رواية عروس منحوسه الفصل السادس6 والسابع7 بقلم جمانه السعيدي
امنيه...بقت امي تحجي وتغلط عليه
نعيم .... هو انتي فكر مو مال واحد عنده راتب
مو مال رجال وبيت
هو انتي ذاك اخذتي شاب يخبل وبيت وفلوس مووتي
حتى خلفتج عوجه
الرجال وكف كلبه ومات من وراج انتي منحوسه هي كوه
ايجوز هذا العريس رب العالمين يحبه
طفر قبل لا يموت بسببج
امنيه...دخلت للغرفه بنتي بحضني وكمت ابجي ياربي وين انطي وجهي شلون بيه
يحاسبوني على قضائك وقدرك
مصطفى كان هذا يومه هذا قدره مكتوبله يموت هيج
اني شعليه
وهاي الطفله خلقة رب العالمين اني شنو خالقتها هيج
ياربي انت الشاهد عليهم
يحاسبوني على قضائك وقدرك
المشكله ماكو حل المشكلتي
اذا اريد ادور شغل بنتي وين اخليها
محد يقبل اشتغل وهاي الطفله وياي
واذا خليتها بحضانه اصرف عليها أكثر من راتبي ولا بيه ولا بشغلي
ابقه كاعده فلوسي خلصن منيين اجيبلها علاج
ايجوز حجي نعيم صح ليش اني ما قبلت بعماد على الاقل يصرف على هاي المسكينه
كل المشاكل بهاي الدنيا ألهن حل اله مشكلتي
مالها حل ماعندي بس امي بهاي الدنيا وواكفه ضدي
بقيت ابجي اليل كله بلكت الله يدزلي ابن حلال
يقبل بيه اني وهاي المسكينه جمانه السعيدي
ثاني يوم بس طلعت الصبح من غرفتي امي استلمتني
امي....باعي منا وهيج كلمن مسؤل عن نفسه
امنيه.. خير انشاء الله من الصبح
امي...احنا مامسؤلين عليج انتي وبتج الرجال تعب
وين يكدر على المصرف
امنيه...يمه ترا اني عايشه بيت ابوي وما مشاركتكم بس بلكمه بنتي اني جاي اصرف عليها
نعيم ما مشتريلها علاج ولا جايب الها شي
امي...احسن مايعرف البيت ويهج الرجال
امنيه...شلون اموت نفسي
خل الطفله عندج واني اطلع ادور شغل اشتغل اصرف
على نفسي
امي...لا ولله شنو تبقى عندي اني مااكدر اتحملها
اخذيها وياج
امنيه..وين اكو واحد يقبل يشغلني وهي وياي
امي...مشكلتج حتى تفكرين زين النوب من يتقدملج واحد شبي عماد ليش كبيتي بوجها وطردتي
هي وينها الزلم بنات بيوت كاعدات ما معرسات
وانتي يجيج للبيت وتتبطرين على نعمتج
امنيه...يمه اني صايمه بعد مااكل وياكم خل نعيم يوفر
فلوس الاكل الي يصرفها عليه
رجعت للغرفه ولكم الله واكبر بعد مااكدر اتحمل
وين انطي وجهي شلون بيه
ثاني يوم خلص علاج دره هلمره صدك ماعندي اي فلس
شلون بيه منيين اجيبلها
بليل ما نامت بقت بس تبجي
لمن طلع الصبح راسي صاير طبل من البجي
تعبت ياربي تعبت بعد مااكدر لو تاخذ عمري لو تاخذ هاي الطفله
حياتي خلصت واني ما شفت ولا يوم راحه
النوب كتلني الجوع
كمت اخلي امي ونعيم ينامون واطلع من تمن الحصه
افوره بمي واخلي على ملح
حتى اصبر نفسي هاي ترضع من صدري وصدري مابي حليب
امشي يومي اكل اي شي روحي انسحنت من الجوع
صح احنا ماناكل لحم ودجاج كل يوم بس على الاقل نطبخ تمن ومرك بدون لحم
واكل وياهم هسه حتى مايبقون لي شي اذا طبخو
امي عود جاي تعاقبني
حتى بس يجيني عريس اوافق كبل
وماارفض اي احد اني ما معترضه على موضوع الزواج
بس غير ازوج واحد يناسبني
لو هم ارجع عليهم وعندي طفلين لو اتلاثه
ثاني ليله نفس الشي هم ما نامت دره الطفله بس تبجي
علاج ماعندي
قررت اتصل على عمها يجيبلها علاج
ولله مايهون عليه اذل نفسي بس شسوي هاي صار يومين بس تبجي
رمشت علي مرتين اتصل عليه
امنيه...هلو رائد شلونك
رائد...هله ام دره انتي شلونج البنيه شلونها
امنيه.. الحمد لله
رائد...كولي محتاجه شي
امنيه.. مااعرف شلون اجيبها اللك
رائد..احجي اني بخدمتج
امنيه...علاج امنيه خلص وماعندي اشتريلها صار يومين بس تبجي اذا مااسوي عليك زحمه
ولله طلعت ادور شغل ومالكيت
اعرف انت يله الراتب مكفي بس ماعندي احد غيرك
رائد...بسيطه تدللين اني جايكم اخذ منج العلاج اجيبلج علي ميخالف تهون انشاء الله
امنيه...الله يحفظك ويبارك برزقك انشاء الله
جمانه السعيدي
اجا رائد اخذ العلاج وجابلي علي
هلمره دبرت شلون بلمره الجايه مااعرف
بعد اسبوع من خطبتي بليل اندكت الباب طلع نعيم
اسمعه يكول تفضل تفضل يااهلا وسهلا
الترحيب كان بحماس
باوعت عماد جاي علينا
شويه واجا نعيم وكال جاي خدرو جاي بسرعه بسرعه
امنيه...كلت بكلبي هلمره اذا جاي علمودي اوافق
على الاقل الكه لكمه اكلها اشتري علاج الهاي الطفله
فعلا طلع عماد جاي علمود موضوع الخطبه
رجع يخطبني وموافق اخذ دره تعيش وياي
شوفو لو اني مو تحت هاي الضروف الصعبه مستحيل اقبل بي لان اني من حقي يصير عندي اطفال حالي حال باقي البنات خوما ااضل بس على دره
بس مضطره اقبل بي حتى اكدر اعيش اني وهاي الطفله
عماد...اني مستعد الكل طلباتكم حتى هاي الطفله راح اتكفل بيها اني الصراحه امنيه عجبتني حيل
نعيم...هاي هي
عماد...اني راح ادفع مقدم المهر حتى تجهز نفسها بس
ماكو مؤخر لان اني ما ضامن حياتنا راح تستمر
ايجوز ننفصل واني ماعندي استعداد ادفع مؤخر
اني راح اصرف على بتها وتعتبر هاي الفلوس مؤخر المهر
نعيم...موافقين جهز نفسك واخذها
امنيه..اجت امي عليه للغرفه
امي...الرجال رجع عليج وشرايج
امنيه. موافقه كلت موافقه اريد اختصر كل الكلام الي راح احجي ويتعبني بلاش
دفع عماد اربعه مليون مقدم المهر
ونعيم كلعاده اخذ مليون خلا بجيبه مقابل الفلوس الي صرفها عليه
رحت اشتريت حلقه وتراجي ومحبس واشتريت ملابس
حفيت وجهي وصبغت شعري
شعري جان اسود وسرح يخبل مصطفى محلفني مااكصه
ولا أقرب علي
هسه من القهر وكع نصه وبي شيب
عدلته وصبغته اشتريت كم قطعة ملابس
اجا يوم الخميس اجا بس عماد ويا ثنيبن شهود
امه بعد ابد ما بينت يمكن زعلانه علي
المهم عقدنا كملنا شلت جنطي وودعت امي
وصعدت بلسياره ورحت وياا البيته
الله اعلم شنو منتضرني هناك
جمانه السعيدي
وصلنا للبيت نزل هو قبلي ونزل الجنط
فتح الباب ودخل واني دخلت شايله بتي ورا
عماد...يمه يمه اجينا
ماردت علينا ولا حجت كلمه ولا طلعت من غرفتها
التفت عليه وكال تعاي
اخذني دخلني غرفة النوم
غرفه حلوه مفروشه ومرتبه وريحته طيبه
اني طلعت فراش دره وخليته بلكاع رضعتها هو طلع
انطيتها علاجها هي اذا اخذت العلاج تنام للصبح
بعد ما تكعد حتى ماترضع اله الصبح تكعد ترضع
غطيته ونامت هو رجع شايل صينيه بيها لفات كص
وببسي وفواكه
رجع طلع حاب كرزات وحلويات
عماد..تعاي ناكل
امنيه...قربت نزعت الشال اني لابسه ثوب سماني
طويل بس حلو
نزعت الشال طلع شعري اني خاله شويه مكياج وعطر
عماد.. الله شنو هلجمال
امنيه...شكرا اخذت لفه وكعدت اكل وهو هم ياكل
شربت ببسي
عماد...اذا تردين صحيات هنا منا اطلعي
كملت وطلعت غسلت ورجعت
طلع هو من الغرفه طلعت سيت نوم اسود لبسته
فتحت شعري وتعطرت
رجع للغرفه بقا يباوع عليه
اشرلي تعاي
اجيت كعدت بصفه لزم ايدي
عماد...يمكن الضروف ما سمحت النا نتعرف على بعض زين
بس ولله اني انسان طيب
وانتي مبينه بت اصول اتمنى اكدر اسعدج
بس ليش انتي شكلك هيج حزين ترا الدنيا ماتسوه
امنيه... الضروف الي مريت بيها صعبه
عماد...خلص الصعب واجت الايام الحلوه
امنيه...انشاء الله
قرب عليه واني ماعندي اي مشاعر اتجاها
كل الي جاي يدور بدماغي ليلة عرسي اني ومصطفى
كنت اسعد وحده بهاي الدنيا
يمكن الدنيا استكثرت عليه الفرح
اتمنى اكدر اعيش بسلام اريد بس اعيش
مااريد اي شي من هاي الدنيا اعيش وبس
بس خايفه من شي واحد خايفه من امه وبس
مبينه مو هينه وهذا العرس غصب عليها
الله يستر من الجاي لازم اتحمل واصبر ماعندي حل ثاني
الفصل السابع
امنيه....الصبح كعدت على صوته يتعارك هو وامه
عماد....يمه الله يخليج ليش هيج كارها البنيه هسه غير اجربيها بلاول
ام عماد...مااحبه من اول ماشفتها ما حبيتها
عماد...شوفت عينج صار سنه ادور على مره مالكيت
بس يسمعني ما اخلف ومطلك مرتين يرفضن
واني الصراحه محتاج وحده بحياتي
البنيه مبينه طيبه وصبوره بعدين اذا على هاي الطفله
مراح اطول
هذا المرض صاحبه ما يطول لا تخافبن
بعدين خليها تخدمج انتي بعد كبرتي وما بيج حيل
خليها تخدمنا وتسولينا حس بهذا البيت
ام عماد...اي واحنا نكعد نصرف عليها وعلى بتها خليها
تخلي هاي الطفله يم امها
امها أدير بالها عليها احنا مامسؤلين عنها
لو ادزها الاهل ابوها شنو ابوها ماعنده اهل همه يحيرون بيها
عماد...مشي الأمور الخاطري واني اوعدج مراح اضوجين منها
ام عماد...شو انت ادافع الها خاف كافختك بشي
عماد...يمه البنيه ماتعرفني وجانت رافضتني صار اسبوع من خطبتها وحتى عقد محكمه ما مسوين
وين لكتني وكفختني
البارحه الاكل جبته من برا
جمانه السعيدي
ام عماد...اي اتعشيت وسديت بابك وماكلت امي
عماد...صحت يمه يمه اجيت انتي قافله الباب عليج
وعفتلج عشى بلثلاجه
بعدين اني البارحه عريس وفرحان شكد صار ادور عروس ماكووو ماصدكت لكيت وحده تقبل بيه
ام عماد...شنو تقبل بيك قابل انت شناقصك عود روح كول هيج كدامها خليها تركبك
عماد...بس انتي اسكتي منها وخلينا انشوف شغلها
وترتيبها وطبعها وبعدين نحكم عليها
ام عماد...اني اذا شفت شي موزين مراح اسكت
عماد...الله لايجيب شي موزين
امنيه..كعدت دره شلتها حتى اطلعها اغسللها بلحمام
بس طلعت وشافتني اريد اكول صباح ااخير
امنيه...صباح الخير
عماد ...صباح ااخير
ام عماد.. هاك تفضل شلون منضر من الصبح تعال صبح كل يوم بهاي الخلقه
امنيه..اجيت ادخل الحمام الجوه
ام عماد.. تعاي وين وين اطلعي غسليلها برا ممنوع تدخلينها هذا الحمام
امنيه...طلعت برا اغسل بلحمام الخارجي
ولله بتي نضيفه ودائما ريحتها طيبه واني طلعتها لا فتها
يعني شكلها عادي مابيه شي يلعب النفس
بس ميخالف امبينه ام عماد ادور على الشر دواره
غسلتها ورجعتها للغرفه حفظتها ورضعتها
اسمع العجوز اصيح
ام عماد...وينج دخلتي للغرفه وبعد ما طلعتي تعاي انريد جاي ريوك اكو وحده تعوف زوجها الصبح وتدخل للغرفه
شنو ما تشوفين لو ما تعرفين الاصول
امنيه..خليت الطفله بلكاع حتى بعدها ماشبعت من صدري
وطلعت
امنيه...شنو اجهزلكم اكل
عماد...هذا بيض وجبن طلعي خبز من المجمده
طلعت خبز وكليت بيض حضرت كوابة الجاي سمعت
دره تبجي
عفتها تبجي كملت الريوك خليتها كدامهم ورجعت للغرفه
لان دره كامت تبجي بصوت عالي
اني مااخليها تبجي اخاف عليها
جمانه السعيدي
عماد...تعاي اتريكي
امنيه...بس اسكت دره
ام عماد..عوجة حلكها دره اسمها شكبره هاي وينه ووين الدره اي ينطي جوز للماعده سنون
عماد.. يمه على كيفج وياها
ام عماد...اس انت مالك دخل خليها تشوف العين الحمره
بس تعاملها بطيب باجر تركب علينا
امنيه...كل هذا الكلام سمعته وسكتت مااريد مشاكل من اول يوم
سكتت الطفله وطلعت لكيتهم مكملين اكل
شلت الصينيه لفيت لفة جبن وكوب جاي اكلتها واني واكفه
امنيه...شنو اطبخ غده
ام عماد...بس كون طبخج طيب
امنيه...هسه اطبخ وشوفي طبخي
ام عماد.. طلعي دجاجه ونكعي تمن
امنيه...اطبخها كلها لو نص
ام عماد...نص شعدنا نطبخها كلها لازم بيت نعيم كل يوم اطبخون دجاجه وانتي متعوده
عماد...يمه ماله داعي هذا الحجي
ام عماد.. انت اسكت اذا اني حجيت انت اسكت
امنيه....كلشي مااريد بس رب العالمبن ينطي الصبر
حتى اكدر اتحمل اني هسه عرفت ليش عماد ما تبقى وياا مره من وره امه هاي النسره
مو لان مايخلف لا هاي شغله مكدور عليها
بس امه هاي محد يتحملها
نضفت المطبخ وطبخت الدجاج والتمن خليت علي شعريه وبزاليا وكشمش
طفيت الجدور ودخلت صليت الضهر كامت تبجي دره
كعدت ارضعها روحي انملخت من الجوع
اكلت شويه حلويات كرزات علما كملت رضاعه
انطيتها علاجها طلعت غسلتلها
شافتني ام عماد
ام عماد ..ياربي هاي شلون وياها يعني اني كل شويه شايفه هاي الخبله
امنيه...غسلتلها ورجعتها للغرفه بدلتلها ورجعت رضعت شويه ونامت
كامت ام عماد تصيح يله وينج انريد نتغدا
طلعت حضرت الاكل وكعدنا نتغدا خليت صدر الدجاجه كدام ام عماد والفخذ كدام عماد
واني بس ماعون تمن كدامي
عماد قسم الفخذ بيتي وبينه راسا امه خزرته
عماد...بعد من اطبخين اطبخي الدجاجه كلها مو نص
شنو ناس تاكل وناس تتفرج
كملنا اكل نضفت المطبخ ودخلت غرفتي
اجا عماد وراي
عماد...حبيبتي لا اضوجين من امي بعدها ما متعوده عليج
هي جاي تختبرج
اريدج تكونين قويه شوفي هذا البيت كل اموره تمام اذا امي رضت
اهم شي امي ترضا
امنيه...بس مايصير هيج احنا راح نعيش بهذا الببت سوا
وهي ما تعرفني ليش تحجي عليه
خل اجربني بلاول وبعدين تحكم عليه
جمانه السعيدي
قرب عليه باسني براسي حقج عليه
هسه تتعود عليج
امنيه شفت خيالها ورا للباب جاي تسمع كلامنا
أشرت العماد
هو اشرلي اس لا تحجين
شويه وصاحت عماد عماد تعال
عماد..اي اجيت
طلع عماد وبعد مارجع حكمت علي ينام يمها بلغرفه
خاف يجي يمي وااثر علي بكلامي
رغم هو متلهف حتى يكعد وياي
اصلا ما مصدك اني زوجته
بليل تجي تجسس علينا دائما الكفه واكفه ورا الباب
عماد طيب ويعاملني معامله حلوه بس المشكله امه
كرهتني بدون سبب
احساسها ممكن عماد يتعلق بيه ويحبني
هذا الاحساس مخوفها
تخاف يحبني اكثر منها شكد تحاول تنقص مني كدام عماد
تحاول ازغرني حتى لا يحبني
العيب الوحيد الي يعاني منه عماد
ماعنده شخصية كدام امه
كلش يخاف عليها ويخاف على زعلها مستعد يزعلني حتى هي ترضا
كلام امه وتصرفاته مستحيل احد يتحملهن
مو انسانه عاديه تموت على المشاكل وتكرهني كره مو طبيعي
رغم اني اركض ركض بس تصيح بااسمي
كل شغل البيت عليه
حتى ملابسها اغسلهن انضف غرفتها كبل غرفتي
بس اريدها تصير زينه وياي
بس بدون فايده تاكل وتنكر
كنت صابره وساكته بس لان عماد كريم وياي
كلما يخلص علاج دره يجبلها غيره
اذا اريد شي واطلبه منه يجيبه
بس بدون علم امه لان ما تقبل
من يجبلي شي يخلي برا بلطرمه لو يخلي علي سطل
لو يشمره ورا المبرده
وبعدين من يسلم ويكعد وتروح هي تنام يروح يجيبه اليه
عايشين مثل الحراميه اني ويااا
بس المثل يكول اكل مر واشرب مر بس لا تعاشر مر
واني كوه صابره ومتحمله
بس مااعرف شكد بعد راح اكدر اتحمل
الله كريم هو عالم بحالي وهو الي يدبر امري
والنعم بلله تعالى