الحلو المسموم ♥️
الفصل:التاسع عشر
الساعة بقت سته الصبح النوم مهوبش عند يوسف محمد كان حاسس بيه بس عامل نفسه نايم طلع يوسف من اوضه الضيوف وخبط خبطه بسيطة واستني دقيقتين ودخل لقي مامتها نايمه جنبها قرب يوسف منها وقعد جنبها من الناحية
التانية وبص عليها لفترة من الزمن مش فاكر سنه ولا اكتر في حاجة ف صدره ابتدت تنبض بعد سنين وهي ميته فعلا سامع ضربات قلبه وبس قام من مكانه وطلع فتحت ام لؤة عنيها وبصت مكان ما مشي واتنهدت
ام لؤة:ربنا يقدملك ال فيه الخير ي بنتي ويحفظك ويقومك بالسلامة *مكنش يوم صعب ده كان اسبوع صعب استهلك كل طاقتهم لؤة لما بتفوق بتحضن نفسها وتزن وتعرق مامتها
تحضنها وتحن عليها وتواسيها لحد ما تنام كل ما بتفوق بيحصل نفس الكلام اسبوع علي الحال ده محمد يوم ومامتها يوم يوسف جابلها دكتور نفساني وللأسف قال إنها محتاجه
فتره ف المصحة تتعالج وضعها صعب رفضت مامتها واخوها حتي يوسف معجبتهوش الفكرة كتبله الدكتور شويه مهدئات تاخدها ف المحاليل ومشي نجوي هانم متعرفش حاجة ولا سعيد باشا محمد ومامته مش بيطلعو من الجناح نهائي الخدم
الحرس منبه يوسف عليهم محدش ينطق فيروز مسؤله عن ادويتها ومحاليلها الاء واسراء ديما بيجو يطمنو عليها يوسف جاب قفص فيه عصافير وحطه علي الكوميدينو جنبها ديما بتغرد
يوسف:انا هقضي الليله مع لؤة ارتاحوا انتو*محمد ومامته بصو لبعض واتنهدو
محمد:ولو فاقت هتعمل ايه
يوسف:لو معرفتش اتصرف هرجعلكم مشيت ام لؤة ومحمد وراحو اوضه الضيوف
محمد:ايه ي ماما شايفه ايه
ام لؤة:شايفة حب وغرور شايفة طيبه وحنان وعزه نفس وكبرياء بيحبها وانا متأكده بس ي ترا ايه هيحصل لما تفوق
*عند يوسف ولع نور خفيف ابتدت العصافير تغرد بصوت هادي قرب يوسف ونام جنبها وباصص عليها لحد ما غلبه النوم صحي علي صوت زن مداش اهميه وبعدين فتح عينه وفط
من مكانه لقاها حاضنه نفسها وبتزن وجسمها كله عرق اول ما مسكها لقي جسمها صاقع طلع جهاز الحرارة من الدرج وقاسلها الحرارة لقاها ٣٢ استغرب حضنها حاول يهديها مفيش فايده جري لاوضه الضيوف وخبط جامد قامت ام لؤة مفزوعة
ام لؤة:لؤة اكيد يوسف معرفش* يتصرف قامت تجري فتحت الباب لقته متوتر مش عارف يحكي مش فاهمة حاجة راحت لبنتها بسرعه ويوسف ومحمد وراها وشافتها علي وضعها زي ما سابها يوسف قربت عليها وحضنتها لقتها ساقعة
ام لؤة:يوسف هات لمونه بسرعة *طلع يوسف برة الاوضة وراحت المطبخ بتاع الجناح وفتح التلاجة ملقاش غير عصير لمون خده وجري للاوضه ولفهولها
يوسف:ملقتش غيره
مامتها:هات مش مشكله *خطفتها منه وفتحت العلبه ورفت راس لؤة وشربتها شويه براحة وبعدين استنت وبعدين شربتها تاني وركنت العلبه علي جنب وحضنتها وحاولت تهديها بعد خمس دقايق هديت قرب يوسف ولا إراديا حط يده علي جبينها لقي جسمها ابتدي يدفي
يوسف:ايه حصل انا مش فاهم
ام لؤة:لؤة لما بتجيها الحاله دي وسبتها علي كده من غير ما تحتويها هتدخل ف غيبوبه وده ال جسمها كان بيعمله بيستعد لكده
يوسف:بس هي عندها حساسيه من اللمون
ام لؤة:ايوه بيعملها حمي مكنش قدامنا غير كده الحمي بنسيطر عليها اما لقدر الله لو دخلت ف غيبوبه ف الحالة دي الله اعلم كانت هتفوق تاني ولا لا *ودموعها نزلت
ام لؤة:خلي فيروز تيجي تحطلها حقن للحساسية انا جبتها معايا وتحطها ف المحلول جسمها ابتدي يسخن*كانت ليله صعبه يوسف مش عارف يعمل ايه عاوزها تفوق وترجع
تتشاكل معاه وتناكفه لما نام جنبها محسش بنفسه كانت بتعاني من فتره اتلحقت الدور ده بس وبعدين فكر ف حل تاني يوم الساعة سبعة خبط علي الاوضه قامت مامتها ودخل يوسف وبصلها
يوسف:لازم نفوقها بفكر نطلعها البلكونه يمكن تستجيب للضوء
ام لؤة:ال تشوفه نقل يوسف ومحمد اريكه من أوضة الضيوف لاوضته ودخلها البلكونه وبعدين رجع شال لؤة ووداها علي الاريكه ومامتها ماسكه المحاليل قعد علي رجله جنبها وبصلها
يوسف:لؤة ي لؤة *نده كذا مرة وملس بايده علي جبينها لحد ما حس انها بتفوق
يوسف:بتفوق*قالها بفرحة قربت مامتها فعلا بتفتح عنيها وبتغمضها تاني من الضوء بعد دقيقه فتحت وبصت حوليها شافت يوسف ومامتها جنبها اتعدلت ف القعده بمساعدة يوسف ليها وابتدت تفتكر
يوسف بهلع:لا لا بصيلي هنا كل حاجة تمام مفيش حاجة غلط عملتيها انتي دافعتي عن نفسك ده حقك وده جزاته*بيكلمها وهو ماسك وشها بايده وباصص ف عنيها عارف انها لما تفتكر هترجع لحالتها هي بصاله والدموع بتنزل وابتدت تزن زي العيل الصغير
يوسف:متخافيش انا جنبك محصلش حاجة محدش هيقدر يإذيكي انا هنا *وخدها ف حضنه ومامتها واقفة بتعيط خايفة تحصلها حاجة لانها لسه بتزن بعد دقيقتين الزن قل وابتدت تبكي بحرقه سابها يوسف وبصلها
يوسف:كله تمم انتي عملتي الصح برافو عليكي انتي شجاعة *كان بيحاول يدعمها لحد ما بطلت زن خالص وحطت اديها علي وشها وقعدت تبكي قام يوسف وقربت مامتها وحضنتها وقعدوا يبكوا سوا منهم فرحانه ان بنتها فاقت وواحده كان نفسها متفوقش نهائي
خدت لؤة كذا يوم مبتحكيش مع حد ومبتردش علي حد كأنها ف عالم تاني ديما قعده ف البلكونه
يوسف:فين لؤة ي محمد
محمد:ف بلكونه اوضتك ك العاده *اتنهد يوسف وراحلها دخل البلكونه لقاها قعده علي الاريكه وباصه قدامها قرب منها يوسف وحط شال وردي علي كتفها
يوسف:الجو ساقعة *مردتش ولا بصت قعد جنبها يوسف واتنهد وبص قدامه
يوسف:إسراء حكتلك علي نوال وعلي ال كان بينا بس محكتلكيش هي كانت بالنسبالي إيه....... كانت كل حاجة
حلوة ف حياتي انا لما حبيتها حسيت اني أخدت كل الحلو ال ف الدنيا كانت أمي واختي وصحبتي وحبيبتي وكانت هتبقي ام عيالي لو كان موقفها اتغير ف اليوم ال سابتني فيه كنت هفاتحها ف موضوع الجواز واطلب اديها وقبل المقلب كنت
فاكر ان دي اسعد لحظه كنت هحتفظ بالفديو ال بصوره وهي بتعيط وببتمسك بيا رغم كل ال حصل ك ذكري سعيده لكن للقدر رأي تاني لما قعدت قدامي وشافت حالتي وفكراني اعمي كان صوتها وهي بتسأل عليا كانها بتعيط مش قادرة تتكلم لكن
تعابير وشها كانت بتقول العكس مشفتش منها غير البرود والقسوة ف الوقت ده بصتلي بقرف وقامت اتسحبت ومشيت فضلت انادي عليها بصراخ وانا قلبي بينزف مش مصدق ان دي ال حطيت حياتي علي اديها وانا مطمن دخلو اخواتي
واصحابي عليا بالبلالين والزينه والهدايا كانو مستعدين يسمعو خبر حلو كانو مستنين المقلب ده يبقي مفاجأة جميله والفديو ذكرة متتنسيش فعلا كانت متتنسيش كانت بالنسبالي مقلب خدته ف نفسي مش فيها الكل حاول يخفف عليا بس محدش كان حاسس ب ال انا حاسه وقعت وقمت وقعت وقمت سنين
وانا علي الحال ده لحد ما قمت وقويت وبقيت شخص تاني مبيحسش ومش بيرحم لحد ما عرفتك معرفش ايه حصلي بس انتي غيرتي فيا حجات كتير أولهم اني اكون إنسان يوم للحادثة ال قتلتيه ده مش بني آدم ده شيطان ف صورة
انسان بيتاجر ف اقوي انواع المخدرات والدعارة هو ووالده انتي ريحتي كتير من شره ودافعتي عن نفسك ف متحسيش بالذنب *زي ما هي مفيش رده فعل وباصه قدامها
لؤة: مين قالك اني حاسة بالذنب عليه بالعكس انا لو يرجع بيا الزمن كنت قتله من بدري بطريقة ابشع من كده*بصلها وهو قلبه بيضرب جامد ميعرفش خوف ولا شفقة ولا حب وهي زي جبل الجليد مفيش غير القسوة والبروده بتيجي منها
لؤة:الحادثه ومنظر الدم رجعني لنقطة ف الماضي صدقت ما عديت منها
يوسف:رودي *بصتله لؤة بدموع وقامت تمشي مسكها من اديها وشدها تانيه قعدت جنبه وحضنها
يوسف:كل واحد ليه جروح من الماضي لسه بتنزف والشاطر ال يعرف يداويها بنفسه
لؤة:يوسف سبني انا عاوزه اروح بيتنا
يوسف:انتي ف بيتك ي لؤة وده مكانك
لؤة:يوسف مينفعش ال بتعمله ده ابعد *سابها يوسف وبصلها بعند وغيظ ووقف قدامها وابتسم بسخرية
يوسف: مش انا رديتك عند المأذون من اسبوعين وانتي دلوقتي مراتي ونرجع بقا لنفس النقطة ال بنحاول
نعديها*بصتله لؤة بصدمه وسابته ومشيت اتنهد يوسف وبيقنع نفسه انه بيشفق عليها مش اكتر وانها صعبانه عليه عشان كده مهتم بيها عند لؤة ف اوضه الضيوف عمالة تعيط ومامتها حضناها بطبطب عليها
لؤة: هتمشي وتسبيني ي ماما خديني معاكي
مامتها:يبنتي مينفعش جوزك ردك وده حقه وبعدين بيحبك والله العظيم بيموت فيكي بس انتو دماغكو جزمه قديمه
محمد:بصراحة ي لؤة كلام ماما صح انتي مشفتهوش كان شكله ازاي الايام ال عدت مبينامش ديما بيطمن عليكي مقدرش يداري خوفه
لؤي:هو بيشفق عليا مش بيحبني بس انتو مش فاهميين *وسابتهم ودخلت المطبخ بتاع الجناح وفضلت تعيط عند مامتها
مامتها:يلا بينا ي محمد كفايه لحد كده لؤة بقت كويسه وجوزها هياخد باله منها ملناش لازمه
يوسف:رايحين فين
محمد:هنمشي ي يوسف خد بالك من لؤة دي امانه هتتحاسب عليها يوم القيامه قدام ربنا
مامتها:موصكش عليها ي يوسف دي بنتي الوحيده محلتيش غيرها حطها ف عنيك
يوسف:المكان واسع والاوض كتير متقعدوا معانا
مامتها:مينفعش احنا هنروح لبيتنا ده مكانك انت ولؤة مع السلامة*وقامت هي ومحمد وخدو حاجتهم ومشيوا اتنهد يوسف ودور عليها لقاها قاعدة ف المطبخ بتبكي قرب منها وبصلها
يوسف بعند:قومي اغسلي السجاده وامسحي الاوضه ونضفيها*بصتله بوعيد وانتقام ووقفت وجريت نحيته عشان تضربه بس بحركه من يوسف كتفها
لؤة:سيبني ده انا هوريك ايام تحلف بيها عمرك كله
يوسف بضحك:ايوه كده اخيرا رجعتي ي شوارعية*بصتله بصدمه كان بستفزها مش اكتر
الحلو المسموم♥️
الفصل:العشرون
الساعة عدت ٨ بالليل يوسف ف المكتبه بيشرب قهوته ولؤة ف الاوضة فوق بتقرا قرآن بخشوع وبكاء
عند يوسف دخلت الخدامه بعد ما خبطت وسمحلها تدخل
الخدامة:يوسف بيه في ضيوف جايين ل لؤة هانم
يوسف:مين دول متعرفيش
الخدامه: صحبتها ايمان هانم ومعاها واحد
يوسف:تمم انا طالعلها ضايفيهم انتي لحد ما ننزل
الخدامه:تحت امرك *سابته وطلعت طلع يوسف ل لؤة ف الجناح خبط ودخل لقاها بتقرا قرآن بخشوع وبتعيط قلبه
اتحرك من مكانه مش متعود يسمع قرآن ف القصر كانت بتقرا سورة الزلزلة اتحرك ناحيتها ووقف قدامها انهت قرايتها وقفلت المصحف ومسحت دموعها وبصتله وهي قاعده ف الارض
لؤة:خير عاوز تتشاكل
يوسف ب ابتسامه جذابه وهدوء:ايمان صحبتك تحت جايه تزورك ومعاها واحد
لؤة:بجد ايمان هنا*قامت مبسوطة وحطت المصحف علي الطربيزه ونزلت بالاسدال والحجاب بتاعها شافتها هي وأمير قاعدين ف الرسبشن اول ما شافوها جايه وقفو جريت لؤة عند إيمان وحضنتها بدموع
لؤة :وحشتيني ي جزمة كده تتأخري عليا كنت مستنياكي من بدري خالص
ايمان بعياط:معلش ي لؤة بابي مكنش موافق ماما اقنعته بالعافيه لانه هو وعمو سعيد فيه بينهم مشاكل بس بينه وبين يوسف مفيش حاجة
*سابتها لؤة وبصت لأمير ومدت اديها وسلمت
امير بضحك:عارفة ي لؤة قبل ما اقول عامله ايه هتحسبن فيكي ي كلبه
لؤة:ليه بس ي ميرو عملت ايه لده كله
امير:دلوقتي بقيت ميرو انا قربت اقفل شهر ف قعدتي هنا عشان اخطب ايمان وكل ما ننوي تحصلك مصيبه وإيمان تقول
لا انا لايمكن اتخطب وصحبتي واقعة ف مشكله *وقلدها بصوتها المسرسع ضحكت لؤة وضربته ايمان ف كتفه وفضلو يضحكو انضم يوسف لقعدتهم المرحة بغيظ
يوسف:ازيك ي انسة ايمان
ايمان:ازي حضرتك ي دكتور
يوسف:لا دكتور ايه ده ف الكليه ناديني يوسف اخبار الوالد والوالده ايه
ايمان:بخير الحمد لله مامي بتسلم عليك وبتوصيني تجيب لؤة بكرة وتيجو حفله خطوبتي
يوسف:ان شاء الله مش تعرفينا*وشاور علي امير ال هيفرقع
امير:ده انا نسيت نفسي اني موجود*قالها بغيظ
يوسف:معلش اصل انشغلت مع إيمان شويه اصل باباها ده راجل عسل ولا مامتها سكرة
ايمان بتوتر:ده امير خطيبي
* فضل امير ويوسف باصين لبعض إيمان ولؤة حسو ان فيه حرب هتبتدي
لؤة:صلو على النبي ي جماعة كده ي إيمان متجبيش ليه طنت احلام معاكي
إيمان:ده بابا يموتني ويموتك ويموت طنت احلام نفسها*فضلو يضحكو وقعدو يحكو لمدة خمس دقايق
لؤة:يوسف امير انا وإيمان هنختفي خمسايه ورجعين *هز يوسف وأمير رأسهم بالموافقه خدت لؤة إيمان لفوق ف الجناح ودخلتها الاوضه بتاعتها وردت الباب
ايمان:احكيلي بالتفصيل الممل كل حاجة *هزت راسها لؤة بدموع وقعدو ف البلكونه علي الاريكه وحكتلها كل ال حصل يوم الحادثة
إيمان بصدمه وعياط:كان يستحق اكتر من كده صدقيني لو مكنتيش قتلتيه كان اذي بنات وشباب كتير اووي وانتي اولهم احسن ريحتي الناس من شره وبعدين انتي كنتي بتدافعي عن نفسك انتي فعلا شجاعة انا لو مكانك مكنتش هقدر اعملها
لؤة:نفس كلام ال قالهولي يوسف
إيمان باستغراب:صحيح انتي يوسف ردك انا مصدقتش محمد طب هو بيعاملك ازاي
لؤة اتنهدت:كويس يعني بيشفق عليا بسبب ال مريت بيه مش اكتر*بصتلها إيمان بشك
ايمان:رغم ان عندي احساس بيقول غير كده بس هسيبه لما اتأكد*عرفت لؤة قصدها وحاولت تقفل علي الموضوع
لؤة:هو يوسف ممكن يخليني اروح
ايمان:وهيجي معاكي كمان هو ميقدرش يقول لبابا لا
لؤة:غريبه رغم ان فيه خلافات بين بباكي وبباه
إيمان:الخلافات شخصيه مش مرتبطه بالشغل بعيدن بابا ياما ساعد يوسف قبل كده عرفت ده كله من قريب كنت مصدومه لو اعرف من بدري مكنتش اترعبت منه ف المحاضرات*وقعدو يحكو تحت عند يوسف وأمير مستنين علي جمر يخلصو حكاوي
يوسف:انت تعرف لؤة
امير:طبعا دي اكتر وحده ليها معزه عندي اعرفها من ٣ سنين عن طريق ايمان دي حلقه الوصل بيني وبين ايمان طيبة اووي
وعسل ومرحه وعلي نياتها ياريت كل البنات زيها كده*يوسف مش عاجبه الكلام يعني شايف ان امير واخد راحته ف الكلام عليها اووي كده يبقي عارفين بعض معرفه شخصيه لاحظ امير سرحان يوسف
امير:لؤة دي زي اختي الصغيرة بنت جدعه بميت راجل هي سند ايمان ف غيابي ده جميل هشيلهولها العمر كله *اتنهد يوسف نزلت لؤة وإيمان وجم عندهم
امير ببرود:ما لسه بدري ي هانم
لؤة:جرا ايه ي امير خليك حنين علي البت ومتزعلهاش وبعدين يعني هي كانت فين ف ديسكو ما كانت متلقحة معايا فوق*قالتها وهي قالبه وشها وبتشوح فطس امير ضحك وبص ليوسف ال ف نص هدومه
امير:شوفت مبتستحملش فيها شكت الشوكه دا انا بترعب منها اكتر من عمي سيف *وموبايله رن بص وسكت ووشه اتغير
امير:ابوكي ي إيمان خدي ردي
ايمان:هو لو عاوزني كان رن عليا
امير ؛خدي بس عشان مصدع شويه*قالها بخوف الكل قعد يضحك منظره عرره
ايمان:الو ي بابي . ...لا احنا جايين ف السكه.....أصله مصدع شويه ....تمم مع السلامة *وقفلت وبصتله وبعدين قعدو يضحكو مشيت ايمان وأمير طلعت لؤة لفوق طلع يوسف وراها ف الاوضه
يوسف: بكرة اجهزي ف محاضرة
لؤة:تمم هتيجي معايا خطوبه إيمان
يوسف :لو لقيت وقت*وسابها وطلع اتنهدت لؤة عدت الليله هوا ويوسف بينام علي الاريكة جابها جديد وحطها ف الاوضة ولؤة علي السرير صحيت الصبح علي صوت كركبة فتحت عنيها لقيت يوسف لبس هدومه
يوسف: قومي عشان تلحقي المحاضرة والا هتشيلي الماده*قامت لؤة مخضوضه وبصت ف الساعة ٧ونص جريت
اتوضت وصلت ولبست هدومها كان هو مشي نزلت للسواق ووصلها نزلت من العربية والكل بصلها رجعت لؤة بالعربية والسواق بتاعها راحت الكافيه كانت تسعة الا ربع لقيت ايمان قعده وشاورتلها راحت عندها
ايمان:اتاخرتي تاني يلا نلحق نروح *سلمو على بعض وراحو عشان يحضرو المحاضرة وصلو قبليها بعشر دقايق دخلو الدكتور لسه مجاش شله هايدي متفرقين استغربت لؤة وبصت لايمان
لؤة:هايدي غايبة
ايمان:هايدي اتقبض عليها ف قضيه مخدرات واخدت ١٠ سنين سجن*لؤة اتصدمت وبرقت بعنيها وقالت بحزن
لؤة:لا حول ولا قوة الا بالله العلي العظيم ربنا يفرج عنها بالسلامة دي لسه صغيرة معتقدش انها ممكن تعمل حاجة زي كده أمتي ده حصل
ايمان:تاني يوم من حادثتك*استغربت لؤة وخافت ليكون ل هايدي علاقة بموضوع خطفها دخل يوسف و مسالش لانه ليه فترة مش بيجي شرح علي طول عدو الساعتين هوا
ومخليتش المحاضرة من نظراته للؤة طلعت لؤة وايمان من المحاضرة بعد ما خلصت لقت يوسف مستني بره اول ما شافها قرب
يوسف:لؤة هتركبي معايا دلوقتي ف مشوار هنروحه سوا
ايمان:تمم بكرة اشوفك ي لؤة مع السلامة
لؤة :سلام *مشيت لؤة ورا يوسف الكل باصصلها وركبت معاه ومشيو
لؤة :هنروح فين
يوسف:اصبري وهتعرفي*ساق بيها حوالي نص ساعة من السكوت باصه من الشباك وهو بيتلفت عليها من فتره للتانيه لحد ما وقفت العربيه
يوسف:انزلي*نزلت وهو نزل بصت لقت محل كبير كله ازاز وفيه فساتين
لؤة:جايبني هنا ليه
يوسف:مش هتحضري حفل خطوبة صحبتك النهارده لازم تكوني لابسه حاجة كد المقام عشان هتلاقي كله كده هناك
لؤة:معايا كتير هلبس منهم مش عاوزه حاجة
يوسف: مش هتجيبي مش هتروحي بسيطه*بصتله لؤة بغيظ ودخلت دخل وراها وقابلو رئيسة المكان سهير
سهير:اهلا وسهلا يوسف باشا شرفت حضرتك تحت أمرك
يوسف:حفله خطوبه صحبت الهانم محتاج فستان يكون مقفول لانها محجبة
سهير:من عنيا اتفضلو معايا *طلعو الدور التالت بصت لؤة عدد لا نهائي من الفساتين وكلها ماركات غالية قعد يوسف علي الاريكه
يوسف:يلا ابتدي جربي وال مناسب هنشتريه*خدتها سهير وجابتلها كام فستان غاليين وجربت منهم يوسف ميقتنعش
رغم ان كل الفساتين عجبتها ي اما ضيق او طويل هتقعي او قصير او مش من قيمتك اتغاظت لؤة راحت جابت فستان هادي وبسيط ومطرز ب فصوص دهبي ولونه اسود وعلي كد الجسم قاسته طلع ف قمه الأناقة
يوسف:تمم هناخد ده ابعتيه علي القصر
سهير:تحت امرك ي بيه *نزل حاسب وهو وبيدفع
لؤة:بكام من فضلك
المحاسبه: ٢٥٠٠٠
لؤة:مش عوزاه رجعه رجعه مش عوزاه
يوسف وهو باصص للمحاسبة:متنسيش تبعتيه علي القصر *وحط ايده علي دراع لؤة اليمين وهو واقف شمالها وخدها معاه بالعافيه لبرة
لؤة:مش عوزاه ده معفن معجبنيش مش هلبسه رجعه *ركبها العربيه ومشي
لؤة:يوسف الفلوس دي اولي بيها ناس محتاجة ٢٥٠٠٠ ف فستان دول يفتحو مشروع صغير لعيله بسيطه تمشي بيهم حياتهم
يوسف:اعملي حسابك انا جاي معاكي متتحركيش من غيري
لؤة:كمان جاي معايا*بصلها بعصبيه
يوسف:ليه خير كنت ناويه علي حاجة انا جوزك ي هانم انتي متجوزه مش لسه عيله بتروح مطرح ما تحب وحدها بعد كده
رجلي علي رجلك ف اي مكان تروحيه فاهمه *بصت لؤة بغيظ وربعت اديها ونفخت وبصت للشباك *أبتسم علي حركاتها الطفوليه ووصلو القصر نزلت من العربية تجري لفوق بس حد نداها
سعيد:لؤة انتي رجعتي فعلا بقا *بصت لؤة لتحت وراها ونزلت سلمت بفرحه علي سعيد
لؤة:اه رجعت وحشتني اوووي ي عمو سعيد والله القصر من غيرك ملوش حس
سعيد بضحك: ي بقاشة انتي ال غيبتك حسستنا بقيمتك انتي ملاك من السما ربنا بعته لينا وانا عارفة علي ايدك انتي كل حاجة هتتغير *ابتسمت مفهمتش حاجة ودعته وطلعت لفوق
يوسف كان بيراقب كل حاجة وهو مذهول مش دي ال كان مش بيطيقها لحق حبها كده واتعلق بيها بس مكنش مطمن طبعا جه الليل وبعد عناد منها مش عاوزه تلبس الفستان وهو
مش راضي يطلعها وإيمان ترن عليها وتستعجلها ف النهاية لبسته ولبست جزمة بكعب سوده وطرحه سوده وبندانه دهبي لامع مش باينه اوي وبوك دهبي عليه فصوص سوده ومكياج بسيط من ايد الاء وبقت حاجة تاني
الاء:ماشاءالله شكلك بقا عامل زي بنات روسيا بالظبط انا مش عارفة يوسف هيرضي يطلعك ولا لا*وفضلت تضحك خبط يوسف ودخل وقف للحظة اتنمي ان الوقت يقف اكتر من كده
الاء:يوسييييف فوق
يوسف ببلاهة :هه أمسحي ال ف وشك ده والا مفيش خروج قالها وطلع ورد الباب وراه
لؤة:شايف اخوكي لما بتجيله الفرصه يذلني بيذلني
الاء:هو بيغير عليكي مش اكتر كويس ان احنا عملنا ماسكات انا حاطة مكياج بسيط اووي يعني حتي لو شلتيه مش هيبان *مسحت لؤة المكياج وطلعت ونزلت تحت قدام باب القصر
شافها سيف وهي نازله قال ف نفسه كان عندها حق الفستان مش حلو وبعدين هي شالت المكياج اول ما قربت عليه طلع منديل وقرب منها ومسك راسها من ورا بايده وحط المنديل علي وشها وابتدي يمسح زقته لؤة بغيظ
لؤة:مسحته ي متخلف
يوسف :يا سلام اومال يعني عاوزه تقنعيني ان ده جمال رباني
لؤة:ده غصب عنك*بص يوسف ف المنديل ملقاش أثر مكياج اتنهد وخدها وركب عربيته الفخمة وراحو الحفلة نزلو سوا مسكها يوسف من اديها ودخلو القصر استقبلهم سيف واحلام خدتها احلام بالحضن
أحلام:وحشتيني ي شقية محضرالك مكرونه بشاميل من ايدي هتكلي صوابعك وراها*ضحكت لؤة بدموع
لؤة:طب خلهالي بعد الحفله هاخدها معايا
أحلام:ومتنسيش تبعتي الصنيه *وقعدو يضحكو بصت احلام ل يوسف من ورا سيف وشاورت
أحلام :ازيك ي يوسف
يوسف:بخير ي طنت احلام ازي حضرتك
أحلام:بخير طول ما انت بخير خلي بالك من لؤة ومتتعبهاش الايام دي مش هتتعوض اسأل عمك سيف *بصلها سيف وضحك
سيف:يوسف خد مراتك وسلموا علي إيمان وأمير امير قاعد علي نار مستنيكو تيجو عشان يلبسو الدبل *ضحك يوسف
ولؤة ومسك اديها ودخلو ف مكان الحفل كان ف الجنينه ال ورا القصر المعازيم مش كتير اغلبهم أصحاب ايمان والباقي قرايب العيلتين راحت لؤة ناحية إيمان وخضنتها بدموع
لؤة:الف مبروك يا قلبي عقبال الليله الكبيره واشوفك بالأبيض
إيمان: الله يبارك فيكي*كان نفسها تقلها عقبالك بس محصلش نصيب سلمت علي امير وباركتله وكذالك يوسف بعدين لبسو
الدبل ابتدت الحفلة كانت بسيطة بس مبهجة بعد ساعة روح يوسف ولؤة وغيروا هدومهم واتعشوا سوا ونامو يوم جديد صحيت لؤة بدري عشان كليتها لبست وجهزت وصلها يوسف معاه ال كل بقا مستغرب
لؤة:ورايا محاضرتين تاني هبقا اجي مواصلات
يوسف:لما اموت وفلوسي تولع ابقي تعالي مواصلات
لؤة: يامسهل *قالتها بغيظ هو ال ابتدي بيكلمها بعصبيه وهي مش عارفة سببها نزلت من العربية ومشيت وراه دخل القاعة علي طول وقعدت قدام سئل وعاقب وابتدي يشرح ف نص المحاضرة خبط واحد لفت انتباه الكل شاب جنتل ببدله شيك ابيض وعنيه خضرة وشعره النحاسي بص يوسف واتصدم
يوسف: جلال بتهرج
جلال:ازيك ي يوسف واحشني *وخده بالحضن ويوسف وشه اتغير بس أبتسم ببرود
يوسف:اخبارك ايه
جلال:تمم الحمد لله
يوسف:انت إيه جابك هنا
جلال :نقلوني غصب عني وهدي انجليزي بدل دكتور حسين عشان اتحال علي معاش مبكر عشان صحته بتراجع *قالها
بصوت مسموع البنات اتوشوشو بس هو باصص قدامه علي (لؤة)بصت هي ليوسف ال عينه بطلع شرار وباصصله بلعت ريقها وقالت ف نفسها ربنا يستر انا إيه ال خلاني اكمل تعليم يحرق التعليم وال عاوز يتعلم