روايةالحلو المسموم
الفصل:الخامس
وصلت لؤة الكافيه مع إيمان وقعدو
لؤة:خلاص ي إيمان موضوع وخلص بطلي عياط بقا صدعتيني
إيمان:بحاول ي لؤة بس انتي عرفاني لما بتفتح ف العياط مبسكتش تاني
لؤة:طيب يستي انا ظبطلك الود ومسحت بكرامت اهله أسفلت الشارع مش هتعزميني*بصتلها إيمان من وسط دموعها وضحكت
لؤة:ايوة كده اضحكي
إيمان:ايه رايك نطلب مانجة
لؤة:دي ٤٠ جنيه الكوباية الواحده لا يحبيبتي هتيلي شاي بلبن*قامت إيمان وخلال خمس دقايق جات ومعاها كوبايتين مانجة*بصتلها لؤة بغيظ
لؤة:نفذتي ال ف دماغك فلوس ابوكي كتيرة بس هردهالك ف عزومة
إيمان:طيب يختي بس شكرا انك وقفتي جنبي انا من غيرك كنت ضعت
لؤة:لا شكر على واجب
*واحده من المشرفين ف الكليه قربت عليهم:لؤة العميد عاوزك حالا ف مكتبه انتي وإيمان
لؤة:اخلص بس كوباية المنجة دي واحصلك *بصتلها باستغراب ومشيت
ايمان:ي لؤة يلا وهجبلك غيرها بدل ما نزيد الطين بله وانا مش ناقصة
لؤة:والله مايحصل خلاص قربت اخلصها*قالتها وهي بتشرب اخر شوية ضحكت إيمان عليها
لؤة:طب يلا يختي ايه ده انتي مشربتيش حاجة كوبايتك زي ما هي اشربي والا مش متحركه
إيمان:مش عاوزة بطني قلبت يلا بالله
لؤة:طيب براحتك*ومشت مع إيمان شوية وبعدين رجعت تاني عملت نفسها نسيت حاجة ودلقت الكوباية
لؤة:معلش ي كابتن الكوباية ادلقت مني من غير قصد هتعبك شويه ونضف المكان*بصولها ال بينضفو بغيظ وإيمان كانت ف
نص هدومها مشيت بسرعة مع لؤة لحد ما طلعو من الكافيه
ايمان:ايه ال هببتيه جوه ده انا عارفه انك قاصده
لؤة:فاكرة كوباية المون ال طلبتها ليا ب ٢٥ جنيه وبعدين
عرفتي اني عندي حساسية من المون وحاولت ارجعها قالي ممنوع رغم انها قاعده زي ما هي ف هما ياخدها ويدوها لزبون تاني علي قفانا لا طبعا
إيمان:طب يلا ي ناصحة عشان العميد بنفسه هيطلب لمون انهاردة*وضحكو لحد ما وصلو لمكتب العميد خبطو ودخلو بصلهم العميد بغيظ وقام من علي كرسيه وقرب
العميد:ايه ي لؤة نفسي اسبوع يعدي من غير مصيبة ابوس ايدك حققيلي امنيتي قبل ما تجلطيني وانتي ي إيمان مش ناوية تسيبي البت دي
لؤة:حضرتك هو ال غلط واحنا معانا دليل علي كلامي ده مسجلينله
العميد:ولو ده ميدكيش حق انك ترفعي عليه مشرط ف الكليه سلاح ابيض ي لؤة
لؤة:مين قالك الكلام ده ده كان قلم رصاص وهو يحبة عيني من الخوف افتكره مشرط ولا مطوه
العميد:انا عارف اني مش هقدر اجاريكي ف الكلام والله لولا سيف باشا ابو إيمان انا كنت طردتك من زمان ي لؤة*دخل سيف وهو قلقان وراح ناحية إيمان
سيف:إيمان ايه حصل جرالك حاجة*بصتله إيمان بدموع وحضنته وفضلت تبكي
سيف:ايه حصل ي لؤة
العميد:اهلا بيك ي سيف باشا اتفضل ارتاح حضرتك*بصله سيف بتحذير وبص للؤة
لؤة اتنهدت وحكتله ال حصل
سيف:الود ده تطرده دلوقتي حالا والا تلم حاجتك انهاردة
العميد:تحت امرك ي فندم
سيف:يلا ي إيمان انتي ولؤة عشان نمشي
إيمان:والمحاضرات ال ورانا
سيف:متقلقوش العميد هيهتم بكل حاجة ولا ايه*بصله سيف ببرود
العميد:متشلوش هم حاجة ي آنسات*وسابوه ومشيو لحد عربية سيف
سيف:اركبي ي لؤة هوصلك
لؤة:الطريق قريب مش مشكلة
:اركبي ي لؤة
لؤة:حاضر*ابو إيمان زي ف مقام بباها شافت منه الحنية ال اتحرمت منها
سيف:بس عجبتيني ي لؤة كل ده يطلع منك ههههه
لؤة:هو انت شوفت حاجة*قالتها بغرور ومنظر مضحك خلاهم ضحكو وصلها سيف لحد الشارع ال ساكنه فيه
سيف:وسعو شارعكم عشان عربيتي تدخل
لؤة:حاضر المرة الجايه سلام بقا عشان جوعت*وسابتهم ومشيت أبتسم سيف واتحرك بعربيه
سيف:طيبه اووي صحبتك دي اوعي ف يوم تخسريها صدقيني مش هتلاقي زيها
إيمان:عارفة ي بابي
سيف:بس لو تهتم بنفسها شويه يعني بعد الجمال ده كله والبياض والعنين الزرقة جعفر ساكن جواها
ايمان:ههههه حاولت ي بابي بس هي دماغها ناشفة ربنا يهديها*ف قصر سعد القناوي ام سحر بتعلم ام محمد ازاي هيبقا شغلها الجديد
ام سحر:انتي كل ال هتعمليه غسيل مواعين وتنضيف المطبخ اول بأول وخليكي فاكرة برة المطبخ متطلعيش البهوات مش بيحبو ال ذينا يخطلتو بيهم لو عوزتي تطلعي زي ما دخلنا الباب بتاع الجنينه ال دخلنا منه لو صادف وحد من البهوات كلمك لو ست هتقوليلها حاضر ي هانم تحت أمرك ولو باشا ف بردو حاضر ي باشا وتحت امرك نجوي هانم مبترحمش ولا سعيد باشا ويوسف باشا ربنا ميوقعكيش ف سكته
ام لؤة:تمم ي ام محمد حفظت كل حاجة والله ابتدي بقا
ام محمد:خدي الهدوم دي بتاعت الشغل
لما قربت لؤة علي بيتها وقفوها ستين كبار ف سن مامتها وسلموا عليها
لؤة:اهلا ي ام أسامة اهلا ي بسنت
ام بسنت:نازلة من عربية مين علي اول الشارع ي لؤة
لؤة:ابو صحبتي وصلني وخد بنته للبيت عشان تعبانه شوية
ام اسامة:وهو ابو صحبتك مريش اووي كده ده عربيته ماشاء الله مشفتش زيها قبل كده *بصتلهم لؤة بغيظ
لؤة:محتاجين حاجة عشان مستعجلة
المرتين:لا ي حبيبتي عاوزين سلامتك سلميلي علي امك*وسابتهم لؤة ومشت
ام بسنت:قال ابو صحبتها البت دي بتلف علي شعر راسها
ام اسامة:ليه بس بتقولي كده هي بس عشان ف كلية عالية فتلقيها اتلمت علي واحده غنية من بتعوت البهوات وبتقضيلها مصالحها
ام بسنت: يختي دي مديراها بكرة تقولي انا قولت اه منها بنت عبير*ف القصر سعيد القناوي
كبيرة الخدم:يوسف بيه وصل حطو الاكل علي السفرة مش هيستني حد
الخدم:تحت امرك ي هانم
ام لؤة: هو معاه اخوات ي ام سحر
ام سحر:اه ٢ بنات
الاءهانم واسراء هانم بس اسراء ف بلاد برة بتتعلم
ام لؤة:مشاء الله ربنا يكرمها ويكرمنا
كبيرة الخدم:انتو بترطو كل واحده تشوف شغلها مش هنقضيها حكاوي
*دخلت لؤة البيت وخدت دوش وغيرت هدومها وسرحت شعرها
لؤة:بفكر اقصك بدل الهم ده فينك ي ماما هي ال تلمك ربنا يكون ف عونك*سرحت ف مامتها يتري هي بتعمل ايه دلوقتي كل ال هما فيه ده بسبب بباها وبردو بتقول الحمد لله احنا احسن من غيرنا بكتير
الليل ليل ورجعت ام لؤة البيت تعبانه بس فرحانه
لؤة:ماما انتي جيتي حمدلله بسلامتك
ام لؤة:الله يسلمك ي غاليه فين محمد اخوكي لؤة:مجاش الظاهر انه شغال من الصبح لاني مشفتهوش انهاردة
ام لؤة:الله يعينه بصي انا جبتلكم اكل معايا
لؤة:منين ي ماما هو احنا معانا فلوس للأكل ده كله
ام لؤة:بينتي ده من بيوت البهوات هناك بيطبخو كتير اووي و البهوات اكلهم قليل الاكل الباقي بيتوزع علينا
لؤة:هناكل البواقي ي ماما
ام لؤة:والله غرفاه من الحلل نضيف وذي السكر*تنهدت لؤة رنت علي أخوها لحد ما جه بعد نص ساعة واكلو سوا لما شبعوا ونامو مبسوطين بعد نص الليل الباب خبط جامد عرفت ام لؤة انه جوزها مرضتش تفتح
ام لؤة:مين
ابو محمد:افتحي ي وليه *رفضت ام لؤة ورنت علي الشرطة وخلال عشر دقايق وصلو والناس صحيو علي صوت عربيات الشرطة واتلمت
الظابط:انت طلبتينا ليه ي ست انتي
ام لؤة:الراجل ده اتهجم عليا وعاوز يخش بيتي غصب عني
ابو محمد:انا جوزها يسعت البيه ابو عيالها
الظابط:انت شارب حاجة ولا ايه اظبط طولك
ابو محمد:لااا شارب ايه انا شريف مليش ف الكلام ده كل ال عاوزه اني ادخل بيتي وسط عيالي *دخلت ام محمد وجابت ورق
ام محمد:اتفضل ي حضرة الضابط ده ورق يثبت ان دي شقتي وده ورق قضيه طلاق رفعاها عليه ف المحكمة ومش عوزاه ف بيتي انا حرة*مسك الظابط الورق وبص فيه وبصله
الظابط:كلامها صح دي شقتها وهي مش عوزاك فيها هتمشي وتورينا عرض كتافك ولا تشرفنا ليلتين ف الحجز
ابو محمد:لا حجز ايه سعتك انا همشي ومش هتشوف وشي تاني*كانت ليلة صعبة الشرطة جات وحاشت عنهم ابوهم السكران الكل من اهل البيت كانو ف نص هدومهم الجران بيخبطو ف اديهم فعلا منظر يكسف دخلت ام لؤة وردت الباب
ام لؤة: خلاص ي ولاد هانت والله ماضاقت الا وفرجت عدو يومين كل حاجة علي حالها الجديد ان بباهم بعت ورق الطلاق لامهم مستناش المحكمه لانه عرف خلاص ملوش رجعة كان خبر تحفة بالنسبالهم طلعت ام لؤة من باب البيت الصبح بدري
لؤة:ماما انهاردة الجمعة رايحه فين
ام لؤة:الشغل ي لؤة مفيش إجازات ولا ينفع اتأخر متعطلنيش بقا اقفلي الباب ومتفتحيش لحد اخوكي مش قاعد
لؤة:حاضر ي ماما ربنا معاكي مع السلامة *وقفلت لؤة الباب واتنهدت وراحت عشان تنضف البيت مكان مامتها ف الشارع عند محمد
محمود صحبه: اي ي راجل هالك نفسك اليومين دول علي الاخر
محمد:الظروف ي صحبي ومصاريف البيت فكرتني اكلم البت لؤة اشوف وراها حاجة انهاردة
لؤة:الو ي محمد انت فين
محمد:تحت ف الشارع بلف بالتوكتوك انتي نازلة انهارده ولا حاجة
لؤة:لا قاعدة مفيش مشاوير ورايا
محمد طيب لو فيه حاجة رني عليا مع السلامة
لؤة:سلام*عند محمد
محمود:ي محمد غير تليفونك ده جدي جايب احسن منه حد ماسك عدة بزراير دلوقتي
محمد:اقسملك لو فيه قرش معايا لغير عدة اختي الأول البت ف مكان نضيف وكليه عالية وناس مريشة حوليها وهي ماسكة تلفون زراير ولبس مش ال هو
محمود:ربنا يعينك يصحبي *بعد صلاة الجمعة خبط كريم ابن ام سحر علي لؤة وفتحت لؤة بعد ما لبست حجابها
لؤة:خير ي كريم عاوز ايه
كريم:عاوزك ف الحلال يبت ليني دماغك واتجوزيني *بصتله بقرف
لؤة:هنعيد نفس الكلام اطلع من حفرة ادخل ف ضحضيرة اتجوزك علي ايه ده انت امك بتاكلك وتشربك *بصلها بغيظ
كريم:طب بقلك ايه اختي بتقولك محتاجة الحلة الكبيرة بتاعت امك هتعمل فيها طبيخ عشان قرايبنا مشرفينا انهاردة
لؤة:طيب دقيقة واجبهالك*دخلت احلام جابت الحلة دخل هو بسرعة ومن غير ما تحس فتح درج الكوميدينو ال ف الصالة وحط فيه علبة صغيرة وطلع وقف علي الباب لحد ما جات لؤة
لؤة:خد اهي تجبها بالليل بالكتير عشان ماما بتحتاجها
كريم:عيوني تسلم ي جميل*ورزعت الباب ف وشه وهي متغاظة بعد كريم ودخل شقتهم
كريم:هانت ي لؤة وهوريكي النجوم ف عز الضهر