رواية ولنا لقاء اخر
الفصل السابع عشر والثامن عشر
بقلم نهال مصطفي
البارت السابع عشر
نور بعد ما نيمت الاولاد وغطتهم كويس اوووي وذهبت لاوضتها
وهي بتفتحها ع جهل انها ممكن تلاقي حد جوه
نور وعلي صوت شهقتها بخضه:انت هنا
مروان وهو يعتدل ف جلسته
"اي هو دي مش اوضتي برضو وانا جوزك"
نور بسخريه
"لا طبعا .. مستحيل دي كانت اوضتك دلوقتي اوضتي انا .."
مروان قرب منها بهدوء
"طيب ممكن تقفلي الباب وتيجي نتفاهم"
نور وهي برضو لسه واقفه في مكانها وبتحدي :لا طبعا ع جثتي انا وانت ننام في اوضه واحده
قام مروان بهدوء وبيقرب منها ويقفل الباب ويهمس في ودنها
"مش واثقه في نفسك ولا ايه"
نور بدا يظهر عليها التوتر والقلق
"لا طبعا واثقه في نفسي جدا بس مش واثقه فيك"
مروان بعد ماقفل الباب
"انا مش هاكلك ع فكره"
نور وهي بتقوي نفسها متحدية
"ومين قالك اصلا انك هتقدر تقربلي"
مروان وهو يستند بايده ع الحيطه وايده التانيه مستنده ع الحائط حتي حاصرها بين دراعاته تماما وبغمز
" ياجامد انت"
نور وهي تبعد عنه بنفااذ صبر
"ع فكره اوضه المكتب تحت فاضيه تقدر تنام فيها"
وهو يقف قصادها معاندا
"انا مابعرفش انام غير في اوضتي"
نور بسخريه
"ويا تري كنت هناك ف لندن مابتنمش عشان مش في اوضتك .. بطل حجج فارغه "
مروان مداعبا
"عرفتي ازاي اني ماكنتش بنام هناك .. انا فعلا ماكنتش بعرف انام من تفكيري فيكي"
نور وهي تحاول تغير الموضوع وبتدفعه عن طريقها
"طيب عاوزه انام ممكن"
مروان بلا مبالاة:طيب ماتنامي هو انا مسكتك يعني
نور دارت بنص جسمها وبفرحه :وانت هتنزل تنام تحت طبعا
مروان مط شفته متعجبا
"ومين قال كده هنام جمبك طبعا"
نور بانفعال :اسم الله .. ع جثتي طبعا
مروان بغمز: ع فكره تقدري تقلعي الحجاب انا مش غريب برضو
نور هي ترفع الغطي من ع السرير وتاخد وضع النوم
"شوفت مش انا بقول مافيش ثقه فيك خالص"
مروان يقترب منها :يعني وافقتي اني هنام جمبك صح
نور هي تمسك اناء الميه من جمبها وتسكبه ع السرير في المكان
اللي المفروض مروان ينام فيه متحدية
" احم .. ابقي وريني هتنام فين بقي تصبح ع خير"
مروان بغيظ:اه يابت الــــ كده تدلقي الميه في المكان اللي هنام فيه دانتي مش سهله ابدا
نور وهي بتغطي نفسها كويس اووي :بطل رغي عندي شغل بكره ..
مروان وهو يتجه ناحيه الكنبه بحسره :عيني عليك وع حظك يامروان هتنام ع الكنبه .. اه يابنت المجنونه
نام مروان ع الكنبه ونور بقا هتموت من الفرحه لانها قدرت تحرق دمه
ويصبح نهار يوم جديد
بتقوم فيه نور بهمه ونشاط قامت اتوضت وصلت ودخلت الحمام تغير هدومها
وخرجت بره في الاوضه وتعمدت تعمل كركبه وتوقع حاجات وتخبط في حاجات وتفتح النور عشان تقلق نومة مروان
مروان بصوت كله نوم وعصبيه
" اووووووووووووف اقفلي النوووور عاوز انام"
نور بعناد :الساعه 7 ع فكره يعني .. اخدت راحتك في النوم وكفايه
مروان بنرفزه وتوجع :يابت الحلال انا نايم الفجر سبيني في حالي واقفلي النور
نور بتعمد وهي قاعد ع المكتب :لا لسه عندي شغل عاوزه اخلصه
مروان وهو يقوم ماسك رقبته من الالم اللي فيها وبعصبيه
"مش هنام احنا النهارده عشان سيادتك "
نور هتموت من الضحك ع شكله
"انت ماسك ليه رقبتك كده"
مروان بنفاذ صبر
"يعني مش عارفه ياختي من نومه الكنبه دي .. فرحانه مش كده"
نور وهي تكتم الضحك وهي تقف وتلم في حاجاتها
"انت اللي جايبو لنفسك .. قولتلك تقدر تنام ف اوضه المكتب .. انت اللي صممت .. استحمل "
مروان بدل يفوق :انتي رايحه فين بدري كده
نور متحديه
"وانت مالك .. اروح مكان مااروح مالكش دعوه بيا"
مروان وهو يقف بحده ويمسكها م معصمها
"لما اقول رايحه فين تردي عليا مفهوم"
نور بعصبيه
"رايحه الشغل هكون رايحه فيين يعني اي الذكاء ده . . وانا بحذرك ي مروان اول واخر مره تلمسني "
مروان بانفعال :نعععععععععععععععععععععععم وانا سوسن هنا
نور:يعني اي
مروان بحده :مافيش شغل
نور بضحك مستنكره وبتضرب كف ع كف
"ليه بقااااااااااا"
مروان بعصبيه :والله عال ياهانم عاوزه تنزلي الشغل وسط الموظفين وسخافتهم وخناقتهم
واجتماعات بقا وانا الصراحه مرضاش ع مراتي كده
نور رفعت حاجبها ومطت شفتها
"امممممممممم .. كلام مظبووط .. خلصت؟ "
مروان بعصبيه
"لا طبعا لسه ماخلصتش وبعدين اي الطريقه اللي انتي بتتكلمي بيها دي "
نور بنفاذ صبر
"مروان اقولك اي ابعد عن سكتي احسن عشان مش هنتخانق الصبح كده"
مروان وهو يمسكها من معصمها ليقفها امامه ويلفها
"لما اكلمك تقفي وتكلميني زي البني ادمين فاهمه"
نور تنهدت :يعني انت دلوقتي مش عاوزني انزل الشغل
مروان بنرفزه :اوووووووووووف ايوه
نور مستفهمه :ليه
مروان بنفاذ صبر :اللي هنعيده هنزيده يامدام ولا اي
نور هديت . وجلست ع اقرب اريكه وعقدت ساعديها ووضعت رجل فوق الاخري
"وانت كنت فين من 5 سنين وانا بنزل الشعل ومن هنا لهنا وسفر واجتماعات ومؤتمرات ..
وجاي دلوقتي تمنعني اني اخرج اروح الشغل مش كده. .. طب والله عال "
مروان عقد كفيه خلف ظهره
"الوضع اختلف دلوقتي .. انا موجود وفيه راجل انتي مسئوله منه"
نور بسخريه:ههههههه راجل .. قولتلي !!
مروان بعصبيه وبحده :اقسم بالله يانور لو مااتعدلتي في طريقة كلامك معايا لهعدلك
نور قامت م مكانها وبانفعال :انت مالكش حق تكلمني كده انا حياتي كده ومش هتتغير عشان اي حد .. حتي انت يامروان .. وبلاش جو سي السيد دا .. عشان نورهان بتاعت زمان ماتت ي مروان .. اللي واقفه قدامك دلوقتي مافيش مخلوق هيقدر يكسرها
مروان بحده :يعني هتكسري كلمتي
نور وضعت كفها ع رقبتها وهزت رجلها
"خلاص انا عندي حل"
مروان بتافف وهو يضرب كف فوق الاخر :اللي هوووو
نور بتحدي :مش عاوز تسيبني لوحدي انزل الشغل .. عشان حججك اللي انا اصلا مش مقتنعه
بيها .. تقدر تلبس وتيجي الشركه وتشتغل فيها زيك زي اي حد وهيكون ليك مرتب اخرر الشهر
مروان بعصبيه :انتي اتجننتي بقاا انا مروان المنصوري انزل اشتغل عند مراتي وانا صاحب املاك وممتلكات .. اي شغل فيلم مراتي مدير عام دا .. والله عال
نور بسخريخ :وهي فين الاملاك دي!
مروان بهدوء:نور انا فلوسي كلها ف السوق .. واخر الشهر كل الفلوس هتتحول في حساباتي
نور عطتو ظهرها وفتحت البال :خلاص لحدت ما ده يحصل انت تسمع كلامي وبس . ولما تبقي راجل البيت وتصرف ع البيت
ليك حق تتامر زي ما تحب
مروان وهو يقفل الباب بايده:انا لسه ماخلصتش كلامي .. ودي مش طريقه تكلمي بيها جوزك يابت الاصول
نور بتريقه :هااا .. جوزي!! اه قولتلي
مروان متوعدا :شكلك نسيتي اخر قلم اخدتيه وعيارك فلت
نور وهي تقعد ع السرير وتحط رجل ع رجل:اه وهتضربني تاني يامروان
مروان بحده :والله لو متعدلتيش في كلامك اضربك واكسر دماغك كمان
نور رفعت حاجبها
"واللهّ!!!!!!!!! "
ثم وجهت نظرها ليها مشيره بسبابتها متحديه
"بص يامروان قدامك 5 دقايق ياما تلبس وتنزل الشغل معايا
وساعتها انت اللي هتكون مسئول من البيت مصروف البيت هاخده من ماما منيره
واي حاجه نحتاجها هنطلبها منك ياراجل البيت ومليم واحد ماهيدخل البيت واي حاجه نحتاجها
هنطلبها منك .. تمام"
مروان بعد تفكيروهو بيغير في هدومه:اوك موافق
نور بصراخ وهي تحط ايديها ع عينيها:انت بعمل اي يامجنون انت
مروان باستغراب :الله ! بغير هدومي كمان مااخدش راحتي في اوضتي
نور وهي تقوم وهتقرب من الباب:لالا بجد انت .. مش طبيعي .. هستناك تحت .. بس مش هستني كتير
مروان وهو يبتسم:انا جوزك ع فكره
نوروهي تخرج من الغرفه بطريقه طفوليه
"انا مش جوزة حد ع فكره"
مروان سمع كلمه جوزة حد دي ودخل في غيبوبه ضحك
نور وقفت شويه وحطت ايدها ع بؤها ع الكلمه اللي قالتها وابتسمت ونزلت تصبح ع منيره
نوروهي بتبوس ايدها:صباح الخير ياماما
منيره:صباح الورد ياروحي
نور وهي تمسك بفنجال الشاي :اخدتي الدواء بتاعك
منيره:اه يابنتي اخدته ...مروان لسه نايم
نور وهي تقعد جمبها:لا صحي وبيلبس فوق نازل معايا الشغل
منيره:ايه!!!!!!!!!!!!!!.... نور انتي ناويه ع ايه
نور متحديه :هتعرفي كل حاجه في وقتها ياماما
منيره بتوسل :اديلو فرصه تانيه يابنتي معلش عشان خاطر ولادك
نور بتوعد : مروان معطانيش فرصه اولي عشان اديلو فرصه تانيه
منيره: مش مرتحالك .. تعالي تعالي افطري طيب
نور وهي تبص ع الساعه:لالا دانا اتاخرت جدا والبيه لسه فوق
منيره:طيب اطلعي استعجيليه
نور باستغراب:نــــــــــــــــــــــــــعــــــــــم كمان مااهو ناقص ماينزل لوحده
استعجله ليه انا مش عارف اللي وراه هو اوووف 5 دقايق لو منزلش انا همشي
مروان وهو نازل ع السلم:هو اي اللي تمشي ده ياهانم
نور بحده :كل ده تاخير...من اولها كده مافيش احترام للمواعيد
مروان ممازحا :انتي هتعمل عليا مديره من دلوقتي ولا ايه
نور بثقه وتحدي :ده لو كان عاجبك بقي .. مش انت اللي مصمم تنزل معايا الشغل استحمل بقا
منيره وهي بتتدخل عشان تهدي الموقف:وبعدين مش هتبطلو شغل العيال ده
نور :يعني مش شايفه طريقه كلامه ياماما
مروان:طيب انا نطقت ولا قولت حاجه قدامك ياامي
منيره:خلااااااااااااااص يلا عشان تفطروا
نور:لالا مليش نفس وبعدين اتاخرت
مروان:بس انا عاوز اكل وجعان
نور بعناد :بس اتاخرنا
مروان بحده :بقولك نفطر ونخرج ...وبعدين يادكتوره يابتاعت الطب انتي
المفروض اول واحده تكوني عارفه اهميه وجبه الفطار ع الصبح
منيره:معلش ي بنتي تعالي غيري ريقك بحاجه خفيفه كده 5 دقايق مش هتفرق
نور:اووووف عشان خاطرك بس انتي ياماما
منيره:الله يخليكي يابنتي ويكتبلك في كل خطوه سلامه
مروان بلؤم:وانا ماليش دعوة كده ياست الكل
منيره توجه نظرها لنور :الله يقربلك البعيد يابني
مروان وهو يقترب من اذان نور:يـــــــــــــــــــــــــارب ياامي يااااااااااارب
نور وهي بتقرب من الكرسي بتاع السفره اتخضت .. وبتسحب الكرسي اتفاجئت بايد مروان تلامس ايديها
نور بتوتر :اي بقا
مروان:في بلاد بره عشان الواحد لما يحب يعبر بحبه لمراته بيسحبلها الكرسي عشان تقعد عليه
نور وهي تسحب الكرسي بقوة:ده في بلاد بره انما انت هنا في مااسر ام الدنيا
مروان بمزاح:ياااحبيبتي ياااامااااسر
نور بعد ماقعدت ع الكرسي ومسكت قطعه توست "ماما من هنا ورايح مصروف البيت هيكون في ايد مروان بيه . هو اللي هيكون مسئول عن كل حاجه هنا"
منيره بفرح :وانا في ديك الساعه لما ابني يكون هو المسئول عن مصروف البيت
نور بعناد:وياريت تدي الشغالين اجازه مفتوحه عشان يمكن الاخ مروان بيه مايقدرش ع المصاريف الشغالين
مروان:ليه بقا ان شاء الله انتي مش ناويه تديني مرتب ولا اي
نور بلا مبالاه :لا طبعا واكون ظالمه زي ناس ...مرتبك هتاخده كل اول شهر مع كل الموظفين
مروان في سره:شكلك هتتعبيني اووي يانور بس يلا كله يهون عشان اوصل لرضاكي .. وتسامحيني
منيره:اذا كان ده هيريحك خلاص يابنتي ماشي
نور وهي تشير النظر لمروان:مش كفايه اكل
مروان:ماانتي من الصبح شغاله رغي هاكل ولا اركز معاكي
نور بغيظ ونفاذ صبر:لا بقا كده مش هنخلص
مروان وهو يقف :سديتي نفسي .. والله مااكل تاني يلا يلا ورانا شغل
نور في سرها:اسم الله .. ناقص تاكلني قال سديتي نفسي قال
مروان :ما يلا وتتاخري وتقولي في الاخر انا اللي معطلك
نور بغيظ :شوفي ياماما هو اللي ماخرنا ويجيب الغلط عليا في الاخر
منيره:وبعدين بطلو شغل اطفال ويلا يلا ربنا يوفقكم
انصرف مروان ونور ووصلو للعربيه
نور وهي توجه نظرها للسواق
"ياعم سعيد انت من النهارده في اجازه مفتوحه
ومرتبك هيستمر طول فتره الاجازه"
سعيد:ليه بس ي ست نور هو انا عملت حاجه غلط لسمح الله
نور:لالا ياعم سعيد بس هنديك اجازه تقعد مع ولادك وترتاح شويه
سعيد :الله يخليكي ياست نور
نور:ربنا يباركلك ياعم سعيد خد دول لولادك واتفضل
سعيد:الله يطول في عمرك ويسعدك ياست هانم
مروان:اي اللي انتي عملتيه ده ومين هيسوقلك
نور بتناكه:وانت روحت فين
مروان:لا انا نازل اشتغل في الشركه مش سواق حضرتك
نور وهي تفتح باب العربيه الخلفي وتركب:امممممممممممم يلا يلا عندنا شغل كتير
مروان بغيظ:اسم الله .. شوفيرك الخاص انا تعالي اركبي قدام طيب
نور:انا ركبت خلاص يلا سوووق .. ومتناسش انا المديره وانت موظف عندي .. وكفايه اني اتنازلت وهركبك عربيتي
مروان بنفاذ صبر :اللهم طولك ياروح
ركب مروان العربيه وهو مجبور ع امره وينظر لنور في المراه نظرات غيظ
نور بشماته :ركز في السواقه طيب
مروان وهو يشغل الكاست:انا مركز ع فكره انتي اللي شكلك مركزه معايا زياده
نور:انت بتشغل اي مش عاوزه اسمع حاجه
مروان:بس انا حابب اسمع في اعتراض
نور:اوووووووووووووووووووووووووووف
شغل مروان اغنيه في الاول
في الاول والاول بس
بنشوف بنشوف باللمس
وبنعشق من اول ثانية
وياخدنا العشق وياخدنا العشق
وياخدنا معاة لاخر الدنيا
بنلون احلام بتاخدنا
ونضم العالم دة في ايدنا
ونلملم ضحكة بتسعدنا
نرميها تروح اخر الدنيا
في الاول عمرنا مانخون
بنشوف الدنيا بعيون
وقلوبنا بتشوف حاجة تانية
وياخدنا العشق وياخدنا العشق
وياخدنا معاة لاخر الدنيا
بنالون احلام بتاخدنا
ونضم العالم دة في ايدنا
ونلملم ضحكة بتسعدنا
نرميها تروح اخر الدنيا
سرحت اووووي نور مع الاغنيه
مروان مستفهما:عجبتك صح
نور بنفاذ صبر :واي عرفك
مروان:نظراتك بتقول كده
نور وهي تحاول تغير الموضوع:انت اتعديت حدودك اوووي معايا
مروان وهو يقف بالسياره:وانا قولت حاجه طيب
نور باستفهام:وقفت ليه
مروان وهو يلف للخلف :عاوز اتكم معاكي ممكن
مور:انا مستعجله ع الشغل الساعه داخله 9 ولسه موصلناش
مروان وهو يلتف بوجه ويكلمها وتوسل :نور بليز
نور تنهدت :عاوز اي يامروان
مروان باسف :انا اسف
نور:ع اي
مروان:ع كل حاجه
نور:ملهوش لازمه الاسف اللي حصل حصل
مروان:عارف انه اللي حصل حصل بس انتي هتفضلي لامته كده
نور:هو انت سبت مراتك وجيت ليه يامروان
مروان :اولا انا ماسبتش مراتي هي اللي سابتني وراحت لبعيد اوووي
نور:تقصد اي
مروان:نادين الله يرحمها يانور
نور:ان لله وان اليه راجعون ...اسفه ..
مروان:اششششش مش عاوز اسمع كلمة اسفه دي ابدا لو المفروض في حد يعتذر يبقي انا
نور بغيظ :وانت عشان كده رجعت !
مروان : كنت راجع من اول يوم .. بس خوفت .. خوفت اظلمها .. خوفت م رد فعلك .. كنتش اد مواجهتك يانور .. عارف اني جرحتك وندمان ع غلطي دا .. قولي انك سامحتيني .. مش عاوز غيرها
نور بتحاول تغير الموضوع : اتاخرنا ع الشغل
مروان :مخلصتش كلامي ع فكره
نور:واي تاني
مروان:هنتفق اتفاق اوك
■■■
منار وهي تجري ع السلم:صباح الخير يامامي انا خارجه عاوزه حاجه
منيره:صباح النور ياحبيبتي تعالي افطري
منار:لالا مستعجله ...اه صح مروان صحي
منيره:يااااااه من بدري وكمان راح الشغل مع نور
محمد وهو نازل :نعم انتي قولتي مين مروان ونور نزلو الشغل ياادي المصيبه .. الشغل هيولع
منار:مصيبه ليه بس
محمد باستغراب :انتي ياختي جايه تحطي البنزين جمب الكبريت وتقولي مايجراش حاجه
منار:تقصد اي
محمد:اقصد انه نور ناويه ع حاجه كبيره اووووي ومروان هيشوف ايام سوده
منار حدقت النظر اليها
"خبر ابيض ...بس احسن خليه يتربي ويتحمل المسئوليه بقا وومحدش هيربيه غير نور"
منيره:بدل ما تدعيلهم ربنا يجمعهم
منار:وانا اكره ياامي ياااارب بس لما مروان يتادب الاول
محمد ممازحا :من ناحيه هيتربي فهو هيتربي ونص وتلات تربع كمان
منيره:ربنا يستر
محمد:يلا انا رايح الجامعه
منار :وانا كمان رايحه الصيدليه
منيره:طيب افطروا
كلهم في صوت واحد:لالالا سلام
■■■
نور مردده لكلامه
"يعني انت عاوزني نتعامل عادي قدام الولاد وبينا وبين بعض مانكنش طايقين بعض"
مروان:مش قصدي كده بس بلاش نبين للولاد اننا زعلانين من بعض .. نتصرف زي اي اتنين متجوزين
نور بحده :وانا مش هكدب ع نفسي ولا ع ولادي
مروان:ومين قال كده بس
نور بصرم :الكلام انتهي واتفضل مش عاوزه اسمع كلمه تاني
مروان بغمز :اخر كلام
نور بحده:انت هتصاحبني .. انت نسيت نفسك ولا ايه يابيشمهندس
ولو سمحت مش عاوزه اسمع كلمه تاني خلص الكلام
دور مروان العربيه متااففا وهو ع اخره لانه مش لاقي طريقه يدخل بيها لنور
ووصلو الشركه هما الاتنين وكان الصمت سيد الموقف وقتها
دخلت نور مكتبها ودخلت وراها نيره ومروان وجلست ع مكتبها
نور وهي توجه نظرها نيرة:قهوه مظبوط لوسمحتي يانيره
نيره:اوك يافندم حاجه تاني
نور:اه مروان بيه هيشتغل في الشركه هنا ممكن تجهزي مكتبه
نيره:اه بس في اي قسم
نور بحده :في قسم مستر سعد ..
نيره باستغراب:نعم...حضرتك مظبوط اللي بتقوليه ده
نور بحده:نيره سمعتي قولت اي .. نفذي يلا
مروان وهو يجلس ع الكرسي اللي قدام نور:اطلبيلي معاكي واحد قهوه كمان
نور وهي تشير لنيره بالانصراف وتتكلم بحده:انت ازاي قعدت من غير مااسمحلك
مروان باستغراب وهو يبص وراه:بتكلميني انا
نور:وهو فيه في المكتب غيرنا
مروان بستغراب :مانا عشان كده مستغرب
نور بحده :لما تكلمني تقوم تقف مفهوم
مروان بانفعال :انتي ازاي بتتكلمي كده
نور وهي تقف وتخبط ع المكتب:انا هنا المديره ع الكل واتكلم زي مانا عاوزه ..
وانت هنا موظف ليك مرتب اخر الشهر ..وهنا الشركه وبقواعد وقوانين لازم تتبعها
ولو مش هتتبعها يبقي درولك ع شركه تاني اشتغل فيها
مروان وهو يقف بنفس الطريقه اللي وقفت بيها نور
"لا بقي دانتي اتعديتي حدودك وزياده .. ونسيتي انك بتتكلمي مع جوزك اولا وصاحب كل الاملاك دي ثانيا"
نور وهي تخبط ع المكتبه بشده وهزت راسها هزه خفيفه
"انت فعلا نسيت نفسك
وكمان بتعلي صوتك ع صاحبه الشركه هنا مخصوم منك 3 ايام
وشكله كده هنخصم الشهر كله لو ماالتزمتش بالقواعد
واتعلمت تكلم رئيسك في الشغل ازاي وتحترمه"
مروان بنفاذ صبر :واي الذل ده مابلاها شغل احسن
نور قعدت ع المرسي مجددا وبتناكه
"والله ماضربتكش ع ايديك تيجي تشتغل هنا "
مروان قرب منها ولف الكرسي محاصرا اياها
"نور حركات الستات دي مش عليا انا"
نور وهي تحدق النظر في عينيه وتتراجع للخلف
" هنا اسمي دكتوره نورهان ...والكلام
ده عليك وع اي حد يتعدي حدوده ولو سمحت اتفضل ع مكتبك"
مروان وهو يستند ع سندات الكرسي اللي قاعده عليه نور ويقرب منها
"انا وراكي
والزمن طويل دكتوره نورهان هانم"
نور بصوت فيه نبره خوف .. لا يفصل بينها وبين مروان سنتيمرات
"ع مكتبك يابيشمهندس"
مروان مستفهما :هو انتي كنتي تقصديني انا لما كنتي تتكلمي مع نيره ع المكتب
نور باستهبال :وهو في حد اسمعه مروان غيرك
مروان بغيظ:اسم الله وانا مروان المنصوري يكون مدريري في الشغل واحد زي سعد ده
نور محاوله استفزازه
"وماله بيشمهندس سعد شخصيه محترمه جدا وفخر لاي شركه
يتعامل معاها وغير كده كل هدفه انه يكبر الشغل مش زيك"
مروان وهو حساس الدم بيغلي في عروقه
"واي كمان ياهانم اجبيلك
اتنين ليمون بالمره شكلك كده معجبه جدا بالاخ سعد"
نور بتحدي: واللع براحتي .. يمكن ليه لا .. سعد شخصيه جذابه وجدعه ... ووو ..وانت مالكش دخل انت جاي هنا تشتغل وبس
مروان بانفعال:نعم .. دانا اسيحلك دمه هنا
نور جات ترد عليه فجاة طرقت نيره الباب ومعاها عامل القهوه جايب القهوه لنور
اعتدلت نور في جلستها وبدا مروان يقف كويس ويهدي من نفسه
وضع العامل القهوه ع المكتب وانصرف
نور:نيره كل حاجه تمام
نيره:تمام يافندم ومكتب مستر مروان جاهز
نور:تمام خدي مستر مروان ووصليه ع مكتبه
نيره:تمام حضرتك...اتفضل مستر مروان
مروان وهو يلقي اخر نظرات غيظ وعصبيه ع نور وينصرف
"ماشي لما نشوف اخرتها . . حسابك بيتقل ي دكتوره "
نور في سرها بتوعد:اخرتها طين فوق دماغك اصبر عليا بس
مروان رفع حاجبه :بتقولي حاجه؟
نور بحده :بقول مش عاوزه مشاكل ياهندسه .. هاا يامروان ...ونحترم المكان اللي بنشتغل فيه
مردش مروان ع نور واكتفي انه يبصلها ويمشي مع نيره
نور وهو ترجع بالكرسي للخلف وتبتسم :مابقاش انا بنت الشرقاوي
لو ماخليتك تقول حقي برقبتي يا سي مروان
نسيبها بقااا شويه تخطط لمروان في مصايب ع راحتها ونروح
شويه في الجامعه عند سلمي وهي قاعده في الكافتيريه
محمد وهو يسحب الكرسي ويقعد ع الطاوله بتاعتها وبعفويه : عامله اي
سلمي عامله نفسها مش واخده بالها وبتحاول تبين انها
مش مركزه معاه وبتذاكر:ــــــــــــــــــــــــــــــــــــــــــــــــــ
محمد بيحاول يلفت الانتباه : كـــح كـــح كـــــح
سلمي وهي تقفل الكتاب من قدامها وبعصبيه :افندم!!
محمد ابتسم :بقول عامله اي .. بس
سلمي بعناد :احسن منك.......وبعدين انت اصلا مالك عامله اي وازاي تيجي وتقعد قصادي كده ...
عارف لو ماقومتش دلوقتي هتصرف تصرف مش هيعجبك
محمد ضحك بصوت مسموع :انتي ع طول كده مافيش تفاهم معاكي ...قطر ماشي مش شايف قدامه .. ما تهدي شويه
سلمي بتلم ف كتبها :انا اصلا غبيه اني بتكلم مع واحد زيك .. اللي زيك اهره مايتردش عليه...انا هقوم امشي احسن مارتكب جنايه هنا
محمد بهدوء:انا معجب بيكي جدا ع فكره
سلمي بتريقه :وده من امتي بقااا
محمد:من اول ماشفتك حسيت اني اعرفك من زمان اووووووي
سلمي بانفعال :انت انسان مش محترم...وانا هقول لاخواتي وهما يتصرفو معاك
محمد بثقه:تقصدي حضره الظابط عمر الشرقاوي
ووكيل النيابه ياسين الشرقاوي
اي دانتو فاتحين فرع في الداخليه ولا اي
سلمي بتحدي:انا بحذرك تبعد عن سكتي
محمد:يابت الناس والله مااهاكلك انا معجب بيكي بس واول
مااتخرج هتقدملك ع طول وانا بسال عليكي من ساعه ما شوفتك
وعن عيلتك وعن كل حاجه وعرفت كمان انكم من قنا
سلمي وهي تمسك القلم ومتوعده في وش محمد:انت تبعد عني خالص
فاهم ولا مش فاهم وبطل شغل المباحث ده لانه مش هينفعك في حاجه
محمد بضحك:ابو اللي دخلك طب ياشيخه دانتي المفروض كنتي دخلتي المخابرات
وكملتي الطقم انتي وولاد عمك
سلمي بقوة:لو كنت فاكرني من البنات اياهم تبقي غلطان...انا سلمي محمود الشرقاوي
اللي يحاول يقربلي اكله بسناني
ولو كان ع اخواتي مش هيعرفوا حاجه لاني عارفه وواثقه كويس اووي انك
مش هتقربلي تاني وانا اصلا مش هديك الفرصه انك تقربلي
مفهوووم
مشيت سلمي وسابته بس سابت معاه اخر جمله علقت في ودانه وهي
""انا سلمي محمود الشرقاوي"""
محمد بصدمه:معقوله دي اخت نور طيب ازاي ايوة صح وهي نفسها من قنا ونور كمان من قنا
ورجع محمد بالذاكره شويه لورا
فلاش بااااك
محمد وهو يصقف:الله الله كروان بيغني ياااانااااس اي الجمال ده كله
نور وهي تفوق من شرودها:هاااا هو انا صوتي كان عالي
محمد وهو مبتسم:تصدقي اول مره اشوف حد بيغني لعمرو دياب احسن من عمرو اصلا
نور:انت بكاااش اوووي ع فكره
محمد:وربنا بقول الحق انتي مش عارفه صوتك حلو ازاي دانا خرجت
من البلكونه مخصوص علشان اشوف الصوت ده جاي من فين
نور:اسفه يامحمد عطلتك عن مذاكرتك
محمد:ولا يهمك ياستي ,,,,بس عندي شرط علشان اقبل اسفك
نور:احممم احممم بدأنا في الاستغلال ....بس عيوني ياسيدي اوامرك
محمد:عندي ماده غلسه مش فاهم فيها حاجه تعالي ذاكريهالي
نور:بس كده انت تأمر امر
محمد:روحي ياشيخه الله يسعدك ويعمر بيتك ومايحرمك ويعطيكي ع اد نيتك
نور:بس بس انت هتشحت شبهتني بسملي اختي
محمد:اي ده انتي عندك اخت وشبهي كمان ماشاء الله وكمان اسمها سلمي
نور:انت اهبل يابني وبعدين بطل رغي كتير ويلا نذاكر
محمد:طيب يلا لفي تعالي الاوضه ولا هنقضيها مذاكره ع البلكونه كده
نور:لا طبعا جايه اهوو
وذهبت نور الي غرفت محمد
نور:هااا اي بقاااا الماده اللي واقفه معاك
محمد:اخوكي ياستي هايص ولايص اهو ينوبك ثواب نصحيه
لوجه الله انا حاسس نفسي هسقط ومش هحصل معهد
نور:ههههههههه ليه التشاؤم ده بس بص ياسيدي هنزل تحت اعمل شويه
سندوتشات كده وكوبيتين نسكافيه ونذاكر للصبح
محمد:بجد خلاص وانا موافق
نور:اشطه قوم ارتاح 10 دقايق كده علشان نبدا مذاكر وانت فايق
محمد:اوكا يامس
نور:ههههه مس ماشي مش هتأخر
محمد:براحتك
#بااااااااااااااااااااااااااااااااااااااااااك
محمد بصدمه
"اي اللي بيحصل ده يعني دي اخت نور معقوله ايوة هي
طيب اتصرف ازاي انا لازم اقول لنور لالالا مش هينفع كده هفتح النار عليها تاني
طيب هتعمل اي بس يامحمد ..لالا انا هقول لنور لازم"
نسيبه بقا شويه ونروح عند نيره وهي بتوصل مروان المكتب
نيره :اتفضل يامروان بيه مكتبك اللي جوا ده
مروان بصدمه:نعم ياختي انا اقعد في مكتب فيه 3 موظافين غيري ليه
نيره:ده امر الدكتوره نور
مروان بزعيق:الدكتوره نور تتامر ع اي حد مش عليا انا
نيره ابتسم :بليز مستر مروان هنا مكان شغل بعد اذنك
وقبل ماتسمع منه نيره اي كلمه مشيت
مروان وهو يتجه ناحيه المكتب ويجلس
مروان في سرها بس مش في سره اوي يعني بغيظ:عال والله ياهانم بقاا انا تقعدني
في مكتب مافهوش حتي تكيف وفيه 3 موظفين غيري .. ناقص تنزلني اغلس المواعين تحت
طيب يانور صبرك عليا بس
احد الموظفين:مروان بيه نورت الشركه
مروان بغيظ:مالكش دعوه خليك في شغلك
بقاا انا اقعد وسط الموظفين كده
ويمسك القلم ويكسره من الغيظ:ااااااااااااااااااه هاكلك بسناني في الاخر ياست نور
نروح عند نور وهي مبسوطه اوووي بتضحك هي ونيره
نيره:مش عاوزه اقولك شكله بقا عامل ازاي وانا بشاورله ع المكتب بتاعه
نور بضحك
"استني بس ولسه يا مروان بيه
بصي عاوزاكي تفحتيه في الشغل ..بصي لو مافيش شغل في الشركه اخلقيلو شغل
..لو تطولي تبوظي الالات والمكن اللي في المصنع بوظيه برضو وخليه يصلحه
اي ملف وديه لمروان بيه وهو هيتولي مسئوليته
لالا وبصي كمان ...مشروع شرم خليه يشرف عليه
وملف الشحنه اللي جايه من امريكا برضو خليه هو المسئول
و حديد حلوان واي مشاكل تتعلق بيه برضو خليه هو اللي يتصرف ويحلها"
نيره وهي فطسان في الضحك:حيلك حيلك براحه ع الراجل شويه كده هيطفش منك
نور وهي ترجع بالكرسي لورا:بحبه اووي اوووي وهموت
واترمي في حضنه وخايفه اووي احسن اضعف
قدامه اااااه ع عذاب قلبي ي نيره
نيره مداعبة :ياسيدي ياسيدي فينك ياهندسه تسمع الكلام ده
نور بحده:امشي ي بت يلا اعملي اللي قولتلك عليه
نيره:ههههههههههههههه استرها ي رب ميخرجش همه فيا...وناويه تديه كام مرتب بقا
نور:امممممممممممم بالنسبه لاي مهندس مبتدأ مرتبه مش بيزيد عن 2000 بس
يلا نخليهم 3000 عشان صاحب عيال حرام
نيره:لالالا بجد انتي ناويه ع خربان البيت .. بقااا مروان المنصوري ياخد مرتب 3000 جينيه
ده بيصرفهم في ليله ياحبيبي
نور بتوعد :استني بس هتشوفي العجب
نيره باستسلام :يحينا ويورينا
"""نسيت اقولكم انه نور ونيره بقيوا اصحاب اووي اوووي""
■■■
سلمي كان عندها محاضره بس للاسف الدكتور حصله ظرف طارئ
واعتذر ومشي واضطرت انها تروح
وفجاه وهي خارجه من باب الجامعه بتتفاجئ بشخص يمسك ايدها من الخلف
وقفت سلمي مرعوبه وخايفه اوووي
ونسيبها ونرجع عند نيره وهي في المكتب عند مروان
نيره:مستر مروان الملف ده بتاع شحنه مهمه اوووي جايه من امريكا مادام نور امرت انك تتولي مسئوليته بنفسك
مروان بعدم اهتمام:طيب طيب سيبيه عندك
نيره:وده كمان الملف المتعلق بكل المشاكل في منصع الحديد اللي في حلوان
مادام نور بتقولك لازم تتصرف وتحلها
مروان بلا اهتمام :طيب سبيه عندك
نيره:وده ملف مشروع شرم لازم حضرتك تسافر تعاين المشروع بنفسك
بتقولك مادام نور
مروان :طيب طيب حطيه عندك
نيره:وده كمان ــــــــــ
وقبل ما تكمل نيره كلامها قاطع استني استني اي مادام نور
مادام نور دي هي مش مشغله غيري ولا اي
ولا انا العبد اللي اشترته
نيره بهدوء:مستر مروان اهدي مش كده .. عشان الموظفين
مروان بانفعال :اهدي اي اووعي كده من سكتي انا هتصرف
مع مادام نور بتاعتك دي
نيره وهي تجري وراه
"استني بس يامستر مروان مادام نور عندها
اجتماع مع مستر سعد وقالتلي محدش يدخل عليهم"
مروان بغيظ :نعم ي ختي .. اجتماع مع مين!!!!!!!!!!!.........اسم الله اوعي كده من سكتي
البارت الثامن عشر
حياتي في قربك عذاب ...وفي بعدك ممات
وكرامتي الحد الفاصل بيني وبينك
هل يستطيع قلبي التحمل اكثر من ذلك
ولا هيخضع وينحني امام حبك؟؟؟
ولا من كسر يكسر ولو بعد حين ...💙
ونروح عند سلمي وهي واقفه مكانها متجمده ومش عارفه تعمل اي وافكارها بتودي وتجيب
وياتري مين اللي ماسك ايدها كده
سلمي في بالها
"معقوله محمد .. هو وصلت بيه البجاحه يعمل كده .. طيب وربنا مانا ساكتاله"
ولفت مره واحده بقوه وماسكه الشنطه في ايدها عشان تضرب اللي ماسكها
سلمي بصدمه:حاازم!!!!!!!!!!!!!!!!!!!!!!!!!!!
حازم بتريقه
"كبرتي واحلويتي وادروتي اوووي يابنت عمي وبقيتي احلي من اختك"
سلمي من صدمتها مش قادره تتكلم ومحدقه النظر في حازم
حازم وهو بيسحبها بقوه
"مالك كده مصدومه .. مش هاكلك .. متخافيش "
سلمي بصراخ وبتحاول تفك قبضتو
"اجي فين ياحيوان انت .. سيب ايدي"
حازم وهو يضغط ع ايدها
"بقول وطي صوتك .. فاهمه"
سلمي بعياط وتحاول تبعد عنه
"انت مجنون ولا مريض ولا طافح ايه .. بقولك ابعد عني بقااا"
محمد جيه من الخلف وبقوه مسك حازم من قميصه وبقوع
"هي مش قالتلك تسيب ايدها"
سلمي حدقت النظر اليه و بصدمه:محمـــد!!!!!!!
▪▪▪
ونروح عند مروان وهو بيفتح باب المكتب بقوه ع نور
نيره وهي بتجري وراه
"يامستر مروان ما ينفعش كده"
اول مادخل مروان المكتب ع نور وسعد وقفوا هما الاتنين
نور بعصبيه وصوت عالي
"انت يامحترم ازاي بتفح المكتب كده"
نيره بارتباك
"والله يا دكتوره قولتله انك مشغوله بس حضرته اللي صمم يدخل"
مروان والغيره كانت باينه اوي في عينيه . وبنرفزه
"وهو فين الشغل ده ...باب مكتب مقفول وانتي والاستاذ لوحدكم
وضحك ومسخره والله اعلم بقا .. ما نقفل الشركه احسن ونقلبها قهوه للعشاق ..ولا اقولك نفتحها مركز شباب احسن"
نور اتحركت م مكانها .. ووقفت قصاد مروان
"لا انت اتعديت حدودك اوووي "
مروان وهو يوجه كلامه لسعد:ع فكره دي مراتي واللي يقرب منها انسفه من ع وش الارض
سعد باستغراب :محصلش حاجه لكل ده يابيشمهندس
مروان وهو يبعد نور عن سكته ويقترب من سعد بقوه ويمسك قميصه:وانا هستني لحدت ما يحصل
تبقي غلطان لو فاكرني مغفل ونايم ع ودني ..نور تخصني انا وبس فاهم
سعد وهو يبعد مروان عنه:انا فاهم كويس اووي حدوودي .. والدكتوره نورهان هنا خط احمرللكل
بس الظاهر حضرتك نسيت نفسك انك حتته موظف هنا وانا مديرك في الشغل ولازم تحترمني
مروان بعنف:واحد زيك يبقي مديري انا ...انا مروان المنصوري حتة عيل يكلمني كده
نور بصراخ:بس بقااا كفاايه كفااايه ...نيره خدي مستر سعد واخرجو بره ..
مكررة كلامها مجددا بطريقه اكثر انفعال
"نيره انتي مسمعتيش قولت اي بره يلاااا "
خرج سعد ونيره .. ومروان هينفجر من الغيظ
نور بلوم :عاجبك الفضايح دي .. من اول يوم كده
مروان بغيره :
"فضايح اي ياهانم ...الفضايح دي انتي السبب فيها
راميه جوزك في مكتب اخر الدنيا وشغاله انتي لقائات خاصه
والله اعلم اي كمان اللي كان بيحصل من ورا ضهري"
نور بتجز ع سنانها وبنفاذ صبر
"انت مالك بيا .. هاا مااالك !! انا حره وانا عارفه حدودي كويس اوووي
ومش انا اللي اسيب جوزي وامشي مع غيره زي ماناس عملت"
مروان بنفاذ صبر
"انتي اي مش قادره تنسي ليه بحاول بكل الطرق ادخل من طريق
وانتي مقفله كل الطرق عليا ..قبلت بالمرمطه والذل وقولت معلش عشان اصلح اللي عملته
انما تعتبريني كيس جوافه .. وتمشي ع حل شعرك ده اللي مستحيل اقبله ابدا"
نور بعياط ونفاذ صبر
"انت اي يااخي مصنوع من حجر مابتحسش....عاوز كل حاجه ليك وبس
انت اللي تتامر وانت اللي تكون صاحب القرار وانت اللي تحب انك تمشي بتمشي
ولما تحب ترجع بترجع انا فين من كل ده قولي ..من اول يوم وانت مش قادر تستحمل حاجه
وانا بقا ليا5 سنين متعذبه بابكي بدل الدموع دم...دانا لحدت دلوقتي مش ناسيه شكلي وانا بترجاك
متمشيش وتسيبني .. لحدت دلوقتي معلقه في ودني كلمه ""مروان انا بحبك""وانت ولا قدرتني ولا عملتلي اعتبار ..
ولما قررت ترجع رجعت وفاكر اني اول مااشوفك هاخدك بالحضن ..كل ده سهل عليك..لدرجه دي الحب رخيص اووي .
عندك...لدرجه دي كلمه بحبك مابتاثرش فيك"
مروان وهو متاثر جدا بكلامها:يعني انتي بتحبيني بجد
نور وهي تمسح دموعها
"وانت لحدت دلوقتي متعرفش اني بحبك...ايوة يامروان بقولهالك لتاني مره
بحبك ومحبتش حد غيرك....بس اللي عاوزه مستحيل اعمله مستحيل نعيش مع بعض زي اي اتنين متجوزين .. انت قطعت كل حبال الود .. ملعون ابوه الحب اللي يذل صاحبه ياخي"
مروان وهو يمسك معصمها:اي اللي يمنع ...نور بجد اديني فرصه واحده ..واوعدك مش هتندمي .. انت سكنتي جوايا من اول لحظه شوفتك فيها .. وكنت بعاند قلبي .. كل خناقي معاكي كان حب .. وانا كنت غبي ومش فاهم ولا مدرك دا "
نور باسف:صعب يامروان اللي انت كسرته جوايا مستحيل يتصلح
مروان بتوسل :نور عشان خاطر ولادنا
نور بصتله نظره شامله كل التعبيرات واخدت شنطتها وسابته ومشيت
نرجع تاني عند سلمي وهي واقفه مرعوبه
حازم بعصبيه
"ويطلع مين الاخ الكريم"
محمد بقوه وهو يبعدو عن سلمي
"بقولك سيبك منها .. وكلامك معايا انا ولا انت مش بتتكلم غير مع البنات"
حازم وهو يمد ايدو عشان يضربو بالبوكس
"لا دانت زودتها اووي وعاوز تتضرب"
محمد بقي وهي يصد ضربه حازم بيده اليمين ويفاجئه بضربه قوه بيده الشمال
"انا برضو اللي زودتها"
ضربه محمد كانت قوبه كده بسببها الدم سال من فم حازم
سلمي بتوسل وعياط :محمد عشان خاطري امشي انتي دلوقتي
محمد بقوة:لا طبعا مش هسيبك تمشي مع الحيوان ده
سلمي بانفعال وبتترجاه :يامحمد مدخلش نفسك في مشاكل انا هعرف اتصرف معاه ..
محمد وهو يبعد سلمي عن طريقه ويوجه كلامه لحازم وبصرم وقوة
"سكتت يعني الضربه كانت قويه مش كده
ماتوريني نفسك ياسبع الرجال .. وتقف وتكلمني راجل لراجل "
سلمي بصراخ
"خلاص يامحمد ده ابن عمي .. خلاص"
محمد قطب حاجبيه :اي ده ابن عمك
حاز بتوجع ويبتسم ابتسامه انتصار
"اهي قالتلك ابن عمها يعني اطلع منها انت بقا وانا المفروض بعد
الضربه دي اوديك في داهيه بس انا مش هعمل كده عشان القطه دي"
محمد بصدمه واستغراب :سلمي انتي متاكده ده ابن عمك
سلمي بتوسل:محمد ارجوك .. امشي دلوقتي وانا هفهمك كل حاجه بعدين بس امشي
محمد نظر لها نظره دهشه وحيره ع امرها وطريقه كلامها وخوفها من حازم
ونظر لحازم نظرات غيظ وكره وسابه ومشي
حازم بانتصار
"كويس انك مشتيه كان طابق ع نفسي"
سلمي بحده وتحذير: وانا كمان همشي ياحازم واقسم بالله لو فكرت تقربلي لهوريك ايام سوده
حازم بثقه:امشي بس انتي اللي هترجعي بنفسك ياقطه وتترجيني
سلمي بثقه :الموت اهونلي .. من اني اتذل لكلب زيك
وسابته سلمي ومشيت
كان في عيون بتراقبهم من بعيد
داليا:امممممممممممممم وهو اي الحوار ومال محمد المنصوري بالبنت دي
سمير وهو يزفر سجارته :شكلها حبه الجديد واحنا مانعرفش
داليا:لو كان كده يبقي بدا اللعب اللي بجد
وانا اللي هفكر واتكتك للاخ محمد ولقينا حاجه نتسلي بيها
سمير:ناويه ع اي ياديدي
داليا بتفكير :هاااا اركن ع جمب انت متعرفش حاجه وسيبني اخطط
ونشوف اي حكايه البنت دي
سمير:ايوة بقااا خلينا نسلي ..بس البنت صاااروخ
داليا:ودي تيجي فيا فين ..سمير عاوزك تمشي ورا الواد اللي كان بيتخانق مع محمد
وتعرفلنا حكايه
سمير:اوامرك ياكبيره
ونروح عند مروان وهو في المكتب وحاسس الدنيا كلها بتلف بيه وتدخل عليه نيره
نيره من الخلف :نور بتحبك اووي ع فكره
مروان باستغراب:اي
نيره وهي تجلس ع الكرسي
"متستغربش اووي كده انا عارفه كل حاجه
وحاجات اصلا نور وحضرتك متعرفهاش انا ليا مع يوسف بيه 10 سنين
والصراحه كان مامني ع كل كبيره وصغيره"
مروان باستفهام :انتي اي حكايتك
نيره:ولا حكايه ولا حاجه بس عاوزه اساعدك
مروان:في اي بقا
نيره:انك تقرب من نور
مروان بحسره:نور بقيت طريق مسدود صعب الوصول اليه
نيره بضيق :يأست من اول يوم كده!
مروان:اومال اعمل اي
نيره:اممممممممممممم هقولك
■■■
وصلت نور البيت وهي منهاره ومش شايفه قدامها فتحت الباب وبتقرب من السلم واوقفها صوت محمد
نور وهي ماسكه دماغها:في حاجه يامحمد
محمد:نور استني في موضوع مهم اووي انتي لازم تعرفيه
نور بتعب :محمد معلش مش قادره اتكلم يامحمد بعدين
محمد وهو يجري عليها :نور في اي انتي تعبانه
نور فجاه سقطت مغشي عليها وهي لا حول لها ولا قوه
محمد وهو بيرفعها من الارض وبيحاول يفوقها
"نوووووور .. ياماما الحقي"
منيره بخضه:بنتي اي اللي جرالك يابنتي ... مالها ي محمد
محمد:ارفعيها معايا ياامي ...مش عارف فجاه اغمي عليها
منيره بصراخ:اطلبي الاسعاف يابثينه
شال محمد نور وطلعها ع اوضتها وجيه الدكتور كشف ع نور
محمد بلهفه :خير يادكتور
الدكتور:اتعرضت لضغط عصبي شديد مستحملتهوش فااغمي عليها
محمد:شكرا يادكتور ...واسفين ع الازعاج
وصل محمد الدكتور لحدت الباب ويتفاجئ بمروان في وشه
مروان بخضه :في اي يامحمد الدكتور بيعمل اي هنا
محمد:كان بيكشف ع نور
مروان بصدمه:اي نوووور!!!!مالها نور
محمد:مالها دي انت اللي المفروض تجاوب عليا ..
انت اللي كنت معاها في الشركه واكيد انت اكتر واحد عارف مالها
مروان بارتباك: وانا هعرف منين يعني انا طالع اشوفها
محمد وقف قدامه :نصيحتي بلاش .. لاني انا واثق انت السبب في اللي حصلها
مروان دفعه :اوعي بقا من طريقي يامحمد
طلع مروان الاوضه عند نور لاقاها نايمه زي الملايكه ومنيره قاعده جمبها
مروان بهدوء:عامله اي نور ياماما
منيره:اهي زي ماشايفها قدامك يابني
مروان وهو يقبل جبهتها:انا اسف يانور
منيره مستفهمه :انت ليك دخل بلي حصلها دي مروان
مروان بصوت منخفضه :مش عارف ياامي احنا شدينا مع بعض شويه وسابتني ومشيت
منيره:ياضنايا يابنتي حرام عليك يامروان مش مسامحاك لو نور حصلها حاجه
مروان وهو يحضنها بحنيه
"ولا انا كمان هسامح نفسي ياامي"
نور وهي بتفتح عينها ببطء وتلاقي نفسها في حضن مروان اتخضت ..وبعدت عن مروان بسرعه وهي خايفه ومرعوبه واترمت في حضن منيره
واتفجرت ف العياط
منيره ربتت ع كتفها :لا اله الا الله مالك بس ياحبيبتي
نور بصراخ:خليه يطلع بره ياماما
منيره:اهدي يابنتي ده جوزك
نور وصوت عياطها يرتفع وتنهيده :مامـــــــا عشان خاطري طلعيه بره
مروان بيحاول يقرب منهت :نور بصيلي طيب .. ونتكلم بهدوء
نور بصراخ:مافيش كلام بينا .. اطلع بره
منيره بتحضنها اوووي وتريت ع كتفها عشان تهديها:معلش يابني اخرج بره وانا ههديها
مروان بحسره واستسلام:حاضر ياامي
خرج مروان وقعدت منيره مع نور عشان تهديها لحد ماراحت نور في النوم
وهي في حضن منيره
مروان وهو يطرق باب الغرفه ع مريم
مريم بصوت ضعيف:ادخل
مروان:مالك بقا انتي متغيره من ساعه ماجيت
مريم بتحاول تبتسم :مافيش ي مروان تعبانه شويه
مروان وهو يضع ايده ع شعرها:مالك ياقلبي بس .. هاابقي انا وانتي يعني
مريم وهي تكتم وجعها:مالك انت شكلك مش مبسوط
مروان:اه ياستي نور تعبتني اووي يامريم
مريم بسرحان:نور اااه....ياريتني سمعت كلامها مكانش كل ده حصل
مروان مستفهما :بتقولي ايه
مريم وهي تترمي في حضنه وتعيط:انا اسفه سامحني يامروان وعاوزه نور كمان تسامحني
مروان بدهشه :بت يامريم في اي حصل وانا مسافر
مريم وهي تبعد عنه وتقوم تتمشي وتشغل نفسها بااي حاجه :لالا يامروان انا بس تعبانه شويه متشغلش بالك
مروان وهو يقف قصداها:مريم قوليلي لو في حاجه انا هقدر اساعدك
مريم بعياط:مفيش مفيش يامروان
مروان لمس دقنها باناملها وبيحاول يرفع وجهها بحنيه :بصيلي انا وبكلمك طيب ...انتي بتحبي يابت انتي ولا ايه
مريم بفزع :هاااا.. احب!!! لالا طبعا مافيش الكلام ده خالص ..انا متخانقه بس مع صحابي عشان كده مضايقه شويه
مروان:ماشي يامريم مع اني مش مصدق لكن ماااشي..ومش انا اللي هقولك اي حاجه تضايقك تيجي تحكيهالي ع طول
عشان عارف انك بتحبيني وبتثقي في اخوكي ....واول واحد هتلجأيلو في محنتك
مريم:ان شاء الله يامروان ..انت بس ربنا يقدرك ع نور وولادك
مروان:يارب ي مريم ي رب
هنزل انا محتاجه حاجه
مريم:لا ياحبيبي ربنا يخليك
قبلها مروان في جبهتها ونزل وبعد مااتاكدت انه خلاص قفل الباب وخرج وانفجرت في العياط
ياسين وهو بياكل لب:بت انتي مالك كده قاعده ساكته
سلمي بضيق :زهقانه شويه ياياسين
ياسين:بت انتي مالك .. هتخبي عليا برضو
سلمي بتعب :مش قادره احكي والله ياياسين سيبني في حالي
عمر من الخلف:لالا تلاقي الواد محمد ده قربلك ..اوعي يكون زعلك يابت وحياتك
مااخليه عايش دقيقه
سلمي بخضه :اصلوووووووووو
ياسين:الله الله ومين سي محمد ده ياست سلمي بتخبي عني .. دانتي نهارك مش فايت
سلمي بخوف :والله ياجماعه الموضوع مش كده خالص
عمر بحنيه: في اي ياحبيبتي مالك
ياسين وهو يمسك السكينه في ايدو ويصطنع البلطجه:بطل حركات السهوكه دي مش هتجيب نتيجه
ويوجه كلامها لسلمي ويلوح امامها بالسكينه
"بت انتي انطلقي فيكي اي والا هشرحك"
سلمي بنفاذ صبر :خلاص خلاص هقولكم اهووو
ياسين بثقه:شوفت احنا لينا طرقنا الخاصه برضو .. نيابه بقي وكده ياسياده الرائد
عمر:هااا ياسلمي قولي بقا في اي
سلمي:حازم
ياسين بضيق :مالو الزفت ده
سلمي:جالي الكليه النهارده
عمر بصدمه :ايةةةةةةةةةةةةةةةةةةةة
ياسين باستغراب :طيب وهو عرف منين انك هنا
عمر:بطل غباء اكيد من عمك حامد يعني اكيد
سلمي بتوتر :انا خايفه اووي ياعمر ..خايف يعمل فيا زي اللي عملو في نور
عمر:متقوليش كده ياعبيطه احنا معاكي ومش هنسيبك ابدا
سلمي:حازم ناوي ع الشر ياعمر ..نظراته كلها بتقول كده
ياسين بعصبيه وانفعال :شر ع نفسه ياختي دانا افرمه قبل ما يقربلك مش كفايه نور
واللي عملو فيها ولحدت دلوقتي مش عارفينها فين ...جيت لقضاءك برجليك ياحازم بيه"
عمر بانفعال :اهدي يابني ..انتي كله عندك بالصياعه والبلطجه..مافيش عقل ابدا
ياسين بحده :العالم دي مش هيمشي معاها غير البلطجه اسئلني انا
سلمي:المشكله مش هنا
عمر:في اي تاني
سلمي:محمد اول ماشافه بيتخانق معايا عند باب الجامعه جيه وضربه
عمر بصدمه :محمد!!!!!!!!!!!!!!!
ياسين بحيره :متفهموني اي حكايه محمد ده كمان
عمر بنفاذ صبر :اصبر انت بس .....ها ياسلمي طيب كان فين امن الجامعه وكده
سلمي:الامن ملهمش علاقه باللي بيحصل بره الجامعه
عمر بتوعد :والله ورجعت برجلك يازفت .. والمره دي انا اللي هقفلك
سلمي باستفهام :عمر انت كنت راجع زعلان من بره في اي .. مالم
عمر: مش وقته ياسلمي
ياسين:ماتخلص ياعم انت وقول انت كمان مالك
عمر:عمك محمود
سلمي بلهفه:بابا ماله ياعمر
عمر:حالته الصحيه تدهورت خالص والطب عجز عن علاجه هنا
ولازم نسفر بره ياسلمي
سلمي بعياط:ياحبيبي يابابا....عمر اتصرف عشان خاطري...
عمر:المشكله انه سفر هيتكلف فلوس كتير اوووي ياسلمي
وحتي الوديعه اللي عمك سابهالنا مش هتكفي
سلمي بعياط : بس ياعمر ننزل قنا ونبع كل الاراضي اللي هناك ..
مش عاوزين اي حاجه غير بابا يبقي وسطينا
عمر:مانا فكرت في كده ..بس ماتنسيش كل الارض تحت سيطره عمك حامد
عم محمود ماضيلو عقد انه يتصرف فيهم براحته وهو الللي ليه الحق يبيع ويشتري
ويزرع ومحدش يقدر ينهي العقد ده غير عمي محمود وعمي دلوقتي لا حول له ولا قوه
سلمي: بس جدو منتصر كان كاتب ارض باسم نور .. لو لقينا الورق ممكن نبيعها
عمر بحزن : حامد كوش .. وزور كل حاجه
سلمي بحزن
"يعني اي بابا هيروح مننا واحنا واقفين"
عمر:مين قال كده ياسين بكره تنزل البلد وتروح لعمك اسماعيل او حامد وتحكيلهم الظروف
واكيد هما هيساعدونا
ياسين :طيب ارضنا احنا ياعمر احنا ممكن نبيعها
عمر:ماينفعش الارض كلها متاجره ومش هنقدر نتصرف فيها غير بعد سنه تقريبا
ياسين بضيق:اووووف يااا العقد ياربي
ويقطع تفكيرهم تليفون ياسين بيرن
ياسين:الووووو
احد وكلاء النيابه:ياسين باشا في اخبار مش هتبسطك خالص
ياسين:في اي تاني
المتصل :ساندي الشريف تعيش انت
ياسين وهو يقف بصدمه:ايه انت بتقول اي وازاي ده حصل وفين وامتي
المتصل:حصل من 4 ايام تقريبا في لندن وانها كانت هاربه بره البلد بهويه مختلفه
ياسين:طيب ومين عمل كده
المتصل:كان متهم في القضيه دي مروان المنصوري لكن طلع منها والتحقيقات تاكدت انه ملهوش علاقه
ياسين:مروان المنصوري..!!!!!!! مش ده ابن يوسف المنصوري صاحب اكبر سلسله شركات للحديد والصلب
المتصل:بالظبط يافندم
ياسين:طيب اقفل اقفل انا جايلك حالا
عمر:في اي يااياسين
ياسين:ساندي الشريف اللي دوختنا وراها ماتت
عمر:واي علاقه المروان المنصوري بالموضوع ده
ياسين:والله ماعارف ياعمر هنزل انا اشوف اي اللي بيحصل
سلمي بصوت واطي:عمر هو مروان المنصوري ده اخو محمد المنصوري الشاب اللي معايا في الجامعه ده
عمر بخباثه:وانا ايش عرفني مش يمكن تشابه اسماء او يمكن هوو ..بس مهتمه اووي انتي بمحمد ده
سلمي بتوتر :والله عادي مجرد سؤال بس
عمر:مجرد سؤال اممممممممممممممممممم طيب ياسلمي ...لما نشوف حكايتك اي مع محمد المنصوري
■■■
نروح عند مروان وهو بيتمشي في الجينيه بيفكر
مروان وهو بيكلم نفسه ::
"""وبعدين فيك يامروان نسيت نادين بالسهوله دي ...هو ده جزاء حبها ليك واخلاصك
بس ازاي انا مكنتش شايف نور دي كده ازاي احتلت قلبي بالطريقه ..بقيت عاوز اكلمها
حتي لو هتخانق معاها ..برضو مش عاوز ابطل كلام ولا تفكير فيها....عملتي فيا اي بس يانور
الله يرحمك يانادين...بس ازاي انا اول مره احس الاحساس ده...حاسس اني طاير اوووي
كل مااغمض عيني مش شايف غيرها...مااكنش حبتها...انت اصلا حبتها من اول يوم شوفتها فيه
بس كبريائك وغرورك منعك انك تعترف بالحب ده...وخوف ع نادين ومشاعرها ومرضيتش تكسر قلبها
...طيب وبعدين نادين خلاص سابتني ونور موجوده...انت اناني ليه كده ما بتحبش غير نفسك ...ونور معذوره
برضو ماهي مش الجاريه اللي انت اشتريتها...بس انا بحبها والله بحبها ومش عارف انا كنت بعاند وبكابر ازاي كده""
مسك مروان دماغه من كتر التفكير ودعي ربنا انه يساعده ويسامحه ع كل حاجه غلط عملها
وقطع شروده وتفكيره صوت اولاده وهما بيجروا عليها
يوسف:بابي وحشتني اوووووي كنت فين من الصبح
مروان وهو يقبله كنت في الشغل ياحبيبي
يوسف:طيب سيب مامي هي اللي تروح الشغل وحضرتك تقعد معانا تلعب
مروان:عيب ياولد احنا رجاله المفروض احنا اللي نشتغل ونتعب وهما يرتاحو ولا اي
يوسف:اشتا عليك يابابي
سلمي:بابي تعالي نلعب
لوجي:ايوه ياداد حضرتك بطلت تلعب معانا
مروان:اممممممم طيب ممكن وقت تاني عشان بابي تعبان شويه
لوجين:اوك ياداد احنا نلعب هنا وحضرتك اول ماتخف تلعب معانا ع طول
مروان:حبيبة بابي العاقله دي ياناس
سلمي:طيب انا عندي فكره حلوة
مروان:اي هي
سلمي:نجيب مامي تلعب معانا بالليل
مروان وهو يرفع في حاجبه:اممممممممم والله ياروحي لو قدرتي تجيبي مامي تلعب معانا
يبقي انتي بنت ابوكي بصحيح
يوسف:بابي هي مامي زعلانه منك صح؟؟؟
مروان:ليه بتقول كده يايوسف
يوسف:عشان حضرتك ماكنتش بتكلمها ولا بتكلمنا لما كنت مسافر
مروان:اممممممممم ممكن هي قالتلك كده
يوسف:من غير ما تقول يابابي احنا رجاله المفروض نفهم الستات كويس
مروان:طيب نعمل اي عشان نصالحها بقا
سلمي:انا عارفه وهقولك يابابي
لوجي ولوجين بصوا لبعض ومسكو ايد بعض وجريوا ناحيه الفيلا لجوا
مروان:هما البنات دول راحو فين
يوسف:سيبك منهم يابابي وركز معايا وانا .. هقولك ازاي تثبت المزه
مروان وهو يصطنع انه هيضربه:بس ياض بطل صياعه ومتقولش ع مراتي مزه
سلمي بثقه:لا يابابي ع فكره مامي مزه اوووي سبهي بالظبط
مروان بضحك:بنت الوزه عموامه
يوسف:اسمها ابن الوز عوام يابابي .. قول الامثال صح بقاا
مروان:والله عشت وشوفت يامروان عيالك بيعلموك
...المهم ياسوسه انتي هنصرف ازاي مع امك
سلمي:اممممممممممممممممممممممم هقولك
■■■
نرجع عند نور ومنيره
منيره:يابنتي كفايه عياط طيب فتحي عنيكي وكلميني
نور بتنهيده :مش قادره اشوفه قدامي ياماما ..من كتر العذاب اللي عذبهوني
ومن كتر ماانا بحبه مش قادره اشوفه
منيره:طيب ي بنتي ده كلام عاقلين ازاي بتحبيه ومش قادره تشوفيه
نور:اهوو كده ياماما جرحني اووي
منيره:طيب اديلو فرصه يانور عشان خاطري انا
نور وهي تترمي في حضنها وتعيط:مش قادره ياماما مش قادره
منيره وهي تحضنها معلش يابنتي ربنا يقويكي يارب
لوجي ولوجين وصلو الاوضه عند نور
منيره بحنيه:مالكم ياحبايبي
لوجي بهمس:نينه ممكن تخرجي بره عسان عاوزين انطي نور في حاجه سكريت
منيره استغربت :سكريت ع نينه برضو .. اخص عليكم
لوجين:والله يانينه متزعليش اصلو هنتكلم كلام كبار ومينفعش حضرتك تسمعيه
نور بدات تسمح دموعها وتركز معاهم
لوجي بهمس:اقفلي الباب ي لوجين احسن حد يسمعنا
لوجين بتجري ناحية الباب:حاضر حاضر
منيره:مش هتقولو في اي ببقا
لوجي:نقولك ومتقوليش لحد خالص ماشي يانينه
منيره:ماشي ياروح نينه
لوجين:انطي نور احنا جايبينلك موضوع خطير
نور وهي تقعدها جمبها:في اي ياقلبي .. قلقتيني
لوجي:اصلو الصراحه يوسف وسلمي وداد بيتفقوا عليكي تحت
نور باستغراب :عليا اناا؟؟؟؟؟؟؟؟؟؟
لوجين:ايوة ياانطي وهيتفقوا مع داد عشان يصالحك ازاي
نور ابتسمت :طيب وانتو ليه مش بتساعدوهم تحت
لوجي بهمس :لالا احنا جينا نساعدك احنا كمان.. ونقولك نعمل اي ونبوظ كل خططهم
عسان حرام انتي متبقيش لوحدك ..
لوجين:ايوة وهنعمل فريق احنا وهما فريق بس احنا اكيد هنفوز عشان نينه معانا .. صح يانينه
منيره وهي تبوسها:طبعا صح ياروح نينه
نور باهتمام:طيب قولولي العفاريف اللي تحت دول اتفقو ع ايه
لوجي ولوجين بيصوا لبعض
نور:هاااا ساكتين ليه
لوجي:اصلو احنا مكملناش الاتفاق اللي قالت عليه سلمي وجرينا عشان نيجي نقولك
نور بتوعد :ااااه منها القروبه دي ..صبرك عليا ياسوسة انتي
طيب انتو اي خططكم
لوجين:انتي وداد زعلانين من بعض صح
نور ممازحه :امممممم مش اووي يعني بس صح
لوجي:خلاص واحنا هنخليكم ترجعوا لبعض بس لما نعلم داد درس كبير
عشان ميزعلكيش تاني
نور:ازاي بقا
لوجين:احنا هنعمل نفسنا مش عارفين اي حاجه ولما يتفقوا ع حاجه احنا نسمعها ونيجي نقولك عليها
ونعمل عكسها ع طول وبكده داد هيتعب اووووي
نور بتعجب وبتحاول استعاب ان دول اطفال اصلا :اه ياولاد الــــــــــ
لوجي ولوجين في صوت واحد: ولاد ايةةة؟؟؟؟
نور وهي تنقذ الموقف:ولاد مروان وانا اقدر اقول حاجه .. دي كفايه اوي
لوجي:أمممممممممممممم اوك اهم حاجه ياانطي دلوقتي تعملي اللي هنقولك عليه بالظبط
نور بقهره وهي تضع كفها ع خدها:اوك لما نشوف اخرتها معاك انت وولادك يامروان
************************************
نرجع عند مروان مع ولاده وهو قاعد في الجنينه
مروان بذهول :اه ياولاد الجنيه
يوسف محذرا :امممممممممم انت هتغلط ولا ايه
مروان:لا ياعم وهو انا اقدر
سلمي:يبقي نبدا باول خطه
مروان:اللي هي
سلمي رفعت حاجبها وبتفكير :هقولكم