تزوجت مُعلمي...
.part (9)والاخير
بقلم اهداء محمود
استفاق عمار من شروده على صوت أشرف وهو يقول: فى اي
حاجه ياعمار بقالي ساعة بقولك اقعد وانت والا هنا
عمار: احم اسف يا عمي سرحت شوية
أشرف: عادي والا يهمك اتفضل اقعد
عمار: احم كنت عايز اتكلم مع حضرتك فى موضوع
أشرف: اتفضل
عمار: احم كنت عايز اطلب من حضرتك ايد دينا
أشرف: بس دينا صغيرة يا عمار
عمار: انا عارف كويس أنها صغيره وانا مقولتش هتجوزها على طول لا هى هتبقي خطوبه وبعدها كتب كتاب والفرح على حسب ما حضرتك ما تقرر ها قولت اي
أشرف: هقرر وارد عليك
عمار: تمام بس كنت عايز اقول لحضرتك إني بحب دينا وكنت اقدر كأي مدرس اكلمها بحجه الدرس أو اي حاجه بس أنا كنت بحافظ عليها حتى من
نفسي وبقول لحضرتك انك لو وافقت هتكون اسعد انسانه فى الدنيا
أشرف: والله يا عمار أنا بعزك وبحترمك وعلشان كده مختش اي قرار غير لما افكر
عمار: تمام هستنى رأي حضرتك بعد إذنك
خرج عمار من المكتب وهو يفكر فى دينا وفيما يحدث إذا رفضهُ والدها والا يتخيل إنها من الممكن أن تصبح لشخص أخر وبالأخص أنها سوف تدخل الجامعة ويوجد بها شباب ودكاتره من الممكن أن يعجبوا بها ويحبوها مثله خرج من تفكيره وذهب إلى المستشفى
______________________________________
فى منزل سهيلة
~~~~~~~~~~
سهيلة تجلس على مكتبها تقرأ فى كتاب (فن التعامل مع النفس) وقامت لتُعد مشروب لها وتعود لتكمل قرأت الكتاب الذي أعجبها بشده
سهيلة: ماما يا ماما فى هنا نسكافية ولبن
مجدة: اه اللبن فى التلاجه والنسكافيه عندك
سهيلة: تمام يا ماما اعملك معايا
مجدة:ماشي وتعالي علشان عايزاكي
سهيلة: حاضر
وذهبت إلى المطبخ لتعد كوبين من النسكافيه باللبن وبعد أن أعدتهم ضعتهم على الصنيه ومعهم شطيرتين من البسكويت
سهيلة: شايفه يا ماما التقديم غزال غزال فى المطبخ
مجدة: بس يا بلوه بس ها هتقدمي طب عسكري
سهيلة: بإذن الله يا ماما
مجدة: ماشي يا بنتي جهزي الملف علشان اديه لعمك أشرف يقدمه
سهيلة: حاضر
مجدة: احكيلي عملتي اي فى يومك
سهيلة بحماس: بصي اول ما صحيت اتوضيت وصليت وبعدين استحميت ونضفت بشرتي وحطيت
مسكات وبعدين رتبت الأوضه وبعدين شفت حلقة من المسلسل الكوري بتاعي
ونزلت بارت الرواية الي الفانز ناقصين يقتلوني علشان بتأخر ودلوقتي قاعده بقرأ فى كتاب فن التعامل مع النفس
مجدة: الله الله اليوم كله انجازات
سهيلة: طبعًا يا ماما ده أنا سوسو برضو
مجدة: تربيتي ههههههههه يلا قومي شوفى رايحه فين
سهيلة:بطرقيني يا ماما بس ماشي
وذهبت سهيلة إلى غرفتها وامسكت تليفونها لترى رأي المتابعين فى الجزء الجديد من الرواية وكانت تعتاد أن تتضع لينك حساب الصراحة الخاص بها فى نهاية البارت وتقوم بفتحه لترى رأي بعض
الأشخاص الذين يختفوا وراء صراحة وكانت رسائلهم تحمل نقد للرواية ولها لكن هذه المره رأت شخص بعت لها رسالة
يقول فيها: السرد بتاعك كويس وفكرة الرواية جميلة استمري
وانا معاكي متخافيش هتوصلي وكمان هتوصلي لحلمك فى الطب وهتبقي اشطر دكتوره فى الجيش
سهيلة: اي ده؟! مين ده؟! فكك يا بت يا سهيلة تلاقيه واحد من الفانز لما اروح اكمل الكتاب
______________________________________
في منزل دينا
~~~~~~~~
أشرف: حنان حنان
حنان: نعم
أشرف: تعالي عايزك فى موضوع
حنان: ماشي هوطي على الأكل وهشوف دينا بتعمل اي وجايه
أشرف: ماشي بس بسرعه
ذهبت حنان إلى المطبخ واخفضت النار على الطعام وذهبت لغرفة دينا رأتها تحفظ قرآن فتبسمت وذهبت لترى ماذا يريد زوجها
حنان: ها يا أشرف كنت عايز اي
أشرف: عمار أتقدم لدينا
حنان: وانت قولت اي؟
أشرف: مش عارف بس دينا لسه صغيره
حنان: مش بالسن يا أشرف وبعدين دينا داخله جامعه وعقلها
مفتح وبتفهم كل حاجه وبعدين اكيد مش هيبقي جواز على طول
أشرف: طب هنخطبها قبل ساره ازاي ممكن ساره تزعل
حنان: ده نصيب واكيد ساره ربنا شايلها نصيبها واكيد مش هتغير وتزعل من اختها فكر فيها يا اشرف
أشرف: خلاص تمام اتكلمي مع دينا وخليها تصلي استخاره وربنا يقدم الي فيه الخير
حنان: ماشي
وذهبت حنان لغرفة دينا ودقت الباب ودخلت
حنان: ما شاء الله خلصتي حفظ
دينا: اه يا ماما الحمدلله كنت هقرأ الرواية
حنان: اه يا اني من الروايات الي لحست عقلك دي
دينا: موعلش يا موما
حنان: دي لغه جديده دي
دينا: ههههههههه اه
حنان: شوهتوا العربي يلا المهم ركزي معايا عايزاكي فى موضوع
دينا: تمام يا ماما اتفضلي
حنان: بصي يا دينا الجواز ده قسمه ونصيب والحب مفهوش كبير والا صغير وانتي باين عليكي انك بتحبي الاستاذ بتاعك الي اسمه عمار
دينا: احم فى اي يا ماما مش كده
حنان: بس يا بت وبعدين أنا صحبتك فعادي المهم بقا إن عمار طلع بيحبك واتقدملك
دينا: انتي بتتكلمي جد يا ماما
حنان: اه والله وابوكي بيقولك صلي استخاراه وقوليلوا رأيك
دينا: حاضر يا ماما
حنان: ماشي لما اقوم اشوف اختك بتعمل اي علشان هتجنني
دينا: تلاقيها يا فاتحه نت يا بتكلم صحابها يا بتقرأ
حنان: هروح اشوفها بقا..... وذهبت لغرفة سارة ودقت الباب واذنت لها سارة بالدخول
حنان: اي ده اي ده انتي كنتي بتحفظي قرآن
ساره: كنت براجع يا ماما ما انتي عارفه اني خاتمه
حنان: ما شاء الله طب ما تحفظي قراءات
ساره: بإذن الله هبدأ
حنان: كنت عايزه اقولك إن مستر عمار أتقدم لاختك
ساره بسعاده: بجد قولي واللهِ يا ماما ده دينا هتفرح اووي دي كانت بتحبه
حنان: براحه يا بت اه ما هي مش مصدقه بس انتي مزعلتيش زي ما أنا ما قولت ل ابوكي
ساره: وازعل لي دي اختي والجواز ده نصيب واكيد نصيبي متشالي
حنان: لا عقلتي يا بت
ساره: لي هو أنا كنت مجنونه يا ماما الا قوليلي هياجي يتقدم امتي
حنان: لما ابوكي يرد عليه يلا تصبحي على جنة
ساره: وانتي من أهل الجنه يا ماما
______________________________________
فى منزل عمار
~~~~~~~~~
عمار: ماما فاضيه
رضا: اه يا حبيبي عايز حاجه
عمار: كنت عايز اقولك اني طلبت ايد دينا من استاذ اشرف
رضا: من غير ما تقولي والا تاخدني
عمار: اكيد هاخدك بس لما اتقدم رسمي يا ماما
رضا: ماشي يا عمار ربنا يقدم الي في الخير
عمار: يارب يا ماما تصبحي على خير
رضا: وانت من أهله
مر إسبوع على هذه الأحداث خلاله أخبرت دينا والدها أنها صلت إستخاره وتشعر بالراحة
فسعد والدها وأخبر عمار أنه موافق على خطبتهم فسعد عمار كثيرًا وقال له أنه سوف يذهب إليهم هو ووالدته
لتحديد كل شيء وذهب إليه مع والدته واتفقوا على موعد الخطوبه وبعده بشهر عقد القران لكي يكون كل شيء حلال
فى يوم الخطوبه
~~~~~~~~~~~
حنان: يا بنتي قومي بقا اذا كنتي هتعملي ماسك والا حاجه عقبال ما الميكب ارتست تيجي
دينا: حاضر يا ماما قومت اهو فين ساره؟
حنان: بتستحمى وهتجيلك
دينا: تمام وأنا هقوم استحمي ونبقا نعمل مسكات أنا وهي مع بعض
حنان: ماشي وأنا طالعه اشوف بقيت التجهيزات والحاجات
دينا: تمام
فى المساء
~~~~~~~
دينا: ها يا سهيلة حلوه
سهيلة: يا اختي قمر صحبتي قمر وخلاص هتتخطب بقاا وبعدين تتجوز وتجيب بيبي وابقي خالتو
ساره: بس يا بت يا هبله انتي
سهيلة: ملكيش دعوه مكلمتكيش انتي
دينا: بالهوي عليكم مش بتبطلو انا متوتره أصلًا
ساره وسهيلة: خلاص اقعدي علشان باين عمار جه
دينا: لابس اي
سهيلة: استني هشوف من البلكونه
ونظرت سهيلة من البلكونه رأته يرتدي قميص باللون الاسود وبنطلون بنفس اللون
وبليزر باللون الابيض وجزمه بيضاء وجاء معه اصدقائه وعائلته
دينا: ها يا بت لابس اي
سهيله: لابس طقم انما اي قمر اسود فى ابيض وجي معاه شويه موزز
دينا: قميص اسود وبنطلون اسود اكيد
سهيلة: اه وبليزر ابيض وجزمه بيضه وعلشان كده انتي لابسه فستان اسود وهلز ابيض ومطقمين مع بعض من ورايا
دينا: معلش
سهيلة: يلا هقول عليكي اي
ساره: يلا علشان نطلع
دينا: أنا متوتره
سهيلة: هو انتي هتتجوزي ده هيلبسك الدهب
دينا: يلبسني معلش
ساره: يلا بدل ما امك تيجي تهزقنا
سهيلة: امشي يا دينا...
ذهبت دينا معهم إلى الصالة وعندما خرجت أرتفع صوت الزغاريط وكان المعازيم
يتهامسون على جمالها وعمار سرح فيها قليلًا واستفاق على صوت أخته
هنا: اي يا كبير سرحت فى اي
عمار: بس يا بت انتي احترمي نفسك
هنا: رخم يلا امشي روح اقعد جنب خطيبتك
عمار: ماشي سلام
حنان: يلا يا عمار لبسها الدهب
عمار: تمام والبسها الدهب وسط خجلها
رضا: مبارك يا ولاد
وارتفع صوت الاغاني والمهرجانات وأصدقاء عمار يرقصوا على مهرجان( اندال) وذهب عمار ورقص معهم ومضى اليوم...
مساء ثاني يوم
~~~~~~~~~
عمار: بتعملي اي؟
دينا: كنت بحفظ قرآن ودلوقتي كنت هقرأ الرواية
عمار: وأنا فين
دينا: موجود يا دكتور
عمار: يا اختي دكتور يا بنتي انا خطيبك
دينا بمشاكسه: ايوه يعني اقولك اي؟
عمار: قوليلي يا عمار يا ميرو يا حبيبي اي حاجه فى الحياه مش دكتور
دينا: ميرو وحبيبي اي ده لا أنا مليش فى كده
عمار: روحي نامي يا دينا روحي
دينا: تصبح على خير يا عمورتي
عمار: يا اي؟
دينا: عمورتي
عمار: ما احنا بنعرف ندلع اهو
دينا: امال يا ابني ده احنا بنات بردو
عمار: ابني يا اختي
دينا: ههههههههه تصبح على خير يا عمورتي
عمار: وانتي من اهل الخير يا دنيتي
ومرت الأيام بين حديث عمار لدينا وغزله لها ومرحهم سويًا،
وبين سهيلة والشخص المجهول الذي يبعث لها رسائل على
صراحة، وسافرت ساره إلى منزل جدتها فى الصعيد لراحت
أعصابها فى جو الصعيد وبين جدها وجدتها، واتى يوم عقد القران
حلالي
_مشيتي لي؟
=مش عايزه أعمل حاجه حرام
_بس الحب مش حرام
=أنا عارفه إن الحب مش حرام بس كلامنا ده حرام
_بس أنا بحبك ومش هقدر ابعد عنك بجد بل مستحيل انتي حبك بقا بيجري فى وريدي
=لو بتحبني مش هتخليني أعمل حاجه حرام أنا اسفه بس مش هقدر أخون ثقة ربي واهلي
_طب أعمل اي مش عايز اخصرك
=مش عارفه بس انا اسفه ليك بجد
تانى يوم
*******
=اي ده أنت بتعمل اي فى بيتنا
_قولتلك مقدرش ابعد عنك ودلوقتي مش هبعد عنك وهتجمع أنا وانتي فى الحلال قدام كله
=ب..
_بس متكمليش نكتب الكتاب وهعمل نطق الكلمة دي منك اغنية
بعد كتب الكتاب
*************
_همممم قوليها
=أقول أي؟!
_انتي عارفه قصدي كويس سامعك
=احم احم بحبك
_وأنا فوقة مرحلة الحب يا حلالي
تمت