رواية الحلو المسموم
الفصل:الثالث
عند ام لؤة
ام أنغام:خلصتي ي ام محمد المحشي ولا لسة
ام محمد:لا خلاص ي ام أنغام جهز هطلعهولك ي حبيبتي خمس دقايق بس
ام أنغام:خلاص تمم وانا هبعتلك الفلوس مع البت
ام محمد:لو محتجاها خليها احنا جران ي ام أنغام
ام انغام:مستورة الحمد لله ي ام محمد *وفعلا طبعتلها المطلوب وخدت الفلوس ودستهم ف صدرها وهي ونازلة من السلم قابلت جارتها ال جنبها ام سحر
ام محمد:ازيك ي ام سحر عاملة ايه
ام سحر:بخير الحمد لله اخبارك واخبار العيال والبت لؤة عاملة ايه ف كليتها
ام محمد:مطحونه ي حبة عيني ربنا معاها
ام سحر:يارب بقلك ي ام محمد انا يختي عوزاكي لمصلحة وخير ليكي
ام محمد:قولي ي حبيبتي
ام سحر:الناس ال انا شغالة عندهم عاوزين شغالين وكده قولت اقولك عشان تلحقي قبل ما حد يجي غيرك وتروح عليكي
ام محمد:هو انا ملاحقة علي شغل البيت وشغل الاكل ده عشان اروح اشتغل شغلانه تالته
ام سحر:يوليه ي هبله ده الشغل هناك بيكسب دهب هيغنيكي علي الشغل ده وبعدين هناك الشغالين كتير يعني مش هتتعبي وفلوس كتيرة كل آخر شهر فكري عشان لؤة ومصاريف *بصتلها ام محمد واتنهدت
ام محمد:خلاص هفكر وارد عليكي
ام سحر:طب استعجلي معاكي لحد بكرة الصبح قبل ما اطلع ولو مش موافقة اشوف غيرك
ام محمد:تمم ي ام سحر تسلميلي*ودخلت ام محمد البيت وردت الباب وهي بتفكر هتعمل ايه طب لو جوزها عرف موضوع الشغل ده يا هياخد الفلوس يا هيضيع الشغلانه دي
منها قعدت علي الكنبه وفضلت تبكي بعد دقيقتين دخل محمد
محمد:ايه ده مالك ي ماما حصل ايه ابويا زعلك تاني ولا حاجة
ام محمد:لا ي ضنايا
محمد:اومال ليه بعيطي المصاريف مقصر متخبيش عني ي ماما قولي
ام محمد:بص ي محمد يولدي انت دلوقتي بقيت راجل وعندك ١٨ سنه انا عاوزة اطلق من ابوك ونعيش سوا مع بعض ايه رايك ف الكلام ده
محمد:منا كنت بقولك كده من بدري ي ماما وانتي ال مش مقتنعة ورافضة وتقوليلي ابوكو سندكو ده فاضحنا فكل المنطقة انا بستعر منه بس ايه ال خلاكي غيرتي رايك يعني
ام محمد:جاتلي شغلانه ف بيوت البهوات شغلانه محترمه ف مكان محترم طبخ وكده وفلوسها حلوة وابوك لو عرف الحلو مش هيكمل واختك بتكبر وعاوزة اجهزها عشان لو جه ابن الحلال نكون جاهزة ولا انت إيه رأيك
محمد:كلامك صح ي ماما بس انا مش عاجبني بهدلتك ف البيوت دي
ام محمد:معلش عشان خاطر اختك صدقني بعد ما اجوزها هسيب الشغلانة دي نهائيي
محمد:ال تشوفيه يست الكل*قالها بحزن وقلة حيله