رواية قدري
الفصل للثامن عشر والتاسع عشر
بقلم مروه السيد
حياه ... بضحك اشطا يلا بقا ننزل شويه وفجأة يسمعوا صوت
صريخ ويطلعوا من الاوضه بسرعه ويلاقوا ملك بتصوت ووائل ساندها
وليد وحياه ... مالها
وائل ... شكلها بتولد
حياه ... بقالها اسبوع شكلها بتولد ياعم وفى الاخر الدكتور يقولها لا مش ولاده يلا يا ملوكه ننزل ناكل هعمل كيك إنما ايه تحفه
ملك بصريخ... بيقولك بولد وانتى تقوليلى ناكل وتبص لوائل وانت واقف ليه يلا مش قادره وتصرخ
وائل... الصراحه حياه اقنعتنى بقالنا اسبوع كل يوم الدكتور يقول لا مش ولاده لسه شويه
ملك ... وهى بتصرخ صدقنى المره دى الوجع اجمد
وليد ... خلاص روحوا وطمنى لو طلعت ولاده هجيلك
حياه ... اه هات الشنطه دى لو هتولد هنجيبها معانا وتاخد منه شنطه البيبى ويمشى وائل وملك
______________________
عند سعيد
منال ... وبعدين ياسعيد الفلوس قربت تخلص هنعمل ايه
سعيد .... فى حد يخلص 100 الف فى شهر حرام عليكى
منال ... وانا مالى ماكله ليك انت وبناتك اتفسحتو وجبتلكم لبس جديد
سعيد ... اه وكل بنت تروح الامتحان معاها 200جنيه عشان يجيبوا اللى عايزينه هما رايحين يمتحنوا ولا يتفسحوا
منال ... بناتك كانو دايما يبصو لصحابهم ايام الامتحانات اللى لبسين جديد واللى معاهم فلوس بعد الامتحان يجيبوا اللى نفسهم فيه فيها ايه يعنى لما مره يعيشو زى صحابهم
سعيد ... خلاص خلاص افصلى لما اشوف هعمل ايه مع المحامى
قمر ... بابتى حبيبى عايزه 500 جنيه
سعيد ... نعم ودا لايه بقا
قمر ... النهارده اخر امتحان ليا وبعد ما نخلص هخرج مع صحابى
سعيد... لا مش لازم خروج ما انتم كنتو بتتفسحو من شهر
منال ... فى ايه يا سعيد ماتسيب البت تخرج مع صحابها النهارده اخر امتحان وهتقعد فى البيت
سعيد ... بذمتك هتقعد فى البيت يعنى مش بعد ما اميره تخلص هتقولوا عايزين تتفسحو
منال ... يا حبيبى ربنا يخليك لينا دى بتبقى خروجه عائليه لكن هى هتبقى مع صحابها يوم
سعيد ... خدى الفلوس ايه وامشى مش هخلص منكم انا نازل ع القهوه شويه
قمر ... تبوسه من خده تسلم يا حبيبى سلام بقا عشان متاخرش وتمشى
منال ... ربنا يخليك لينا وتعيش وتفرح بناتك كدا
سعيد يبصلها ويمشى
منال لنفسها ... يعنى بنتك تعيش فى فيلا وبناتى فى منطقه شعبيه اصبروا عليا هى كدا كدا بتكرهك ياسعيد وانا لازم أخلى بناتى احسن منها حتى لو فيها موت بنتك ونورث منها اكيد جوزها فتحلها حساب فى البنك اصبروا عليا
_______________________
بعد فتره فى المستشفى
يصل حياه ووليد وأخواته وأمه
وليد ... يلاقى وائل واقف قلقان أهدى يا حبيبى باذن الله هتقوم بالسلامه هى والبيبى
وائل ... يارب يا وليد المهم هى تقوم بالسلامه
بعد شويه تخرج الممرضه تاخد منهم هدوم البيبى وتبلغهم أنها جابت ولد
والكل يبارك لوائل
تليفون حياه يرن
حياه ... حبيبى وحشتنى هترجع امتى بقا
معتز ... اسبوع او اتنين بالكتير
حياه .... كل دا انت بقالك اسبوع هيزيدو اسبوعين كمان لا كتير وحشتنى بقا
معتز ... معلش يا حبيبتى الشغل بقا المهم وائل فين برن عليه مبيردش وانا عايزه ضرورى عشان الصفقه اللى همضيها
حياه ... وائل بقا اب مش فاضى لصفقات والشغل بقا
معتز ... بجد ربنا يفرحه بيه ويحميه يارب انتى قريبه منه
حياه ... اه كلنا موجودين معاه
معتز ... طيب اديله التليفون ابارك له
حياه ... حاضر وتدي التليفون لوائل بعد مايقفل مع معتز
حياه... ها بقا هتسموه ايه
ملك ووائل ... انتى اللى هتسميه
حياه ... انا لا مينفعش سموه انتم
ملك ... مش انتى خالته يبقى تسميه
حياه ... مراد ايه رايكم
الكل ... جميل الاسم
وليد ... مش دا مراد اللى فى المسلسل التركى بتاعك اوعى تفتكرى أنه هيطلع شبه وتعمل حياه ومراد مصريين
حياه ... ايه دا فى ايه وبعدين ميطلعش شبه ليه يعنى
وليد ... عشان دا ابن وائل وملك يعنى مصرى مش تركى فوقى يا حبيبتى
احمد ... بس يا وليد ما اسم مراد حلو مش مهم يطلع شكله ايه الشكل دا خلقه ربنا
وائل ... خلاص بكره هروح اكتبه عبد العال
ملك ... نعم عب ايه
وائل ... عب ايه بس بقول مرااااااد
ملك ... اه كدا قال عبعال قال
حياه ... ع فكره قال عبد العال مش عبعال
وليد ... لا يا حياه عبعال احلى خلاص يا وائل اكتبه عبعال
ملك ... وليد خد مراتك وامشوا وخدوا وائل كمان
ساره ... بس بقا بطلو تضايقوا فى ملك دا ابنك اخوكم برضو
ملك ... قوليلهم
ساره ... اه طبعا هقولهم اهوه وتروح عند سرير الولد ع عبعال تصدق لايق عليك يا ابن اخويا
ملك .... بررررره انتى كمان
سلمى قبل ماتتكلمى معاهم يلا مش عايزه اشوفكم كفايه عمى وماما ولاء دول حلوين ومش بيتريقوا ع ابنى
ويهزرو شويه وحياه بتطلب هى تبات مع ملك فى المستشفى عشان لو احتاجت حاجه وولاء كمان قالت مش هتسيبها عشان تعوضها عن غياب امها والباقى يراوح
_______________________
بعد مرور أسبوعين
ملك ... حياه ممكن اطلب منك طلب
حياه ... طبعا يا حبيبتى
ملك ... هروح للدكتور عشان الجرح تعبنى من امبارح ومراد مش بيسكت غير معاكى عشان اتعود عليكى
حياه ... طيب ناخده وأجى معاكى هتروحى لوحدك
ملك ... لا وائل معايا خلى بالك انتى بس منه انا عارفه أنه هيتعبك
حياه ... يتعب مين يابنتى هو من يوم ما اتولد مابيعرفكيش غير لما بيجوع روحى انتى للدكتور ومتشغليش بالك
ملك ... تسلميلى يا حبيبتى هو نائم دالوقت وانتى طبعا عارفه مكان اللبن والمعيار اللى تعمليه لو جاع
حياه بهزار ... انتى تعرفى أساسا المعيار امشى يابنتى خلينى العب مع الواد براحتى بقا
ملك تضحك وتنزل تلاقى وائل مستنيها ف العربيه ويروحوا للدكتور
بعد شويه
الداده ... حياه هانم
حياه ... مش قولنا بلاش هانم دى
الداده ... معلش حسب التعود بقا
حياه ... فى حاجه
الداده ...***** مستنيكى تحت
حياه ... دا ايه جابه دا طيب انا نازله وراكى اهوه وتنزل حياه ...****
قدري19
الداده .... والد حاضرتك مستنيكى تحت فى الصالون
حياه ... دا ايه جابه دا طيب انا نازله وراكى اهوه وتنزل حياه
حياه ... نعم جايه ليه مش بيعتنى عايز ايه تانى
سعيد ... حبيبتى جايلك انتى وحشتينى اوى
حياه ... بجد الفلوس خلصت ولا ايه
سعيد ... وايه العلاقه يا حبيبتى بس
حياه ... بلاش تمثيل بس انا وانت فاهمين انك مش بتحبنى اوعى تفتكر انى نسيت كل حاجه عملتها فيا انت ومراتك واهانتكم ليا كلها ضرب وشتيمه كنت شغاله خدامه لمراتك وعيالك لا وكمان بيعتنى واخد فلوس مكانى
سعيد ... يابنتى انتى فهمتى غلط
حياه تقاطعه ... بس بقا هات من الاخر وقولى جاى ليه
سعيد ... تمام من الاخر خالتى كانت عامله وصيه وكاتبه كله ليكى انتى ومعتز باشا والمحامى رافض يسلمنى حاجه ولازم وجودك انتى ومعتز واكيد عارفه مكانه أو ع الأقل رقم تليفون توصليله خليه يجى وتعملى حسابك تاخدى ورثك وتتنازلى عنه ليا
حياه ... انسى دا حقى ومش هتنازل عنه
سعيد ... يبقى مستغنيه عن جوزك انتى هربتى معتز لما حاولت إقتله بس تفتكرى هتهربى جوزك ولا اخوه ولا أبوه ولا حماتك ولا مين اكيد مش هتعرفى تهربى كل دول
حياه بعصبيه ... حرام عليك انت ازاى كدا انا بنتك بنتك اللى كنت فرحان بيها اول ماجت على الدنيا دى بنتك اللى كنت دايما بتحتويها بنتك اللى منال غيرتك من ناحيتها عملتلك ايه منال عشان تبقى كدا معايا قول
سعيد يضرب حياه بالقلم
سعيد ... أخرسى منال دى زى امك وهى اللى راعيتك بعد ما امك ماتت
حياه بتريقه ... اه منال اللى كانت وانا فى ثانوى بتشغلنى طول عشان ما اذاكرش وانجح بس انا خيبت ظنها كنت بصحى اصلى الفجر وافضل اذاكر لحد قبل ماتصحوا أشيل الكتب واعمل نفسى نايمه بدل ما كانت تعرف وتخترع ليا شغل الفجر ولا حاجه منال دى اللى كانت لو قولتلها تعبانه تفضل تضرب فيا عشان اقوم اشتغل خدامه ليكم ابعد عنى وانسانى بقا خلى منال وبناتك ينفعوك روح اكتبلها الشقه اللى فاضله معاك باسمها بعد ما خلصت فلوسك كلها ولا يمكن كتبتها أساسا
سعيد بعصبيه ... انتى قليله الادب ولسه هيضربها تانى وليد يمسك أيده
وليد ... اوعى تمد ايدك على مراتى
سعيد ... دى قليله الادب بتعلى صوتها عليا وبتغلط فى المراتى اللى المفروض مكان امها
حياه ... عمرها ماتكون مكان امى دى مرات اب بمعنى الكلمه لو حسستنى مره واحده بحنان الأم كنت حبيتها بس عمرها ماحسستنى بكدا حتى اميره اختى كرهتها فيا بعد ماكانت الوحيده اللى بتحبنى كل دا ودموع حياه نازله
وليد ... كفايه عياط يا حياه والدك هيمشى دالوقت ولا ايه يا استاذ سعيد
سعيد لسه هيعترض تدخل منال
منال ... مش قولتلك بنتك بتكرهك يلا يا حبيبى نمشى من هنا بكره تيجى تترجاك بعد ما يعرفوا حقيقتها ويطردوها من هنا على فكره يا استاذ حياه مش بريئه زى ما انت فاكر دى بتعمل كل دا عشان تصعب عليكم وبكره تسرقكم وتهرب
وليد ... استاذ سعيد خد مراتك وامشى بدل ما هنسى انك ابو مراتى وهتصرف بطريقتى
سعيد ... يبص لمنال وتغمز له خلاص انا ماشى بس افتكرى اللى قولتهولك يا حياه اه وعلى فكره انا بدءت خلاص سلام يا بنتى سلام ياجوز بنتى وياخد منال ويمشوا
______________________
بعد ما يطلعو من الفيلا
سعيد ... ها عملتى ايه
منال ... كله تمام كلها شويه وحياه ترجع لينا تانى وهى هتعرف تجيب معتز
سعيد ... تمام كدا هى اللى جابته لنفسها هو فين
منال ... قمر اخدته ومشيت
يلا بس عشان نلحق ناخده من البيت ونبعد شويه
سعيد ... يلا
_______________________
وليد ... حياه الروح الحياه اللى الروح متنفعش من غيرها وانا فعلا روحى متعلقه فى حياه
حياة الروح
حياه بذهول وتبطل عياط ... قولت ايه
وليد ... لا ركزى بقا هفضل اعيد كل شويه كدا
حياه ... عرفت منين حياه الروح دى
وليد ... سمعتك مش قاصدى اسمعك قبل ماتتكلمى بس انا كنت طالع الأوضه وانتى بتقولى حياة الروح اللى الروح متنفعش من غيرها
حياه .... امممم ماشى انا هطلع اشوف مراد
وليد ... سيبى الولا لامه شويه
حياه ... سيباه معايا عشان مشيت
وليد ... ازاى تسيب ابنها بقاله اسبوعين وتمشى كدا
حياه ... راحت للدكتور وانا موجوده اهوه أخلى بالى منه
وليد ... هتبقى احلى ام
حياه ... بحب الأطفال اوى عشان كدا متعلقه بمراد
وليد ... عقبال ماتتعلقى بابنك
حياه ... هطلع اشوف مراد
وليد ... ماااشى اعملى نفسك مش سامعه
ولسه هتطلع
ملك ... اكيد مراد غلبك
وليد ... اوى اوى
حياه ... بس يابابا اوى اوى ايه انت شوفته أساسا
ولاء... مالك يا حياه شكلك معيط اوعى وليد يكون زعلك
حياه ... لا ابدا مفيش حاجه كنت مصدعه بس شويه
ولاء وملك ... الف سلامه عليكى
وليد ... كنتى معاهم ياماما ولا ايه
ولاء... لا مكنتش اعرف أساسا انا قابلتهم ف المستشفى كنت بعمل تحاليل الشهر بناء على أوامر الوالد
وائل ... بيخاف عليكى يالولو
ولاء ... طبعا مش مراته
ملك ووليد ... ايوه بقا
حياه ... ايه دا مالكم انتم الاتنين من حقها الله
ملك ... ماشى ياست حياه انا هطلع بقا اشوف مراد واريح شويه
حياه ... خدينى معاكى عشان وحشنى اووووى
ويطلعوا لمراد ويلاقوا على سريره *****