CMP: AIE: رواية ولنا لقاء اخر الفصل الرابع والخامس والسادس
أخر الاخبار

رواية ولنا لقاء اخر الفصل الرابع والخامس والسادس



 

رواية ولنا لقاء اخر 

الفصل الرابع والخامس والسادس

بقلم نهال مصطفي



البارت الرابع 



وصلت بثينه ونورهان منزل يوسف المنصوري وفتحت الباب

بثينه وهي تشير ليها بكفها :تعالي يابنتي ادخلي 

نور بخوف .. وتتجول بنظرها ف المكان  :حاضر

بثينه مسكت ايدها :تعالي بقاااا نشوف فين ست منيره علشان اتكلم معاها عليكي


منيره نازله من فوق :اي ده انتي هنا يابثينه وواقفه كده ليه 

وتوجه نظرها الي نورهان

"انت معاكي ضيوف؟؟"

بثينه ارتبكت وقربت منها :ايوه ياست منيره ..  دي نورهان وواقعه في عرضك عاوزه تشتغل اي حاجه


منيره نزلت اهر خطوتين من السلم وقرب ع  نورهان

"ليه كده يابنتي باين من شكلك ولبسك انك مش محتاجه الشغل وانك من عيله كويسه" 

نورعنيها امتلات بالدموع :معلش بقااااا الظروف حكمت 

منيره مشيت قدامهم :طيب تعالو جوا نتكلم بدل الوقفه دي

دخلو  غرفه الجلوس

منيره اتكأت ع اريكتها :انتي منين يانور؟ واي اللي جابك هنا؟

نور سكتت شويه وتنهدت 

منيره :واقفه ليه اقعدي ي حبيبتي .. ارتاحي كده واحكيلي 

نور قعدت بهدوء وبتفرك ف ايديها


"انا من قنا ..  وسبت بلدنا علشان اكمل دراستي لانهم كانوا مش موافقين اني أكمل" 

منيره مقاطعه :هو انتي بتدرسي اي

كادت ان تجيبها ولكن قطعها صوت محمد

منيره بنفااذ صبر :ياربي .. ماله الواد ده بس

محمد بصوت عالي :جعاااااااااااااااااان جعاااااااان يابشرررر عاوز اكل 

وفجاة توقف عن الحديث اول مادخل الاوضه عليهم 

محمد بغزل:اي ده بالصلاة علي النبي .. هو احنا عندنا ضيوف حلووين اوي كده 

منيره بتحذير:انت ولد اتلم .. عاوز اي ؟

محمد بص لنور بغمز:عاااوز اتعرف .. ممكن😉

منيره بحده:انت يازفت .. بصلي هنا وانا بكلمك

محمد بنفاذ صبر :ياسلام عليكي ياحجه دايما فصلاني من اهم لاحظات حياتي

منيره حدقت النظر اليه :عاوز اي اخلص مش فاضيه

محمد بص لنور:كنت عاوزز اكل جعاااان .. يرضيكي كده .. بقي الواد الحيليوه دا يفضل جعان كده .. طب ينفع كده ؟؟😉

منيره:اوووووف .. دايما جعان مش بتشبع خالص....معلش يانور ممكن تروحي تعملي اي حاجه للولد ده ياكلها

نور قاكت بدون تردد :ايوه طبعا بس فين المطبخ

منيره مشيره لمحمد :وصلها يامحمد

محمد بفرحه :حييييييييييييييييييح عيوووووني .. بس كده .. داحنا نهارنا فل 😎🤗

بثينه :طيب هقوم انا نور تعبانه من السفر

منيره مشيره لها بغمز :لا خليكي عاوزاكي .. يلا يامحمد خد نور هتعملك اكل

محمد بفرحه  :م العين دي قبل دي ..  تعالي اوريكي المطبخ فين يا نور 

ونسيب محمد يوصل نور للمطبخ ونشوف منيره عاوزه بثينه في اي

منيره قربت منها :انتي تعرفيها منين دي يابثينه

بثينه بطيبة :والله ياست منيره كانت دايره ياحبة عيني ع شغل وكانت هتقع من طولها لولا اني لحقتها

منيره:طيب اي رايك فيها؟؟

بثينه:والله ياهانم انا حبيتها من اول ماشوفتها وقلبي استريحلها

منيره بشفقه :وانا كمان حاسه بيها اووووي وحاسه انها البنت دي ملهاش حظ في الدنيا وشكلها بنت ناس ومتربيه

بثينه باستفهاام :يعني حضرتك وافقتي تشغليها؟

منيره بحيره :مش عارفه اللي عاوزه ربنا هيكون

بثينه :امين يارب انا هقوم اعمل الغدا واخدها تساعدني ولو طلعت بنت وحشه هنشوف

منيره بحنيه :لا يابثينه البت شكلها مرهقه خالص سيبيها ترتاح شويه .. وتبدا شغل من اول الاسبوع

بثينه:ربنا يكرمك ويرجعلك سي مروان بالسلامه ودايما يخليكي ناصره للغلابه

منيره:تسلمي يلا روحي شوفيها ولو الاوضه بتاعتك مش هتقضيكم في اوضه فاضيه فوق جنب اوضة محمد جهزيهالها تقعد فيها 

بثينه بفرحه :حاضر ياست هانم

وتركتها بثينه وذهبت لنور ونسيبها


ونروح لمحمد طبعا ما بطلش رغي طول ما هو بيوصل نور

محمد:انتي في سنه كااااام

نور:رايحه اولي طب

محمد باستغراب :ماشاء الله طيب وجايه هنا ليه تشتغلي رغم انه شكلك مش شكل خدامه خالص

نور ممازحه :ياااسلااام اومال شكلي شكل اي بقاااا

محمد بانشكااح :اي يابنتي انتو مش عندكم مرايات في بيتكم ولا اي .. بذمتك الجمال والحلاوه دي كلها تشتغل في البيوت اومال انا ع كده اروح اشتغل في ورشه سيارات .. تعرفي لو كنت كبير شوويه مكنتش هسيبك ابدا

نورانفجرت ف الضحك :ههههههههههههههه وانت بقاا يالمض في سنه كام

محمد:انا ياستي ضحيه من ضحايا البلد دي وداخل اولي  ثانوي 

نور قطبت حاجبها :اممممممم .. اولي ثانوي؟؟  وضحاايا .. هو انت لسه شووفت حاجه

محمد:اكتر من كده .. لا طمنتيني... فوني بيرن هطلع اشوف مين ابن الغلس ده 

واشار لها ناحيه المطبخ

" اهوو المطبخ هرد وهنزل تكوني خلصتي الاكل عاوز حاجه ع ذوقك كده معتبره"

نور:هههههههههههههه عيوني

محمد:يسلموووو عيونك يلا ورينا ابداعاتك .. 

وسابها وراح يرد ع موبايله


                             ■■■ 


محمد:ايوووووووون

مريم بتافف:اوووف اخيرا حد رد عليا في البيت ده

محمد:عاوزه اي مش فاضيلك انا .. انجزي 

مريم:يااااااباااااااي عليك انت فين

محمد:في البيت يعني هكون فين

مريم:طيب مامي جنبك

محمد:لا تحت قاعده من الشغاله الجديده

مريم باستغراب:شغاله جديده!!  وده من امتي

محمد بانبهاار:اسكتي اسكتي ع اللي حصل تحت في حتة بنت تحل من علي حبل المشنقه .. تقول للقنر قووم وانا اتربع مكانك 

مريم:هيييييح اخيرا ماما وافقت وجابت لينا شغاله فلبينيه

محمد بتريقه:فليبنيه ؟؟ .. فلبينية مين ياعبيطه انتي .. دي حتة بنت ارض جو من الاخر انا شوفتها كنت هقع من طولي 

مريم بغيره :ليه ان شاء الله ما بنت زي اي بنت هتكون زايده اي يعني .. راحت ولا جات اخرها خدامه 

محمد بضيق :طيب بس بس .. تعرفي تخرسي؟؟  ماانتي لو شوفتيها مش هتقولي كده بصي هي المفروض يرفعوا الملكه إلزابيث ويحطوها مكانها

مريم باستنكااار :ياااسلام

محمد:وربنا .. صدقيني بصي يعني جمال بطول برشاقه بخفة دم بشوشه عليها ابتسامه تسيح الحديد .. ولا البص في عينها تدوب اي حد كده..


مريم بتأفف :هو انت مش ملاحظ انك اوفر اوي يعني جددددا 

محمد جز ع سنانه : بس ياابت انتي .. انتي كنتي عاوزه اي انجزي

مريم:كنت عاوزاك تقول لماما اني هتأخر شويه بس بما في شغاله جديده في بيتنا بالموصفات دي انا غيرت رايي وجايه اشوفها

محمد:ماشي يلا سيبني علشان الحق اخلص اللي في ايدي وانزل اقعد ارغي معاها

مريم بتريقه:ماشي ياحنين باااي


                                ■■■■


نرجع بقي المستشفي عند محمود

يخرج الطبيب من غرفه الفحص عابث الوجه

فريده بلهفه : طمني ي دكتور .. جوزي عامل ايه 


الدكتور: للاسف ف صدمه عصبيه .. والظاهر انها اثرت ع رجله .. دلوقتي دكتور المخ والاعصاب هيجي يفحصو ونتاكد

سلمي بعياط:يعني اي يادكتور بابا مش هيبقي كويس ومش هيقدر يمشي تاني

الدكتور باسف :هي فتره مؤقته بس ومع العلاج الطبيعي هيخف ويبقي احسن.. دا لو شكوكنا طلعت ف محلها

فريده:والفتره دي اد اي يعني

الدكتور:متستعجلوش الامور ياجماعه .. بعد اذنكم

سلمي: طب نقدر ندخل نشوفه

الدكتور:الصراحه الحاله مش مستقره اووي تقدروا تتفضلوا دلوقتي تمشوا وتيجو بالليل بعد اذنكم

فريده؛اتفضل يادكتور

ويتجه نحوها حازم

حازم بعنف:فين بتك يافريده

فريده وهي تستكمل قوتها ونهرته: انت اييه مش بتحس .. كل الل حصل واالل لسه هيحصل بسببك .. وكمان ليكككك عين تتكلم .. انت نسيت نفسك ياولد انت.. اي البجااحه دي 

حازم بشده:عقولك فين بتك ووطي حسك دا

سلمي:انت ازاي تكلم ماما كده وبعدين نور هربت ومش راجعه تاني

حازم بحده:نعم انتي مجنونه يابت انتي واحده فرحها بعد اسبوع تهرب

فريده:اايوه هربت علشان ترتاح منك ومن ابوك حرام عليك سيبها في حالها بقااا كنا عايشين مرتاحين قبل ما تدخل ف حياتنا .. منك لله ياحازم

حازم:لا بقاااا دانتي بتحلمي ولو كانت بنتك هربت زي ما بتقولي فانا هجيبها ولو كانت في خشم السبع فااهمه بس يكون في علمك لما القاها ومش هخليها عايشه دقيقه واحده

فريده:ده لو لقيتها اصلا ويلا من هنا اي اللي موقفك معانا 

حازم:ماشي بس تعرفي رايح فين رايح اقلب الدنيا عليها واطيها وهجيبها ها سلام مؤقت يافريده هانم ياحماتي

فريده:في داهيه قادر ياكريم يريحنا منك ي بعيد

يلااااا ياسلمي نروح نغير ونجيب هدمه كويسه لابوكي يلبسها

سلمي:يلا ياماما


                               ■■■  


محمد حاطط ايدو ع بطنو:هاااا يانور عملتي اكل

نور بتديلو الطبق :شوف الغدا باقي عليه ساعه ..  انا عملتلك سندوتشات خفيفه كده تصبر نفسك بيهم وبعدين علشان تأكل كويس ع الغدا

محمد بيبص للسندوتشات بحسره :وعامله فيها الشيف حسن وابداعات وحركات وتكات وفي الاخر ترسي ع سندوتشات

نور وهي تصطنع الغضب:اممممممم شكلها مش عاجباك السندوتشات هاااتها

محمد وهو يسحب منها الطبق :والله ما يحصل مالها اهي حاجه اسد بيها جوعي

نور بتسحب منه الطبق :يابني منا بقولك بلاش سندوتشات ..  ومتاكلش حاجه غصب عنك صحتك بالدنيا

محمد:مييين دووول !! زي العسل كفايه من ايدك 

نور:ايوه كده ناقص واحد زيك يتريق عليا وع اكلي

محمد بمسك السندوتش وبياكل منه :ما بلاش الثقه الزايده دي

نور:استني انت بس دانا هبهرك في الغدا مش شاامم الروائح

محمد برخامه:ههههههههه لا مش شااامم

نور بغضب :هات السندوتشات

محمد:ههههههههه وربنا تحفه يلا بقااا سيبني اكل السندوتشات دي بمزاج 

نور:طيب ياخويا وانا اروح اكمل شغل


وذهبت نور لكي تكمل عملها

بثينه بشفقه:يابنتي انتي تعبانه روحي ارتاحي واصلا ست منيره قالت تبداي من اول الاسبوع

نور  :ماتخافيش عليا ياداده انا كويسه مش تعبانه ارتاحي انتي شكلك مرهقه

بثينه:لا ياحبيبتي انا بخير

نور:طيب هاتي انا هقطع السلطه

ولمست نور ايديها وهي بتاخد الخضار

نور:اي ده ياداده انتي سخنه ناااار

بثينه:ماتقلقيش اوووي كده شويه .. برد وهيروحو لحالهم

نور:لا طبعا ازاي هيروحو لحالهم استني انا هدي محمد يجيبلك من بره دوا

بثينه:لا ياحبيبتي مافيش حاجه انا هرتاح وهبقا كويسه

نور:لا ازاي انا هدي محمد يجيبلك دوا 

وخرجت دون ان تنظر اجابتها وذهبت عند محمد

محمد مسك ف الطبق جامد:انتي رجعتي في كلامك ولا اي وجايه تاخدي السندوتشات

نور:لا ياغلس داده بثينه تعبانه جدا خد هاتلها الدوا ده

محمد:ياخبر هاتي الاسم طيب

نوربتديلو ورقه :خد اهووو

منيره:في اي ياولاد مالكم

محمد:داده بثينه تعبانه خالص

منيره:دي كانت كويسه الصبح

نور:يلا انت يامحمد روح هات الدوا اللي عطتهولك

محمد:حاضر

منيره:دوا اي احسن تضروها

نور:متخافيش ياطنط انا كتبتلها ع مجموعه نزله وخافض للحراره .. كنت دايما باخدهم لما اتعب 

منيره : لا متاخدش اي دوا لازم الدكتور يكشف عليها الاول

نور:روح انت يلا ي محمد بس .. تعالي ي طنط نشوف داده بثينه


وذهبو جميعا الي بثينه لكي يطمنو عليها

منيره:بصي يابثينه انتي نامي وارتاحي خالص وانا ونور هنقوم بشغل البيت

بثينه:لا ياهانم انا كويسه مافيش حاجه دي نور اللي مكبره الحكايه شويه

نور:لا ياداده انتي فعلا جسمك سخن ناااار ويلا بقاااا سيبي اللي في ايدك ده واقعدي وانا هكمل الاكل

منيره:اسمعي الكلام يابثينه يلا 

بثينه:امري لله

محمد:انا جبت الدوا اهوووو

نور:هااات يامحمد يلااااا ياداده علشان خاطري كلي السندوتش ده علشان تاخدي الدوا

بثينه:ملهوش لزوم يابنتي

منيره:اسمعي الكلام ويلا كلي وخدي الدوا وقومي نامي ومتقلقيش نور شكلها شاطره اوووي وهتكمل الشغل وانا هساعدها

بثينه:حاضر ياهانم

وذهبت بثينه لكي تستريح 

ونور رجعت تكمل الاكل وكادت منيره ان تساعدها

نور:اي ده حضرتك هتعملي اي

منيره:هساعدك يابنتي انتي تعبانه من السفر

نور بابتسامه:وده كلام برضو ياطنط حضرتك تتفضلي تقعدي معززه مكرمه وست الستات والاكل يجيلك لحدت عندك


منيره:بس ده تعب عليكي وانا بساعد بثينه عادي

نور:تؤتؤتؤتؤتؤتؤؤ الكلام ده كاااان زمااان اما دلوقتي انا موووجوده ومتخافيش انا نفسي حلو اوووي في الاكل

منيره:ههههه ياواثقه انتي طيب خلاص مش هعمل حاجه بس هتفرج عليكي 

نور:اذا كان كده مااااشي

منيره بتقعد ع الكرسي :وهصدعك شويه ممكن

نور:يااااسلااام وانا اطول اتفضلي طبعا

منيره: انتي بقي كام سنه ؟ وبتدرسي ولا خصلتي 

نور وهي بتغسل ف الخضار : انا خصلت 3 ث السنادي وقدمت ف كليه طب

منيره اتفاجئت : ماشاء الله .. طب اي الل يجبرك ع الشغل دا ي بنتي

نور:انا هقول لحضرتك انا اصلا حلمي من زماااان اني ابقاااااا دكتوره كبيره في علاج الاورام علشان افتح مستشفي في بلدنا وتكون بالمجان واساعد كل الناس وكافحت واجتهدت لحدت ما جبت مجموع كبير 

منيره:تمام شكلك طموحه اوي كملي

نور:كنا عيله سعيده جدا مكونه من 4 افراد بابا وماما وانا وسلمي اختي وفجاه حياتنا كلها اتغيرت من ساعة ماابن عمي طلبني للجواز وطبعا انا كنت رافضه وهو اتهامني اتهامات كتير خلي بابا وجدي يصدقو ويجبروني ع الخطوبه

منيره:طيب وانتي ليه رافضاه

نور:اولا انا رافضه مبدا الجواز كله لانه اللي عايش علشان حلم هيتحدي المستحيل علشا يوصلو المهم والدي حط تعليمي في كفه وخطوبتي منه في الكفه التانيه

منيره:ياخبر وهو في كده

نور:ماما حاولت تمنع الجوازه دي بس ماقدرتش المهم اتخطبت لحازم واكتشفت انه بيتاجر في الممنوعات بالصدفه .. واخلاقه هباب

منيره:ياااحفيظ يااااارب احفظنا وبعدين

نور:بلغت ابن عمي لكن للاسف ماعرفش يمسك عليه حاجه وطلع منها زي الشعره من العجين والخطوبه بتاعتنا استمرت سنتين ولما نزلت زياره لاهلي عمي قال لازم نجوزهم وكفايه لحدت كده تعليم

منيره:لا اله الا الله علشان كده هربتي

نور:ايوه ماما ساعدتني وعطتني فلوووس كتير ودهب وقالتلي ااجر شقه اعيش فيها واشتغل لكن للاسف كلهم اتسرقوا مني

منيره بشفقه :ياضنايا يابنتي علشان كده كنتي بتلفي ع البيوت تدوري ع شغل

نور:بالظبط كده والحمد لله ربنا بيحبني وكرمني بناس طيبه زيكم

منيره:والله انتي اللي طيبه اوووي وانسانه مافيش منك ربنا يوفقك وتحققي حلمك

نور:ياااااارب 

منيره باستفهام : طيب انتي مش خايفه ابن عمك دا بسال عليكي ف الجامعه ويعرف مكانك

نور تنهدت : والله ي طنط انا خدت احتياطي .. وطلبت م الشئون يكون اسمي Hidden .. وهما وافقو .. محدش يقدر يتعرف عليا الا واذا كان تبع الكليه ..

منيره بقلق : ان شاء الله ياحبيبتي .. خير 

وقطع حديثهم جرس الباب 

"معلش يانور روحي افتحي الباب وانا هشوف بثينه حرارتها نزلت ولا لا" 

نور:حااااضر

وذهبت نور لكي تفتح الباب 

نور:اهلا بحضرتك اي خدمه

يوسف:انتي مين يابنتي

نور:انا شغاله جديده هنا حضرتك مين

يوسف با ستغراب :انا يوسف بيه صاحب البيت ده

نور:اهلا وسهلا بحضرتك اتفضل .. وهقول لطنط  انه حضرتك وصلت

ودخل يوسف وهو في كامل دهشته واستغرابه ازاي دي شغاله

نور استاذنته وراحت عند منيره

نور بتحط ايدها فوق جبهه بثينه تشوف الحراره :طنط منيره يوسف بيه جيه بره وعاوز حضرتك

منيره قامت بسرعه :ماشي يانور جهزي الاكل انتي علشان زمانه واقع من الجوع

نور:متقلقيش حضرتك .. اتفضلي

وذهبت منيره ليوسف واتجهت نور لتكملة مااعدته م طعام

ونروح نشوف الحديث بين منيره ويوسف كان ازاي

منيره:حمد لله علي سلامتك

يوسف:الله يسلمك بس قوليلي اي حكايه الشغاله الجديده

منيره:والله يايوسف دي بنت شكلها طيبه اوووي وبنت ناس اووي .. بس الظروف بقااا اللي خلتها كده

يوسف وهو يشعل سيجارته :انا اندهشت خالص لما قالتلي الشغاله لان شكلها مش وش شغالين وكده

منيره بتقعد ع الاريكه جمبخ :ياحبة عيني دي طالبه في كليه طب وهربت من اهلها علشان تكمل تعليمها

يوسف بفزع :اي هربت من اهلها لالالا يامنيره ملكيش حق تشغليها البنت دي لازم تمشي .. احنا مش ناقصين وجع دماغ ومشاكل

منيره:حرام عليك يايوسف البنت غلبانه وملهاش حد وبعدين لو كانت وحشه كانت اشتغلت اي شغلانه بطاله لا سمح الله لكن دي قررت تشتغل وتصرف ع نفسها

يوسف يزفر دخان سيجارته :مش عارف يامنيره بس قلبي مش مطمن

منيره:ليه بس اقولك انا هخليها تقعد معك وتتكلمو ولو حسيت انها مش مظبوطه او في حاجه وراها نمشيها

يوسف:امممم ماشي انتي قولتيلي انها في جامعه عين شمس.؟

منيره:ايوه

يوسف:خلاص حاولي اعرفيلي اسمها بالكامل وابقا اخلي منار تسأل عليها.. اذا كانت صادقه ولا لا

منيره:حاضر وان شاء الله خير 

يوسف:يااارب،،،يلا روحي حضري الغدا علشان نازل كمان شويه

منيره:حاضر 10 دقايق ويكون جاهز

ونسيب يوسف ومنيره ونروح نشوف الجرس اللي بيرن تحت ده ومافيش حد بيفتح

محمد بنفاذ صبر .ياااااادي النيله عليا هو مافيش حد يفتح هناااا ايووووه جاااي يلي ع الباب 

وفتح محمد الباب

محمد:اهلا انتي شرفتي واي الخبط ده كله صدعتيني

مريم:اومال فين الشغاله الجديده مش المفروض هي اللي تفتح ... 


محمد:مش عارف شكلها ما سمعتش الجرس .. وبعدين تقوليش عليها شغاله فاهمه 

مريم:اممممم ماسمعتش الجرس دي شكلها مهمله ومش هتعمر في البيت ده

محمد:طيب بس بس دي ع جثتي لو مشيت من هنا

مريم:امممممم شكلها الصنااره غمزت يامعلم

محمد:هبله يابت ولا عندك خال اهبل دي أكبر مني ب4 سنين ياعبيطه وبعدين انا حبيتها حب اخوووي يعني حاجه كده اللي زيك مش يفهمها

مريم باستنكار :يااااسلام .. حب اخووي!! .. طب حب اخواتك الاول ياخويا .. وبعدين  ليه ان شاء الله البت دي شكلها مش سهله وعملتلك سحر

محمد بغزل :سحر وبس ده كفايه البصه في عيونها تدوخ الواحد

مريم:طيب وسع كده اما ادخل اشوفها اللي دوخت محمد المنصوري

وفجأه قاطعهم صوت من الخلف

منار:يااسلام حلووه وقفة الباب دي اي ماعندكمش بيت تتكلمو فيه

مريم:اصلو ياستي امك جابت شغاله جديده

منار:نعم ليه هي بثينه مشيت

محمد:لا قاعده بس دي هتساعدها

مريم:واسكتي ياختي اخوكي الموقر من الصبح كاتب فيها قصيده شعر

منار بدهشه :اي ده بجد يامحمد  

محمد:وجد الجد يارورو بنت كده جايه من كوكب تاني

منار:ياسيدي ياسيدي يلا ابت نتدخل شوفها

مريم:هههه اشطااا يلااا نشوووف


                                    ■■■ 


اما حامد عندما علم بما حصل بااخيه .. قام واجري مكالمه تليفوونيه

ونروح نشوف حامد قرر ع اي

حامد:الوووو ايوه يافريد عاوزك في خدمه

فريد:رقبتي ياكبيرنا وكبير البلد كلها

حامد:عاوز اخلص من واحد الليله

فريد:سهله بس مين هوووو

حامد:اخوي محمود هو في المستشفي دلوق 

فريد:ماتقلقش ياباشا اعتبرو خلص

حامد:وده عشمي فيك اول ما تخلص اديني رنه واقولك حسابك هيوصلك كيف

فريد:ماشي ي باشا اوامرك

حامد:عشت يافريد يلا سلام وع المسا عاوزين نسمع خبره

فريد:وقبل المسا كمان مع السلامه


ونروح عند بيت يوسف بقااا نشوف اي اللي بيحصل فيه

مريم بفضوب :ابت اقولك تتخيلي شكلها عااامل ازاي

منار:ادينا هنشوف ياختي

مريم:اصلو مستغربه اخوكي محمد في حياته ما شكر في بنت

منار:هي في المطبخ يامحمد

محمد:ايو بتجهز الغدا روحو شوفوها واتحسروا علي نفسكم شويااااات

مريم بغيظ :اتلم احسن اجيلك 

محمد:و علي اي خليكي مكانك والله ماانتي تاعبه نفسك '''''واخده مقلب في نفسها البت دي .. ع ايه ؟ .. مش عارف! '''

مريم بحده :بتقووول حاجه يامحمد

محمد:سلامتك ياحبي استعجلي نور بس  الغد لاني عندي حصه بعد شويه

مريم:اوك

منار:يلااااا

مريم:اي ده انتي شايفه اللي انا شيفاااه

منار:في اي مالك

مريم:دي بتصلي

منار:يااسلام واي الجديد في كده ربنا يقوي ايمانها والله قلبي انفتحلها من قبل مااشوفها

مريم:اممممم ماشي .. 

منار:اوعي تكوني مش بتصلي يامريم؟ 

مريم بتوتر:هاا لا ازاي طبعا بصلي

منار:ايوه ياحبيبتي لازم تصلي الصلاه مهمه اوووي علشان ربنا يكون جمبك ويحفظك دايما

مريم بدون اهميه:حااضر

وياتيهم صوت من الخلف

منيره:انت يابت انتي وهي واقفين ليه كده

منار:عاااوزين نشوف الشغاله الجديده

منيره:ياسلام وليه يعني ما بنت زيها زيكم

مريم:تؤتؤتؤتؤتؤتؤ يامامتي اصلو ابنك محمد معجب بيها جدا وباخلاقها ومن الصبح يشكر فيها فااحنا حابين نشوف البت دي اللي عجبت محمد

منيره:طيب يااختي مسيركم هتشوفوها ويلا روحو غيروا علشان تتغدوا

مريم:طيب نشوفها

منيره:البنت بتصلي مالكم بيها يلااا ومش عاوزه كلمه ابوكي مستعجل

مريم:اووووف حاضر ماشيه اهوووو

ومشت مريم ومنار وذهبت منيره لتساعد نور في الغدا

منيره:ماشاء الله عليكي يابنتي حرما 

نور:جمعا ان شاء الله ها احضر دلوقتي

منيره:ايوه يانور يوسف مستعجل اوي

نور:متقلقيش دقيقتين وهكون غرفت وحطيت الاكل ع السفر 

منيره:ماشي ياسكره  ..اي مساعده؟

نور:تسلمي اتفضلي حضرتك وهخلص واديكي خبر

منيره:ماشي ربنا معاكي


وبعد مرور برهه م الوقت .. بعد ما انهت نور م عملها

نور:طنط منيره انا جهزت كل حاجه

منيره:ماشي يانور روحي اتغدي انتي وغدي بثينه ولما نخلص هندهلك

نور:حاضر

وذهبت نور الي المطبخ واتي يوسف ومحمد لتناول الغداء

يوسف :اومال فين منار ومريم؟ 

منيره:اهما ناااازلين يلا سمي الله علشان متتأخرش

يوسف بدهشه:بسم الله ،،،،الله يامنيره الاكل ده جميل اووووي ..مين عاملو.. بثينه؟؟

منيره:لا مش بثينه دي نور الشغاله الجديده

يوسف:اول مره من زماان آكل اكل زي كده نفس طعم اكل امي الله يرحمها ووو 

وفجاه سكت كانه افتكر حاجه 

منيره: سكتت ليه ي يوسف

يوسف : ابدا مافيش 

منيره وهي بتدوق الاكل :ماشاء الله عليها الاكل حلوو اوووي البنت دي جاتلي هديه من عند ربنا ومش هسيبها تمشي ابدا كفايه انها بتصلي وتعرف ربنا

يوسف:ماشاء الله دي باين عليها بنت ممتازه

مريم وهي تاتي من بعيد:هي مين دي البنت الممتازه

يوسف:اهلا بحبيبة ابوهاا 

مريم وهي تقبل جبينه:هااا اهرب من السؤال من البنت الممتازه اللي حضرتك بتتكلم عنها

يوسف:دي نور االشغاله الجديده اكلها تحفه

مريم بخنقه:ياااااادي ست نور اللي الاستاذ محمد مصدعنا بيها ..  وكمان حضرتك اهوو بتتكلم عليها كويس

منيره:طيب يلا ناادي مناار وبطلي غلبه وكلي

منااار:انا جيت اهووو مش محتاجه حد ينادي عليا

مريم:هييييييييح باااميا اللي بحبها الله 

وجلست تأكل بسرعه رهيبه مما جعل الاكل علق  بحنجرتها

مريم:كح كح كح كح كح كح

منيره:اسم الله عليكي يابنتي يانووووور ياااانورر هاااتي ميه

ركضت نور مسرعه وهي تحضر كوب الماء واعطته لمريم 

ارتشفت مريم الميااه

نور بهدوء  : بقيتي كوويسه دلوقتي 

مريم تفتنتها من فوق لتحت بكبرياء وتناكه 

"انتي بقي نور"

نور ابتسمت : اه انا نور .. ف حاجه !

منار نظرتلها بااعجااب رهيب 

"ماما انتي مش واخده بالك ان نور شبه طنط يسرا اووي "

مريم باستنكار : لا طبعا .. طنط يسرا اجمل بكتير .. البسي نضارتك ي دكتوره

وعاودت تتناول طعامها مجددا 

منيره باستغراب: سبحان الله شبهها الخالق النااطق وكمان نفس لون عينها بالظبط

نور ابتسمت : طيب تأمرو بحاجه تاني 

منار :اه .. ينفع نبقي صحاب انا وانتي ..اصل  انا حبيتك اووي

نور بعرفان:ممممم والله دي حاجه تسعدني جدا .. هستاذن انا عشان تكملو اكلكم

منيره : اتفضلي ي حبيبتي 

ونظرت ليوسف :اي ياابو مروان سرحان ف اييه .. هي نور مضايقاك؟ 

يوسف : هاا لالا عاادي .. كملو اكلكم .. وبالليل ابقا نتكلم في الموضوع ده ونشوف حكاية نور دي


                                  ■■■■


ويأتي المسا علي ابطالنا

ف المستشفي عند محمود

ذهبا فريده وسلمي الاول عند الطبيب يطمنو ع حاله محمود .. الذي اخبرهم بااصابته باالشلل بسبب صدمه عصبيه .. فزعا الاثنين حزنا وقهرا ..بعد ان غادرا غرفة الطبيب .. وف طريقهم لغرفه التي يحتجز بها محمود .. وبعد ان وصلوا ..  ودخلوا  بهدوء ليتفاجئوا بشخص ملثم ويضع المخده فوق وجه محمود

فريده بصراخ:يااااااااااالهووووي الحقوووووونا يلي هنااا .. ابعد عن جوزي

سلمي بفزع:بااااااابااااااااااااا 

وفي لحظات كان الشخص فتح الشباك وقفذ منه

وتركض فريده تجاه محمود

فريده بلهفه:محمود قووم ياامحمود قوووم اجري ياسلمي هاااتي الدكتووور بسرعه

سلمي بخوف:حاضر حاضر


منار وهي نازله م ع الدرج:مامتي احنا خلاص جهزنا الاوضه اللي فوق هتقعد فيها نور .. انا خدت منها كل كتبي وحاجاتي ورتبتها كمان

منيره:ماشي ياحبيبتي .. 

نور بمتنان : تعبتي نفسك .. وليه مقولتليش اجي اساعدك

منار: هو احنا مش صحاب ولا اييه .. يعني المفرووض مافيش بينا الكلام دا

مريم بصوت منخفض سمعته نور : والله عال مش ناقص غير الخدم نصاحبهم !!🙄

شعرت نور بالضجر .. وبعدها بصت لمنار : اكيييد طبعا 

منار: طب يلا نقعد فوق اوريكي اوضتك وكمان نرغي سوا 

ويقطع حديثهم صوت رنين الهاتف

مريم:بااااااااس انا اللي هرد 

الوووووووووو

مروان بحب :اهلا مريومه حبيبتي بترد عليا وحشاني يابت

مريم بلهفه :وانت كمان واحشني اووووي اووي جاااي امتي

مروان:ي بت وهو انا لحقت

مريم بخبث:شوفت يامارو مش جيبنا خدامه جديده


وقع الحديث ع نور مثل الصاعقه وفضلت تنسحب بهدوء ولاحظتها منيره ومنار

مروان صاعد ع الدرج لغرفته :اي ده بجد هي بثينه مشيت

مريم بتبص لنور م فوق لتحت  :لا دي جايه تساعدها

منار شدت منها الموبايل :هاااتي بقااا انتي مش بتحسي ايوووه يامروان واحشني اوي

مروان:وانتي اكتر ياحبيتي

منار:يلا بقا شد حليك وتعالي .. البيت ملهوش لازمه من غيرك

مروان:هظبط امور الشغل هنا وهنزل

منار:تيجي بالسلامه خد ماما عاوزه تكلمك

واعطت منار الهاتف لمنيره ونظرت لمريم نظرة لوووم وانصرفت هي ونور


منار مواسيه :ماتزعليش يانور مريم هزارها بايخ من زمان

نور:لا ابدا هي ماقالتش حاجه تزعل

منار تعبث بخدودها :طيب اضحكي يلا وفرفشي وفكي وشك دا .. احسن انادي ع الواد محمد وهو يتصرف معاكي

نور: لا وع ايييه .. حااضر ياستي .. اهووو

ظلا الفتاتان يتحدثا طوويلا .. وقطعا حديثهم صوت عربيه يوسف

منار جريت ناحيه الشبااك :هاااااااا ..  بابا جيه تعالي ننزل

نور:انزلي انتي انا قاعده هنا 

منار بعفويه:ع جثتي رجلي ع رجلك وبعدين اعتبري نفسك في بيتك مش كل شويه هقولها

نور باستسلام :امري لله مش هسلم منك انا يلا 

نزلوا الي اسفل

منار وهي تعانق والدها :مساء الخير يابابا

يوسف ربت ع كتفها

"مساء النور ياحبيبي ،،،ازيك ي نور"

نور بخجل :بخير الحمد لله ياعمو

يوسف:ياارب دايما  .. عايزك يانور في المكتب جوه

نور بارتباك:هااا اناا؟؟!!

منار وهي تغمزلها:مالك بس ،،،ماشي يابابا اتفضل وهي جايه وراك

يوسف:ماشي ماتتاخريش

منار:ع طول ع يابابا وراك اهوو

يوسف:اوك


منار بهمس :انتي يابت مالك موتتي في هدومك ليه

نور بارتبااك :ده باباكي عاوزني 

منار:وفيها اي بطلي خوف ..  ويلا

نور:مش هقدر باباكي شخصيته قويه اوي باين عليه

منار مقااطعه :بت بطلي هبل ولازم تتكلمي بطريقه كويسه وبمنتهي الجراءه قدام بابا علشان تثبتي نفسك قدامه فاهمه

نور بشرود :هااا

منار بتنهيده ونفتذ صبر :يامصيبتي .. فاهمه ولا لا.. يلا استقوي كده

نور:خلاص خلاص فاهمه ربنا يستر يلا

منار:يلا ربنا معاكي المكتب من هنا 

نور باستسلامم :ماشي


                                  ■■■


نروح عند محمود في المستشفي

سلمي وهي تدفع الباب بقوه:الحقنا يادكتووور بابا بيروح مننا

الدكتور وهو ينهض بسرعه:اي اللي حصل ماكان كويس

سلمي:احنا دخلنا لقينا حد بيحاااول يقتله

الدكتور بدهشه:يقتله تعالي تعالي نشوفه 

وانطلقوا مسرعين الي الغرفه ويدخل الدكتور

الدكتور:لو سمحتوا اتفضلو بره كلكم

فريده:جوزي هيروح مني ده مش بيتنفس

الدكتور بحده:لو سمحتوا اخرجوا علشان اعرف اشوف شغلي

سلمي:حاضر يادكتور تعالي ياماما

فريده:استرها يارب استرها


                                 ■■■ 


ونسيب الدكتور يشوف شغله ونروح عند نروح

اقتربت  من غرفه المكتب وبعد تردد كتتتير طرقت الباب

يوسف يقفل الجريده التي امامه :تعالي يانور

نور بتوتر:نعم حضرتك تأمرني بحاجه؟ 

يوسف يشير لها ع المقعد :تعالي اقعدي يانور

نور اومت براسها  :هااا ايوه حاضر هقعد اهوو

يوسف اتكأ ع مكتبه :اسمك اي بالكامل

نور:اسمي نورهان محمود منتصر 

يوسف:منين يانور

نور:من قنا .. مركز دشنا

يوسف وهو ينهض بفزع :نعم

نور بخضه:انا قولت حاجه زعلت حضرتك

يوسف:هاا لالا بس قوليلي من عيله مين هناك

نور:الشرقاوي

يوسف بصدمه:ايه!!!!!!!

نور بارتبااك:حضرتك تعرفهم؟؟!

يوسف:خلاص يانور اتفضلي دلوقتي ولما احتاجك هناديلك

نور قامت بسرعه :حاضر 

يوسف:اتفضلي 

نور:بعد اذن حضرتك

وذهبت نور وهي مندهشه جدا من رد فعل يوسف ،،ويوسف  مش مصدق نفسه واستمر يفكر طويلا  .. قرر يعمل مكالمه تليفونيه

يوسف:فهمي ازيك

فهمي:حبيبي ياخويا والله ليك وحشه ياغالي

يوسف بقلق :مش وقته عايزك الصبح تكون عندي

فهمي:خير ياابو مروان في حاجه

يوسف:هتفهم كل حاجه لما اشوفك 

فهمي:ماشي

يوسف:ولادك بخير؟ 

فهمي:كلهم بخير ويسلمو عليك

يوسف:متتأخرش بكره

فهمي: طيب طيب .. من النجمه هكون واقف قصادك

يوسف:يلا مع السلامه

فهمي باستغراب:سلام 


                                    ¤¤¤


وصعدت نور الي غرفتها والقت بجسدها ع السرير واذا لتطرق منار الباب وتفتحه

منار:ممكن ادخل

نور وهي تقوم بتعب :ماانتي دخلتي اهوو

منار:هههه مالك عملتي اي مع بابا

نور:ولا حاجه بس باباكي اتغير اوي لما قولتلو ع اسمي وعيلتي

منار:اتغير ازاي يعني

نور:مش عارفه 

منار:مممممممممممم .. بابا رسمي حبتين تاخديش ف بالك .. ربنا معاكي يلا اسيبك ترتاحي

نور:مخليكي نايمه معايا عشان خايفه 

منار. ربت ع كتفها :لا علشان تاخدي راحتك وانا في الاوضه اللي جنبك لو احتاجتي حاجه

نور:ماشي .. تصبحي ع خير

منار:وانتي من اهله


                                ▪▪▪ 


وذهبت منار وتركت نور علشان تنام نسيبها بقاااا ونروح نشوف محمود في المستشفي

فريده:طمني يابني ربنا يخليك جوزي عامل اي

الدكتور:الحمد لله لحقناه ع اخر لحظه 

فريده:الحمد لله يارب يعني هو بخير

الدكتور:اه بخير بس لازم ابلغ الشرطه دي محاوله قتل مريض

سلمي:ايوه يادكتور في واحد كان بيحاول يقتله واول ما دخلنا هرب من الشباك

الدكتور:ان شاء الله هنعمل محضر بالكلام ده وياريت تباتو معاه للامان يعني علشان اللي حاول يقتله مره هيحاول تاني وتالت

فريده:متخافش احنا مش هنتحرك غير ورجلنا ع رجله

الدكتور:ربنا يطمنكم عليه بعد اذنكم

فريده:اتفضل يابني

وغاادر الطبيب ودخلت سلمي وفريده يطمنو علي محمود ونسيبهم ونروح نشوووف نور نامت ولا لسه


وحاولت نور النوم مرارا وتكرارا لكن للاسف كانت قلقانه جدا ع اهلها وياتري عاملين اي دلوقتي واسئله كتير كانت بتدور جوااها وقررت تقوم تتوضأ وتصلي وبعد ماانهت صلاتها دعت ربنا بان يحفظ اهلها ويساعدها في الوصول لحلمها

خرجت تشم هوا  في البلكونه  لقيت الجو جميل جدا جدا جلست علي الكرسي ومن غير ما تشعر بنفسها بدأت تغني اغنية قصاد عيني لعمرو دياب


محمد وهو يصفق:الله الله كروان بيغني ياااانااااس اي الجمال ده كله

نور وهي تفوق من شرودها:هاااا هو انا صوتي كان عالي اوي كده 

محمد وهو مبتسم:تصدقي اول مره اشوف حد بيغني لعمرو احسن م عمرو اصلا

نور:انت بكاااش اوووي ع فكره

محمد :وربنا بقول الحق انتي مش عارفه صوتك حلو ازاي دانا خرجت من البلكونه مخصوص علشان اشوف الصوت ده جاي من فين

نور:اسفه يامحمد عطلتك عن مذاكرتك

محمد:ولا يهمك ياستي ,,,,بس عندي شرط علشان اقبل اسفك

نور:احممم احممم بدأنا في الاستغلال ....بس عيوني ياسيدي اوامرك

محمد:عندي ماده غلسه مش فاهم فيها حاجه تعالي ذاكريهالي

نور:بس كده انت تأمر امر 

محمد:روحي ياشيخه الله يسعدك ويعمر بيتك ومايحرمك ويعطيكي ع اد نيتك

نور:بس بس انت هتشحت شبهتني بسملي اختي

محمد:اي ده انتي عندك اخت وشبهي كمان ماشاء الله 

نور:انت اهبل يابني وبعدين بطل رغي كتير ويلا نذاكر

محمد:طيب يلا لفي تعالي الاوضه ولا هنقضيها مذاكره ع البلكونه كده

نور:لا طبعا جايه اهوو

وذهبت نور الي غرفت محمد

نور:هااا اي بقاااا الماده اللي واقفه معاك

محمد:اخوكي ياستي هايص ولايص .. دروس بقا وكده .. اهو ينوبك ثواب نصحيه لوجه الله انا حاسس نفسي هسقط ومش هحصل معهد بالحال دا 

نور:ههههههههه ليه التشاؤم .. دانت لسه ف اولي ..   بس بص ياسيدي هنزل تحت اعمل شويه سندوتشات كده وكوبيتين نسكافيه ونذاكر للصبح

محمد:بجد خلاص وانا موافق

نور:اشطه قوم ارتاح 10 دقايق كده علشان نبدا مذاكر وانت فايق

محمد:اوكا يامس

نور:ههههه مس !!  ماشي مش هتأخر

محمد:براحتك

وذهبت نور واعدت السندوتشات والنيسكافيه وجلست هي ومحمد يذاكروا لحدت اذان الفجر وهم لا يشعران بالوقت

نور:يااااه الفجر اذن

محمد:ايوه ياستي تعرفي انتي جيتني من السما

نور:هههه انا ليه

محمد:اصلي ماكنتش بقدر اسهر كتير علشان اذاكر اخري كان 12 بلاقي البيت كله نام فبكسل وانام انا كمان

نور:لالالا يابابا تنسي الكلام ده خالص من النهارده هيكون في وقت للنوم والصحيان فاهم

محمد:علم وجار التفيذ يااافندم

نور:ههههه يلا علشان نصلي الفجر جماعه ويكون في علمك الساعه 10 بالدقيقه تكون صاحي

محمد:يااانهاار اسوح دي بتتكلم بجد

نور محذرة:بتقول حاجه يامحمد

محمد:لالالا اوامرك ياكبيره

وخرجوا ليتوضأوا ووجدوا منار ومنيره خارجين من غرفهم 

منيره:اي ده ياولاد انتو صاحيين لدلوقتي

محمد:نور كانت بتذاكرلي اسكتي ياماما دي اروبه وشاطره جدا

منيره:ماشاء الله بس كده هنتعبك يانور معانا

نور:لا ياطنط عادي انا بحب المذاكره اصلا وبعدين مفيهاش حاجه اني اذاكر لاخويا الصغير

منار:اسكتي ياماما منا نسيت اقولك الل فهمتو م  الاخت نور انها دودة كتاب ومذاكره

نور وهي تضربها ع كتفها ضربه خفيفه:بقااا كده ماشي ماشي

منيره:ربنا يفرح قلبك يانور 

محمد:يلا مش هنصلوا دانا اللي هصلي بيكم جماعه

منار بتريقه:كمان والله وكبرتي يابيضه

محمد:احم ماما لمي بنتك دي .. و بلاش احراج قدام الاجانب

نور:هههههههه لالا يامنار ياقلبي خدي راحتك ولو عاوزه مساعده انا في الخدمه

محمد:بقااا كده شايفه ياماما البنات دول اتفقوا عليا ازاي

منيره:ياعيني ع الرجاله بتشتكي لامك

منار ونور:هههههههههههههههههههههههههههه 

محمد:كده ياحجه منيره انا مش عاوز اتغابي عليهم

منار:طبعا ولا تقدر تعمل حاجه

منيره:باااااااااااس يلااا ع الصلاه 

وذهبوا جميعا الي الصلاه وثم كل منهما عاد الي نومه

وتصبح شمس يوما جديد علي ابطالنا وياتري اي اللي هيحصل النهاره هنشوف 


وتستيقظ نور صباحا لتنظر في الساعه تجدها الثامنه 

نور لنفسها:ياخبر الساعه 8 اااخ داده بثينه لازم تاخد الدوا 

ونزلت جري عند بثينه

نور:اي ده ياداده انتي اي اللي موقفك في المطبخ انتي لسه تعبانه

بثينه:لا يابنتي انا كويسه هفضل لامتي نايمه 

نور:طيب يلا سيبي اللي في ايدك وتعالي افطري علشان تاخدي الدوا

بثينه:ماانا خفيت اهوو يابنتي روحي ذاكري انتي وملكيش دعوه 

نور بنفاذ صبر:الله عليكي ياداده انتي لسه تعبانه والمفروض متتحركيش من السرير لمده اسبوع يلا بقااا ومش عاوزه كلام كتير

بثينه:امري لله يابنتي يلا

وتناولت بثينه فطارها واخذت الدوا وبعد الحاح كتتتيير من نور وافقت تنام علشان ترتاح وذهبت الي المطبخ علشان تحضر الفطار

منار وهي تشهق:يااااامصيبتي بتعملي اي هنا يابت

نور:بنت حلال كويس انك جيتي يلا روحي صحي مامتك وباباكي علشان يفطروا وسيبي محمد انا هصحيه بس مش دلوقتي

منار : حاضر ي ستي

منار حاتضر ياستي هصحيهم واجي اساعدك

نور بلا اهميه:ماشي


************************************************************************************************************************************************************************************************


ونروح عند مكان تاني عند محمود في المستشفي

فريده :طمني يابني جوزي عامل اي 

الدكتور:هو احسن دلوقتي وممكن يخرج .. بس لازم ممرضه تاخد بالها منه 

فريده بقلق :يعني في امل يادكتور يرجع يمشي تاني

الدكتور:مفيش حاجه بعيده عن ربنا وانا هكتبله ع خروج

فريده:ربنا يقومك بالسلامه يامحمود ويشفيك

الدكتور:يارب اه في ظابط بره هياخد اقولكم بخصوص محاولة القتل امبارح

فريده:طيب يابني هخرج اشوفه

وذهبت فريده الي الظابط واخذ اقوالها ووعدها انه هيجيبلها حقها وهيعرف مين ورا الموضوع ده


                                  ▪▪▪


منار:يلا بقااا ياستي هتنازل واحضر الفطار معاكي لاول مره في حياتي

نور بتريقه:يااااسلام  وليه التنازل ده مستغنين عن خدماتك يلا اتفضلي وانا هحضر الاكل 

منار:امممممممم شامه ريحه كلام مش عاجباني

نور:انتي بتعملي اي سيبي سيبي ويلا بقا بره من هنا

منار :تؤتؤتؤتؤتؤ هساعدك

نور:ي بت اسمعي الكلام

منار بخضه:ااااخ الطبق اتكسر ارتحتي .. منيره هتيجي تنفخنا دلوقتي

نور بدموع:ياساتر يارب هات العواقب سليمه استرها يارب

منار بتهديها :مالك يابنتي ده طبق اتكسر بهزر معاكي مش مستاهله الدموع دي انتي مجنونه

نور:لا يامنار مش حكايه كده اول ما الطبق بيتكسر يبقاا في اخبار مش كويسه قلبي مقبوض اووي يامنار آكيييد ماما فيها حاجه

منار:بس بقااا ياقلبي ده مجرد طبق اتكسر الحكايه مش مستاهله واطمني ان شاء الله مافيش حاجه وحشه

نور:يارب يارب

مريم وهي تقطع حديثهم:الله الله رميو وجويلت .. ونموت احنا من الجوع

نور بسرعه:اسفه ي مريم دقيقه ويكون الاكل جاهز

مريم:انتي نسيتي نفسك انتي شغاله هنا يعني اسمي الست مريم ولا اقولك صعبه مش كده خلاص قوليلي يابيشمهندسه فاهمه

منار بحده:مرررييييييم

مريم:بلا مريم بلا بتااااع اخلصوا عاوزه افطر 

وتركتهم وغادرت

منار بعطف:معلش يانور هي مريم كده

نور بدموع:والله انا بحبها ومش عملت ليها حاجه وحشه

منار:سيبك منها وبلاش تحتكي بيها خالص ويلا علشان نفطر

نور:حاضر

وحضرت نور ومنار الاكل وفشلت كل محاولات منار انها تقنع نور انها تفطر معاهم وتناولو فطارهم جميعا وذهب كل منهما الي عمله

منار:نوووور انا رايحه الجامعه عاوزه حاجه اخلص شويه ورق

نور:ابقي عدي معلش ع كليتي وشوفيهم نزلو الجدول ولا لسه

منار:عينيا حااضر


                                  □□□ 


نظرت نور الي الساعه وجدتها العاشره صباحا

نور تحدث نفسها:اروح اصحي محمد

وصعدت الي اعلي وبدات تطرق علي الباب

نور:يامحمد اصحي يلا كفايه نوم

محمد:ــــــــــــــــــــــــــــــــــــــــــــــــــــــــــــــــــــ

نور:ياااااربي اي الناس اللي خميره نوم دي اخلص من سلمي اختي تطلعلي انت يامحمد

ودفعت الباب بقووووووه

نور:محمــــــــــــــــــــــــــــــــــــــــــــــــــــــــد

محمد بفزع:ااايه ااااايه اللي حصل 

نور بابتسامه:يلا اصحي كفايه نووووم

محمد:ياشيخه حرام عليكي حد يصحي حد كده دانا قولت في حريقه

نور:ايوه ايوه اشتغل لوكلوك لوكلوك كتتير وضيع وقتك يلااااااا قووووووووم علشان تفطر وتذاكر

محمد:حاااضر يامس

نور:اتريق اتريق والله لاوريك .. وبلاش ميييس بتاعتك دي

محمد:احم لقد وقعنا في الفخ

نور:هههههههههههههههه دقيقتين وهيكون الاكل عندك علشان تفطر

محمد:حاااضر يااحلي نور في الدنيا


ووصلت منار الي الجامعه عشان عندها سكاشن عملي  واذ بشخص ينادي عليها من الخلف

الشخص:ياانسه ياانسه

منار:نعم اي خدمه

الشخص:هو فين قسم كليه الطب

منار:من هنا بس اقدر اساعد حضرتك في حاجه

الشخص وهو يوريها الصوره:كنت بسأل ع البنت دي لو تعرفيها 

منار بصدمه:هاااااااا

الشخص:تعرفيها او شوفتيها قبل كده

منار ومازالت في صدمتها:لا لا لا مااعرفهاش

الشخص:طيب انا متشكر

منار:ممكن اعرف اسم حضرتك علشان لو شوفتها ابقاا اقولها

الشخص:لا اظن مش هيفيدك بحاجه لو انتي متعرفيهاش ولا ايه

منار بتردد:هاااا لالا معرفهاش بعد اذنك

وانصرفت منار وصوت تاني ياتيها من الخلف

يحيي:منار

منار وهي تنظر خلفها:يحيي انت بتعمل اي هنا

يحيي:انا دكتور هنا في الجامعه اول سنه ليا

منار:بجد يعني ابن عمي في الجامعه وانا مااعرفش

يحيي:شوفتي ياستي المهم اخبارك انتي واخبار طنط وعمو

منار:كلهم كويسين ياسيدي واي اخبار عمتو يسرا وعمو فهمي 

يحيي:ما انتي فاكره عمتك وعمك كنتي ع الاقل تزوريها لو مره في السنه

منار:معلش يايحيي ماانتو دايما مسافرين وانت عارف بقاااا الجامعه والدراسه

يحيي:ربنا يوفقك ...منار مين اللي كان واقف معاكي ده

منار:معرفش اسمه بس كان بيسأل ع واحده صحبتي وانا قولتلو معرفش

يحيي بااستفهام:صحبتك!!!وقولتيلو متعرفيهاش ازاي بقا

منار:ازاي دي محتاجه قعده بس عندي كام حاجه  دلوقتي ومستعجله هخلصها واجيلك

يحيي:ههههههههههههههههههههه اوك هستناكي في مكتبي وهزعل لو مجتيش

منار:عيوني حتي انا لسه عاوزه ارغي معاك كتتتير واشوف بلاد بره احم وبنات اوروبا غيروك ولا لسه

يحيي:هههههههههههههههههههه لسه سوسه زي ماانتي عموما متخافيش ياستي احنا لسه في السليم

منار:ههههههههههههههههههه قولتلي حاسه في إإنة وراا السليم دي بس وع اي الاستعجال اطير وساعتين واكون عندك

يحيي بهزر:ساعتين ودقيقه مش هتلاقيني هااا

منار:ياغلس سلام

يحيي:مع السلامه


                                 ■■■


محمد وهو بينشف وجه بالمنشفه:اي ده ابت بتعملي اي ....يااااااالهووووووي كتبي اتشردوا ليه كده ف الارض

نور:هشششششششششششششششششش

محمد:هي حصلت تقوليلي هش شيفاني حشره قدامك

نور:بس يابني بعملك جدول علشان تذكر عشان تتعود عليه لحد 3 ث .. وبطل رغي صدعتني

محمد:اي ده بجد روحي ياشيخه الله يعمر بيتك ويرزقك باابن الحلال .. ويكون اسمو محمد .. والذريه الصالحه .. وابوهم بردو يكون اسمو محمد الل هو انا يعني , ويعطيكي مايحرمك من محمد ..ويطول فعمرك عشان محمد


نور بضحك:بس بس انت هتشحت عليا .. واي ماسوره المحمادات الل ضربت ف وشي دي ..باااس .. اهووو ياسيدي بص كده الجدول ده مناسب صح

محمد بصدمه:روحي يا شيخه الله يخرب بيتك

نور دخلت ف غيبوبة ضحك :هههههههههههههههههههههههههليه بس ماانت كنت كويس من شويه

محمد:10 ساعات يانور مذاكره ده افتري الصراحه

نور بلا مبالاة :اه عادي 

محمد:نعممممممممممممممممممممممممممم قومي يانور مش هذاكر انا غيرت رايي وهنزل اشتغل مع ابويا

نور:يلا يافاشل قوووم ضيعت 14 دقيقه من غير فايده 

محمد:هههههههههههه حاضر قايم اهو ويلا بقا سندوتشين لاخوكي يرم بيهم عضمه اصلي جعاان مووت

نور:ههههههه دايما جعان كده عموما ياسيدي عيوووني انت تامر امر بص ذاكر الصفحتين دول اكون جيت..  اوك .. لو حصل زلزال في البيت ملكش دعوه هااا ولا تتحرك ماشي ياعمده

محمد بحسره وهو بيبص ع الجدول :ماشي ياكبيره 

نور:ماشي يابكاااش اااااخ الجرس بيرن يلا يلا ع مذاكرتك ربع ساعه واكون عندك

محمد:ع اقل من مهلك 

نور:ماشي 

ونزلت نور جري تفتح الباب

نور:مين حضرتك

الشخص بصدمه:ـــــــــــــــــــــــــــــــــــــــــــــــ

نور وهي تشير باصابعها امام عينه:انت ياحضرت اي خدمه؟؟ 

الشخص:انتي مين يابنتي

نور:انا نور الشغاله الجديده هنا

الشخص:ـــــــــــــــــــــــــــــــــــــــ

نور ف سرها:ياادي النيله ده رجع يسرح تاني يااااستاذ اي خدمه

الشخص:يوسف موجود يابنتي

نور:اه بيشمهندس يوسف ف مكتبه جوه اقوله مين

الشخص:قوليلو فهمي ...فهمي اخوك

نور:اهلا وسهلا بحضرتك اتفضل وانا  هقول ليوسف بيه

الشخص:طيب

وذهبت نور لكي تخبر يوسف

يووووسف:ادخل

نور :صباح الخير ياعمو

يوسف: صباح النور .. خير يانور تعالي اتفضلي

نور:فهمي بيه اخو حضرتك بره

يوسف انتفض م مكانو :دخليه بسرعه

نور:حاضر بعد اذن حضرتك

ذهبت نور لفهمي

نور:فهمي بيه اتفضل يوسف بيه ف المكتب

فهمي :شكرا يابنتي تعبتك معايا

نور:متقولش كده حضرتك ده شغلي  اتفضل

انصرف فهمي وهو في كامل دهشته الي يوسف

يوسف:اهلا ياابو يحيي والله ليك وحشه

فهمي:ازيك ي يوسف عامل 

يوسف:ماشي الحال بس مالك كده وشك متغير

فهمي:مين البنت اللي فتحتلي الباب دي يايوسف

يوسف:هو ده الموضوع اللي كنت عاوزك فيه

فهمي :خير قلقتني

يوسف:دي تبقي بنت فريده ومحمود

فهمي بخضه:اااااااااااااااااااااااااااااااااااااايه؟؟  طيب اززاي انا سالتها قالتلي انها جايه تشتغل هنا

يوسف بتنهيده : حوار يافهمي





البارت الخااامس 


“يَسَع قَلبي العالَم في لَحظة، ثُمَّ في لَحظة أُخرى يَضيق فَلا يَسعني” 💔


                                   ♡♡♡


في قصر يوسف المنصوري 


نور واقفه عند الباب :صباح الخير ياعمو

يوسف ترك الجرنال م ايدو : صباح النور .. خير يانور تعالي اتفضلي

نور:فهمي بيه اخو حضرتك بره

يوسف اتعدل ف جلسته :دخليه بسرعه

نور ابتسمت :حاضر بعد اذن حضرتك

ذهبت نور لفهمي

نور:فهمي بيه اتفضل يوسف بيه ف المكتب

فهمي :شكرا يابنتي تعبتك معايا

نور:متقولش كده حضرتك ده شغلي  اتفضل


انصرف فهمي وهو في كامل دهشته ل  يوسف

يوسف بترحييب :اهلا ياابو يحيي والله ليك وحشه

فهمي:ازيك ي يوسف عامل 

يوسف باستغراب :ماشي الحال بس مالك كده وشك متغير!

فهمي بيجلس ع الاريكه المقابله لمكتبه :مين البنت اللي فتحتلي الباب دي يايوسف

يوسف:هو ده الموضوع اللي كنت عاوزك فيه

فهمي :خير قلقتني

يوسف:دي تبقي بنت فريده ومحمود

فهمي بخضه:اااااااااااااااااااااااااااااااااااااايه طيب اززاي انا سالتها قالتلي انها جايه تشتغل هنا .. انت اتاكد م كلامك دا

يووسف بانفعال : هي ي فهمي هي

فهمي بيضرب كف ع كف 

يوسف بقلق :سيبك من كل ده مراتك يافهمي  انت نسيت انت وسعاد عملتو اي 

فهمي :ده كان زمان اما دلوقتي اسمها يسرا وسعاد دي واحده ملهاش وجود

يوسف:انت مجنون نور نسخه طبق الاصل من عمتها 

فهمي:ماهو ده اللي كان هيجنني

يوسف:والعمل

فهمي بحيره :العمل فيك ياخويا

يوسف بعدم فهم :مش فاهمك

فهمي بلوم .. ونظره عتاب :لا انت فاهم انا بتكلم عن اي كويس اوووي

يوسف بحيرة :تقصد فريده؟؟

فهمي قطب حاجبيه :وفي غيرها؟

يوسف تنهد وسكت شويه 

"مش قادر انساها يافهمي ..متنساش هي صااحبة الفضل ف كل االل احنا فيه دا"

فهمي باسف :ياااااااه يايوسف .. بعد العمر ده ولسه منستش

يوسف:ولوعشت عمر فوق عمري ماهنساها حبها كل يوم في قلبي يكبر لسه فاكر ضحكتها دلعها هزارها هي وزعلانه كل حاجه .. حتي خناقها معايا ع مصلحتي .. لسه فاكرو 

فهمي بضيق ع اخووه :ياااااه يايوسف كل ده في قلبك

يوسف:تعرف وحشتني اووووي 30 سنه مشوفتهاش

فهمي:طيب هنعمل اي

يوسف:نور لازم اشيلها في عينيا وارد جزء من جمايل فريده عليا

فهمي:طيب ويسرا

يوسف:يستحسن متجيبلهاش سيره لحدت مانشوف هترسي ع اي

فهمي:طيب استاذن انا

يوسف:لا طبعا انت لازم تتغدي معانا

فهمي:دي كانت يسرا تدبحني

يوسف بحده :متحاولش ..  وبالمره تدوق اكل نور ..  نفس اكل امها بالظبط يافهمي فيه ريحيتها

فهمي بمزاح :هههههههههه انت ياسي رميوو خف علينا شويه اي المراهقه اللي ع كبر دي

يووسف بحب:هههههههههههه ربنا يقرب البعيد

فهمي:بس اللي محيرني ازاي نور نسخه كده من سعاد

يوسف:سبحان الله قدرة ربنا .. استني هستعجلها تحضر الغدا

فهمي: ماااشي


                                      ■■■


ونروح مكاااان تاااااني خاااالص

صوت طرق ع الباب

يحيي جالس ع مكتبه :اتفضل

منار فتحت الباب :دي انا .. ادخل ؟

يحيي بهزار:ماانتي دخلت خلاص

منار قعدت وحط رجل فوق التانيه :هااتلي قهووه😎

يحيي ممازحا:هو انا سالتك تشربي اي ..  لسه غلسه يابت زي ماانتي

منار ضحكت :منا وفرت عليك

يحيي وهو بيمسك سماعه الهاتف يطلبلها قهوه  :ماشي ياستي اوامرك

منار:يسلموووووو ها احكيلي بقااااا اخباراتك

يحيي:تمام .. وانتي طمنيني عليكي


ونسيبهم يرغوو ... 

ونروح عند نور الل ف المطبخ 

منيره : نور استعجلي شوويه عشان ابو يحيي  هيتغدي هنا

نور باستعجال  : حااضر حاضر


                              ■■■


استمر  الوضع كما هو عليه لم يتغير اي شئ

سوا ان انتهت الاجازه .. وبدا العام الدراسي الجديد


ونور  تصحي الفجر تخلص شغلها  .. وتنزل الجامعه مع منار .. ومريم اللي مش طايقاها

واول يوم ف الجامعه وصلتها منار عند باب المدرج 

منار مسكت ايدها .. وبتشاورلها ع المدرج 

"حبيبي المدرج بتاعك اهو .. ولسه قااعد نص ساعه ع محاضرات .. ممكن تنزلي الكفتيريا تشربي حاجه"


نور : تمام ي منار تعالي وصليني .. وبعدين روحي ع محاضراتك عشان متتاخريش 

مريم بتافف: اااااااوووووف انا مااشيه

منار :استني اوصل نور طيب .. مااحنا طريقنا واحد

مريم عقدت ساعديها وهزت رجلها : خلصي ي مناار 

منار لم تبالي لمريم اي اهميه مسكت نور م ايدها وعرفتها مكان الكفتيريا 

"حبيبي تخلصي وترني عليا .. خدتي الموبايل الل ادتهولك"

نور : اه معايا ي منار 

منار : اوك .. خلي بالك ع نفسك .. باي باي

وقفت نور تتلفت بنظرها ف المكان كله ومش عارفه حد خالص 

وماشيه زي التايهه وفجاه ارتطمت بشخص ماا بقوووه

نور بتوتر وارتباااك انحنت تجيب شنطتها الل وقعت

وع الجهه المقابله هو ايضا انحني لمساعدتها وتلاقت انظارهم لبرهه م الوقت

الشخص بتوسل : انا اسف بس كنت بتكلم ف التليفون ومخدتش بالي 

نور نهضت مسرعه : حصل خير .. انا اللي مش مركزه بس 

الشخص ابتسم : طيب مالك مرتبكه كده ليه .. انتي سنه كام؟

نور بعصبيه وتوتر: انت هتتصاحب عليا ولا اييه .. قولنا سوري وخلاص

الشخص ابتسم .. بهدوء : مكنش قصدي ع فكره .. بس شايفك مرتبكه شوويه

نور وهي بتحاول تبين انها قويه : انا !! لا مش مرتبكه خالص ع فكره .. وهتربك م اي .. ولييييه


ودفعته مبتعدا عن طريقها 

"بعد اذنك "

الشخص وضع ايده ف جيبه وابتسم .. وهز كتافه متعجبا ع وضعها وهو كمان مشي وكنل طريقه 


وبعد مرور الوقت ..صعدت نور لمدرجها وجلست ف اقرب بنش فاضي 

وهي حااسه بتوتر رهيب .. ومن شده التوتر استندت ع ساعديها فوق البنش وغمضت عينها

وفاقت مفزوعه ع صوت الدكتور وهو بيتكلم ف الميك

" صبااح الخير "

نور نهضت مسرعه ومفزوعه .. وشعرت بالخوف والخجل عندما رايت انه نفس الشخص الذي ارتطمت به تحت


شرع  المعيد ف التعريف بنفسه

المعيد:سلام عليكم كلكم انا المعيد اللي هدرس لحضرتكم اول ماده وهي''''الهتسولوجي  ''''' علي  ما الدكتور فاروق يرجع من امريكا اسمي يحيي المنصوري وانا في مقام اخوكم الكبير قبل ما اكون المعيد بتاعكم يعني اي حاجه تحتاجوها متتكسفوش وتيجو عندي وانا ان شاء الله هكون عند حسن ظن حضراتكم

نور ومازالت في زهوووول وصدمه لا تستطيع ان تنطق بكلمه واحده 


وبدا يحيي بالشرح الي ان مر نصف الوقت تقريبا ولم ياخذ باله من نور .. ونور طول الفتره دي بتدعي ربنا انه يكون مش فاكرها او ماياخدش باله من  وسط العدد الكبير من الطلاب واثناء الشرح كان يحيي بيشرح بطريقه ممتازه جدا مما اوقف كلامه مره واحده واخد باله من نور وافتكر اللي عملتو معاه .. ونظر اليها وابتسم

نور في سرها:ياااااادي المصيبه عليا وع سنيني السوده ده شكلو مش هيخليني اعدي السنه دي استرها يارب

يحيي وهو يوجه نظره الي نور:وبكده يادكاتره مش هتقل عليكم كفايه عليكم لحدت هنا بما انها اول محاضره ومش عاوزكم تتعقدوا يلا بقااا انا عرفتكم بنفسي عاوز اتعرف عليكم وطبعا مش هقدر احفظكم كلكم مره واحده كل محاضره هحاول احفظ شويه ونبدا من هنا 

ويشير علي احدي الطالبات

يحيي:ها نتعرف بيكي

الطالبه:دعاء من المنيا

يحيي:اهلا بيكي اتفضلي اللي بعدها

الطالبه:رحاب من الجيزه

يحيي يشير بسبابته:ها وهنا 

ويشير ل  نور

نور وقفت  بتوتر:اسمي نورهان

يحيي:من فين يانورهان

نور:ها

يحيي وهو يبتسم : اي السؤال صعب اوي 

نور:هااا لا انا من قنا

يحيي:اممممم يااهلا بناس الصعيد تشرفنا يانورهان اتفضلي

نور بتوتر :ش شكرا 

وانتهت المحاضره وانصرف جميع الطلاب والمعيد .. ومازالت نور في صدمتها وتمشي ببطء ومش مصدقه نفسها

محدثه نفسها بلووم"

"كان لازم  الدبش بتاعك دا .. هو اللي مستفز ع فكره ماشي يتعرف ع الناس وخلاص .. بس مكنش ينفع تكلميه كده بردو .. يووه يستاهل اصلا .. طيب ابقي قابليني لوعديتي السنه دي "

وفجاه فزعت م شرودها ع صوت يحيي بردو اللي اتفاجئت بوقوفه امامها

يحيي بثقه : ما بلاش السرحان دا وانتي مااشيه .. كده هتخبطي ف الجامعه كلها

نور بخجل :انا اسفه ي دكتور مكنش قصدي والله الطريقه االل كلمت حضرتك بيها ووبس

يحيي مشيرا بانامله ع فمها : اششششش .. اي افصبي شوويه .. حصل الخير .. عشان المره الجايه تاخدي بالك 

نور :حاضر بعد اذن حضرتك

وانصرفت مسرعه ناحية البوابه لمنار اللي مستنياها


مريم بعصبيه :كل ده تاخير حضرتك .. لو هتكملو كده انا هقول لبابي يجيبلي عربيه لوحدي 

نور فتحت العربيه وركبت ف الكرسي الخلفي مصدومه ومش بترد

مريم بسخريه :وكمان عامله فيها مطرشه .. والله عال 

منار بحده:بت ي مريم اسكتي .. وانتي مالك ي نور

نور:اسكتي يامنارعلي اللي حصلي

دينا اراد للخلف :اي اللي حصلك

نور بشرود:هاا اللي حصلي .. اه هقولك اهوو

منار:ع النعمه بااللي في رجلي وهديكي بيه مالك يابت سفيتي بتنقطيني بالكلمه

نور:استني استني افوق من الصدمه بس

مريم بخنقه : هاااا لما نشوف اخرتها مع الهانم

نور:بصي ياستي فاااكره لما سبتيني ومشيتي

منار:اه وبعدين

نور:مش قولتيلو روحي اشربي حاجه 

منار بنفااذ صبر :هاااا وبعدين

وفجاه قطعتهم مريم: هااا دي ساايحه خلاص .. هو الحوار فيه واد امور ولا اي .. ماتنجزي


منار بحسره:ياااااااااااختي نااااقصي هي من الصبح بحاول اطلع معلومه من البت دي ..اخرسي انتي كمان

نور : والله  غصب عني .. وم الل حصلي


منار:ايوه بقي  اي اللي حصلك

مريم:اههووووو كملي.. الصبر يارب .. مش هنروح النهارده

نور: خبطت ف واحد واتخنقت معاه

مريم بااهتمام :انا قولت فيها واد امور ومز . . هااا الله عليكي ي بت ي مريومه يلي بتفهميها هي وطايره

منار:سيبك منها بس وكملي اي اللي فكرك بيه

نور:اصلو اصلو 

مريم:انا جاني السكر من البت دي

نور:استني منا بجمع اهو اصلو طلع المعيد بتاعي

مريم :هههههههههههههههههههههه مبروك عليكي يامعلم يبقي ضمنتي مش هتطلعي من سنه اولي طول عمرك .. فلاحه بقي نقول ايه

منار:طيب واي يعني اكيد هو مش فاكرها وحتي لو فاكرها معقول هيسقطها لمجرد انها خبطت فيه واتخنقت معاه

مريم بتريقه:هههههه ماانتي مش فاهمه ياريت خبطت فيه وبس ..  دي عطتيه الطريحه المعتبره وانتي عارفه بقااااا الفلاحين ميتوصوش 

منار:هااااااار ابيض عليكي وع سنينك السوده 


نور لم تبالي اي اهميه لكلام مريم : طب والعمل

منار:طيب هو عرفك

نور:ايوه وابتسملي وبعدين قومني وخلاني اعرف نفسي

مريم بتضرب كف ع كف :هههههههههههه ابن اللعيبه ده شكلو مش سهل

منار:بصي انتي حاولي مالكيش دعوه بيه خالص واتلزمي بأي حاجه يقولها 

نور:هو ده اللي ناويه اعمله لحدت مايرجع الدكتور

اميره:طيب كويس انه هيديكم لفتره مؤقته

نور:بس منا مش عارفه الفتره دي هتطول ولا تقصر

منار:متقلقيش خير ان شاء الله

مريم بعصبيه : ممكن بقا نروح عشان انا تعبانه وعاوزه اانام

منار دورت العربيه :حاضر حاضر 


                                       ■■■


مرت الايام وعدت علي كل  ابطالنا .. مروا 3 سنين عليهم وفي خلال السنين دي  كان الحال كالاتي:


ونبدأ بسلمي.....سلمي بيقيت تذاكر كتير خالص وحاولت علي قدر الامكان وجابت في 3 اعدادي مجموع حلووووو اوووي اوووووي هتدخل بيه ثانوي وكانت فرحانه لانها قربت اوووي من الوصول لاحلامها وانها هتكون جمب اختها قريب 


محمود مازال ف حاله العجز ومش بيتحرك الا ع كرسي وللاسف الحكومه موصلتش للشخص الل حاول قتله  .. وفريده بترعااه وبتاخد بالها منه كويس اوي


اما حاززم فضل يدور ع نور ف كل المحافظات وكل الجامعه .. لحسن حظ نور انه لما راح يسال عليها ف الجامعه كانت لسه مقدمه بالتالي اسمها مكنش لسه نزل فالقيد

..وظل ع حاله ف تجاره الممنوعات هو وحامد 


اما محمد ونور بقيو صحاب اووي والغب وقت فراغ نور معاه .. بالاضافه انها كانت مهتمه بيه جدا وبتسمعله وبتذاكرو لحد ماحقق حلم مامته ومروان ودخل طب .. حاولت نور تتصل باهلها تطمن عليهم لكن فريده اتخانقت معاها وقالتلها متتصلش تاني .. عشان حازم ميعرفش يوصلها 


مريم كانت عايشه في عالم تاني مع نفسها سهر وخروجات وحياه عاليه اوي ونظام الصحبيه وهكذا ومنار كانت يااااما تحذرها ولكن م غير  فايده 


منار اتخرجت وقررت  تفتح صيدليه كبيره تكون ملكها 


عمر بقاااا كانو شاغلينو كميه قضايا والغااز رهيبه . وف نفس الوقت كان مركز اوي مع تحركاات حازم ابن عمه لانه كان عارف ان سكته مش مظبوطه


عمنا ياسين بقااااا بصراحه ادهشنا كلنا اجتهد اوووي في شغله واترقي ووصل لمنصب كبير جدا ع الرغم من صغر سنه وهيموووووت ويتجووووووز


نادين بقاااا اتخرجت من كليه الهندسه وجابت تقدير كويس جدا واتعينت معيده في الجامعه وكانت دايما ع خلاف هي ومريم لانها كانت شايفه كل تصرفاتها غلط في غلط ومع كل ده مكانتش تقول لمروان لانها عارفه انه ده كله طيش بنات وهيروح لحاله


ونادين ومروان علاقتهم بقيت قويه جدا ببعض وبيقعدوا يتكلموووو بالساعات وحبهم لبعض كل ماله ويكبر..


اماااا البيشمهندس مروان بقااااا فتح الشركه وبقيت من اكبر الشركات واشهرها واثبت لوالده انه راجل ويعتمد عليه


ووعد نادين انه اول ما ينزل هيعمل فرحهم في اكبر مكان في مصر

يوسف بقااا افتتح القريه هو وحسين الشرفي وكانت قريه جميله جدا وتضم وفود من السياح من مختلف بلاد العالم


ونروح بقاااااا لبطلتنا نعرف السنين دووول عدوا عليها ازاي

نور كانت منضبطه جدا جدا في محاضرتها وبالزاد محاضرات يحيي والدكتور بتاعها اعتذر انه مش هيجي السنين  دي .. ودا السبب ان يحيي يدرسها طول العام وكانت نور خايفه  منه جدا احسن ينزلها في الماده وكده لكن ع عكس توقعاتها كان دايما بيشجعها وبيقف جنبها ودا حسن العلاقه بينهم جدا .. وقضت ايام حلوه جدا خلال ال3 سنوات دول واتعرفت ع اميره ودينا   اللي كانو بيصبروها علي فراق اهلها ولقد حاانت وقت الاجازه واخر يوم ف امتحانات سنه 4 وخارجه م البوابه مبسووطه وفرحانه وحاسه كانها ملكت الكون 

اتاها صوت م الخلف

الشخص:نورهان

نور:نعم اه دكتور يحيي اهلا بحضرتك

يحيي:عامله اي يانور

نور:بخير الحمد لله

يحيي:نور انا كنت عاوز اعترف لك بحاجه

نور ابتسمت : واالله لو ع الاعتراف انا اللي عاوزه اعترف لحضرتك .. اد ايه ممنونه ليك وبجد مش عارفه اشكرك ازاي ع وقفتك جمبي

يحيي : متقوليش كده دا واجبي 

نور : ربنا يبارك ف حضرتك

يحيي: طيب ينفع نقعد ف مكان هادي واعزمك ع حاجه

نور باحراج : والله مش هينفع متاخره اوي .. وكمان مايصحش

يحيي بتسرع :نور انا بحبك من اول يوم شوفتك فيه  .. وكل دا بحاول اتاكد م حقيقه مشاعري وفعلا اتاكدت اني بحبتش ولا هحب بعدك

نور بصدمه:نعم

يحيي:لو سمحتي يانور ممكن تليفون والدك

نور ومازالت في صدمتها:والدي اناا ليه

يحيي:حابب اتقدملك وادخل البيت من بابه .. ولا ف حد؟

نور:بس بس مش هينفع

يحيي:انتي مرتبطه يانور طيب .. قوليلي 

نور واول مره تعترف بدبله حازم واخرجتها من حقيبتها لكي تنقذها من هذا الموقف:ايوه انا مخطوبه

يحيي بصدمه:اي ازاي بس انتي مش لابسه محبس في ايدك

نور:مش شرط .. واهو اديني لبستو

يحيي بحرقه:ليه حرام عليكي ..ومقولتليش ليه .. عملتي فيا كده وانا اللي كنت فاهم انا بتبادليني نفس الشعور.. وسبتيني طول الوقت دا متعلق بوهم


نور بضيق :حضرتك زعلان ليه زعلان عليا اني مش هكون ليك لالا .. تؤ .. ماتزعلش لو عاوز تزعل بجد ازعل ع نفسك ازعل علي الحب اللي بيراقبك من سنتين وحضرتك ولا حاسس بيه


يحيي:تقصدي اي .. مش فاهم قصدك

نور:انساني يادكتور حضرتك جيت للشخص الغلط ونصيحه مني بص حواليك كويس وشوف مين بيحبك ومين محتاجاك

يحيي:نور بس انا بحبك انتي ومش عاوز غيرك

نور هزت كتافها :وانا مرتبطه

يحيي بحزن:يعني ما فيش امل

نور:اسفه سلام عليكم 

وتركته ومشيت وهو في كامل صدمته وحزنه 

نور ماشيه ع النيل مخنووقه اووي واول حاجه عملتها قلعت دبله حازم ورمتها ف النيل  .. وبعد كده مسكت ورقه وقلم وكتبت فيهم

"الي من يقرأ رسالتي الان .. اذا ارادت العيش .. لا تقبل ان تعش الا حياه كامله

لا تقبل ابدا ان تقف  حائرا متأرجحا ف منتصف الطريق ..لا تقبل بنصف حياه .. ولا تقبل بنصف موت .. ولا تحلم نصف حلم .. ولا تختر نصف حل ولا تقف ف منتصف الحقيقه .. ولا تتعلق بنصف امل ..اذا صمت اصمت للنهايه .. واذا تكلمت تكلم للنهاايه ..ولا تصمت حتي تتكلم .. ولا تتكلم حتي تصمت ..واينما وجد الحب والسلام كن قويا ..فالحياه تميت الضعيف قهرا .. ابتسم مادمت حيا .. وابتسم ايضا ان هذه الرساله كانت م نصيبك انت "


طيت نور الورقه ووضعتها بداخل زجاجه مياه فراغه والقت بها الي النيل وعادت الي المنزل مسرعه 

منيره بخضه : اتاخرتي لييه يانور .. تعالي ي بنتي دانا هايصه لوحدي م الصبح وبثينه نزلت البلد .. وفهمي اخو يووسف جوه ومحدش مساعدني

نور ربتت ع كتفها : سوري والله ي طنط هغير هدوومي واجي بسرعه

منيره منصرفه ف اتجاه المطبخ 

"متتاخريش ي نور بسرعه "

نور تركض ع السلم : حالا اهو ي طنط 

غيرت نور لبسها بسرعه ونزلت تساعد منيره 

منيره وهي بتغسل ايديها 

"نور هروح المخبزه موصياه ع حاجات معينه يعملها .. هروح اشوفهم جهزوها ولا لا وانتي كملي ورصي الاطباق ع السفره "

نور :عينيا ي طنط متقلقيش 


غادرت منيره وتركتها بمفردها 

جرس الباب بيرن

نور:ياااارب ساعدني يااارب واخلص اوووووووووف مش وقتك خالص يلي ع الباب .. هو مافيش حد يفتح هنا

نوربتمسح ايدها ف منشفة المطبخ  وف الايد التانيه مغرفه

"اوووووووووووووووووووووووووووف لو كانت منار  هفتح دماغها ..  ايوووووه ايوووووه يلي ع الباب جاااااايه اهووووو صبرنا يااااارب"

فتحت نور الباب 

"افندم مين حضرتك؟؟؟؟"

الشخص بغزل:اللهم صل ع النبي القمر بيطلع الضهر ولا انا جيت بيت غلط ولا ايييه ي جدعاان

نور بنرفزه:افندم ........ميييين حضرتك

الشخص وهو هيموت من الضحك:

"لا هو فعلا البيت مش غلطان ولا حاجه .. مش مهم انا مين  انتي اللي مين بقي ياااااشاطره"

نوربضجر:شااااطره اي شاااطره دي شايفني بنت اختك تقولها ياشاطره .. ولا عامله ضفرتين 

الشخص بهسترية ضحك

" مش قادر بجد شكلك يموت من الضحك"

نور:ومااالوووو شكلي بقااااااا هاااااا 

وفجأه شهقت نور 

الشخص:عرفتي بقا بضحك ليه ماشاء الله مريلة مطبخ و مغرفه في ايدك  الحجاب رابطاه زي خاالتي فتحيه لالا ولا وشك واللي فيه كانك طالعه من الفرن طااازه

نور بغيظ:انت اصلا انسان مش محترم وقليل ادب ومش متربي وانا هوديك ف داهيه وهكلم الامن ياخدك بره .. انا مش عارفه بيدخلو الاشكال دي ازاي  ويلا من غير مطرود مش فاضيالك.


الشخص بتعجب:ولمضه كمااان ولسانك اطول منك !

نور:لا وبضرب وبعض بسناني ع فكره

الشخص اتكأ ع الباب وعقد ساعديه

"مقولتليش انتي مين.. يكونش الواد محمد عملها واتجوز م غير مايقولي"

نور بنفااذ صبر 

" انت طلعتلي منين بس ..وبعدين انا اللي مين؟؟  ياجدع اخلص قول عااوز مين وخلصني عشان انا اتخنقت"

الشخص متفتنا ايها برخامه : عاوزك انتي.. قولتي ايه؟

نور بعصبيه وبتقفل الباب ف وشه 

" انت مش محترم وساافل وامشي م هنا "

الشخص متفاديا الباب بكفة يده 

"تؤؤ كده نزعل م بعض .. وبعدين انتي ازي تكلميني كده يابت انتي "

نور:بت اما تبتك 

الشخص وهو يرفع كفه محذرا :متخلنيش اتغاابه عليكي

نور:كمان لا ناقص اصلا .. اللي يمد ايده ع واحده ست ما يبقااش راجل لامؤاخذه

الشخص بعنف:انا ارجل منك ومن اللي خلفوكي وكلمه تاااني والله هدفنك مكانك

نور:انت زودتها اوووي وانا كنت عامله حسااب للبيت اللي قاعده فيه لكن لحدت كده وكفااااايه وانا هعرفك انا مين

ركض محمد ع السلم

محمد:نوووووووووووووووووووووووووووور في اي

نور :تعالي شوف البلاوي اللي بتتحدف علينا

محمد:نوووووووووووور صوتك عالي كده ليه ..حصل ايه؟

الشخص بتفكير :اهااااا  انتي بقااااا نور الخدامه الجديده اللي مريم قالتلي عنها

نورر:ياااسلام كمان عندك معلومات عني

الشخص:واي التكبر والغرور اللي انتي فيه ده يابت انتي دانتي مجرد خدامه لاراحت ولا جااات

نور:الخدامه دي برقبتك فاهم ولا لا مش واحد زيك مولود وفي بؤؤه معلقه دهب ومعندهووش اي مسئوليه ومستهتر وتافه كمان

الشخص وهو يرفع يده ليضربها ع وجهها:لا بقااا دانتي عاوووزه تتربي من اول وجديد 

محمد وهو يمسك يده من الخلف : انت ياحيوان ازاي تمد ايدك  علــ مرووووووووووووووووااااان !!!!!!!!!!!!!!!!!!!!!!!!!!! ماقولتش انك جاي

مروان وهو يحضنه:محمد وحشتني ياوااااد

محمد:وانت كمان ليك وحشه بس اي المفاجئه الحلوه دي

نور:يااااسلااااام مين يطلع الاخ ياااامحمد

مروان:انتي تخرسي خااالص فاهمه لسه حسابك مجاش

نور:انت مجنون حساب مين ده ياابو حساب 

مروان:لا بقااا انتي مش هتتعدلي غير لما تتضربي

يوسف وفهمي محمد  :مرواااااااااااااااااااااااااااااااااااااااااااااااااااااااااااااااااااااااان

مروان:ازيك يابابا ازيك ياعمووو

يوسف بحده :انت اي اللي بتعملوووو ده

مروان:عملت اي

يوسف:من امتي احنا بنرفع ايدينا ع بنات 

مروان:دي قليله ادب ولازم تتربي واخر يوووم ليها في البيت ده 

فهمي:اخرس ياااولد

مروان:نعم  انت بتقولي كده ياعمي

فهمي:انا ولا عمك ولا زفت غير لما تعرف تحترم بنات الناس


ونسيبهم يتخانقووو ونروح نشوف نور ومحمد بيقولو اي

نور بصوت واطي:انت ياولد مين مروان ده

محمد:هههههههههههههههههههههههه ده مروان اخويا الكبير

نور بصدمه :يااااااااااااااااااااااااالهووووووي 

محمد:في اي بس

نور:شكلي كده يامحمد  اخر يوم ليا في البيت ده النهارده

محمد:ههههههههههههه ليه بس

نور:اصلوووو بالصلاه ع النبي كده اهوووو  .. مسحت بكرامه اخوك الارض

محمد:ياااااااااااااختي لا اطمني ده لو طلعتي ع رجليكي اصلا

نور بخوف : تفتكر!!

مناااار تاني من الخلف:ببببخخخخخخ اي التجمع ده 

محمد:مروان جيه

منار:بجد الحمد لله يارب اخيرا  سمعت خبر فرحني

محمد:لا متفرحيش اوي كده ونور هتمشي

منا ر بصدمه:نعممممممممممممممممم

محمد:اصلها اتخانقت هي ومروان خناقه للسما

نور:ياااااااااااغلبي ياااناا محمد هو ممكن يعمل فيا اي

منار:متفهموني  في اي

منيره:اي ده يااجماعه الباب مفتوح ليه وواقفين ليه هنا

منا ر بلا مبالاه:مروان جيه

منير ه بلهفة:ابني 

وجريوووا كلهم لجووووه

منيره تحاوطه بايديها:مرررووووان ابني حبيبي وحشتني اوي يااانور عيني

مروان وهو يقبل امه:وانتي كمان ياست الكل وحشتيني

منار:كفااايه بقااااا ياماما سيبيلي شويه

مروان:حبيبتي منار تعالي في حضني يا لمضه 

منار:حمد لله ع سلامتك ياكبير

مروان:الله يسلمك ياحبيبتي بالحق البنت مريم فين

منار:لسه في الجامعه

ويقاطعهم فهمي

فهمي:مروان لازم دلوقتي حالا تعتذر لنور ع اللي عملته

مروان بدهشه :نعم !!

نور وهي تبتسم ابتسامه انتصار:لا يااعمو ملهوش لزوم حصل خيريعني 

يوسف:انت يا ولد ما سمعتش عمك قال اي يلا اعتذرلها

مروان:بابا حضرتك اي اللي بتقوله ده دي حتة خدامه لراحت ولا جت تمشي نجيب عشره غيرها ..اعتذرلها بتاع اي انا

فهمي بحده:مروان احترم نفسك


نور بدموع وصوت مدبوح:لا لحدت هنا وكفايه حضرتك عمال بتغلط بتغلط وتدوس ع كرامتي وانا من الصبح مش بتكلم لكن كده كتير انا لولا الظروف بس هي اللي جابتني اشتغل عندكم هنا وده مش معناه انك اشترتني عندك ولا بقيت جاريه حضرتك وانا من النهارده مليش قعده في البيت بعد اذنكم

وجريت ع اوضتها تلم هدومها ووراها محمد ومنار

منيره  بحيره:استغفر الله العظيم حد يفهمني فيه اي


ف الغرفه عند نور

منار:نووووور انتي هتعملي اي ؟؟

محمد:اعقلي بالله عليكي..  مروان طيب والله

نور بنرفزه :لا ع كده خلاص خلصت كله الا كرامتي واخوكي جرحني بما فيه الكفايه

منار:سيبي الهدوووم دي ويلا بطلي شغل عيال

محمد وهو بيرجع الهدوم ف الدولاب:نور انتي مجنونه ومين قالك انك هنا شغاله انتي هنا صاحبه بيت

نور بتجيب هدومها م الدولاب:اسفه يااجماعه ماينفعش لحد كده 

منار ومحمد وبيمسكو الشنطه:ياااانووووور استني بس وبطلي جنان

نور بضيق : اوووووف سيبوني بقي 

واخذت نور شنطتها وخرجت الي الباب ويوقفها صوووت فهمي

فهمي:نوووووور استني هناااا......يلا يامروان اعتذرلها

نور:خلاص ياعمو مافيش داعي انا كده كده ماشيه

فهمي:استني يانور يلا يامروان اعتذر

مروان:اسف ياعمي متعودش اتاسف لناس بيشتغلوو عندي

نور : ومين قالك اني عاوزه اعتذراك .. الاعتذار اللي ولا هيقدم ولا ياخر قلتو احسن .. 


فهمي قرب منه وبحده :ومين قالك انها بتشتغل عندك؟؟

مروان:انتو ليه عاطينها الاهتمام ده كله خليها تمشي مشيت هي نجيب 100 مكانها

يوسف بتحذير:اتكلم عدل ياولد وبعدين نور مش بتشتغل عندك دي بتشتغل معاك وانتو الاتنين هتمسكوا مصنع الحديد والصلب بتاعي انا وعمك فهمي

نور ومروان بصو لبعض:اااااااااااااااااااااااااااااااااااااااااايه

فهمي:اللي سمعتوووه واصلا يسرا ليها النص في المصنع وبعد الحادثه اللي حصلت ليها مش هتقدر تديره علشان كده نور هتدير المصنع باسم يسرا ومروان هيساعدها ودا الموضوع اللي كان عمك فهمي جاي عشانه .. 

مروان بسخريه:ده ع جثتي يحصل

نور:انا متشكره جدا ياجماعه ع العرض ده بس اسفه لازم امشي

فهمي:استني هنا هي فريده معلمتكيش ازاي لما حد كبير بيكلمك تسمعي كلامه للاخر

وقع الاسم عليها مثل الصاعقه

نور:فريده !!!هو حضرتك تعرف ماما؟؟


منيره بدمووع ومسكت قلبها وقعدت ع الكرسي :فريده!!!! فريده ي يوسف

فهمي:نور حكايه الشغل دي مش عرض .. دا امر ولازم تنفذيه 

يوسف ربت ع كتفها :انا عارف يابنتي انه في اسئله كتير في دماغك بس اطمني كله هتعرفيه ف وقته

منار بصوت منخفض:محمد فاااهم حاجه

محمد بتبلد:فيلم هندي .. هندي فشخ 

نور:بس

يوسف:خلاص يانور الموضوع منتهي وانت يامروان يلا قول لنور اسف

مروان بتاافف:سوووووووووووري

نور:اصرفها من اي بنك كلمه سوووري دي 

مروان وهو يجز ع سنانه:من بنك مصر ياخفه

فهمي:خلالاص ياانور حصل خير ..  ويلا عاوز ادوق اكلك ولا اي

نور وهي تنظر الي مروان نظره انتصار:حاضر ياعمو

محمد جري واخد الشنطه : هيييييييح يحيا العدل 


مروان ف سره:وشرفي لاوريكي ايام سوده منقطه بسواد .. طلعتيلي منين انتي

منيره بصدمه:حد يفهمني في اي

يوسف:هفهمك كل حاجه يامنيره بس مش وقته

منيره باستسلام:ماشي يايوسف

نور:عموو فهمي ماقولتليش حضرتك تعرف ماما من فين

فهمي:هتفهمي كل حاجه في وقتها ويلا طلع شنطة نور  دي  يا محمد فوق ومش عاوز جنان ولا لعب عيال ..

فهمي وهو ينظر لمروان بحده :واتاكدي انك هنا صاحبه بيت هاااا مافيش قوه ع وجه الارض تقدر تهينك او تخرجك منه فاهم يامروان ..

مروان:انا طالع ارتاح من السفر بعد اذنكم

منيره:اطلعي يامنار ساعدي اخوكي

منار: حاضر ياماما

منيره:تعالي يانور نحضر الغدا يلا

نور:حاضر ياطنط

محمد وهو بيرفع الشنطه :اي الناس دي اقطع دراعي لو كنت فاهم حاجه يلا انا مااالي







البارت السادس


عندما يكون خرق السفينة …هو قمة المعروف

وقتل الغلام …هو قمة الرحمة

وحبس كنز اليتيمين …هو قمة الوفاء

فاصبر ع مالم تحط به خبرا.


                                   □□□


نبدا بمروان وهو في غرفته .. يشطاظ غضباا .. وياخذ انفااس بحده وضيقه .. ويضرب كف ع كف ف حين .. وف الاخر يضرب الحائط بكفه بكل قوته 


"معلش يامارو نور طيبه والله .. اكيد هي عملت كده علشان انت عصبتها.. اهدي كده وكل حاجه هتبقي تمام " 


قالت منار جملتها محاولة تهديته 


مروان حدق النظر اليها بغضب :دي متخلفه عقليا اصلا 

ثم اشار بكفيه بعصبيه 

"دي واحده مخها متركب شمال .. ولا اقولك دي معندهااش مخ اصلا "


منار وهي بتحاول تكتم الضحك ع طريقه مروان :بس اي سبب الخناقه .. اكيد انت طولت لسانك عليها

مروان حدق النظر اليها .. ثم ابتسم : الصراحه اه .. شويه يعني 

منار دخلت ف غيبوبة ضحك وهي تضرب كف ع الاخر :هههههههههههههه مش بقول انا .. اخويا وعارفاك قولتلها اي

مروان قعد ع الاريكه جمبها وغمز لمنار : عاكستها .. ممممممم وبس 

منار اتصدمت ووضعت ايدها ع فمها :هاااااارك اسود ومنيل .. دانت تحمد ربنا انها ماعطتكش العلقه المستديمه اللي ترقدك باقي عمرك ف السرير


مروان قطب حاجبيه مستفهما : هتعمل اي يعني!! ولا تقدر دي حته خدامه

منار درات بجسمها مواجهه له واشارت بسبابتها :مروان لا ماسمحلكش دي مهما كان صحبتي المقربه .. وبعدين متنساش دي شريكتك ي هندزه 


مروان مط شفته :قولي كده طول عمرك بتعرفي اشكال بيئه .. شريكه مين ياهبله .. وانتي فكرك هوافق ع العك دا 

مروان مسكت ذراعه مستفهمه :مالك !! انت مش اخويا اللي اعرفه الغربه غيرتك ازاي كده ؟؟ وبعدين نور دي من عيله غنيه جدا بس الظروف هي اللي جابتها هنا 


مروان قام م جمبها ووقف قصاد المراه :يلااا سيبك انتي .. 


ثم نظر متوعدا ف المرآه

" مابقاش انا مروان اما طفشتك ووريتك النجوم في عز الطهر يانور الــــ"

منار شعرت بالضيق :بتقول حاجه يامروان

مروان بيحاول يغير الموضوع :اه هتفضلي لازقه هنا كتير .. عاوز اغير هدومي

منار مداعبةة : وكمان بقيتي تتكسفي يابيضه

مروان مسك المشاطه ورفع ايده كتهديد لها 

"بت انتي اتعلمتي الغلاسه والبرود ده من فين!! اكيد من صحبتك ظلام اللي تحت دي"

منار قامت قربت منه وبخبث : اسمها نور ع فكره .. وبعدين اي الحوار هي عاجباك 😉وخلاص راحت ع الست نادين🙄

مروان دفعها برفق من امامه وضحك بصوت مسموع :هههههههههه عبيطه اووي انتي .. دي لو كانت اخر واحده في الدنيا مستحيل اتجوزها وبعدين نادين هي اللي في القلب وبس 

منار بغمزز :امممممممممممممممممم ياسيدي يااسيدي .. اوعدنا يارب

مروان ضربها برفق ع راسها :اتلمي يابت

منار :وانا قولت حاجه ياعم .. سكتنا اهوو 

مروان وهو بيزوقها ناحية الباب :وانتي تقدري تقول حاجه .. ويلا عاوز اغير خليني اروح اشوف البنت ناادين دي ..  وحشاااااني اووووي اووووي

منار نظرتله بغمز .. ووضعتها سبابتها وابهامها ع فمها تصطنع وضعية التفكيرر 🤔

"ياضنايا يابني حلاوتك وانت عايش في دور السهوكه ده بركاتك ياست نادين"

مروان نظرلها بحده :انتي لسه هناا !!.. طيب امشي بدل ماانفخك 

منار بتجري ع الباب بضحك :وع اي .. ماشيه اهو ياعم ..دا  الطيب احسن 

مروان ممازحا وهو بيقفل الباب وراها مكملا للاغنيه 

"وبلاش نعاند بعضنا "

منار بضحك 

"طب والله صوتك حلو .. بس انا احلي بردو 🤑"

مروان ضحك : هتجننيني 


                                ■■■


نروح المطبخ عند نور ومنيره

منيره بارتباك وهي بتفرك ف ايديها :انتي مامتك اسمها فريده يانور؟ 

نور بتغسل الخضار :ايوه ياطنط .. بس غريبه ازاي عمو فهمي عرف اسم ماما .. انا مابقتش فااهمه اي حاجه 

منيره بتنهيده واستندت ب خدها ع كفها 

"عايشين في ساقيه بتلف بينا من غير مانحس  ... ومهما نقول الزمن هينسي .. بنرجع لنقطه البدايه "

نور تركت ما ف يدها وقربت منها

"تقصدي اي ياطنط بكلامك ده ..  انا مش فاهمه حاجه .. وف الف سؤال جوايا "

منيره بنفاذ صبر :ماتاخديش في بالك هاتي الطبق ده من وراكي

نور قامت واحضرت الطبق :حاااضر .. بس قوليلي ياطنط هو ابنك مروان ..  مش اسمو مروان بردو؟!

منيره باهتمام :اه ياحبيبتي ماله

نور :كان فين كل الفتره دي ؟

منيره بحزن واسف وكانها بتتذكر كل اللي حصل :كان مسافر شغل يابنتي ربنا يسامح عمك يوسف بقا

نور باستفهااام :عمو يوسف !!مالو ده حتي باين عليه طيب اووي وبيحبكم اووي

منيره اغرورقت عينيها :ايوه .. بس لما يعوز حاجه لازم ينفذها حتي لو كانت ع سعاده اولاده واللي حواليه 

نور اغرورقت عنيها هي كمان .. وبتنهيده :ياااه .. ! تعرفي ياطنط بيفكرني ببابا بالظبط

منيره:هنعمل ايه يابنتي لازم نستحمل علشان نقدر نعيش .. تعرفيش ربنا مخبي ايه 

نور قربت منها وربتت ع كتفها 

"طنط انتي جواكي حزن كبير اوووي مالي عيونك .. تعرفي بتفكريني بماما .. لما كنت بتكلم معاها بحس نفسها تقولي كلام كتير بس مش قادره ودموعها دايما محبوسه جواها .. زي مانا شايفه دا بالظبط ف عيونك " 

منيره ربتت بكفها ع كف نور :لازم الدنيا تيجي علينا وتجرحنا .. علشان نعيش طول الوقت متعذبين ونفسنا نحكي اللي جوانا لحد بس للاسف بنلجأ للسكوت لانه محدش هيحس بينا ولا يفهمنا


نور بعطف :ياااااه ياطنط .. انتي بتعيطي؟؟!! للدرجه دي مضايقه

منيره بتحاول تخبي عيونها :ماتخديش في بالك يابنتي ..  دي دموع الفرحه علشان مروان رجع 

نور بتحاول تصدقها :ربنا يخلهولك يارب 

منيره:يارب ياحبيبتي يلا زمانهم ماتو من الجوع 

نور:ماشي انا هحضر السفره بره

منيره:ماشي ياحبيبتي


                                   ■■■


ف غرفه المعيشه .. نور ومنيره جهزو الاكل .. ووضعوه فوق الطاوله وجلسو جميعاا ماعدا نور 

"تامروني باي حاجه تانيه " 

قالت نور جملتها وهي تهم بالمغادرة 


فهمي:تعالي يابنتي يلا اقعدي جمبي

نور استغربت :لا ميصحش ياعمو ... حضرتك  انا شبعانه وهاكل جوه لما اجوع 

يوسف بحده :لما عمك فهمي يقول حاجه يانور تنفذيها فاهمه ..

نور ارتبكت :انا اسفه مش قصدي .. بس

فهمي : ما بسش يلا ولا عاوزاني ازعل منك تعالي اقعدي جمبي هنا

مروان نظرلها بغضب :كح كح كح كح كح كح كح كح كح

نور وهي تنظر له بغيظ وتحدي وتسحب الكرسي :حاضر ياعمو

مروان رمي الشوكه والسكينه م ايدو :طيب انا شبعت .. بعد اذنكم

منيره باستغراب :انت لحقت تقعد يابني!

مروان حدق النظر لنور التي لم تعطيه اي اهتمام :معلش ياماما .. مااحنا بقينا فاتحين السفره مائده رحمن .. للي يسوي ومايسواش

منيره:علشان خاطري يابني اقعد .. وحشتني قعدتك معانا .. عشان خاطري

مروان وهو ينظر لنور بحده وباستسلام :حاااضر

نور بعدم اهميه:تتفضل فراخ ياعمو دي عمايل ايديا دوقها وقولي رايك

فهمي ابتسم :ياسيدي ياسيدي كل الدلع ده ليا فين سعاد تشوف كل ده

نور بصدمه:سعاد !!!!مين دي؟ 

يوسف بينقذ الموقف :يقصد يسرا مراته ..  انتي اللي سمعتي غلط

فهمي :اه زي ماقالك عمك يوسف كده بالظبط

نور وهي مش مصدقه:اها اوك اتفضل ياعمو

فهمي ابتسم ووجه نظرله ليوسف الذي واجهه بنظر عتاب ولوم 


محمد:الله الله ياست نور ولا كاني ليا لازمه في القعده مطنشاني ومهتميه بعمو وبابا .. ايوه ي عم من لقي احبابه 

يوسف بضحك:بس ياولد

محمد ممازحا :عاجبك كده ياحجه منيره .. عمايل جوزك واخوه هياخدو المزه مني

منيره ابتسمت غصب عنها : يحظك يامحمد ضحكتني وانا مليش نفس

نور قطب حاجبيها :مزه مين ياض انت .. ماتالم .. وبطل الالفاظ دي انت عارف بتعصبني 

مروان مداعبا ايهل :لازم تكشف نظر يامحمد علشان ذوقك بقاااا في النازل اوووي ومش بتشوف كويس

نور موقفه السكينه ع مقدمتها وبحده :افندم!!

مروان برخامه :مش بكلمك ع فكره

محمد بيلطف الجو :اخص عليك يامروان .. بذمتك حد قدامه القمر ده ومايكتبش فيها شعر ..  بالك انت لو عنتره بن شداد شافها لكان ظرفها قصيده من الاخر .. ولا اقولك كان ظرفها ديوان بحاله

نور نظرت لمروان باشمئزاز:تقول اي يامحمد .. ناس معندهاش نظر بعيد عنك

يوسف بحده :مالكم ياولاد انتو سخنتو ليه كده .. كلووو

مروان ونور وجهو نظرهم لبعض بتحدي وسكتو وكل واحد رجع يركز ف طبقه 

مروان:الله ياامي تسلم ايديكي ع الاكل ده يااااه متتصوريش انا اتوحشت اكلك اد اي

منيره:ياحبيبي يابني بالهنا والشفي بس الصراحه مش انا اللي عاملاه

مروان منازحا :اوعي تقولي البنت منار لا دانا ممكن اموت فيها

منار بغيظ :ليه يااخويا بقاا ان شاء الله دانا بعرف اعمل بيض امليت من الاخر .. استنو عليا بس هبهركم 

مروان:ياااسلااااام يااختي ..  يافرحتك .. دانتي اللي هياخدك امه داعيه عليه

منار بغلاسه :مالكش دعوه هيجيبلي شيف

مروان ممازحا : ده عند ام ربيع اللي بتشتري وتبيع

منار:هيهيههيهيههيهيهييي خفه

مروان :بجد مين عامل الاكل

نور بفخر وتحدي :انا اللي عامله الاكل ....طب كويس انه عجبك .. 

مروان كان يرتشف م كاس العصير:كح كح كح كح كح كح كح كح كح كح كح

منيره بلهفه:ياضنايا يابني

نور:اديله يشرب ميه ياطنط يبلع .. شكل الاكل من جماله وقف ف زوره 

مروان بغيظ وتوعد:حسابك تقل اوووي يااهانم بس صبرا جميل ع الحلووو

يوسف:مروان انت ونور من النجمه تكونو في المصنع فااهمين

مروان ونور حدقو النظر لبعض .. ثم اتسعت عينيهم ليوسف .. بصدمه:ااااااااااااااااااااااااااااايه

مروان بسخريه : هاها .. ! ده الموضوع بجد بقااااا

فهمي بحده :اومال بنهزر معاك ياولد

منيره بتوسل :مش تسيبه يرتااح يايوسف شويه

يوسف بحده :مافيش راحه يامنيره ..  الشغل كتير.. وانا كبرت ومش زي الاول 

مروان بجديه :بس اسف يابابا عندي شغل ..  ولازم اسافر كمان شهر

يوسف:ماانت مش هتسافر تاني انا ظبطت كل حاجه خلاص

مروان بدهشه :هو ايه الل ظبط كل حاجه .. اومال كل حاجه دي متظبطتش قبل مااسافر واقضي ٤ سنين ف الغربه لييييه .. سوري يعني دا مش اسلوب شغل 

يوسف بعصبيه : انت ي ولد 


فهمي مقاطعاا :لكن زي ماقال ابوك من النجمه تكون في المصنع .. وانتي يانور الصبح هيكون عندك عربيه بالسواق هياخدك ويجيبك تمام

نور بابتسامه انتصار وتحدي :تماااام

مروان بغيظ متوعدا :شكلي مش هعرف اخلص منك لعبتيها صح يااابت الـــ

بس وحياتك ياانا ياانتي 

نور بتوعدا :ايوه بقاااا .. اللعب هيبقاا ع المكشوف بعد كده..  هنشوف ياانا ياانت يابن المنصوري .. وهتشوف الخدامه اللي مستقل منها سعادتك هتعمل ايه 


                                    ■■■


ف بيت نادين وهو جالسه امام التلفاز  .. اذن بسماع جرس الباب

"ايووووة مين علي الباب"


لكن دون اي رد .. ع العكس صوت رنين الجرس بيزيد بشكل مزعج


نااادين بضجر :مييييييييييين ؟ طيب براحه جايه اهووو

ناادين بصدمه:مرووووان مش معقول

مروان مستندا ع الباب : حبيبتي وحشتيني اوووي اوووي ...  اي الجمال ده كله يابنت انتي احلويتي ازاي كده

نادين بصدمه بتتحسسه باناملها :انت بجد صح!! طيب جيت امتي؟؟ طيب ليه مش قولتلي انك جاي

مروان قبل اناملها بحب :مالك يابنت انتي.. هتسيبيني كده واقف ع الباب

نااادين بارتباك :يوووووووه ..  مش قصدي بس متلخبطه شويه.. مش عارفه مالي تعالي اتفضل اتفضل

مروان بهمس في اذانها:ع فكره وحشتيني اووي وكنت بعد الساعات والايام علشان اجي واشوفك يامراتي ياام ولادي

ناادين بصدمه:صح صح يامروان هنتجوز امتي طيب ؟

مروان:قريب اوي ياقلبي هظبط شويه امور كده وبعدها كل حاجه هتبقي تمام

نادين اترمت ف حضنه ورجليها اترفعت م ع الارض :ياااه ي مروان لو تعرف اد اي نفسي يتقفل علينا باب واحد وتبقي جوزي قدام ربنا والعالم كله

مروان حضنها بحب :الله الله الله ع الكلام اللي يفتح النفس ده بقااا

نادين وهي تضربه بلطف:بس بقااا

مروان:بحبك بقا وبموت فيكي بقا .. واي بقا هتفضله متشعلقه كده كتير

نادين نزلت بسرعه :ااااااخ ماما جووه بقا

مروان ابتسم : مجنونه .. بالحق يلا نسلم علي حماتي حقاا هي وحشاني مووت موت 

نادين باعجاب :لسه زي ماانت 

مروان برهامه :عسل صح!!

نادين بهزار:لا رخم

مروان:انتي قدها الكلمه دي

نادين بتهرب منه :يااااماما ياماما مروان جيه 

مروان:اهربي اهربي لكن هتروحي مني فين ي قطه

نادين وهي تجري:بعينك

مروان يركض خلفها :خدي يابنت انتي هنا 

وفجاه اتوقف 

"هاااا حماااتي ازيك وحشاني ي ست الكل "

ام نادين بصوت كله تعب :مروان يابني حمد لله ع سلامتك .. وانت كمان واحشني اوووي عامل اي

مروان:بخير مادام انتي بخير وع فكره بقاا ليكي عندي خبر هيبسطك اوي

ام نادين:خير يابني 

مروان:انا كلمتلك اكبر دكتور في امريكا وطمني خالص وقالي انه هيعملك العمليه وهتخفي ونسبه نجاحها كبيره جدا وهترجعيلنا احسن من الاول كمان

نادين بفرح:بجد يامروان ربنا يخليك ليا ي رب ومايحرمنيش منك ابدا

مروان:ولا منك ياحبيبتي

ام نادين:احم احم ماتحترموا وجودي ياولد انت وهي .. وانتي ياست نادين يلا روحي حضري الاكل مروان لازم يتغدي معانا النهارده

نادين بخجل:حاضر ياماما

مروان بغمز:اه صح اسمعي كلام ماما يانادين .. وتعالي نحضر الاكل سوا ماهو لازم مروان .. احم احم  اللي هو انا يعني  اتغذي طبعا ولا اي!


نادين بهمس:مروان بس بقاا ماما موجوده

ام نادين:ياسلااااااااااااااام اقعد ياولد وانتي ياانادين سيبك منه ورحي جهزي الاكل وانا هحكي مع مروان شويه

مروان بهزار:طيب خلاص يانودي روحي انتي اصلو مليش مزاج  حماتي وحشاني  اووي وعاوز احكي معاها شويه

نادين وهي بتكتم صوت الضحك ع طريقته: بقاا كده اطلع منها انا يعني

ام نادين:بطلي لوكلوك يابنت ورحي يلا

نادين :حاضر يامامي مش هتاخر 

مروان وهو يهمس في اذنها:لا ياختي خدي راحتك هحاول افلت من امك واجيلك جوه حقاا في شويه حاجات كده ومناظرات لازم نخلصها

نادين ضحكت  بصوت مكتوم

مروان نكزها  :ماتبس بقااا هتفضحينا 

ام نادين:انتو بتتوشوشو في اي

مروان:لا ياطنط ماتاخديش في بالك بقولها بس ماتكترش ملح علشان قلبي ااااااااااايد ومولع ناااااار

ام نادين:نعم !!!!!!!!!!!!!!!!

مروان:لالا متركزيش ده موضوع كده ما يلا يا بنت ولا هموت من الجوع هنا

نادين:الله مش انت اللي وقفتني .. راحه اهووو

مروان:طيب ياختي اوعي تنسي كلامنا

نادين بتريقه : احلم احلم

مروان بتحدي : هنشوف

هاااااا بقاا ي ست الكل عاوزه تتكلمي في اي

ام نادين:شوف يابني ربنا يعلم انا بحبك اد اي وبصراحه كده محدش ضامن عمره

مروان:بعيد الشر عنك ليه بتقولي كده

ام نادين:استنا ي بني اخلص الكلمتين قبل ما نادين تيجي

مروان باسف :اسف .. هااا بقاا كملي

ام نادين:تعرف انا اغلي حاجه في حياتي كلها نادين وعيشت عمري كله علشان اربيها واعوضها ع فراق ابوها اللي ما شافتش منه غير ظلم وقسوه وعنف .. وانا حاسه انه نهايتي قربت اوي يامروان .. وبصراحه مش هلاقي حد انسب منك يحمي نادين بعدي غيرك نادين بتحبك يامروان .. اوعي تتخلي عنها يامروان او تكسر قلبها انا عمري ماشوفت بنتي سعيده غير معاك وعلشان خاطري حافظ عليها .. واتجوزها وسافروا وابعدها خالص عن ابوها وظلمه نادين انت بالنسبه ليها الهوا اللي بتتنفسه فحرام تقضي علي حياتها بعد الحب اللي حبتهولك .. وانا عارفاك راجل و قد المسئوليه علشان كده اقدر اروح عند اللي خلقني وانا مطمنه عليها

مروان بعرفام :متقوليش كده ياطنط ان شاء الله انا لنادين ونادين ليا .. وكل كلامك هيحصل بس انتي هتكوني معانا ووسطينا وانتي بنفسك اللي هتربي ولادها وولاد ولادها

ام نادين:يااااااااااه يامروان حلم جميل نفسي اعيشه حتي لو يوم واحد بس للاسف العمر مابقاش فيه بقيه

مروان مداعبا :ليه التشاؤم ده حضرتك ست مؤمنه وربنا قادر علي كل شئ خلي ايمانك بالله كبير

ناادين:بخ   ..   بقااااااا كل ده كلام كنتو بتحكو في اي بقااا

مروان:وانتي مالك ياحشاريه افندم انتي واحد وحماته ايش دخلك

نادين:شايفه ي ماما عاجبك كلام الولد ده

ام نادين:ههههههههههه صراحه معاه حق

ناادين:بقاااا كده اطلع منها انا يعني

مروان بتريقه :منظرك بقا وحش اوووعي معلشي تعيشي وتاخدي غيرها

نادين:بس ياض وبعدين يلا بقا امشي من هنا ما لكش عندنا اكل

مروان بتحدي :امممممممممممممم بقا كده طيب تحبي اقول لامك عملتي اي وقولتي اي ع الباب

نادين بخضه:هشششششششششش تموت ف الفضايح يلا ياماما الغدا جاهز الواد ده ناوي ع خربان بيوت هنا

مروان ممازحا :اهووو ناس ماتجيش غيررر بالعين الفحلقي

نادين بتنهديه :حييييييييييح .. حكم

ام نادين:باااااااااااااااااااااااس قط وفار مش بتشبعو خناق يلا ناكل يلا دانتو تجننوا

مروان ممازحا : كله من بنتك ياحماتي هي اللي بتعصبني

نادين:يااااسلاااام وحضرتك الملاك الطاهر البريئ.. يقطعنيشي اد اي وحشه انا

مروان:بس ابت متشتميش ع نفسك انا بس اللي اشتم

نادين:ههههههههههههههههههههه لا اصيل ياصلاح 

مروان بثقه :اووومال عندك شك

نادين:تؤتؤتؤتؤتؤتؤتؤتؤ

مروان بغزل:يؤبر قلبي انا ما احلي تؤتؤتؤتؤتؤتؤ

ام نادين: تصدقو انتو شويه عيال عاوزين الضرب

مروان ونادين:هههههههههههههههههههههههه الصراحه ااااه

ام نادين :ربنا مايحرمكم من بعض ويجمعكم علي خير قريب يااارب

نادين ومروان:حييييييييييييييييييح بقااااااااا ياااااااااااااااااااااااااااااااااااااااااااااااااااااااااااااااااااااااااااااارب

ناااادين بصوت عالي :الاكل برد يالهووووووي

مروان:خلاص يلا سكتت اهووو  يلااااااااااااااااا


                                       ■■■ 


ونسيبهم يروح ياكلو بقاا ونروح نشوف منار كانت عاوزه نور في اي

نور تجلس مواجهه لها :ها ياستي شو بدك

منار :لا ياختي مش وقت دلع فوقيلي كده وشوفي هقولك اي

نور بقلق :بت متقلقنيش قولي وخلصي

منار :حازم

نور بتعجب:حازم مين

منار:حازم ابن عمك وووووخـ

نور:متكمليش ده عمره ماكان ولا هيكون خطيبي

منار:ما علينا المهم جيه سأل عليكي في الكليه النهارده

نور بخضه:ااااايه اااااااايه 

منار:اهدي اهدي هنا مستحيل هيقدر يوصلك

نور:احسن يكون بابا جري ليه حاجه اوووف يااربي ياريتني ماسمعت كلامك ياماما وهربت والعمل دلوقتي ياربي 

منار بنفاذ صبر :اووووف منك اهدي بقاااا

نور:هديت اهوو ياختي هااا قولي اللي عندك

منار:سيبك من موضوع حازم ده نهائي لانه اكيد هيزهق من التدوير عليكي وهيرجع البلد قوليلي بقا انتي تعرفي حد اسمه يحيي

نور:يحيي !ااه اه ده دكتور عندنا في الجامعه

منار باستفهام :وبس

نور:تقصدي اي

منار:يعني متعرفيش انه بيحبك

نور:مين قالك

منار:هو بنفسه المهم الكلام ده صح

نور:ايوه صح واعترفلي بكده بس انا رفضت كلامه لان في حد غيري يستاهل الحب ده

منار:مين 

نور:معلش لما يجي وقتها هقولك

منار:براحتك يانور خليكي فاكره بقيتي تخبي حاجات كتير اووي الايام دي

نور:يوووووووه يامنار مش وقت زعل خالص دلوقتي انا مش عارفه اعمل اي في المصايب اللي عماله تنزل فوق دماغي دي بس يااربي

منار:مالك بس

نور:يعني انتي مش شايفه موضوع عمك فهمي ده والمصنع وهو اصلا يعرفني منين علشان يأمني ع كل الفلوس دي .. وكمان اخوكي مروان اللي مش ضايقني وشكلو كده ناويلي ع نيه سوده .. وحازم وانه بيدور عليا وماما وبابا ياتري عاملين اي دلوقتي وهفضل لحدت امتي هربانه كده اوووووف يااااربى حلها من عندك بقاا انا تعبت اووي اووي يامنار

منار وهي تحضنها :معلش ياحبيبتي كله هيعدي ومحدش عارف الخير فين وربنا اكيد عاوز كده وانتي مؤمنه يانور وانا ماتعودتش اشوفك بالضعف ده

نور انفجرت ف العياط :غصب عني والله يامنار انا بشر برضو وليا طاقه تحمل

واثناء حديثهم يقطعهم صوت مروان وهو يفتح الباب ويدخل بدون اي كلام وكاد ان يصعد السلم حتي ان اوقفه صوت منااار 


"احم احم اعمنا نحن هنا مافيش كلام ولا سلام كده" 

مروان بهدوء:اهلا يامنار

منار بتريقه وتحاول تقلد صوته:اهلا يامنار لا ياواد اضحك عليا

مروان:اووووووف بصي انا راجع من بره رااايق وزي الفل مش عاوز عكننه بالذات انه في ناس هنا مش ضايق اشوفها

منار استغربت :انت اي اللي بتقوله ده يامروان انت الغربه خلتك قاسي ازاي كده ومش بتقدر مشاعر الناس

مروان زفر بصوت مسموع:لا الظاهر انه انتي اللي بقيتي لسانك طويل شويه ونسيتي انك بتتتكلمي مع اخوكي الكبير ... بس هنعمل اي بقااا ما دي نتيجه رفاق السوء والخدم

منار والدموع فاضت من عينها:انت بتقولي انا كده يامروان 

ونور مازالت تراقب الموقف بصمت وخوف وياتري اي اللي هيحصل بسببها وعماله تتدعي ربنا بقا وتقول عديها ع خير يارب

منار بعيتط :وع فكره بقاا لو قصدك نور دي احسن صديقه انا عرفتها بحياتي الدور والباقي عليك يااخويا يامحترم

مروان بعنف وهو يقترب منها:مناااااااااااار متخرجنيش عن شعوري احسنلك

نور قامت بسسرعه واقتربت من منار:خلاص يامنار خلاص علشان خاطري

مروان مشيرا بسبابته :انتي تخرسي خالص مش كفايه انه كل ده بسببك

نور بحزم وهي تحاول تقوي نفسها وتقول انها عمرها ماكانت ضعيفه قدام حد:لا بقاا لحدت هنا وكفاايه اوي يابيشمهندس الظاهر .. انه الغربه عملتك ازاي ماتقدرش مشاعر الاخرين ولا تحترمهم .. بس هنقولي اي بقاا ماهو العيب لو خرج من اهل العيب مايبقاش عيب


مروان بعصبيه :انتي نسيتي نفسك يابنت انتي .. والله انا قولتهالك قبل كده لو مكانوش اهلك عرفوا يربوكي انا اللي هربيكي .. ده لو كان ليكي اهل اصلا

وفجأه يقطعهم صووووت يوسف من الخلف :اي اللي بيحصل هنا هو صوتكم ليه عالي كده في اي


منار بتنهيده وعياط :تعالي يابابا شوف الاستاذ اخويا الموقر بيقـــــ

وفجاة تقطعها نور لالا ياعمو مافيش حاجه كنا بنتكلم في موضوع كده وصوتنا علي شوية

منار بصوت باكي: لا يانور لازم بابا يعرف كل حاجه ويعرف انه مروان اتغير اوي حتي مع اخته

نور بتحاول تسكتها:هششششششششششششششششش .. يابنت انتي عاوزه تولعيها حريقه انتي

يوسف:اي يامنار ياحبيبتي صوتك واطي ليه .. يااخبر انتي بتعيطي مالك ياحبيبتي؟ 

نور بتهدي الموقف :لالالا ياعمو زي ما قولت لحضرتك مافيش حاجه الظاهر عينها اتطرفت او حاجه مش كده يامنار

منار بتحاول تخفي دموعها :اه يابابا زي ما بتقول نور لحضرتك

مروان بتأفف :بعد اذنكم طالع استريح

يوسف:استني يامروان

مروان بضيق: خير ياابابا

يوسف:بكره الساعه 8 بالدقيقه تكون انت ونور في المصنع يلا بقااا ياابطال عاوزكم ترفعوا راسي قدام عمكم فهمي

مروان:اوووف يابابا ولازمتها اي حد يشاركني في شغلي ماحضرتك عارف اني قد المسئوله .. واقدر اقوم ميه مصنع لوحدي .. من رايي خلي البنات في البيت كفايه عليهم شغل البيت

يوسف بحده:انا وعمك اخدنا القرار خلاص ومافيش في رجعه مش عاوزين لعب عيال وياريت تخلي العلاقه بينك وبين نور الطف من كده علشان انتو لسه هيكون في بينكم شغل كتير


مروان بغيظ وبدا الدم يجري في عروقه واحمرة عنيه من الغضب وهو ينظر الي نور :نععععععععععععععععععععععععععم شغل مع دي ليه ان شاء الله

نور بشماته وبتحاول تظهر انها اقوي منه بكتير:ومااالها دي بقااا يابيشمهندس عموما ياعمو .. حاضر تأمر من النجمه هنكون في المصنع

يوسف بفرحه:ايوه كده هي دي نور اللي عمرها ماهتخيب نظرتي فيها

نوربابتسامة انتصار:ربنا يخليك ياعمو

يوسف:خلاص يلا روحوا ناموا بكره عندكم شغل كتييير تصبحوا ع خير

كلهم بقا:وحضرتك من اهله


ذهب يوسف واشتعلت نظرات الغضب والحقد والتحدي بين الثلاثه


مروان بتحدي :خليكي فااكره انتي اللي بداتي

نور:انا فاااكره كويس ياريت انت اللي متنساش كللم عمو يوسف وتلطف العلاقه ما بينا 

مروان وهي يلقي نظراته الاخيره عليهما التي يملأها لهيب التنافس والتحدي :هنشوف ياااااااااا

نور:اسمي نور هاااا نور وخليك فااكر الاسم ده كويس

منار بدموع:خلاص بقاااا كفايه كفايه خناق في خناق انا تعبت وزهقت


مروان  وهو مصدوم من انه ازاي تعامل مع منار بالقسوه دي والعنف ده واي كميه الحقد اللي ماليه كيانه دي وليه الكره ده لنور اسئله كتير اوووي خطرت علي باله وكان الجواب الوحيد انه ينصرف بسكات وبدون اي كلام

نور:خلاص يامنار علشان خاطري اهدي كله هيتصلح ويبقي تمام يلا نطلع فوق ننام

منار:لا روحي انتي انا رايحه اتمشي شويه ف الجنينه

نور:خلاص ع راحتك ياقلبي بس ماتقعديش كتير بره الجو برد وممكن تتعبي

منار:اوك بعد اذنك


ذهبت منار تتمشي شويه في الجنينه وصعدت نور الي حجرتها والقت بجسدها علي السرير وهي بتفكر في حاجات كتير اوي وبعد تفكير طوووويل مااقاالتش غير جمله واحده

""حسبي الله ونعم الوكيل فيك ياحازم"""

انت السبب في كل اللي بيحصلي ده ربنا ينتقم منك

ونهضت واغلقت انوار الغرفه وقررت تنام لان عندها يوم طويل بكره وياعالم هيكون عامل ازاي ذهبت الي فراشها والتفت بلحافها واغمضت عينها 

نسيبها بقااا ونروح عند مروان شويه

مروان من اول ما وصل الغرفه وهو واقف امام المرآه ويحدث نفسه 

"عااجبك كده مبسوط .. وانت مزعل الناس كلها منك ..

ويرد صوت بداخله ايوه انا صح وهفضل طول عمري صح هما  مش مقدرين احساسي ولا مشاعري وكاني انسان آلي بيحركوني زي ماهما عاوزين ..

ويرد ايضا صوت بداخله ياخساره حاجات كتير اتغيرت فيك انت مين فين مروان بتاع زمان مروان اللي بيحترم ويقدر كل الناس ..

عقله:خلاص مروان بتاع زمان ماات مااات وانت تخرس خالص مفيش حد مقدرني علشان اقدره محدش يستاهل الحب والاحترام ده

ضميره:غلطان يبقي كميه الحقد والسواد عمووا عيونك علشان كده شايف كل حاجه سوده

عقله:ايوه انا كده ومش هتغير عن كده انا بكده قوي قوي 

ضميره:لما تفرد عضلاتك وتعلي صوتك علي اختك وبنت لسه شايفها الصبح تبقي بكده قوي بالعكس كده تبقي ضعيف ضعيف ضعيف

ولم يستطيع مروان ع السيطره علي حاله حاول بكل الطرق يسد ودانه لكي لا يسمع الصوت الذي ينبع من داخله ويصرخ بشده ويأوه بالالم وعذاب القلب والضمير وشعر ان الغرفه كلها تدور بيه حتي القي بجسده علي الفراش وراح في النوم"


اماا منار بقاا انهارت في الجنينه من العياط ومش مصدقه نفسها انه ده مروان اخوها وابوها وحبيبها وكل حاجه ليها في الدنيا سندها والمنبع الذي تستمد منه القوه بقا هو مصدر ضعفها حتي ان ارهقها كثرة التفكيره وراحت في سبات عمييق


نرجع تاني لنور وهي شغاله تتقلب يمين شمال مش عارفه تنام خالص  .. وضعت كفها ع وجهها محظثه نفسها 


" اوووووف وبعدين يعني ليييييه ليييييه كل مااغمض عيوني صورته تظهرلي قدام عيني ليه بس معقوله اكوووون..........

لالالالالا اعوذ بالله من الشيطان الرجيم

نووور نوووور فوقي لنفسك ده بني ادم غبي ومتخلف ومش ضايقك ده لو وصلت انه يقتلك هيعملها

لالالا بس هو باين عليه طيب وبيحاول يداري الطيب دي في العنف والخناق

انتي غبيه ع فكره ازاي تفكري في واحد لسه عارفاه الصبح ومن ساعة مااتقابلتو وانتوووو خناق في خناااق

ياااربي بقي طيب انا والله مش بفكر فيه بس صورته كلامه خناقه ونظراته مش مفارقيني حاسه انهم زي الوباء اللي انتشر في جسمي بدون استاذن

هاااااا وبعدين بقاا  ..

مش عارفه طيب اي الحل

لالالا انتي اتجننتي رسمي بدل ما تفكري هتعملي اي معاه بكره في الشغل بتفكري في حاجات هبله فوقي لنفسك انتي جيتي بوظتي حياة الناس دي ولازم تصلحيها باي شكل من الاشكال ولازم في اقرب وقت تمشي ..

طيب طيب ماااشي بس برضو هو انا ليه مش قادره اشيل صورته من دماغي ..

علشان انتي عبيطه وعايشه في وهم ونامي يلا بلاش جنان" 


وهكذا كان الحوار ونور محتاره وبتكلم نفسها حتي انه ادركها النعاس ونامت من كتير التفكير


وكلاهما من ابطالنا ناموا وحاجه شاغله بالهم وتفكيرهم ودموعهم ملأت قلوبهم قبل عنيهم

ويبدا صباح يوم جديد السماء الصافيه واصوات العصافير التي تملا الدنيا بغنائها الرائع وتملا الجو سعاده وفرحه ونسمات الصباح التي تملا القلب بالامل والتفاؤل علي ابطالنا 



                       الفصل السابع من هنا

لقراة باقي الفصول اضغط هنا


تعليقات



حجم الخط
+
16
-
تباعد السطور
+
2
-