الحلو المسموم ♥️
الفصل:الثالث عشر
جات لؤة تطلع وبعدين وقفت بتشاور نفسها تروح تاني دلوقتي ولا بالليل
لؤة:هاااا الورقة ينهار طين *جريت من اوضتها ونزلت بسرعة للمكتبه وفتحت الباب وولعت النور وراحت للمكتب لقت الورقة مكانها اتنهدت براحة
فيروز:في حاجة ي لؤة هانم *اتفزعت لؤة وبصتلها برعب
لؤة:خضتيني ي شيخة بعدين ايه هانم دي قوليلي لؤة علي كده
فيروز:انا شفتك بتجري قولت فيه حاجة
لؤي:لا ابدا يلا بينا انا عاوزة اروح ل الاء شوية
فيروز:الاء هانم طلعت
لؤة:طلعت اوف طب نروح لاسراء هي ال محبوسه ف اوضتها والله البت دي بتصعب عليا ديما معاقبة شمعنا الاء ويوسف مش بتتكلم معاهم ولا هي مستقويه علي اسراء عشان صغيرة
فيروز:لا مش عشان صغيرة عشان إسراء هانم بنتها اما يوسف و الاء مش عيالها دول ولاد سعيد باشا
لؤة:ايييه ليه مامتهم فين
فيروز:ميته من بدري بعد ولاده الاء بكام يوم اتوفت
*زعلت لؤة واتنهدت وطلبت منها توصلها أوضة إسراء طلعو فوق وراحو لاوضة إسراء خبطط وبعد دقيقة فتحت إسراء أول ما شافت لؤة ابتسمت وحضنتها
إسراء: انا قلبي اتفتحلك من كلام الاء عليكي خشي انتي غريبة*دخلت لؤة أوضة إسراء نفس حجم أوضة الاء بس لونها بيج واساسها كلاسيكي
إسراء:عارفة اوضتي كئيبة مش زي بتاعت الاء اصل ماما ال مختارة كل حاجة*قالتها بحزن
لؤة:بالعكس أوضتك احلي أوضة كفايه انها واسعة والوانها هادية وراقية جدا
اسراء:بحب المجاملات الكدابة كملي*وقعدو يضحكو
لؤة:إسراء ممكن سؤال
اسراء:اسأل ي صحبي
لؤة:مين نوال*إسراء وشها اتغير وقلبت
إسراء:هو يوسف رجع يسكر تاني
لؤة: انا مش فاهمة حاجة
اتنهدت اسراء: نوال دي واحده كان بيحبها يوسف من ٧ سنين اتعلقوا ببعض اووي لمده سنتين و ف يوم من الايام عمل فيها
مقلب انه عمل حادثة وجبص رجله ودراعه وحط كاميرا ف الاوضه ال هو فيها عشان تصور المقلب ده دخلت عليه نوال الاوضه وشافت حالته*فلاش باك
(نوال:يوسف ايه جرالك ي حبيبي
يوسف:نوال انتي فين انا مش شايف حاجة ي نوال
نوال:بجد ي يوسف قول انك بتهزر
يوسف:الدكتور قال اني مش هشوف تاني غير لما اعمل العمليه ويا نجحت ي لا طبعا مش هتسيبيني ي نوال
إسراء:طبعا كل ده وهو شايفها مش زعلانه ولا بتدي ردت فعل قامت من قدامه وهي باصه ببرود ولوت بقها واتسحبت
ومشيت فضل يصرخ يوسف بأسمها علي امل انها ترجع واتحول فديو المقلب ال كان هيشيله ذكري جميلة لخيبة امل كبيرة كان متوقع تبكي وتنهار وتتمسك بيه اكتر بس حصل
العكس واختفت سافرت بره مصر نهائي بعد ما خرجت من عنده وبعد ما عرفت انه كان مقلب من صحابه حاولت تتمسكن وترجع بس يوسف مدهاش فرصه ترجع وفضل يشرب ويسكر
ويخش ف مشاكل مع بابا عشان موضوع الشرب ده فضل فتره كبيرة يشرب ويبطل ويرجع تاني ويبطل بس ليه سنه ونص دلوقتي بطل ايه ال رجعه للشرب ويفتكرها تاني*اتنهدت إسراء وحست لؤة زعلت
اسرء:لؤة انا حكيتلك عشان انا حاسة ان بينكو هيكون حكايه انا عارفة ان جوازكم ورقي ومعرفش السبب بس يوسف مش علي بعضه وده دليل ان فيه تغيير هيحصل قريب كمان
لؤة:انا دلوقتي يدوب الحق انضف السجاده
إسراء:اتهربي زي يوسف *وفضلت تضحك طلعت لؤة برة اوضتها وجريت لاوضتها ودخلت وقفلت الباب حست انها لو
قعدت اكتر ف المكان ده هتتخنق ي هتتجن القصر تحفة شكلا بس ال يخش يعيش جوه يكره كل لحظة قضاها فيه بيفكرها ب الحاجة الحلوة ال بتشد الواحد لحد ما يدوق منها بعدين يندم
لؤة: حاجة حلوة بس مسمومة