراد الشرطه ليقول الشرطي بعمليه تامه
-فين نادين رسلان .. وبيريهان الشافعي !!
نظرت نادين بقلق ثم قالت
-ايوه انا !! ودي بيريهان !!
ليرد عليها
-انا معايا امر بالقبض عليكم ..ياريت تتفضلوا معايا بدون شوشره !!
نظرت له بغضب وقالت
-انت اتجننت تقبض علي مين !!
اشار الضابط الي العساكر ..ليتحركوا علي الفور مقيضين اياهم لتصرخ هند تقول
-انت بتعمل ايه ..انا بنتي عملت ايه ..الحقني يامروان !!
تحدث مروان اخيرا بعد ان الجمته الصدمه وقال
-هو في ايه حضرتك واخدها ليه !!
رد عليه الضابط بعمليه وقال
-في تسجيلات بتثبت تورطها هي والتانيه دي بالتخطيط لقتل سديم المغازي !!
ارتفعت الشهقات واتسعت اعين سديم لتصيح بيريهان
-كدب محصلش انا مليش دعوه نادين اللي طلبت كده انا مكنتش عاوزه اوصل لكده معاها وكنت عاوزه امشي من هنا ..!!وبعدين نور كانت معانا ليه هي ميتقبض عليها !!
نظر الضابط باندهاش وقال
-البلاغ من مدام نور وهي ساعدتنا نثبت تهم تاني عليكم ! زي التهرب الضريبي والشحنه الاخيره اللي عدت من الجمارك باسم سليم الكومي !!
صاحت بيريهان
-انا والله ماعرف حاجه عن الشحنه دي انا اتفاجئت بيها زي نور بالظبط ..اتكلمي يانور حرام عليكي !!
اشار الضابط بسحبها خلف نادين لتذهب خلفها هند وهو تصيح باسمها لتقول سديم بعد ان داهمها الدوار ليضمها آسر اليه ويعاونها بالجلوس
-ايه اللي بيحصل .. انا مش فاهمه حاجه !! قتل ايه وشحنه وايه !! ونور مع مين فينا !!
اتجهت اليها نور تقف امامها منكسه رأسها تقول
-اسفه ياسديم انا كان لازم اتفق معاهم عشان احميكي !!
عقدت حاجبيها تقول
-معاهم مين !!
قالت نور بخجل
-آسر وجلنار هانم !!
اتسعت بندقيتيها وقالت
-ايه !!
اسرعت نور تقول
-قبل ماتفهمي غلط اسمعي ..انا كنت ملاحظه عدوانيه زياده من بيريهان مستمره معاكي .. وخوفت وروحت قولت لآسر اني قلقانه عليكي ..وآسر كان مع تيته في الوقت ده وهي لما عرفت كده قالت اننا لازم نفهم هما بيفكروا ازاي !!والحل
الوحيد انتا ندخل حد بينهم والحد ده كان لازم يبقي عدو ليكي عشان يثقوا فيه ..وطبعا الجده اختارتني انا وانا بدأت اعمل اني مش طيقاكي وغيرانه منك ..لحد اليوم اللي لاعبتي
فيه بنتي ..تيته غمزتلي لما لقيناها فرصه حلوه عشان نبدأ ..وفعلا بيريهان وثقت فيا وابتدت تعرفني علي نادين ونادين طلبت مني اني ادخل بيريهان الشركات عشان يقدروا يفرقوهم
من تاني !! وفعلا حاولوا كذا مره ..بس كل مره كنت انا وآسر بنديهم معلومات غلط .. وابتديت اشك في نادين لما كانت عاوزه تعرف مني مواعيد تعاملنا مع الجمارك وروحت قولت
لآسر ..وآسر فضل يدور وراها لحد ماعرف انها شبه وسيط في دخول شحنات مخدرات ..يعني هي مش بتاجر ..بس بتسهل دخولها وتاخد نسبتها وطبعا كانت عاوزه تستغل الفرصه
وتخلي آسر يتقبض عليه وتبتز سديم بيه ...ياتطلب الطلاق يايتسجن .. ..عرفنا انا وآسر وقررنا نجيبها لحد عندنا عشان نسهل القبض عليها .. طبعا كل المكالمات والقعدات بينا
متسجله وانا كنت مبلغه ..وخليت بيريهان تسحب كل فلوس نادين علي اساس اننا هندخلها في اسثمار كبير تبع المجموعه ..وهي طبعا طمعت وعملت كده .. !! كنا ناويين نستني لما
نادين تكتشف ده بنفسها بس امبارح غيرنا كل حاجه .. لما نادين أصرت اننا نحط سم في عصير سديم .. عشان تخلص منها السم ده مستورد يعني كان هيبان ان حصلها اختناق
وماتت قضاء وقدر .. وطبعا انا سجلت كل ده وقررت نبلغ عنهم عشان نقدر نبعدهم عن سديم قبل مايأذوها فعلا اسفه ياسديم ..انا كنت بحميكي !!
نهضت سديم باعين متسعه تنظر اليهم كاد آسر ان يقترب منها لطنها ايتعدت الي الخلف تنظر اليه بصدمه وصمت تام تلقيه بنظرات لائمه غاضبه .. ثم داهمها الدوار لتسقط مغشيا عليها ليتلقاها مسرعا باحضانه قبل ارتطامها بالارضيه !! 🔥🔥🙈....
#قيدنى_عشقه..
الفصل الاخير)
"
افاقت بالمساء لتجد انها بفراشها والسكون يعم اجواء الغرفه اعتدلت قليلا لتجده جالسا فوق الاريكه يراقبها بهدوء يرتدي سرواله المنزلي فقط وماان حاولت الاعتدال حتي رأته امامها يحيط جسدها رافعا اياها برفق يسندها الي الوسادات من خلفها !!
نظرت اليه بصمت تام تراقبه ثم ابعدت ذراعه عنها بهدوء واشاحت بانظارها عنه ليتنهد قائلا
-مكنش ينفع اقولك ياسديم !! انا كنت خايف عليكي !! مكنتش عايزك تتدخلي في الموضوع ده !!
رمته بنظرات غاضبه ملتهبه ثم اشاحت بانظارها عنه مره اخري ليمد يده يعدل وجهها برفق لتواجهه ثم اكمل وقد بدأ الغضب يسيطر عليه
-سديم انا مش محتاج ابررلك انا من حقي احميكي بالطريقه اللي انا شايفها مناسبه !! ماتنسيش انك مراتي ومسؤله مني مش العكس !! كنتي مستنيه مني ايه اني ادخلك في حاجه سخيفه زي كده !!
نظرت له بغضب هي الاخري ثم قالت
-لا مكنتش مستنيه انك تقعد تتفرج عليا وانا بتعذب قدامك .. لا وكمان بتهون عليا ..قد ايه انا مغفله !!
اثارته كلماته لتذكره بماضيه معها هب واقفا ينظر اليها بغضب يزمجر بصوت مرتفع
-كويس انك حسيتي الاحساس ده .. يعني انا مكنتش غلطان لما اتضايقت منك وقت ماعرفت الحقيقه !!
اغتاظت من حديثه وعبثه بماضي انتهي وكانا قد اغلقا تلك الصفحه معا لما يعيدها الآن لتثور بوجهه منتفضه من فوق فراشها تقول بصوت مرتفع
-انا كنت مضطره كنت متهدده ومضغوطه ...كنت بحميك وخايفه عليك !!
اجابها بصوت مرتفع غاضب
-وانا كمان بحميكي دلوقت !! ليه بتحللي لنفسك اللي بتحرميه علياااااا !!
اجابته بغضب صاعق ونبرتها تعلو
-ااااه انت عملت كده عشان تردهالي ..!! عشان تخليني اشوف احساسك ايه !! بس للاسف مفيش مقارنه بينا !! المفروض اننا اتفقنا مش هيتكرر زمان بينا تاني !! وبعدين انت ناسي اتصرفت ازاي ساعتها !! انا مش مصدقه اللي بتعمله كمان بتزعق فياااا !!
هدأ قليلا حين وجد انه سوف يعيد ماضي لادعي لتذكره ايا منهم به ليقول وهو عاقدا حاجبيه
-سديم انتي لازم تثقي فيا عن كده !! انا استحاله اذيكي او اضايقك ايوه خبيت عليكي عشان بحبك ..!!
ثم تنهد بهدوء متجها لها يكور وجهها برفق بين يديه
-سديم انتي زمان عملتي كده عشان تحميني !! وانا لما اكتشفت كده مزعلتش بالعكي انا كنت هتجنن واشوفك تاني !! انا معملتش كده متعمد صدقيني ياحبيبتي !! كلها كانت صدفه ومحدش فينا كان عاوز حاجه غير راحتك !!
ظل صدرها يعلو ويهبط بغضب ثم فجأه بدأ ذلك اوار اللعين يداهمها لتتشنج ملامحها وترفع يدها الي رأسها تترنح بوقفتها ..اتسعت عيناه باندهاش ثم اسرع يحتضنها الي صدره جاذبا اياها معه الي الفراش يقول لها برفق
-سديم مالك !! انتي تمام !!
بدأ ذلك الدوار يهدأ لكنها لم تشعر بنفسها وهي تسقط بالنوم داخل احضانه .....لينظر اليها بعد ان شعر بانتظام انفاسه التي
تلفح صدره ..ليبتسم علي فعلتها ثم اعاد جسده هو الاخر الي الفراش وهو لايزال محتفظا بها داخل احضانه يفكر بتلك الاحداث المتتابعه ليسقط هو الاخر بنوم عميق.......
استيقظت صباحا لتعتدل وتمسك الروب الخاص بها تلف جسدها به متجهه الي شرفه غرفتهم وعقلها يعمل باحداث الامس ..وكلماته مازالت يرن صداها باذنيها ! هي غاضبه من
فعلتهم وخداعها لكنهم فعلوا كل ذلك لحمايتها... مثلما فعلت هي معه منذ اعوام !! كان محق بشعوره الحانق معها .. شعور
سيئ حين يخدعك الاقرب اليك !! شعرت بذراعيه تحيط جسدها لتستند بظهرها الي صدره بصمت تام تلك النسمات تداعب وجهها وخصلاتها برفق لتتطاير خصلاتها فحاولت هي
ازاحتها بهدوء ليمسك يدها وبيدها الاخري عدل وجهها برفق لتواجهه ببندقيتيها الحزينه العاتبه عليه .. نظر اليها بنظرات هادئه متأمله ثم قبل جبينها وهو يقول
-انتي اغلي من روحي ياسديم .. ماتلومنيش علي حبي وخوفي عليكي !!
تنهدت بصمت وهي تقول
-انت مش عارف نور بالنسبالي ايه !! انا مش مصدقه انها كانت بتعاملني كده !! ليه مفهمتنيش.كل حاجه من الاول !! انت شايفني طفله مش هعرف اتحكم في نفسي !
نظر اليها ثم ادار جسداها اليه وهي لازال يحتضنها ثم قال لها
-انا كنت عاوز ابعدك عن الموضوع ده بكل الطرق ... انتي اللي متعرفيش انتي ايه بالنسبالي .. واي حاجه تزعلك بتقتلني يا سديم !!
احاطت عنقه تدفن رأسها بتجويف عنقه بهدوء تتنهد بحزن ثم اغمضت عيناها تستمع بدفئ احضانه ليحاوطها بهدوء مندهشا من ردلت فعلها من الصباح ،،لطن هكذا افضل من ثورتها الغاضبه .. التي تؤثر عليها وعلي طفلهم القادم ومع تجرقه بذلك التفكير .. شدد من احتضانه لها يضمها اليه بقوه .. لتقول هي متنهده بحراره
-انا عاوزه اروح القسم !!
اتسعت رماديته ثم قال
-ايه !!
اجابته بهدوء
-زي ماسمعت كده !!ومتسألنيش اكتر من كده عشان مش هقول حاجه !!
ثم انسلت من احضانه متجهه الي حمام الغرفه !! تحت نظراته المندهشه المتسعه
،،،،،،🔥🔥🔥🔥🔥🔥🔥🔥♥️🔥🔥🔥🔥🔥🔥🔥،،،،،،
جلست جانبه بالسياره باسترخاء تاام وظلت تدندن مع تلك الاغاني الهادئه ..ظل يرمسها بنظرات غاضبه مشتعله بين الحين والاخر وزع نظراته عليها وعلي الطريق امامه ثم جز
علي اسنانه وشفتيه بغضب من فعلتها الي الآن لايصدق ما فعلته وصل الي القصر لتفتح باب السياره وتترجل بهدوء وهي
يتابعها بغضب ساحق ثم اتجهت الي داخل القصر بخطوات هادئه تتدلل بخطواتها وصل الي ذروه صمته معها صاح بها بغضب لتتوقف بالبهو مندهشه تقول
-ايه ياآسر مالك !!
رماها نظرات حانقه وتجمعت العائله من حولهم علي صوته الغاضب وهو يقول
-اقدر افهم استفادتي ايه لما بوظتي كل اللي عملتيه .. دي حاولت تقتلك انتي والبيبي !! ازاي تخرجيها كده من غير ماتتعاقب !!
اندهش الجميع وقال عاصم باندهاش
-انت بتتكلم عن ايه ياآسر ومالك عصبي كده ليه !!
عقدت سديم ذراعيها اسفل صدرها تنظر اليه ببرود وهو يقول بغضب لعمه
-الهانم راحت قالت ان بيريهان ملهاش دعوه بموضوع السم وانها متفقه معاها من ورا نور .. عشان كده زور لما بلغت ماعرفتش .. وطبعا هي ملهاش علاقه بشغل نادين لان كل حاجه باسمها .. فكده بيريهان هتطلع منغير عقاب ..!!
اندهش الجميع مماقال ونظر اليها الجميع بصدمه لتقول الجده
-ليه كده ياسديم !! ده حقك !! حد يعمل كده !!
وقال رأفت .
-لا ياسديم ده تصرف غريب انتي مستغنيه عن حياتك !!
وقال يوسف
-كده هنفضل قلقانين عليكي !!
نظرت اليهم بهدوء ثم تنهدت وقالت
-ياجماعه انتوا ليه مش واخدين بالكم ان بيريهان دي في النهايه تقرب لمروان وطنط نريمان .. يعني تبع العيله في الاول
وفي الاخر ..وماينفعش نسيبها تتسجن ..ده غير انها كانت بتتحرك باشارات من نادين .. ده غي رانها وحيده امها ..
تقدروا تقولولي امها اللي هي اخت طنط نريمان هتعمل ايه من غيرها ده غير اني خليتها تطلع بشرط انها هتاخد والدتها وتخرج بره مصر ومترجعش تاني وتبعد عني نهائي !!
ليلتفت الجنيع الي صوت هند وهي تقول
-وانا اوعدك يابنتي ان ده اللي هيحصل !! انا كمت جايه اشكرك علي اللي عملتيه واوعدك اول ماتخلص الاجراءات بتاعه الخروج هنمشي انا وهي ولعلمك بيريهان كانت باعته معايا وبتقولك حقك عليها ... وعليا .. انتي ماتستاهليش اللي حصل مننا !! .
ثم نظرت الي نريمان وقالت
-اسفه يانريمان ..!! طول عمرك احسن مني !! مكنش ينفع اعنل كده في اهل بيتك انا مشيت ورا رغبات بنتي ونسيت نفسي !! حقكم عليا كلكم !!
ثم اتجهت الي الخارج بهدوء تحت نظرات الجميع المندهشه من فعلتها تلك لينظر مروان الي سديم ثم ابتسم متقدما اليها واحتضنها وقال
-انا مش عارف اشكرك ازاي ياسديم !! انا لو ليا اخت مش هتفكر كده بجد !
ابتسمت له سديم لتنظر اليها نور ثم تقدمت منها بخجل وهي تقول
-طيب وصاحبتك حبيبتك اللي كانت خايفه عليكي وعملت كل ده عشان خاطرك مش هتصالحيها !!
ثم نظرت اليها ترمش عده مرات لترتفع ضحكات الجميع وتفتح سديم ذراعيها لها لترتمي الاخري باحضانها تحتضها بقوه لتتجه سيدرا اليهم تحتضنهم هي الاخر وهي تقول بحماس
-خدوني معاكم !!
لينتفضن الثلات فتيات علي صوت آسر الغاضب ويعدن عنها ليتجه اليها يحتضنها برفق يضع يده فوق بطنها المسطحه برفق وقال
-ايه براحه شويه !! ولا اقولكم محدش يقرب منها خالص احسن !!
نظرن الفتيات له باعين متسعه ثم انفجر الجميع ضاحكا بعد ان انهي كلماته !!
🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥
بعد مرور 5 اعوام
"تلك اللحظات العصبيه التي تنتهي بعناق دافئ داخل تلك الاحضان التي اذابتني هي اجمل لحظاتي معه علي الاطلاق .. عشقته الي ان قيدني عشقه "
انهت سديم الكتابه علي حاسبها المحمول بتلك الكلمات بعد ان اتت تلك الصغيره ذات الاعين الرماديه الواسعه تجذب طرف روبها عاقده حاجبيها بغضب تقول بحزن وهي تقلب شفتيها الصغيرتين
-انا مش هلعب مع ادهم تاني !!
نظرت لها سديم وهي تكتم ضحكاتها حتي لاتغضب صغيرتها اكتر ثم اعتدلت ترفعها فوق ساقيها تحتضنها وهي تقول برفق محاوله ان تخفي ابتسامتها فتلك المحادثه تحدث يوميا تأتي
صغيرتها متذمره غاضبه من افعال ابن عمها الذي يكبرها باعوام والتي شابهت كتيرا افعال عمه آسر ووالد تالين صغيرتهم
-ليه بس ياتالين مش احنا اتفقنا امبارح ان مفيش خناق تاني بينكم !!
نظرت لها صغيرتها واعينها تشع بتمرد غاضب تقول بغضب مستخدمه يديها الصغيرتين بشرح مشكلتها العصبيه لامها وهي تقول بنبرتها الرقيقه
-بقي عصبي علي طول يامامي ..مش عاوز اني البس شورت ده !!
اتسعت اعين سديم باندهاش ..ورددت بصوت مسموع
-ايه ده هي الجينات بتتنقل في دي كمان !!
لتقول ابنتها باندهاش
-يعني ايه يامامي !!
نظرت لها سديم تنفض رأسها و تقول
-لا ياحبيبتي مفيش ..بصي لو قالك تاني علي الشورت قوليله مامي هي اللي لبستهولي !! اوك !!
احتضنت الصغيره امها بقوه وحماس وانفجرت اساريرها مبرزه تلك الغمازات التي ورثتها عن امها هي وتوأمها عمر ايضا هما اخدا رماديتي والدهما وغمازتي والدتها ليكونا مزيج لطيف جميل وقالت وهي تحتضن امها
-بحبك اووووي يامامي !!
احتضنتها سديم بدورها لتنتفض جين استمعت الي صوت آسر الغاضب يقول
-سديم حاسبي كام مره اقولك بلاش تشيلي حد فيهم الفتره دي !!
ثم رفع ابنته الي احضانه مقبلا وجنتيها لتصيح الصغيره بحماس محيطه عنقه تدفن رأسها الصغير بتجويف عنقه .. ليبتسم لفعلتها مستمعا الي زوجته وهي تنهض بحذر من جلستها تقول بغضب
-ايه ياآسر خضتني ..ممنوع احضن ولادي كمان .. حقيقي انت مش هتبطل الحرص الزياده ده !!
تنهد بهدوء ثم جذبها الي احضانه من الناحيه الاخري مقبلا وجنتها يقول بسخريه
-انتي بس بتنسي ايه اللي حصل بسبب عنادك ده في حمل تالين وعمر !!
تنهدت تبتسم اليه بوداعه وقالت بخجل طفيف
-ايه ياآسر مش هتنسي وبعدين مكنش قصدي الينت جايه وبتشد هدومي اشيلها اقولها لا يعني ! وبعدين هو الدكتور كان شاكك اني هولد قبل ميعادي !
تنهد بهدوء وقلب عينيه متمتما
-مش هغلبك ابدا في نقاش !! فين عمر صحيح !!
ابتسمت تقول
-عمر مع نور في الجنينه تحت !! وتالين كمان كانت معاهم بس كانت جايه تشتكي شكوتها المعتاده من ادهم !!
عقد حاجبيه يردد بغضب طفيف
-الواد ده مش مريحني ايه حكايه تحكماته في بنتي دي !!
ارتفعت ضحكاتها الناعمه لتنفك عقده حاجبيه يتأمل جمالها الآخذ وضحكتها الجميله التي لا تتغير بتلك الاعوام التي تمر عليهم معا وقالت من بين ضحكاتها
-مش عارفه بصراحه الولد ده طالع لمين !! جيناته غريبه اوووي تخيل النهادره بيقولها ماتلبسش شورت تاني !!
كان آسر قد وضع ابنتهم التي غفت باحضانه داخل فراشهم وبدأ بنزع ملابسه رفع وجهه باعين متسعه وهي تخرج اليه من غرفه الملابس بملابس بيتيه وكادت ان تتجه تعد حمامه ليوقفها مسرعا وهو يقول عاقدا حاجبيه
-انتي هتعملي اي!!
اجابته بهدوء ..
-هجهزلك الحمام ياآسر ..!!
تنهد وهو يجذبها الي الاريكه ويجلس جاذبا اياها لاحضانه يقول
-كام مره اقولك بلاش تعب عليكي ياسديم ..عشان خاطري متعمليش اي حاجه ..قصر طويل عريض وتجهزي انتي الحمام !!
عقدت حاجبيها تقول بغضب
-مانا مش هخلي حد من البنات المايعه اللي جايبنها دي تعملك حاجه !! انا اتعب واعملها انا احسن !!
وكادت ان تقوم فارتفعت ضحكاته الرجوليه جاذبا اياها اليه يحاصرها بقوه داخل احضانه يقول بعد ان انفكت عقده حاجبيها
-عشان ماتتكلميش عن غيرتي بعد كده في الشركه ..انتي مش شايفه شكلك ايه دلوقت !!
لتقول ضاحكه بعد ان تذكرت ذلك الموقف
Flash back
بالصباح الباكر وذلك الموظف الجديد بشركاتهم يعاونها حين علم انها لا تستطيع الصعود بالمصعد وقد نست بطاقتها
الالكترونيه وهيئته حين رأي ذلك الشاب يشير اليها علي ياقتها التي انثلبت دون ان تراها ولم تفهم اشارته وكاد ان يمد يده
ليعدلها لكن تلك اليد التي قبضت علي يده بغضب يسحق اصابعه لتسمع سديم صوت طرقعتها وتمسك ذراعه بقلق ليقول الشاب بغضب
-في اي الآنسه ياقتها معوجه وكنت بقولها !!
صاح آسر غاضبا بنبره مستنكره !!
-آنسه !!! والآنسه ايه اللي موقفها معاك اصلا !!
قالها وهي يرميها بنظرات حارقه لتقول وهي تكتم ضحكاتها
-انا نسيت الكارت ومش عارفه افتح الاسانسير والكابتن حب يساعد !!
ليبتسم الشاب علي الفور لها وهو يقول ببلاهه
-ده حضرتك تؤمري الكابتن امر !!
اتسعت اعين سديم حين وجدت عروقه قد برزت وبلنح البصر تكور المسكين ارضا واتي الامن يحاول فصل ذلك الوحش الضاري عنه ليقول آسر غاضبا بعد ان امسك به فردي امن بصعوبه ...
-الحيوان ده ميقعدش هنا دقيقه واحده ..!! قال آنسه قال !!
Back
نظر اليها غاضبا وقال
-مش من مصلحتك تفكريني بيه دلوقت وبعدين ايه حكايه آنسه دي .. ده اعمي مش شايف بطنك دي كلها ..!!
ارتفعت ضحكاته ومالت عليه داخل احضانه لينفك عبوسه ويبتسم لها وهي تقول
-حرام عليك يآسر الفستان مش مبين بطني وبعدين ده انت عملت منه بوفتيك علي الآخر وفرجت غلنا المجموعه كلهاا!!
رد عليها ساخطا
-احسن عشان محدش يقرب منك تاني ! بس تعالي هنا متخرجنيش من الموضوع الاساسي ..اي حكايه الشورت دي !!
ابتسمت تقول بسخريه
-ابدا ياحبيبي ادهم تربيتك ..مش عاوز بنتك تلبس شورتات تاني !!
نظر اليها عاقدا حاجبيه وهو يقول
-لا انا بس اللي اقول بنتي تلبس ايه ومتلبسش ايه ..بس احسن برضه بلاش شورتات عشان بتفكرني بيكي لما كنتي دايره في القصر بيها !!
انتفضت مغتاظه تقول وهي تضع يدها بخاصرتها بغضب
-نعمممم !! انت عاوز تعقد بنتي ولا ايه انت وابن اخوك ..!!
نظر لها مشيرا بالصمت والي ابنتهم النائمه ثم جذبها برفق مره اخري الي احضانه وهو يقول بابتسامه لعوب
-ايه ياسديم متبقيش عصبيه ياقلبي كده !! وبعدين الحق عليه خايف علي بنت عمه !! حقيقي انا عرفت اربي!!
عقدت سديم حاجبيها تنظر اليه ثم رددت بمكر
-انا شايفاك مبسوط يعني مش بتزعق بغيره زي مابنبقي في النادي ومش بتخلي حد يقرب منها !! مش ملاحظ ان ادهم بقي مسيطر علي بنتك خالص !!
عقد حاجبيه بغضب وقال بغيره واضحه
-لا طبعا ادهم مش مسيطر ولا حاجه كل الحكايه ان دمه حامي زي عمه مش طالع لابوه ولا لمروان وليكي في مياعتكم !!
نظرت له بغضب ليقطع حديثهم طرقات فوق الباب فتقدمت تفتح لتري ذلك الصغير ادهم ذو السبعه اعوام ينظر اليها برقه يقول بابتسامه
-سوري ياطنط انا كنت جاي اشوف تالين عشان زعلت مني ومش هتلعب معايا !!
نظرت له بابتشامه ثم هبطت الي مستواه تقبل وجنته وهي تقول بمكر
-زعلت منك عشان الشورت مش كده !!
نظر ادهم بخجل الي الارض ثم احتضن خاصرتها يقول لها بابتسامه طفوليه
-سوري ياكنك بس انا بضايق لما بشوفها لابسه كده !! عشان النهارده رامي وسيف بصوا عليها وقالولها انتي حلوه قدامي وانا اتخانقت معاهم واتخاصمنا !!
ظهر آسر من خلف زوجته ينظر الي ادهم بهدوء ثم مال عليه يفك ذراعه من حول زوجته مقبلا اياه وهو يقول
-برافواا عليك ياادهم !!
نظرت سديم تقول بغضب
-لا طبعا كده غلط متتخانقش في صحابك تاني ياادهم ..استخدم عقلك قبل لسانك ياحبيبي !! هما مايقصدوش حاجه وحشه ..وبعدين تالين كمان مش بتحب تزعلك .. يبقي انت كمان ماينفعش تزعلها .. لازم تبصي لمشاعر اللي حواليك ياادهم !!
نظر لها بخجل صم نكس رأسه يقول بخجل
-سوري ياطنط اوعدك هخلي بالي بعد كده !! ممكن اخد تالين وننزل نلعب !!
قال آسر باسف
-بس تالين نامت !!
ليأتي صوت صغيرته من خلفه بحماس وهي تجري ناحيه ابن عمها تقول بعفويه طفوليه وهي تحتضنه
-انا صاحيه يابابي !! يلا يادومي بسرعه !!
اتسعت اعين آسر حين ازاحته طفلته برفق من ساقه متجهه الي هدفها الا وهو ابن عمها الذي اصبح مسيطرا بالفعل علي ابنته حيث قادها من يدها الصغيره برفق بعد ان قبل وجنتها
متجهين معا الي الاسفل !! تحت انظاره المتسعه سحبته سديم الي الداخل وهي لاتتوقف عن الضحك علي هيئته وقالت وهي تلتقط انفاسها بصعوبه
-ايه ياآسر حاسه انك رجعت في كلامك !!
ليومئ بالموافقه وهو يقول لها
-الواد اخدها ومشي قدامي !!!
كاد ان يخرج لكنها منعته وهي تحيط عنقه مبتسمه بوداعه له لتشتت انتباهه عن الاطفال وها هي نحجت بذلك ..اذ به احاط خصرها جاذبا اياها اليها برقه متناهيه ينظر داخل بندقيتيها
وهو يبتسم لها ناسيا تماما ما كان يسعي اليه منذ دقائق تأسر عينيه كريزتيها الاامعتين اسفل تلك الاضواء الهادئه ثم هبط بشفتيه متذقا اياهم بنعومه ورقه ..وهو يقول
-عارفه انتي وحشاني قد ايه !!
هزت رأسها بالسلب وهي تبتسم اليه ليرفعها بين ذراعيه متجها ناحيه فراشهم وهو يقول
-لا ده انا لازم اعرفك الموضوع ده وبالتفصيل الممل !!
ثم هبط بشفتيه مره اخري يستخوذ علي شفتيها النديتين لتقول له من بين قبلاته المحمومه
-بحبك ياآسر !!
ليبتسم اثناء عبثه بثوبها وتقبيله لها وهو يقول
-وانا بموت فيكي ياقلب وحياه وعمر آسر كله !!
تمت....