روايه ولي العهد
الفصل التاسع والعاشر
بقلم الاء فرج
دخل حسن القصر وهو ماسك دماغه واول لما شاف وعد جري عليها عشان يضربها
وعد ببكاء : ما حدش يمد إيده علياااااا
جريت وعد واستخبت وراء أبوها
عبد الرحمن بهدوء : وعد اللي عملتيه دي أكبر غلط هربتي من غير سبب وفضحتينا كلنا وحصلت مشاكل كتير بسبب تصرف غبي طلع منك
وعد ببكاء : بابا اسمعني انا
الاب بغضب : ما فيش ولا كلمه المأذون هيجي دلوقتي وهنكتب الكتاب وتتجوزي انتِ وخالد
كلهم بصوا بصدمه وبصيت وعد على خالد وهو ابتسم بشر
وعد : وأنا مش هتجوز خالد واللي يحصل يحصل
خالد بزعيق : شايف يا عمي عشان لما اضربها ما حدش يتكلم
الاب بغضب : تضربها؟...انتَ اتجننت هي حيوانه عشان تضربها يا قليل الادب انتَ
وعد بتمثيل : يا باااابا ده ضربني قبل كده جامد لدرجه ان أغم عليا وكنت هموت عشان كده هربت أنا مش عايزه اتجوزه يا بابا ده هيفضل يضربني ترضى بنت حبيبتك الدلوعه الحيوان ده يضربها ترضى؟
خالد بغضب : حيوانه مين يا بتتتتت انتِ تطولي تتجوزيني يا معفنه يا ام بشره مقشفه يا بت أنا لو جبت مياه ودلقتها على وشك ومسحت المكياج هشوف واحد صاحبي
حطت وعد ايدها على وشها بصدمه : مقشفه وواحد صاحبك؟.... والله ما هسيبك
نطت وعد على كفته وفضلت تعض في ايده وهو عمال يصرخ
&&&&&&بقلمي ألاء فرج
في الاوضه اللي فيها ادهم وندى
ندى ببكاء : اتغيرت معايا الفتره الاخيره وما بقتش تكلمني زي الاول وحبك ليا قل
مسحت ندى دموعها وقالت : دعاء دايماً تقولي انك مش بتحبني وإنك عايز تنتقم من حسن فيا
بس عارف انا مش بصدقها عشان بحبك يا أدهم، ما اعرفش الزاي حبيتك بس كل اللي اعرفه انك لما بتبقى جمبي ومعايا قلبي بينبض بطريقه غريبه وبحس شعور اول مره أحسه ببقا طايره من الفرحه لما تجيب ليا حاجة حلوه وبستني كل عيد ميلاد ليا عشان تجيب عروسه لعبه ليا واحتفظ بيها واقعد كل يوم اكلمها عنك، يمكن أنا صغيره على الكلام ده بس مش عارفه قلبي هو اللي حبك يا أدهم، اتمنى انك تكون بتحبني زي ما انا بحبك، أنا عارفه انك نايم ومش سامعني بس أنا كنت عايزه اتكلم وخلاص
ربنا يقومك بالسلامه
مسحت ندى دموعها وباست راسه وخرجت من الاوضه
فتح أدهم عينه بتعب
كان عامل نفسه نايم وسمع كل حاجة ندى قالتها
نزلت دمعه من عينه مسحها بسرعه هو عارف ان ندى ما تستاهلش كل ده بس لازم ينتقم من حسن وخلاص
اللعنه علي قلوب أحبت أشخاص ليس لها وليس يحبونها من الأساس 🖤
في صالون القصر
شال حسن وعد حسن من على كتف خالد بعد ما ورم ونزل دم
وعد بزعيق : ابعد عنيييييييي سيبني اعلمه الأدب الحيوان ده
أنا : احسن احسن 😂
شالها حسن ووقعها على الأرض
حسن بزعيق : بسسسسس بسسسس اي حد يضايقك تروح تضربيه اتهدي بقااااااااااااا
وعد بوجع : ضهرييييي يا متخلف منك لله
مسك خالد منديل ومسح الدم اللي على كتفه آثار العضه وراح ضرب برجليه في ضهر وعد اللي قاعده على الأرض، وطلع فوق اوضته ورزع الباب
حسن : يلا عشان نروح اومال فين أدهم
نزلت ندى وهي بتقول : أدهم نايم اخد طلقه في دراعه بسبب صاحبك المتهور
حسن بزعيق : وانتِ مالك وبتعملي اي عنده فوق
ندى : أدهم نايم اصلاً وانا كنت قاعده على الكرسي قصاده عشان لو احتاج حاجة فيها أي؟
حسن : يلا نمشي من هنا الساعه بقيت ١٢
دعاء :مش هتطلع تطمن على أدهم؟
حسن ببرود : مش هشوف حد هو يستاهل اكيد عصب خالد عشان كده ضربه بالنار
راح مصطفى عشان يضرب حسن راحت دعاء مسكته
دعاء بخوف : ارجوك يا مصطفى اسكت مالكش دعوه بيه خلي الليله تعدي على خير كفايه اللي حصل النهارده
سكت مصطفى وهو بياخد نفسه بغضب
شيماء بهدوء : حسن يلا نمشي احنا ودعاء وادهم ومصطفى يجوا في العربيه اللي ورانا يلا
مسكت شيماء ايد ندى وحسن وخرجوا برا القصر وركبوا العربيه ومشيوا
طلع مصطفى فوق ودخل اوضه أدهم لقاه فاتح عينه
مصطفى : عامل اي دلوقتي
أدهم بتعب : كويس اقدر امشي عادي يعني دي مجرد رصاصه في كتفي
سند مصطفى أدهم وخرجوا من الاوضه ونزلوا على السلم
في صالون القصر
طلعت ام خالد فوق تنام وابو وعد طلع الجنينه يعمل مكالمه
واتبقي معتز ومحمود ودعاء في الصالون
محمود ( الشاب اللي شاف وعد في الشارع وجابها إلى القصر)
معتز ( اللي اتصل على محمود وقاله ان العروسه هربت هما الاربعه أصحاب جداً
(معتز، محمود، خالد، حسن)
محمود بتعب : أنا همشي بقا النهارده كان يوم زي الزفت ومتعب بطريقه يا جدع، معتز، معتز، انتَ يا ابني
بص محمود على المكان اللي بيبص عليه معتز لقاها دعاء
محمود بغمزه : يا عم ركز معايا وسيبك منها دي اصلاً بتحب حسن
معتز : بس هو مش بيحبها وانا اللي بحبها واستحقها وهخليها تحبني كمان ونتجوز
في نفس الوقت
نزل أدهم على السلم وهو ساند على مصطفى
بص مصطفى على معتز لقاه بيبص على دعاء ودعاء مش واخده بالها اصلاً وقاعده على الكرسي وبتنام
مصطفى بضيق : دعاء دعاء يلا عشان نمشي يلا وابقى نامي هناك
قامت دعاء ومشيت معاهم وراحوا ركبوا العربيه ومشيوا
ومعتز ومحمود ركبوا عربيه هما كمان ومشيوا
في القصر
دخل ادهم ومصطفى ودعاء القصر ودعاء طلعت اوضتها وادهم ومصطفى طلعوا فوق
الساعه ٣ الفجر
خرجت ندى من اوضتها وبصيت حواليها لقيت كل اللي في القصر ناموا
طلعت على السلم ودخلت اوضه أدهم
ندى بهمس : ادهم أدهم
فتح أدهم عينه وبصلها وبعدين اتعدل في مكانه بفزع
أدهم بتوتر : انتِ اي اللي جابك هنا دلوقتي
ندى بخوف : كنت جايه اطمن عليك انتَ كويس
أدهم بهدوء : أيوه كويس يا ندى شكراً
ابتسمت ندى بخجل ورجعت شعرها وراء ودنها
ندى : عايز حاجة طيب انا هروح انام
أدهم : لا شكراً يلا انزلي قبل ما حد يشوفك هنا يلا تصبحي على خير
ندى : وانتَ من اهله
فتحت ندى باب الاوضه لقيت حسن قدامها
حسن بصدمه : ندى بتعملي اي هنا
ولي العهد الفصل 10💃
فتحت ندى باب الاوضه لقيت حسن قدامها
حسن بصدمه : ندى بتعملي اي هنا
بصيت ندى عليه بصدمه وما عرفتش تعمل اي
أدهم بهدوء : تعالي يا حسن ادخل
دخل حسن ورزع الباب جامد ومسك دراع ندى بغضب : بتعملي اي هنا انطقي
أدهم بهدوء : هشش براحه ما تزعقش، أنا كنت تعبان ودرجه حرارتي كانت عاليه اتصلت علي شيماء عشان تطلع تجيب ليا الحقنه راحت ندى اللي ردت وهي اللي طلعت بس
في نفس الوقت دخل مصطفى الاوضه وهي بيفرك في عينه عشان يفوق راح لقى حسن وندى
مصطفى : يا ساتر يارب في اي على الصبح
أدهم ببرود : تعالي شوف حسن بيشك فيا أنا وندى
بص يا حسن ندى دي عمري ما هبص ليها دي أصغر مني بكتييير، ويلا بقا انزلوا تحت ومصطفى هو اللي هيديني الحقنه
مصطفى بغباء :حقنه اي، مش انتَ كويس اصلاً و
حدفه أدهم بالمخده بغيظ
أدهم : يا مصطفى افتكر مش أنا تعبان واتصلت بشيماء وندى هي اللي طلعت بدالها وانتَ كنت رايح تجيب ليا كوبايه مياه وساندوش
مصطفى بتمثيل : اااااااااه ايوه ايوه افتكرت، ندى دي اختنا الصغيره وعمرنا
عمرنا ما هنبص عليها ولا نحبها ايوه صح يلا بقا هديك الحقنه عشان انتَ تعبان تعباااااان قوي
خرج حسن من الاوضه وهو بيبص ليهم بشك واخد ندى في ايده ونزل
مصطفى بفخر : ادائي كان رائع صح
حط أدهم ايده على وشه بنفاذ صبر من غباء اخوه
&&&&&&&بقلمي ألاء فرج
في جنينه القصر
خرج حسن من القصر وهو ماسك ايد ندى وقعدوا على الكراسي
حسن بهدوء : ندى انتِ اختي الصغيره وعارف انك في فتره مراهقه وممكن تحبي اي حد لأنك لسه صغيره ومش هتعرفي تتحكمي في مشاعرك
وأنا عارف بردوا اني مقصر معاكي انتِ وشيماء ومش بتكلم معاكوا نهائي بس أنا بحبكم أوي انتوا أغلى حاجة عندي يمكن مش بوضح ده بس بجد انتوا غالين اوي عندي من ساعه وفاه ماما وبابا وأنا ماليش غيركم انتوا وجدك لو حد فيكم حصله حاجة أنا هموت فيها يا ندى، انا مش قوي يا ندى أنا ضعيف ضعيف أوي انا بخاف من الحزن ومن الألم ومن الفراق ومن الوحده يا ندى، أنا بثق فيكي يا ندى اوعي تعملي حاجة غلط او تحبي واحد عدو اخوكي وبيكرهه اوعي يا ندى
اخد حسن ندى في حضنه وندى فضلت تعيط
اول مره تعرف ان اخوها بيحبها
حسن مش وحش ولا شرير هو بس جدي السبب في تغيره للأسوء
&&&&&&&بقلمي ألاء فرج
في صباح اليوم التالي
صحيت وعد من النوم ودخلت الحمام تاخد شاور وبعدين خرجت من الحمام لبست فستان وردي ورفعت شعرها لفوق ديل حصان وفتحت باب اوضتها ونزلت
في نفس الوقت
كانت وعد نازله علي السلم وطالعه الجنينه سمعت صوت في مكتب أبوها لسه هتدخل سمعت صوت خالد جوا بيتكلم في الموبايل
في المكتب
خالد :الو الو يا بيه لا ما لقيتش حاجة عمال ادور على الورق مش لاقيه ولا حتى عامل توكيل للبت وعد...... أنا زهقت انا بقالي سنين كتير هنا بمثل ان وعد بنت عمي وعمي وليد هناك بيمثل انه جد حسن كفايه كده انا زهقت من ام اللعبه دي
خارج المكتب عند وعد
كانت في حاله صدمه مش قادره تتنفس ومش قادره تستوعب اللي حصل
اكيد انتوا كمان مش مصدقين 😂
فضلت وعد ترجع بضهرها راحت خطبت في الترابيزه والفازه وقعت اتكسرت
عند خالد في المكتب سمع صوت كسر برا قفل المكالمه بسرعه
.....
في قصر حسن
كان حسن لابس بدله وماسك شنطه في ايده ونازل على السلم وفي نفس الوقت كانت ندى وشيماء ودعاء ومصطفى بيفطروا على السفره
حسن بهدوء : صباح الخير
شيماء : صباح الخير يا حسن لابس كده ورايح على فين
حسن : رايح اشتغل في الشركه بتاعتنا
كلهم بصوا عليه بصدمه لان حسن اصلاً عمره ما اشتغل ولا بيحب الشغل
شيماء بسعاده : ربنا معاك يا حبيبي ويوفقك يا اخويا يارب
حسن بأبتسامه : اومال فين جدي صح؟
ندى : جدو في المكتب بتاعه بيخلص شويه حاجات وهيجي يفطر معانا، تعالي افطر انتَ كمان
حسن : لا مش عايز افطر مش جعان هبقي افطر هناك
قامت دعاء بسرعه وعملت ساندوش وجريت على حسن
دعاء :حسن استنى اتفضل الساندوتش ده ما ينفعش تنزل من البيت جعان
حسن :مش عايز شكراً أنا مش جعان
مشي حسن من قدام دعاء وهي ابتسمت بأحراج
مصطفى بسخريه : سي حسن خد الساندونش ده يا سي حسن نينينينيني
سابت دعاء الساندوتش بغيظ على السفره ودخلت اوضتها
في مكتب الجد
وصل حسن للمكتب ولسه هيدخل سمع الجد بيقول
الجد بزعيق : هما ٥ مليون جنيه انا بقالي سنين بمثل اني جدو ولازم اخد حقي، ماليش دعوه هما ٥ مليون جنيه يأما هفضحك وهقول لحسن اني مش جدو وان ليه اخوات غير ندى وشيماء
خارج المكتب حسن اتصدم من اللي سمعه والغضب ملئ وشه وعلمات الشر ظهرت عليه وووووووو
تتوقعوا اي اللي هيحصل + معلومه صغيره في حادثه سير حصلت زمان غيرت حاجات كتير اوييي
وان والد حسن ووالدته ماتوا وحسن عنده سنه وشيماء عندها سنتين وندى عندها كام شهر عشان كده عاشوا مع الجد وما حدش شك انه مش جدهم لأنهم كانوا صغيرين جداً ولما كبروا لقوا الجد اللي بيربيهم، وبالنسبة لوعد احتمال انها تكون بنت عم حسن أو قريبته او اخته!
غموض كبير بيدور جوالين الروايه وكل حلقه في سر كبير بيوضح، وفي ناس بتظهر على حقيقتها!
ماذا ستكون النهايه؟
واي اللي هيحصل لما وعد عرفت ان خالد مش ابن عمها؟
واي اللي هيحصل لما حسن عرف ان وليد مش جده وان ليه اخوات غير ندى وشيماء؟
اي اللي هيحصل مع أدهم وندى ويا ترى ادهم هيحبها بجد ولا ندى هتسيبه؟
واي حكايه الفلوس اللي موجوده في اوضه أدهم؟
وعد هتكمل حياتها مع حسن ولا خالد ولا واحد تاني؟
واي رده فعل أهل القصر لما يعرفوا ان وليد مش جدهم؟
واي اللي هيعمله حسن بعد ما عرف ان وليد مش جده
ومين الراجل اللي وراء كل ده وليه عايز ينتقم من حسن وياخد فلوس والد وعد؟