رواية شمس الزين
البارت الثانى عشر
روايه شمس الزين
شمس: هنروح فين ده مش طريق البيت
زين: راجعين الصعيد العمده اتصل بيا وقالى ان مريم تعبانه
شمس: اها الف سلامه عليها
زين: الله يسلمك
عدى وقت ووصلوا الصعيد
زين: يلا
شمس: يلا
زين: أول مرة متناميش ف الطريق
شمس: مش جايلي نوم خالص
زين: لما تطلعي فوق هترتاحي وتنامي
شمس: اها بس نطمن ع مريم الأول
زين: تمام
دخلوا البيت
زين: صفيه
صفيه: نعم ي بيه
زين: العمده فين
صفيه: ف اوضه مريم هانم
زين: طيب
دق دق دق
العمده: ده أكيد زين
زين: اى اللى حُصل وتعبت امتي
العمده: والله م انا عارف ي زين وجبتلها دكتور كتبلها ع شويه علاج وجال تعتنوا بيها كويس وهتبجي زينه
زين: خير ان شاء الله الف سلامه عليكي ي مريم
مريم: الله يسلمك ي زين امال فين شمس
شمس: أنا هنا اى الاخبار دلوقتي
مريم: كويسه الحمدلله انتوا اخباركوا ايه
شمس: كويسين الحمدلله هنسيبك ترتاحي شويه
مريم: تمام
شمس وزين طلعوا الاوضه يغيروا
شمس: هنزل أقعد مع مريم شوية يمكن محتاجه تتكلم
زين: تمام ماشي
عند مريم ف اوضتها
مريم: ايوا يبنتي لا طبعا عملت كده عشان عارفه عمي هيتصل عليه ويرجعه
مريم: بتقولى ايه ميصحش اللى بعمله وهو كان يصح لما يتجوز غيري لما سافرت
مريم: لا مش غلط وايام اعدادى كان واعدنى انه هيتجوزني أنا
مريم: انت متخلفه لا طبعا مبفكرش ف فلوس انا بحبه بجد
مريم: ايوا ي ستي ارتاحى بحبه وبحب فلوسه بس متنكريش انى بحبه وانت عارفه ده ومش هرجع عن اللى ف دماغي
مريم: تمام اقفلى انت وانا هنام شويه سلام
شمس: اى الاخبار دلوقتي
مريم: ا ا بخير الحمدلله
شمس: يارب ديما تكونى بخير
مريم: اا نت هنا م بدرى؟
شمس: لا لسه جايه مالك متوتره كده ليه
مريم: لا لا مش متوتره ولا حاجة المهم انت اخبار الجامعه ايه وكده
شمس: كله تمام متقلقيش انا قولت اجي أقعد معاكى شويه لو ف حاجه وحابه تفضفضي
مريم: اا لا مفيش حاجه ده انا حتي كنت رايحه نام بس أنت جيتي نقعد شويه بقي
شمس: تمام هسيبك تنامى شويه
مريم: تمام
شمس طلعت الاوضه
زين: م تيجي تنامى
شمس: حاضر
زين كان نايم وشمس مش جايلها نوم وقاعده
ترن ترن ترن
شمس: الو
ملك: الو فينك برن عليكى ننزل شويه
شمس: رجعت الصعيد النهارده
ملك: الصعيد !! المهم صوتك متغير كده
شمس: م السفر راجعه مفرهده خالص
ملك: اشطا كنت هحيلك ع حاجه بس هسيبك تنامى
شمس: لا احكي مش جايلي نوم اصلا
ملك: اشطا فاكره الولد اللى وقفك تاخدى منه الكشكول
شمس: ايوه ماله ده
ملك: لما دبستيني معاه وكده
شمس: حساكى عامله مصيبه
ملك: انا يبنتي شكرا ع ثقتك الغالية
شمس: طب قوليي
ملك: طلب ايديي
شمس: بتهزراااى
ملك: لااا
شمس: اى خدمه وفقت راسين ف الحلال
ملك: المهم اتفقنا هنعمل الخطوبه ف البيت يوم الجمعة الجايه انت جايه وش
شمس: طبعااا دى فيها كلام
ملك: اشطا هقفل انا عشان يوسف بيرن
شمس: ايوا بقيي
ملك: بس بتكسفف
شمس: يلا هقفل أنا سلام يبيبي
ملك: سلام يروحي
زين: بتكلمى مين
شمس: بسم الله خضتني دى ملك صاحبتي
زين: اممم
شمس: كانت بتعزمنى ع خطوبتها الجمعه الجايه
زين: اممم
شمس: امم ايه !
زين: هفكر
شمس: تمام
زين: مالك متغيره اكده
شمس: مفيش
زين شدها لحضنه: لا في لاويه وشك ليه اكده
شمس طلعت م حضنه: بقولك مفيش ي زين
زين: ماشي بس أكيد هعرف فيه ايه
شمس: ماشي
طلعت عملت شاى بالنعناع ووقفت ف البلكونه
زين: يعني مش هتعزمى عليا بالشاى
شمس: هقوم اعملك
زين: لا اجعدى هشرب معاكى م كوبايتك
شمس: ماشي
زين: مش هتقوليلي بقي في ايه
رواية شمس الزين
الفصل الثالث عشر 13
شمس: طلقني
زين: شمس .. شمس
شمس: نعم معلش سرحت شويه
زين: شكلك مش مظبوط فيكي حاجه ومش عايزه تقولى مالك
شمس: قولتلك مفيش ي زين مفيش حاجه لو في هخبي عليك ليه
زين: طيب هستناكي لما تيجي وتحكيلي لوحدك
شمس: تمام هنرجع تاني امتي
زين: نطمن ع مريم ونمشي
شمس: تمام
زين: هنزل اشوفها دلوقتي
شمس: ماشي
زين نزل لمريم
دق دق دق
مريم: ادخل
زين: اى الاخبار دلوقتي
مريم: بخير بوجودك
زين: يارب ديما بخير
مريم: هتفضل واقف بعيد كده
زين: معلش جيت اطمن عليكي عشان همشي أنا وشمس عندها خطوبه صاحبتها كمان يومين
مريم: اقعدا يوم كمان وروحوا بكره
زين: هشوف شمس
مريم: م تيجي نتمشي شويه تحت اتخنقت م قاعده الاوضه
زين: تمام
خرجوا من الاوضه ونزلوا يتمشوا ف الجنينه
مريم: مقولتليش علاقتك انت وشمس اتحسنت ولا ايه
زين: يعني احنا كويسين حاليا بس مش عارف حاسسها متغيره م ساعه م جينا
مريم: كح كح متغيره ازاى يعني
زين: مش عارفه بس كإن في حاجة مضايقاها بس هعرف
مريم: تلاقيها بس عشان غيرت المكان وجيتوا فجأه وكده
زين: يمكن
مريم: متضغطش عليها برضو وهي لو في حاجة أكيد هتقولك
زين: تمام يلا اطلعي انت عشان نمشي
مريم: يعني مش هتقعدوا شويه
زين: عشان شمس متزعلش
مريم: تمام
مريم سلمت ع زين وحضنته وشمس كانت شايفاهم م شباك الاوضه
زين طلع لشمس الاوضه
زين: جهزتي
شمس: بلبس اهو
زين: طيب هنزل استناكي تحت
شمس: ماشي
زين نزل يستني شمس تحت وشمس قفلت الاوضه وراه وقعدت تعيط فتره
شمس: انا خلصت
زين: كنت بتعيطي
شمس: لا
زين: ماشي اركبي يلا
شمس: تمام
شمس ركبت هي وزين العربية وبدأوا مشوارهم
شمس كانت قاعده باصه للشباك وسرحانه وزين كل شويه يبصلها
زين: مش عايزه تحكي ؟
شمس: مفيش حاجه احكيها
زين: بس أنت متغيره كده
شمس: عادي كلنا بنتغير بطرق مختلفة كلنا بنسمع حاجات تغيرنا وبنشوف حاجات تغيرنا وبنمر بحاجات تغيرنا لدرجه أننا منعرفش نفسنا بعد م اتغيرنا وبتكبرنا بتكبر عقلنا بتكبر وتغير طريقه تفكرينا بتغير اتجاهاتنا وخططنا لحياتنا كلنا بنتغير ولازم تبقي عارف كده تبقي عارف ان اللى حواليك ممكن يتغيروا ف اى وقت ف اى لحظه
زين: اللى صادق مبيتغيرش
شمس: كله بيتغير حتي انت هتمر بحاجات تغيرك
زين: يمكن ! وصلنا انزلى هركن العربية واجي وراكي
شمس: تمام هطلع انام عشان تعبانه شويه م الطريق
زين: تمام
شمس طلعت غيرت ونامت
زين ركن العربية وطالع
زين: شمس نمتي؟
زين غير وطلع البلكونه قعد فيها وشغل اغنيه لام كلثوم
عدي فتره وزين قاعد ف البلكونه بيسمع ام كلثوم
"العيب فيكوا ي في حبايبكوا اما الحب اما الحب يروحي عليه يروحي عليه"
شمس: تشرب شاى بالنعناع
زين: اشرب
شمس: تمام هعمله واجي
زين: استني هاجي اعمله معاكي
شمس: تمام
زين قام مع شمس ودخل يعملوا شاى وطلعوا يشربو ف البلكونه
شمس: ملك كلمتني هنزل معاها بكره تشترى حاجات عشان الخطوبه
زين: تمام
شمس: زين
زين: اممم
شمس: محبتش قبل كده يعني مكنش في حد ف حياتك كنت معجب بحد حاجه كده
زين: لا بتسألى ليه
شمس: عادي اصل اي حد ممكن يكون حب قبل كده أو بيحب يعني قولت ممكن تكون بتحب ولما جيت أنا بوظتلك الدنيا
زين مسك ايديها: لا يحبيبتي محبتش قبل كده محبتش غيرك ولا هحب
اتنفس براحه ورجع بضهره ع الكرسي
يعني كنت ضد الحب وان حد يدخل حياتى بس جيتي انت غيرتها غيرتيلي كل خطتى انت الشخص اللى اتكلمتي عليه لما قولتي كلنا بنتغير بطرق مختلفة وانت دخلتي حياتي غيرتيني وغيرتي حياتي بس أنا فرحان بالتغيير ده بالعكس مش مضايق إطلاقاً
شمس اخدت نفس عميق: ممكن ننزل نتمشي شويه ع البحر
زين: ممكن ليه لا