🔹️بسم الله الرحمن الرحيم🔹️
لا إله إلا أنت سبحانك إني كنت من الظالمين
رواية ☆قلوب حائره ☆
بقلمي روز آمين
🦋البارت التاسع والعاسر🦋
بعد مرور يومان !!
خرجت ثريا من المَشفي بعد إلحاح منها علي عدم الرغبه بوجودها داخل المَشفي
فهي لا تٌحبذ تلكَ الأجواء وتنزعج بشده من وجودها بها،،وأيضآ تفتقد أطفال رائف وتريد إحتضانهما ،،
وافق الأطباء علي خروجها بعد تشديد منهم بإتباع الإرشادات والمحذورات علي ياسين،،وأهمها أن لا يٌحزنها أحد أو يرهقاها بالحديث ،،
مر إسبوعً منذ خروج ثريا وتحسنت حالتها سريعآ بعد إهتمامهم جميعآ بها وإلتفافهم حولها بحب وحنان وأيضآ بعد إطمئنانها علي أطفال رائف ومليكه،،
وقد أخذ ياسين إجازه من عملهِ كما أنهٌ قد كرسَ كل وقتهِ للإهتمام بها ،،
وأيضآ ليَكُن بجانب حبيبتهٌ التي بات يعشق قربها منهْ،،وبات يعشق وجودهٌ معها بذاتْ المكان،، حتي وإن لم تعطهِ إهتمامآ كاقبل،، بل ويصل للتجاهل الشديد أحيانآ إلا أنهٌ أصبح عاشقً لكل ما فيها ،،
تطورت مراحل عشقه بوتيره سريعه ،،حتي أنهٌ باتَ يحلٌم باليوم الذي سيجمعهٌ بها،، حتي وإن لم تكٌن له زوجه بالنمط المعهود ،،ولكن يكفي أنهٌ ستجمعها به غرفه وسَريرُ مشترك،،أو هكذا هو تخيل ،،،
كان يجلس علي مقعد مجاور إلي تخت ثريا الموضوع بغرفتها وهو يحمل أنس ويجلسهٌ علي ساقيهِ،،ينظر بعشق علي الجالسةِ القٌرفصَاء بجانب ثريا وهي تحمل لها كأساً من العصير ،،
دلفت نرمين من باب الغرفه ،،فا منذ خروج والدتها من المَشفيَ وهي مٌقيمه معهم ،،وكان مٌحمد يريد المكوث معها بحجة الوقوف بجانبهم
ولكنها رفضت بشده مٌعللتاً بأن ياسين وعز لم يوافقا علي مَبيت رجل في المنزل بعد وفاة رائف، ،فذهب هو للمكوث عند والدتهٌ ويأتي لزيارتها كل فتره بحجة الإطمئنان عنها وعن إبنهِ،،
جلست نرمين فوق السَرير تحت قدميْ والدتها وتحدثت٠٠٠عامله أيه دالوقتي يا ماما ؟؟
نظرت لها ثريا بحنان وتحدثت مٌطمئنه إياها٠٠٠٠الحمدلله يا حبيبتي ،،أنا بقيت أحسن بفضل الله،،ياريت يا نرمين تروحي بقا لجوزك بدل ما هو قاعد عند مامته كده،، وكمان متبهدل رايح جاي عليكي إنتي وإبنك،،تعبتكم معايا يا بنتي !!!!
تحدث ياسين بمرح٠٠٠٠تعبك راحه يا ماما،،وبعدين أيه المشكله لما تتعبيها شويه،،ماهي طول عمرها تعباكي وتعبانا كلنا معاها !!
نظرت لهٌ بعتاب مٌصطنع وتحدثت بمشاكسه٠٠٠٠أنا يا أبيه،،أنا تعباكم معايا طول عمركم،،مٌتشكره يا سيدي،،مٌتشكره جدآ !!
ضحكوا جميعاً ما عدا تلكَ الحزينه الجالسه بإمتعاض في وجوده،،فامؤخرآ باتت تتجنب تواجدها معه بنفس المكان،، والحديث معهٌ
نظر لها ياسين موجهآ حديثهٌ لها بمشاكسه٠٠٠٠٠مليكه،،ممكن أتعبك معايا وأطلب منك فنجان قهوة؟؟
نظرت له بحنق وتحدثت بصوتٍ رخيم ٠٠٠٠حاضر ،،هاطلب من عَليه تعملهولك حالآ !!
لكن أنا عاوز أشربه من إيدك إنتي ،،،قالها بترجي !!
تحدثت ثريا وهي تري معاملتها السيئه له مؤخرآ ٠٠٠٠معلش يا مليكه،، قومي إعملي القهوه لياسين وإعمليلي فنجان معاه بعد إذنك !!
قاطعها ياسين بحزم٠٠٠٠٠وبعدين معاكي يا ماما،، مش قولنا القهوه ممنوعه بأمر من الدكتور ؟؟
تحدثت مليكه بحب وهي تنظر لها بحنان٠٠٠٠معلش يا ماما،،إتحملي كمان إسبوعين زي الدكتور ما أمر،،وبعدها صدقيني هاعملك أحلا فنجان قهوة في الدنيا كلها !!
إبتسمت لهما ثريا وتحدثت ٠٠٠٠طب يلا روحي إعملي القهوة لياسين !!!
نظرت له بضيق وتحدثت بحنق ٠٠٠٠حاضر يا ماما،،بعد إذنكم ،،
إبتسمَ ياسين وهو ينظر إلي ثريا التي بدورها إبتسمت أيضآ بوهن !!
نظرت لهما نرمين بإستغراب وتحدثت بتهكم٠٠٠٠٠هو فيه أيه بالظبط ،،ومالها الكونتيسه مليكه قالبه وشها علينا كده ليه ؟؟
وبعدين هي إزاي بتتكلم كده مع ياسين ؟؟
نظرت لها ثريا وتنهدت ٠٠٠٠هبقا أقولك بعدين يا نرمين !!
وقفَ ياسين حاملآ أنس وتحدثَ متحججاً ٠٠٠٠٠بعد إذنك يا ماما،،هاروح أشرب القهوة بره علشان أشرب معاها سيجاره،،
أشار الصغير بيدهِ علي جدتهِ وتحدث٠٠٠ أنا هاقعد مع نانااا
نظرت لهٌ ثريا ومدت يداها قائله٠٠٠٠تعالي يا قلب نانا،،وأخذته بحضنها وهي تشتم رائحتهٌ بسعاده،،
دلف إلي المطبخ بعد أن حمحم وأستأذن،،وجدَها تقف أمام النار تصنع لهٌ قهوتهِ وعَليه تجلس علي المنضدة تقوم بتقطع الخضار لتسويته وتجلس بجوارها مٌني الفتاه المٌساعده لها تقوم ببعض الأعمال ،،
وقفت عليه بإحترام وتحدثت٠٠٠٠٠إتفضل يا باشا،،حضرتك بنفسك جاي المطبخ،،ده المطبخ نور والله يا ياسين باشا !!
إبتسم لها وهو ناظر علي تلك التي مازالت توليهِ ظهرها بدون إهتمام لحمحمتهِ وتحدث٠٠٠٠٠ده نورك يا عَليه،،أخبارك أيه طمنيني عليكي؟؟
عَليه بسعاده ووجه بشوش٠٠٠٠٠الحمدلله يا ياسين باشا،،أنا بخير طول ما حسك في الدنيا !!!
تحركَ بإتجاه الواقفه غير مهتمه بتواجده ووقف خلفها وتحدث بمداعبه لها٠٠٠٠علي أقل من مهلك وإنتي بتعملي القهوة يا مليكه،،أصل أنا بحب كل حاجه تتعمل علي الهادي،،يعني لازم الحاجه تاخد حقها أوي علشان تطلع في أبهي صورها والواحد يعرف يستمتع بيها كويس ،،ولا أيه رأيك إنتي ؟؟
زفرت بضيق وتحدثت وهي مازالت تواليهِ ظهرها٠٠٠مش دايماً ياسيادة العقيد،،ساعات فيه حاجات مابيبقاش منها رجا،،والإنتظار عليها بيبقي مجرد تضييع وقت مش أكتر ،،الذكي بقا هو إللي مايضيعش وقته وينتظر حاجه مش هاتحصل ولا هتتحسن بمجرد الإنتظار !!
تحدثَ بثقه وبرود مٌمِيت٠٠٠٠بيتهيألك،،شغلي علمني إن مافيش حاجه مستحيله،،كل شيئ بيبقا في أوله صعب بس بعد كده بيلين ويهدي !!!
إلتفتت ونظرت لهٌ بغضب وأبتسمت بسماجه وهي تعطيه قدح القهوة٠٠٠٠٠إتفضل قهوتك ياااا ،،يا أبيه !!
أصرت أن تتكأ علي كلمة أبيه،،ليصل له أنها تراه أخاها وفقط،، ولا يحق لهٌ أن يحلٌم بالأكثر !!!
نظر لها بحب وعيون هائمه عاشقه وتحدث بإبتسامه ساحره٠٠٠٠٠ميرسي يا مليكه ،،تسلم إيدك !!
إرتبكت من تلك النظره الجديده عليها منه،،إهتز فنجان القهوه وهي تناولهٌ إياه،،نظر لها وإبتسمَ بتسلي ،،إرتبكت وأرادت أن تذهب لكنه كان يحتجزها بجسده العريض،،
تحدثت بغضب وتلعثم قائله٠٠٠٠مممم مٌمكن حضرتك توسع شويه علشان أعرف أعدي ؟؟
إبتسم ومرر لسانهِ علي شفاهٌ بتسلي بحركه جعلتها ترتبك أكثر وتحرك جانبآ قائلآ ٠٠٠٠٠إتفضلي !!
تحركت وأختفت بسرعة البرق من أمامه ودلفت لثريا من جديد !!
تنهد هو براحه وحب وأدار ظهرهٌ ليخرج ،،لكنهٌ تفاجأ ب عَليه والفتاه المجاوره لها ينظران لهٌ فاتحين فاههم غير مستوعبين ما يحدث ولا يفهماه حمحم قائلآ ٠٠٠٠طب يا عَليه أنا خارج،،عاوزه حاجه ؟؟
تحدثت بإبتسامه٠٠٠٠عاوزه سلامتك يا ياسين باشا !!!
بعد خروجهٌ تحدثت مٌني بفضول٠٠٠٠إنتي فهمتي حاجه من إللي حصل ده يا خالتي عَليه ؟؟
عَليه بإستغراب٠٠٠٠لا يا مني مفهمتش !!!
تحدثت مٌني بذكاء٠٠٠٠٠فيه حاجه غريبه بتحصل هنا في البيت ،،من يوم ما ست ثريا طلبت مننا نخرج كلنا في في الإستراحة بتاعت الجنينه بعد أهل الست مليكه ما وصلوا وبعدها وأنا باصه من الشباك شفت عز باشا وياسين باشا وهما داخلين مستعجلين ،،، وبعدها الست ثريا توقع من طولها ونسمع صريخهم ،،،،
أنا الفار إبتدي يلعب في عبي يا خالتي عَليه ومش هيهدالي بال غير لما أعرف أيه إللي حصل يوميها بالظبط،،،
وأكملت بذكاء٠٠٠٠٠بس إللي أقدر أقولهولك من إللي أنا شفته قدامي دالوقتي إننا هنشرب شربات قريب أوي،،
ثم أكملت بشرود٠٠٠٠بس شربات أيه إللي هنشربه ،،دي الدنيا كده ممكن تولع ،،ربنا يستر من إللي جاي !!!!
كانت عَليه تستمع لها بإهتمام شديد وبعدها نفضت أفكارها وتحدثت بجديه وحزم٠٠٠٠٠كٌلي عيش وخليكي في حالك يا مٌني،،الناس دي إحنا مش قدهم يا بنتي مايغركيش معاملتهم الحلوه لينا دول جبابره ولو وقعتي تحت إيديهم بأي غلطه مش هيرحموكي ،،
خديها نصيحه من واحده في سن أمك،،،خليكي في حالك أحسن لك يا بنت الناس وكٌلي عيش !!!!!
◇◇◇◇◇¤◇◇◇◇◇
دلف لمنزلهِ ليلآ بعد الإطمئنان علي ثريا وصعود مليكه لغرفتها ،،وجد أباهٌ يجلس بمكتبهِ ألقي عليهِ السلام وذهب له وجلس أمام مكتبهِ واضعاً قدماً فوق الأٌخري !!!!!
نظر له عز بتفاخر وتحدث٠٠٠٠وحش المخابرات إللي مشرفني ،،
جهاز المخابرات كله بقاله إسبوع مالهوش سيره غير علي ياسين المغربي إللي وقع أكبر تخطيط إرهابي كان هيدمر البلد ،،وتخطيته إللي مافيهوش غلطه ووقع بيه الخليه من غير نقطة دم واحده !!
كان يستمع إلي وصف أبيه لهٌ وتفاخرهٌ الشديد به وهو سعيد وتحدث مبتسماً٠٠٠٠٠٠كله بفضل الله وتوجيهات سعادتك عز باشا،،بنتعلم من سيادتك،،ثم أنا أجي أيه في تاريخ حضرتك المشرف في المخابرات ،،أنا نقطه في بحر سعادتك !!!!!
إبتسم له عز وتحدث بكبرياء٠٠٠٠رأيس الجهاز إنهارده قالي بكل تفاخر،،مبروك ياسيادة اللوا،،هذا الشِبلْ مِنْ ذاكَ الأسد !!
تحدث ياسين بكبرياء ٠٠٠٠وليا الشرف يا باشا !!
نظر لهٌ عز وتحدث بجديه وقلق٠٠٠بس أنا عاوزك تاخد بالك من نفسك كويس أوي بعد كده يا ياسين،،الناس إللي ورا المجموعه دي مش هتسكت وهيحاولوا ينتقموا منك علي كشف خيبتهم قدام العالم كله ،،
لازم تخلي بالك وكويس أوي،،ومتنساش إنك قدام تخطيط دولي،، يعني مش هايستسلموا بسهوله !!
أجابهٌ ياسين ٠٠٠٠خليها علي ربنا يا باشا،،وأهلآ بيهم في أي جولات جديده،،إحنا بعون الله قدها وقدود !!
ثم نظر ل أبيهٍ وتحدث بإرتباك٠٠٠٠بعد إذن حضرتك يا باشا،،أنا كٌنت بفكر أتمم جوازي من مليكه الإسبوع ده،،
وتحدث معللآ بتصنع ٠٠٠٠٠يعني عمتي ثريا بقت أحسن،،وكمان أنا كل شويه عندهم وطارق وكل رجالة العيله بيدخلوا يطمنوا عليها،،فامٌمْكِن بباها يكون متضايق من زيارتنا دي ومحروج يتكلم،،
فاأنا بقول أكتب كتابي عليها وأمنع أي كلام مٌمْكِن يتقال من أي حد !!
تنهدَ عز مهموماً وأرجع بظهرهِ للخلف قائلآ بقلق٠٠٠٠قولت لمراتك يا ياسين ؟؟
تحدث ياسين بضيق٠٠٠٠لسه يا باشا،،بس ناوي أفاتحها إنهارده في الموضوع !!!
تحدث عز بوجهٍ عابث٠٠٠٠أنا قلقان جداً من رد فعلها هي وأمك،،تفتكر أمك هاتسكت وتعدي الموضوع كده بالساهل،،دي مهما كانت ليالي بنت أخوها ،،وأكيد هتزعل علشانها وتقوم الدنيا علينا،،وعليا أنا بالذات،،إنت كده بتفتح عليا طاقه من أبواب جهنم يا ياسين !!!!!
تحدث ياسين بثقه ٠٠٠٠سيب موضوع ماما وليالي عليا يا باشا،،أنا كفيل إني أهديهم هما الإتنين وأقنعهم ،،لكن ما سمعتش رأي حضرتك في إللي أنا قولته ؟؟
تحدث عز ٠٠٠٠طبعآ ماعنديش مانع، ،أنا كل إللي شاغلني حالياً هو إنك تبلغ امك وليالي ،،غير كده كله سهل،،وبيني وبينك يا أبني أنا قلقان لحماك يعند هو كمان وليالي يوصل بيها الحال إنها تطلب الطلاق،،
وقتها با أبني ماتزعلش مني أنا مش هاشوفك بتخرب بيتك بإيدك وأقف أتفرج !!!
نظر لهٌ ياسين بعدم إستيعاب لكلماته وتحدث بنبرة صوت قلقه مضيقاً عيناه قائلآ ٠٠٠٠تقصد أيه بكلامك ده يا باشا ؟؟
نظر له عز وتحدث بجديه٠٠٠٠أقصد إن لما خراب بيتك يتحط قصاد أي حاجه تانيه،،هاضحي بأي حاجه وقتها،،بمعني لو والد مليكه أصر ياخدها هي والولاد،،وقتها هاتدخل وأخد أولادنا بأي طريقه حتي لو هنتضر نعادي بعض،، ووقتها بقا يبقي ياخد بنته ويشبع بيها ،،هو حر فيها !!
هٌنا تغير وجه ياسين وظهر غضبه عِنوَةً عنهْ،، وتحدث بحنق وغضب٠٠٠٠مافيش حاجه هاتحصل من الكلام ده كله يا باشا،،أنا قولت لحضرتك إني كفيل بإقناع ماما وليالي ،،وبعدين أنا ضميري ما يسمحليش إني أحرم مليكه من أولادها ولا أحرم الولاد منها،،أسلم حل هو جوازي منها،،ومفيش غير كده !!
نظر له عز وإبتسم داخليآ بعدما رأي عِشق ولدهٌ الظاهر بعيونه لمليكه ،،وتأكد أن ياسين يعشقها ويريدها زوجةً لهْ،، وليس حفاظآ علي نفسية ثريا والأطفال مثلما إدعي،،ولكنه أيضآ قلق من ردة فعل منال وليالي ووالدها،،
نظر له عز وتحدث بلؤم٠٠٠اللي تشوفه يا ياسين،،الكوره دالوقتي في ملعبك،، إلعب وخطط براحتك ،،أهم حاجه تجيب إجوان واللعبه تبقي حلوه وتستاهل !!
نظر له ياسين بعدم فهم لحديث أبيهِ وتحدث ٠٠٠٠٠كلام حضرتك كله ألغاز ليه كده ياباشا ،،تقصد أيه فهمني ؟؟
ضحكَ عز وغمرهٌ بغمزه من عينيه وتحدث بمرح٠٠٠إنتَ فاهمني كويس أوي يا سيادة العقيد،،فبلاش نتلائم علي بعض ،،المهم حاول تخلص من موضوع كلامك مع ليالي بأسرع وقت !!!!!
تحدثَ ياسين بجديه وحماس٠٠٠٠٠٠إنهارده كله هيبقي تمام ياباشا !!
نظر له عز بإستغراب وأبتسمَ قائلآ بلؤم٠٠٠٠٠يااااا،،للدرجادي مِستعجل ؟؟
نظر له ياسين وتحدث بإرتباك ٠٠٠٠٠أيه مستعجل دي يا باشا،،لا طبعآ،، أناااا،، بس عاوز أطمن قلب عمتي وأحسم لها موضوع قلقها علي أولاد رائف !!
ضحك عز وتحدث بمداعبه ٠٠٠٠طب ماهو ده إللي أنا كنت أقصده بكلامي يلا ،،إنتَ بقا فهمت أيه من كلامي يا ياسين باشا !!
قرر ياسين الإنسحاب من أمام والدهٌ الذي يبدوا عليه أنه كشف ما بداخلهِ وقرأهٌ بعيونه ،،فا وقف معتذرآ ومنسحبآ
قائلآ ٠٠٠٠٠طب بعد إذن حضرتك يا باشا، ،أنا هاطلع علشان أفاتح ليالي في الموضوع ،،تصبح على خير يا سيادة اللوا !!
أوقفهٌ عز بجديه وتعقل٠٠٠٠ياسين ،،إتكلم مع مراتك بحكمه وعقل وإهدي وخٌدها بالراحه،،مش عاوزين مشاكل يا حبيبي، ،يلا تصبح على خير !!!
تحدث ياسين بجديه وثقه٠٠٠٠مش عاوزك تقلق يا باشا !!
◇◇◇◇◇¤◇◇◇◇◇
في نفس التوقيت الذي دلف ياسين إلي أبيهِ المكتب قررت نرمين التوجه لغرفة شقيقتها لتستفسر منها سبب حزن مليكه ومعاملتها الجافه ل ياسين ،،
دقت باب شقيقتها فاستمعت لصوتها وهي تأذن بالدخول ،،فدلفت ،،رأتها يسرا وتجاهلتها فهي منذ ذلكَ اليوم،،توترت علاقتهما ولم تعٌد كما كانت للأن !!!
تحدثت نرمين بجديه٠٠٠٠٠يسرا لو سمحتي عاوزه أتكلم معاكي شويه!!
يسرا وهي تتجه لسريرها وتجلس عليه إستعدادآ للنوم٠٠٠٠٠إنتي شايفه إن ده وقت كلام،،أظن الوقت إتأخر و البيت كله نايم !!!
نظرت لها نرمين بترجي وتحدثت بإصرار ٠٠٠٠يا يسرا من فضلك لازم نتخطي إللي حصل ونرجع تاني زي الأول ،،في النهايه أنا وإنتي ملناش غير بعض ،،
بلاش علشاني،،ياستي علشان خاطر ماما إللي كل شويه تسألنا مالكم وفيه أيه؟؟
وليه بعدتوا عن بعض ومابقتوش زي الأول؟؟
أجابتها يٌسرا بغضب٠٠٠٠ماما معذوره ،،مسكينه ماتعرفش إللي فيها، وبيتهيألي لو عرفت ساعتها ممكن تزعل مني علي إني لسه بتعامل معاكي أصلاً بعد إللي عرفته،،إحمدي ربنا يا نرمين إني دفنت إللي عرفته ما بينا وماقولتهوش لحد !!
زفرت نرمين بقلة صبر٠٠٠٠خلاص يا يسرا مش كل شويه هتزليني وتفكريني بالموضوع ده،،
المهم، ،أنا كنت جيالك علشان أعرف أيه إللي حصل بين ياسين ومليكه مخليها تعامله بالطريقه دي ،
وعلي فكره،، أنا سألت ماما قدام ياسين وقالتلي إنها هتقولي لما نبقا لوحدنا ،،
لكن بعدها مرات عمو عبدالرحمن جت لزيارة ماما وبعدها علي طول ماما نامت ،،فاأنا بصراحه حاسه الموضوع كبير وقولت أسألك،، أكيد تعرفي !!!
تنهدت يسرا وظهر علي وجهها الحزن والهم وتحدثت٠٠٠٠ياسين عاوز يتجوز مليكه !!
تجحظت عيناي نرمين وتحدثت بصدمه٠٠٠٠إنتي بتقولي أيه يا يٌسرا،،إتجنن ده ولا أيه،،وأيه إللي خلاه يفكر فيها بالشكل ده،،لتكون شغلته ولعبت عليه هو كمان ؟؟
تحدثت يٌسرا بغضب٠٠٠أيه التخاريف اللي بتقوليها دي ،، ياريت تشيلي مليكه من دماغك يا نرمين وإلا ورحمة بابا أنا إللي هقف لك ،،
وأكملت بشرود٠٠٠٠الحكايه مش زي ماأنتي فاهمه ،،،وبدأت بقص كل ما حدث عليها !!
بعد مده تحدثت نرمين برضي ٠٠٠٠يعني مليكه مش موافقه ؟؟
أجابتها يسرا ٠٠٠٠أيوه،، وإختارت تاخد ولادها وتعيش بيهم عند بباها !!
تحدثت نرمين بإعجاب٠٠٠٠٠والله برافوا عليها ،،أول مره تتصرف كويس وبعقل ،،
أنا شايفه إن مليكه عندها حق،،ولازم تاخد أولادها وتبعد عند بباها،، وبكده هتريحنا كلنا ،،ياسين ومراته ومامته،،وأنا هارتاح وأرجع أجي تاني زي الأول
،،وإحنا كمان نعرف نطالب وناخد حقنا إللي إتنسي بموت رائف !!
كانت يسرا تنظر لها بعدم تصديق لما تراهٌ عيناها من جشع وطمع شقيقتها تحدثت بصدمه٠٠٠٠إنتي أمتي بقيتي كده،،أمتي بقيتي بالجشع والطمع ده،،خلاص مابقاش يهمك غير الفلوس وإزاي تخلصي من مليكه وولادها ،،
وأكملت٠٠٠طب وأمك إللي وقعت من طولها وكانت هتروح مننا لمجرد ما سمعت مليكه بتقول هتمشي وتاخد الولاد ،،مافكرتيش فيها ،،ماجاش علي بالك أيه اللي مٌمكن يجرالها تاني ؟؟
إزاي بقيتي بالأنانيه دي كلها ومبتفكريش غير في نفسك ومصلحتك وبس ؟؟
تحدثت نرمين بجديه وتهكم٠٠٠بقولك يا يسرا،،مش وقت مثاليات وعواطف هبله،،إنتي فاهمه يعني أيه ياسين يتجوز مليكه؟؟
يعني هاتكون تحت حمايته هي وولادها ،،
يعني حقنا هايضيع ويموت وسطيهم ،،
وياسلام بقا لو ياسين بيه حب الهانم وعرفت تلعب عليه وتاكل عقله زي رائف الله يرحمه، ،يبقا وقتها قولي علي حقنا يارحمان يا رحيم،،
لكن لو غارت في داهيه هي وأولادها،، ساعتها مع الوقت هيتنسوا،، وممكن كمان تتجوز وتاخد الولاد معاها
وساعتها أنا وإنتي وأولادنا اللي هانعيش في الخير ده كله ،،
وأكملت٠٠٠٠وماتقلقيش،، هنديهم حقهم مش هناكله عليهم ،،لكن بالعقل،،، حقهم بالعقل يايسرا مش ياخدوا الجمل بما حمل !!!
ذهبت يسرا سريعاً بإتجاه الباب وأشارت بيدها لها وتحدثت ٠٠٠٠٠إطلعي بره يا نرمين ،،ومش عاوزه أشوف وشك في أوضتي تاني !!!
نظرت لها نرمين بغضب وتحدثت٠٠٠٠براحتك يا حنينه،،لكن بكره تجيلي زاحفه علي رجليكي علشان نشوف حل بعد ما الهانم تكون كوشت علي كل حاجه،، وساعتها الندم مش هيفيدك يا يسرا ،،وهافكرك !!
وخرجت وصفقت يسرا خلفها الباب وبدأت بالبكاء علي حال شقيقتها التي تحولت لشخص عديم الرحمه والإنسانيه،، حتي أنها لم تعد تهتم لأمر والدتها المريضه أو لأبناء أخيها الأيتام ،،
◇◇◇◇◇¤◇◇◇◇◇
عوده إلي ياسين ▪︎▪︎▪︎
دلف إلي جناحهِ بعد إستعدادهِ وأتخاذه قراراً بمواجهة ليالي بالأمر،،وجدها بإنتظاره وهي في حاله مغريه لرجولتهِ،، ترتدي ثيابآ مثيره للغايه،،وتنظر لهٌ بنظرات ذات مغذي ومعني،،
نظر لها وإبتسم بإغراء ،،ذهب لها علي الفور وجذبها بعنف إرتدمت بصدره ،،فقد سهلت عليهِ مهمته ،،وقرر أن يستغل ذلكَ الوضع لصالحهْ،، فالأن سيعيش معها أوقاتآ سعيده ويذيقها من عشقه ألوانآ من العسل المٌصفي،،حتي يثملها فتكون بحاله مزاجيه أفضل ويكون الحديث أهدي وألطف،،
هكذا تخيل ياسين،،لكن مالايعرفه عن النساء،،هو أن أهون عليها الأن أن تدفنهٌ بيدها تحت الثري،،ولا يتفوه بتلك الكلمات المٌمِيته لأي أنثي !!
قضا معآ وقتآ سعيدآ ليس بالقليل،، وبعد مده خرج من المرحاض وهو يرتدي رداء الحمام ،،وجدها تجلس علي السرير وتٌمْسكْ بيدها كأسآ من المشروب تناولهٌ إياه بسحر،، جلس بجانبها وأخذهٌ منها وتجرعهٌ ،،
نظر لها بجديه وتحدث ٠٠٠٠ليالي،،كنت عاوز أتكلم معاكي في موضوع كده،، بس عاوزك تسمعيني للأخر من غير ماتقاطعيني،،وعاوزك تبقي هاديه أوي،، وتحاولي تفهميني !!
أجابتهٌ وهي تنظر بعيونهٌ بعشق وتحدثت بإثاره٠٠٠ومين غيري يفهمك يا ياسين باشا لو لوله حبيبتك ما فهمتكش ؟؟
وتحدثت بتساؤل وشغف٠٠٠٠٠لكن قولي الأول ،،هاتسفرني فين بمناسبة ترقيتك ،،
وأكملت بتفاخر وكبرياء٠٠٠٠٠ما تتصورش موضوع العمليه الأخيره ده مسمع في البلد كلها إزاي ،،صاحباتي كلهم هيتجننوا ،،وبيحسدوني علي أسد المخابرات إللي أنا متجوزاه !!!
نظر لها ببريق بعيناه وتحدث بنشوه ٠٠٠٠حبيبي ،،إسمعيني الأول وبعدها كل طلباتك مجابه،،هبقي تحت أمرك فاللي إنتي عاوزاه كله ،،سفر ،،مجوهرات،،كل حاجه هاتطلبيها تتنفذ فورآ ،،
وأكمل مٌخدراً مشاعرها٠٠٠٠٠وقبل كل ده لازم تعرفي إني بحبك أوي،، وإني ماعنديش أغلي منك علشان أسعدك بشتي الطرق !!
لمعت عيناها طامعه و تحدثت بدهاء٠٠٠٠يااااه،،ده شكله موضوع مهم أوي إللي يخليك توافق علي كل طلباتي بسهوله كده حتي من غير ماتعرفها ،،علي العموم إتفضل يا سيدي أنا سمعاك !!
جلس بجانبها وأمسك يدها وقبلها وتحدث بجديه٠٠٠٠إنتي تعرفي أيه السبب إللي خلي عمتي ثريا جتلها أزمه قلبيه ؟؟
نظرت لهٌ بإستغراب وحدثت حالها،،،،،ماذا يريد أن يتحدث،،مالي أنا بتلك الثريا أو أزمتها،،تري ماالذي يدور بعقلك الذري ياسين ؟؟
تحدثت بإستغراب٠٠٠٠لا يا ياسين ماأعرفش،،ولما سألناك وقتها أنا وعمتو أيه إللي حصل ووصلها لكده ،، قولتلنا إن مفيش سبب معين ؟؟
تنهد ياسين وأكمل ٠٠٠وقتها ما كانش ينفع أقول يا ليالي ،،
في اليوم ده أبو مليكه إتصل عليا أنا وبابا علشان يبلغنا إنه عاوزنا نروحله ضروري عند عمتي ثريا،،
ولما روحنا بلغنا إنه قرر ياخد مليكه هي والولاد يعيشوا معاه ،،هو شايف إنه مايصحش بنته تعيش في البيت من غير راجل ،،
وخصوصآ إننا كلنا بندخل عندهم علشان نتطمن علي عمتي ويسرا وأولاد رائف الله يرحمه ،،
يعني،،تقدري تقولي إنه مش مٌتقبل و رافض فكرة إن فيه رجاله غريبه بتدخل البيت في وجود بنته،، فقرر ياخدها هي وولادها،،
عمتي أول ما سمعت كده وقعت من طولها لولا ستر ربنا علينا،،كان زمانها حصلت رائف !!
تحدثت ليالي بتعالي وإستهزاء٠٠٠٠أيه الراجل ده،،هو لسه فيه ناس بتفكر بالرجعيه والتخلٌف ده ،،طب وبعدين أيه اللي حصل ،،كمل ؟؟
أكملَ ياسين بجديه٠٠٠٠٠٠للأسف تفكيرك غلط يا ليالي،،سالم عثمان مش راجعي ولا مٌتخلف زي ما وصفتيه،،
كل الحكايه إنه راجل بيفهم في الدين والأصول كويس يا حبيبتي ،،وفعلآ لو بصنالها من ناحية الشرع وكمان العرف هنعرف إنه ليه كل الحق ،،
مليكه لسه صغيره وحلوه وإحنا كلنا بندخل علشان نتطمن عليهم ،،الراجل عاوز يجتنب الشبهات وياخد بنته في حضنه وبصراحه هو معاه حق ،،،،
لكن لما نيجي نحسبها من وجهة نظرنا كاعيلة المغربي،، هنلاقي إن إحنا كمان مش هنقدر نبعد ولاد رائف عننا ،،دول رجالتنا ومانقدرش نسيبهم يتربوا بعيد عن بيت وعز أبوهم !!
ليالي تأكيداً علي حديثهْ٠٠٠٠٠عندك حق طبعاً، ،وخصوصاً إن فعلآ الولاد محبوبين جدآ من الكل،،
ده عمو عز لازم يشوفهم أول ما يصحي وقبل ماينام ،،كلنا بصراحه بنحبهم ،،ده حتي أنا اللي مابحبش الأطفال،،بحب أنس جداً ،،
ده طبعآ غير وضع طنط ثريا ويسرا هايكون أيه،،ده كده البيت هايبقي فاضي أوي عليهم !!!
تحدث ياسين ولمعه ظهرت بعيونه من حديثها المٌثمِر٠٠٠٠٠بالظبط كده الله ينور عليكي يا حبيبتي ،،
وأكمل بتخابث وهو ينظر داخل عيناها ٠٠٠دي حتي عمتي ثريا ما هديتش وحالتها إتحسنت غير لما طمناها وقولنالها علي حل للمعضله دي كلها،،منه ها يرضي سالم بيه،، ومنه أولاد رائف يفضلوا في حضنها وحضن عيلة المغربي !!!!!
تسائلت بإستغراب وحيره٠٠٠٠حل أيه ده يا ياسين إللي طنط ثريا وسالم بيه إتفقوا ووافقوا بيه ؟؟
إبتلع لعابه ونظر لها بدقه قائلآ٠٠٠٠لما هدينا وفكرنا كويس لاقينا إن مفيش غير حل واحد إللي ممكن يخرجنا من المشكله دي،، ويقفل الموضوع ده خالص وللأبد ،،
والحل هو إن واحد من رجالة المغربي يتجوز مليكه،،وبكده سالم بيه هيهدي ويشيل أيده من التحكم في مليكه وأولادها،،كمان أولاد رائف هيفضلوا هنا ،،في حضن ثريا ومليكه !!!
نظرت لهٌ بذهول ودق قلبها بوتيره سريعه وقد باتت تعرف ما هو السر وراء تلك المحاضره والحديث الطويل التي لم تدري مٌنذ البدايه المغذي من ورائه،،لكنها الان باتت علي درايه شبه كامله من هو الزوج المنتظر ،،
نظرت له بترقب وتحدثت بتلعثم٠٠٠٠وياتري بقا مين هو اللي العيله الكريمه إستقرت وأختارت إنه ينال شرف إنقاذ العيله،، وإنقاذ قلب ثريا هانم ؟؟
نظر لها بتعاطف وتحدث بحذر٠٠٠٠ليالي،،أنا قررت أتجوز مليكه !!!
🔹️بسم الله الرحمن الرحيم🔹️
لا إله إلا أنت سبحانك إني كنت من الظالمين
رواية☆ قلوب حائره☆
بقلم روز آمين
🦋 البارت العاشر🦋
نظر لها ياسين بتعاطف وترقب وتحدثَ ٠٠٠٠ليالي ،،أنا قررت أتجوز مليكه !!
نظرت لهٌ وبرقت عيناها بذهول تحول إلي غضب وأشتعال بلحظات وتحدثت بصياح٠٠٠٠قول كده بقا يا ياسين بيه،،عمال تلف وتدور عليا من الصبح وتحكيلي عن مأساة ثريا هانم وأولاد إبنها ،،وياحرام الست كانت هتموت علي بٌعدهم
وأنا زي الهبله مصدقاك وبأمن وراك علي كل كلمه تقولها،،
وأكملت بإستغراب٠٠٠٠٠وأنا أقول أيه التغيير الكبير في معاملتك الجديده دي ؟؟
وأيه الإهتمام المفاجئ إللي نزل عليك مره واحده في إنك تشاركني في مشاكل عيلتك العظيمه ،،
أو أي حاجه شاغله دماغك عموماً،،طول عمرك بتفكر وتحل مشاكل العيله الكريمه من غير ما تعبرني ،،وأي حاجه تخصكم بعرفها من أي حد غيرك !!
كانت تجوب بالغرفه حول نفسها وتتحدث بغضب ثم أحالت لهٌ بصرها وتحدثت بصياح وهي تشير بيديها بعصبيه٠٠٠٠٠لكن المرادي طبعآ الوضع مختلف،،البيه عاوز يتجوز علي ليالي ،،طب يعمل أيه علشان يقنع المغفله بعملته السودا،،
ييجي للهبله ويشرحلها ويبررلها أد أيه العيله واقعه في مشكله كبيره،،وأد أيه ثريا هانم تعبت ووقعت من طولها لما عرفت إن الولاد هيمشوا مع الكونتيسا مليكه،،ولازم ننقذ العيله يا ليالي !!
ثم نظرت له بغضب وتوجهت إليه وضربت صدره بيداها بكل ما أوتيت من قوه قائله٠٠٠٠٠طب ما كنت تخليك صريح من الأول وتيجي تقولي إن مليكه هانم حليت في عنيك بعد موت جوزها وإنك ريلت عليها وعاوز تتجوزها يا سيادة العقيد ،،يمكن ساعتها كٌنت إحترمتك !!!
أمسكْ يداها وأعتصرها بعنف داخل راحتيهِ مما جعلها تتألم ونظر لها وتحدثَ بفحيح كالأفعي ٠٠٠٠إحترمي نفسك وأنتقي ألفاظك وما تنسيش إنك بتكلمي ياسين المغربي،،
وإلا قسمآ بالله هانسي إنك مراتي وأم أولادي وبنت خالي،، وهاتعامل معاكي بشكل مش هيرضيكي أبدآ !!
ثم ألقي بأيديها بعنف جعلها تتهاوي وتفقد توازنها حتي أنها كادت أن تقع ولكنها تماسكت بصعوبه ،،
نظرت لهٌ بذهول غير مٌصدقه ما تراه أمامها ٠٠٠٠٠يا بجاحتك يا أخي،،يعني مش كفايه غلطان لا وبجح كمان ،،إنتَ إزاي عندك الجرأه إنك تهددني وإنتَ في وضعك ده ،،واحد غيرك المفروض مايبقاش عارف يبص في وشي وعينه في الأرض ،،لكن إزاي،،ما إنتَ ياسين المغربي،، يعني البجاحه والغرور كله !!!!
تحدث بكبرياء ناظراً لها بحده ٠٠٠٠عيني في الأرض ليه إن شاء الله؟؟
مسكتيني في شقه مفروشه ؟؟
ثم زفر بحده وذهب إليها أمسك يدها وتحدث بهدوء ودهاء مٌخابراتي٠٠٠٠ليالي أرجوكي،،حاولي تفهميني ،،جوازي من مليكه مش هايكون زي ما أنتي فاهمه ،،يعني مش هيبقا جواز بالمعني الحقيقي المتعارف عليه ،،
وأكمل نافياً٠٠٠٠خاالص صدقيني،،
ده مجرد جواز علي ورق،،صوري يعني ،،علشان بس نسكت بباها ويسيبها في حالها ويتطمن،، مش أكتر من كده صدقيني !!
نظرت لهٌ وسحبت يدها من بين يديهْ بعنف وتحدثت بسخريه٠٠٠٠للدرجادي شايفني مغفله علشان أصدق الكلام الأهبل إللي بتقولهولي ده ؟؟
وأنا المطلوب مني أيه دالوقتي يا ياسين بيه،، أصدقك وأوافق وأروح أخطبهالك بنفسي،،ولا أيه،،، قولي؟؟
تحدث ياسين بتعقل ودهاء٠٠٠كل إللي مطلوب منك إنك تهدي وتفهمي الموضوع صح وتفكري بذكاء،،كده كده الموضوع هيتم،،فياريت يتم برضاكي علي الأقل علشان شكلك وكبريائك قدام الكل !!
تحدثت بعنف٠٠٠٠خايف أوي سيادتك علي شكلي قدام الناس ،،طب أنا مش موافقه يا ياسين !!!
أجابها ياسين ببرود ودهاء ٠٠٠من حقك طبعآ إنك ترفضي،،زي ما من حقي إني أتمم الجوازه وأتلاشي موافقتك من عدمها !!!
صرخت به بغضب٠٠٠٠إنتَ فاكر نفسك أيه،، أفهم أيه من كلامك ده،،يعني قصدك أخبط دماغي في الحيط مش كده ،،أو إني أوافق مرغمه !!
وأكملت بوعيد وتهديد٠٠٠٠بس ده في بٌعدك يا ياسين بيه،،مش ليالي العشري إللي يتعمل فيها كده وتقف تتفرج ،،دأنا أهد المعبد علي إللي فيه !!
نظر إليها ياسين بغضب وحده وتحدث بتهديد٠٠٠٠وطي صوتك وأتكلمي علي أدك يا شاطره،،مش ياسين المغربي إللي علي أخر الزمن يتهدد من واحده ست ،،
وأعلي ما في خيلك أركبيه ووريني أخرك يا ليالي،،
وأكمل ناظراً إليها بإشمئزاز ٠٠٠٠يظهر إني غلطت أساساً لما كلمتك بالعقل وبالهدوء !!
نظرت لهٌ بصدمه ودموع ملئت عيناها وتحدثت٠٠٠للدرجادي بايعني يا ياسين،،للدرجادي مش فارق معاك حزني ووجعي وألمي ؟؟
مش فارق معاك الناس هتبصلي إزاي ؟؟
وأكملت بإنكسار٠٠٠٠وأنا اللي كٌنت فاكره نفسي غاليه عندك ؟؟
زفر بغضب ومرر أصابعهِ داخل خصلات شعره ليٌهدئ من روعه ثم نظر لها وتحدث بحنكه ودهاء٠٠٠٠٠ومين قال بس إني بايعك،،
ولو فعلآ مش فارقه معايا زي مابتقولي ياليالي طب ليه أنا واجع قلبي وواقف قدامك أشرحلك وأبررلك وأراضيكي،، ماكان ممكن أتجوزها وأجي أبلغك بعد كتب الكتاب ،،تسديد خانه مش أكتر،،
وأكمل بذكاء ومهاره٠٠٠٠لكن علشان سيادتك أغلي حد في حياتي أنا موجود دالوقتي ومستحمل جنانك وكلامك معايا بالإسلوب ده،،إللي يسمعك يفتكر إني فعلآ هتجوزها بجد !!
هٌنا قرر إستعمال ذكائه ودغدغة مشاعرها التائهه،،ذهب إليها ووقف قبالتها وأمسك ذقنها وأنهال علي شفتاها وقبلها برقه
ثم نظر بعيونها وتحدث بنعومه٠٠٠٠تفتكري واحد زيي متجوز ملكة جمال وبرنسس زيك هابص لواحده زي مليكه ولا غيرها ليه؟؟
هو أنا محتاج ستات في حياتي يا ليالي،،إنتي حبيبتي وماليه عيني وقلبي !!
لانت أعضاء جسدها بين يديهِ بعد تشنجها وتعصبها الشديد ونظرت بعيونه وتحدثت بدلال أٌنثوي٠٠٠٠٠طب لو فعلآ بتحبني أوي كده زي مابتقول،، تنسي خالص فكرة جوازك من مليكه !!
نظر لها بحب ورغبه وتحدث وهو ينظر لشفتاها٠٠٠للأسف ماينفعش ياحبيبي،،أنا بلغت سالم بيه وكل عيلة المغربي بالقرار ده،،يرضيكي حبيبك وجوزك إللي كلمته تهز جبال ومعروف بكلمته ووعده يطلع عيل ومش أد الكلمه إللي قالها ،،ها،يرضيكي ؟؟
نظرت لهٌ بعشق وكادت أن تعترض فابتلع حديثها بين شفتاه،،وبعد مده إبتعد عن شفتاها قائلآ ٠٠٠هو إنتي إزاي حلوه أوي كده ؟؟
نظرت له وأبتسمت بغرور وغاصت معهٌ بإستسلام بعالمهما الخاص من جديد
◇◇◇◇◇¤◇◇◇◇◇
كانت جالسه بشرفة غرفتها بعد منتصف الليل ،،تتحدث فيديو عبر جهاز اللاب توب الخاص بها وهي حزينه٠٠٠يعني أيه لسه مٌصر علي موقفه يا سيف،،أرجوك حاول تاني معاه ،،أنا مابقاليش حد ألجأله غيرك !!
تحدث سيف أخاها الكبير بيأس٠٠٠٠صدقيني يا مليكه أنا حاولت كتير أوي أقنعه يلغي فكرة إنه ياخدكم عنده،،لكن للأسف بابا مٌصمم علي رأيه بطريقه مريبه،،لدرجة إني أول مره أشوفه عصبي وصعب التفاهم معاه بالطريقه دي !!
تحدثت والدموع تتلالئ بعيناها وصوتها يرتجف ألمآ٠٠٠٠أنا مش فاهمه ليه بابا بيعمل معايا كده؟؟
وأيه غيره معايا بالشكل ده ؟؟
بابا عمره ما كان قاسي عليا أوي كده يا سيف !!!!!
تحدث سيف بحنين وألمآ لأجلها٠٠٠٠إهدي يا حبيبتي متعمليش في نفسك كده،،إنتي ماتتصوريش أنا أد أيه متضايق وحاسس بعجزي قدام مشكلتك دي،،كان نفسي بجد أقدر أقنع بابا وأخليه يتراجع عن قراره وأقدر أساعدك ،،لكن للأسف بابا قفل باب النقاش في الموضوع ده نهائياً !!!!
تحدثت بنبرة صوت بائسه ويائسه ٠٠٠٠طب والحل ياسيف،،أعمل أيه أنا دالوقتي،،أنا كل ده متماسكه وهاديه علي أمل إنك هاتدخل وهتحللي مشكلتي ؟؟
أجابها سيف بتعقل وحكمه٠٠٠٠٠ بصي يا مليكه،،العقل بيقول إنك تطاطي للريح علشان تعدي وتحاولي تخرجي من العاصفه دي بأقل الخسائر،،
تحدثت مليكه وهي تجفف دموعها بيدها٠٠٠٠٠تقصد أيه ياسيف بكلامك ده ؟؟
أجابها سيف بهدوء٠٠٠٠أقصد إن بابا مٌصمم علي رأيه،، وهو ياإما تتجوزي ياسين،، ياإما ترجعي تعيشي معاه إنتي وأولادك،،
كمان أنا عارف ومتأكد إن عيلة جوزك لايمكن هيسمحولك تاخدي الأولاد معاكي وهياخدوهم منك بحكم علاقاتهم وموقعهم الكبير في البلد،،يعني إنتي قدام سلاح ذو حدين يا مليكه،،
يا إما تتجوزي ياسين،،ياتتحرمي من أولادك،،
وأنا شايف إنك تقبلي بجوازك من ياسين وتخرجي من الحرب دي بأقل الخسائر !!!
تحدثت بإنفعال ودموع٠٠٠٠لكن أنا مش عاوزه أتجوز هو بالعافيه،،مش محتاجه راجل في حياتي أنا،،وأظن إن دي أبسط حقوقي ،،
إنتوا ليه كلكم شايفين الموضوع سهل،،يعني أدفن حب عمري وبعدها بسنه أتجوز غيره،، سهله جدآ كده بالنسبالكم !!
أجابها سيف بعمليه٠٠٠٠ماحدش قال إنه سهل يا مليكه،،أنا مقدر جدآ الموقف إللي إنتي إتحطيتي فيه،، وحزين جدآ علشانك صدقيني،، ومش بس أنا ،،كمان ماما وشريف موجعين جدآ علشانك،،
لكن زي ما قولتلك بابا قافل باب النقاش في الموضوع نهائيآ،،أرجوكي فكري بعقل وبلاش تسيبي عواطفك هي إللي تحركك علشان تقدري تحلي مشكلتك !!
تنهدت مليكه وتحدثت بيأس٠٠٠٠مٌتشكره جدآ يا سيف،،وأسفه إني تعبتك وشغلتك معايا ،،
أنا عارفه إنت أد أيه مشغول بشغلك وحياتك،،لكن إنت كنت أخر أمل ليا وكان لازم ألجألك ،،لكن للأسف كده خلاص الأمل إنتهي !!
تحدث سيف بنبرة صوت يائسه٠٠٠كان نفسي أساعدك يا حبيبتي ،،إبقي طمنيني عليكي يا مليكه وقوليلي علي قرارك الأخير، ،أنا أسف يا حبيبتي مٌضتر أقفل ،،علشان عندي عمليه كمان نص ساعه ولازم أجهز نفسي وأطمن إن كل حاجه تمام !!!
أجابتهٌ مليكه بتفهم٠٠٠٠ولا يهمك يا حبيبي،،ربنا يقويك ،،مع السلامه يا سيف !!
أغلقت الجهاز وأجهشت ببكاءٍ مرير ،،مما يدل علي إستسلامها لقدرها وضعفها المهين أمامهم جميعاً،،
نظرت للسماء تطلب العون من" الله "،،وتدعوهٌ أن يٌدبر أمرها لما يحبهٌ ويرضاه،،ويصلح شأنها،،
تنهدت بألم وظلت ناظره للسماء بشرود !!
خرج لشرفة جناحهِ ليشعل سيجارٌه لينفث بها عن حاله،،نظر لشرفتها التي تسطف شرفتهِ وتبعد عنها بضع مِترات،،وجدها تقف مثل حوريه من الجنه،،شارده في سحرٌ الليل،،
نظر لها ورفرف قلبهْ معلنآ عن سعادتهِ البالغه لرؤياها،،
حمحمَ بحنجرتهْ حتي تنتبه لوجوده،،
نظرت لهٌ بروحِ مٌهلكه من ألمها،،فنظر لها بإبتسامه وهز لها رأسهٌ بتحيه
نظرت لهٌ بألم وحدثت حالها بإنكسار٠٠٠لما لا تتركني بشأني ياسين؟؟
ماذا ستستفيد من إيذائكَ لرَوحِي،،لو تدري كم تؤلمني وتوجع روحي لأبتعدت عني علي الفور 💔
و دلفت للداخل وعلامات الإنكسار والحزن يظهران بملامحها،،
مما ألم قلبه عليها،،وتوجعت روحهْ لأجلها،،نفث بسيجارهٌ بعنف،،
وحدث حاله ٠٠٠٠،،لما الحزن أميرتي،،لو تعلمين كمْ الحب الذي يحملهٌ لكي قلبي لطار قلبكِ فرحآ وسعدَ،،
لا تبكي صغيرتي ،،
بمرور الوقت ستعلمين من هو ياسين،،
وستعلمين كم عشقتك وكم تمنيتٌكِ،، سأٌنسيكي همٌكِ هذا مليكه،، سأجعلكي تحومين في سماء العشق وتتراقصين علي أنغام قلبي الهائمه وهذا وعدٌ مني لكي مليكتي ♡
ثم دلف للماكثه بالداخل تنتظر أحضانه لتغفي بها ليٌلهيها عن الكارثه التي سيفعلها بها
◇◇◇◇◇¤◇◇◇◇◇
في صباح اليوم التالي !!!
ذهبت نرمين لفيلا عز المجاوره لفيلا ثريا،،دلفت من الحديقه وجدت منال زوجة عمها وجيجي زوجة طارق تجلسا سوياً تتناولا وجبة الإفطار
تحدثت نرمين وهي تقترب منهما٠٠٠٠صباح الخير !!!
نظرت لها منال وتحدثت بوجهِ بشوش ٠٠٠٠٠صباح النور يا نرمين،،تعالي إفطري معانا يا روحي !!
تحدثت جيجي بإبتسامه٠٠٠٠ده أيه المفاجأه الحلوه دي يا نرمين،،أقعدي إفطري معانا !!!
ردت نرمين بإبتسامه٠٠٠٠ميرسي،،سبقتكم وفطرت مع ماما ويسرا ،،أنا جايه أقابل ليالي عاوزه أتكلم معاها في موضوع مهم
نظرت لها منال وأبتسمت قائله٠٠٠٠ليالي لسه نايمه في جناحها،،شكلها السهره كانت صباحي مع ياسين ،،هو قام راح شغله وهي لسه نايمه لحد دالوقتي !!
تحدثت نرمين بإستغراب٠٠٠٠سهره وصباحي،،أيه ده هي ليالي ماتعرفش موضوع جوازه من مليكه ولا أيه يا طنط ؟؟
نظرت لها منال بإستغراب وتحدثت بإستخفاف وسخريه قائله ٠٠٠٠تخاريف أيه اللي بتقوليها دي يا نرمين؟؟
ياسين مين إللي يتجوز مليكه،،إنتي أكيد مش في وعيك !!!
نظرت جيجي بترقب لنرمين قائله ٠٠٠٠مين إللي بلغك بالموضوع ده يا نرمين ؟؟
حولت منال نظرها إلي جيجي وتحدثت بغضب٠٠٠٠٠إنتي تعرفي حاجه عن التخاريف ده يا جيجي ؟؟
نظرت لها جيجي بتوتر وتحدثت بتلعثم قائله ٠٠٠٠طارق كان حكالي عن الموضوع من فتره،، لكن قالي ماأقولش لأي حد ،،لما يشوفوا الموضوع هيرسي علي أيه ؟؟
هبت منال واقفه بغضب كمن لدغها عقرب وتحدثت وهي تنظر بسخطْ علي جيجي٠٠٠٠وإنتي طبعآ ما صدقتي يا جيجي هانم،،داأنتي حتي ما كلفتيش خاطرك وجيتي بلغتيني علشان أشوف حل للمصيبه دي ،،إتجننوا دول ولا أيه ؟؟
ثم صاحت بعلو صوتها وهي تصيح علي العامله بالمنزل٠٠٠٠هنيه،،،إنتي يا هنيه،،
أتت العامله تهرول عند سماعها صياح سيدتها بغضب٠٠٠٠نعم يا هانم، ،أؤمري
صاحت منال بغضب٠٠٠٠إبعتي حد من إللي جوه يندهلي ليالي حالآ، ،قوليلها تنزلي فورآ وفي أسرع وقت !!!
أمائت لها العامله بطاعه ودلفت سريعآ للداخل،،
أما منال وقفت تفرك بيداها بغضب وتتحدث٠٠٠٠يبقي صوتهم إللي كان مسمع البيت كله إمبارح كان بسبب كده،، أنا كان قلبي كان حاسس لما سمعت خناقهم ،،وكنت هادخلهم أشوف مالهم،،لولا عز بيه اللي منعني وقالي واحد ومراته بيتكلموا تتدخلي ليه،،أكيد البيه كان عارف وعلشان كده منعني إني أتدخل !!
أتت ليالي ويظهر علي وجهها علامات البكاء وعدم الإرتياح وتحدثت٠٠٠٠صباح الخير،،خير يا عمتو،،مالك متنرفزه ليه كده،، أيه اللي حصل ؟؟
وجهت منال حديثها لها بغضب ٠٠٠٠إنتي إللي هاتقوليلي أيه اللي حصل ؟؟
ياسين كان بيخانق معاكي بالليل ليه ؟؟
وأيه شكل عنيكي دي،،إنتي كنتي بتعيطي ؟؟؟
نظرت لها ثم ألقت بنظرها لجيجي ونرمين وتحدثت والدموع تملئ مقلتيها٠٠٠٠ياسين عاوز يتجوز مليكه يا عمتو !!
وقفت نرمين وتحدثت بعصبيه٠٠٠٠وإنتي بقا موافقه علي المسخره دي ؟؟
أجابتها ليالي بضعف٠٠٠٠وأنا أيه إللي في إيدي علشان أعمله يا نرمين،،علي أساس إنكم ماتعرفوش ياسين لما بياخد قرار ؟؟
جذبتها منال من يدها وأجلستها قائلتاً٠٠٠٠أقعدي هنا وإحكيلي كل الكلام إللي قالهولك ياسين بالحرف الواحد،،
جلست ليالي وقصت عليهم ما حدث من حديث ياسين الخاص بقرارهٌ هذا
وبعد مده وقفت منال وتحدثت متوعده٠٠٠طيب يا عز إنت وياسين ،،قاعدين تخططوا وتقرروا ولا كأني موجوده في البيت ،،أنا هاوريكم مين هي منال العشري ،،
وعلي جثتي لو الجوازه دي تمت !!
نظرت نرمين إلي ليالي وتحدثث بتهكم٠٠٠٠وإنتي بقي صدقتي ياسين إن الجوازه فعلآ هاتكون شكليه مش أكتر ؟؟
أخر حاجه كٌنت أتوقعها إنك تكوني بالسذاجه والضعف ده،، لدرجة إنك توافقي وبكل بساطه إن ياسين يتجوز عليكي !!
نظرت لها جيجي وتحدثت٠٠٠٠طب وليالي في إيدها أيه تعمله يانرمين،،ده ياسين ،،وأظن إنتي أكتر واحده تعرفي إبن عمك كويس !!
نظرت لها نرمين بضيق وتحدتث٠٠٠٠إنتي بتقولي أيه ياجيجي،،يعني علشان ياسين صعب شويه،،ترضي هي بالأمر الواقع بسهوله كده وتستسلم ،،ده لو وصل الأمر إنها تهدده بالطلاق تعملها،،وصدقيني لما يلاقي المواضيع إتصعبت عليه أكيد هيتراجع !!
نظرت لها منال بإعجاب وتحدثت مشيره بأصبعها ٠٠٠٠كلام نرمين صح جدآ،، وكمان الأول لازم تروحي تواجهي مليكه وتشوفي رأي الهانم أيه في الموضوع !!!
أجابتها نرمين بثقه٠٠٠٠إطمني يا طنط،، مليكه رافضه الموضوع وعاوزه تاخد أولادها وتمشي،،
ثم وجهت نظرها إلي ليالي وتحدثت بخبث٠٠٠٠ بالمناسبه يا ليالي،،ياتري ياسين قالك إن وليد عبدالرحمن هو أول واحد فكر يتجوز مليكه،، حتي من قبل بباها ما يفكر ياخدها ؟؟
نظرت لها بصدمه وتحدثت٠٠٠٠وليد عبدالرحمن المغربي،،طب وأيه إللي حصل ؟؟
أجابتها نرمين بسخريه٠٠٠٠ياسين إتخانق معاه وقاله ينسي الموضوع نهائي،،وقاله إنه طلب مليكه من بباها قبل السنويه بتاعت رائف الله يرحمه ،،يعني ياسين كان مقرر حتي قبل ما سالم بيه يتكلم في الموضوع !!
تحدثت جيجي نافيه ٠٠٠٠لا يا نرمين الكلام ده ماحصلش،، الموضوع إن طارق عرف من شريف سالم إللي بباه ناوي يعمله بعد السنويه ،،فاطارق بلغ ياسين باللي سمعه،، وياسين قعد مع عمو عز وقرروا الموضوع ده،، حتي قبل وليد ما يطلب مليكه !!
تحدثت منال بصياح وغضب٠٠٠٠٠الله الله يا جيجي هانم دي الأخبار كلها معاكي وأنا قاعده زي المغفله ،،طيب يا جيجي حسابي معاكي بعدين،،لما أفضالك !!
تحدثت جيجي بقلق٠٠٠٠وأنا ذنبي أيه يا ماما،،طارق قالي الموضوع ده لو خرج مش هتقعدي في البيت بعدها دقيقه واحده،،
كٌنتي عايزاني أدمر حياتي مع جوزي بإيدي !!!
أجابتها منال بحزم٠٠٠٠خلاص يا جيجي ،،مش عاوزه أسمع منك ولا كلمه تانيه،،وحسابنا بعدين،،لما الأول أشوف هنخرج من المصيبه دي إزاي
أمسكت منال هاتفها بغضب وهاتفت زوجها وياسين وطلبت منهما الرجوع فوراً ،،ومن جانبهِ أبلغها عز أن لا تذهب لثريا نهائياً ،،حفاظآ علي صحتها
◇◇◇◇◇¤◇◇◇◇◇
ذهبت نرمين وليالي إلي مقابلة مليكه وصعدتا إليها
وجداها تقف بشرفتها والدموع تنهمر علي وجنتيها بغزاره،،نظرا لها !!
نظرت لها ليالي وتحدثت بغضب ٠٠٠٠ ياتري بتعيطي علي إنك طول الفتره إللي فاتت دي وإنتي بتخدعيني وبتخونيني ؟؟
ولا علي إن لعبتك إتكشفت وظهرتي بوشك الحقيقي قدامنا بعيد عن وش البرائه إللي كنتي لبساهولنا طول الوقت ؟؟
وأكملت بعنف٠٠٠٠لاء،،وأنا من غبائي واقفه معاكي من كل قلبي وبواسيكي طول الوقت،،وإنتي طعناني بخنجر غدرك في ضهري يا مليكه !!
تحدثت مليكه بدموع وحنق٠٠٠أنا لا خونتك ولا غشيتك يا ليالي،،وبدل ما تيجي تتهميني بحاجه ماعملتهاش ولا عمري هاعملها،،روحي إقنعي جوزك يشوف حل للمصيبه إللي كلنا فيها بسببه وبسبب قراره الغبي ده ،،
وأكملت بضعف٠٠٠وأطمني يا ليالي هانم،،أنا رجالة الدنيا دي كلها متلزمنيش ولا تعوضني عن ضفر جوزي الصغير !!
نظرت لها نرمين وتحدثت بتخابث٠٠٠٠٠بصي يا مليكه ،،الموضوع كله أصبح في أيدك إنتي،،كل إللي مطلوب منك إنك تاخدي أولادك وترجعي لبباكي،،وبكده هتريحي الكل وتحلي المشكله من جدورها !!
أجابتها مليكه بحزن وأستغراب٠٠٠٠طب وماما ثريا يا نرمين،،مافكرتيش مٌمكن يجرالها أيه لو أنا سمعت كلامك وعملت كده ؟؟
دي جاتلها أزمه قلبيه بمجرد تفكيري بالموضوع،،تخيلي بقا لو أنا فعلآ نفذته ؟؟
حدثتها نرمين بإقناع٠٠٠٠ماما هتتأقلم مع الوضع يا مليكه،،وواحده واحده هتنسي !!
ليالي وهي تتمسك بيد مليكه برجاء٠٠٠٠أعملي كده أرجوكي يا مليكه،،أنا ممكن أموت لو ياسين إتجوز عليا،،طب مافكرتيش في شكلي قدام الناس،، أهلي،، أصحابي،، معارفي هايقولوا عليا أيه؟؟
،ولا يفكروا فيا إزاي لما جوزي يتجوز عليا،،أكيد هيقولوا مش ماليه عين جوزها ولا عجباه،،إنتي متخيله إنتي بتعملي فيا أيه ؟؟
نظرت لها مليكه بدموع وحيره !!
◇◇◇◇◇¤◇◇◇◇◇
جاء ياسين وعز إلي منزلهم وجدوا منال بحاله عصبيه وغضبٍ شديد
تحدثت منال بغضب٠٠٠٠٠أهلآ عز بيه إللي لاغي وجودي في حياته وقرراته هو وإبني الكبير المحترم وفي الآخر طلعوني مغفله قدام الكل !!
تحدث ياسين بتعقل ٠٠٠٠من فضلك يا ماما إهدي وخلينا نتكلم كاأشخاص متحضره وبصوت هادي وعاقل ،،
أول حاجه بابا ماكانش يعرف أي حاجه عن الموضوع ده،، أنا فاجأته وحطيته قدام الأمر الواقع قدام سالم بيه ورجالة العيله،، علشان كٌنت عارف ومتأكد من رفضه للفكره والموضوع كله ،،
فأرجوكي خرجي الباشا من الموضوع وبلاش تظلميه وتحاسبيه علي حاجه مالوش أي علاقه بيها !!
نظر لهٌ عز بذهول وكاد أن يذهب إليهِ ويحتضنهٌ بإمتنان علي إنقاذه من تلك المصيبه وتلك المنال الغاضبه حد الهلاك
وتحدث بحزن مٌصتنع٠٠٠٠لا إزاي يا ياسين ،،أمك كل مصيبه تحطني أنا في وش المدفع وتيجي تحاسبني حتي لو ماليش علاقه بيها !!
نظرت لهٌ منال بسخريه وتحدثت بغضب٠٠٠٠يعني إنت فعلآ ما كنتش تعرف يا عز،،طب خليني مغفله وصدقتك ،،تقدر بقا تقولي ليه ماقولتليش علي المصيبه دي وجيت حكيتلي بعد ما عرفت ،،
أجابها عز بكذب ومراوغه٠٠٠٠٠علشان ماكٌنتش عاوز أشوف نظرة حزن واحده في عيونك يا حبيبتي ،،وكمان كان عندي أمل إني أحاول أقنع ياسين يتراجع عن قراره ده قبل ما تعرفيه وتحزني علي الفاضي ،،
نظر لهٌ ياسين بصدمه من تمثيل أبيهِ المحترف ،،فهو بذاته كاد أن يصدق لما إستمعتهٌ أٌذناه للتو من أبيه !!
ولكن لما الإستغراب فهو فعلها من قبله فحقآ عز وياسين بينهما كيميا متناغمه جدآ في حل بعضهما من أي مٌصيبه تأتي أحدهم ،،، فحقاً هذا الشبلٌ من ذاكَ الأسدْ
وبعد جدال ومناقشات قررت منال الذهاب إلي ثريا والتحدث معها قائله ٠٠٠٠أنا بقا هاروح أتكلم مع ثريا هانم وأشوف فين ضميرها فاإنها تعمر بيت إبنها علي حساب خراب بيت ياسين !!
تحدث ياسين بحزم٠٠٠٠أمي من فضلك أوعي تروحي لعمتي ،،إنتي عارفه إنها تعبانه ومش هتتحمل مجادله ومناقشات !!
أصرت منال علي موقفها وكادت أن تخرج من باب منزلها إلا أن صوت عز الغاضب أوقفها مٌتسمره٠٠٠٠٠٠لو خرجتي من الباب ده يبقي ماترجعيش هنا تاني يا منال !!!!
ألتفت لهٌ ونظرت بصدمه قائله ٠٠٠٠إنتَ بتقول أيه يا عز ،،إنت بتطردني من بيتي علشان خاطر ثريا ؟؟
تحدث عز بحزم٠٠٠٠إنتي فاهمه كلامي كويس أوي يا منال،،ثريا تعبانه ولسه في حاله صحيه مذبذبه،،ومش هاسمح لأي مخلوق يضايقها أوي يتعدي حدوده معاها في الكلام ،،حتي لو كان الحد ده إنتي يا منال ،،،
وأكملَ مٌبرراً ٠٠٠٠٠ثريا بنت عمي وأمانة أخويا وإبنه من بعده،، وقبلهم أمانة عمي ليا،، وهاتفضل في حمايتي هي وبناتها ومرات إبنها وأولاده لآخر يوم في عمري !!
تحدث ياسين ملطفآ الأجواء٠٠٠٠ماما من فضلك إفهمي ،،بابا خايف علي بنت عمه علشان هي أمانة رائف لينا وكمان بناتها وأولاد رائف مالهومش غيرها،،غير كده هي مالهاش ذنب في كل إللي بيحصل ،،
القرار قراري أنا وأنا إللي أخدته بكامل إرادتي وأنا اللي هنفذه بردوا بكامل إرادتي ،،
وكلام حضرتك وعصبيتك دي مش هيغيروا قراري أو هيخلوني أتراجع ،،فاأرجوكي حاولي تفهميني وتقبلي الوضع،،
لأنه خلاص بقا أمر واقع وإستحاله التراجع فيه،،أنا مش عيل قدامك علشان ألغي كلمتي ووعدي إللي قولته قدام الرجاله،، أظن حضرتك ما تقبلهاش عليا ولا علي شكلي قدام رجالة العيله وسالم بيه ؟؟
نظرت له بإنكسار ودموع بعيناها من تأثرها بحديث عز عن ثريا،،
وصعدت لغرفتها بدون حديث !!
ودلف عز إلي مكتبهِ بغضب وصفق بابه بعنف !!!
أما ياسين فقد علمَ من جيجي التي كانت الحاضر الصامت في هذا اللقاء ما حدث من نرمين وذهابها مع ليالي لمواجهة مليكه أسرع بالذهاب للإلحاق بهما خوفآ من أن تؤثر ليالي علي مليكه وتجعلها تتراجع عن قرار الزواج به
دلف من باب المنزل سريعاً ،،وجد ليالي ونرمين ومليكه وثريا ويسرا مجتمعين في بهو المنزل
رأي مليكه تتحدث بدموع بعد إقتناعها بحديث ليالي ونرمين ٠٠٠إفهميني يا ماما،،أنا هاجيلك علي طول كل يومين هاتلاقيني جيالك أنا والولاد ونقعد معاكي طول اليوم صدقيني !!!
ثريا كانت تبكي بحرقه وتهز رأسها بنفي وتتحدث٠٠٠يعني مش هاخد أنس في حضني وأنيمه علي دراعي كل يوم !!
تنهد ياسين بغضب ومسح علي شعره وتحدث بحزم من خلفهم ٠٠٠٠٠٠ومين قال لحضرتك إن أنس ومروان هيسيبوا بيت أبوهم من الأساس ،،الولاد ولاد المغربي،، وهيتربوا في بيت المغربي ومش هيتحركوا منه خطوه واحده،،
ونظر إلي مليكه بتحدي٠٠٠٠ولو حابه تفضلي مع أولادك إنتي عارفه شرط بباكي وأهلاً وسهلاً بيكي ،،مش حابه إتفضلي روحي عيشي براحتك عند سالم بيه ،،لكن ولاد رائف تنسيهم نهائي !!
تحدثت بعنف وتهديد وقوه ٠٠٠٠بتتكلم بصفتك أيه ،،دول أولادي أنا ،،وأنا الوحيده إللي أقدر أقرر مستقبل ولادي،، ومكانهم الطبيعي هو مكان ما هكون أنا ،،
ثم أنا مش عاوزه أتجوز يا سيادة العقيد ،،أيه هو الجواز بقا بالعافيه ؟؟
نظر لها وقد نزلت كلماتها كَخِنجرٍ طعنَ رجولتهِ وخصوصاً أمام ليالي المبتسمه ومستمتعه من حديث مليكه المثلج لصدرها !!
وقف ياسين أمامها وأجابها بكبرياء وأهانه لإنوثتها٠٠٠٠اللي يسمعك كده يقول إني هاموت علي جوازي من سيادتك،،اللي بينا ده مجرد صفقه يا هانم،،مجرد حل يرضي جميع الأطراف مش أكتر،، فاياريت ماتديش للموضوع أكبر من حجمه !!!!
كانت نرمين تغلي من داخلها فقد أصبح مؤخراً كل أمانيها ان تختفي مليكه بأطفالها من ذلك المنزل لتضع يدها هي علي ثروة رائف !
تحدثت نرمين بغضب ٠٠٠٠جري أيه يا ياسين واحده ومش عاوزه تقعد ولا تتجوز بعد جوزها وأظن ده حقها ،،
وأكملت بنبرة صوت مٌلامه٠٠٠٠وبعدين إنت أزاي تفكر كده في مليكه وإنت أكتر واحد عارف قصة الحب إللي كانت بينها وبين رائف؟؟
تحدثت ليالي بإصرار وغضب٠٠٠٠لو الجوازه دي تمت يا ياسين،،تطلقني فورآ،،
أجابها ياسين بحزم٠٠٠٠الجوازه هاتم يا ليالي، ،وطلاق ما بطلقش وأعلي ما في خيلك أركبيه !!
ثم حول بصره إلي مليكه وتحدث بحزم وعنف٠٠٠٠وإنتي تقرري حالآ، ،يا إما تتفضلي تلمي هدومك وأنا بنفسي هاوصلك لبيت بباكي ،،لكن لوحدك،،،
يا إما تجهزي نفسك بعد العشا المأذون هييجي يكتب الكتاب ونقفل الموضوع ده نهائياً !!
جرت ليالي مسرعه للخارج ودموعها تنهمر علي خديها !!
تحدثت نرمين برفض وغضب ٠٠٠٠مش هايحصل يا ياسين ،،أنا مش موافقه !!!
ثم نظرت إلي ثريا وقررت أن تلعب علي دغدغة مشاعرها ٠٠٠٠٠حضرتك ساكته ليه يا ماما ،،معقوله هتوافقي إن مليكه تتجوز راجل غير رائف؟؟
ده إنتي أكتر واحده عارفه إن إبنك كان بيعشقها وأكيد حاسس دالوقتي بكل إللي بيحصل ده وبيتألم !!!
هٌنا لم تتمكن ثريا من تمالك حالها وبكت بحرقه جرت عليها يسرا وأخذتها بأحضانها
ونظرت لنرمين بغضب وتحدثت٠٠٠٠إنتي أيه يا شيخه إنتي أكيد مش بني أدمه،، إنتي شيطانه،،إرتاحتي لما شوفتي أمك مٌنهاره بالشكل ده ؟؟
تحدث ياسين بعنف مناديآ علي عَليه٠٠٠٠عَليه،،إنتي يا عَليه !!!
أتت عَليه مٌسرعه وتحدثت بإحترام٠٠٠أفندم يا ياسين باشا !!
تحدث ياسين بأمر٠٠٠٠من فضلك يا عَليه ،،ياريت تخلي مٌني توضب شنط نرمين هانم وإبنها علشان جوزها جاي في الطريق هايخدها معاه !!
ثم حول بصرهٌ إلي مليكه المٌستكينه بوقفتها ودموعها تنهمر بصمت وتحدث٠٠٠وياريت توضبي المكان وتتصلي بمحل الحلويات تطلبي منه اللازم علشان المأذون جاي بعد أذان العشا يكتب كتابي علي مليكه هانم ورجالة العيلتين كلها هتبقي موجوده،، فاعملي حسابك !!
إرتمت مليكه بإستسلام فوق المقعد وشهقت بدموع ساخنه !!
أما نرمين التي نظرت لهٌ وتحدثت بغل٠٠٠٠٠إنتَ بتطردني من بيت أبويا يا ياسين ؟؟
تحدثت ثريا بقلة حيلة ٠٠٠٠إسمعي كلام إبن عمك وروحي يا نرمين،،بيتك وجوزك وإبنك محتاجنلك يا بنتي !!
غضبت نرمين بشده من والدتها وياسين وصعدت لملمت أشيائها وذهبت مع زوجها الذي أتي بعدما هاتفهٌ ياسين ،،،
وبالفعل أتي وأخذها إلي بيتها وهي تٌغلي كالبركان،،وما أن قصت عليه ما حدث حتي حزن وغلي داخلهٌ هو الآخر وحقد علي ياسين ذلك المحظوظ بنظره !!!
أما ياسين ذهب لبيتهِ وجد ليالي تهبط الدرج وتجاورها مٌساعدتها الخاصه تحمل بيدها حقيبة ملابس ليالي
صعد ياسين الدرج ولم يعيرها أي إهتمام !!
مما أشعل غضبها ولكن أكملت بطريقها لإكمال خطتها التي إتفقت عليها مع منال ،،وهي أن تذهب لبيت أبيها وتطلب الطلاق كاتهديد لياسين تخيلآ منهما أن ياسين بتلك الحاله سيخضع لتهديد ليالي،،ويلغي قرار الزواج بمليكه !!!!
دلف ياسين لغرفة والدهِ الذي بدورهِ عبر لهٌ عن إستيائه وقلقه مما حدث،،وطمئنهٌ ياسين بأن لا شيئ سيئ سيحدث ،،وأن كل ذلك تخطيط بين ليالي ومنال وأن أفضل شيئ لهما هو التجاهل ،،وبعدها ستهدئ ليالي وتعود مثلما ذهبت !!
◇◇◇◇◇¤◇◇◇◇◇
جاء المساء
وحضر المأذون وجميع رجال عائلة المغربي بعدما أخبرهم ياسين بموعد عقد القران وحضر سالم عثمان وشريف،،وبعض أقربائهم
في أجواء تتسم بالحزن أكثر منها أجواء سعاده ،،حيث مكثت ثريا ويسرا داخل غرفة ثريا ولم يخرجا وظلا تبكيان بحرقه علي فقيدهم الغالي !!
بدأ المأذون بمراسم عقد القران بسكون تام،،ثم نظر إلي مليكه قائلآ ٠٠٠مليكه سالم عثمان،،هل تقبلين ب ياسين عز محمد المغربي زوجآ لكي ؟؟
نظرت لهٌ بشرود وقد مر عليها بتلك اللحظه شريط ذكرياتها مع رائف ،،
أعاد عليها المأذون السؤال مرةً أٌخري
نبهها أباها لتوعي علي حالها ،،
نظرت بإنكسار ومذله وتحدثت بمراره٠٠٠موافقه !!!
ثم وقعت علي العقد
وتنفس هو براحه ظهرت علي ملامحه فأخيراً أصبحت ملكاً ليمينه ♡
وبعد مده هنأهم جميع المتواجدون ثم ذهبوا جميعاً عدا والدها وشريف وعز وطارق
ذهب إليها ياسين وأمسك يدها بإقتضاب منها وقبلها دون رغبتها،،
ثم قرب فمهِ من أٌذنها وتحدث وهو يضم أسنانه بغيظ ٠٠٠٠أسود؟؟
لابسالي فستان إسود يوم فرحنا ،،،،
وأكملَ ساخراً٠٠٠٠٠٠طب كٌنتي إحتفظتي بيه جديد علشان تلبسيه في العزا بتاعي بعد ما تجيبي أجلي بتصرفاتك دي إن شاء الله !!
نظرت لهٌ بإقتضاب وتحدثت ساخرتاً٠٠٠٠فرحنا،،أوعي تكون مصدق نفسك يا سياده العقيد ؟؟
دي مجرد مسرحيه هزليه،،وأنا وإنتَ مجرد ممثلين مٌش أكتر،،حتي كل الناس إللي موجودين دول،،مجرد كومبارس ،،كل واحد عارف دوره كويس وبيأديه في المسرحيه بمنتهي البراعه والإتقان !!
ضحك ساخراً علي حديثها وكاد أن يتحدث،، وجد سالم يقترب !!
إقترب منها أباها بحب وقبل جبهتها تحت غضب منها وأبتعاد ونفور وتحدث سالم بحزن من شعور نفورها منه الذي وصله٠٠٠٠مبروك يا بنتي ،،عارف إنك متضايقه مني وشيفاني أب جاحد مش حاسس ببنتي وبألمها،،
لكن صدقيني،،مع الوقت هتعرفي إني أخدتلك القرار الصح في حياتك ،،وإحتمال كمان تٌشكريني عليه !!
نظرت إلي أبيها وتحدثت بحزن٠٠٠٠كل إللي ممكن أقوله لحضرتك حاليآ،،هو أن ربنا يسامحك علي إللي عملته فيا وعلي ألمي وقهرتي اللي خليتني أعيشهم إنهارده بسببك !!
نظر لها شريف مستعطفاً إياها سحبت عنه نظرها بغضب
إقترب منها عز وتحدث ٠٠٠٠مبروك يا مليكه ،،يلا يا ياسين خد مراتك وأطلعوا إستريحوا فوق !!!
إنتفضت ونظرت له بإستهجان وتحدثت بحده وعنف ٠٠٠٠يطلع فين حضرتك،،أوضة رائف الله يرحمه مافيش راجل هيدخلها برجله بعد منه،،
وبعدين حضرتك بتتكلم علي أساس إن الجوازه دي بجد،،أظن إني بلغتكم كلكم بقراري إن الجوازه هتكون صوري مش أكتر ،،فياريت تتصرف علي ده الأساس !!!!
أولتهم ظهرها وبدأت بصعود الدرج ،،إلا أن أتاها صوته القوي ينادي عليها بكل شموخ ٠٠٠٠٠مليكه !!
ماذا سيفعل ياسين معها ؟