«روايةوراء كبرياءه عاشق»
الفصل التاسع عشر
فى قصر عزالدين
كان الوضع متأزم مابين عزالدين وسيف
عزالدين :- انت ايه الكلام اللى بتقوله ده
سيف :- ايوه يا بابا الكلام ده حقيقى حبيبه دلوقتى مراتى على سنة الله ورسوله
عزالدين :- عرفت تضحك عليك بنت حوريه زى ما امها عرفت تضحك على عمك زمان وبكره تخونك زى ما امها كانت بتخون جوزها مع عمك
سيف :- عمى وايه دخل عمى فى الموضوع ده
عزالدين :- علشان زمان كانت امها بترسم على فلوس عمك وكانت بتخون جوزها معاه
حبيبه :- لوسمحت انا مسحملكش مش علشان مش موافق على الجوازه تطلع على اهلى كلام مش مظبوط
عزالدين :- طب روحى اسأليها كده على علاقتها بأخويه حازم ايه وبعدين هنروح بعيد ليه ما اكيد انتى طالعه شبها وبتحبى الفلوس زيها وقولتى ترسمى على ابنى علشان تخدى اللى وراه واللى قدامه
سيف :- لو سمحت يا بابا انا مش عيل صغير علشان تضحك عليا واحده واقدر اميز مين كويس ومين وحش
عزالدين :- اه زى صفاء كده لما برضه اتعلقت بيها وكانت بتضحك عليك وفى الاخر خانتك
أدهم :- بابا
عزالدين :- اخرس انت كمان مش عايز اسمع حسك
حبيبه :- انا استحاله اقعد هنا لو للحظه واحده عن أذنكم
سيف :- استنى يا حبيبه انتى مش هتمشى من هنا
عزالدين :- انت بتتحدانى يا ولد
سيف :- انا مش بتحداك بس حبيبه مراتى ومكان ما انا بقعد هى تقعد
عزالدين :- مدام كده يبقى انت كمان ملكش قعاد فيها ومتفكرش ترجع هنا اللى لما تطلق الزباله دى بنت الحرام وترجع لعقلك
أدهم :- بابا انت بتطرد ابنك من القصر
عزالدين :- اه ولو مكنش عجبك انت كمان اتفضل معاه فى ستين داهيه
سيف :- خليك انت يا أدهم وبص لحبيبه وقال يلا بينا واخد حبيبه ولسه هيطلع سمع ابوه بيقوله
عزالدين :- استنا هنا سيب مفاتيح العربيه ومفاتيح القصر ومشفش وشك تانى فى الشركه
سيف :- طلع مفاتيح العربيه والقصر وحطهم لابوه وقال اتفضل اهو ومش محتاج شغلك فى حاجه ولا لفلوسك ومسك ايد حبيبه ومشى
أدهم :- ليه كده يا بابا وطلع يجرى وراه اخوه ونده عليه سيف يا سيف
سيف :- وقف وبص لادهم وقال ايه يا ادهم فى حاجه
أدهم :- انا اسف يا سيف علشان انا اللى اقترحت عليك موضوع الجواز وخليتك تتجوز حبيبه
سيف :- عادى يا ادهم انا وعدك ان هقف جمبها وانت عارف ان انا قد كلمتى
أدهم :- انشالله ربنا هيجزيك خير وانت عارف بابا عصبى بس طيب كام يوم كده وهيروق وترجع كل حاجه زى الاول واحسن
سيف :- انا مش محتاج لحد واقدر اعتمد على نفسى وابدء من جديد
أدهم :- مد ايده وقال خد
سيف :- ايه ده
آدهم :- ده مفتاح شقه كنت عاملها لايام الشقاوه وعنونها (………) خد حبيبه واقعد فيها لحد ما ربنا يسهل
سيف :- اخد المفتاح وقال شكرآ يا أدهم
أدهم :- وانا كل يوم هسأل عليكم
سيف :- انشالله وسلم على سيف ومشى هو حبيبه ووقف تاكسى وراحو على الشقه
……………………………………………………
فى اوضة ديمه دخلت وقعدة تعيط علشان اخوها سيف ومسكت تليفونها وطلبت رقم عمر وانتظرت الرد
ديمه :- بدموع اذيك يا عمر
عمر :- الحمدالله مال صوتك شكلك معيطه
ديمه :- انا مضيقه اوى يا عمر
عمر :- ليه مالك
ديمه :- بابا شد هو واخويه وطرده من البيت
عمر :- معلش يا ديمه ياما بيحصل مابين الاب والابن وبعد يومين بترجع كل حاجه زى ما هى وبيتنسا الزعل
ديمه :- مش باين ده اخويه عندى ومدام اتمسك بحاجه عمره ما يتخلى عنها ويسيبها واخويه اتجوز واحده وباين عليه بيحبها اوى ومش هيسبها والصراحه البنت دى مؤدبه انا مره قابلتها ومن غير ما تعرفنى ساعدتنى وبابا مش قابلها وهو ليه حق بعد ما سمعت الكلام اللى امها قالته وبجد امها شكلها شرانى اوى وبتاعت فلوس وفوق كل ده واحده خاينه
عمر :- بس مش شرط حتى لو الام مش كويسه ممكن البنت تكون مش شبها وتكون كويسه بجد وانتى بتقولى انها ساعدتك من غير ما تعرفك يبقى باين عليها كويسه
ديمه :- انا مقولتش حاجه على البنت بس امها يعنى واحده مش طبيعيه
عمر :- ربنا يهديها ويصلح حالها وانتى متزعليش وانشالله كل حاجه هتتحل
ديمه :- يارب يا عمر وانا اسفه لو كنت ازعجتك بس بجد برتاح لما بحكيلك على اللى مزعلنى وبحس ان كلامك فى الشفا وبنسا كل اللى كان مزعلنى
عمر :- وانا تحت امرك فى اى وقت
ديمه :- ربنا يخليك مع السلامه
عمر :- مع السلامه
……………………………………………………
وصل سيف وحبيبه على شقة أدهم وطلعو عليها وفتح الباب ودخل وحبيبه وقفت على الباب
سيف :- بص لحبيبه وقالها وقفه ليه ادخلى
حبيبه :- …………………………
سيف :- يابنتى مالك سكته كده ووقفه على الباب ايه ناويه تنامى عندك
حبيبه :- ح.ح.حاضر ودخلت ببطئ
سيف :- قفل الباب
حبيبه :- اول ما سمعت الباب اتقفل انتفضت من مكانها
سيف :- استغفر الله العظيم هو انتى هتمشى خطوه وتقفى ساعه
حبيبه :- مشيت وهى خايفه وقعدة على الكنبه
سيف :- انتى فى ايه بالظبط
حبيبه :- فى ان خايفه فى ان انا مع راجل لوحدى فى شقه
سيف :- اولا مفيش حاجه تخوف ثانيآ الراجل ده جوزك
حبيبه :- جوزى على الورق بس زى ما اتفقنا
سيف :- وانا مقولتش غير كده ولولا أدهم صمم رأيه ان احنا ننزل عند المؤذون واكتب عليكى علشان موضوع ورقة المؤذون المزيفه مش مضمونه انا مكنتش كتبت عليكى من اساسه علشان انا رافض موضوع الجواز ده اصلا
حبيبه :- ومش شايفنى يعنى هموت عليك عن أذنك ومشيت بس وقفت فى نص الصاله
سيف :- خير وقفتى ليه
حبيبه:- اخش انهو اوضه
سيف :- خشى اللى يعجبك
حبيبه :- بصت على باب الاتنين وشورت على الاوضه اليمين وقالت انا هخش دى
سيف :- براحتك وسبها ودخل الاوضه التانيه
حبيبه :- دخلت الاوضه وبالصدفه طلعت اوضة نوم أدهم وكانت مكركبه وفيها هدوم حريمى مرميه على الارض
حبيبه :- الله يخربيتك ياأدهم ايه ده ومسكت قميص النوم المرمى على الارض بطرف صوابعها وقالت الله يحرقك فى نار جنهم يالى كنتى لابسه وقلبت فيه يمين وشمال وقالت ودى كانت بتلبسه ازاى ده مسخره خالص وبعدين لمت الهدوم اللى على الارض وغيرت ملاية السرير ووقعدة تفكر ازاى بقت مرات سيف
……………………………………………………
فلاش باااااك
بعد ما نزلو من البيت التلاته ركبو العربيه وساق أدهم العربيه وقى الطريق لاحظ سيف ان مش هو ده طريق القصر
سيف :- أدهم انت رايح فين مش طريق القصر
أدهم :- عارف ان مش طريق القصر
سيف :- طب رايح فين
أدهم :- للمؤذون
سيف وحبيبه :- اتصدموه وقالو فى صوت واحد مؤذون
أدهم :- اه مؤذون
سيف :- وهنعمل ايه هناك انشالله
أدهم :- هتكتب كتابك على حبيبه
حبيبه :- بصدمه نعععععععععم ايه اللى انت بتقوله ده مستحيل طبعآ
أدهم :- ده لمصلحتك وبعدين هتقعدى عندنا فى القصر بصفتك ايه
حبيبه :- لا خلاص رجعنى تانى الشقه
أدهم :- لا طبعآ مستحيل اسيبك تقعدى تانى لوحدك ولا انت رأيك ايه سيف
سيف :- وانا برضه مش موافق على الموضوع الجواز ده وبعدين انا مكلم واحد معرفه هيعمل لينا قسيمه مزيفه وخلاص
حبيبه :- صح كده
أدهم :- ولو نفرض ان كلامكم صح قولو بقى لما بابا يشوف ورقة الجواز وهيصدق انكم متجوزين فعلا هتعيشو ازاى مع بعض وهتقعدو ازاى فى اوضه واحده وهيتقفل عليكم باب ازاى وانتو مفيش حاجه بنكم رسمى وبص لحبيبه وقال تقبليها على نفسك
حبيبه :- ومين قلك هقعد معا فى نفس الاوضه
أدهم :- ازاى يعنى قدام بابا انتو متجوزين ازاى كل واحد منكم هيعيش فى اوضه لوحده اكيد الموضوع هيتكشف
حبيبه وسيف :- ……………………………
أدهم :- حلو يبقى السكوت علامة الرضا صح
حبيبه :- موافقه بس بشرط
أدهم :- ايه
حبيبه :- الجواز يكون على ورق بس لحد ما اروح لاخويه وأبويه فى السلوم
أدهم :- بص لسيف وقاله ايه رأيك فى الكلام ده
سيف :- انا عن نفسى مش فارقه معايه الجوازه دى من أصله وبعدين انا مش هموت عليها
حبيبه :- لو سمحت اتكلم معايه بأسلوب احسن من كده
سيف :- والله هى دى طريقة كلامى ومش هغيرها علشان اى حد
حبيبه :- والله انا مقولتش تغيره بس لو هنعيش مع بعض يبقى تحترمنى وتتكلم معايه من غير تكبر لحد ما تطلقنى
سيف :- …………………………
حبيبه :- متغظنيش بكلمك رد عليه زى البنأدمين
سيف :- اللهم طولك ياروح ما انا لو اتكلمت مش هيعجبك كلامى فسكت احسن
أدهم :- بس بقى انتو ايه مش بتتعبو من المنقاره دى مع بعض خلاص اتفقتو
سيف وحبيبه :- اه
آدهم :- بص لحبيبه وقال خليكى وثقه فى سيف وطول ما هو معاكى هيقدر يحميكى ومحدش هيقدر يقرب منك وبص لسيف وقال وانت يا سيف اوعدها انك هتقدر تحميها لحد ما توصل لاهلها سليمه
سيف :- مش محتاجه وعد يعنى وانا من الاساس بحميها من غير ما تعرفنى ولا اعرفها يبقى لما تبقى مراتى مش هحميها يعنى
أدهم :- حرام عليك يا اخى ليه ده كله فيها ايه لما تقولها بوعدك هحميكى لحد ما اوصلك لاهلك مش محتاجه مجهود يعنى
حبيبه :- سيبو يا أدهم هو اصلا مش بيعرف يتكلم كلمتين على بعضيهم
سيف :- بت انتى اتلمى
أدهم :- خلاص قولها واثبت ليها عكس كلامها
حبيبه :- متحولش مش هيعرف
سيف :- اوعدك هحافظ عليكى واحميكى لحد ما اوصلك بيبت أهلك
حبيبه وأدهم :- بصو لبعض وهما بيكتمو ضحكتهم
سيف :- ودينى اللى هيضحك فيكم لكون فاتح ليه دماغه
أدهم :- لا على ايه على وضعك يا كبير
ومشى التلاته على المؤذون وسيف كتب على حبيبه وبقت مراته شرعآ
……………………………………………………
بااااااااك
حبيبه :- يعنى انا دلوقتى حرم سيف عزالدين ههههههه وبعدين افتكرت كلام عزالدين ليها وقالت بس انا كده بعده عن بيته وعشته وعملت مشكله كبيره مع ابوه وبعدين قالت وانا مالى ما هو ابوه اللى عايز الحرق بس ايه معنى كلامه ده استحاله ماما تعمل كده ماما طول عمرها بتحب بابا تلاقيه من غيظه قال كده علشان سيف حطه قدام الامر الواقع واتجوزنى من غير ما يقوله بس ايه قصده ببنت الحرام يووووووه بقى هو كان قصده يعصبنى
وقال كده علشان يقلل منى ويخلى سيف يطلقنى بس مكنتش اتوقع ان سيف يقف قصاد ابوه علشان خاطرى
وبعدين قالت فوقى يا حبيبه دى جوازه مؤقته لحد ما هيوصلك لاهلك وهيطلق واكون بالنسبه ليه مجرد ذكره
……………………………………………………
فى اوضة سيف كان قاعد بيفكر فى الوضع الجديد اللى هو فيه وان حبيبه بقت خلاص مراته وملزومه منه وقال
سيف :- ايه اللى انا عملته فى نفسى ده اتجوزت واحده وبقت ملزومه منى وكل ده حصل فى يوم وليله وبعدين سكت شويه وقال مش مهم اهى فتره مؤقته وهتعدى وهوصلها لاهلها وهط وسكت ورجع قال هو ليه لسانى مش عايز ينطقها وقلبى رافض يقولها
قلبه :- علشان بحبها
عقله :- ما احنا قولنا مفيش حاجه اسمها حب
قلبه :- مهما تقول مش هكرها ولا هفرط فيها واسبها تبعد عنى تانى
عقله :- انت بتتكلم وانت واثق اوى مش يمكن هى اللى مش عايزاك ولا هتروح وتذل نفسك ليها وتقولها لا والنبى خليكى جمبى وهى تبيع وتشترى فيك
قلبه :- ……………………………
عقله :- شفت سكت ازاى علشان ملاقتش كلام تقوله
قلبه :- ازاى انت قاسى كده ومعندكش مشاعر
عقله :- علشان بتعامل بالمنطق مش زيك شوية مشاعر هما اللى بيمشونى
قلبه :- بس انا من غيرى ميقدرش يعيش البنأدم
عقله :- وانا من غيرى كان البنأدم راح فى داهيه
قلبه :- بس انا بحب حبيبه وعندى شعور واحساس حلو اوى ان هى بقت مراتى
عقله :- مراتك على الورق بس فكر تقرب منها هترفضك بكل ما فيها
قلبه :- بس انا مش مهم عندى الحاجه دى انا المهم عندى تعيش معايه علطول
عقله :- لوانت واثق من نفسك اوى كده روح واطلب منها انها تعيش معاك علطول وسعتها هتعرف ان انا كان عندى حق
سيف :- سمع كلام عقله وقال اه هطلب منها تعيش معايه علطول ومش هخليها تبعد عنى تانى ابدآ انا ما صدقت لاقيت البنأدمه اللى بحس معاها ان انا مبسوط اوى كده