خرج الدكتور علي أهلها وهما مترصصين ومرعوبين عليها
الدكتور : فين جوزها ؟
مروان : انا جوزها يادكتور .. طمني عليها والنبي
الدكتور : متقلقش خالص رهف مراتك حامل 😍😍
مروان بصدمة ووشه جايب ألوان : ايه !!
الدكتور : رهف .. حامل
مروان : ل... لا لا مستحيل يادكتور حضرتك بتقول ايه !
الدكتور : هو ايه المستحيل مش انت بتقول جوزها
مروان بعد سكوت لثواني : اه .. اه جوزها
الدكتور : طيب ياجماعة انا هكتبلكم أدوية كدا هاتوها من الصيدلية واول ما تفوق تاخدهم
خرج الدكتور على برا .. قرب أبو رهف من مروان
طلع من جيبه السلاح حطه في دماغه
أبوها : لو منطقتش حالاً وقولت دا حصل امتى وازاي هفرغ الطبنجة دي في دماغك .. انطططططق عملت ايه في بنتي
مروان : والله ياحج ماعملت حاجة .. انا زيي زيكم مش فاهم اي حاجة
أبوها : ازاااااااااي يعن...
حازم أخوها جري ومسكه من ياقة القميص : الشيطان وزك وقولت مكتوب كتابي عليها يبقى اعتبرها مراتي و أعمل معاها اللي انا عايزه مش كدا 😡😡 نخرج بس من المستشفى وهما مش هيلاقوا لجثتك أثر
أمها بعياط : اهدوا ياجدعااااان اهدوا لما البت تفوق ونفهم منها هي كل حاجة
الأمن عدى من وراهم .. خبى صالح ابوها المسدس في جيبه بسرعة
صالح : صبرك عليا .. لو متدفنتش انت وهي في تربة واحدة مبقاش إسمي صالح العناني
ماجدة أمها : حد غريب بيرن عليا ، استنوا أشوف مين
ماجدة : الو ؟
........
ماجدة : ااااااايه .. بنتي مالها ؟؟؟
ياحووووستي السودا وديتوها مستشفى ااااايه
انا جاية حاااالا
صالح وحازم : في اااااايه
ماجدة : فيه حد بيقولي إن إيمان عملت حادثة ونقلوها مستشفى في مدينة نصر فاقدة وعيهااااا 😱😱😱
حازم : يانهار اسوووود ومنيل يلا بسرعة نروح
صالح بيبص لمروان : هسيبك هنا مع البت ، لو اتحركت من مكانك أو هربت هجيبك من بطن أمك .. انت فااااااهم
مروان : فاهم ياحج
خرجوا يجروا هما التلاتة
رجع مروان لورا سند على الحيطة من صدمته ... اتحرك وفتح باب الأوضة ودخل على رهف
فضل واقف باصصلها
بعد دقايق بدأت رهف تفتح عينيها اللي بتلمع من جمالها .. ورفعتها في عيون مروان
رهف : مروان .. انا فين وحصلي ايه
مروان : حمدالله على سلامتك
رهف : الله يسلمك ياحبيبي .. ايه اللي حصل
فضل مروان باصصلها لثواني وساكت تماماً
وفجأة بدون أي مقدمات وبأقوى ما عنده ضربها بالقلم
مروان : بتستغفليني يارهف ؟؟
رهف بتتوجع من القلم : انت بتمد ايدك عليا ! انت اتجنننننننت يامروان ؟؟؟!!
مروان : بعد كلللللل اللي بينا دا بتخونيني .. طب ليه ؟ عملتلك ايه ، دا انا حتى كنت بحبك بصدق
رهف : انت بتخرف بتقول ايه ؟
خونتك امتى وازاي انا !!!!
مروان : بجد والله ؟ الفيلم دا تعمليه على حد غيري
رهف : فيلم ااايه وبتاع ايه ماتفهمني تقصد اااايه
مروان : الدكتور لسة قايلنا بنفسه خبر عظيم دلوقتي .. انتي حامل يا.... مدام
بصتله رهف بصدمة .. فقدت النطق تماماً ودخلت في عالم تاني ، لا بقت شايفة مروان ولا غيره .. الحاجة الوحيدة اللي مركزة فيها "دا حصل ازاي ؟"
مروان : تعرفي يارهف جزاء الخيانة مع ناس طبعهم صعيدي زي أهلك ايه ؟
..........
جزاءه القتل ..
بس انا بقى للأسف مش هستنى لما أهلك يرجعوا عشان يقتلوكي هما
طلع المسدس من جيبه .. وجهه في دماغه رهف
مروان : اتشاهدي على نفسك يمكن الشهادة تكفرلك جزء من ذنوبك قبل ماتموتي بلحظات
❤️❤️
🔥❤️البارت التااااني ❤️🔥
مروان واقف موجه السلاح في دماغ رهف
فجأة سمع صوت من وراه
الممرضة : بتعمل ايه يااستاذ !!!!
اتلفت مروان بصلها
الممرضة : حضرتك معاك سلاح ؟!!!!
لا دي مستشفى محتر....
قاطعها ومسكها من هدومها دخلها الاوضة وقفل الباب .. لزقها في الحيطة وهو حاطط السلاح في دماغها
مروان : وعزة جلالة الله .. لو ما سكتي وحطيتي لسانك جوا بوقك لأخلي كل حتة فيكي في مكان
هتخرجي من الأوضة دي لا من شاف ولا من دري ولا كأنك شوفتي حاجة ، ودا لمصلحتك قبل مصلحتي
الممرضة بخوف : أيوة يااستاذ بس ...
مروان بصوت عالي : مفهووووووووم
الممرضة : مفهوم .. مفهوم يااستاذ خلاص
مروان بينزل سلاحه : اتفضلي اطلعي برا يلا
خرجت الممرضة جري من الأوضة .. مروان بيتلفت على رهف
رهف واقعة في الأرض مغم عليها !!
مروان : رهههههف
جري عليها شالها حطها على السرير وبدأ يفوق فيها ، يدعك في ايديها ويخبط على وشها ، يقرص مناخيرها ويرفع رجليها ... فاقدة الوعي تماماً !!
🔥🔥🔥🔥🔥🔥🔥🔥
ماجدة وصالح وحازم داخلين مستشفى تانية يجروا هما التلاتة .. شافوا ممرضة
ماجدة بتنهج : لو سمحتي ياختي أقدر أعرف غرفة إيمان صالح فين
الممرضة : إيمان صالح ؟
مش عارفه والله أصل ا....
جت ممرضة تانية من بعيد : أيوة أيوة انا عارفة تعالوا هوديكم
اخدتهم ودخلوا الغرفة
إيمان نايمة على السرير ، دماغها ملفوفة بشاش وايديها منطور عليها بلاستر ، رجليها نفس الكلام
ماجدة : حبيبتي يابنتي ماااالك ايه اللي حصل بس
إيمان بتفتح عينيها : مفيش ياماما بعدي الإشارة عربية خبطتني بس الحمدلله كلها كدمات بسيطة
صالح : كدمات بسيطة ايه بس ! اومال كل البلاستر دا بيعمل ايه يابنتي دا انتي متشلفطة
إيمان : الحمدلله علي كل حال
حازم بيبوس دماغها : ألف ألف سلامة عليكي ياختي انشاله اللي يكرهوكي ، أو اللي يستاهلوا كسر دماغهم 😒
ماجدة بتبصله : حازم مش وقته ها
إيمان بتبصله باستغراب
ماجدة : يلا ياجماعة نشوف الدكتور فين نتطمن علي حالتها
إيمان : لا لا لا انا كويسة متسألوش حد ، اهم حاجة
اختي فين ؟
كلهم ساكتين
إيمان : ماتردوا عليا ياجماعة ، رهف فييين
صالح : في المستشفى .. سيبناها مع جوزها
حازم : إسمه خطيبها يابا ، لسة مبقاش جوزها
🔥🔥🔥🔥🔥🔥🔥🔥🔥
*في المستشفي التانية*
مروان مازال قاعد قدام رهف مستنيها تفوق
❤️نتعرف برهف ❤️
بنت عندها ٢٣ سنة خريجة كلية تجارة .. محترمة جدا وأخلاقها عالية ، وشها ربنا جعل فيه البراءة اللي تجذب أي حد من أول مرة يشوفها فيها .. أهلها بيحبوها جدا بس الصعب إن أصلهم صعيدي
أخواتها حازم وإيمان .. حازم إسم على مسمى ، قد ما بيحبها مبيقبلش بالغلط حتى لو هيكون فيها دم
أما إيمان كل وظيفتها في الحياة تدافع عن أختها بأي تمن حتى لو هتتأذي مكانها
رهف مكتوب كتابها على مروان بقالهم شهرين بعد خطوبة دامت سنتين بعد قصة حب دامت ٣ سنين .. كل اللي حواليهم بيحكوا عن قصة حبهم من عمقها
*نرجع تاني للمستشفى *
بدأت رهف تفتح عينيها براحة .. شافت مروان قاعد قدامها وفي ايده السلاح اتنطرت من مكانها ... مسحت وشها
بصت لمروان تاني
رهف : غلطانين يا مروان .. أقسم بالله غلطانين ، انت ازاي تصدق حاجة زي كدا عني يامروان
دا انا رهف .. نسيت رهف ؟!
مروان قاعد باصصلها وساكت ، عيونه بتسأل مليون سؤال من غير ما يفتح بوقه
رهف بتحط ايديها على ايده : يامروان انا مش حامل صدقني
مروان بينطر ايديها من علي ايده : ايدك النجسة دي متلمسنيش تاني
رهف اتصدمت .. فضلت بصاله دقيقة متواصلة بسكوت
رهف : ومقتلتنيش ليه لما انت متأكد كدا !
كانت قدامك الفرصة دلوقتي
مروان : تقدري تقولي عقلت
رهف : عقلت ؟
مروان : اه عقلت .. مخي أشتغل فجأة واكتشفت إن انا مش هقتلك لوحدك
مش هقتلك قبل مااعرف مين اللي عملتي معاه كدا عشان اقتله هو كمان .. ومن هنا للوقت دا ، هتشوفي أسود أيام حياتك على ايدي
رهف : كنت ممكن أتوقع أي حاجة من أي حد ، بس انت بالذااااات .. كنت عمري مااتوقع منك كدا يامروان
بكرا او بعده بالكتير انا هجيب تحليل أصلي من معمل محترم يثبت إني مش حامل
وساعتها هتندم ندم عمرك على اللي بتقوله دلوقتي دا
مروان شال الترابيزة رزعها في الأرض بعزم ما عنده وهو بيقول
مروان : الدكتور قال لسان امممممه إنك حااااااامل .. اااااايه مبتفهميش
بيمسكها جامد من دراعتها : عايزة ايه تاااني عشان تصدقي .. وايه ام مصلحة الدكتور في إنه يكددددب
بتزقه بعزم ما فيها عشان تجري على برا شدها من دراعها رجعها تاني ، شالت الترابيزة رميتها في وشه .. اتخبط في دراعه اتجزع
على مااتلفت يشوفها كانت اختفت من قدامه
خرج جررري على برا يبص يمين وشمال .. اختفت تماماً !!
🔥🔥🔥🔥🔥🔥🔥🔥🔥
صالح : يلا خليكي انتي ياماجدة مع إيمان وانا هرجع انا وحازم على المستشفى نشوف هنعمل ايه في البلوى التانية
إيمان بزعر فظيع : لاااااا يابابا استنى بس خليك معايا انا محتاجاك
صالح : واختك كمان محتاجاني ياايمان .. بس احتياج عن احتياج يفرق
متقلقيش كلها ساعات وهفضالك انتي بس
ماجدة بتبرق : انت هتعمل ايه يا صالح
صالح : ملكيش فيه .. خليكي في بنتك
يلا يا حازم
حازم : يلا يابا .. استني التليفون بيرن
ايه دا ! هو ليه عين يتصل بيا ؟؟
صالح : مين ؟ مروان
حازم : اه سي زفت
صالح : طب رد شوفه عايز ايه
حازم بيفتح السكة : أيوة يامروا...
انت بتقول ااااااايه
الفون وقع من ايده من الصدمة
صالح : في ايه يابني
حازم بصدمة : هربت ياحج .. هربت
الفصل الثالث
حازم : هربت ياحج .. هربت
ماجدة : يالهوووي .. هي مين اللي هربت 😱😱
حازم : رهف ياامي
صالح بغضب رهيب : هربت !!
اومال اللللللطع اللي معاها دا بيعمل اااااايه
حازم : انا هروح علي المستشفى أشوف ايه اللي بيحصل
صالح : وانا جاي معاك
🔥🔥🔥🔥🔥🔥🔥🔥🔥
*قدام المستشفى *
مروان رايح جاي يدور يمين وشمال على رهف بجنون ومش لاقيلها أثر ... تليفونه رن رد بسرعة من غير ما يشوف مين
جاد أبو مروان : ايه يابني انت فين من الصبح
مروان : بابا !
مفيش يابابا كام حوار كدا
جاد : يابني النقاش قالب عليك الدنيا من امبارح عشان خلاص بيدي آخر وش للشقة وعايز ياخد بقيت حسابه
مروان : طيب طيب يابابا حاسبه من الفلوس اللي شايلها معاك احتياطي لحد ماارجع .. عايز حاجة ؟
جاد : ايه يابني مالك بتتكلم باستعجال كدا ليه .. كويس يامروان ؟؟
مروان : ايوووة يابابا كويس والله بس مشغول جدا ومش عارف امسك التليفون
جاد : ماشي يابني مش هشغلك اكتر من كدا لما ترجع نتكلم .. سلام
قفل مروان التليفون وكمل تدوير
🔥🔥🔥🔥🔥🔥🔥🔥🔥
ماجدة قاعدة مع إيمان بنتها
ماجدة : دماغي هتتفرتك يا إيمان .. ازاي اختك تعمل حاجة زي دي !
قلبي بيتحرق عليها .. مش هيسيبوها ولا هيرحموها انتي عارفاااااهم
إيمان : مش هيرحموا مييين ياامي دا قسما بالله اللي هيقربلها هقتله واتدفن جنبها في نفس الحفرة
ماجدة : يابنتي بتقولي اااااايه انتي عايزة توجعي قلبي عليكو انتو الاتنين 😱😱
إيمان : انتي عارفة ياامي .. كله إلا رهف
ماجدة : بس بغض النظر عن كل اللي احنا فيه .. غريبة يعني !
انتي دايما اول ما تتعبي بتعملي م الحبة قبة وتبهدلينا جنبك .. ودلوقتي رغم كل اللي حاصلك دا قاعدة تتكلمي عادي 🤔
🔥فلاش باك 🔥
إيمان واقفة بتشتغل في محل الهدوم .. تليفونها رن ، سابت الهدوم من ايديها وراحت تشوف مين
"صاحبتها الممرضة"
إيمان بترد : ياااااه عاش مين شاف رقمك على تليفونه والله 😂😂
الممرضة : مش وقته مش وقته خالص .. فيه مصيبة ياايمان
إيمان : اااايه في ايه يابنتي قلقتيني
الممرضة : اختك هنا مغم عليها وابوكي وامك واخوكي وخطيبها واقفين برا .. الدكتور بيقول إنها حامل ، وبيخلص اللي في ايده وهيخرج يبلغ أهلها
إيمان : حامل ايه يابنتي بطلي هزار بقا
الممرضة : هزار اااايه مش وقته غباء ياايمان بقولك اختك في كارثة
انتي أهلك صعبين وممكن يعملوا فيها حاجة اتصرفي بسرعة
إيمان : يانهار اسووووود ومنيل 😱😱
اعمل ايه انا في المصيبة دي
الممرضة : اطلعي على المستشفي اللي جنبك وخشي لنادين صحبتي وهي هتقولك هتعملي ايه بالظبط ، يلا اخرجي بسرعة روحي على مااكلمها
خرجت إيمان جري راحت المستشفي .. دخلت لنادين
قعدتها في غرفة لوحدها ولفت على ايديها ودماغها ووشها بلاستر ... اتصلت بأمها من رقم غريب قالتلها الخبر
🔥رجعت من الفلاش باك 🔥
ايمان : بس ياستي .. دا اللي حصل
ماجدة : نهار ابيض ياايمان انتي عارفة لو ابوكي ولا اخوكي عرفو عملتك دي هيعملوا فيكي ايه ؟؟
إيمان : يعملوا اللي يعملوه ياامي .. كان لازم أنقذ رهف بأي طريقة ، خصوصاً وإني عارفة ومتأكددددة إنها أكيد مظلومة في الحوار دا كله
ماجدة : والله يابت عندك حق .. انتي جيتي في الوقت المناسب قبل ما يدخلوا يدوها عيارين تروح فيها واروح انا وراها
إيمان : بقولك ايه صحيح ، أسماء كانت تعبانة اوى قبل ماامشي الصبح و عمالة تقولي انا حاسة إن فيه حاجات غريبة بتحصل معايا ، هي عاملة ايه دلوقتي
ماجدة : مش عارفة والله يابنتي انا اخر حاجة أعرفها إنها كانت تعبانة شوية لحد ما رهف وقعت مننا وجرينا بيها على المستشفى
إيمان : طب وحازم مكلمهاش ؟
ماجدة : حازم مين اللي هيكلمها ياايمان دا من ساعة ما عرف بحمل رهف وهو مخه مش فيه
إيمان : بغض النظر عن كلمة حمل رهف اللي ملهاش أي أساس من الصحة .. بس أسماء بردو مراته وهي كمان حامل وعلى وش ولادة وليها حق عليه ياماما
ماجدة : أيوة طبعاً ما دا شئ مفروغ منه ، هكلمه طيب اخليه يكلمها يتطمن عليها
ياترى انتي فين يابنتي ، انتي فين بس طمني قلب امك علييييكي
إيمان بتقوم : انا لازم أتحرك ياامي ، مش هسيبهم يدوروا لوحدهم على أختي وانا قاعدة هنا
🔥🔥🔥🔥🔥🔥🔥🔥🔥
*في بيت رهف *
أسماء قاعدة في الأرض بتتوجع من بطنها ،، عينيها دبلانة ووشها أصفر وشكلها غريب
مسكت الفون واتصلت بحازم
أسماء : يووووه مش وقته كنسلة يا حازم انا تعبااااانة
طب أكلم مين دلوقتي بس .. يااارب ساعدني انا حاسة إن هيحصلي حاج... ااااه يابطني
بتحاول تقوم تحرك نفسها يمكن تروق .. فجأة حست بوجع شنييييييع في بطنها ، مقدرتش تستحمل وقعت في الأرض فقدت الوعي
🔥🔥🔥🔥🔥🔥🔥🔥🔥🔥🔥
صالح وحازم وصلوا المستشفى .. طلعوا جري على فوق على غرفة رهف
مروان قاعد باصص في الأرض
حازم دخل مسك مروان من ياقة قميصه : اختي فين .. وديتها فييييين يامروان
مروان : مودتهاش في حتة ياحازم .. انا زيي زيكم بالظبط
صالح : البت دي مينفعش تعيش اكتر من كدا .. حازم اتصل بالرجالة خليهم يتحركوا ، أي حد يشوفها يقتلها ويجيبلي جثتها .. من النهاردة ملهاش عندي غير دفنها وبس
بيبص لمروان : أما انت بقا .. حسابك معايا اتقل من الموت بكتير
مروان مبرق لصالح ومصدوم
بينه وبين نفسه : انا لازم اتصرف بسرعة
حازم بيطلع الفون .. جري مروان مسك ايده
مروان : لاااااا ياحازم اوعى .. رهف مينفعش تموت
حازم : نعم ياروح امك ! عايزنا نسيبها عايشة بعد اللي عملته
مروان : اللي عملناه
حازم : نعم ؟
مروان : رهف معملتش حاجة لوحدها .. انا كمان معترف إني عملت
غلطة في وقت طيش .. انت كان عندك حق ياحازم
انا يمكن لما كتبنا الكتاب حسيت إنها بقت مراتي
حازم بيضربه بالبونية بعزم ما فيه .. بوق مروان نزف دم
قابله ببونيه تانية ووراها تالتة ، مروان بيستقبل الضرب وساكت تماماً
ولسة هيناوله البونية الرابعة صالح مسك ايده
طلع المسدس .. حطه في راس مروان للمرة التانية ، التهاون بالشرف جزاءه ايه ؟
مروان : بس انا متهاونتش بالشرف ياحج .. رهف تبقي مراتي على سنة الله ورسوله
صالح : يعني اااايه الكلام دا
مروان : يعني فكر بعقل يا حج
تفتكر المنطق دلوقتي بيقول انك تقتلها وتتفضحوا قدام الاهل والجيران وقدام الناس اللي في البلد إنها غلطت وقتلتلها ؟
صالح : اومال ايه المنطق ؟؟؟؟
مروان : المنطق إن فرحي على رهف هيبقى يوم الجمعة الجاية .. قدام كلللل الناس
رهف تبقى مراتي واللي بطنها يبقى إبني ودلوقتي انا أحق بيها من التراب ياحمايا
حازم : يعني انت معترررررف اهو ان انت اللي عملت كدا 😡
صالح بينزل السلاح وبيسرح
حازم بيبصله بزهول : انت هتوافق على الكلام الخايب دا يابا ؟؟؟
صالح : ........
حازم : حج صاااالح رد عليا .. هتوافق على المهزلة دي تحصل
صالح : اتصل بالرجالة ينشروا الخبر في كل مصر وفي البلد كمان .. فرح بنت الحج صالح العناني يوم الجمعة الجاية
حازم بيبرق
صالح بيقرب من مروان : انا محاسبتكش لحد دلوقتي على الغلط اللي عملته ، ولو لقيتلي بنتي في خلال يومين بالظبط
همحي الغلط دا كأنه محصلش
ملقتهاش بقا ؟؟
همحيك انت من على وش الأرض .. سلام ياجوز بنتي
رجع مروان قعد على السرير .. حط ايده على دماغه من الورطة اللي هو فيها
رفع دماغه تاني : ماشي يارهف .. اهربي قد ما تهربي ، بس يوم ماهترجعي هعرفك إن الله حق
هتتجوزي وتطلي بالابيض قدام كللل الناس وانتي متعرفيش إنه هيكون أول طريق السواد
*تليفونه رن *
مروان بيرد : الو
= موحشتكش ؟
مروان : مين معايا ؟
= وكمان نسيت صوتي .. اخس عليك
انا اتصلت من رقم تاني عشان اكيد لو كنت اتصلت من رقمي مش هترد عليا
مروان : دينا ؟
دينا : نعيد السؤال تاني .. موحشتكش ؟
مروان : دينا انا قولتلك ١٠٠ الف مرة مبحبش الطريقة دي انا واحد متجوز .. عايزة ايه ؟
دينا : الحق عليا يعني لقيتك بقالك يومين مبتجيش الشركة قولت اتطمن
مروان : ماشي ياستي اتطمني ، انا زي الفل
مشغول بس في تجهيزات فرحي
بعد سكوت ثواني من دينا
دينا بصدمة : فرحك !
مروان : اه فرحي .. مش واحد خاطب ومكتوب كتابه ، ايه الغريب في فرحه يعني
دينا : مفيش مكنتش متخيلة إنها بالسرعة دي بس
مروان : ماشي ياستي اديك تخيلتي وعرفتي وبإذن الله تشرفينا يوم الجمعة الجاية .. اول ما نحدد المكان اللي هنعمل فيه الفرح هبعتلك اللوكيشن ، سلام يادينا
قفل التليفون
بعد لحظات باب الغرفة اتفتح تاني ودخلت منه إيمان
رفع مروان دماغه بصلها .. اتصدم اول ما شافها وقام وقف
مروان : مش المفروض إنك عاملة حادثة !!!!
إيمان : عشان أختي عندي إستعداد أعمل اااااي حاجة يا مروان
مروان : اه دا انتو متعودين علي كدا بقا !
إيمان : متعودين علي ايه ؟
مروان : متعودين على الكدب والخداع
ماعلينا .. جاية ليه ؟
إيمان : أختي بريئة يا مروان .. أختي معملتش كدا اقسم بالله
انت ازاي مقدرتش تصدقها وانت اكتر واحد عارف أخلاقها ونضافتها ، يااخي دي بتعشق تراب رجليك
مروان : الكلام خلص ياايمان .. اختك خانتني وعملت فيا اللي مفيش راجل على وش الأرض يستحمله ، ورغم كل دا انا العشرة مهانتش عليا .. ضحيت برجولتي وكرامتي وشكلي قدام الكل عشان انقذها من الموت
بس اوعي تفتكري الحكاية كدا خلصت .. انا رحمتها من عذابهم ليها عشان أنا أحق واحد بعذابها .. انا اللي شربت الكاس دا كله لوحدي
ايمان : مروان انا طول عمري بقول عليك عاقل .. ايه اللي جرالك !!
ازاي تصدق حاجة زي كدا ازاااا...
مروان : خلااااص .. انا الشئ الوحيد اللي يهمني دلوقتي ألاقي اختك بأي طريقة وأي تمن عشان نبدأ بتجهيزات الفرح .. عن إذنك
ايمان : استني انا هنزل معاك ندور عليها
🔥🔥🔥🔥🔥🔥🔥🔥🔥
*تاني يوم الصبح *
رهف داخلة معمل تحاليل .. وقفت قدام موظفة الاستقبال
رهف : من فضلك كنت عاوزة أعمل إختبار حمل مستعجل .. نتيجته تظهر دلوقتي