تزوجت مُعلمي
... (8) part
بقلم اهداء محمود
عمار دخل بيته
عمار:ماما يا ماما
رضا:نعم يا عمار يا حبيبي عايز حاجه
عمار:اه يا ماما عايزك فى موضوع كده
رضا:تعالي يا حبيبي قول
عمار:بصي سهيلة صاحبة دينا قالتلي انها تعبانه ومش بتروح دروس وكده وكمان أنا ملاحظ انها مش بتفتح نت خالص
رضا:اممم يا عمار عايز اي برضو
عمار:احم يعني يا ماما نروح نشوفها
رضا:هنروح نشوفها بصفتنا اي
عمار:معرفش بقا يا ماما بس أنا عايز اطمن عليها اين كان يكن بقا بصفتي المستر بتاعها أو اي حاجه بس لازم اطمن عليها
رضا: ماشي يا عمار لما اشوف اخرتها معاك
عمار:اخرتها خير إن شاء الله هقول لهنا تلبس علشان مينفعش تقعد لوحدها وأنا هلبس يلا ياماما قومي
رضا:ماشي قايمه اللبس أنا كمان
صعد عمار لغرفة هنا ودق الباب
هنا: أدخل
عمار: قومي اللبسي هتيجي معايا أنا وماما مشوار
هنا: مشوار اي ده وأنا مالي بيه
عمار: مش عايزة تيجي يعني
هنا: لا طبعًا أكيد هاجي بس مشوار اي رايح تخطب؟
عمار فى نفسه: نفسي والله اكون رايح اخطبها بدل ما ازورها علشان عيانة (مريضة)
عمار:لا مش رايح أخطب رايح ازور بنت عندي فى الدرس علشان تعبانة
هنا: اشطا هقوم اللبس
عمار: تمام وأنا قايم اللبس
وبعد نصف ساعة كانوا جاهزين
هنا:بس اي يا عمار الشياكة دي جمر جمر ده أنا لو مكان البنت الي رايحين ليها دي هحسبك جاي تخطبني
عمار: ههههههههه ماشي يا بكاشة
رضا: ما شاء الله يا ابني ربنا يحميك من العين وعقبال ما اروح اخطبلك كده
عمار: يارب يا امي
هنا:الا قولي يا عمار البنت دي اسمها اي
عمار:اسمها دينا واسكتي بقا علشان أركز فى الطريق
هنا:اوف ماشي
بعد نصف ساعة وصلو أمام منزل دينا وصعدوا لإعلى وقام عمار بدق جرس المنزل
حنان: ايوه جاية اهو
عمار: السلام عليكم أنا مستر عمار
حنان: اتفضلوا نورتو
رضا: البيت منور بصحابه
حنان: تسلمي هنادي على ابو دينا واجي
رضا: اتفضلي يا حبيبتي
هنا: يا كسفتك يا حازم وانت بتقولها أنا مستر عمار ههههههههه
عمار: اخرسي يا بت بدل ما اقوم اضربك وأحنا فى بيوت ناس
رضا: بس اسكتوا عيب
أشرف: اهلًا وسهلًا نورتوا البيت كله
عمار: البيت منور بصحابه
أشرف: تسلم يا ابني
عمار: احم سهيلة صاحبة دينا قالتلي إن دينا تعبانة فقولت اجي ازورها
أشرف: تسلم يا ابني على اخلائقك دي مفيش منها فى الزمن ده
رضا: تسلم يا حج ممكن تنادي دينا نشوفها
أشرف: تمام
هنا: عمو لو سمحت معندكش عيال غير دينا اقعد معاهم لحسن أنا مليش فى قعدة الناس الكبار دول احم مش قصدي عليك طبعًا قصدي على عمار وماما
أشرف: ههههههههه تعالي يا بنتي اقعدي مع سارة ومازن ودينا هتجيلكم كمان شويه
هنا: سلام بقا يا ماما البيت بيتي طبعًا يا عمو قولي انهي اوضه بس وأنا هروح ههههههههه
أشرف: الاوضة التانية على ايدك اليمين
هنا: طيب يلا سلام بقا وراحت على الاوضه
رضا بحرج من تصرفات ابنتها: معلش بس هى هنا كده بتاخد على الناس بسرعة
أشرف: لا عادي والا يهمك هى بنت عسولة واحسن حاجه أنها بتتعامل بطبيعتها
رضا: شكرًا
أشرف: تعالي يا دينا اقعدي جنبي مستر عمار جاي يشوفك لما سهيلة قالتله انك تعبانه
دينا: مكنش له لازمه يا دكتور والله ده هى سهيلة بتكبر اي حاجه
رضا: ولو يا حبيبتي لازم نطمن عليكي
دينا: تسلمي يا طنط
عمار: بس هى كانت تعبانة بإيه؟
حنان: والله يا ابني فجأة لقيناها بتعيط ومش عايزة تذاكر فودناها لدكتور نفسي قال مفيش حاجه بعدين حكتلنا على موقف حصل كده هى وجارتنا وعرفنا أنه حسد فشغلت الرقية الشرعية وبقت كويسه الحمد لله وتقريبًا العين دي راحت
رضا: يا حبيبتي يا بنتي معلش والحمد لله أنها راحت دي الناس مفيش وراهم غير انهم يبصوا فى حاجة غيرهم المفروض يحمدوا ربنا على الي عندهم
حنان: يلا الحمد لله
عمار: الحمد لله بس لازم تاخد موعظة من الموقف ده وبعدين أستعينوا على قضاء حواجئكم بالكتمان والا اي
أشرف: فعلًا يا ابني عندك حق.... وجلسوا مع بعض ما يقارب من الساعة يتحدثوا فى الكثير من المواضيع
عمار: نستأذن احنا بقا
أشرف: لسه بدري يا ابني
عمار: معلش بس الوقت أتأخر
أشرف: والا أتأخر والا حاجه اقعد
عمار: لا معلش مره تانية ممكن يا دينا تنادي لهنا من جوه
دينا: حاضر وذهبت إلى غرفة اختها وقالت لهنا واتت معها بعد ما ودعت ساره و أخذوا أرقام بعدهم
رضا: نستأذن احنا بقا يلا تصبحوا على خير
حنان: وانتو من أهل الخير وذهب عمار ووالدته وهنا إلى منزلهم
حنان لأشرف: بس كويسين ومحترمين اوي
أشرف: اه فعلًا تحسي كأنك عرفاهم من زمان
حنان: اه فعلًا الا بقولك يا أشرف لو عمار يعني اتقدم لدينا ممكن ترفض
أشرف: مفيش فيه حاجه تخليني ارفضه شاب كويس ومحترم وكل حاجه ما شاء الله بس اي لزمة السؤال؟
حنان: مش عارفه بس حسيت إني عايزة أسألك مش اكتر
أشرف: تمام
فى غرفة دينا
~~~~~~~~~
دينا: لا لا الي حصل ده لازم يتحكي لسهيلة وبعتت لها ماسدج على الواتس بتقول فيها: سهيللللللة الحقينيييييييي
سهيلة: فى اي بت انتي بتصيحي فى الشات لي
دينا: حصل حاجه مش هتصدقيها خالص
سهيلة: احكي مش بحب التشويق بسرعة
دينا: مستر عمار جه عندنا النهارده
سهيلة: لولولولولي اي خطبك خلاص اجهز الفستان
دينا:فستان اي يا مجنونه انتي كان جي يشوفني علشان تعبانه اكيد
سهيلة بدرامة: يا فرحة ما تمت خدها الغراب وطار
دينا: ههههههههه معلش بت اتخيلي ياجي المره الجايه يخطبني هه يا سلام
سهيلة: خليكي انتي فى احلامك وفى البطاطس الي فى دماغك دي
دينا: جتك القرف وانتي عيلة فصيلة
سهيلة: خدي واحده معلش
دينا: نينينينينيني
سهيلة: أركب أعبدو
دينا: الا صحيح يا سهيلة هتقتليني امتي؟
سهيلة: اه انتي شوفتي تريند البنت الي قتلت صحبتها وجايه تتكلمي فيه لا اطمني مقتلكيش أبدًا ده انتي روحي
دينا: ههههههههه ما التانية كانت صاحبة عمرها ما علينا
سهيلة: دينا نتكلم جد ركزي فى مذاكرتك كده مينفعش الإمتحانات على الأبواب وانتي فى حاجات لسه مش مذكراها
دينا: فعلا يا سهيلة طب يلا نذاكر الدروس دي وأنا هلم كام ماده فى الاسبوع ده
سهيلة: تمام بالتوفيق يا روحي هقفل انا كمان اروح اذاكر
دينا: تمام يلا بالتوفيق
أغلقت دينا وسهيلة مع بعضهم وبقت دينا طوال الإسبوع تُذاكر فيزياء وأنهت منهج هذه المادة وبدأت تُذاكر فى منهج الأحياء وتبقي لها فيه ال DNA و ال RNA وكانت أغلقت سوشال ميديا طوال الإسبوع وكان عمار يستشيط غضبًا إنه لم يعرف التواصل معها ليطمئن عليها
فى سنتر الفيزيا
***********
سهيلة: ها يا دينا لميتي حاجه
دينا: اه الحمد لله يا سهيلة
سهيلة: الحمد لله عايزين ندخل طب مع بعض ونحقق حلمنا بقا
دينا: بإذن الله يا روحي وقررت كمان إني مش هفكر فى دكتور عمار لازم أركز فى مذاكرتي بقا عيب كده
سهيلة: الحمد لله يا روحي
دينا: سهيلة هو ممكن ينساني بعد السنة دي ما تخلص
سهيلة: بصي يا دينا هو لو بيحبك مش هيسيبك واكيد هيخطبك بس احنا أصلًا منعرفش هو بيحبك والا لأ
دينا: مش عارفه بس أنا حاسه إنه بيحبني زي ما بحبه طريقة تعامله معايا وكل حاجه بدل على كده
سهيلة: دينا متنسيش مستر عمار شاب والشباب بتعرف تتلون وتتغير عادي ركزي فى مذاكرتك وسيبي الباقي على ربنا بقا لو هو نصيبك هيجيلك
دينا: حاضر يلا نشتري قهوه من الكافتريا قبل الحصة ما تبدأ
سهيلة: يلا.... ذهبوا لكي يشتروا قهوه ودخلوا إلى المحاضرة وكانت دينا تركز فى
الشرح ولا تلقي نظرة على عمار الذي كاد أن يذهب ويقول لها لما هاذا التجاهل لكنه تمالك أعصابه والتمس لها عذرًا أنها مقبلة
على فترة إمتحانات ويجب أن لا يشغلها وأنها شرح الحصة وذهبت كل من دينا وسهيلة إلى منازلهم ومر هذا الشهر وأقبلت الإمتحانات
صباح إمتحان العربي
***************
دينا: ياربي أنا خايفه يارب انت عارف أنا ذاكرت قد اي والله وتعبت طول السنه يارب وفقني وسهل عليا الصعب وريح بالي.... اي ده دكتور عمار بيرن
دينا: الو ازيك يا دكتور
عمار: الحمد لله يا دينا عامله ايه
دينا: الحمد لله
عمار: امم أنا رنيت بس علشان اقولك اطمني الإمتحان هيكون سهل وانتي شاطره ومذاكره أكيد
دينا: اه الحمد لله بس هى رهبة الإمتحان بس
عمار: لا متخافيش الخوف ده ممكن يخليكي تنسي كل حاجه شدي حيلك كده الثانوية مش نهاية العالم
دينا:حاضر يا دكتور
عمار: يلا قومي صلي ركعتين لله وكل ما تحسي إنك نسيتي سؤال اقعدي استغفري ربنا كتير وهتفتكريها بإذن الله
دينا: حاضر سلام
عمار: سلام
قامت دينا تصلي ركعتين لله وتجهزت للإمتحان وذهبت إلى اللجنة مع والدها وأدت الإمتحان وكان مستواه متوسط وسعدت كثيرًا ومرت الأيام وكان عمار يرن عليها صباح كل إمتحان يقول لها كلمات تطمئنها إلى نهاية الإمتحانات
سهيلة: دينا لا مش مصدقة احنا خلصنا ثانوية عامة مش مصدقه
دينا: والا أنا أنا فرحانه جدًا
سهيلة: وانا يلا بقا نروح ده السرير بينادي علينا
دينا: حصل جدًا بقولك يا بت يا سهيلة مش بتكتبي فى رواية جديدة والا اي حاجه
سهيلة: لا بكتب وهبدأ تنزيل بعد النتيجة
دينا: تمام يلا نروح بقا
مرت الأيام واتَ يوم النتيجة وكانت سهيلة ووالدتها ببيت دينا وسهيلة ودينا يدخلوا ارقام جلوسهم بتوتر على هذا الموقع المخصص للنتيجة
أشرف: اهدي يا بنتي انتي وهى مش كده
ساره: فعلًا وبعدين أنا متأكدة أنكم هتجيبوا مجاميع عالية وجايبه تلج أفراح ومشغله الكاميرا للحظة دي
دينا: يارب يارب فتح عندك يا سهيلة
سهيلة: لسه بيحمل
دينا: عاااااااا 99.5٪ وحضنتهم كلهم وهى بتعيط من الفرحة
سهيلة: مبروك يا عيوني فرحنالك جدًا
دينا: عملتي اي
سهيلة: اي ده أنا سبته تعالي نشوف
دينا: يلا ومسكوا التليفون وشافوا المجموع وصرخوا من الفرحة
سهيلة:99.5٪ يا ماما حققت حلم بابا وعيطت
مجدة ببكاء: مبروك يا حبيبتي مبروك
ساره: ما تخلصونا بقا يلا نحتفل ورشة تلج افراح وشغلت اغنية الناجح يرفع أيده ورقصوا وكانوا فرحانين جدًا ومرت الأيام
فى مكتب أشرف
************
السكرتير: أستاذ أشرف فى واحد اسمه عمار طالب يشوفك
أشرف: دخله
السكرتير: اتفضل أدخل
عمار: تمام ودخل
أشرف:تعالي يا عمار
عمار: أنا عايز اتجوز دينا