رواية امراة اقتحمت قلبي
الفصل السابع
بقلم ندى محمود
كانت ريتال ومريم يجلسوا فى احد المطاعم ويتحدثو ...
ريتال : مريومة وحشانى والله
مريم بهزار : انجزى عايزة ايه
ريتال : هههههههههه .. كنت هاقولك على موضوع يخصك ويخص ادهم كمان
مريم بتعجب : ادهم !!!
ريتال : ايوه عايز يتقدملك
مريم بصدمة : ادهم اخوكى
ريتال : وانا اتصدمت زيك كده والله بس هو بيحبك 😉
مريم بخجل : بيحبنى !! .. لا قوليله مش موافقة
ريتال بغضب : هو ايه اللى مش موافقة يا فقرية انتى
مريم : ياعم انا اخوكى ادهم ده بتكسف منه لما بروح عندك ببقى خايفة اشوفك
ريتال بغمزة : ايه هى السنارة غمزت ولا ايه
مريم بغضب ممزوج بخجل : اتلمى لا طبعا انتى تعرفى لو قولتى جاسم اقولك ماشى انما ادهم لا
ريتال : لا ماهو جاسم محجوز 😅
مريم : ادهم لا
ريتال : انجزى يافقر هاقوله مواقفة
مريم بارتباك: لا لا
ريتال : على بركة الله مبروك ياحبى هاتبقى مرات اخويا
مريم بغيظ : انتى مجنونة والله عيلة مجانين
ريتال : هاقوله مواقفة خلاص
مريم بارتباك : لا والنبى ماتقوليله
ريتال : هههههههههه وربنا هبلة خلاص ياقلبى فات الاوان اعتبرى ان انا قولتله بعدين ما انتى شكلك واقعة برضوا ايه المشكلة يعنى
مريم بغيظ : انتى هاتحترمى نفسك ولا اقوم واسيبك
ريتال : هههههههههههه لا خلاص
________________________________
احمد : موضوع ايه
جاسم : انا كنت عايز نكتب الكتاب بعد اسبوعين
احمد : بس كده بدرى اوى انتو لسا مخطوبين من اسبوع
جاسم : والله انا جاتلى سفرية للندن تبع شغل وكده وقولت اعمل كتب الكتاب واخد رهف معايا
احمد : ماشى بس انا مش عارف اذا كان رهف هاتوافق ولا لا
جاسم : ان شاء الله هاتوافق حاول انت تقنعها بس ياعمى
احمد : حاضر
جاسم : انا هاستأذن بقى علشان معايا شغل وهاتأخر
احمد : مع السلامة
__________________________________
ريتال : ادهم ادهم
ادهم : ايه فى ايه يابت اتجننتى
ريتال : كلمت مريم
ادهم بلهفة : بجد وقالتلك ايه
ريتال : هى قعدت تقول فى الاول مش موافقة ومش عارف ايه بس هى موافقة
ادهم : ايوه يعنى هى موافقة ولا لا
ريتال : موافقة.
قبل رأسها بسعادة وقال : ربنا يخليكى ليا رورو
مدت يدها لها وقالت : ايدك على خمسين جنيه يلا
ادهم : خمسين جنيه مرة وحدة طاب ايه رأيك انا كنت هافسحك فسحة حلوة دلوقتى مفيش فسحة ولا خمسين
ريتال بسعادة : بجد
نظر لها بتكبر وتعال ولم يرد عليها قالت بمرح : ما خلاص بقى يادومة متبقاش رخم ده انا اختك حبيبتك
ادهم : دلوقتى دومة .. علشان خاطر ربنا بس عايزة تروحى فين ياستى 😃
ريتال : دريم بارك 😎
ادهم : نعم ياختى .. ده الدخول بس ب 150 جنية للنفر
ريتال بقرف : تصدق انت عيل نتن غور مش عايزة منك حاجة
ادهم : احسن برضوا
ريتال : طاب بص انا عندى فكرة لما تعمل الخطوبة وتخرج انت ومريم خدنى معاك
زقها بخفة وقال بقرف : طاب روحى اتكلى على الله
ريتال : اسمعنى بس 😅
ادهم : بس يابابا روحى شوفى ماما بتنادى عليكى مش ناقص انا
ريتال : استنى بس هافهمك
ادهم : ياعم غورى هو انا لسا روحت اتقدمت اصلا هاتنقى فيها يافقرية
ريتال : ههههههههههههههه ماشى يا ادهم
_________________________________
رهف : ازيك ياحج وحشنى والله
احمد : هههههههههه طاب اقعدى عايز اقولك حاجة
رهف جلست وقالت : هى ايه ؟؟!
احمد : انا عندى خبرين واحد هايفرحك والتانى مش عارف رد فعلك هايكون ازى
رهف : ابدأ بالوحش ولا اقولك بالحلو
احمد : طيب تصميمك اللى فاز
رهف بصدمة وسعادة : احلف كده ياحج قول والله
احمد بضحك : والله
ارتمت فى حضن ابيها بسعادة وقالت : ربنا يخليك ليا يا احلى اب
احمد : ايه ده كله علشان التصميم 😃
رهف : امال انت عايزنى مفرحش ياحج
احمد : هههههههههه ... اقعدى بقى علشان الموضوع التانى ده مهم وعايزك تسمعينى كويس
نظرت له بتعجب وقال : هاااا
احمد : جاسم جالى الصبح وبيقولى عايز يعمل الفرح بعد اسبوعين علشان هو مسافر لندن فى شغل وعايز ياخدك معاه وانا قولتله موافق بس قولت لما اشوف رأيك الاول
رهف بغضب : لا مش موافقة يابابا
احمد : رهف بطلى شغل العيال ده بعدين انا ومامتك كبرنا وعايزين نطمن عليكى وممكن فى اى لحظة تحصلنا حاجة محدش عارف وجاسم لو لفيتى الدنيا كلها مش هاتلاقى زيه
رهف بحزن : بعد الشر عليكم متقولش كده
احمد بابتسامة : خلاص اقوله موافقة ونعمل الفرح
صمتت لبعض الوقت كانت تأمل ان تحاول ان تتخلص منه ولا تتزوجه وكانت فرصة الخطبة هى الحل الوحيد ولكن ايضا لم تستطيع فاهو يلاحقها اينما تذهب .. تستطيعى الهروب منه والاختباء ولا تتحدثى معه وتتجنبيه يارهف ولكن لا يمكنك الهروب من قدرك ثم قالت : طيب يابابا
ابتسم بارتياح وقبل رأسها وقال : ربنا يسعدكم ياحبيبتى
______،____________________________
حسين : انت كلمت احمد ياجاسم
جاسم : اه يابابا وقالى لما يشوف رأى رهف
فاطمة : يكلمه فى ايه ؟؟!
حسين : جاسم مسافر بعد اسبوعين لندن فى شغل وكلم احمد انه يعمل الفرح قبل مايسافر وياخد رهف معاه
فاطمة بسعادة : بجد يعنى هاتعمل الفرح بعد اسبوعين
جاسم بتهكم : لسا معرفش ياماما
ادهم : ايه مش هاتبركولى انا كمان
حسين : على ايه ؟
ريتال بابتسامة عريضة : تخيلوا كده ادهم عايز يتجوز
وكان يجلس بغرور وهى تتحدث مما جلعلهم يضحكون
جاسم بضحك : ومين اللى هاترضى بيك دى بقى
ادهم بغرور: كتير ده انا البنات نمل تحت رجلى ياباشا
جاسم : ههههههههه انت هاتقول
فاطمة : مين يا ادهم
ادهم : مريم صحبة ريتال
غمز له جاسم وقال : وانا اقول برضوا كل ما البنت تاجى تبقى مش على بعضك
ادهم : ههههههههههههه خبيث انت مركز معايا
حسين : طاب والله كويس يا ادهم ربنا هداك كنا من يومين بنتكلم فى الموضوع ده وبتقول مستحيل 😅
ادهم : غيرت رأى خلاص .. امتى بقى هانروح نتقدم
جاسم : متستعجلش اوى على رزقك
ادهم : ليه بقى
جاسم : مطلعة عينى وربنا
ادهم : هههههههههههه ... ثم اكمل قائلا : هاا موافق ايه رأيك ياحج
حسين : موافق 😃
ريتال : لولولولولو هاخلص من ادهم ياجدعان
ادهم : قاعد فوق راسك انا ولا ايه يابت
فاطمة : هههههههههه يلا ونعمل فرحك مع جاسم 😍
ادهم بقرف : لا لو سمحتى مبحبش شغل الزق والتوفير ده فرحى وحدى
جاسم : ههههههههههه انت تطول يامعفن لما تعمل فرحك معايا وبعدين انا اصلا مكنتش هاوافق .. ثم قال بصوت واطى وحزن : لما اشوف رهف هاتوافق ولا لا كمان انا متأكد انها مش هاتوافق
__________________________________
مر الاسبوعين ولم يشعروا به ابطالنا وقد اخبر احمد جاسم ان رهف موافقة ليأتى ذلك اليوم الذى كان ينتظره جاسم بفارغ الصبر ........
ودخل الغرفة وعندما رأها تصلب مكانه وهو ينظر الى ذلك الملاك التى يقف على الارض كانت كا الملائكة تطل بفستانها الابيض وحجابها الذى يزيد من جمالها اقترب منها وقبل رأسها وقال برقة : ايه الملاك اللى شايفه ده ... ربنا يحفظك ليا ياروحى
ولا ول مرة تشعر بالخجل امامها وتشعر وكأنها لم تستطيع الكلام ... قال لها بابتسامة : يلا ننزل .........
انتهى الحفل وكان الجميع سعيد ما عدا رهف .... اتجها الى غرفتهم واغلف الباب... اقارب منها ليمسك وجها ابعدت يدها وقالت له بحدة : اياك تفكر انى هاخليك تقرب منى ولا تلمسنى