🔹️بسم الله الرحمن الرحيم 🔹️
لا إله إلا أنت سبحانك إني كنت من الظالمين
رواية ☆قلوب حائره☆
بقلمي روز آمين
🦋 البارت السادس🦋
أعطي ياسين سكرتير المديره البطاقه الخاصه التي تحمل تعريف شخصيتهْ ليٌدخلها
للمديره ويٌعلمها بوصول ياسين المغربي بصحبة مليكه،،خرج لهما السكرتير بوجهٍ بشوش يٌعلمهما بإنتظار المديره لهما بالداخل !!!
دلف ياسين خلف مليكه إلي مكتب مديرة المدرسه التي كانت تقف بإستقبالهما بإحترام وترحاب عالي !!
تحدثت المديرة وهي تمد يدها بإحترام إلي مليكه ٠٠٠٠٠البقاء لله أستاذه مليكه،،أنا جيت لحضرتك في عزا رائف بيه وللأسف ماشفتش حضرتك ولما سألت عليكي قالولي تعبانه فوق !!!!
أجابتها مليكه بحزن لتذكرها لتلك اليوم الحزين ٠٠٠لا إله إلا الله أستاذه سٌحر،،ومتشكره جدآ لحضورك !!!
المديرة وهي تمد يدها بلهفه وأحترام إلي ياسين٠٠٠٠ياسين باشا المغربي،،المدرسه نورت بوجود سعادتك يا أفندم !!
أجابها ياسين بإحترام٠٠٠٠مٌتشكر جداً يا أفندم !!!
سَحر وهي تشير بيدها للأمام بإهتمام وترحاب٠٠٠٠إتفضلوا يا أفندم،،نورتونا !!
جلسوا ثلاثتهم !!!!!!!
تحدثت المديره ٠٠٠٠تحبوا تشربوا أيه يا أفندم ؟؟
أجابها ياسين بنبرة صوت جاده ٠٠٠٠مافيش داعي وياريت حضرتك تدخلي في الموضوع علطول !!!!
بدأت المديره بالحديث متوجهه بالنظر إلي مليكه٠٠٠٠ طبعاً حضرتك بتسألي نفسك ياتري أنا بعت أستدعي حضرتك هنا ليه ؟؟
الحقيقه أنا هادخل في الموضوع علي طول علشان عارفه وقت ياسين باشا الثمين،،
الموضوع وبإختصار إن من يومين جاتلي الميس بتاعت مروان وقالتلي إن للأسف تقارير مروان الشهريه مش كويسه ،،وكمان بقاله مده متغير مع أصحابه ومش بيلعب معاهم ولا بيشاركهم في أي أنشطه جماعيه للأطفال إللي بتعملها الميس ،،
وأكملت بمجامله٠٠٠٠٠الحقيقه أنا لما عرفت أصريت إني أهتم بنفسي بالموضوع ،،ماهو ده مش أي تلميذ عندي ،،ده مروان رائف المغربي وعيلة المغربي كلها ليها وضع خاص جدآ عندي هنا في المدرسه !!!
رد عليها ياسين بإحترام٠٠٠مٌتشكر جداً يا أفندم علي إهتمام حضرتك وأكيد هحط إهتمامك بمروان في الإعتبار !!!
إبتسمت المديره بسعاده ولهفه !!!!
هٌنا إستمعوا لدقات إستأذان علي الباب،،أمرت المديرة بالدخول فدلفت مدرسة مروان والاخصائيه النفسيه بالمدرسه ألقوا التحيه وجلستا
بعد ذلك وجهت المديرة أمر للاخصائيه بالتحدث
تحدثت الاخصائيه النفسيه قائله ٠٠٠٠حضرتك أنا لما سيادة المديره بلغتني بحالة مروان جبته عندي في المكتب وإتكلمت معاه ،،وقتها أكتشفت إن مروان بيعاني من مٌشكله نفسيه عميقه ،،،
ولما سألته ليه دايماً حزين وساكت وليه مش بتلعب مع أصحابك زي الأول
جاوبني بعيون كٌلها حٌزن وقالي إن مامي قالتلي إن بابي سافر لبعيد جداً وإن كمان مامي طول الوقت بتعيط هي ونانا وعمتو يسرا
قالي كمان إن حضرتك بطلتي تخرجيه زي بابي ما كان بيخرجه وإنه بقا حزين ومش عاوز يلعب تاني علشان بباه واحشه جداً ونفسه يشوفه !!!
كانت تستمع للمختصه ودموعها تنهمر بغزاره علي صغيرها والحاله التي أَويَ إليها !!
حدثت حالٌها٠٠٠٠ماذا يتوجب علي فعله ؟؟
أشعر أني عاجزه أمام أطفالي ،،كيف أحتويهما وأساندهم وجِدَارِي أصبحَ هَشٍ ضَعيف ولايمكن الإستنادٌ عليه !!
ياألهي،، ساعدني وكٌن بعوني وبجانبي أرجوك !!!
نظر لها وشعر بحيرتها وألمها ،،تحدث٠٠٠إهدي يا مليكه،،إن شاء الله الولد هيبقي كويس،،كل مشكله وليها حل !!!
رافقها ياسين هي ومروان وخرجوا من المدرسه بعد أن إتفقوا مع المختصه النفسيه علي القواعد التي سيتبعونها لتخطي الصغير أزمة وفاة والده ومساعدته علي تحسن حالتهِ المزاجيه والنفسيه،،
ومنذ ذلك اليوم ،،بدأ ياسين بإصطحاب الأطفال بمرافقة مليكه أو يسرا إلي الاماكن المحببه لدي الطفل ،،عَلهٌ يساعده ذلكَ بالخروج من القوقعه التي وٌضِعَ داخلٌها
◇◇◇◇¤◇◇◇◇
كانت بصحبة ياسين في إحدي المولات الفخمه تجلس بجانبه وتنظر إلي صغيريها مع باقي أطفال المنزل وهم يلهونَ بسعاده داخل لٌعبة بحر الكور التي يعشقها مروان وتقف بجانبهم جليسة الأطفال الخاصه ب أنس !!!
إنتبهت علي حديث ياسين لها وهو يسألها بإهتمام٠٠٠٠مليكه،،هو رائف الله يرحمه كان مزعلك ولا حاجه يوم الحادثه ؟؟
نظرت لهٌ وضيقت عيناها بإستغراب ٠٠٠٠خالص يا أبيه،، بالعكس ده كان لطيف جداً في اليوم ده،،هو حضرتك ناسي ولا أيه مش كٌنت معانا وقت الفطار لحد ما مشي هو وطارق علي الشركه !!!
أجابها بتفهٌم ٠٠٠٠٠أه ماأنا فاكر اليوم ده كويس جداً،،أنا قولت يمكن لما راح الشركه إتصل بيكي وحصلت مٌشكله بينكم ولا قالك حاجه ضايقتك أو زعلتك منه ؟؟
أجابته بعيون تلئلئت بالدموع وصوتٍ يملئهٌ الحنين ٠٠٠٠أبداً،،أنا كلمته الساعه 11 لما قمت من النوم زي كل يوم وعاملني بمنتهي اللطف والرومانسيه وبالعكس كان حنين أوي حتي وعدني إنه هيخرجني ويسهرني بالليل ،،،
ثم إستفاقت من حنينها ونظرت له بإستغراب وتسائلت ٠٠٠٠هو حضرتك ليه بتقول كده يا أبيه ؟؟
فاق من حالة الإشتعال الداخلي التي إنتابتهٌ من حالة العشق والهيام التي تبدوا عليها حين تذكرت رائف
وأجابها بتألم لحالة قلبهٌ العاشق المجروح٠٠٠٠أصل رائف الله يرحمه وهو بيموت طلب مني أقولك إنك تسامحيه !!!
نزلت دموعها بحنين وتحدثت بتأثُر ٠٠٠٠أكيد كان لازم يطلب منك كده،، كان لازم يطلب مني إني أسامحه علي عدم وفائه بوعده إنه يفضل معايا لأخر عمري ،،،
وأكملت بشهقه ودموع٠٠٠٠بس هو ما وفاش بالوعد ده وسابني لوحدي بعد ماعلمني إزاي ماأقدرش أعيش من غيره ،،سابني بعد ما كان ليا النفس إللي بتنفسه، ،،
☆ سابني عايشه جسد بلا روح ☆وعلشان كده كان لازم يطلب مني السماح !!!
وضعت يدها علي وجهها تبكي بمراره !!!
أما هو فكان قلبهٌ يغلي نااااراً من عشق حبيبته الواضح لرجٌلً غيره،،
نعم هو رائف أخاهٌ الغالي الذي مازالَ جرح فقدانه ينزف ،،،
ولكنهٌ عاشق وليس علي العاشقِ حرج !!!
تحدث بحده ظهرت بصوته ٠٠٠٠خلااااااااص،،،مش وقت عياط ،،الولاد لو شافوكي كده يبقي كل إللي بنعمله ده ملوش لازمه وساعتها مروان ممكن يرجع لنقطة الصفر من جديد !!!!
جففت دموعها سريعاً وتحدثت٠٠٠٠٠عندك حق يا أبيه ،،ده لامكانه ولا قته ،،أنا أسفه بجد !!!
نظر إليها بحده ثم أشاح وجههٌ عنها بغضب ورفعَ كأس العصير الموضوع أمامه ليرتشف منهْ علهٌ يهدئ بركان الغضب الذي أصابهْ !!!!!!
◇◇◇◇◇¤◇◇◇◇◇
في منزل رائف ▪︎
دلفت يسرا إلي غرفتها بإصطحاب نرمين التي حضرت لزيارة والدتها،،وقد إستأذنت يسرا والدتها ودلفا للغرفه بحجة أنها تريد أن تريها ثياباً جديده إشترتها يسرا مؤخراً ،،
جلست يسرا علي حافة تختها وأجلست نرمين بجانبها
ثم نظرت لها بتساؤل ٠٠٠بتهربي مني ليه يا نرمين؟؟
أجابتها نرمين وهي تبتعد عن نظرها فايسرا أقرب شخص إلي نرمين ولو نظرت بداخل عيناها ستفهم كل مايدور داخلها دون التحدث
أجابت نرمين بعيون زائغه٠٠٠٠قصدك أيه بكلامك ده يا يسرا وأنا هاهرب منك ليه ؟؟
تحدثت يسرا بتأكيد٠٠٠٠أومال ليه كل ماأجي أكلمك في موضوع زيارتك ل رائف الله يرحمه تتحججي وتهربي مني ،،
وأكملت بإصرار٠٠٠٠٠لكن خلاص يا نرمين أنا إنهارده لازم أعرف أيه إللي حصل بينك وبين أخوكي يوم الحادثه ،،وأيه إللي قولتهوله جننه وخلاه يا حبيبي سايق وهو مش شايف قدامه،،إتكلمي يا نرمين !!!
نظرت إليها نرمين وأرتعشت شفتاها وبدئت بالبكاء وتحدثت بإنكار ٠٠٠٠ما قولتلوش حاجه إنتي ليه مش عاوزه تصدقي ،،قولتلكم قبل كده لما طارق سألني إنه كان واحشني وروحت علشان أشوفه مش أكتر من كده !!!
أمسكتها يسرا من كتفها ولفت وجهها لها وتحدثت٠٠٠طب ماتبصي في عيوني كده يا نرمين وانتي بتتكلمي،، عيونك بتهرب مني ليه ؟؟
ولا علشان عارفه إنك مش هتعرفي تكدبي عليا وعينك باصه في عيني ؟؟
نفضت نرمين يد يسرا من عليها بغضب ووقفت وأولتها ظهرها قائله٠٠٠٠إنتي عاوزه مني أيه بالظبط،، ماتسبيني في حالي بقا !!
وقفت يسرا وتوجهت لها ووقفت بوجهها وأردفت٠٠٠٠روحتيله وإتخانقتي معاه وطلبتي ورثك صح ؟؟
هٌنا إنفجرت نرمين وبدئت ببكاءٍ مرير ونظرت إلي يسرا وهي تهز رأسها يمينآ ويسارآ بندم ٠٠٠ما كانش قصدي كل ده يحصل،، والله ماكنت أعرف إنه ممكن يحصله كده،،
وأكملت بعيون شارده٠٠٠٠٠ أنا ماأعرفش إزاي ده حصل فجأه إتحولت ومابقتش عارفه نفسي بقوله أيه،، فضلت أدوس علي جرحه وأقوله كلام يكسره ،،
ثم أشارت بيدها علي حالها وأكملت٠٠٠أنا تعبانه أوي يا يسرا ،،من يوم الحادثه وأنا كل يوم أصحي علي كابوس يقومني من النوم مفزوعه،،
بشوفه وهو بيبوصلي بحزن ويسبني ويمشي ،،أنا عارفه إنه مش مسامحني ومات غضبان مني وعليا ،،
وبكت بحرقه ومراره وأرتمت علي الكرسي المجاور لها بإستسلام !!!
ذهبت إليها يسرا والدموع تٌهطل علي خديها كاشلالات وتحدثت بإصرار٠٠٠٠٠ قولتي ل أخوكي أيه خلاه مش علي بعضه ويسوق وهو تايه كده،،،إحكيلي كل حاجه يا نرمين،، إنطقي ؟؟
هزت نرمين رأسها برفض ودموع
أمسكتها يسرا من كتفها وهزتها بقوه وعنف ٠٠٠لا ،،،ماأنتي هاتحكيلي كل حاجه حصلت وده مش بمزاجك ده غصب عنك،،
وأكملت بتهديد٠٠٠٠ياأما هادخل عمو عز وياسين في الموضوع وهما يخلوكي تنطقي بطريقتهم !!!
صرخت بها نرمين ٠٠٠٠٠حرام عليكي يا يسرا إرحميني دأنا بردو أختك !!
صرخت يسرا ب وجهها٠٠٠٠٠واللي مات كان أخويا،،كان حته من قلبي كان راجلي وسندي أنا وولادي ،،،إللي مات سايب طفلين لاحول ليهم ولا قوة من بعده،،
إللي مات ساب أمي إللي إتكسرت وبتموت كل يوم من بعده عنها ،،
اللي مات سايب مليكه إللي كانت روحها فيه !!
إنتفضت نرمين برعب من هيئة يسرا التي تحولت ملامحها إلي غضب لأول مره تراه بعيناها !!
فأردفت نرمين قائله بترجي٠٠٠خلاص هاحكيلك،، بس أوعديني إن الكلام إللي هاقولهولك مايخرجش من بينا لأخر يوم في عمرنا !!!
جففت يسرا دموعها ثم نظرت إلي نرمين قائله ٠٠٠٠إطمني ،،مهما كان اللي هاتقوليه عمري ما هاتجيلي الجرأه.إني أقوله لحد وخصوصآ ماما،،إنتي مهما كان أختي وعمري ماهاضحي بيكي ولا أخلي شكلك مش كويس قدام الناس !!!
إطمئنت نرمين ووضعت يدها فوق وجنتيها وجففت دموعها وبدأت تقص علي يسرا ماحدث ليلة الحادث !!!
وبدأت ببكاءٍ مرير مرةً أْخري عندما تذكرت وجه رائف وهي تقص له إتهامها إلي مليكه
إنتهت نرمين من حديثها
نظرت لها يسرا بذهول غير مستوعبه لما نطقت بهِ شقيقتٌها
تحدثت بوجع ٠٠٠٠ياحبيبي يا رائف،، ياقلبي عليك يا أخويا،،يعني مٌت وأنت بتغلي من جواك من أفتري أختك علي مراتك يا حبيبي،،
وأكملت بصوتٍ مرير ٠٠٠٠٠ياتري كنت حاسس بأيه وإنت سايق ،،وأيه إللي كان بيدور في دماغك وقتها يا نور عيوني ؟؟
وتحدثت بألم وهي تنظر إليها٠٠٠٠يااااااه علي سواد قلبك يا نرمين،،،إزاي قلبك طاوعك تفتري علي مرات أخوكي بالطريقه دي،، ماخفتيش من إنتقام ربنا منك لما تتهميها التهمه البشعه دي ؟؟
هٌنا تجَهمَ وجه نرمين وتحدثت بكره وغل٠٠٠أنا ماأفتريتش عليها يايسرا،، تقدي تنكري إن كل ما أجيى هنا أنا وجوزي الهانم المحترمه تقعد تشاغله بكلامها ونظراتها ؟؟
نظرت لها يسرا بعيون متسعه وذهول وعدم إستيعاب لما ينطق به لسان شقيقتها من كَذب وأفتراء ٠٠٠٠إنتي مستوعبه إللي إنتي بتقوليه؟؟
إنتي مريضه يا نرمين ولازم تتعالجي ،،إزاي بتقدري تكدبي الكدبه وتصدقيها كده.،،إتقي الله وإنتي بتتكلمي عن مرات أخوكي وماتخليش غيرتك العاميه منها تخليكي تفتري عليها ،،
تقدري تقوليلي واحده كانت مع رائف المغربي زينة شباب إسكندريه كلها،، هاتسيبه وتبص لواحد زي محمد بتاعك ده ليه ؟؟
فوقي يا نرمين وأتقي الله في الكلام علي أعراض الناس،، حقوق الناس صعبه أوي وربنا مابيسامحش فيها،،بيسيب السماح فيها لأصحابها،، فاياريت ماتحطيش نفسك في خانة حقوق الناس عليكي،، صدقيني إنتي مش أدها !!!
ثم نظرت لها بإشمئزاز وتحدثت بغضب ٠٠٠٠أنا المفروض بعد الكلام إللي عرفته ده ما أعرفكيش تاني ،،لكن للأسف مش هاأقدر أقاطعك ،،علي الأقل علشان خاطر المسكينه إللي ممكن تروح فيها لو لاقتنا قاطعنا بعض ،،
وأكملت بحده٠٠٠٠لكن من إنهارده يا نرمين إنتي بالنسبالي موتي وأندفنتي مع رائف وبابا الله يرحمهم !!!
وتركتها وخرجت،، إرتمت نرمين بإستسلام فوقَ التخت وأطلقت لدموعها العنان مرةً أخري !!!
◇◇◇◇◇¤◇◇◇◇◇
داخل منزل سالم عثمان !!!!
كان جالساً مع زوجته وشريف إبنه يتحدثون جميعاً بشأن مٌستقبل مليكه،،
نظر شريف وتحدث بجديه لأبيهِ٠٠٠هو حضرتك هاتفضل سايب مليكه كده كتير في بيت رائف الله يرحمه يا بابا ؟؟
وأكملَ٠٠٠٠أنا شايف إن كده كفايه أوي ولازم تجيب ولادها وتيجي تعيش معانا هنا،،أظن مايصحش تعيش هناك بعد وفاة جوزها ،،ولا أيه رأيك يا ماما ؟؟
تحدث سالم بضيق٠٠٠٠ومين سمعك يا شريف ،،أنا كمان متضايق جداً من قعدتها هناك لوحدها من غير راجل أو حمايه ليها ،،لكن ماأقدرش أتكلم دالوقتي يا أبني ،،ماأقدرش أروح أجيب أختك وولادها من حضن حماتها،،
وأكملَ بحٌزن٠٠٠٠الست لسه حزينه علي إبنها ولسه ماأتخطيتش أزمة وفاته ،،نقوم إحنا بدل مانقف معاها وندعمها في مٌصيبتها،، أروح أخد الولاد من حضنها ،،إحنا كده نبقي بنقضي عليها نهائياً !!!
هٌنا تحدثت سهير بأسي وحزن٠٠٠٠الله يكون في عونها ويصبر قلبها،،دي الست من وقت موت إبنها وهي كل يوم في حال،، مره السكر يعلي عليها ،،ومره الضغط ربنا يتولاها برحمته،،
إللي حصلها مش قليل عليها بردوا ،،دي خسرت إبنها الوحيد،،وده ماكانش أي إبن ،،لا ،،ده كان نعم الأخلاق والأدب ،،كان بار بيها وبيعاملها زي ما ربنا أمره بالظبط،، الله يرحمك يا حبيبي،، في الجنه إن شاء الله يا رائف !!
شريف وهو ينظر إلي أبيه بتساؤل٠٠٠٠أيوه يا جماعه كل الكلام ده أنا فاهمه ومقدره كويس ،،لكن بردو ماقولتوليش هانعمل أيه مع مليكه ؟؟؟
أجابهٌ سالم بتعقل٠٠٠٠بص يا أبني،، رائف الله يرحمه يادوب بقاله 7 شهور متوفي ،،إن شاء الله بعد السناويه بتاعته هاروح وأتكلم مع سيادة اللوا عز المغربي ،،وهو يكلم مرات أخوه ويفهمها الوضع ،،علشان الموضوع مايتسببش في زعل ل حد،، كده نكون إستأذناهم وراعينا العشره،،ونكون أخدنا بنتنا وولادها في حضننا !!!
تحدثت سٌهير بقلق وحيره٠٠٠٠تفتكر عز المغربي وثريا مٌمكن يدونا الولاد بسهوله كده يا سالم؟؟
بصراحه أنا قاقانه ليخلوا الولاد عندهم !!!
صاحَ شريف مٌتحدثاً بغضب٠٠٠٠يعني أيه الكلام ده يا ماما،،أولآ هما مايقدروش يمنعوا مليكه من إنها تاخد ولادها،،القانون معاها وفي صفها في النقطه دي،،
كمان إذا كانوا فاكرين نفسهم عيلة المغربي ،،،إحنا كمان مش قليلين في إسكندريه وهانعرف نقف قدامهم كويس جداً ونجيب ل مليكه ولادها في حضنها !!!
نظر سالم إلي إبنهِ وتحدث بتعقل٠٠٠٠إهدي يا أبني وفكر بعقل،، إحنا مش عاوزين نتكلم بعصبيه ونضايق الناس وإحنا لسه ماعرفناش ردة فعلهم هاتكون أيه ؟؟
لكن بصراحه أمك عندها حق،، أنا عن نفسي قلقان إنهم يرفضوا يسلمولنا الأولاد ،،ودول عيلة المغربي وليهم وضعهم بردوا،،
ده كفايه ياسين عندهم ،،دي قرصته بالدم ووضعه ومكانته في المخابرات مدينله سلطه كبيره ويقدر من خلالها يأذي أي حد أو يقف في وش أي حد بسهوله جداً !!!
تنهدت سهير بألم٠٠٠٠ربنا يستر،، والله أنا ماحزينه إلا علي ثريا وزعلانه جداً علي إننا هانحرمها من ولاد رائف،،يعني مش كفايه عليها خسارة إبنها،،كمان هاتتحرم من ولاده ؟؟
لكن هانعمل أيه دي بنتنا ولازم إحنا كمان نخاف عليها وتيجي تعيش في حِما وأمان أبوها وعلشان كلام الناس !!!
تحدثَ سالم بأسي ٠٠٠ربنا يعمل اللي فيه الصالح والخير ل بنتنا يا سهير !!!
◇◇◇◇◇¤◇◇◇◇◇
بعد مرور عام علي وفاة رائف،، جاء يوم ذكري وفاته،،
كانت العائله جميعاً مجتمعه داخل المقابر،، أمام قبر فقيدهم الغالي فقيد الشباب !!
كانت رجال العائله تقف علي بعد مترين من جلوسِ النساء
اللواتي كٌنَ يٌحاوطنْ القبر بجلوسِهِنَ جميعاً
ثريا التي تبكي بحرقة أم علي فقدان صغيرها وتحاوطها يسرا الباكيه بذراعيها بحنان ومن الجهه الاخري تحاوطها منال زوجة عز بجوارها نرمين التي تبكي بصمتٍ تام !!
كانت الأنظار جميعها علي تلك الباكيه ذات الرداء الأسود والوجه الحزين ،،وهي تبكي علي قبر رفيق عمرها الذي تخلي عنها وتركها لوِحدَتِها ،،
كان بكائها مريراً ويٌدمي القٌلوب ،،
فقد أصبح الكون بعيونها خالياً بعد رحيله،،فقد أخذ برحيله كل شيئ،، الحياه،، والروح،، والبسمه،،
كانت والدتها تجاورها وتحتضنها هي وسلمي صديقتها !!
كانت تٌحادثهٌ وهي تضع رأسها فوق قبرهِ وتستند بيداها عليه بألم وبكاء مرير٠٠٠٠كيف حالٌك رائف،،أخبرني كيف أصبحت،،أسعيدٌآ أنتَ بدوني ؟؟
أتشعٌر بألمي ومرارةٌ حلقي لفقدانك ؟؟
أم أنك لاتبالي بحالي وما أويتٌ إليهْ ،،أٌنظر إلي رائف وتمعن بي جيداً،،
لقد أصبحتٌ حٌطام إمرأه رائفي !!!
لقد أصبحت الحياةٌ بدونك قبرآ كبيراً بالنسبةِ لي حبيبي ،،
أنالا أشعر بوجداني رائف،، لاأشعر بالحياه ،،لقد رحلت وأخذت روحي ووجداني وقلبي معك فقيدي ،،
أنا أتألم رائف ،،أنا حقآ أموتٌ بٌطئاً ،،
مر عام علي رحيلك ولم أستطع تجاوز مِحنتي ،،لم أستطع التأقلم علي الحياه بدونك عزيزٌ عيني ،،
لما هجرتني وتركتني وحيده رائف ؟؟
لما لم تأخذني معك ؟؟
ألم تعدني بأنك لم.تتركني مهما حدث،،أين وعدك يا رجٌل؟؟
إشتقت إليك كثيراً، ، مر إسبوع علي أخر زياره لك بمنامي ،،
أشتاقٌكَ حبيبي ،،تعا إلي اليوم،، أريد رؤيتك،، إشتقتٌ بسمة وجهك ،،إشتقك لنظرة عيناكَ الحنوْن،،
أرجوك رائف تعا،،سأنتظرك اليوم حبيبي،، أريد مجالستك ورؤية عيناك ساحرتي ♡
كان موجهآ بنظرهِ إليها بغيره وحسرةٍ تملئٌ قلبهْ،،
يحادث حالهْ٠٠٠٠٠كم أنت محظوظٍ رائف ،،فاحتي بعد مَماتٌك يا فتي لازالت جميلة الكون تعشقك وتفتقد وجودك ،،
نظر إليها بحنين ٠٠٠٠أنا هٌنا مليكه ،،إنظري إلي،، تفحصيني جميلتي،،منذ عدة أشهر وأنا أحاول التقرب ولكنكِ لا تشعرين حتي بوجودي ،،
أحِبيني مليكه ♡
فقط فرصه أطلٌبها ،،فاعطني إياها
وأٌصدٌقكي وعدآ لن تندمي ♡
♡سأجعل السعادةٌ دَاركْ ،،والكونِ مِقدارِك،،فقط أعطني الفرصه مليكتي،،وسترين،، كيفَ يكٌونٌ عِشقْ الياسين ♡
كانت تبكي وتنتحب مٌغمضة العينان،، مٌستسلمهْ لألم قلبِها وأعتصاره ،،شعرت بيدٍ تربت علي كتِفها بحنان رفعت رأسها ونظرت بعيون حمراء كاكاسات الدمِ من كثرة بكائها،،
وجدتهٌ أباها الحنون أمسكَ بيدها وأوقفها ثم نظر لها
وتحدث٠٠٠يلا يا حبيبتي ،،كفايه يا مليكه ،،،هتموتي نفسك يا بنتي حرام عليكي اللي بتعمليه ده !!!!
نظرت لهٌ وألم يعتسر قلبها ومازالت تبكي بمراره٠٠٠مش قادره أستوعب إن خلاص حبيبي راح ومابقاش موجود يا بابا ،،هو أنا فعلا مش هاشوفه تاني خلاص ؟؟
وأرتمت داخل أحضانهٌ وهي تبكي بألم !!!
إقترب منها مٌحمد زوج نرمين وتحدث بتأثٌر لحالتها المزريه٠٠٠٠إهدي يا مليكه وأطلبيله الرحمه،،هو أكيد في مكان أحسن دالوقتي،،إنتي كده ممكن تتعبي !!!
نظرت لهٌ نرمين بنظرات صاخبه كالرصاص إبتلع لٌعابه وأبتعد قليلاً !!!!
وقف شريف وأخذها من حضن أبيها وهو يحتضنها بحنان ويمسح علي ظهرها بحب وحنان الأخ،،،،
كٌل هذا تحت أنظار ذلكً المستشاط غضباً من إحتضان أبيها وأخاها لها ،
حيث كان يٌحادث حاله٠٠٠٠كيف سمحتي لهما أن يحتضناكي هكذا ؟؟
أنا من لهٌ الحق بإحتوائك وتضميد جراحك حبيبتي ،،أه مليكه أتعبني عشقك يا أمرأه،، كم عليا التحمل بعد ؟؟
وقف عز وتحدث بحزم وصوت يكسوهٌ الألم٠٠٠٠٠يلا بينا يا حاجه ثريا، ،يلا بينا يا مليكه !!!!
نظرت لهٌ ثريا وتحدثت بتألٌم٠٠٠روحوا إنتوا يا سيادة اللوا وسيبوني مع حبيبي !!
تحدث عز بحزم٠٠٠٠كفايه كده يا حاجه ثريا ليكي ساعتين بتعيطي ،،صحتك يا حاجه،،الضغط كده مٌمكن لاقدر الله يعلي عليكي تاني !!
ذهب إليها ياسين وجثي علي ركبته بجانبها ،،
قبل رأسها بحنان وتحدث٠٠٠٠يلا يا أمي علشان أنس كده هيقلق عليكي ،،تلاقيه بيعيط وبيسأل عليكي إنتي ومليكه ،،إنتي عارفه هو مش متعود علي غيابكم إنتم الاتنين كده ؟؟
نظرت لهٌ بإنكسار وهزت رأسها بإيماء، ،أمسك يدها وأوقفها وأتجهَ بها هي ويٌسرا لسيارته وأجلسهما ،،
في حين أخذ سالم إبنتهٌ وزوجته وذهبا بهما بطريقهٌ لفيلا رائف
وتحركوا جميعآ بإتجاه حي المغربي تاركين قبر فقيدهم وحيدآ،،فتلك هي الحقيقه الوحيده بحياتنا ،،الموت،،
بعد مٌده من الوقت كان سالم جالساً بحديقة منزل عز بصحبة بعض رجال عائلة المغربي،، عز،، وعبدالرحمن وياسين وطارق ووليد !!!
نظر وليد إلي سالم وتحدثَ بجٌرأه٠٠٠٠بعد إذن حضرتك يا سالم بيه أنا كنت عاوز أفاتحك في موضوع مهم جداً بالنسبالي ،،
وكنت هاجي لحضرتك إنهارده البيت أتكلم معاك فيه ،،لكن بما إن حضرتك موجود هنا ومشرفنا فأنا هاتكلم قدام الكل علشان يهمني إنهم يعرفوا قراري ويكون عندهم علم بيه !!!
نظر لهٌ الجميع بإستغراب مٌتسائلين حالهم ما هو الموضوع ؟؟
إلا ياسين الذي إبتسمَ بسماجه لمعرفتهٌ طلب وليد من سالم،،
وكيف لا يفهم وهو ياسين المغربي رجل المخابرات الأول !!!
نظر لهٌ سالم بوجهٍ مٌبهم وتحدث مٌتسائلاً٠٠٠٠خير يا أستاذ وليد ،،موضوع أيه ده إللي عاوزني فيه ،،إتفضل قول أنا سامعك !!!!
وليد٠٠٠٠٠٠