رواية ولنا لقاء اخر
الفصل الخامس عشروالسادس عشر
بقلم نهال مصطفي
البارت الخامس عشر
فلا عجب عندما يكون مصيرك أن تسلك دربا أصعب مما توقعته ، ثم تتفاجئ بأنك أنت أيضا أقوى مما كنت تعتقد.
نبدا الحلقه بقي من عند مروان وهو واقف قدامه بيته يفصل بينهما بضعه مترات
ويري النيران تعلو وترفع وتاكل كل مايقابلها
مروان وقتها حس بالعجز انه خلاص مش قادر يتحرك مذهول .. لا حول له ولا قوة
لوجي ولوجين صوت عياطهم بيرتفع شويه بشويه ومصدومين
مروان صرخ صرخه وقتها دوي صداها في جميع ارجاء المدينه
وهو يصرخ ويقول "نــــــــــــــــــــــــــــــــــــــــــــــــــــــاااااااااادين"
وماهي الا دقائق معدودة ووصلت الاسعاف والمطافي وسيطرت ع الحريق
ووسط اضطرابات وقلق وتوتر
مروان بعصبيه:يعني اي مش لاقين حد جوا انا مراتي فين
الظابط:للاسف النار كانت قويه جدا اكلت كل اللي قدامها وحتي مش قادرين نتعرف ع جثه مراة حضرتك .. او يمكن مش موجوده اصلا
مروان بصدمه :لالا انتو مجانين ده مش كلام عاقلين بقولكم مراتي جوا اتصرفو .. اوعو انا هدخل ادور عليها
الظابط باسف محاولا الامساك به :سوري يافندم النار مسابتش حاجه في طريقها والمدام اكيد اتوفت وجثتها مع قوة النار تحولت لرماد
مروان بانفعال:طيب ما ممكن تكون خرجت .. اتصرفو ودورو عليها وبعدين اي سبب الحريق دا ..
الظابط:اهدي يافندم محدش دخل ولا خرج من الفيلا ولو كده .. هي فينها دلوقتي !! وسبب الحريق انبوبه بوتجاز انفجرت
مروان مش مصدق نفسه وحاسس انه فيه حاجه هتحصله .. قعد في الارض احتضن بناته وهو لا حول له ولا قوه
لوجي بعيااط:مامي فين ياداد .. مامي فين انا عاوزه مامي اتصرف
لوجين بعياط:مش حضرتك قولتلنا اطلبو اي حاجه وطلبكم مجاب بليز ياداد هاتلينا مامي
مروان ولاول مره دموعه تنتصر علي قوته وجبروته
مروان وهو بيحاول يسترجع قوته:حبايب داد ممكن تهدو شويه مامي راحت مكان حلو اووي وسابتنا .. ويمكن موجوده الله اعلم
لوجي بتنهيده :طيب انا عاوزاها تبقي معانا او نروح عندها كلنا
مروان وهو يحضنها:بعد الشر عنك ياروحي متقوليش كده كلنا هنروحلها بس بعد عمر طويل ان شاء الله
لوجين:انا مقدرش اعيش من غير مامي مين هيلعب معانا تاني داد بليز
مروان بتوسل :بليز انتو اانا مش قادر يلا بينا نمشي من هنا يلا
لوجين بحزن :وهنسيب مامي؟؟
مروان :لوجين بليز قولت مامي خلاص راحت عند ربنا ممكن نرضي بقضاء ربنا وندعيلها
لوجي:ياحبيبتي يامامي .. ياريتنا ماخرجنا ولا سبنااكي . وحستيني اوووي .. خلاص مش هشوفك تاني
مروان اخد بناته وبات الليله دي في فندق وكانت من اصعب اللياليي اللي مر بيها في حياته وسط دموعه ودموع
بناته ونامو كلهم ماعدا مروان بيفكر في تحقيق بكره بسبب قضية ساندي .. وفراق نادين والم وعذاب
بناته وجثتها اللي محدش عارف يوصلها بعد كده
■■■
نسيب مروان ونروح عند مريم وهي بتحاول تزحف بضهرها عشان تمسك الفاظه وكريم مقيد حركتها .. وفجأته بضربه قووويه ع راسه افقدته الوعي
مريم قامت بسرعه بتحاول تلتقط انفااسها
جريت ع الباب فتحتهو وبقيت تمشي ف الشارع وي المجنونه
بعد ماهربت من كريم بعجوبه
وهتموت من الرعب وبتبص وراها خايفه لكريم يلحقها
وفجاه لقيت نفسها في صحراء كلها ضلمه ومافيش مصدر نور .. واحد تمشي خلاله بقيت ماشيه كتير اوووووي زي التايهه
وفين وفين وصلت للطريق السريع وهي ولا حاسه بنفسها وخلاص فقدت كل قوتها فضلت تجري وتعيط
وتلوم نفسها كتير وهي في حاله مايؤوس منها
وفي نفس الوقت الذي تعبر فيه مريم الجسرعلي الطريق تاتي سياره في منتهي السرعه
وصاحبها بيتكلم في التليفون وفجاة طلعت مريم قصاده
واصدرت السياره صوتا غريبا نتيجه وقوفها المفاجئ
لانه تفاجئ ببنت اترمت قدام العربيه
صاحب السياره بقا مرتبك جدا وتوتر ومش عارف يعمل ايه
نزل بسرعه من العربيه وراح ناحيه البنت وجلس ع ركبته ومسكها وبيحاول يرفعها من الارض
السواق بعنف وقلق
"انتي هبله ولا مجنونه يابت انتي ازاي بنت في سنك تكون لوحدها في مكان زي ده"
مريم ببطء وعياط:اسفه والله اسفه مش قصدي
االسواق:اي اسفه دي ان شاء الله كنتي هضيعي مستقبلي وحياتك وتقولي اسفه
مريم بانهيار وشعرها مغطي كل وشها:بس بقااا حرام عليك حرام انا مش ناقصه عذاب ضمير ياريتك موتني وريحتني
السواق بعصبيه :ايوة ياختي موتي انتي وارتاحي واروح انا في ستين داهيه بسبب انه حضرتك عاوزه ترتاحي
بقا انا ع اخر الزمان وكيل نيابه وعلي وش ترقيه ووووووووووووو
وفجااااه سكت
مريم بتوسل
"انا اسفه بجد بليز مش قادره اتكلم وانا والله ماشوفتش حضرتك"
قالت مريم جملتها دي وهي بترفع الشعر مع علي وشها وبتبص في عين السواق
وبتحاول تبعد عنه وتعتدل في جلستها
السواق بانبهار:صلاة النبي احسن هو في كده خروبيت جمال اهلك اي البنات دي
مريم بصوت متقطع:بتقول حاجه حضرتك
السواق بسرعه:بقول حاجه!!!!داانا بقول حاجات ..كنت بقول اسمي ياسين الشرقاوي وكيل نيابه
وعلي وش ترقيه وده كمان مايمنعش اني ع وش جواز قولتي اي
مريم بحده وباستغراب:ااااافندم!!!!!!!!!!!!!!!!!!!!!!!!!
ياسين بارتباك وبسرعه محاولا تلطيف الجو: هااااااا كنت بقولك عاوزه اي مساعده انا اساعدك اوصلك تنعرف ندردش شويه
تقوليلي انتي هنا ليه وكلام البنات ده اللي ما بيخلصش
مريم بنفاذ صبر:ع فكره حضرتك بتبرطم كتير وانا مش فاهمه اي حاجه
ياسين ابتسم
"الصراحه ولا انا .. احسن حاجه انك مش فاهمه حاجه
هو انتي عاجباكي قعدة الارض دي تعالي انا ممكن اوصل حضرتك
بس بشرط اخد الاجره اللي اقول عليها"
مريم بتعجب:اييييييييييييه
ياسين بيقوم م مكانه وبيد ايده يقومها :انتي لسه هتقولي اي وتتصدمي وترفعي في حواجبك هيكون طلع علينا صبح بالحال ده
وهو بيمسك الفون ممازحا وبيمثل انه بيكلم حد ويبص لمريم :ايوة ايوه ياجعفر خلاص انا ممكن اوصلها ببلاش عشان خاطرك
مريم رغم ان الدنيا كانت اد ايه مقفله في وشها ومع ذلك مقدرتش متضحكش
علي تصرفات ياااسين بصتله جاامد اوووي بصه اعجاب كده وابتسمت
ياسين ببرطمه:ماقولنا صلاة النبي احسن ونمسك الخشب. .. ويلا يلا يابت الناس قومي اوصلك احسن تخرجي الواحد عن شعوره وتخلي الواحد يكفر
والشيطان شاطر والنيه السوء حاضره عندي
مريم بنفاذ صبر:برضو حضرتك رجعت تبرطم تاني انا مش فاهمه حاجه بجد
ياسين بينفض ف هدومه م التراب
"مش مهم بس يلا عشان انا سامع صوت
ديابه وكلاب والوضع مش هيبقي لطيف خالص بعد كده"
مريم بتتلفت حواليها :خلاص موافقه بس بشوط ممكن حضرتك ماتسالنيش جايه منين
ولا اي اللي جابني هنا وانا اوعدك او ماوصل اقرب مكان امان في القاهره همشي ومش هتشوف وشي تاني
ياسين قطب حاجبيه:اممممممممممممممممممممممممممممم مع انه الفضول هيقتلني واعرف لكن ماشي ياستي امرك
مريم بائتمان:بجد مرسيه جدا واسفه كمان مره
ياسين:متقوليش كده اي حد مكاني كان هيعمل كده واكتر ويلا عشان نوصل القاهره قبل الزحمه
مريم :اوك
ركبت مريم العربيه مع ياسين وقعدت في الكرسي الخلفي بناء ع رغبتها
وجاء ياسين تليفون من عمر بيطمنه ع انه وضع عمه احسن دلوقتي ويسوق براحه
ومايقلقش
قامت منيره مفزوعه من نومها ع ماكابووس
منيره وهي تتناول كوب الميه :استر يارب ولادي في خطر ولادي
وقامت بسرعه اتجهت لغرفه نور واطرقت الباب
نور بصوت كله نوم:اتفضل
منيره دخلت ووشها مخطوف وقلبها يخفق هلعا:نور يابنتي قومي بسرعه
نور وهي بتقوم ببطء:خير ياماما مالك واي اللي مصحيكي دلوقتي
منيره بارتياك :الحقيني ي بنتي ولادي في خطر
نور:ولادك في خطر؟؟تقصدي مين ياماما
ماكلهم نايمين جوا
منيره:لا مريم خرجت راحت السخنه مع صحابها وهي صعبت عليا وانا اضطريت اوافق
وكمان ماقولتش قدام حد عشان انتي عارفه محمد
نور بفزع:نهار ابيض ازاي ده ياماما توافقي انها تسافر لوحدها
منيره:كلميها يابنتي عشان خاطري
نور:حاضر
مسكت نور تليفونها وطلبت مريم مرارا وتكرارا ولكن للاسف في كل مره
الموب بيكون مقفول
منيره:لالا انا بدات اقلق بجد انا هروح اصحي محمد يقوم يشوف اخته فين
"لالا ياماما ابوس ايدك متكبريش الموضوع وتخلي محمد يعرف وهي اكيد فونها فصل شحن
عشان كده مش عارفين نوصلها"
قالت نور جملتها وهي تنهض بسرعه من الفراش وتمسك بايد منيره
منيره بقلق هات العواقب سليمه يارب ويسترها معاك يامروان ياابن بطني
نور بصدمه:مروان
منيره بدموع:مروان التاني مهموم وحزين يانور وحاسه انه في ضيق ومشاكل كتير
نور قلبها انقبض جدا بعد ماسمعت منيره بتقول كده واتاكدت من كلامها لما افتكرت
انه مروان خلاص خسر المزاد عشان كده ممكن يكون مضايق
نور وهي تقترب من منيره وتبوس ايدها:اطمني اكيد مروان بخير ويمكن معاه مشاكل في الشغل
ومروان ادها وادود ويعتمد عليه
منيره بحيره وعياط :فينكم بس ياولادي وانت كمان ي مروان وحشتني اووي
نور في سرها:ووحشتني انا اوووي كمان
■■■
نرجع لياسين في العربيه وهو ما مبطلش رغي
ماتقولش توأم سلمي في الرغي
ياسين بصلها ف المراه :تحبي اسمعك #عمر_دياب ولا #محمد_فؤاد
مريم بزهق:مش عاوزه اسمع حاجه
ياسين بثقه:كنت واثق انك هتقوليلي #تامر_حسني عارف كل البنات بتموت فيه .. مش عارف احلي مني في ايه دا .. حتي كله نفخ
مريم بغيظ ونفاذ صبر :اوووووووووووووووف الله!!
ياسين داس ع الزرار وشغل اغنيه تامر حسني
اكتر حاجه بحبها فيكي هي دي
مريم علي اد انها كانت متغاظه من ياسين ومن رغيه اووي الا انها بتحب الاغنيه دي اووي
ياسين بتناكه ورفع حاجبه :عجبت صح!
مريم وهي تحاول تخفي ابتسامتها:لا مش بحب تامر حسني اصلا
ياسين ممازحا :اااامممممممم بسيطه تبقي مش من ضمن البنات
مريم بحده:نعم!!
ياسين وهو يصطنع الخوف:قصدي تبقي من ضمن الملكات
هما الاتنين بيتكلمو ويتبادلو النظرات في المراه
ياسين:شايفك ع فكره هتموتي وتضحكي بس غرورك مش سامحلك .. اضحكي اضحكي كاني مش موجود
مريم وهي تصطنع الجديه:خلاص بقاا ممكن انام عشان صدعت
ياسين مداعبا :صدعتي!!! اي هو انا لسه قولت حاجه دي يادوب فتحه خير كده وجرجرة كلام
مريم بتاخد وضع النوم :لاااا يبقي مع نفسك انا هنام ع بال مانكون وصلنا
ياسين:تنامي؟؟لالا استني مش هتقوليلي كنتي بتعملي اي في وقت زي ده في الصحرا
مريم بعصبيه وهي تضع اديها علي الباب عشان تفتحه وتنزل
"اظن اني شرطت ع حضرتك قبل مااركب ماتسالنيش اي حاجه خاصه بيا"
ياسين بفرمل بالعربيه :خلاص خلاص يامجنونه اقفلي الباب انتي اتجننتي عاوزه تنزلي من العربيه وهي ماشيه
مريم:انا هنام او ماندخل القاهره تصحيني تمام
ياسين بغمز :تمام معاليك
مريم سمعت معاليك دي وكانت هتفجر من الضحك بس برضو فضلت مصدره الوش الخشب عشان
متحسسهوش انه انتصر عليها
نامت مريم وفضل ياسين يلقي عليها نظرات من وقت للاخر وهي نايمه زي الملايكه
وشعرها مغطي نص وشها كان شكلها يجنن
ووقف ياسين بعربيته قدام اقرب مسجد لما سمع اذان الفجر
ووقف متحير لدقائق عشان مريم
ياسين لنفسه
"طيب اي اصحيها ولا اسيبها نايمه لالا انا اقفل عليها العربيه وانزل اصلي وارجع بسرعه ..
اوف افرض صحيت .. ولقيت نفسها لوحدها ممكن تتخض واصلا شكلها تعبانه خالص حرام اصحيها ..
لالا هو اسلم حل اني اقفل العربيهه كويس وانزل واهو لو صحيت اكيد هتعرف اني في الجامع .."
نزل ياسين وساب مريم في العربيه بعد ما قفل عليها كويس وراح يتوضي عشان يصلي
ونسيبه ونرجع لنور ومنيره
نور بحيره :طيب ياماما هتفضلي قاعده كده قلقانه مش هيفيد بحاجه قومي نصلي وننام شويه
منيره:مش هيجيلي نوم يابنتي وولادي بعيد عن حضني
نور:طيب معلش ممكن تهدي عشان محمد لو صحي وشافك كده وعرف انه مريم مش في البيت
هيخرب الدنيا يلا قومي بقا واستهدي بالله وادعيلهم
نروح المستشفي بقا عند محمود وكلهم قاعدين معاه وهو نايم ومش واعي بااي حاجه
حواليه
وفاء بهلفه :اتصل يابني باخوك شوفو فين
عمر:والله بتصل ياامي اهوو مش بيرد
سلمي بعتاب :مكانش لازم نقوله ياعمر انه بابا تعبان
عمر:اهو اللي حصل بقا انا هسيبلو رساله ع الواتس
وفاء:اي حاجه بس نطمن عليه
وصلت الرساله ع موب ياسين وكان صوتها عالي
بسببها مريم صحيت
مريم محدثه نفسها:اي ده هو مشي وراح فين وساب تليفونه
وفجاة افتكرت تليفونها وهي بتضرب باصابعها علي جبهتها
"اااااااااااااااخ فوني وقع عند الزفت كريم طيب هعمل اي انا دلوقتي لو خد موبايلي ..
طيب وكمان سي السيد اللي كله كلام ده مشي راح فين وفون مش مبطل زن صدعني
ومسك التليفون تشوف الساعه وبالغلط فتحت رساله الواتس بتاعت عمر
《《انت ياحيوووان ياامتخلف ماترد امك هتتجنن عليك 》》"""
مريم بارتباك لنفسها
"اووووف اي اللي هببتوه انا ده يقول عليا اي دلوقتي فتشت في تليفونه ليه
طبعا هيصدق مايلاقي حاجه يتكلم فيها انا اسيب موبايلو هنا واعمل نفسي ناايمه
صبرت شويه والفضول قتلها وهتموت وتفتش في الفون وتشوف اي عليه
مريم مريم عيب ده جزاته انه ساعدك بتتجسسي عليه
عادي يعني اشوف فيسه بس وواتس بس كمان الفايبر بتاعه واشوف الفولورز ع التويتر وبس ..
يووووه مش من حقك ع فكره
بس طيب بس انا هشوف اهوووو عادي يعني"
وكان ده الحوار بين مريم ونفسها
وبالفعل مسكت الفون ماشاء الله ماسبتش برنامج مدخلتش عليه
كله كله ولا مخابرات امن دوله
مريم في بالها :يابن الايه معقوله ولا بنت عندك ع الفيس ولا اي برنامج من برامج التواصل
وبعدين اي صوره الكتير دي اللي متصورها ومنزلها ماله شايف نفسه ليه كده ده
شكله مغرور بس امووور
وشهقت مريم اول ما شافته خارج من المسجد وسابت الفون مكانه بسرعه
وعملت نفسها قاعده مؤدبه
ياسين وهو يفتح في العربيه:معلش اتاخرت عليكي .. ومحبتش اصحيكي ازعجك
مريم:احم احم تقبل الله
ياسين بفرحه:منا ومنكم
مريم بهدوء وتشير بسبابتها :في واحد كان باعتلك شتيمه كتير وبيقول انه مامتك عاوزه تتطمن عليك
ياسين مسك فونه بسرعه وفتح رساله عمر وبسرعه اتصل بيه وبعد ماكلمه وكلم والدته
واطمن انه كل الامور ماشيه تمام
وجه نظره ناحيه مريم ويقولها بخبث
"امممممممممممم مسكتي تليفوني يعني"
مريم:بارتباك هااا والله هو اللي كان صوته عالي .. وصحاني من النوم وانا كنت بشوف الساعه بس والرساله اتفتحت
معايا بالغلط
ياسين بلؤم ويغمز بعينه:بالغلط؟؟
مريم وهي تبص ناحيه الشباك عشان تبعد عن نظرات ياسين:انا مش بكدب ع فكره هو ده اللي حصل
ياسين :ومين قالك بتكدبي بقاا
مريم:ممكن تتفضل بقا عشان مش عاوزه اتاخر اكتر من كده
ياسين بضحك:ماشي ماشي ليك يووم ياظالم
نروح عند مروان وهو صاحي من النوم وبيحاول يصدق اللي حصله امبارح مش قادره يستوعب ولا يتصور ده حصل ازاي وازي انه نادين اختفت من حياته كده مره واحده ومش هيشوفها تاني افكار كتتير جات ع بال مروان حس دماغه هتنفجر من كتر التفكير
قرب من بناته بهدوء:لوجي لوجين اصحو يلا
لوجي ولوجين طبعا من كتر دموعهم غرقت المخده
لوجي بعياط :انا مش هصحي تاني ياداد عشان انا ونايمه بحلم بمامي
مروان:لوجي حبيبي قومي طيب بليز نتكلم شويه
قامو هما الاتنين ودموعهم مغرقه وشهم
مروان وهو بيحاول يتماسك قدامهم:برضو كده العيون الحلوه دي تعيط كده
لوجين:مامي وحشتني اوي ياداد
لوجي وهي تترمي في حضنه:وانا كمان ياداد
مروان بهدوء:طيب انتو مش بتحبو مامي...طيب مش المروض اللي بيحب حد يعمل اي حاجه عشان يكون مبسوط
...والمفروض اننا منعيطش وندعي ربنا انه يدخلها الجنه عشان كلنا نتقابل في الاخر..بليز يابناتي الحلوين ماشوفش الدموع دي تاني
..ومامي هتكون مبسوطه وانتو بنات شاطرين كده ومش بتعيطو..مش انتو عاوزين مامي مبسوط
لوجين ولوجي بعياط:ياس داد
مران:ايووة كده بناتي انا ابطال يلا بقا ننزل نفطر عشان انا هروح اعمل مشوار صغير اد كده هوو
لوجي بخوف :هتسيبنا ياداد
مروان وهو يقبلها:عمري ياروحي بس لازم اروح وشويه صغيرين وهرجع ومش عاوز عياط
promise me
لوجي ولوجين: promise u dad
تناول مروان فطاره هو وبناته وبعد مااتاكد انهم نامو كويس اووي ذهب الي مركز الشرطه
نرجع عند ياسين كان خلاص دخل القاهره وفجاة عربيته خلصت بنزين
مريم بقلق :هو فين اي
ياسين:شكله كده والله اعلم عملتها وشطبت بنزين
مريم وهي فطسانه من الضحك وبتلف شعرها ع هيئه ذيل حصان::
طيب ياخويا ربنا يخليهالك وتتربي في عزك هطير انا .. كده حلو اوي
ياسين:استني يامجنونه انتي راحه فين
وجيه يفتح الباب كان في عربيه لازقه فيه عشان كده ماقدرش يفتح الباب ويلحق مريم
وفي لمح البصر ركبت مريم تاكسي وعطته العنوان واختفت من قدام عينين ياسين تماما
ياسين وهو يضرب دلاكسون العربيه بايده/غبي غبي سبتها تمشي كده من غير ما تاخد حتي رقمها ولا تعرف عنوانها
ويشير متوعدا للسياره:انتي وربنا لااغيرك خلاص وهقطع علاقتي بيكي تماما عربيه منحوسه وفقر اول مزه تركبها.. تطفش كده بسببك . هي سلمي نبرالي ف ام دي خرووجه
■■■
وصل مروان مركز الشرطه وبعد التحقيقات والاستجوابات والاسئله
اثبتت براءه مروان من تهمه قتل ساندي وع الفور ذهب مروان الي شركاته
وامر اكبر العالمين بتصفيه جميع حسابته واخبرهم بانه نازل مصر صباح الغد
وانه هيكون في انتظارهم في مصر الي ان ينهوا جميع الاعمال في لندن
رجع مروان لبناته في الفندق ولقاهم لسه برضو نايمين زي ماهما
قرب منهم يصحيهم:اي ده حبايب داد لسه ما صحيوش
لوجي ولوجين وهما بيحضنوه جامد :داد انت جيت
مروان:ليكم عندي مفاجئه حلوه
لوجي:اي هي
مروان:بكره هننزل مصر
لوجين:بجد هنسافر مصر ياداد انا فرحانه اووي
مروان:ايوه ياروحي مش انتي كان نفسك تشوفي نينا واونكل محمد الي حكيتلك عنو .. وكمان منار ومريم .. اديكي هتشوفيها
لوجي وتكاد ان تنفتح في العياط:كان نفسي مامي تبقي معانا
مروان:قولنا اي بناتي الحلوين مابيعيطوش وبعدين مامي في مكان حلو اووي فوق
يلا بقا تعالو ننزل نشتري هدووم كتير عشان تفرجهم لنناه في مصر
لوجي ولوجين بفرحه:اوك داد
مروان بيحاول ع اد ما يقدر يعوض بناته عن فراق امهم ع الرغم من الامه وعذابه
ع فراق حبه الاول لكن هيعمل اي هذا ما كتبه له القدر........
وصلت مريم البيت واطمنت عليها منيره وع الرغم من الامها ووجعها وخداعها في من احبت
واستحقارها لنفسها انها ازاي كانت رخيصه اوي كده ومقصره من ناحيه ربنا كده وازاي ماقدرتش
تعرف حقيقه كريم من اول ما اقنعها باانها تقتل ابن اخيها حاولت بقدر الامكان تظهر القوه الثبات والفرحه
امام والدتها عشان ماتحسش بالمها وتكتفي بحزنها وعذابها لوحدها
♡♡♡♡♡♡
وعدي اليوم علي ابطالنا
وعمر مابطلش تفكير في منار
وياسين هيتجنن من ساعة مامريم سابته ومشيت حتي من غير مايعرف بيتها فين
ونور اليوم ده قضته مع ولادها
ومحمد الست سلمي اللي اخدت كل تفكيره ومحمود حالته اتحسنت شويه عن الاول
وصبح يوم جديد كل واحد راح علي شغله وجامعته حتي منيره في اليوم ده نزلت السوق
تشتري حاجات معينه مع بثينه ماعدا مريم اللي قضت ليلها ونهارها كل نوم كانها بتحاول
تهرب من الواقع وعذاب الضمير وعاوزه تنسي امبارح ده نهائيا
ويرن جرس الباب
سلمي بدلع
"يوسف بليز تعالي افتح الباب علي انا بحط مونيكير"
يوسف بصوت عالي:انا مووس فاضي داهن زيت .. ومستني المزه تطلع عسان تسوفني
سلمي بنرفزه:والله يايوسف لو ماجيت وفتحت الباب هقول لمامي انك بتكلم بتات الحضانه كلهم
يوسف بحده :اسكتي بس البنت الامورة طلعت مس فاضيلك
سلمي بنفاذ صبر:اوووف ياربي وفين الدادات اللي هنا انا تعبت .. طيب ماسي صبرك عليا ياسي يوسف
لو ماقولت لمامي ع حكايه البنات الكتير دي مابقاش انا سلمي
واتجهت نحو الباب تفتحه
سلمي باستغراب وتناكه :انت مين ياعمو
مروان يتعجب:انتي مين ياحبيبتي
سلمي عقدت ساعديها :ع فكره بقا لما ترد ع سؤالي الاول انا هابقي ارد ع حضرتك ..
مروان باستفهام:اي اللماضه دي يابت انتي .. وانتي مين اصلا
سلمي وهي بتقفل الباب:اسمي سلمي وسوري بقاا هقفل الباب عسان مامي قالتلي ماادخلس حد وهي مش موجوده
مروان وهو بيحط ايدو ع الباب بيحاول يمنعها انها تقفله :استني استني بس انتي مين مامتك
سلمي بعصبيه:لالا انا هندهلك راجل البيت وهو هيتصرف معاك
مروان رغم همومه لكن مقدرش ميضحكش .. قضط حاجبيه
"ياريت ي ختي حتي القي حد كبير اتكلم معاه وافهم منه "
سلمي بصوت طفولي وبحده وتشير بكفها
"اوك بليز .. خليك واقف ع الباب كده عسان انا ست لوحدي ولما يجيي راجل البيت ابقي
تدخل"
مروان بدهشه وتريقه:ست البيت؟؟طيب ي ست البيت هاتيلي حد كبير اكلمه وانا مش هدخل
سلمي :كلام رجاله .. شور
مروان بنفاذ صبر : اللهم طولك ياروح ..
كلام رجاله ي ختي يلا انجزي
ندهت سلمي ع يوسف وفين وفين لحدت مانزل
ومروان واقف ع الباب بيدور ع حد م الامن لان سلمي قفلت الباب وراحت تنده يوسف
سلمي بصوت واطي:الحق يايوسف فيه راجل بره
يوسف وهو يصطنع الرجوله والشهامه:راجل فين ده
سلمي وهي تشير ناحيه الباب:اهووووو
يوسف اقترب الباب وفتحه ثم نظر ل مروان:انت مين ياعمو
مروان بصدمه:هو انت راجل البيت اسم الله
يوسف رفع حواجبه بتلقائيه :ايوة انا مين حضرتك
مروان بيضرب كف ع كف :خربيت كده الواحد كل اما يسافر ويرجع يلاقي ناس جديده محتله البيت
لوجي وهي بترد ع يوسف بصوت كله براءه: ده داد ع فكره
يوسف بنحنحه وغمز:هاي بيكي انتي وداد انا يوسف وانتي
مروان بغيظ:ماتتلم ياض انت بتعاكس بناتي وانا واقف وبعدين انت مش لابس ليه
ولا مش لاقي لبس تلبسه ولا اي
يوسف بسذاجه:لا كنت داهن زيت عسان العضلات تبان
مروان:عليا النعمه الصياعه دي ما تخرج بره الواد محمد ودول
لانه عارف منار مستحيل تكون اتجوزت وخلفت كمان
يوسف بتنهيده وبحده :انا هطلب الامن
ويجري عليهم عم عبده البواب :يامروان بيه يامروان بيه نورت البيت
مروان وهو بيحضنه:اهلا اهلا ياعم عبده
يوسف باستفهام:مين ده ياعم عبده
عم عبده:ده مروان بيه ي سي يوسف ابووك
سلمي باستفهام ودموع وهي تتراجع للخلف:انت بابي
مروان بصدمه:ااااااااااااااااااااااااااااااااااااااااايه ولاد مين ياعم عبده
عم عبده:ولادك يا مروان بيه
مروان باندهاااش يحاول يستوعب
"ولاد مين ياعم عبده وازاي يعني انا مش فاهم حاجه"
عبده:ولادك انت والست نورهان يا بيه .. خبر ايه اومال
مروان بصدمه:نووووووور!!
لوجين بخوف:داد يلا نمشي من هنا .. انا خايفه اوي
مروان وهو بطبطب ع كتفها عشان يحسسها بالامان:متخافيش ياحبيبتي تعالي ندخل جوه
دخل الحاجات ياعم عبده
عم عبده:حاضر ي بيه
سلمي بصوت كله عياط وسابته وجريت: لاأأ انت مش بابي
نور وهي قاعده في الشركه
ومجتمعه بالموظفين
نور :انا الصراحه مبهوره جدا بلي عمله البيشمهندس سعد بجد يستاهل مننا كل تقدير واحترام
وانا اجتمعت بيكم النهارده عشان اقولك البيشمنهدس سعد وتعينه رئيس مجلس الاداره للمجموعه
احدي المواظفين وهو يوجه حديثه اليه:الف مببرووك يابيشمهندس .. انت انسان تستاهل كل خير
نور وهي توجه نظرها لنيره:نيره مكتب البيشمهندس تمام
نيره :كله تمام يافندم
سعد بخجل:والله مش عارف اقولكم اي انا بشكر الدكتوره نورهان ومجهوداتها عشان نوصل للمكانه دي
وانا والله معملتش غير شغلي
نور:متقولش كده حضرتك انت عملت اللي عليك وزياده وكان لازم نكافئك
سعد:بجد انا مش عارف اقول ايه لحضرتك
نور:متقولش حاجه دي حاجه بسيطه ويلا يااساتذه اتفضلو ع شغلكم
انصرف الموظفين
وتوجه نور نظرها لنيره:نيره انا هروح دلوقتي واي جديد ابقي بلغيني
نيره:اوك يافندم
مشيت نورهان ونرجع عند مروان وهو قاعده في اوضه الجلوس مع ولاده
وللوجي ولوجين مرعوبين اووي وماسكين فيه اوووي
يوسف بلماضه:ع فكره انت مش بابي
مروان:ليه بتقول كده يايوسف
يوسف ماسك صورة مروان ورافع حاجبه
"اصلو بابي اللي ف الصوره كان من غير شنب انما حضرتك دلوقتي بشنب"
مروان وهو يقترب منه ويبوسه:لا ياحبيبي انا بابي
ويوجه نظره لسلمي:انتي ياسلمي هتفضلي بعيده كده مش هتسلمي ع بابي
سلمي بعياط :حضرتك ليه سبتني ومشيت انت كنت بتوحشني اوي .. وكل يوم استناك ومش بتيجي"
قام مروان وقعد جمبها ورفعها ا وقعدها ع رجله وهو بيحضها جامد:ومش اديني رجعت بتعيط ليه بقا
سلمي بعياط:مس عارفه .. بس يمكن علسان انت كنت سايبني لوحدي
مروان بحنيه:ومن النهارده مش هسيبك تاني ابدا
سلمي بتمسح دموعها:وعد
مروان:اكيد وعد بابي عمره ماهيقول حاجه ويرجع فيها تاني
سلمي بفرحه وهي تحضنها:انا بحبك اوووي اوووي يابابي
مروان:وانا بموت فيكي ياروح بابي
يوسف بغمز هو يشير ع لوجي ولوجين:بابي هما مين البنات الحلوين دول
مروان بغيظ بيضربه برفق ع دماغه
"ماتتلم ياض دول اخواتك انا عارف التربيه الشمال دي ماتطلعش بره محمد"
يوسف بغمز :اوووووووووووبااا بقاا انا اخواتي البنات الصواريخ دوول .. هييييييه
مروان بضحك:شكلك عاوز تتربي ياض انتي
يوسف يلوح بايده لمروان :بس بقا يابابي سيبني اتعرف ع اخواتي
مروان وهو يوجه نظره الي لوجي ولوجين:يلا ياولاد سلموا ع اخواتكم
لوجي:هو ده بجد اخونا ياداد
يوسف:حييييييح بقاا للاسف اخوكم ..
لوجين:داد اومال فين نينه
يوسف بفرحه:راحت السوق وراجعه بسرعه
لوجين بلماضه :بسال داد ع فكره
يوسف:وانا ابن داد ع فكره .. مس كده يابابي
مروان :كده ي روح بابي
وتقطع حديثهم مريم وهي داخله الاوضه جري وببترمي في حضن مروان
مريم:مرروووان وحشتني اووي اوووي بجد كل دي غيبه هوننا عليكي يامروان
مرووان وهو بيحضنها ويرفعها من ع الارض:وحشتيني اووووي يامشكله انتي
مريم بدموع:انا محتاجالك اوووي يامروان
مروان باستفهام:مريم ياعمري انتي مالك فيكي حاجه بتعيطي ليه
مريم :لا ياحبيبي دي دموع الفرحه بس انت كنت واحشني
مروان وهو يحضنها :خلاص بقا كفايه دموع انا معاكي اهوووو
وصلت نورهان جراج الفيلا لقيت محمد بيركن عربيته
نور ممازحه :احم احم شكلنا متواعدين ولا ايه
محمد وهو ينزل من عربيته:يامراحب ... راجعه بدري يعني
نور:ابدا مافيش شغل كتير قولت اجي اقعد مع الاولاد شويه
محمد:ااممممممممم اسكتي فرحان اووووي انا النهارده شوفتي البت اللي حكيتلك عنها
نور مطت شفتها ورفعت حاجبها :امممممممممممممم يسهلووو .. بس اتلم ومتنساش اخوها ظابط هااا يعني هيفرمك لو قربتلها
محمد ضحك ويشير لها ع قلبه :اممممم عارف عاارف بس البت معششه جوا هنا
نور بسخريه :طبيت ياكبير ومحدش سمي عليك .. بس اسكت اسكت انا مبسووطه اوووي
محمد:مبسوطه لا ماواضح في اي يابت اعترفي
نور وصلو لباب الفيلا :يلا يلا افتح مكسله اطلع المفتاح وانا هغني بقا
"الدنيا ربيع ..والجو بديع ..قفلي ع كل المواضيع "
محمد وهو بيدخل باب الفيلا:حوله حضرتك .. الجو نيران مشعلله بره فين البديع ف كده
نور بهزار :بس بقا متفصلنيش خلي اغني
محمد :غني غني اي ده شكلو كده عندنا ضيوف اوضة الجلوس مفتوحه تعالي نشوف مين
نور:تعالي ياخويا يلا ماهي خربانه خربانه
وصلو محمد ونور عند باب الاوضه وكان مروان واقف وعاطي ضهره للباب وواقف مع مريم بيرغي
محمد :احم احم سلام عليكم
نور مستفهمه :ازيك يا مريومه..
محمد:مين الاستاذ ده يامريم
وقبل مريم ماترد ع محمد كان مروان دار بجسمه كله وبص ع محمد ونور
محمد بصدمه:مروان!!!!!!!!!!!!!!!!!!! معقوله
نور وعينيها امتلات بالدموع ونطقت بصوت خافت ومتقطع:مروان
محمد بحده:رجعت ليه يامروان
مروان:هي دي حمد لله ع سلامتك يامحمد
محمد بضيق :رجعت ليه يامروان
مروان وهو يوجه نظره لنور:ازيك يانور
نور من صدمتها مش مصدقه اللي بيحصل بصتله من فوق لتحت
نظره شامله كل التعبيرات الحقد والزعل والحزن والالم مرار الدنيا
وسابته ومشيت طلعت ع اوضتها
محمد وهو يوجه نظره بحده لمروان:عاجبك كده
مروان باسف:محمد لو سمحت دي حاجه بيني وبينها انما احنا اخوات اللي بينا اكتر من كده بكتير
محمد باستحقار:اه اخوات قولتلي هي فين الاخوه دي الاخوه في نظرك انك تسيب اخواتك وهما في امس الحاجه اليك ..
الاخوه عندك انك تسيب مراتك تترجاك وتسيبها وتمشي ورا نزواتك عشان البت اللي بتحبها واللي جرحتها دي مش بني ادمه برضو .."
مروان تنهد بوجع و اسف:عندك حق في كل كلامك وربنا عاقبني بما فيه الكفايه . كفايه يامحمد عشان خاطري
محمد بسخريه :هااا كفايه! راضي ع اللي انت عملته
مروان:لو كنت راضي ماكنتش رجعت
محمد:بس رجعت متاخر اوي يامروان
مروان :استني يامحمد رايح فين لسه مخلصناش كلامنا
محمد:الكلام خلص يامروان ..مبقاش فيه حاجه تتقال وزي ماقولت مشكلتك مع نور.. صلح علاقتك بيها وبعدين انا مش مهم.
وقبل مايسمع محمد رد مروان مشي وسابه
لوجي باستفهام:مين دول ياداد؟؟
مروان وهو يوجه نظره لمريم:معلش يامريم خدي الولاد بره وانا هروح اتكلم مع نور
طلعت نور اوضتها وعنيها كلها دموع ومش مصدقه نفسها وافتكرت كل الاهانه والذل اللي اتعرضت ليه القسوة والوحشيه
والضرب والشتيمه وتقوم تمسح دموعها وتسيطر ع مشاعرها والصراع اللي دار جواها وقررت تتحدي كل ده ومتبانش غير نور القوية القوية وبس اللي حتي مشاعرها مش ممكن تكسرها
وقطع المتاهه والتفكير اللي هي فيها صوت خبط مروان ع الباب
نور وهي تمسح دموعها وتستقوي:اتفضل
دخل مروان وكانت الصدمه الاكبر انهم بمفردهم وجه لوجه في مكان خالي لا يوجد سواهم
نور وهي تقف وتمشي ناحيه الشباك وبقوة :وكمان ليك عين تيجي
البارت السادس عشر
ولعل ما أنت ساع إليه هو ساع إليك ولعلها مساله وقت 🌸
ســـــــــــــــــــــاعه لقــــــــــــاء
طلعت نور اوضتها وعنيها كلها دموع ومش مصدقه نفسها .. وافتكرت كل الاهانه والذل اللي اتعرضت له القسوة والوحشيه
والضرب والشتيمه ..
وتقوم تمسح دموعها وتسيطر ع مشاعرها والصراع اللي دار جواها .. وقررت تتحدي كل ده ومتبانش غير نور القوية القوية وبس اللي حتي مشاعرها مش ممكن تكسرها
وقطع المتاهه والتفكير اللي هي فيه صوت خبط مروان ع الباب
نور وهي تمسح دموعها وتستقوي:اتفضل
دخل مروان وكانت الصدمه الاكبر انهم بمفردهم وجه لوجه في مكان خالي لا يوجد سواهم
نور وهي تقف وتمشي ناحيه الشباك:وكمان ليك عين تيجي
مروان بقفل الباب وراه و باسف:انا اسف
نور بسخريه وبتضحك وبتضرب كف ع الاخر
"اسف !! واسف علي ايه ولا ايه بقا.. قدر اعتبرها ..اسف ع الاهانه والذل اللي من اول ماشوفتني وانت مش طايقني ..اسف ع كسرة قلبي ونفسي ..اسف علي الضرب اللي شوفته..اسف ع التهور والجنان اللي عملته ..واخدت كل اللي عاوزه ببساطه ..اسف ع انك حولت احلي يوم في حياتي واي يوم تتمناه اي بنت الي كابوس بالنسبه لها وفي الاخر سبتني ومشيت وبقيت انا الضحيه ..اسف ع ولادك اللي كل يوم يسالوني عنك وانت متهني في حضن واحده تاني..اسف ع ايه ولا ايه بس .. انت اصلا اي اللي رجعك؟؟
مروان غمض عينه وتنهد :عارف اني كسرتك وجيت عليكي كتير وكتير بس ندمت وحسيت بغلطي .. وربنا رجعلك حقك وزيااده كمان
نور بسخريه :طيب والله برافو بجد ..وفاكر اني هسامحك بسهوله كده
مروان بأمل :يعني في امل انك تسامحيني
نور بانفعال وبتمثل كل كلمه بتقولها ودموع
"لا غلطان يابيشمهندس .. انت مش فااكر انت عملت ايه بالظبط
ممممممممممم .. ولا شكلك مش فاااكر .. تحب افكرك .. بص هي ليله كانت غريبه اووي .. دخلنا من الباب المشئوم دا .. قمت قعدت هنا .. ايوه هنا ع السرير دا .. وحضرتك قعدت ع المكتب دا هناك .. شايفه .. طلعت الزفت اللي بتبلبعه .. وفضلت تشرب وتشرب لحد ماتحولت .. كل دا وانا مصدوومه ازاي اتخدعت فيك كده .. بعدها جيت قعدت قدامي هنا .. ايوه بالظبط كده .. فضلت تلعب ف شعري .. وبعدها اترعبت منك .. جريت استخبي .. وقفت عند الحيطه دي .. جيت حاصرتني بجسمك كله .. معرفتش اهرب منك.. مسكتني بكل قوتك ورمتني ع السرير .. وهجمت عليا زي الحيوان بالظبط .. بالظبط يامروان .. حاولت ابعد عنك واتحاميت ف مامتك وخواتك .. وانت كنت مغيب ع الوعي خالص .. مسكتني من شعري وجرجرتني زي البهيمه .. وبردو دخلنا الاوضه دي م الباب الملعون دا .. ونزلت فياا ضرب .. لحد متغيبت ع الوعي تماما .. اخر حاجه فاكراها وانت بتقطع ف هدومي .. فااااكر !!!
اول ماصحيت صحيت ع صوووتك وانت بتكلم حبيبة القلب وبتقولها مسافر .. نسيت كل حاجه وقومت واترجيتك .. وانت متهزتش جواك شعره ناحيتي .. ومشيييت وسبتني اتعذب "
نور قالت كلامها بتقطع وتنهيده وسط دموع وحرقه . . دخلت ف حاله هستيريه وانهيار
مروان مسح ع وشه بكفيه
"نور ممكن تهدي واللي اتكسر يتصلح
نور وهي تقترب من الفاظه وترميها بقوة ع الارض
"يلا بقا اهي اتكسرت وريني هتصلحها ازاي"
مروان بيحول يقرب منها :بس اللي اعرفه عنك وعن طيبه قلبك مش كده
نور بتحدي
"طيبه قلبي هتبقي مع اللي يستاهلها مش مع اللي ساب وباع ...طيبة قلبي دي لو هتجرح كرامتي هخلع قلبي من جوايا وادوس عليه برجليا .. انت عارف انا اهلي وحشوني اد اييه .. تفسي ارجعلهم بس هرجع ازاي .. وانا معايا عيلين .. من غير ابووهم .. مش مسامحاك يامروان .. مش مسامحاك"
مروان بحزن:انا مقدر الحاله اللي انتي فيها دلوقتي ومطلبتش كتيرغير انك تسامحيني ومع الوقت هثبتلك اني اتغيرت ومباقتش بالقسوة والقوة اللي كنت بيها زمان
نور بحده :الكلام خلص يامروان ولو سمحت اتفضل عاوزه اغير هدومي
مروان بحزن :اه اوك وزي ماقولتلك هيجي اليوم اللي تعرفي فيه اني اتغيرت وحاجه تانيه مرسيه ليكي بجد ع كل حاجه عملتيها
نور بثقه وتحدي:انا عملت كده عشان ولادي مش عشان حد
مروان:وولادي انا كمان ولا نسيتي
نور بسخريه :نسيت؟؟!!! لا منستش ابوهم عمل فيا اي .. ولا عمل فيهم ايه
مروان:نور في الاول والاخر القرار ليكي وانا مش هظلمك مرتين ..بس قبل اي قرار افتكري ولادنا
نور بانفعال :قصدك ولادي وبس
مروان:بغض النظر ..افتكر انهم محتاجين للاب اللي يحسسهم بالامان
نور::هاااا اب؟؟؟قولتلي بقا انت اصلا ماتستاهلش تبقي اب
مروان:الكلام ده مافيش قوة تقدر تثبته واللي بره دول ولادي سوا برضاكي او لا
نور:بره يامروان كلامنا انتهي
مروان :هطلع بس اعرفي انه لينا لقاء تاني يانورهان
نور عقدت ساعديها : بره بيتي كله يامروان
مروان بصدمه : بتطرديني
ونور : انت اللي اخترت .. واعتبره زي ماتعتبرو
مشي مروان وقفل الباب وراه بقوه وانهارت نور في البكاء بشده
نزل تحت اتفاجئ بمنيره في وشه
مروان جري عليها وباس ايدها وحضنها وفضل يترجاها عشان تسامحه
مروان:امي عشان خاطري انا مقدرش ع نظرتك دي
منيره بعتاب :وحشتني اووي يامروان وحشتني هانت عليك امك كل ده
مروان بتوسل :يعني سامحتيني ياامي
منيره:لا طبعا لما تسامحك نور الاول انا هابقي اسامحك
مروان باستفهام :يعني اي
منيره بثقه:يعني شرطي الوحيد عشان اسامحك لازم نور ترضي عليك
ويقطعهم صوت محمد من الخلف
محمد:وانا كمان رايي من راي امي
مروان وهو يرفع ايدو ويمثل انه هيضربه
وبعدين يااخدو بالحضن:اه يابن ال وحشتني
محمد وهو يحضنه جامد:وانت كمان وحشتني عارف انه البنات السكر دول هما السبب اني ارجع
مروان:يعني مش راجع عشان اخوك لسه واطي زي ماانت
وينادي مروان ع بناته
لوحي ولوجين وهما بيجروا عليه:نعم ياداد
مروان وهو ينزل ع ركبته لكي يبقي في مستواهم
"يلا بقا مش كنتوا عاوزين تشوفو نينه "
لوجي بفاجئه وهي تضع يدها ع فمها:بجد انتي نينه
منيره وهي تحضنهم:بسم الله ماشاء الله ولادك دول يابني .. تعالو ياحبايبي في حضن نينه
لوجين:انا بحبك اوووي يانينه عشان داد كان بيحبك اووي ودايما بيقولنا عنك
منيره وهي تقبلهم :حبايب نينه انتو ربنا يحرصكم
محمد:ولاد مين دول يامروان
مروان:يلا بقا ياقلبي روحو كملو لعب مع عمتو
وبعد ماانصرفو البنات
مروان وهو يوجه نظره الي محمد:بنات نادين يامحمد
منيره ومحمد بصدمه:ااااااااااااااااااااايه
محمد:وهي فين دلوقتي
مروان بااسي:تعيش انت
محمد:لا اله الا الله
منيره:ازاي ده حصل ان لله وان اليه راجعون
وحكي مروان كا حاجه عن حادثة نادين وساندي وكل اللي حصل معاه خلال فتره سفره
■■■
نروح عند ياسين البيت قاعد سرحان
عمر وهو يجلس بجانبه:مالك يامعلم من امبارح وانت مش مظبوط
ياسين:اتعرفت ع بنت
عمر باستغراب:مين دي وفين وليه
ياسين:القدر رماها قصاد عربيتي
عمر بخضه:اي ده وحصلها حاجه
ياسين:لا ي عم جات سليمه بس
عمر:بس اي ما تنطق
ياسين:شكلي كده حبيتها
عمر وهو فطسان من الضحك:حبتها ؟؟؟؟واي تاني
ياسين:وبس
عمر :لالالا دانت شكلك طبيت زي اخوك ومحدش سمي عليك
ياسين:اه صح وانت عملت اي مع البت اللي قابلتها قبل كده
حكي عمر كل اللي حصل معاه هو ومنار بالظبط لياسين
ياسين:شكل الحب هيلعب لعبته ويهزمنا وننسي شغلنا
عمر:شغلنا في كفه والحب في كفه تاني ياعم
ياسين تنهد:وشغلنا عاوز انسان من غير قلب والحب من غير القلب مايسواش
عمر:اوووووووووووووووف هي فين بس ولا عارف اكلمها ولا عارف عنوانها مش عارف غير الصيدليه اللي بتشتغل فيها
ياسين:طيب انت احسن من حال اخوك اللي معرفش عنها ولا حاجه وهربت من قدام عينيا زي الملاك اللي علقت جناحين وطار
عمر:حييييييييييييييييييييييييييييييييح ربك يحلها
ياسين:عمك عامل اي
عمر:في المستشفي ادعيله وانا لسه جاي من عنده ...روح يلا اقعد معاهم هناك عشان ميبقوش لوحدهم
نرجع تاني عند مروان ومنار بتدخل من الباب وفجاة تتصدم وتقف مكانها لما شافت مروان قدامها
مروان بابتسامه:هتقفي عندك كتير ومش هتسلمي عليا
منار بذهول:معقوله مروان انت رجعت
مروان وهو يقرب منها:شكلي كده موحشتكيش .. ومش عاوزه تترمي في حضني
بس انتي وحشتني اووي وعاوز اترمي في حضنك واحكيلك ع حاجات كتتير اووي زي زمان
منار مازالت في حاله ذهول وباصه لمروان ومش مصدقه عينيها وبرضو .. مروان حاضنها وبين دراعته
مروان بحنيه:طيب ليه العياط والدموع دي كلها
منار:مش مصدقه انك واقف قدامي وبتكلمني مش مصدقه
مروان:لا صدقي انا هووووه قدامك زي القرد
منار وهي تترمي في حضنه تاني:كنت خايفه تحصلي حاجه من قبل مااشوفك
مروان وهو يضربها ضربه خفيفه:متقوليش كده بعيد الشر عنك
منار:يااااااااااااااااااااااه ي مروان مش مصدقه
وفجاة بعدت عنه وعليت صوت شهقتها وحطت ايدها ع بؤها
مروان فجاة :مالك ي بت انتي بتتحولي ولا اي
منار:اصلي افتكرت نور لو شافتك هنا اليبت هيولع حريقه
مروان وهو يضحك ضحكه بؤس:لا ي ختي ماهي خلاص شافتني وعطتني دش معتبر
منار بخضه :ي لهووووي ي خبر ابيض وعملت اي
مروان:حاولت اعتذرلها بس هي شكلها شايله مني اوووووي
منار معاتبه :حقها ولو ولعت فيك انت وواقف سوري يعني حقها ولا مليون اعتذار ممكن ينسيها اللي عملتو
مروان:بجد انا زعلان من نفسي اووي ع اللي عملته بجد انا ماكنتش في وعيي .. ومش متصور عملت كده ازاي
منار:نور بتحبك ع فكره وعشان خاطري حاول تصالحها وتصلح الامور بينكم
مروان:مش عارف حاسس نفسي ضعيف اوووي قدامها .. بنسي كل الكلام اول مااشوفها
منار:مش ضعف .. دا احساس بالذنب
مروان:طيب واعمل اي ي منار بجد انا مش قادر استحمل نظراتها ليا .. انتي عارفه انا مش كده
منار:منا بقولك تحاول تصالحها وترجع لحياتك وسطينا بقا ي مروان
وتتدخل منيره في الحوار بينهم:وهو ده شرطي الوحيد عشان اسامحك ي مروان
ومحمد وهو يضع يده ع كتف مروان:وانا كمان
مروان:يعني عشان ترضوا عليا كلكم لازم اصالح نورهان
كلهم في صوت واحد:ايوووووووة
مروان:ونورهان دي صعيديه ومن قنا يعني دماغها انشف من الحجر ..
منار بثقه:اسكت مش هقولك اد اي دماغها ناشفه
مروان:وانا عشان اصلح اللي عملته لازم استحمل اهانتها وذلها ليا
محمد هز كفته :اقل واجب يااكبير
مروان:اذا كان كده استعنا ع الشقي بالله .. وهبذل قصاري جهدي عشان تسامحني وابطل احس بشعور الندم ده
■■■
كــــل الجـــروح لهــــا دواء
إلا جــــــــــــرحين
جــــرح صــديق خانــــــــك
وجـــــرح حبيب غـدر بــــك
وهل اللي عملو مروان والجرح
اللي سببه لنور ليه دواء
ولا ..........هنشووووف
جاء موعد الغداء عند الاسره واول يوم بعد فراق طويل
يجتمعوا كلهم بوجود مروان
مروان كان قاعد في الجينيه هو وولاده ومبسوط جدا اول مره يحس بالفرحه دي .. حاسس انه لقي قلبه وسطهم
وهو بيجري ويضحك ويهزر مع ولاده
تقترب منه منيره ببطء:يلا بقا ياابطال عشان تتغدو
لوجين وهي تجري عليها:نينه حبيبتي انا هقعد جمبك عسان تاكليني .. ماسي
منيره وهي تحضنها جامد وتقبلها:طبعا ياروح قلب نينه يلا بينا احسن الاكل يبرد
يوسف:هييييييييييييييييييييييييييه بقااا يلا عسان انا عصافير بطني بتزقزق
لوجي بغلاسه:ع فكره بطنك مس فيها عصافير عسان تزقزق
يوسف بلماضه:لا مامي لما بتكون جعانه اوووي اوووي بتقول كده يبقا اكيد مامي صح
لوجي بفلسفه: لازم نفكر كويس في اي كلمه بتتقال حوالينا مس لازم نصدقها ونقولها من غير ما نفهم معناها
وهي تشير نظرها الي مروان:مس صح ياداد
مروان وهو بيشيلها ويبوسها
"طبعا صح ياروح داد"
يوسف ويبدو عليه الاندهاش ويرفع في حواجبه:يعني مامي غلط
مروان وهو يضع ايدو ع فمه:ااااشششششش متوديناش في حضيض ياض انت ..
مامي كمان صح
يوسف بشماته:سوفتي اهوو مامي مس بتغلط ابدا
مروان:طيب يلا يالمض ناكل عشان انا كمان عصافير بطني بتزقزق
لما نشوف اخرتك انت وامك
سلمي وهي تجري عليهم:يابابي .. يلاااا تيته بتقولك الاكل هيبرد
مروان:جاي جاي اهو ياسلومتي
سلمي بعناد:طيب يلا سيلني زي لوجي
مروان وهو بيوطي يشيلها:بس كده عيوني
يوسف بغيظ:وانا كمان سيلني اسمعنا البنات دول
مروان وهو يحدق النظر اليها بغيظ:طيب يلا يابت ياسلمي انزلي كده وانتي كمان يالوجي انزلي كده
لوجي باستغراب :في اي ياداد
مروان بعد ما نزلهم وهو بيجري :الجدع فيكم يحصلني
نروح في غرفه الطعام والعيله كلها متجمعه
لوجين قاعده بين منيره ونور
وتوجه نور نظرها الي لوجين:وانتي اسمك اي بقاا
لوجين:اسمي لوجين ياانطي
نور :اسمك جميل اوووي يالوجين
لوجين :ثانكس ياانطي
نور:طيب يلا بقااا تعالي نعمل سباق
لوجين:سباق في اي ياانطي
نور :بصي ياستي انا هملأ طبقي ده كله اكل
وانتي برضو هحطلك اكل كتير
ونشوف مين هيخلصو الاول
اشتااااااااا!!
لوجين بفرحه:استاااااااااااا ياانطي
وبدات نور تملا في الاطباق
وفجاة دخل مروان عليهم ووراه لوجي وسلمي ويوسف
مروان برزانه:سلام عليكم
نور بلا اهتمام وهي مشغوله في ملا الاطباق
قرب مروان من الفسره وجلس في مكانه في مقدمه السفره
نور اول ماشافته سابت كل اللي في ايدها وقامت وقفت:بعد اذنكم انا طالعه فوق
منيره بلهفه :راحه فين يابنتي احنا لسه اكلنا
نور وهي توجه نظرها لمروان :لا ابدا بس نفسي اتسدت
لوجين ببراءه :مس هنعمل سباق ياانطي
نور بحنيه وهي تطبطب ع كتفها:معلش ياروحي مره تاني.. ماشي
لوجين:لا ياانطي خلاص انا مس هاكل اهووو وهقوم معاكي
نور تحدق النظر لمروان :معلش ياحبيبتي كلي انتي وانا هستناكي فوق تخلصي ونلعب سوا اوكيه
لوجين:لا ياانطي اقعدي معايا ناكل ما تقول حاجه ياداد
مروان وهو بيمثل انه مشغول في الاكل وينظر لنور بغمز:والله ياروحي شكل طنط
كده مش عاوزاكي تاكلي وانتي جعانه سبيها ع راحتها ياروحي
لوجين ببراءه اطفال:يرضيكي ياانطي تسبيني جعانه ومس اكل
نور باستسلام وتحدي:لا ياروحي خلاص هقعد عشان خاطرك
مروان بلؤم وغمز :مااحنا شاطرين اهوو وبقينا نسمع الكلام
نور بتاافف وهي تنظر لمروان بحده:انا قعدت عشان خاطرك وبس يالوجين
مروان اطلق ضحكه خبث كده هوو وشاور لمنيره امي ممكن بس تحطيلي شوربه
منيره:حاضر يابني
بدا مروان يشرب في الشوربه وبالصدفه عمل صوت وهو بيشربها
محمد وهو بيميل عليه ويهمس في ودنه:متعملش صوت نور بتتعصب جدا
من الصوت ده
مروان بفرحه:احلف كده ... طيب استني عليا هخليها تولع
محمد باستغراب :انت جاي تصالحها ولا تحرق دمها
مروان بخبث :ايش فهمك انت .. لازم اول خطوه تلفت النظر بالحاجه اللي تعصبها
محمد ممازحا :الله الله واي كمان لالا دانت لازم نقعد معاك قعده عشان تظبطنا
منيره:انتو بتتوشوشو في ايه!!
محمد:احم احم لا ياامي مافيش بس وحياتك حته من صدر الديك الرومي اللي قدامك ده
مروان بفرحه وتحدي :دانا النهارده مش هتغدي غير شوربه وهعمل صوت دانا هسمع صوتي للجيران
بدا مروان يشرب في الشوربه ونور كانت هتولع من الغيظ
نور وهي ماسكه السكينه في ايدها كانها هتقتل حد وبتخبط في الطبق اللي قدامها
محمد بلؤم: ما تاكلي يانور
نور وهي تشير لمحمد بعنيها ع مروان عشان الصوت اللي بيعمله
محمد الصراحه فهم هي تقصد اي بس طلبت معاه استعباط بقا
محمد باستفهام:في اي مش فاهم .. بتقولي حاجه ي نور
رجعت نور تشير تاني لمحمد ناحيه مروان
محمد في باله هاار اسود سامحني يارب ع اللي هعمله
ويوجه نظره لمروان بخبث
"مروان شوف ..نور عاوزه اي بتشاور عليك وانا مش فاهم قصدها"
نور حست نفسها في نص هدومها وهي تنظر لمحمد وتتوعدله وتشاورله بايدها كانها بتقوله صبرك عليا
مروان وهو يرسم ابتسامه:نعم اي خدمه تحبي تشربي شوربه
نور بقوة:لا مابحبهاش وممكن يعني لو تكرمت ماتعملش الصوت المستفز ده في الاكل
مروان قطب حاجبيه :صوت مستفز!!! وانتي ليه مركزه معايا
نور بنفاذ صبر :انا مش مركزه حضرتك اللي صوتك عالي
مروان وهو يشرب الشوربه بنفس الطريقه برضو ويرفع حاجبه :امممممممممممم تسلم ايديكي ياامي
منيره:الله يسلمك ياحبيبي بالهنا والشفي
نور قامت ومشيت بضيق:بعد اذنكم
وقبل ما تسمع كلمه من حد مشيت
منار:زودتها اووووي يامروان
مروان باستعباط :صح
محمد بخوف :يااالهووي عليا دي هتفرمني
مروان:طيب اعمل اي
منار:بص خدلها اكل واطلعلها فوق
مروان مستنكرا :نعم ياختي
منار وهي تنظر له نظر لوم:وبعدين قولنا اي
مروان:هاتي طيب وانا هطلعلها فوق
حضرت منار صنيه واديتها لمروان عشان يطلعها فوق
منار:اخويا حبيبي مش كل مانتقدم خطوه نرجع عشره لورا عاوزه
حنيه ورمانسيه كده هوو وبلاش كبر وعناد عشان خاطري
مروان:طيب طيب هاتي الصنيه دي
طلع مروان فوق وطرق ع الباب
نور بتغلي غيظ :اتفضل
مروان وهو يفتح الباب ويتقدم بالدخول:عارف انك ماكلتش جبتلك الاكل
نور:ومين قالك اني عاوزه حاجه منك
مروان:وع فكره انا كمان لسه مااكلتش فممكن ناكل سوا يعني
نور بتاافف:مش عاوزه منك حاجه الله وعاوز تاكل تقدر تنزل تحت وهنا مكان لنوم مش للاكل
مروان بعد ما وضع الصنيه ع التربيزه وجيه قعد مقابلها علي السرير:انتي ليه بتعملي كده
نور:وانت ليه عملت كده
مروان:ماتربطيش كل حاجه بالماضي كلنا بنغلط
نور:اللي ما يتعظش بالماضي مالهوش حاضر
مروان:بس انا ماطلبتش كتير انا طلبت انك تسامحيني
نور :وانت شايف بعد اللي عملته ده يستاهل اني اسامحك
مروان:حتي لو مش عشاني عشان ولادنا
نور:طلع ولادنا من الحسبه دي خالص
مروان:طيب وانا
نور:انت اخترت طريقك خلاص واخترت الانسانه اللي تكمل معاها حياتك وسبتني عشانها .. ومش مكفيك انك راجع ببنتين ..
ومش معني انك زهقت منها ده سبب انك ترجع وتلاقيني لسه مستنياك
مروان بحزن:هي دي نظرتك ليا
نور:انت حطمت كل ذره احترام بينا
مروان وهو بيبص في عينها:عارفه .. انا مقعدش معاكي كتير ولا اعرفك كويس بس بعرف
كويس اووي اذا كانت العيون بتقول نفس اللي حاسه بيه ده ولا غيره وعينكي بتقول غير كده
نور وهي تحاول تبعد عينيها عن مروان:لو عنينا بتتكلم كانت هتقولك اد اي انا اتعذبت وانكسرت
مروان بحنيه:بس عنيكي بتقول انك لسه بتحبيني وكل ده من ورا قلبك
نور بسخريه :عايش في وهم ع فكره وياريت ما توهمش نفسك اكتر من كده وتفوق ونصيحه مني ارجع مكان ما كنت يامروان
مروان بحنيه :مش وهم يانور وانا مش هكذب عليكي واقولك اني بحبك وكده بس هقولك وحياة بناتي
اللي تحت طول فترة غربتي ما بعدتي لحظه عن خيالي
وانتي بتقوليلي بسهوله كده امشي وارجع مكان ما كنت...بعد ما لقيت الامانه اللي افتقدته من ساعه ما مشيت
نور بتريقه:والله برافو بتعرف تمثل كويس اوي
مروان بالم متعجبنا :امثل
مش هرد عليكي وهفضل اقولهالك طول ماانا هنا هيجي اليوم اللي اثبتلك فيه اني اتغيرت بعد اذنك
نور وهي تقترب من الاكل وتمسك الصنيه:اتفضل مش عاوزه اكل وخد الاكل ده رجعه مكان ماجبته
مروان وهو يحدق النظر في عينيها:اوكيه هاخده
وقفلت نور الباب بسرعه ورا مروان عندما تعالت صوت دقات قلبها وبدات تشعر بالضعف امامه
نزل مروان بالاكل لتحت ودخل غرفة الطعام
محمد:عملت اي
مروان:هعمل اي يعني زي ما روحت زي ماجيت
منار:والله نور طيبه اووي ي مروان بس المشكله كرامتها عزيزه اووي عليها
مروان:وانا بحاول اصلح كل اللي عملته بس هي مش مدياني فرصه
منيره:معلش يابني استحمل ومتنساش انك جرحتها ومش اي جرح يداوي بسهوله
مروان: ربنا يسهل ياامي....هي فين مريم ماكلتش معانا ليه
منار:ابدا قالت شبعانه ملهاش نفس
مروان:طيب انا هطلع اشوفها
نروح عند حازم اول ما عرف انه مروان خلاص طلب بتصفية كل حساباته
في لندن اشطاظ غضبا وقرر انه يرجع مصر ع الفور
نروح عند حسين الشرفي وهو متعصب
حسين بعصبيه :انت غبي ولا متخلف كده منفذتش ولا حاجه من اللي اتفقنا عليها
كريم:والله ياعمي هي اللي ضربتني وهربت
حسين:ضربتك بذمتك مش مكسوف من نفسك
كريم:عمي استـــ
حسين مقاطعا لكلامه:عمك اي وزفت اي انت نسيت نفسك ياولد انت نسيت انا نضفتك
وعملت منك بني ادم بعد ما كنت صايع في الشوارع وكل ده عشان
اخد تاري من اللي قتلو بنتي ولازم اكسرهم قبل مااموتهم
كريم:استني بس وبص كده
حسين بدهشه :اي ده
كريم:افترج كده بروقان وقوليلي رايك
مسك حسين التليفون وقعد يتفرج باندهاش
حسين بفرحه:عفارم عليك ياكريم
كريم:اه بالفيديو ده لو وصل لاخوها ..هتبقي ضربه في العضل بجد
حسين:لا عجبتني ياولد الفيديو ده كنز بالنسبه لينا
كريم وهو يحط رجل ع رجل:هع ياتري اي هيكون موقف اخواتها وهي نايمه في حضني
حسين بقهقهه:هاااااههاهاههاهاههاهاهاههاهاهاهاههاهاهي كده نبدا الشغل وهرجعلك حقك ياهايدي ي بنتي
نرجع عند مروان وهو يطرق الباب الغرفه عند مريم
مريم :ادخل
مروان وهو يفتح الباب وبيقرب منها :ماجيتيش ليه اكلتي معانا
مريم بصوت متقطع:ماليش نفس
مروان:طيب بصيلي وانتي بتتكلملي....ايه ده ياروحي انتي بتعيطي
مريم وهي تترمي في حضنه:انا محتاجالك اوووي يامروان متسيبنيش تاني عشان خاطري
مروان:مريم حبيبتي في اي مخبياه عليا...قوليلي انا ممكن اساعدك
مريم وهي تمسح دموعها:متقلقش يامروان انا بس مخنوقه شويه
مروان:ايوة يعني من ايه
مريم:لا مشاكل مع صحابي كده متقلقش
مروان/اااكيييد
مريم بصوت متقطع:اكيد
مروان:طيب يلا تعالي اقعدي معانا تحت
مريم:لا انا هنام شويه
مروان:ع راحتك بس هنقعد مع بعض بالليل ماشي
مريم :ماشي
مروان وهو بيغطيها كويس تصبحي ع خير ياقلبي
مريم:وانت من اهله
خرج مروان وطفي النور وهو وقابل منار
منار:كويس انك خرجت .. عاوزه اتكلم معاك
مروان:بنت حلال انا اللي كنت عاوزك
بس الولاد فين
منار:متقلقش مع محمد تحت
مروان ممازحا :مقلقش دانا قلقت اكتر محدش بوظ اخلاق العيال اللي تحت دول غير اخوكي محمد اصلا
منار ضحكت :في دي بقا عند حق
...تعالي تعالي ندخل جوا
مروان:تعالي
مريم فضلت تتقلب يمين وشمال معرفتشش تنام وحاسه انها مخنوقه اووووي
وازاي انخدعت في كريم للدرجه دي وجيه ع بالها في الفتره دي ياسين
مسكت موبايلها وفتحت حسابها الخاص "الفيس بوك" وبحثت عن ايميل ياسين
ولقيته بعد صعوبه وحست انها عاوزه تتفرج علي صوره وتشوف تعليقاته
وطريقه كلامه وهو بيهزر وهو حزين وحالته اي دلوقتي
المهم تجولت مريم الحساب ماسابتش بوست ولا صوره الا اما فتحتها وقرت كل اللي عليها
وحست بفرحه كبيره اووي وهي بتعمل كده لحدت ماراحت في نوم عميق وهي حاضنه الفون
منار وهي تضع ايدها ع فمهما من الصدمه:نادين ماتت معقوله
مروان وهو يستند بضهره ع السرير:اه ياستي وادي كل حكايتي خلال ال4 سنين اللي عدو
منار بذهول:انا بجد مش مصدقه ..طيب والبنات دول اي ذنبهم يتربو من غير ام
مروان:عشان كده جبتهم هنا ...هنا انسب مكان ليهم
منار:طيب ونور
مروان:اهووو هي دي اللي حكايتها حكايه مش قادر ارفع عيني في عينها ونفسي تسامحني بجد
منار ابتسمت :هتسامحك بس مش دلوقتي
مروان:اومال امتي
منار:لما تتطلع عينك وتخليك تبكي بدل الدموع دم
مروان بدهشه:هااااااااااااااااار اسوح عليا
منار:اومال اي مافيش حاجه بالسهل
مروان:ربك يعدلها
هقوم انا اقعد مع امي شويه
واتي المساء ع ابطالنا
وكلهم متجمعين في غرفه الجلوس بيشاهدو مسرحيه العيال كبرت
منيره: من وانا اد كده بتفرج ع المسرحيه دي وبرضو هي الوحيده اللي بضحكني من قلبي
نور: لا بجد هي تحفه ليها احساس خاص كده
مروان برخامه :احساس خاص ازاي يعني
نور بقرف ومن غير نفس :يعني بتفرحني
مروان:طيب ياستي ربنا يجعلك ع طول فرحانه
نور :انا كنت فرحانه لحدت الصبح
مروان ببرود:ليه هو في حد جيه زعلك ولا حاجه
نور وهي تنظر له بغيظ:اوووووووووووووووووووف
لوجي:انطي نور ممكن اسال حاجه
نور بحنينه:اتفضلي ياروحي
لوجي:هو حضرتك مس مراة بابي
نور بارف:للاسف
لوجي:طيب ليه حضرتك مش قاعده جمب بابي
نور بصدمه وارتباك:ااااايه
لوجي:اصو مامي كانت دايما تقعد في حضن داد لما بنتفرج ع الTV
مروان بعمز:قولولها كمان وكمان يابنات
نور وهي تحدق النظر اليه:ممكن ماتتدخلش بيني وبين بناتي
مروان حس بفرحه مش طبيعيه :وبناتي انا كمان
نور:اووووووووف انا رايحه انام
لوجين بنوم:انطي انا عاوزه انام
نور:ياروحي تعالي فوق نامي مؤقت في اوضه سلمي وانا بكره هجهزلكم اوضه
لوجين :طيب سيليني ياانطي
نور بحنيه وهي تقترب منها:عيوني انتي يلا
لوجين :وتنامي جمبي
نور وهي بتقرب منها وتشيلها:بس كده وهحكيلك حدوته كمان
لوجين:انت حلوة اووي ياانطي
يوسف:وانا كمان هاجي معاكم تحكولي حدوته
سلمي ولوجي:وانا كمان خدوني معاكم
نور بضحك :يلا ما مصايب انتو
مروان يراقب الموقف بااعجاب وذهول من نور ازاي بتتعامل كده مع بناته .. وازاي اتقبلت وجودهم اصلا
واخدت مروان الاطفال وطلعت فوق تنيمهم
نور:يلا بقا احكيلكم قصه اي
سلمي:البطه والثعلب
يوسف:لالا الاسد والحمار الغبي
لوجين:طيب اختارلينا حاجه ع ذوقك ياانطي
نور:امممممممممممممم بصي انتو كبرتو ع قصه الاسد والتعلب دي
انا هقولكم قصه هتعجبكم اوووي
يوسف:قصه ايه
نور:قصه اوديب
لوجين :مين اوديب ده
نور:ده واحد قتل باباه واتجوز مامته
سلمي وهي تضع يدها ع بؤها:ياخبر ابيض طيب ازاي يامامي قوليلنا .. يلا بسرعه
نور:اوك ..الاول نقول كان يامكان ولا يحلي الكلام الا
يوسف وسلمي:بذكر النبي عليه افضل الصلاة والسلام
نور:برافو بصوا بقا
نروح عند مروان
مروان: ياامي هروح انام انا تصبحي ع خير
منيره:هتنام فين يابني اوضتك نايمه فيها نور
مروان:واي يعني نور دي مراتي ولا انتي نسيتي ياامي
منيره:مروان انت جاي تصلح اللي عملتو مش جاي تزود الطين بله .. وانا ماصدقت اني عقلتها وهديتها .. وانها تتقبل فكرة وجودك بس عشان بناتك
مروان :متقلقيش ياامي ولازم نور ترضي بالامر الواقع ولو مانمتش فوق من اول يوم
هتتعود ع كده ومش هنقدر نصلح حاجه
واهي فرصه نتكلم مع بعض لوحدنا
منيره:مش مقتنعه بس اوووعي يامروان
مروان:امي قولتلك ماتقلقيش انا مستحيل اكرر خطأي مرتين يلا بقاا تصبحي ع خير
منيره:وانت من اهله يابني ربنا يهديكي ويحنن قلبك يانور يارب
صعد مروان السلم وهو يمر بغرفه الولاد سمع يوسف وهو بيقول بصدمه
ازاي يعني ياامامي ادويب ده وحش اوووي يقتل باباه عشان يتجوز مامته
وقف مروان ع الباب ليستمع لحديث نور وجذب انتباهه كلام يوسف
نور :استني بس يايوسف ممكن تبطلو رغي عشان ابدا احكي
لوجين:اتفضلي ياانطي
نور:بصوا بقاااا
اوديب ده كان باباه ملك ع كل البلاد
سلمي:طيب يعني اي اوديب
نور:اوديب ده يعني صاحب الاقدام المتورمه
لوجي:طيب ليه سموه كده
نور بنفاذ صبر :هتعرفي في القصه حاضر ..
اكمل بقاااا
يوسف:كملي ياامامي
وصلنا انه اوديب ده كان ملك ع البلاد وكانت مراته مش بتنجب اطفال
وفي يوم من الايام جات ست كده عرافه
لوجين:يعني اي عرافه
نور:عرافه دي يعني ست تدعي انها بتعرف الغيب
سلمي:وصحيح في حد يعرف اي اللي هيحصل بكره
نور:لا طبعا ياروحي محدش يعرف اي هيحصل بكره غير ربنا
واللي بيعملو كده بيقوا هيروحو النار
وزي ما بيقولوا كذب المنجمون ولو صدفو
سلمي:يعني اي منجمين
نور بنفاذ صبر :ياااااااااااااالهووووي مش هنخلص استني احكي القصه كلها وبعدين اجاوبكم ع كل اسئلتك تمام
كلهم:تمام
بعد كده العرافه دي قالتلو انه هيجيلو ولد يقتل باباه ويتجوز مامته
طبعا باباه الملك خاف كده وقالها انتي كذابه وطردها بره
ومرت الايام وفجاه عرف انه مراته حامل وولدت ولد
طبعا باباه الملك خاف ع نفسه وامر جنوده بقتله
بس قال الاول اضربوه ع رجليه لحدت مابقيت رجليه متورمه خالص
وبعد كده امر جنوده يرموه من فوق الجبل
وكلهم ينظرون اليه اعجاب ومروان برضو بيتابع القصه بانصات واهتمام
يوسف بلهفه :كملي بسرعه يامامي
نور:هكمل اهوووو
وبعد كده جنوده صعب عليهم اوووي يرموه من فوق الجبل وعاطوه لراعي غنم
وقالو للملك انهم راموه..... اخده راعي الغنم ورباه وكبر وبقي شاب
وكان في يوم بيرعي الغنم وجاته نفس العرافه دي وقالتو انك هتقتل باباك وتتجوز مامتك .. طبعا جيه ف باله راعي الغنم ومراته اللي ربوه
طبعا هو خاف جدا وقرر انه يهرب وهو في الطريق قابله ملك اتخانق معاه لانه الغنم بتوعوه
سدو الطريق وكلمه من هنا وكلمه من هنا قالوا انزل حاربني واتقتل الملك وهرب اوديب ده لحدت ماوصل
حدود البلاد لقي لافته مكتوب عليه اللي يصطاد حيوان متوحش اووي هيكافئ ويبقي ملك البلاد ويتجوز الملكه
وطبعا اوديب ده عمل كده واتجوز الملكه واكتشف في الاخر بعد ماانجب ولاد انه اتجوز مامته واقتل باباه
طبعا مااستحملش الصدمه وفقع عينيه عشان كده اصيب بالعمي وعاش طول بقية عمره اعمي
يوسف:الله يامامي قصه حلوووة اوووي
سلمي:انا صعب عليا اووي اوديب ده يامامي
نور:طيب اشششششششششششش يلا يلا نامي اخواتكم نامو عشان مايصحوش
يوسف بهمس:طيب انا انام فين
نور:معلش ياحبيبي نام ع الكرسي هنا عشان تحمي اخواتك . ولا ايه
يوسف بهمس:ماسي ماسي يلا يلا ياسلمي نامي احسن يصحوا حرام دول تعبانين اوي
نور:شااطرين يلا تصبحو ع خير فين حضن مامي
اول ماخلصت نور القصه مروان اتاثر بيها جامد وزاد اعجابه بنور اكتر واكتر وانسحب بهدوء ودخل الاوضه
نور بعد ما نيمت الاولاد وغطتهم كويس اوووي وذهبت لاوضتها
وهي بتفتحها ع جهل انها ممكن تلاقي حد جوه
نور وعلي صوت شهقتها بخضه:انت هنا