روايةالحلو المسموم
الفصل:السابع
طلع الصبح الساعة بقت سبعة جهزت لؤة هي ومحمد عشان يروحو القسم وهما وطالعين من العمارة ام بسنت كانت بتنشر غسيل ف العمارة ال قدامهم الدور التاني
ام بسنت:يارب ياساتر الواحد بقا يشوف بلاوي كتير اليومين دول أمتي الشارع ينضف بقا*وكبت مية الغسيل لتحت بصت لؤة لمحمد مسكها من اديها عشان تمسك اعصابها ومشيو وهما ف الطريق
لؤة:يارب احنا لوحدنا ملناش غيرك خيلانا عايشين ومش بيسئلو ف امي ولما عرفو انها ف القسم قفلوا السكه ف وشي يرضي مين ده يارب
محمد:خلاص ي لؤة احنا نروح القسم وبعدين نعرف في اي بالضبط*بعد ساعة وصلو القسم
؟:رايحين فين ي استاذ
محمد:جايين لماما خدوها امبارح وكنا عاوزين نزورها ونعرف هما خدوها ليه
؟:طب اتفضل معايا اتفضلي ي أبلة *ودخلو القسم
؟:يحضرة الظابط الشباب دول عاوزين يزوروا امهم ويعرفو هي محبوسه ليه*بصلهم الظابط وهو مكشر
الظابط:اتقبض عليها أمتي واسمها ايه
لؤة:امبارح الفجر الساعة ٣ اسمها عبير حسني
الظابط:ممنوع حد يدخل عليها دي أوامر عليا وهاتولها محامي عشان يتابع قضيتها وياريت يكون كويس عشان لو مخدتش إعدام هتاخد مؤبد *لطمت لؤة علي وشها واتفزع محمد
محمد:ليه ي باشا هي عملت ايه لده كله
الظابط:متهمه بمحاولة تسمسم سعد القناوي صاحب اكبر شركات الغزل والنسيج ف مصر *طلعت لؤة تبكي بحرقة و
محمد مهموم مش عارف يعمل ايه هيجيبوا منين محامي وهيدفعوله منين لؤة روحت البيت وطبعا مسلمتش من كلام
ال رايح وال جاي اتوضت وصلت ودعت وبكت وقامت لبست هدومها وراحت الكليه عند يوسف بيتكلم ف التليفون
سليم:ي يوسف دي ياين عليها فعلا متعرفش حاجة والظاهر كده انها لبست الليله دي كلها
يوسف:خليك وراها لحد ما تنطق وتعترف النوع ده محتاج صبر شويه وتاخد منه كل ال عاوزه*خبط الباب
يوسف:طب سلام هكلمك بعدين. ادخل*ودخلت لؤة وأول ماشافها قام وبكل غرور قعد علي مكتبه وحط رجل فوق التانيه وولع سجارته من ماركه غالية
يوسف:كنت عارف انك هتيجي بس طولتي
لؤة:من غير لف ودوران ماما مظلومة وعارفة انك مش هتصدقني وانا بطلب منك تدينا وقت نقدر نثبت برائتها*ضحك باستفذاذ
يوسف:وانا هستفاد ايه
لؤة: هشتغل عندك خدامه
يوسف:الخدم عندي كتير وبعدين الخدم الخاص بيا بنات من روسيا مش زيك
لؤة:هعمل اي حاجة بس اديني فرصة ارجوك
يوسف:تتجوزيني
لؤة:ايه اتجوزك
يوسف:اه بس من غير شوشرة
لؤة:عرفي يعني انا استحالة اقبل ولو علي جثتي
يوسف:مين جاب سيرة العرفي انا قصدي عند المأذون من غير فرح وهيصة ثانيا لو رفضتي هتبقا جثة مامتك مش جثتك*بصتله بكره والم وعصرت علي نفسها شجرة لمون مسكت اعصابها مقدمهاش غيره محدش معاهم حتي الفلوس مش موجوده
لؤة:موافقة علي شرط
يوسف:مش هقرب منك دي حاجة متشرفنيش اصلا وده وعد*حاجة فيها اتكسرت كرامتها كبريائها أنوثتها متعرفش اي واحده فيهم
لؤة:مش تصبر بس خلاص انت خدت وعد علي نفسك شرطي هو كليتي هكملها واخويا مش هتقربله مهما حصل*بصلها وابتسم بلؤم
يوسف:ذكيه وشاطره تمم موافق جهزي نفسك انهارده كتب الكتاب يعروسة هههههه
دخل يوسف القصر بالليل الساعة تسعة سمع صوت دوشة وضحك
يوسف:ي كوثر كوثر
كوثر:نعم ي بيه تحت أمرك
يوسف:في ضيوف عندنا
كوثر:ايوه ي بيه سالي هانم وصحبتها وسعيد بيه ونجوي هانم والاء هانم قاعدين مع حضرتها *ساب يوسف كوثر وخد لؤة من اديها ودخل الرسبشن ووقف قدامهم*استغربو كلهم مين دي ال مع يوسف بصو لبعض
سعيد:ازيك ي يوسف مش تعرفنا
نجوي:اه بسرعة عشان منضيعش وقت سالي حابة تقعد معاك شوية
يوسف:معلش مرة تاني ي انسة سالي اصل انا انهاردة دخلتي اعرفكم لؤة مراتي*كله سكت ووقفوا من مكانهم وبعدين قعدوا يضحكو بهستريا والاء اخت يوسف تراجعت لورا وطلعت لان عرفت ان يوسف شكله بيتكلم جد والقيامة هتقوم
نجوي:قول كلام غير كده عشان نصدق عارفين انك مش متعود علي سالي وحابب تخلع بس مش لايقة بعدين سالي دي لطيفة جدا وبعد ما تقعد معها هتحبها اووي
يوسف: انا بتكلم جد واهي القسيمة لؤة مراتي
سعيد:يعني ايه مراتك انت هببت ايه جبتها من اي داهية دي لمتها من انهي شارع انت مش شايف منظرها
سيف:بابا مسمحلكش تهين مراتي كرامتها من كرامتي وال عنده كلمه كويسة يقولها وال مش عنده يريحنا بسكاته
سعيد:انت عارف نتيجة الأمر ده
يوسف:محروم من الشركة ومن ميراثي فيك مش عاوز حاجة منكم*وسابهم وطلع سالي غمرت واتلمو عليها عشان يفوقوها وسعيد بيغلي مش عارف يعمل ايه
نجوي:هنعمل ايه يسعيد ف المصيبة دي انت عارف خبر زي ده لو انتشر هيحصل ايه لسمعتنا ومكانتنا ف المجتمع هبص ازاي انا تاني ف وش صحباتي ف النادي لو شمو حاجة عن الموضوع ده اتصرف ي سعيد وخلصنا من البلوى دي*سابها سعيد وطلع وهو مضايق اووي *عند محمد لف كل المنطقة سأل كل الجران وصحبات لؤة محدش شافها ولا سمع عنها خبر
محمود:انا خايف ليكون حصلها حاجة ولا احتكت بالبهوات ربنا يستر
محمد بألم وخوف:لا خير هلاقيها ان شاء الله *عند لؤة دخلت الجناح بتاع يوسف وهي مهمومه اخد دوش وغير وطلع لقاها قعده علي الاريكة قرب علي السرير وحدفلها مخده علي الارض وبصلها بانتقام
يوسف:انتي مكانك ف الارض مش علي الكنبه قومي وسختيها*بصتله بقرف وتفت علي الاريكه
لؤة:انا ابتديت اتوسخ من وقت ما عرفتك*قرف من المنظر ودمه غلي رن جرس الخدامين خلاهم طلعو الاريكة وقلهم يولعو فيها عشان ملهاش لازمة خدوها وطلعوا خدت لؤة المخدة وراحت ورا الباب وقعدت طفي هو النور ونام عدت ساعتين ومقدرتش تقاوم منامتش من امبارح حطت راسها علي المخدة ونامت صحيت علي مية ادلقت علي وشها قامت مفزوعة بصت لقته قدامها
يوسف:قومي طلعيلي فراخ واحشيها وعاوز جنبها محشي وشوربة خضار*بصت لؤة ف الساعة ال فوق السرير لقتها ٢ بالليل كشرت وبصتله
لؤة:دلوقتي الساعة ٢ انت اتجننت لا طبعا*وطي وقعد علي ركبه وبصلها
يوسف:بصي ي شوارعية ده اخر انذار ليكي اي عناد هيعود بالسلب علي مامتك وبصراحة صعبتي عليا وانا عاوز اعطف عليكي شوية لو نفذتي كلامي هوفر لمامتك محامي شاطر عشان لو هي بريئة ذي ما قلتي وده طبعا غلط يبقي يخرجها وساعتها هنشوف اي هيحصل*سكتت لؤة بصتله بكره وعند
لؤة:فين المطبخ
يوسف اسألي الشغالين تحت ولو عرفت ان حد ساعدك انتي عارفة العواقب*قامت بغيظ وفتحت الباب ورزعته وراها ونزلت تحت كانت خايفة لتوه وفضلت تلف ف القصر لحد ما قابلت وحده من الخدم
لؤة:معلش ي عسلية فين المطبخ
الخدامة:تعالي اوصلك بس ليه
لؤة:يوسف زفت جعان وعاوز يطفح شالله طفح بالسم الهاري*بصتلها بخوف وبصت حوليها ليكون حد سامعها ومسكت اديها وشدتها للمطبخ
الخدامة:متقوليش كده تاني القصر ده ليه قوانينه وأولها الاحترام والا هتتعبي اووي انا عرفتك انتي ال الدنيا قامت عليها انتي مراة يوسف بيه صح *بصتلها لؤة حستها بنت طيبة وده لأنها عفوية ف كلامها وحركاتها وباين عليها ف سنها
لؤة:طب متعرفيش ناوينلي علي ايه
الخدامه:لا لسة بيخططتو ربنا معاكي هتتعبي اووي
لؤة:اسمك ايه
الخدامة:فيروز ابو القاسم
لؤة:طيب ي فيروز روحي انتي ولو احتاجتك هندهلك تمم
فيروز:تمم سلام