CMP: AIE: رواية قلبي ليس بيدي الجزء الثالث الفصل الاخير مدونة كرنفال الرويات
أخر الاخبار

رواية قلبي ليس بيدي الجزء الثالث الفصل الاخير مدونة كرنفال الرويات


 رواية قلبي ليس بيدي الجزء الثالث.. 

Part 24:🖤💫(الاخير) 


بقلم: حسناء رمضان... 🧍🏻‍♀️


..... 

جوري: اتغير كدا ليه! 

اسيل: ماما هو ماله! 

جاكي: معرفش.. بس شكله تعبان.. 

جوري: وهما هنا بيعملوا اي.. 





جاكي: هيكونوا بيعملوا اي يعني.. بيحددوا معاد كتب الكتاب... وعدي عايز يكتب النهارده... 





اسيل: بس انا مش موافقه.. 





جاكي: نعم ياختي.. 

اسيل: ايوا ياماما مش موافقه... انتي متخيله هو بقاله قد اي مش معبرني!.. 

جاكي: الله اعلم ظروفه كانت اي.. 

اسيل: لا ياماما... هو يمكن مش عايزني... وانا هشيل عنه الحرج دا.. 

سابتنا وطلعت اوضتها وانا وجوري قاعدين نبص لبعض... 

جوري طلعت وراها وانا دخلت قعدت.. 

جاك: فين اسيل ياجي... 

جاكي: فوق.. 

جاك: طب خليها تيجي.. 

جاكي: طب ثواني ياجاك معلش.. 

خدته وطلعت بره.. 

جاك: في اي.. 

جاكي: مش عارفه مالها... مش موافقه.. 

جاك: يعني اي مش موافقه.. مش هي اللي هتموت عليه!!  

جاكي: معرفش بقاا.. 

عدي جه.. 

عدي: في حاجه! 

جاكي: بقولك اي.. هو انتوا متخانقين ولا حاجه! 

عدي: لا.. 

جاكي: امال هي متضايقه ليه.. 

عدي: طب ممكن اتكلم معاها!! 

جاكي: طب تعالى معايا.. 






خدته وطلعت فوق.. 

جاكي: اسيل.. عدي بره.. 

اسيل: مش عايزه اشوفه.. 

جاكي: اتلمي بقاا.. يلا اقعدي كويس.. تعالى ياعدي.. 

دخل قعد جنبها وانا وقفت عند الباب.. 

عدي: مالك.. 

اسيل: مليش.. 

عدي: امال زعلانه ليه! 

اسيل: مش زعلانه.. 

عدي: تخيلت اني لما اجي اكتب كتابي عليكي هتبقي مبسوطه عن كدا.. 

اسيل:... 

عدي: بصيلي طيب.. 

رفعت وشها وبصت ف عنيه... ملامحه كانت بهتانه وباين عليها التعب.. 

عدي: وحشتيني.. 

اسيل: لو كنت وحشتك فعلا كنت سألت حتى.. 

عدي: غصب عني.. 

اسيل: غصب عنك!!.. معندكش دقيقه واحده تسأل عليا فيها!!... معندكش دقيقه واحده بس تعرف اذا كنت عايشه ولا ميته! 

عدي: اسيل.. انتي مش متخيله انا كنت بمر بإي طول الفتره دي.. 

اسيل: عدي لو انت مش عايز خلاص.. انت مش مجبور.. 

عدي: اسيل.. انا مكنتش بروح الجامعه.. واشتغلت كل الشغل اللي ف الدنيا.. مكنتش باكل ولا بنام حتى.. مش باين عليا؟!... مش شايفه السواد اللي تحت عيني!!... صدقيني كنت بشتغل ٢٤ ساعه عشان بس اعرف اقعد قدام ابوكي.. 

اسيل: محدش طلب منك كل دا.. وانا قولتلك حتى الفرح مش هعمله.. 

عدي: لا هنعمله... مش هخليكي تستغني عن حاجه زي كدا.. عشان كدا اشتغلت كتير... عشان اعرف اعملك اللي انتي عايزاه... يااسيل انا بحاول اعيشك ف نفس المستوى عشان متتعبيش معايا... والله مستعد اعمل اي حاجه عشانك.. 









اسيل: وليه كل دا.. انا قولتلك ميفرقش معايا حاجه... انا بحبك كدا... وعايزاك كدا... عدي.. كتر خيرك اصلا انك مستحمل كل دا لوحدك.. صدقني انا مش عايزه غيرك... انت مش متخيل انا كنت قلقانه عليك ازاي.. 

عدي: حقك عليا.. المهم دلوقتي متزعليش.. انا اسف.. وبعدين انتي كنتي فين كل دا!!... انتي عارفه انا هنا من امتى!! 

اسيل: كنت بصيع بره.. 

عدي: واحنا مش متفقين نصيع مع بعض!! 

اسيل: مانت اختفيت مره واحده كدا فقولت اصيع لوحدي.. 

عدي: طب اي.. 

اسيل: اي.. 

عدي: اي.. 

اسيل: عايز اي.. 

عدي: مفيش حاجه كدا ولا كدا! 

اسيل: لا مفيش.. 

عدي: ع فكره يعني كدا غلط.. يعني هو انا اتعب كدا وف الاخر ملاقيش حاجه! 

اسيل: عايز اي يعني.. 

عدي: اي حاجه كدا.. 

اسيل: ماما لو سمعتك هتعمل منك شاورما.. 

عدي: كلها شويه وهنكتب الكتاب.. اديني حاجه لله بس.. 

جاكي: عدييييي.. 

عدي: احم.. نعم ياحماتي.. 

جاكي: انجز ياقمر.. 

عدي: حاضر... مابنتك اللي مطلعه عيني.. يلا ياست.. 

نزلنا قعدنا معاهم واتفقوا ع كل حاجه.. 


عدي: ايوا بس انا عايز اكتب النهارده.. 

جاك: بكرا مش بعيد ياعدي.. 

عدي: ماشي... بكرا بكرا.. 

ـ طب نقرأ الفاتحه بقاا.. 

جاك: نقرا.. 










قرينا الفاتحه وبعدين مشوا.. 

اسيل طلعت اوضتها.. طلعت وراها لقيتها عماله تتنطط وترقص ومشغله اغاني.. 

جاكي: ياسلام ياختي.. كل دا عشان الواد المفعوص دا.. 

اسيل: طب ف ذمتك مش يستاهل!!... وبعدين انتي شايفه بقاا عامل ازاي.. وكل دا عشاني.. انا بحبههههه.. 

جاكي: حبك برص يابعيده.. اتقلي يامنيله ع عينك انتي.. 

اسيل: هو العمر فيه كام يوم عشان اتقل ياماما.. وبعدين قوليلي.. مش كنتي مبسوطه كدا لما جو اتقدملك! 

جاكي: واكتر من كدا..

اسيل: خلاص سيبيني افرح بقاا.. 










جاكي: طب اتخمدي عشان تصحي بدري.. 

اسيل: ماشي.. 

.................. 

وعد: يعني انا بعاكس عدي، يروح يتجوز اختك.. 

متيم: ماتتلمي بقاا.. هو انا مش مالي عينك ولا اي! 

وعد: قموصه بيه.. 

متيم: بقولك اي.. انا هروحك وتنامي بدري عشان هاجي اخدك الصبح.. 

وعد: لا مش الصبح.. هروح قبل كتب الكتاب ع طول.. 

متيم: لا.. هتيجي بدري وتقعدي معاهم.. 

........... 

جاك: مش مصدق والله.. 

جاكي: ليه.. 

جاك: مش عايزها تمشي ياجي.. مش متخيل انه هياخدها بعد كل دا.. 

جاكي: ماهو هيبقى جوزها خلاص.. وبعدين دا هي هتموت عليه.. 

جاك: ربنا يسعدها ياست.. بس بجد.. لو عدي زعلها صدقيني هيزعل مني جامد.. 

جاكي: ياريت منتدخلش بينهم ياجاك... هما هيبقوا متجوزين... يعني طبيعي يتخانقوا او يحصل بينهم مشاكل.. 

جاك: قصدي لو تمادى معاها.. اقسملك ماهرحمه.. هو حر بقاا.. 

............ 

الكل نام والصبح طلع وفيروز والباقيين اتجمعوا وجهزنا كل حاجه والبنات بيجهزوا فوق... 

جاك: بقولك اي.. 

جاكي: اي.. 

جاك: ماتيجي نتجوز معاهم.. 

جاكي: مينفعش.. 

جاك: ليه.. 

جاكي: عشان انت متجوزني اربع مرات... ولا نسيت! 

جاك: لا عادي.. نكتب الكتاب معاهم تاني.. 

جاكي: متلفش وتدور وقول عايز اي ياجو.. 








جاك: امم.. نعمل فرح زيهم.. هما احسن مننا يعني ولا اي! 

جاكي: انت فايق ورايق.. اوعى خليني اروح اشوف البنات.. 

جيت طالعه راح وقف ورا الباب.. 

جاكي: يابني اوعى بقاا.. 

جاك: بوسه واطلعي.. 

جاكي: بعينك.. اوعى.. 

جاك: طب والله مانتي طالعه ياجي غير لما اخد بوسه.. 

جاكي: ياخدك ربنا... اوعى بقاا كدا.. انت مش صغير ع الحركات دي! 

جاك: لا صغير ياختي.. وديني مانتي طالعه غير لما اخد بوسه.. وكلمه كمان هخليهم بوستين.. 

جاكي: يجاك ورايا حاجات كتير ولسه مجهزتش.. 

جاك: مانا قولتلك.. 

جاكي: تصدق انك عيل تافه وبارد ورخم وزفت كمان.. 

جاك: انا كل دا! 

جاكي: ايونن.. 

جاك: بت.. هتجيبي بوسه برضاكي ولا اخدها بطريقتي! 

جاكي: تؤتؤ.. لا دا ولا دا.. 

جاك: انتي اللي اخترتي.. 

............. 

جوري: طالعه قمرر ياسو.. 

اسيل: انا متوتره قوي.. 









جوري: لا متقلقيش.. الدنيا هتبقى تمام.. 

اسيل: مش متخيله اني بعد شويه هبقى مراته.. 

جوري: ياختي عيشيلك شويه.. بعد كدا هتقولي ياريتني مانويت وكنت قعدت ف بيت ابويا احسنلي.. 

اسيل: لا ياختي.. عدي عسل اصلا.. 

جوري: ياختي نوغه.. مين دا اللي عسل... وبعدين صحيح انتي مدلوقه كدا ليه.. كدا ممكن يتقل عليكي او يخونك انا بقولك اهو.. 

اسيل: تفتكري عدي ممكن يبص لواحده غيري!! 

جوري: بصراحه!.. لا.. 

............... 

اهلنا وصلوا واهل عدي والكل اتجمع والمأذون كمان وصل واسيل نزلت.. 

عدي كان واقف مع جاك وبص لقى اسيل.. فضل باصصلها شويه وهو مبتسم.. 

جاك: ماتتلم ياض انت دانا حتى واقف جنبك.. 

عدي: مش عارف مالك يعم.. دي شويه وهتبقى مراتي وهعمل اللي انا عايزه.. 

جاك: يعم!!.. ولاااا.. متخلنيش الغي كل حاجه دلوقتي.. 

عدي: لا والنبي.. خلاص انا اسف.. 

جاك: ايوا كدا اتعدل.. وبعدين اي هعمل كل حاجه دي.. الكلام دا هناك.. لما تروح بيتك.. 

عدي: حاضر.. بس تعرف.. يوم ماهتروح معايا البيت.. اقسم بالله لاذلكوا عشان تشوفوها زي مابتذلوني كدا.. 

...... 

جوري: الواد مز كدا ليه يابت.. 

اسيل: اتلمي ياختي.. 

جوري: لحقتي تغيري عليه! 

اسيل: امال هغير عليكي انتي!.. تخيلي بقاا ان المز القمر دا بتاعي انا.. 

جوري: يابختك والله.. ماشاء الله يعني.. 

مروان: احم احم.. 

جوري: اي دا مروان.. عامل اي.. 

مروان: قولي هعمل فيكي اي.. 

جوري: لي بس يعم دانا بحبك حتى.. 

مروان: حبك برص يابنت ال.. 

جاكي: مروااااان.. 

مروان: احم.. سوري ياجي.. بس بنتك تنقط الصراحه.. 

جاكي: والله كلكوا تنقطوا.. 

......... 








بارك الله لكما وبارك عليكما وجمع بينكما في خير... 

راح عدي بص لجاك.. 

عدي: احضن بقاا.. 

طلع يجري ع اسيل وحضنها والكل بيزغرط... 

جاك: كفايه ياحنين.. 

عدي: اديني فرصتي لو سمحت.. 

جاك: اتلم بدل مافركشلك الدنيا دلوقتي.. 

عدي: لا وع اي.. نكمل ف البيت.. 

جاك: عديييي.. 

عدي: يعم مراتي يعم.. انا حر فيها بقاا.. 

جاك: ااه.. طب يلا يعم الشيخ فركش الحوار دا.. 

عدي: ع جثتي.. 

جاك: لا بجد مش هتاخدها.. يلا فركش لو سمحت.. لو اعرف انه هيبقى براحته كدا مكنتش وافقت عليه من الاول.. 

جاكي: ماتسيبه ياجاك.. مانت عملت اكتر من كدا.. 

فيروز: ايوا ياخويا... ولا نسيت!.. 

جاك: انا غير.. 

عدي: غير ليه ان شاء الله... ماهو انت كنت عريس وانا عريس.. 

جاك: متحضنهاش قدامي ياعدي عشان مبوظش وشك.. 

عدي: مراتي.. مراااتي.. اغنيها!! 

جاك: جي قوليله انه هيزعل والله.. 

عدي: اديني حضن ياسو.. 

لسه هيحضنها راح جاك طلع يجري وراه.. 

فيروز: والله الاتنين مجانين.. 

ماما: الف مبروك ياسو.. عقبال مانشيل عيالك ان شاء الله.. 

فيروز: ياختي عليكي.. انتي عايزه تعيشي لحد ماتشيلي عيالها! 








ماما: ووه... وهو حد قالك اني كبيره!!.. دانا ف عز شبابي ياختي.. اياك زيك.. 

فيروز: فشررر... دانا اصلا عندي ٣٥ بس انا مداريه ع الكل.. 

ماما: ٣٥ عفريت ينططوكي ياوليه... دانتي ف الستين.. 

فيروز: شوف الوليه خرفت ازاي.. ستين مين يام ستين.. انتي مفكره الكل زيك ولا اي.. دانا لو عايزه اخلف هخلف دلوقتي.. 

عدي: باااااااس... انتوا الاتنين قمراات... انا اللي عندي ستين.. صلوا ع النبي بقااا.. 

جوري: مبروك ياعدي.. 

وعد: مبروك يادودو.. عقبال عيالك ياسو.. 

اسيل: اسمه عدي ياوعد.. 

وعد: ااه.. مبروك ياسي عدي.. حلو كدا! 

اسيل: قمر كدا... هاتي بوسه بقاا.. 

عدي: طب ماتديني انا بوسه.. 

اسيل: احترم نفسك.. 

عدي: هو في اي.. انتي مراتي يابنتي.. انتي صدقتي ابوكي ولا اي! 

اسيل: لا انا محترمه مليش ف الكلام دا... 

متيم: مبروك ياجماعه... طب بالمناسبه بقاا.. هكتب كتابي انا ووعد دلوقتي.. اي رأيك يابابا.. 

جاك: شوفوا انتوا.. اي رأيك ياوعد.. 

وعد: ايوا بس.. 

متيم: مبسش.. يلا يعم الشيخ.. 

كتبوا كتابهم في جو من البهجه والسعاده... شغلوا اغاني والكل بيزغرط ويرقص... 

عدي: نعمل الفرح بكرا بقاا.. 

اسيل: بس احنا قولنا مش هنعمل فرح.. 

عدي: انا عايز اعمل فرح... وبعدين انتي مش اقل من حد عشان متعمليش فرح.. 

جاك: اللي يريحكوا بردو.. 

متيم: اشطا واحنا كمان نعمل معاهم.. 

عدي: انا اصلا مظبط كل حاجه وكل حاجه جاهزه... 

جاكي: حلو دا.. يلا الف مبروك.. 

روحت حضنت اسيل وحضنته وبصيت لقيت جاك رفعلي حاجبه.. 

جاكي: قد عيالك ياجو.. 










جاك: موتك هيبقى ع ايدي ياعدي.. 

عدي: الله... وانا مالي يعم.. 


الجو كان جميل والكل مبسوط وعدي خدها وطلعوا يتمشوا ف الجنينه.. 

اسيل: انا مش مصدقه... 

عدي بصلها وابتسم ورجع بص قدامه تاني.. 

اسيل: مش مبسوط! 

عدي: اسيل.. تفتكري هتبقي مبسوطه معايا! 

اسيل: اكيد.. 

عدي: مش عايزك تاخدي اي قرار تندمي عليه بعدين.. مش عايز اكون غلطه ف حياتك.. 

اسيل: عمرك ماكنت ولا هتكون غلطه.. انت اصلا الحاجه الحلوه الوحيده اللي ف حياتي.. بعد بابا طبعا.. 

عدي: يادي بابا اللي طالعلي ف البخت.. 

اسيل: اخص عليك والله بيحبك قوي.. 

عدي: واضح.. المهم.. اي.. 

اسيل: اي.. 

عدي: اي حاجه بقاا لحد بكرا.. 

اسيل: تؤتؤ.. 

عدي: انتوا عايزين تشلوني!!... يابنتي بوسه واحده لله.. 

اسيل: اممم.. افكر.. 

عدي: هتديهالي بمزاجك ولا اخدها غصب! 

راحت باسته من خده.. 

اسيل: اي خدماااات.. 

عدي: امم.. بعيدا عن انها خطفت قلبي يعني.. بس انا عايز واحده تاني.. 

اسيل: انسى.. 

.... 








اليوم عدى والكل مشي.. 

.... 

متيم: قولتي لعدي اي بقاا واحنا هناك.. 

وعد: احم.. 

متيم: دانا هعمل من امك شاورما.. 

وعد: اسمع بس.. والله زي اخويا ع فكره.. 

متيم: ااه مانا عارف.. 

وعد: انت هتعمل اي.. 

متيم: هوريكي دلوقتي.. 

وعد: استنى طااه.. والله طلعت تلقائيا كدا من الفرحه.. 

متيم: دانتي مش بتدلعيني انا.. 

وعد: لا ازاي... هدلعك طبعا... دانت بقيت جوزي حبيبي..

............ 

تاني يوم.. 







الكل قام وجهز للفرح... 

جاك: انا مش عارف اي الطمع اللي انتي فيه دا.. مش كدا يعني.. 

جاكي: اي دا في اي.. طمع اي.. 

جاك: ايوا طماعه... وستين طماعه كمان.. 

جاكي: في اي ياجاك.. 

جاك: دلوقتي دا فرح بنتك.. بتتشيكي عشان تاخدي منها الاضواء ليه.. عايزه تبقي انتي العروسه يعني! 

جاكي: يعم خضيتني.. قول انك بتتغزل بقاا.. 

جاك: قمر اربعتاشر قدامي.. متغزلش ليه.. 

جاكي: طب يلا عشان هنتأخر ياعم.. 

جاك: ياعم!!.. والمصحف خساره فيكي.. 

جاكي: يلا يعم قلبي.. يلا ياروحي.. يلا يعمري.. يلا يحبيبي... يلا يابو عيالي.. حلو كدا.. 

............... 

روحنا مكان الفرح  وكانت المعازيم بدأت توصل وحرفيا عدي مظبط كل حاجه فعلا والمكان عظمهه.. 

.... 

شويه وعدي ومتيم وصلوا والبنات كانوا بيجهزوا مع بعض.. 

جاكي: يالهوي ع القمر... مبروك يدودو.. 








عدي: الله يبارك فيكي.. فين اسيل بس.. 

جاكي: بتجهز.. مستعجل ع اي.. 

عدي: اسكتي والله حاسس اني هعيط.. 

جاكي: ليه.. 

عدي: مش عارف... بس مش متخيل ولا مستوعب انها بقت مراتي خلاص بعد كل المرمطه دي.. 

جاكي: ع الله مترجعاش بعد شهرين وتقولي زهقت منها.. 

عدي: قولي ربنا يخليهالي وتقعد معايا العمر كله.. انتي مش متخيله لو لاقدر الله جرالها حاجه انا ممكن يجرالي اي.. 

جاكي: ان شاء الله خير.. متقلقش.. 

عدي: يارب.. 

متيم: وانا مش ابنك يعني ولا اي!.. ماتباركيلي انا كمان.. ولا هو عدي اللي ف القلب دلوقتي.. 

جاكي: ياروحي دانت قلبي من جوا.. تعالى هات بوسه وانت قمر كدا.. 

فيروز: مبروك ياولاد... عقبال عيالكوا يارب.. 

عدي: بس انا مستغرب انتي ازاي جدتهم.. دانتي يبان عليكي اختهم.. 

بص لقى جاك باصصله بقرف.. 

عدي: يعم في اي.. دانا لو خاطف بنتك مش هتعمل فيا كدا.. 

جاك: انت مش هتبطل تاكل عقولهم بكلامك دا يلاا!! 

عدي: طب ف ذمتك انا غلطان!... دي حقيقه.. 

جاك: اتلم ياعدي ولم نفسك.. مش كفايه البت!!.. عايز اي تاني. 

عدي: بصراحه انا لو شوفت فيزو القمر دي مكنتش اتجوزت بنتك.. 

فيروز: يخليك ليا... وتنصفني دايما كدا يارب.. 

عدي: ماتجيبي بوسه.. 

جاك: ياض يابن ال.. 

عدي: خلاص والله اني اسف... هقف ساكت اهو.. 

جاك: لو سمعت صوتك تاني هاخد البت واروح.. 

عدي: لا والله خلاص.. 

الضيوف كلها وصلت والجو لطيف خالص.. 

كنت مركزه مع الضيوف وبسلم عليهم.. بصيت لقيت جاك ساند ع الحيطه وبيشرب عصير وباصصلي ومبتسم.. ابتسمت وكملت مع الضيوف.. 

شويه والبنات وصلوا.. 

عدي اول ماشافها فضل باصصلها وهي ماشيه عليه وهو مبتسم وبيحاول يسيطر ع دموعه بس نزلت غصب عنه... 

حضنها وفضل يعيط وجاك عايز يجيبه ف الارض.. 

جاكي: افرد وشك شويه.. دا جوزها.. 

جاك: لو كنت اعرف اني هبقى غيران عليها كدا مكنتش جوزتها وعهد الله.. 

جاكي: المهم انها مبسوطه... وبعدين هو انا مش كفايه عليك! 

جاك: انتي!.. دانتي بالدنيا كلها... هو انتي صحيح مطلعه عين امي بس اعمل اي بقاا... قدري وبحبك.. 

جاكي: وانا بموت فيك وربي.. 








فيروز: مش وقت نحانيح ياختي انتي وهو... روحوا سلموا ع البت.. 

روحت انا وهي وسلمنا عليها وهو فضل حاضنها وباصص لعدي.. 

وبعدين ميل عليه.. 

جاك: لو فاكر انك خدتها مني تبقى غلطان... كل يوم هتلاقيني عندكوا... 

عدي: لا يعمي بالله عليك.. انا اصلا هاخدها ونمشي من البلد كلها عشان انا زهقت... 

جاكي: متقلقش مش هخليه يجيلكوا.. تعالى نسلم ع وعد.. 

خدته وروحنا سلمنا عليهم وبعدين الاغاني اشتغلت والكل بيرقص وفرحانين.. 

......... 

الجو كان تمام والكل موجود ماعدا لين اللي اختفت من يوم اللي حصل... 

جاكي: جاك.. هي لين مجتش! 

جاك: مظنش.. 

جاكي: قلبي مش مرتاح.. 

جاك: متقلقيش..


فضلنا طوا اليوم نرقص ونزغرط والكل مبسوط واليوم عدى تمام لحد مالناس مشت... 

عدي واسيل مشيوا وبعدين متيم ووعد مشوا وراهم.. 

..... 

الكل رجع البيت وفجأه فون جاك رن... جاك فتح وتنح والفون وقع من ايده.. 

.............. 

عدي: اي رأيك.. 

اسيل: الله... الشقه تحفه قوي ياعدي.. بس.. دي شكلها غاليه قوي.. 

عدي: امال انا كنت بشتغل كتير ليه.. مع ان دا مش مقامك يعني.. 

اسيل: يعم والله كفايه عليا انك معايا بس.. 

عدي: طب.. بمناسبة الكلام الحلو دا.. اي.. 

اسيل: اي.. 

عدي: لا متستهبليش.. 








اسيل: عايز قلة ادب صح! 

عدي: طبعا.. 

اسيل: انا كنت عارفه من الاول.. ااه يالمنحرف... اصلا الكل كان شايفك ع حقيقتك وانا اللي كنت بقول لا دا محترم.. 

عدي: لا وحياة امك دانا اتشقلبلك هنا... بقولك اي.. مش عايز جنان.. 

اسيل: والله ارن ع بابا دلوقتي واقوله عدي بيتحرش بيا هه.. 

عدي: يالهوي عليا وع سنيني السودا.. يابنتي امال انا متجوزك ليه! 

اسيل: ايون عشان انت قليل الادب.. وانا اللي فكرتك بتحبني.. 

عدي: ماهو انا بحبك.. 

اسيل: كداب.. واوعى كدا انا هنام.. 

عدي: اهون عليكي! 

اسيل: ايون.. 

عدي: طب ع فكره انا عاملك مفاجأه.. 

............. 

متيم: اي الجمال دا.. 

وعد: تشكر.. 

متيم: نعم! 

وعد: تشكر.. اي مبتسمعش!!... 










متيم: امم.. هنبتديها كدا!! 

وعد؛ وهو انا عملت اي يعم... دانا بقولك تشكر.. 

متيم: طيب.. اي.. 

وعد: عايز اي.. 

متيم: هكون عايز اي.. مش هتغيري الفستان! 

وعد؛ لا.. هنام بيه.. 

متيم: هو اي اللي هتنامي بيه.. انتي عبيطه.. ادخلي غيري الفستان يلا.. 

وعد: هو انت بتزعقلي ولا حاجه!! 

متيم: لا طبعا مقدرش.. 

وعد: احسب.. 

متيم: طب بوسه لله.. 

وعد: لا.. 

متيم: ماهو لومكنش بمزاجك هيبقى غصب عنك.. 

وعد: امم.. طب وليه العنف دا.. استنى هغير واطلعلك.. 

دخلت غيرت وهو استغرب من نبرة صوتها اللي اتغيرت.. 

شويه وطلعت وهو بص لقاها لابسه بجامه.. 

متيم: ااه.. شكلها ليله مش معديه.. 

وعد: ليه بس كدا ياروحي.. 

متيم: شكلك مش هتيجي بالذوق.. 







جه يقرب منها راحت مطلعه ايدها من ورا ضهرها وكانت ماسكه سكينه.. 

وعد: ارجع.. 

متيم: كدا غلط.. 

وعد: لو مرجعتش هجيب وشك نصين.. 

متيم: بطلي جنان.. ارمي السكينه دي.. 

وعد: لا طبعا... الدنيا علمتني اني اعمل احتياطاتي كويس قوي.. 

متيم: طب دانا غلبان وبحبك.. 

وعد: مانا كمان بحبك... بس قلة ادب لا.. 

متيم: نهار اسود.. انتي مجنونه!! 

وعد؛ لو عليت صوتك تاني هطلع دي من قفاك!! 

متيم: لا وعلى اي.. انا اروح عند امي احسن.. 

وعد: جدع.. وبعدين صحيح.. انت هتنام ع الكنبه بره وانا هنام جوا.. 

متيم: تحبي اسيبلك البيت كله وامشي! 

وعد: ياريت والله عشان انا مش متعوده ابات مع حد غريب ف البيت.. 

متيم: حد غريب ااه... 

راح وقع السكينه من ايدها بسرعه وحط ايده حواليها ع الحيطه.. 

متيم: مفكره اني مش هقدر عليكي يعني!! 

وعد: متيم متستهبلش.. ابعد عني.. 

متيم: ولو مبعدتش! 

وعد: يابني متوديش نفسك ف داهيه.. هجيب بطنك والله.. 

متيم: اقسم بالله انا لو متجوز واحد صاحبي ماهيتكلم بالطريقه دي.. فين الكسوف ولا فين الرقه ولا فين الانوثه.. 

وعد: كان في وخلص يابا.. وابعد بقاا كدا عشان الواحد مفرهد من الرقص.. 

............. 

اسيل: الله ياعدي.. انت بتهزر!! 

عدي: استني.. 

راح فتح الشاشه وقعدوا الاتنين ع الارض يتفرجوا.. 

اسيل: اي كل الصور دي! 









عدي: انا متابعك من زمان قوي يااسيل.. وكل مره بشوفك فيها كنت لازم اخدلك صوره.. 

اسيل: ومصورني وانا قاعده ع البحر كمان!...اي الصور دي كلها.. دا كتير قوي... وف كل مكان انا روحته تقريبا... انت كنت مراقبني بقالك كتير بقاا.. 

عدي: اكيد... كنت بفضل ماشي وراكي ف كل حته عشان احميكي لو حصل حاجه... كنت وراكي ومعاكي ع طول.. 

اسيل: هو انا قولتلك قبل كدا اني بحبك! 

............. 

متيم: طب غيري هاتي فيلم طااه.. 

وعد: لا هو الكرتون حلو.. مش عاجبك روح نام.. 

متيم: نامت عليكي حيطان البيت كلها... منه لله اللي كان السبب.. 

وعد: لو مش عاجبك طلقني.. 

متيم: مقدرش للاسف.. 

وعد: ليه يعني.. 

متيم: ماصدقت اتجوزتك.. اطلقك ازاي!!... دانتي روحي ياوعد.. 

وعد: اي دا في اي.. 

متيم: بعيدا عن اي حاجه.. بصراحه انا طاير يعني.. مش متخيله انا مبسوط ازاي.. 

وعد: بصراحه!!.. واناا كمان.. 

متيم: طب ماتيجي ف حضني بدل مانتي بعيد كدا.. 

وعد: لا انت متحرش وقليل الادب.. 

متيم: لا والله ماهعمل حاجه... هكتفي بالحضن النهارده.. 

وعد؛ متاكد! 

متيم: ايوا.. 

وعد: اوكي.. 

راحت نامت ف حضنه وقعدوا يتفرجوا ع التليفزيون.. 

............. 

جاكي: في اي.. جاك.. 

جاك: مصيبه.. 

جاكي: في اي طيب.. 

جاك: لين.. 

جاكي: مالها.. 

جاك: ماتت.. 

الكلمه نزلت عليا زي الصاعقه وحسيت اني هقع ومش قادره اقف.. 

جاكي: انت بتقول اي.. 

قعد ومسك دماغه وانا قعدت جنبه وفضلت اعيط.. 

جاكي: جاك انت بتقول اي.. 

جاك: انتحرت.. 

جاكي: يالهوي يالهوي ع سنيني السودا... انا السبب... مني لله.. انا السبب.. 

جاك: اهدي.. انتي ملكيش دعوه.. يلا بس بسرعه.. 


روحنا عندهم لقيناهم ف المستشفى وبيصوتوا... المنظر كان صعب قوي ومقدرتش اتحمل كل دا.. جاك قعدني ع جنب وانا مصدومه صدمة عمري.. 

بصيت لقيت ندى جايه عليا وعنيها حمرا دم... 

ندى: ارتاحتي!!.. 










بصيتلها وانا مش مستوعبه حاجه.. 

ندى: بنتي راحت مني بسببكوا... منكوا لله... عمري ماهسامحكوا.. 

خدوها بعيد وانا جاك خدني بره.. 

جاك: انتي كويسه!.. 

جاكي: قول ان دا حلم ياجاك بالله عليك.. مقدرش اشيل ذنبها ياجاك مقدرش.. 

جاك: اهدي بس.. انتي ملكيش دعوه.. هو متيم محبهاش.. انتي ملكيش علاقه والله... اهدي عشان خاطري.. 

جاكي: عمري ماهسامح نفسي ياجاك.. حتى صاحبة عمري خسرتها.. 


اليوم خلص واحنا بنفس الحال كدا... والفرح اتقلب حزن.. ومحدش مستوعب حاجه... 

غسلوها وصلوا عليها وطبعا عدي ومتيم عرفوا وجم ع طول.. 

راحوا دفنوها ورجعوا وانا مش عارفه اعمل اي.. والكل بيعيط.. 

جاكي: ندى.. 

ندى: غوري من وشي.. انتي السبب... مش عايزه اشوفك تاني.. خدتي بنتي مني انتي وابنك.. مش كفايه جوزي!.. 

فيروز: بس ياندى عيب كدا.. دا قدر يابنتي.. 







ندى: مليش دعوه.. انا بنتي لسه صغيره.. هاتولي بنتي.. 

ماما: استغفري ربنا يابنتي.. محدش صغير ع الموت.. ودا عمر ومكتوب.. 

ندى: حرام عليكي.. دانا ميحلتيش غيرها.. اعيش لمين انا دلوقتي.. 

جاكي: اعمل اي طيب.. اهدي بس عشان خاطري.. 


عدت الايام والكل ع نفس الحال.. 

متيم: قاعده كدا ليه.. 

وعد:... 

رفع وشها لقاها بتعيط.. 

متيم: بتعيطي ليه.. 

وعد: انا السبب.. 

متيم: لا مش انتي.. 

وعد؛ لا انا.. ياريتني ماوافقت عليك.. ياريتني ماحبيتك ولا شوفتك.. اهي ماتت بسببي.. 

متيم: اهدي ياحبيبتي.. انتي ملكيش ذنب.. هي الي غلطانه عشان عملت كدا.. مش ذنبك انها متهوره... وخلاص اللي حصل حصل... 

وعد: لا... يمكن لو انا مكنتش هنا مكنش حصل حاجه.. 

متيم: متظلميش نفسك... انتي ملكيش دعوه بحاجه.. لو ذنب حد فهو هيبقى ذنبي انا.. 

............ 

عدي: هوني ع نفسك... ربنا يرحمها.. 

اسيل: انا مصدومه... عشان كدا محضرتش فرحي.. 

عدي: اسيل.. اهدي عشان متتعبيش.. خلاص دا قدر.. 

اسيل: الموت دا حاجه صعبه قوي.. معقول ماما هتبقى ف الحاله دي لما اموت!! 

عدي: بعد الشر اي اللي بتقوليه دا... ان شاء الله ربنا مش هيبعدك عني ابدا.. انتي عايزه تقهريني يعني! 

.......... 

جاك: ياحول الله.. مش عارف اي اللي بيحصل دا...  يلا ياجي كلي.. 

جاكي: ابعد عني.. 








جاك: بقالك كتير مكلتيش.. هتتعبي كدا.. 

جاكي: اياك اموت حتى.. 

جاك: استغفر الله العظيم.. طب يلا ياحبيبي كلي.. لو تعبتي مفيش حاجه هتتغير.. يلا ياروحي.. 

جاكي: لا.. سيبني ف حالي بقاا.. 

جاك: هتفضلي كدا لحد امتى طيب.. 

جاكي: لحد ماربنا يخدني واروح اتأسفلها هناك.. 

جاك: انتي بتقولي اي.. ياحبيبي والله ماليكي ذنب ف حاجه.. دا عمرها وخلص ع كدا.. 

جاكي: لا ياجاك.. انا حاسه بندى كويس قوي... ودي بنتها الوحيدة.. 

جاك: هتسامحك مع الوقت.. والله هتسامحك... بس تروق شويه من اللي هي فيه.. 

............ 

عدا شهر من يوم وفاتها وكل واحد ف حاله والدنيا مطفيه ف عيون الكل من الصدمه.. 

اسيل: يلا ياعدي عشان تاكل.. 

عدي: ايوا دانا واقع.. اي دا! 

اسيل: اي.. 

عدي: فين الاكل.. 

اسيل: اهو.. 

عدي: اهو اي.. فين الاكل.. 

اسيل: ماهو ياعدي.. 

عدي: اندومي!!.. دا بجد! 

اسيل: ايوا يابني مالك.. 

عدي: امم.. هتغدى اندومي يااسيل!! 

اسيل: ايونن عادي.. وبعدين دا حلو والله.. 

عدي: اتصل بامك دلوقتي يعني ولا اعمل اي.. 

اسيل: طب اقعد بس كدا ودوق وقولي رأيك.. 

عدي: انا كنت بطلب اكل من بره نظرا للحاله اللي كنتي فيها واكيد مكنتيش هتقدري تعملي حاجه... بس دلوقتي اي وضعك... وبعدين هو انتي مبتعرفيش تعملي حاجه غير الاندومي!!.. امال انا متجوزك ليه!!.. 

راحت طلعت ع الكرسي.. 

اسيل: لو مش عاجبك طلقني.. هه.. 

عدي: طلقه ف نفوخك ان شاء الله... 








اسيل: مبعرفش اعمل اكل انا.. اطفح وانت ساكت.. وبعدين اصلا انت كنت تطول تاكل من ايدي!! 

عدي: امم... لا انا اوديكي عند امك احسن.. 

راح شايلها ع كتفه وطلع.. 

اسيل: ياختيييي... اعقل يابني هتوقعني.. 

................. 

بعد سنه... 


وعد: تيمو.. 

متيم: عيونه.. 

وعد: عايزه اقولك حاجه.. 

متيم: قولي.. 

راحت باسته من خده.. 

وعد: انا حامل.. 

بص قدامه بصدمه وبصلها.. 

متيم: ايه!! 

وعد: حامل.. 

متيم: احلفي بالله.. 

وعد: وحياة ربنا حامل.. 

متيم: انتي بتهزري صح! 

وعد: تؤتؤ.. حامل بجد.. 

متيم: احييييه.. ايوا بس.. 

وعد: ااه.. انا كمان استغربت.. 

متيم: مش قولتلك ربنا عمره ماهيكسر بخاطرنا... مبروك يااجمل ام ف الدنيا... 

فضل حاضنها وهي عماله تعيط... 

.............. 

عدي: سوو.. بت.. 

اسيل: جايه اهو... جيت امتى.. 

عدي: لسه واصل.. 

اسيل: جبت التحاليل!! 

عدي: جبتها.. 

اسيل: هاا.. 

عدي: مبروك ياقمر حياتي.. 

اسيل: احلف! 

عدي: والله.. 

اسيل: يعني انا دلوقتي سليمه!!.. مفيش حاجه فيا!! 

عدي: ااه.. الحمد لله.. 

اسيل: يعني شعري هيطلع! 

عدي: ايوا ياروح قلبي.. هيطلع وهتبقي قمر اكتر مانتي قمر.. 

اسيل: بابا هيفرح قوي.. انا هروحله.. 

عدي: استني.. انا كلمتهم وهما ف الطريق... بس مقولتلهمش الخبر.. هسيبك تقوليه بنفسك.. 

اسيل: انا مبسوطه قووووي... 

عدي: انا اللي ارتحت.. مش متخيله كنت كل يوم قلقان عليكي ازاي.. 

اسيل: انا بحبك قوي قوي قوي.. 










شويه ووصلنا عندهم.. 

جاك: في اي يابني.. مش ناقصين قلق هنا... 

اسيل طلعت تجري عليه وحضنته وهي بتعيط.. 

جاك: في اي.. انت زعلتها!! 

عدي: ياحول الله يارب.. انت ملكش غيري يعم! 

اسيل: بابا... انا صحيت.. ان.. انا خفيت... 

جاك: ايه.. يعني اي.. 

عدي: يعني دلوقتي مراتي حبيبة قلبي سليمه مفهاش حاجه والمرض اتكل ع الله.. 

جاك: انت متأكد!! 

عدي: اكيد.. 

جاك: حمدلله ع سلامتك ياقلب ابوكي.. 

جاكي: دي دعواتي ع فكره.. تعالي ف حضني يابت... 

جاك: الحمد لله.. 

متيم: طب يجدعان انا كمان عندي خبر حلو.. 

جاك: خير انت كمان.. 

متيم: قوليلهم.. 

وعد: انا حامل.. 

جاكي: والنبي!!.... لوللللللوووولي.. تعالي ف حضني انتي كمان.. فرحتوني يفرحكوا ربنا... 

شويه وفيروز وصلت هي ومحمد واتصدمت لما لقيت ندى معاهم.. 

سلموا علينا وندى جت وقفت قدامي.. 

ندى: وحشتيني.. 

جاكي: حقك عليا.. 

حضنتها وفضلنا نعيط احنا الاتنين.. 

ندى: انا اسفه.. حملتك ذنب مش ذنبك... بس انتي اكيد عذراني..





جاكي: ولا يهمك.. ربنا هيعوضك اكيد.. المهم متزعليش مني والنبي.. 

ندى: لا مش زعلانه.. انتي اختي.. 

جاك قرب من محمد وحضنه.. 

جاك: كنت مفكرك خرع ومتقدرش تستحمل حاجه... بس اثبتلي انك راجل يلااا.. ربنا يعوضك ياقلب اخوك.. 

محمد: مبروك يااسيل.. وعقبال البيبي ان شاء الله.. وبعدين اصلا مش لين الله يرحمها بس اللي كانت بنتي... ولادك هما ولادي كمان.. ودا نصيب وانا راضي الحمد لله.... 

جاك: طب انا عندي اقتراح حلو كدا.. 

جاكي: اي.. 

جاك: هنروح نعمل عمره كلنا كدا بالمناسبه الحلوه دي.. 

جاكي: الله... ياريت.. 

جاك: موافقين كلكوا!! 

الكل: اكيد... 

روحنا كلنا مع بعض واتصورنا صوره مع بعض هناك... 

............. 

بس كدا ياحبايب قلبي.. ورجعت انا وندى صحاب واخوات اكتر من الاول... والمايه رجعت لمجاريها... وكل حاجه مشت زي ماربنا عايز وكلنا عشنا مع بعض مبسوطين.. 

وبعد كدا اسيل خلفت من عدي واديكوا عرفتوا اللي حصل اهو.. 

ـ الله ياتيته.. دول بيحبوا بعض قوي.. 

ـ بس هي ماما مكانتش بتخلف يعني! 

جاكي: ايوا ياروحي... بس ربنا اراد انها تخلف.. 

ـ وماما كانت تعبانه قوي كدا!! 

جاكي: ايوا ياسيدي.. وكنا خلاص فاقدين الامل... بس ربنا مبينساش حد... وفرح قلوبنا كلنا... 

جاك: ماتبطلوا رغي بقااا... انا عارف انتوا مش بتصدعوا ولا اي! 

جاكي: وانت مالك انت.. ماتخليك مع ام كلثوم بتاعتك.. 

جاك: انا هاخد ام كلثوم بتاعتي وادخل جوا.. دانتي وليه تجيب الفقر والله.. 

جاكي: اخص عليك... طب والله لاخاصمك ياجاك.. 

جاك: لا لا خلاص.. متزعليش.. دانا بهزر معاكي ياوليه.. هو انا اقدر ع زعلك!!.. وبعدين مانتي رغايه فعلا... اي كل دا.. 

جاكي: طب ادخل جوا ياراجل ياشايب بدل مااقوملك.. 

جاك: انا غلطان والمصحف.. اتكلي ع الله بقاا.. عبوشكلك ياشيخه.. وجعتي دماغ امي.. 

جاكي: حاسب بس لاتتكفي ع وشك مناخيرك تتكسر ان شاء الله.. 

جاك: نسوان قادره... 


نرشح لكم قراة رواية غرام الرعد من هنا


وايضا مرارة العشق من هنا


وايضا احببت تلك المغرور


وايضا صغيرتي الحمقاء

🌹🌹🌹🌹🌹🌹🌹🌹🌹🌹🌹🌹🌹

زورنا الكرام مرحبا بكم فى كرنفال الروايات 

عندنا فقط ستجد كل ما هوه جديد حصري ورومانسى وشيق فقط ابحث من جوجل باسم    كرنفال الروايات  اترك ٥ تعليقات ليصلك الفصل الجديد فور نشره  وايضاء اشتركو على

 قناتنا كرنفال الروايات ليصلك اشعار بكل ما هوه جديد علي التليجرام من هنا


  🌹🌹🌹🌹🌹🌹🌹🌹🌹🌹🌹🌹


                           تمت بحمد الله 

تعليقات



حجم الخط
+
16
-
تباعد السطور
+
2
-