رواية شمس الزين
الفصل السادس عشر والسابع عشر
بقلم حنين علي
شمس: وانت كمان ❤️
فضلوا قاعدين ف البلكونه بيسمعوا اغاني للست للساعه اتنين بالليل
زين: مش عايزه تتمشي ع البحر ؟
شمس: دلوقتيي !!!
زين: مش عايزه؟
شمس: مش عايزه ايه ده ياريت
زين: طيب قومي غيري وننزل نتمشي شويه
شمس: حالا
زين: مستنيكي
شمس دخلت تغير هدومها ولبست دريس رقيق لونه احمر غامق شويه وعليه طرحه بيج واكسسوار رقيق وطلعت
شمس: خلصت
زين كان سرحان وبيغني
"
ياما عيون شاغلوني لكن ولا شغلوني الا عيونك انت
"
شمس: زيين !
زين: عيونه
شمس ابتسمت: انا خلصت
زين: قمر !
شمس: هاا
زين: زى القمر والله
شمس: دي عيونك
زين اخدها ونزلوا يتمشوا ع البحر
شمس: تعرف
زين بصلها ف عيونها: احب اعرف
شمس: انا قولتلك قبل كده اني بحبك
زين: وف كل مره بسمعها بشغف أول مره قولتيها
شمس: طب بحبك ي زين
زين: زين عدي فيكِ كل مراحل الحب
ابتسمتله وكملوا مشي ع البحر وقابلوا كرسي قعدوا عليه
بعد صمت دام فتره طويله قطعته شمس وهي بتقول
شمس: ساعات بنحس أننا محتاجين حد يطبطب علي وجعنا ويأكدلنا اننا مش لوحدنا يحسسنا بالأمان اللى يمكن مبقناش نحسه فحياتنا كلها شخص يعوضنا عن كل اللي فات ويبقي معانا ويسندنا ف اللي جاى شخص يستحملنا بعيوبنا ويقف معانا شخص يحبنا زى م احنا
زين: ولقتيه !
شمس: قاعد جمبي وبيبتسملي
زين: بتحبيه !
شمس: واى حب
زين: هو كمان بيحبك
شمس: تفتكر
زين: عندك شك
شمس: لا بس عايزه اسمعها
زين: بحبك
شمس ميلت راسها ع كتف زين وغنت
"
وان كُنت اقدر أحب تاني احبك انت
"
زين باس جبينها وفضلوا قاعدين فتره طويله ف صمت بيتأملوا ف السماء والنجوم والبحر قدامهم وقطع الصمت رنه موبيل زين
شمس: مين بيرن ف الوقت ده !
زين: دى مريم
شمس: مريم !
زين: انا اسف بس هرد عشان لو في حاجه الوقت متأخر وأكيد عندها سبب
شمس بزعل: طيب
زين: الو
مريم: .....
رواية شمس الزين الفصل السابع عشر 17 بقلم حنين علي
زين: الو
مريم: الو ي زين أنا عندك ف الشقه انت فين
زين: عندي بتعملى ايه !
مريم: تعالى بس بسرعة وانا هحكيلك ع كل حاجة
زين: خمس دقايق وهكون عندك
مريم: تمام مستنياك
زين: تمام
شمس: في ايه ي زين
زين: مريم عندنا ف الشقه
شمس: ودى بتعمل ايه !!
زين: قالتلي تعالى بسرعه وهفهمك
شمس: طيب اما نشوف
زين اخد شمس وراحوا شقتهم
زين: خير ي مريم
مريم قامت حضنته: كنت خايفه اوي اوى ي زين
زين طلعها م حضنه: خير ي مريم ف ايه
مريم بصت ع شمس: انا اسفه ي زين والله عشان خايفه بس
زين: تمام ولا يهمك انت زي اختي
مريم: طيب افتح تدخل نقعد وهحكيلك كل حاجه
زين: تمام
زين فتح باب الشقه ومريم دخلت وشمس وراها هي وزين
زين: خير احكي
مريم: أنا كنت جايه لواحده صاحبتي هنا استأذنت م عمي اني هقضي معاها كام يوم وطلعوا عليا ناس ف الطريق وفلت منهم بالعافيه والله وم ساعتها وانا منهاره ومش عارفه اعمل ايه ف جيتلك انا اسفه ي شمس عشان جيتلكوا كده ع غفله
شمس: ولا يهمك ي حبيبتي أهم حاجه انت بخير
مريم بصت ع زين: بخير الحمدلله بس كنت خايفه اوى
زين: عدي عدي
شمس: تعالى معايا هتطلعلك غيار وتاخدي دش وتهدي كده
مريم: تمام
شمس اخدت مريم الاوضه عشان تطلعلها غيار زى م قالت
مريم: شمس
شمس: نعم
مريم: ع كده انتوا كنتوا فين
شمس: زين بياخدني قبل الفجر بشويه نتمشي ع البحر عشان هو عارف اني بحب كده اوي
مريم بخبث: اها كان بيعمل معايا كده برضو وكنا بنسهر مع بعض علطول وبيحكيلي كل حاجة حتي انا عارفه حاجات كتير عن زين وبعرفه م نظره عينه
شمس: ده طبيعي عشان هو معتبرك اخته بالظبط اتفضلي الغيار اهو
مريم: اها شكرا
زين: شمس
شمس: نعم
زين: انت أكيد مش مضايقه م وجود مريم صح؟
شمس: لا هضايق ليه
زين: شمس انا مقدر انك غيرانه منها بس أنت شايفه اللي حصلها وكانت خايفه ازاى وبعدين انا بعتبرها زى اختي بالظبط انت عارفه كده
شمس: لا مش عارفه مفيش حاجه أسمها زى اختي وحتي لو بتعتبرها زي اختك تمام دى حاجه تخصك بس مش لدرجه انك تحضنها
زين: انت شوفتي حالتها كانت مرعوبه
شمس: ماشي ي زين اقفل النور عشان عايزه انام الوقت متأخر
زين حضنها: يعني الجميل مش هيسهر معايا !
مريم: زيين
زين: نعم ي مريم !
مريم: انا اسفه بس كنت هسألك هنام فين
زين: في اوضه تانيه ف الشقه تقدرى تنامي فيها
مريم: تمام عن اذنكوا
زين: اذنك معاكي وياريت لما تيجي لشمس تاني تخبطي او تنادي
مريم: طيب
مريم طلعت دخلت اوضتنا
شمس: هطلع اعمل شاى بالنعناع واجى
زين: تمام هستناكى ف البلكونه
شمس: تمام
شمس طلعت تعمل شاى وهى داخله المطبخ سمعت مريم بتتكلم ف الفون
مريم: لا مش مجنونه واللى عملته عين العقل امال اسيبهم لوحدهم ده كله
= ......
مريم: هى اللى اخدته منى أنا بحبه ومقدرش أبعد عنه
= ......
مريم: والله العظيم انا بحبه انا مقدرش أبعد عنه
= .....
مريم: انا بحبها ومش عايزه ااذيها ولا بفكر ف كده بس انا عايزاها تبعد عنه مقدرش اشوفهم مع بعض
= ......
مريم: متقوليش انى عايزه اتعالج انا مش مجنونه انا بحب زين متقوليش عايزه اتعااالج انا انا بس بحبه وهو بيحبني والله وقالى انه هيتجوزني
= .....
مريم زعقت: أنا قولتلك اني مش مريضه نفسيا وانهارت ف العياط
دق دق دق
مريم مسحت دموعها
مريم: ادخل
شمس: .....