رواية احببت شيطانه
بقلم سمسمة سيد
الفصل الاول والثاني
جلست ع كرسي المكتب الخاص بها اسندت راسها الي الخلف تسترجع تلك الذكريات المؤلمة كانت فتاه متشرده يتيمة
الابوين ليس لديها احد في هذه الحياة الي ان تبنتها تلك السيدة منذ ان دخلت حياتها وهي تغيرت بالكامل اصبحت
تمتلك تلك الثروة والنفوذ والقوه اصبح الجميع يهابها لااحد يجرء ع خوض تحدي معها فهي لم تحصل ع هذا اللقب من
عدم (الشيطانه)يخاف الجميع من اقتراف الاخطاء معها فهي لاترحم احدا ومن تجرء ع خوض معركه معها كان مصيره الموت حتما
افاقت علي صوت طرقات الباب فااتعدلت في جلستها واجابت بصوت عالى :ادخل
دخل احد الموظفين ووقف امامها باارتباك
فاتحدثت هي بثقه:بعتو مندوبين تاني
الموظف بداهشه:اااا حضرتك عرفتي ازاي
جينا بغرور:جينا المنصوري بتعرف دبت النمله وتعرف كل
كبيره وصغيره قبل ماتحصل انا موصلتش للي انا فيه ده بالسهل اتفضل اطلع وقولهم عرضكم مرفوض
الموظف :بس يافندم عرضهم....
قاطعته جينا بحده:نفذ اللي قولت عليه فاهم ولالا
اخفض الموظف راسه لااسفل ثم تحدث بصوت منخفض:امرك يافندم
خرج الموظف من مكتب جينا وابلغ المندوبين برفض العرض
(جينا المنصوري صاحبة شركات هندسه معماريه تبلغ من العمر
22سنه من اغني اغنياء العالم ذات قوام متناسق وبشره بيضاء وعيون واسعه خضراء متقلبه وشعر طويل اسود تمتلك ذكاء فائق مغروره وقويه حتي دون تلك السلطات لاتمتلك قلب
مثلما يقال عنها ولكن من اقترب منها وعرفها جيدا واحببته وجد جينا اخري )
............
في احدي شركات المنشاوي حيث تعم الفوضي والغضب (جاسم شاب عادي ليس وسيما ع الاطلاق يبلغ من العمر 29عاما متزوج ولديه ولد يدعي عماد )
جاسم المنشاوي بغضب:يعني ايه العرض يترفض مين اللي يتجراء ويرفض فرصة عمره
واحد من الموظفين :يافندم جينا المنصوري مش مهتمه واتبعتلها مندوبين كتير وبيترفضو ومع احترامي لحضرتك شركاتها اقوي منا
جاسم:اخرص مش جاسم المنشاوي اللي عروضه تترفض وجينا دي هتبقي بتاعتي انا وشركاتها كلها تحت امري ابعتو ليوسف فاكس قولوله ينزل مصر ف اسرع وقت الشركه هنا محتاجاه
الموظف:بس يافندم الشركه اللي هناك
قاطعه جاسم قائلا:خليه يعين حد غيره وينزل فااول طياره اتحركوووو
.................
في قصر المنصوري دخلت جينا لتاخذ قسطا من الراحه بالغرفه الخاصه بها دخلت خلفها تلك السيده التي تبلغ من العمر 60 عاما وتدعي ليلي
جينا :ماما ونبي ماقادره اتكلم في حاجه
ليلي :اللي انتي بتعمليه ده غلط ايه اللي مش كويس ف العرض بتاع شركة المنشاوي العرض كويس جدا ايه سبب رفضك ليه فهميني
جينا بغضب :مش هحط ايدي ف ايد واحد حقير زي ده ولانسيتي ابوه عمل فيا ايه زمان
ليلي بحده :انا منستش بس ياريت انتي كمان متنسيش انك كنتي السبب في قتله ودمار ابنه
جينا بغضب شديد:لا منستش وهما اخدو جزائهم ناس حقيره معندهمش لادم ولارحمه ذنبهم ايه الاطفال ولاالناس المعاقين اللي بيدخلو ملاجئ يومين ويطلعو منها ميتين وجسمهم مزرق من كتر الضرب والتعذيب ذنبهم ايه الاطفال اللي معملتش حاجه ف حياته وكل ذنبهم انهم ايتام هما مين عشان يتاجرو فيهم وياخدو من ده اعضاء ويشغلو دي ف الدعاره ها ياامي ذنبهم ايه
صمتت السيده ليلي تماما فليس لديها جواب مناسب لهذا الحديث ولم تنطق سوي بي
ليلي:جينا يابنتي متخليش الماضي بتاعك يااثر عليكي ومتدخليش نفسك في حاجه انتي مش قدها
تركتها السيده ليلي وخرجت لم تعطيها فرصه لااكمال حديثها فاظلت جينا تحطم كل ماتمسك به يديها وهي ف حالة غضب شديد ورددت قائله:مش هسيبهم هخليهم يتمنو الموت واحد واحد
.............
في فيلا جاسم المنشاوي بعد ان علمت زوجته بما قاله وانه اقسم ع ان يتزوج تلك الشيطانه بعد بكاء مرير استعدت للمواجها
الزوجه وتدعي ياسمين :ليه ياجاسم ليه نفتح الموضوع ده تاني حرام عليك انته متعبتش لسه بتحبها بعد كل اللي عملته فيك دي دمرتك ودمرت عيلتك ايه للدرجادي مش بتحس
جاسم :اسكتي خالص مش عاوز اسمع صوتك انتي مالك ومالها هاا حرقاكي ف ايه ياشيخه دي كانت دايما بتساعدك عشان توصليلي انتي اوطي واحده ممكن اشوفها ف حياتي
ياسمين ببكاء:ماشي انا اوطي واحده وازبل واحده بس انا بحبك اكتر منها دي مش بتحبك دي حقيره ومعندهاش قلب وانسانه مغروره
صفعها جاسم صفعه شديده:اخرسي دي احسن منك ومن اللي زيك واخر مره اسمعك بتقولي عنها كده انتي فااهمه
.........
في صباح اليوم التالي استيقظت جينا ع صوت طرقات باب الغرفه فافتحت ووجدت الخادمه تخبرها بوجود ضيوف باانتظارها فالاسفل
نزلت جينا ومن ان راته حتي انصدمت
جينا بصدمه :انتتته !!!
الفصل الثاني
بقلم سمسمه سيد
في صباح اليوم التالي استيقظت جينا ع صوت طرقات باب الغرفه فافتحت ووجدت الخادمه تخبرها بوجود ضيوف باانتظارها فالاسفل
نزلت جينا ومن ان راته حتي انصدمت
جينا بصدمه :انتتته !!!
وقف جاسم وابتسم ابتسامه صغيره ثم تحدث بجديه :صباح الخير ياجينا جتلك بنفسي عشان زهقت من كتر ماببعت
مندوبين وجبت اوراق الصفقه والمشروع معايا ...مد يده ببعض الاوراق ثم اكمل حديثه قائلا:مش هياخدو منك غير 10 دقايق عشان تمضيهم
التقطت جينا منه الاوراق ولم تاخذ منها سوي ثواني معدوده وكانت الاوراق نصفين نصف في اليد اليمنا والاخري ف
اليسري وتحدثت بنبره غاضبه
جينا:اسمي انسه جينا مش جينا وعرضك مرفوض ياابن المنشاوي سواء جيت بنفسك او بعت حد ومين سمحلك اصلا
انك تدخل القصر قصري مبيدخلهوش غير الناس المحترمه بس معاك دقيقه لو ممشتش حالا همشيك بطريقتي نورتنا يااستاذ جاسم ......صمتت واشارة بيدها تجاه باب القصر من بين نظراتها المليئه بالتحدي والغضب
اتجه هو نحو الباب مرددا:جينا انتي ليا وبس وعرضي لسه مستمر هستني تليفون منك سلام.........خرج جاسم من باب القصر تاركا وراه جينا وهي تتوعد له
صعدت الي غرفتها وهي تحاول تهدئت نفسها فابمجرد روئية هذا الكائن يجعلها تفقد السيطره ع اعصابها اتجهت الي غرفة
ملابسها واحضرت الثياب الرياضيه الخاصه بها ودلفت الي الحمام ...بعد 10دقائق خرجت مرتديه تلك الثياب ونزلت الي الاسفل ومن ثم اتجهت الي خارج القصر قاصده النادي الرياضي
....................
في مطار القاهره هبطت طائرتين
معلنه عن وصول بطلنا (يوسف)
وشقيقة جينا الاخري (بسمة)
وصلت بسمة لخارج المطار منتظره سيارتها الخاصه التي بعثتها ليلي لها بعد ان علمت بحضورها واشترطت بسمة ان لاتعلم جينا بعدم مجيئها كي تكون مفاجاه
بسمة(بطلة قصتنا التانيه فتاه تبلغ من العمر 20عاما لم يعرفها احد الاوقد عشقها فاهي لديها حس فكاهي وذكيه بعض الشئ
وجريئه للغايه اخذت بعض الصفات من شقيقتها جينا ف القوه والغرور تمتلك عيون باللون البندقي وجسد متناسق وبشره بيضاء وغمازه تجعل ضحكتها ساحره وشعر طويل بني )
انتظرت بسمة حتي جائت تلك السيارة الخاصه فصعدت بها وانطلقت نحو القصر
اما عن يوسف فما ان وصل حتي اعلن هاتفه عن اتصال فااجاب
يوسف:لسه واصل ياجاسم بيه
جاسم:............
يوسف:عاوزك تطمن انا هباشر الشغل وهعمل كل حاجه عاوزها وبالنسبه لمشروع المنصوري فاهيخلص النهارده اوعدك
جاسم:........
يوسف:ماشي ياباشا سلام
يوسف(شاب 24عامابملامح رجوليه جذابه تعشقه الفتيات للغايه يعمل لصالح جاسم (موظف)لم يكلف باامر الا واتممه ذكي وقوي).
وصل يوسف ع بيت والديه فارحبو به بشده وبعد الترحيب استاذن لااخذ قسطا من الراحه ليكون مستعدا للعمل
..................
في قصر المنصوري وصلت بسمة ورحبت بها ليلي بشده فقد افتقدتها كثيرا اخبرتها بسمة باانها ستذهب الي غرفة جينا حتي تنتظرها
بعد مرور نصف ساعه رجعت جينا الي القصر فاوجدت حركه غريبه ف القصر فسالت ليلي
جينا:هو في ايه
ليلي باابتسامه:في ايه ياحببتي
جينا:الخدم مالهم بيتسرفو كده ليه
ليلي:عادي ياجينا المهم اطلعي غيري دلوقتي عشان تفتطري وتروحي الشركه
جينا:اوك
صعدت جينا الي غرفتها فوجدت الضوء مطفي والستائر مغلقه فااقتربت من زر الاشعال واضائت النور ووجدت من يضع يده ع عيناها فاضربت بكوعها في بطن هذا الشخص فاابتعدت بسمة بسرعه متاوها وممسكه بطنها وقالت بوجع
بسمةبوجع:يخربيت اللي يهزر معاكي انتي بتاكلي حديد ....اااه يابطني
جينا بصدمه:بسمة !!!.........افاقت من صدمتها ورددت بااسف:حياتي انا اسفه والله معرفش ان انتي انتي جيتي امته ومقولتليش ليه
بسمة:حبيت اعملها مفاجاه بس دي اخرتها اتضربت وبعدين ياجينا مين اللي مستغني عن عمره اللي هيدخل القصر لاوكمان اوضتك بصي احنا مينفعش نكمل مع بعض احنا نطلق احسن ...اتمت جملتها الاخيره ببعض الفكاها
جينا بضحك:ههههه انتي لسه فاكره وبعدين تستاهلي انتي عارفه اني مبحبش كده
بسمة:ماشي ياستي انا غلطانه ...وحشتيني ياحببتي اووووي
جينا وتجذبها الي احضانها:حبيبة قلبي انتي اكترررررر وحشتيني اوووي انتي ليكي قاعده معايه اما ارجع من الشغل تحكيلي كل حاجه هااا كل حاجه فاهمه
بسمة باابتسامه:حاضر هحكيلك بس قوليلي انتي بتاكلي حديد من ورايا ولاحاجه
جينا بااستغراب:لا ليه
بسمة :اصل كوعك وجعني اوووي
جينا :انتي اللي مبقتيش بتتمرني ده العادي بتاعي
بسمة:ماشي ياستي ياله عشان انا جعانه موووت وعشان انتي كمان متتاخريش ع الشغل
جينا:طيب هغير هدومي واجي اسبقيني انتي
بسمة:اوك
...............
في فيلا جاسم المنشاوي كانت تتحدث ياسمين مع احد الافراد المجهوله ف الهاتف الخاص بها
ياسمين:مش عاوزه اسمع عنها اي خبر تاني اخرك النهارده ف التنفيذ
الشخص:اعتبريها ماتت وشبعت موت ياهانم
ياسمين:نفذ وتعاله خد حلوتك غير كده مااشوفش وشك فاهم
الشخص:فاهم ياهانم
..............
بعد ان انهت جينا وجبتها اتجهت الي الشركه وهناك استقبلتها السكرتيره الخاصه بها
السكرتيره وتدعي (ندي):الاجتماع هيبدء بعد 3 دقايق يافندم والموظفين كلهم قاعدين جوا ف انتظارك
جينا:تمام حضريلي ملف المشروع الجديد
ندي:امرك يافندم
...........
بعد بدء الاجتماع بنصف ساعه وصلت سياره معلنه عن وصول يوسف الشركه دلف الي داخل الشركه ووصل الي المكتب الخاص بجينا ولكن اوقفته ندي قائله
ندي:اؤمر يافندم
يوسف:عاوز اقابل الانسه جينا
ندي:في معاد سابق
يوسف:لا
ندي:بعتذر يافندم مينفعش تقابلها بدون معاد سابق والانسه جينا عندها اجتماع دلوقتي اتفضل اديني بيناتك وانا هتصل بي.........قطعت كلامها عندما رائت يوسف وهو يدلف الي داخل الغرفه دون الاستاذان ....وقفت جينا بغضب كبير وتحدثت قائله :ازاي بتتجرء وتدخل كده من غير استاذان انته مجنون يابني ادم انته
يوسف :انا مش مجنون انا يوسف من شركة جاسم المنشاوي للهندسه المعماريه
جينا بغضب عارم :اطلع بره
يوسف بجديه:مش قبل مااتكلم مع حضرتك الاول
جينا بصراخ:نددددي اطلبي الامن خليهم يرمو الزباله دي بره ومن الاحسن ليك مشوفكش تاني
...............جاء الامن واخذو يوسف للخارج بينما اكملت جينا الاجتماع وكأن لم يحدث شئ وفي اخر اليوم حينما جاء موعد ذهاب جينا صعدت في السياره وفي منتصف الطريق وقفت سيارة سوداء كبيره امام سيارتها ونزل منها بعض الاشخاص المجهولين انزل احد الاشخاص جينا من السياره واوقفها امامه ووقف اثنين خلفها ووجه مسدسه لراسها وفجاه............!!!!