رواية عروس منحوسه الفصل الرابع4 والخامس5 بقلم جمانه السعيدي
امنيه....اخو مصطفى والجوارين والكرايب
طلعو شهادة الوفاه واخذو يدفنونه
واني رجعت للبيت
يابيت هذا الي مابي مصطفى
شلون راح اكعد بي شلون راح اكدر اكمل حياتي من دونه
مااعرف
بطني كدامي وحياتي الجايه مجهوله بلنسبه اليه
مااعرف شراح يصير الايام الجايه
بدت الناس تجي تعازينا
والبيت مابي بس صوت العياط
كلما اغمض عيوني واكول ياربي يطلع حلم
اسمع صوت العياط افتح عيوني
هذا العياط على مصطفى بعد مايرجع ليش عافني ورا
ليش مافكر بيه
شلون راح اعيش بهاي الدنيا وحدي
مصطفى الي جان احن عليه من امي راح وعافني
تخيلو بشر يكون بلنسبه الي كل العالم
يعوفني ويروح احس نفسي تايها بهاي الدنيا
خلصت الفاتحه واني بااسؤء حاله
حتى مااكدر اوكف من كد الحزن والزعل علي
جمانه السعيدي
بقيت بيتي هذا البيت بي ريحة مصطفى
ووين اروح منو بحالي منو يحملني
تحضرنا للاربعين على اساس كلنا نروح سوا
الصبح قبل لا نطلع كمت اطلك
بيوم أربعين مصطفى كمت اطلك
من ياخذني الوجع أصيح مصطفى الحكلي اريده يكون موجود وياي مااكدر وحدي
الممرضه كالت مانكدر لازم تكون اكو دكتوره موجوده
بلولاده انتي ولادتج صعبه
من الصبح لليل اني اطلك
بعدين جيبوني قيصيريه
وهنا اجت ثاني اكبر مصيبه تنزل على راسي
من بعد وفاة مصطفى جمانه السعيدي
من كعدت من البنج شفت الممرضه والدكتوره مو على بعضهن وبنتي ماكووو
سئلت شكوووو
الدكتوره ماكو شي بس اخذنا الطفله لازم نتأكد من حالتها الصحيه
امي واكفه يم راسي
امنيه ....يمه روحي شوفي بنتي الله يخليج
اني لان ولاده بعمليه مااكدر اوكف تعبانه بسبب الطلوك
من التعب والحزن صاير وجهي عبالك ليمونه
رجعت امي كالت خلوها بلحضانه واخذو منها تحليل
باجر يطلع التحليل ونفتهم شكو
اخر النهار رجعوها اليه طفله زغير كلشي مافتهمت منها
رضعته شويه واخذوها مني مره ثانيه
كلبي ابد ما مطمن اكيد اكو شي
ثاني يوم يله طلعت التحاليل
اجت الدكتوره ثاني يوم جيكت على حالتي الصحيه
امنيه....دكتوره طلعت التحاليل بنتي شبيها
الدكتوره...بعدني ماشفت التحليل
طلعت الدكتوره من الغرفه
امنيه....يمه روحي اسألي الدكتوره على الطفله شبيها
راحت امي اتاخرت يله رجعت
ملامح وجها مو طبيعيه
امنيه....شبيها دره
امي...مابيها شي
امنيه...احجي اني اعرف اكو شي بنتي بيها ابو صفار
امي...ياريت لو ابو صفار
امنيه...لعد شنو فهميني
امي...بعدين من تكومين بلسلامه وترجعين للبيت
امنيه...بتي مريضه احجي خل افتهم
امي...مو كلنا بعدين من اطلعين من المستشفي
امنيه...اني انزل واروح اسئلها
امي...راح اكلج بس لا اضوجين
امنيه...اي احجي مو دمي كام يفور
امي...البنيه منغوليه وعدها شلل رباعي
امنيه....شنو يعني
امي....يعني أطرافها الاربعه مشلوله ولادياا ومنغوليه
امنيه..تحجين صدك
امي...هذا حظج بعد شسوين كلمن ياخذ حظه ونصيبه من هاي الدنيا جمانه السعيدي
امنيه....يااا صدك جذب ليش هيج يصير وياي
ليش الطفله الوحيده الي طلعت بيها من هاي الدنيا
تطلع معوقه
الشي الوحيد الي بقالي من ريحة مصطفى
يمه شلون بيه يمه فدوه الحكي عليه
امنيه..دزيت على الدكتوره اسئلها على حالتها
الدكتوره....مثل هاي الحاله مالها شفاء تبقى على المسكنات
عايشه لان كل اطرافها مشلوله
بلاضافه الي تخلف عقلي عدها
تبقى عايشه على المسكنات ورب العالمين اعرف بحالها
امنيه...الدكتوره تحجي اني دموعي منا ومنا يسبقن كلام الدكتوره
شني هذا من امتحان
اني مااكدر على هيج امتحان
شلون راح اكدر اعيش واعيش هاي الطفله
امي....تردين رائي بس لا تزعلين مني
امنيه....شنو كولي اني اريد حل اني مثل الغركان وجلب
بكشه احجي بلكت عندج حل
امي....هاي البنيه مثل الميته مخبله واطرافها ما تتحرك
ابوها مات شلون راح تكدرين تعيشين انتي وياها
احسن حل نعوفها بلمستشفى ونطلع
هما هنا يعتنون بيها عوفيها يمه راح تعذبج
امنيه...تحجين صدك اعوف بنتي هنا
امي...مالها علاج افتهمي مالها علاج تخلصي منها عوفيها هنا واي واحد يسئل كولي ماتت
وهي مثل الميته مابيه عافيه
امنيه...مستحيل اعوف بنتي عود لو اجيت البيتج
اني وبتي لا تستقبلينا
بيت ابوها موجود اني اشتغل ونعيش اني وياها
يمه هاي بنتي مايصير اعوفها واروح
اخذتها وطلعت للبيت همزين مصطفى عافلنا بيت يلمنا اني وياها جمانه السعيدي
ثاني يوم اجانا عمها بعد مارجع من الأربعين وسمع اني ولدت
اجانا للبيت هو وزوجته
رائد...الحمد لله على السلامه
زوجته ...تتربى بعزكم انشاء الله
امنيه...كمت ابجي
رائد...ليش تبجين
امنيه....مااعرف شكول البنبه الوحيده الي طلعت بيها من هاي الدنيا طلعت مشلوله
والدكتوره تكول مالها علاج تعيش على المسكنات
رائد....لا كولي غيرها ما معقوله
امنيه...اني راح اروح بيها اكثر من دكتور اريد اتأكد من حالتها الصحيه
رائد...الله يكون بعونج
امنيه...بس ردت اسئلك على شغل مصطفى اريدك تجمع فلوسه من السوك
تشوف شنو اله شنو علي
رائد....مادام فتحتي هذا الموضوع لان اني جنت محرج شلون افتحه وياج مااعرف
امنيه...كول شنو خوفتني
رائد....مصطفى الله يرحمه بلفتره الاخيره دخل صفقه
ياا واحد شيطان ضحك علي
وقنعه هاي الصفقه راح يحصل منها ارباح هواي بفتره بسيطه
مصطفى دخل بكل مايملك
حتى هذا البيت هم رهنا ودخل بفلوسه
شكد حذرته بس ماسمع كلامي
ذاك شيطان اخذ كلشي وشرد خارج العراق
صار شهرين مصطفى يركض منا ويرجع منا راد يرجع فلوسه بس مايكدر
كلشي ماحصل كل تعبه بهاي السنيبن ضاع بلمح البصر
ماكدر يتحمل الحزن والقهر
كلبه وكف ومات
جمانه السعيدي
امنيه هاي ثالث اكبر مصيبه توكع على راسي
لا ابد مو طببعي الشي الي جاي يصير وياي
مصطفى راح والبنيه طلعت معوقه
البيت وكل الحلال راح منا
ياربي اني صدك نحس نحست الولد وضيعته
وووين اروح اني وهاي المسكينه منو يدير باله علينا
شلون راح نعيش
لا حول ولا قوة الا بلله العلي العظيم
هسه عرفت ليش مصطفى بلفتره الاخيره
أوضاعه جانت كلها مخربطه
ضم عليه حتى لا اضوج ليش هيج شسويت بنفسك وسويت بيه ضعنا اني وبنتك
الدنيا صارت ضلمه بعيني صدك جذب
محتاجه احد عاقل يقتنع بلشي الي جاي يصير وياي
ويقنعني
اكيد مو طبيعي الشي الي جاي يصير وياي
رائد....اذا تردين تعاي عيشي ويانا احنا صح عايشين على الراتب بس نحاول نخلي يكفينا كلنا
امنيه...تسلم الله يحفظك
طلعو رائد وزوجته من بيتنا اكيد مراح اعيش وياهم
واخليهم يتحملون مسؤليتي اني وبنتي
المثل يكول ضربتين على الراس توجع كيف اذا ٣ ضربات
اكيد اني ضعت
ومااعرف مصيري شنو
بعدها بكم يوم اجاني إنذار اما الدفع او الاخلاء
منيين ادفع
على بختك يامصطفى لو عايفلنا البيت يلمنا اني وبتي
شلون راح نكمل هيج
حتى هذا البيت هم رهنا ودخل بفلوسه
ذاك شيطان اخذ كلشي وشرد خارج العراق
صار شهرين مصطفى يركض منا ويرجع منا راد يرجع فلوسه بس مايكدر
كلشي ماحصل كل تعبه بهاي السنيبن ضاع بلمح البصر
ماكدر يتحمل الحزن والقهر
كلبه وكف ومات
هذا اول إنذار بلاخلاء بعد إنذار وننطرد بلشارع
اني وبتي
وووين اروح شلون بيه
الفصل الخامس
امنيه....كل النهار اخلصه مكابله بنتي وابجي
مااعرف وين اروح لو شلون راح اتصرف
ماعندي اهل بيهم خير ينشد بيهم الضهر شلون راح ارجع اعيش وياا امي وزوجها
هاي البنيه شنو مصيرها منيين راح اجيبلها علاج
شلون راح اكمل حياتي
محد كان مهون عليه ويسئل ويطمني غير سوسن صديقتي
هي اكثر وحده كانت مهونه عليه
تصبرني وبس لان اني فعلا موضوعي مابي نتيجه
ماله حل غير ارجع بيت اهلي
بديت ابيع اثاث البيت كلشي انباع بنص السعر واقل
اريد اجمع كم فلس لان اعرف اني بيت اهلي محد راح
يصرف عليه
هاي اذا قبلو يستقبلوني
بعد آخر مره تعاركت وياا امي بلمستشفى بسبب بنتي
لان تريدني اشمرها شلون اشمرها هاي بنتي قطعه مني
امي ماتجينا زعلانه عليه
شلون راح ارجع اعيش بيتها واني الي عصبت عليه
وكتلها اني بعد ماارجع البيتج
اعيش بيتي اشتغل واصرف على نفسي
مااعرف البيت صار مو بيتي
اجاني الانذار الثاني لازم اخلي البيت بسرعه
بعت كلشي بلبيت وجمعت ملابسي وذهبي اجرت
سياره ورحت البيت اهلي جمانه السعيدي
دكيت الباب فتحتلي امي شافتني اني وجنطي
شايله بتي ملابسي سود وشكلي يهد الحيل
امي...هااا خير شعندج وشنو هاي الجنط كلها
امنيه....سكتت ودخلت خليت بنتي بلكاع ودخلت الجنط الغرفتي
امي...جاوبي مو جاي احجي وياج ليش رجعتي اجرتي البيت ليش ما بقيتي كاعده بيتج
انتي مو كلتي اعيش بيتي وبعد ماارجع عليكم
امنيه....طلع مصطفى بايع البيت مطلوب وبايع البيت
امي...ياااا تحجين صدك البيت انباع وهسه شلون
امنيه...اجيت اكعد بيت ابوي مو هذا بيت ابوي لو اني غلطانه
امي...يااا انتي قبل وحده واحنا ما حاملينج هسه انتي وبتج شلون ترهم هاي
امنبه....اني اشتغل واعيش يمه فدوه ارحميني لا تصيرين انتي والزمن عليه
الله يخليج اسكتي مني مااريد منج شي بس اسكتي وعوفيني بحالي كلشي مراح تخسرين عليه
بس اسكتي ولله الي بيه مكفيني
الدنيا نزلتني جوه وداست عليه اني بنتج الوحيده
ليش هيج محاربتني الله يخليج اوكفي وياي وساعديني
مالي احد غيرج بهاي الدنيا ساعديني
امي....اهووو رجعت عليه هسه نعيم بس يشوفه يتخبل
عليه
امنيه...شلون اروح اعيش بلشارع واعوف بيت ابوي النعيم
هذا بيت ابوي مو بيت نعيم
واذا على اللكمه اني مراح اخسركم شي
اني بس محتاجه احس بالأمان وياكم
محتاجه احس عندي سند حقيقي
جمانه السعيدي
امنيه..مديت ايدي بلجنطه وطلعت ١٠٠ الف
هاج هاي ١٠٠ مصاريفي وياكم بس اسكتي وعوفيني بحالي الله يخليج
اني كل فتره انطيج فلوس بمكان سكني هنا وياكم
امي من شافت الفلوس عيونه ضحكن اخذتهن وسكتت
ضجت من شفت تصرفها هذا
المفروض هاي امي هي اكثر وحده توكف وياي وتساعدني
بس شكول غير الله موجود
طلعت امي اني كعدت ارضع الطفله واحجي وياا نفسي
اليوم عندي فلوس وانطيتها وسكتت
باجر اذا خلصن الفلوس شنون راح يكون وضعي بهذا البيت
اجا نعيم اني بقيت كاعده بلغرفه وطابكه الباب عليه
من سمع الطفله تبجي
اسمعه يسئل هذا شنو الصوت
شويه وسكت يمكن امي انطته الفلوس حتى يسكت عني
هم اكو وحده حظها مثل حظي
لا اهل ولا عائله بيها خير مصطفى عافني وحدي
بركبتي طفله معاقه ومااعرف بعد هاي الدنيا شنو ضامتلي
الله كريم الله موجود
بعد فتره طلعت ادور شغل
بس ماكو شغل اليه لان اني لابسه اسود ملابس طويله ومريضه وما حافه وجهي ولا قطرة مكياج علي
اكيد اصحاب المحلات ما يقبلون يشغلوني ماافيدهم
تعبت واني ادور شغل وماكو
امي....اذا اطلعين اخذي البنيه وياج انتي اطلعين واني انخبص خبص
البيت والطبخ وهي بس تبجي اني مابيه حيل
اخذيها وياج من اطلعين
امنيه...اني وحدي محد يقبل يشغلني اله اخذ دره وياي
منو يباوع بوجهي بعد
بطلت اطلع ادور شغل ورجع كل شغل البيت عليه
والطبخ والتنظيف
صدكوني اركض ركض حتى لحد يحجي عليه
حتى الكه مكان انام بي
بيت ابوي ومحمليني منيه
اما رائد عم دره كل شهرين أو اتلاثه يجي يشوفها هو وزوجته خمس دقايق ينطيني ٢٥ ويطلع
اني مااعتب علي هو هم عنده مسؤليات وجهال
زين ويذكرها
مرت سنه بس مو سنه جحيم عليه
زوج امي بدا يسمعني حجي ويغلط عليه
لان فلوسي خلصت بعد محد يحصل مني فلوس
حتى الذهب بعته
علاج بنتي غالي جربت اشتري علاج عادي ما يشتغل عليها
اله العلاج الأصلي يله يشتغل على جسمها
جربت ارجع ادور شغل بس مالكيت شغل
ووين اروح كل الأبواب انسدت بوجهي
نعيم....شنو اني مسؤل عليج على بنتج اني رجال جبير وكوه يله اطلع العلاكه
شوفيلج حل
امنيه...وين اروح اني كاعده بيت ابوي
امي.. انجي فوك ما متحملينج اسكتي لا ترجعين الكلمه بكلمه
نعيم...اني جاي ادور الها واحد ياخذها ويخلصنا منها
بس بتقدملها اي احد ازوجها واخلص منها
اني شنو ذنبي شايل مسؤليتها
امنيه...سكتت مااريد احجي
مالي احد ومااكدر اطلع وحدي لو بس الكه شغل
جان اخذت هاي الطفله وطلعت من هذا البيت
البيت صار جحيم بلنسبه اليه
جمانه السعيدي
الحد بعد فتره اجا نعيم وكال اني لكيت واحد ياخذ امنيه
امنيه.. منو عاتب عليك اني مااريد ازوج
امي...اس ولا كلمه المن باقيه مكابلتني اي منو هذا
نعيم...واحد موضف وراتبه خير من الله
امنيه..ماازوج لا تعب نفسك اني هنا عايشه بيت ابوي مو بيتك
اذا ماعاجبك انت اطلع من هذا البيت
راسا طفرت عليه امي وضربتني راشدي
نعيم.. عوفيها خليها تطلع سمها هي هاي حيه اني اعرفها
وحده مسمومه وماعدها اخلاق
هاي السنيين كلها اصرف عليها ماغزر وياها
امي...عوفها خل تولي منو هذا بس كون يقبل ياخذها هي وبتها هاي المنغوليه
نعيم.. اكيد اشرط علي ليكدام اني ما عوزي اكعد اربي
طفله مخبله
امي...وشنو يشتغل شكد راتبه
امنيه.. امي اكبر هم عدها راتبه بس شنو اخلاقه
شنو دينه مو مهم
نعيم...يشتغل بدائرة الكهرباء راتبه مليون نص
امي...مزوج حتلو يريدها فوك مرته ميخالف
نعيم...اي مزوج مرتين بس مطلك لان مايصير عنده اطفال
عايش هو وامه بلبيت وحدهم
امي...شكد عمره
نعيم..عمره خمسين سنه
امي.. اي هاي هي موافقين خل يجي ياخذها
امنيه...كاعدين يتناقشون بحياتي ومستقبلي واني اتفرج عليهم لا حول ولا قوه
حتى مااكدر ارفض اني اتمنى اطلع من هذا البيت لان عايشه بلضيم
بس ازوج واحد مقتنعه بي مو واحد كل عمري ما شايفته واكبر مني ١٨ سنه
ولله كرهت حياتي كلها بسبب امي
حددت امي ونعيم يوم للتعارف
بيومها كلبي جان كلش مقبوض وضايجه
عكس اليوم الي شفت بي مصطفى بيوم التعارف
اجا بليل هو وامه
امي يله بدلي انزعي الاسود واطلعي عليهم
امنيه...ماانزع الاسود يريد يقبل يريد يروح الله ويااا
امي...الله ياخذج شكد عنيده
جمانه السعيدي
طلعت عليهم لابسه ثوب طويل وعريض اسود ولا فه الشال
على راسي ولا حافه ولا مكيجه
ولا خاله حتى عطر اني الصراحه ما مقتنعه بهاي الزواجه ابد
سلمت على امه وكعدت واني شكلي كلش ضايجه مبين
ما موافقه على هاي الزواجه
رجال عمره خمسين شعره ابيض خفيف من كدام
لا لحيه ولا شوارب شفايفه زرك من التدخين
كشرها كدامه طوله تقر يبا ١٧٠
لا بس قميص ابيض وبنطلون قماش رمادي
امه ضعيفه وكصيره عبالك ذني الساحرات بفلام كارتون
تباوع عليه من فوك ليجوه
بس هو مانزل عينه من عليه عبالك ماشايف
عماد... ممكن نحجي بلتفاصيل
امنيه...قبل لا تحجين باي شي اني اخذ بنتي وياي
مااعوفها هذا اول واهم شرط
عماد.. اي ماكو مانع
امنيه ...قبل لاتوافق لازم تشوف الطفله حتى تقرر
طلعت ورجعت شايلتها بايدي هي هنا عمرها سنه ونص
امنيه...هاي بنتي دره عدها شلل رباعي وتخلف بلدماغ
محتاجه رعايه خاصه
وعلاجها غالي اذا انت مستعد تتكفل بيها اني موافقه
على هذا الزواج
ام عماد...شني شني ليش يمه نتكفل بوحده مخبله
لا بس انتي هاي الطفله ما تجي وياج
عماد...يمه
ام عماد...لا يمه ولا غمه تردينا ناخذها هي وبتها مشلوله ومخبله
شنو نصرف عليها هي وبتها
عماد...اي شرط ثاني عدكم
ام عماد...كوم كوم شو انت ما تعرف تحجي كوم شنو قحط نسوان
يله كوم اطلع كدامي بسرعه
طلعو زعلانيبن وامي استلمتني غلط
امي...انت شنو من بشر ليش ترحين اجيبين الطفله
انتي متعمده تردي ينهزم
هو يعرف عندج بنيه ماكو داعي لهذا الاستعراض
جان امشيه الأمور وبعد الزواج يله مخليته عارف
بتج مخبله
انتي ناويه تجلطني تردين تبقين على كلبي منو راح يقبل بيج تردين تنامين على كلبي
الله لا يوفقج كون
امي ونعيم كانو ناوين يغشوهم وما يحجون وضع دره الحقيقي الحد ما يتورطون بهاي الزواجه
بس اني مااريد اغشهم لازم يعرفون الحقيقه
يردون يقبلون يردون لا