«وراء كبرياءه عاشق»
الفصل الثانى وعشرون
فى الكافيه كان أدهم قاعد مع سيف وبيحاول يهدى
أدهم :- ايه اللى انت كنت ناوى تعمله ده يبقى انت فرقت ايه عن ابن عمها لما كان عايز يعمل فيها كده
سيف :- بس دى مراتى وانا حر فيها
أدهم :- متنساش ان هى وافقت تجوزك بشرط انك متلمسهاش وانت وافقت على الشرط ده ووعدها انك تحافظ عليها وتحميها تيجى منك انت اللى تأذيها
سيف :- اعمل حسابك طلاق مش مطلق واللى عندكم اعملو
أدهم :- ماشى يا عم بلاش طلاق وانا كمان مش عايزك تطلق حبيبه بس تقنعها براحه مش كده انت كده تخليها تكرهك وتصمم على الطلاق وبعدين ايه فتح موضوع الطلاق ده دلوقتى مش لسه شويه على ما تروح عند اهلها
سيف :- يا أدهم امها عندنا من امبارح وابوها واخوها عرفوه مكانها وخلاص راجعين
أدهم :- بصدمه بسرعه كده
سيف :- ايوه
أدهم :- طب انت ايه معصبك كده من فكرة الطلاق مع انك كنت رافض من الاول تتجوزها وانا اللى غصبت عليك علشان تتجوزها
سيف :- ا.ا.اه بس انا مش تحت امركم اتجوزها حاضر طلقها حاضر لا انا بقى بمزاجى هطلقها
أدهم :- سيف متكبرش انت بتحب حبيبه
سيف :- ل.ل.لا طبعآ
أدهم :- للاسف ده واضح فى عنيك للكل انك مش بس بتحبها لا انت بتعشقها
سيف :- ………………………………
أدهم :- يا سيف العمر مش بيقف وبيمشى وكلها فرص لو متمسكتش بيهم هيجى يوم وهتندم عليهم فوق لنفسك وبلاش تكابر الحب حلو ومش علشان قبلت مره فى حياتك وحده قذره يبقى الكل قذر وتاخدهم بذنبها حبيبه كويسه وبنت حلال وجدعه ولو متنزلتش عن كبريائك واعترفت ليها بحبك هتروح منك وهتندم عليها فى وقت مينفعش عليها الندم
سيف :- بأنكسار بس هى قلبها مش معايه قلبها مع واحد تانى
أدهم :- مستحيل انا اعرف حبيبه اكتر منك حبيبه قلبها مش مشغول ومش بتحب واللى انا حاسه ان حبيبه مشدوده ليك
سيف :- بفرحه بجد يا أدهم بس ازاى ده انا سامعها بتقول لحد فى التليفون يا حبيبى
أدهم :- يا سيف كلمة حبيبى دى عند البنات عادى ممكن حبيبى ممكن يا جميل ممكن يا قلبى تملى بيكلمو بعض بصيغة المذكر اسألنى انا عارف اكتر منك فى المواضيع دى
سيف :- بفرحه يعنى هى بتحبنى انا
أدهم :- وهو فرحان لفرحة اخوه هههههههه اه وباين عليها اوى كمان
سيف :- وقف وقال انا ماشى
أدهم :- رايح فين يا مجنون
سيف :- هروح اصالح حبيبه ومش هسيبها تبعد عن حضنى ثانيه
أدهم :- وقف وقاله استنى هوصلك
ومشى سيف مع أدهم ووصله عند البيت
سيف :- ما تيجى اطلع معايه شويه فوق
أدهم :- لا يا عم انا كده هبقى عزول وغمزله 😉😉وانت مش هتحب يكون معاكم عازول سلام يا سيفو وسلملى على حبيبه ومشى بعربيته
وطلع سيف يجرى ودخل عنده الشقه ولاقه حبيبه نايمه فى حضن امها وبتعيط
حوريه :- انت ازاى تعمل فى بنتى كده انا استحاله اسيب بنتى لو ثانيه واحده معاك طلقها وانا هخدها تعيش معايه فى البلد
سيف :- بص لحبيبه وقال موافقه على الكلام ده
حبيبه :- مردتش عليه
سيف :- مسك ايد حبيبه وقال تعالى عايزك فى كلمتين فى الاوضه
حبيبه :- شدت ايديها من ايده ومرضتش تقوم معاه
حوريه :- هو بالعافيه مش عايزه تتكلم معاك ولا تعيش معاك
سيف :- بصلها وقال لو سمحتى عندك كلمه حلوه قوليها معندكيش يبقى اسكتى احسن
حبيبه:- لو سمحت متكلمش امى كده وانا موافقه على كلام ماما
حوريه :- بدموع مزيفه خلاص يا بنتى انا اسفه لو ادخلت فى حياتكم انا هخد هدومى وامشى من هنا
حبيبه :- استنى يا ماما هاجى معاكى
سيف :- حق عليا يا حماتى ومسك حبيبه وشدها من ايديها واخدها فى الاوضه وقفل الباب بالمفتاح
حبيبه :- ا.ا انت ناوى على ايه وبتقفل الباب بالمفتاح ليه
سيف :- اقعدى يا حبيبه متخفيش مش هعمل حاجه انا هتكلم معاكى بس
حبيبه :- مفيش كلام ما بنا بعد اللى عملته معايا وياريت تطلقنى
سيف :- قعد على ركبته ومسك ايديها وقال حبيبه انا مقدرش استغنا عنك ولما سمعت كلمة الطلاق اتجنيت لمجرد ما فكرت انك هتبعدى عنى وانا اصلا عصبى ولما بتعصب مش بشوف قدامى
حبيبه :- مصدومه من اللى سيف بيقوله وقالت ا.ا انت كنت ناوى
سيف :- قطعها وقال اسف يا حبيبه مش هعمل كده ولا هفكر اقرب ليكى تانى غير لما تكونى جهزه لكده
حبيبه :- ………………………
سيف :- حبيبه انا بحبك وعايز اقضى عمرى كله معاكى عايزك انتى ام عيالى وحبيبتى وعشقتى ودنيتى كلها
حبيبه :- ها 😨😨😨
سيف :- مالك مصدومه كده اه بحبك ومش من دلوقتى لا من اول مره اشوفك فيه فى الشارع حسيت فيكى حاجه مختلفه عن البنات كلها وكل مره اشوفك فيها كان بيكبر الاحساس ده وكنت بحبك بس بنكر ولما شفتك فى شركة لمار قولت بس دى فرصه مش هتتكرر ومش هفرط فيكى ومش هخليكى تبعدى عنى تانى
حبيبه :- ………………………
سيف :- سكته ليه يا حبيبه
حبيبه :- مش عارفه ارد واقول ايه
سيف :- قولى ليا انتى بتحسى بحاجه من نحيتى
حبيبه :- مش عارفه بس بعد اللى حصل النهارده بقيت اخاف منك
سيف :- باس ايديها وقال انا اسف والله غصب عنى فكرت بعدك عنى بتجننى وبتخلينى مش عارف بعمل ايه
حبيبه :- بس انت لازم تبقى اهدى من كده وتقدر تتحكم فى نفسك أكتر من كده
سيف :- حاضر ياستى بعد كده هحاول اتحكم فى نفسى ها صافى يا لبن
حبيبه :- طب وعمر اخويه
سيف :- زى ما نقلته هرجعو تانى
حبيبه :- وتتأسف ليه
سيف :- اممم صعب انا هعتبر رجعو للشغل هنا من تانى اسف منى بطريقه غير مباشره
حبيبه :- لا مدام انت الغلطان يبقى تتأسف ليه
سيف :- ربنا يسهل المهم دلوقتى مقولتليش انتى بتحبينى ولا لا
حبيبه :- امممم انا وفى الوقت ده رن جرس الباب وسكتت حبيبه وبعد كده حوريه خبطت على الباب وقالت
حوريه :- بت يا حبيبه ابوكى واخوكى جم
حبيبه :- بفرحه طب يا ماما انا جايه
سيف :- لنفسه ده وقته كانت خلاص هتنطق
حبيبه :- سيف يا سيف
سيف :- ها ايوه
حبيبه :- هو ايه اللى ها افتح الباب علشان اطلع
سيف :- اه ماشى وفتح الباب وطلعت حبيبه تجرى على ابوها وقعدة تحضن فيه جامد وتبوس فى ايديه وتبوس فى راسه وهى بتعيط
حبيبه :- واحشتنى اوى يا بابا مالك خاسس كده انا زعلانه اوى منك
حسن :- مقدرش على زعل حبيبت قلبى انا كنت من غيرك ميت ودلوقتى رجعت للحياه وحضنها جامد
عمر :- ايه يا حاج ما تسبها ليا شويه
حبيبه :- راحت ليه واترمت فى حضنه وقالت يااااااااااااه يا عمر قد ايه كان واحشنى حضنك
عمر :- بسها فى راسها وحضنها جامد وقال وانا ياروح عمر كنت بموت من غيرك كنت مفتقد نصى التانى اووووى
سيف :- راح سلم على حسن وقال اذيك ياعم حسن عامل ايه
حسن :- الحمدالله على كل حال انا مصدقتش نفسى لما عمر قلى انك اتجوزت بنتى
سيف :- والله يا عمى لولا الظروف اللى هى كانت فيها انا كنت جيت طلبت ايديها منك
حسن :- المهم يا ابنى ان هى بقت معاك وانا كده اطمنت عليها معاك لانك راجل وهتقدر تحميها بجد
سيف :- بص لعمر وقال احم شرفت يا عمر باشا
عمر :- ………………………
حبيبه :- خلاص بقى يا عمر هو مكنش يعرفك وهو ندمان على اللى عمله وهيصلح غلطته
عمر :- المشكله مش ان هو يعرفنى المشكله فى ظلمه للغلابه وان هو مفكر نفسه اقوى واحد فى العالم ونسا ان فى ربنا اقوى من الكل
حبيبه :- راحت جمب سيف وبصت ليه علشان يتأسف لعمر
سيف :- خلاص بقى يا عمر متزعلش وقلبك كبير واحنا دلوقتى فى نسب بنا
عمر :- بص لحوريه وقال نسب وقرابه كمان
الكل استغرب من كلمة عمر
حبيبه :- قصدك ايه يا عمر بكلمة قرابه
عمر :- ها ولا حاجه قصدى اللى الاطفال انشالله اللى هيجوه
حوريه :- حست من كلام عمر ان هو يعرف بموضوع حازم
حسن :- طب يا ولاد احنا هنمشى بقى
سيف :- على فين خليكم قعدين معانا هنا
حسن :- ربنا يخليك يا ابنى بس مش هرتاح غير فى بيتى
حبيبه :- علشان خاطرى يا بابا خليك قاعد معايه دانت كنت واحشنى اوى وملحقتش اشبع منك
عبدالله :- معلش يا بنتى وبعدين يبقى سيف يجيبك تقعدى معانا شويه
حبيبه :- بصت لسيف وقالت والنبى يا سيف خلينى اروح معاهم اقعد يومين معاهم
سيف :- طب سبيهم النهارده يستريحو من المشوار وبكره روحى ليهم
ووقف حسن وعمر ووقفت معاهم حوريه
حسن :- بص لحوريه وقال انتى رايحه فين
حوريه :- هروح اجيب الشنطه علشان امشى معاكم
حسن :- ومن قالك انك هتيجى معانا لو تفتكرى اخر مره خرجتى من البيت قولتلك ايه مش هتخشى البيت ده تانى وبعدين ايه مقعدك عند بنتك مش دى اللى كنتى متفقه مع اشرف وعايزه تقتليها انا لو منك موريهاش وشى وتخدى شنطة هدومك وروحى اقعدى مكان ماكنتى قعده
حوريه :- يعنى ايه الكلام ده
حسن :- يعنى انتى طالق يا حوريه ومشفش وشك لاهنا ولا عندى فى البيت ومشى حسن وعمر وبيفتحو الباب لاقو حازم وقف على الباب
حسن :- استاذ حازم
حازم :- اذيك يا حسن
حسن :- الحمدالله
عمر :- عرف ان هو ده حازم ابو حبيبه
سيف :- عمى انت جيت امته وعرفت مكانى منين وسلم عليه ودخلو كلهم وقفلو الباب
حازم :- جيت الصبح وأدهم قلى على مكانك مبروك يا عريس
سيف :- الله يبارك فيك يا عمى
حازم :- بص لحوريه وقال اذيك يا حوريه عاش من شافك
حوريه :- ا.ا اذيك يا استاذ حازم
حازم :- بص لحبيبه وقال اذيك يا بنتى وبص لحوريه بمعنى هى دى
حبيبه :- اذيك ياعمو انت نورتنا وحمدالله على السلامه
حازم :- الله يسلمك يا بنتى
حوريه :- دى بنتى حبيبه
حازم :- ربنا يخليها ليكى
عمر :- مبلاش كلام الغاز وياريت الحقيقه تبان قدام الكل دلوقتى حالا
حبيبه :- حقيقة ايه اللى انت بتتكلم عليها
عمر :- الحقيقه اللى امك مخبيها علينا من سنين وبص لحوريه وقالها تقولى انتى ولا اقول انا
حوريه :- ق.ق.قصدك ايه
عمر :- قصدى على اللى كان بينك وبين الاستاذ حازم زمان
حبيبه :- ايه اللى انت بتقوله ده ياعمر
عمر :- اللى بقوله ده الحقيقه امك كانت عامله علاقه مع اللى اسمه حازم ده وعلشان كده ابو سيف كان رافضك علشان انتى تبقى بنت اخوه من الحرام
الكل اتصدم من كلام عمر
حبيبه :- لا مستحيل ماما تعمل كده انا بنت حسن جادالله
عمر :- عندك امك اسأليها اهى
حبيبه :- بصت لامها وقالت صحيح الكلام ده يا ماما
حوريه :- اه كنت صغيره ومعرفش حاجه وهو ضحك عليا
عمر :- انتى استحاله تكونى ام احنا دلوقتى عرفنا كنتى بتعملى حبيبه بطريقه الوحشه دى ليه
حبيبه :- وهى بتعيط وبيتهز راسها بمعنى لا وتقول لالالا مستحيل اكيد انا بحلم لا لالا ده كبوس
سيف :- صعبت عليه حبيبه واخدها فى حضنه وبص لعمه وقال ليه كده يا عمى ليه
حازم :- كان طيش شباب ياابنى
والكل بص على حسن لاقه حاطط ايده على قلبه ومش قادر يتكلم وبياخد نفسه بالعافيه
حبيبه :- طلعت تجرى عليه وتقوله بابا بابا لالالالا والنبى متسبنيش قوم يا بابا
عمر :- بابا انا اسف ان انا اتهورت واتكلمت ومعملتش حساب انك تعبان بس مكنتش قادر اسكت اكتر من كده
سيف :- اتصل على الاسعاف وشويه وجت الاسعاف ونقلت حسن على المستشفى