رواية اغتصاب غامض
الفصل الحادي والعشرون
بقلم همس حسن
مروان جاي من ورا حاطط سلاح في راس خالد ..
تامر جاي من ورا حاطط سلاح في راس الدكتور
رهف خلاص بتتبنج .. رفعت عينيها بصت لمروان
رهف بتحاول تفتح عينيها : إبنك يامروان .. إبنك هيموت
قالت الكلمة دي وغابت عن الوعي
مروان بيبص لخالد اللي حاطط في دماغه السلاح : طول عمري كنت بدعي ربنا يجعل موت إبني قبل موتي .. وانت جاي دلوقتي بمنتهى البساطة عايز تقتله ولا من شاف ولا من دري قبل حتى مايتولد ..
بيبص لتامر : طب والله دي تبقى عيبة في حقي ياتامر
خالد بيسيب ايد رهف وبيبعد عنها : انتوا دخلتوا هنا ازاي وعرفتوا العنوان منين ؟؟؟
🔥فلاش باك 🔥
*في بيت خالد *
كريم : طب هنعمل ايه دلوقتي مفيش أي طرف خيط يوصلنا بيها
مروان : تعالوا ورايا
خرجوا وراه لقوا البواب قاعد
البواب : ايه يارجالة عايزين مين
مروان طلع مطوة من جيبه وحطها في جنبه
مروان : خالد الخواجة فين ياحج
البواب بخوف : معرفش يابني ، معرفش والله انا مليش دعوه بحاجة
مروان بيهدده إن هيدب المطوة في جنبه بجد : ااااه شكلك هتتعبنا بقا
البواب : طب استني استني بسسس وانا هقولك عاللي أعرفه والله
مروان : خالد اللي انت شغال عنده خرج من كام ساعة ومعاه بنت وياعالم كان مين تاني معاه ، راح بيها فييييين ؟؟
البواب : بص يابني والله اللي انا فاكره إنه خرج فعلا شايل بنت كدا وكانت عمالة تصوت وتصرخ حطها في العربية ، وهو بيدور العربية أتصل بواحد قاله هات الرجالة والدكتور وتعالي ع المخزن
مروان : ايوة فيييين المخزن دا يعني ؟!!!
البواب : بص والله انا اللي أعرفه للأستاذ خالد وبروح نبطشيات عليهم مخزنين ، واحد في القاهرة في بولاق وواحد في اسكندرية
تامر : تعالي معانا قولنا فين المخزن اللي هنا في اسكندرية يلااااا
*بعد نص ساعة *
وصلوا عند المخزن من برا
البواب : طيب انا كدا عملت اللي عليا سيبوني بقا الله يرضي عليكو انا راجل غلبان
كريم : سيبه يامروان خلاص مش هنحتاجه تاني
مروان : أنزل ..
بعدها نزلوا هما التلاتة وبدأوا يبصوا على المخزن من بعيد .. رجالة مترصصين في كل حتة حوالين المخزن
مروان : بصوا يارجالة .. احنا هنقسم نفسنا
انا وانت ياتامر هنروح في إتجاه الباب نضرب اللي واقفين برا .. وانت ياكريم هتيجي من ورا المخزن تأمن لو في حد ، وتخلص وتجيلنا
🔥رجع من الفلاش باك 🔥
مروان : والله ياخالد عيب تسأل سؤال زي دا .. دا انت حتى دارس برا وجوا وفاهم اللي فيها 😉
تامر بغضب : عاوز منها اااااايه ياخالد
خالد : انا مش هتكلم طول ما السلاح دا في راسي
الدكتور : طب انا مليش علاقة والله العظيم انا كنت مجبور زيي زيها ومتهدد بعيالي ، سيبوني أروح لحالي أبوس ايديكم
تامر بيبص لمروان
مروان : سيبه ياتامر ، خلينا نركز مع الراس الكبيرة
تامر نزل السلاح من على راس الدكتور وسابه يمشي .. وجه السلاح على راس خالد مع مروان
مروان : هتتكللللللم ولا أفرغ الطبنجة دي في دماغك ؟؟؟؟؟؟
تامر : ابعدددددد عنها وانت بتتكلم
خالد بيمسك سلاح كتر في الخباثة
خالد : طب مافي حل أسهل من كدا
وفجأة حط سلاح الكتر على رقبة رهف
خالد : انا اتغدى بيكو قبل ماتتعشوا بيا
مروان بيبرق : اقسسسسسسم بالله لو لمست شعره منها لاحرقك حي ياخالد ياخوااااجة
تامر : اهدى اهدى يامروان .. خالد ميعرفش يمس منها شعراية أصلا
خالد : ايه الثقة دي ؟ ودا ليه يعني هخاف منكو مثلاً .. تحب نجرب
تامر : والله عاوز تجرب جرب ، وانا كمان لو عايز اجرب هجرب ☺️
مروان بيبصله باستغراب
خالد : مش فاهم !!
تامر : تقدر تقولي أحمد أخوك مختفي فين كدا بقاله يومين ياخالد 🤔
خالد بصدمة : اخويا ؟؟
انت تقصد ايه بالكلام دا ؟!!!!!
تامر : أقصد إن أخوك معايا في الحفظ والصون ياخالد .. ونقطة الدم اللي هتسيل من رهف هسيل قصادها دم اخوك كله نقطة نقطة
خالد علامات الغضب بتظهر على وشه : انت بتخطف اخو خالد الخواجة ؟!!!!!
دا انا هوريك النجوم في عز الضهررررر
تامر : سبحان الله اللي يشوف بجاحتك وانت بتتكلم ميصدقش إن فيه سلاحين متوجهين في راسك دلوقتي
وفجأة .. النور قطع والدنيا ضلمت كحل
مروان وتامر برقوا ومبقوش شايفين اي حاجة .. ولسة هيمسكوا رهف بسرعة ، ملقوش رهف
النور رجع .. لا في رهف ، ولا في خالد
برا المخزن عند سكينة الكهربا ، واقف زياد اللي استخبي بسرعة أول ما شافهم جايين من بعيد .. هو اللي قطع النور ، وهو اللي رجعه تاني بعد ما شاف خالد شايل رهف وبيجري بيها على حسب الخطة اللي اتفقوا عليها لو حصل أي هجوم
مروان بيبرق : خدهااااااا ياتاااامر خد رهف تااااني .. ورايا بسرررررعة
خرجوا يجروا يدوروا يمين وشمال .. اختفى خالد تماماً
مروان بيحط ايده على دماغه : خطفها إبن الكلب .. هيقتل إبني اللي ملحقتش اشوفه ولا حتى المسه وياعاااالم فيها ايه هي كمان
تامر : متقلقش يامروان ، قسماً بالله لو حتى رجع بطن أمه لاجيبه واسففه تراب الاسفلت
بيبصوا بعيد .. كريم جاي حاطط ايده على دماغه اللي بتنزف
🔥فلاش باك 🔥
زياد جاي من ورا شاف كريم بيأمن المخزن ويتأكد إن مفيش رجالة تاني ، ضربوا على دماغه من ورا
وقع كريم في الأرض
🔥نرجع من الفلاش باك 🔥
كريم بيتوجع : هربوا منكو ؟؟؟
مروان : مين اللي عمل فيك كدا ياكريم ؟!!!
كريم : معرفش يامروان سيبك مني انا دلوقتي ، يلا نخرج ندور بسرررعة
مروان : يلااا
💎💎💎💎💎💎💎💎💎💎💎💎
في شاليه خشب قدام شط البحر اللي مفيهوش ولا بني آدم بما إن احنا في الشتا .. خالد داخل برهف
نيمها في الأرض على مرتبة .. قعد جنبها وبصلها
كنتي هتضيعي مني يابنت الايه ، بس انا حالف لو القيامة قامت ، مش هتكوني غير معايا وفي حضني
طلع الفون وطلب رقم واتصل
خالد : الو وحشتوني والله
مروان : انت ليك عين تتصل بيا كمان ياابن الكللللب .. مراتي فيييين
خالد : لا لا لا مش عايزين غلط بقا .. احنا دلوقتي بقينا خالصين
زي مانا صباعي تحت ضرسك عشان اخويا ، صباعك تحت ضرسي عشان مراتك
مروان : ايوووة يعني عايز ااايه ؟؟
خالد : ترجعولي أخويا .. تاخد مراتك
غير كدا متحلمش إنك تشوفها تاني حتى في أحلامك
مروان : ايه شغل الافلام العربي دا
خالد : افلام عربي افلام عربي ياسيدي
المهم أخويا يبقى عندي وإلا هتودع مراتك وابنك
مروان : وعزة جلالة الله لو مسيت شعره منها لاخلي حياتك أسود من سواد الليل
خالد : هستناك ترد عليا وتقولي ..
انتقامك لاختك اهم ، ولا مراتك
قفل مروان معاه وحط ايده على دماغه
تامر : الاتنين بنفس الأهمية يامروان .. هنلاقي مراتك ، وهناخد حق اختنا
كريم : تامر معاه حق يامروان ، مصر كلها اوضتين وصالة وهو اكيد ملحقش لسة يخرج من اسكندرية
مروان : طب يلا بلاش نضيع وقت خلونا نرجع ندور
💎💎💎💎💎💎💎💎💎💎💎💎
*في المستشفى *
ماجدة قاعدة بتعيط : لحد دلوقتي بنتك مظهرتش ياصالح .. انا قلبي واكلني عليها وهموت من الرعب
صالح : ماخلااااص بقا ياولية الواحد فيه اللي مكفيه وقاعد على أعصابي مخي يضرب أخماس في اسداس وانتي بتقلقيني زياااادة .. سيبيني أفكر هعمل ايه في البلوى السودددة دي
حازم داخل بياخد التليفون وعلبة السجاير باستعجال
صالح : رايح فين انت كمان
حازم : انا مش هافضل قاعد كده واختي ما نعرفش عنها حاجه كده كده الدكاتره بتقول اسماء مش هتفوق النهاردة هنزل اعمل حاجه مفيده لحد ما تفوق
سابهم ونزل على تحت .. إيمان طلعت الفون وحاولت تتصل بكريم ، مبيردش
💎💎💎💎💎💎💎💎💎💎💎💎
خالد في حمام الشاليه بيغسل ايده ، رهف بتفوق وبتبدأ تفتح عينيها .. اتخضت وبصت حواليها بسرعة لقت نفسها في شاليه وخالد في الحمام .. أول ما لقيته بينشف ايده وخارج غمضت عينيها بسرعة
خرج خالد قعد جنبها تاني
اتصل بزياد ..
خالد : الو .. انت فين
زياد : انا راجع القاهرة في الطريق ، فيه كام مصلحة لازم اقضيهم
خالد : انت ازاي تعمل حاجة زي دي من غير ما تقولي ! انا لسة عايزك معايا على فكرة
زياد : معلش ياريس مكانش ينفع اكنسل الحوارات اللي لازم اعملها دي
خالد : توصل القاهرة تخلص اللي وراك في ظرف ساعة زمن وترجعلي
زياد : تمام ياريس
قفل معاه التليفون .. بص لرهف
خالد بيضرب على دماغه : يالهوي دي مكالتش حاجة من الصبح ولما تفوق هتبقي جعانة
بيبص في الساعة : طيب عموما انتي مش هتفوقي دلوقتي لسة نصاية كدا .. هخرج اجيبلك حاجة تاكليها بسرعة واجي ياحبيبتي
خرج خالد على برا .. رهف قامت قعدت
وبعد دقايق قامت بسرعة من ع المرتبة ، حطت ايديها على دماغها لما حست بدوخة
رهف : لا يارهف امسكي نفسك لازم تعمليها
فتحت باب الشاليه وخرجت تجري على برا
شط طووووويل عرييييييييض مفيهوش بني آدم واحد تستغيث بيه يلحقها
💎💎💎💎💎💎💎💎💎💎💎
رجع خالد الشاليه .. داخل ملقاش رهف نايمة
كيس الأكل وقع من ايده وهو بيبرق
خالد : يانهار اسوووود ومنيل
خرج يجري على برا .. بص على مرمى بصره مبقاش شايفها
من الناحية التانية رهف حست بخالد بيدور عليها وهي ماشية ع الشط .. جريت دخلت في ماية البحر وغطست كلها عشان ميشوفهاش
خالد بينده بعلو صوته : رهههههههههف
هتروحي مني فيييييين .. هجيبك لو في بطن أمك
رههههههف .. رهههههههف
فضل ماشي ينده بأعلى صوت عنده .. وكل دا هي مستخبية وغطسانة تحت الماية
والأكسجين قرب يخلص
🔥🔥🔥🔥🔥🔥🔥
رجع خالد تاني الشاليه بسرعة ومسك تليفونه .. طلع رقم يحي عمه واتصل
خالد : أيوة ياعمي
يحي : يااااه إبن أخويا بنفسه رقمه على تليفوني
خالد : عمي انا عايزك في خدمة ضروري جداااا .. حضرتك في اسكندرية صح ؟
يحي : ايه يابني متخضنيش .. اه انا في اسكندرية
خالد : طيب دلوقتي انا فيه بت هربانة مني عايز اجيبها بأي شكل وأي طريقة المهم تبقى عندي حاااالا
يحي : مين البت دي ياخالد
خالد : مراتي .. كاتب عليها عرفي يعني
يحي : طب وانت من امتى بتدور على حريم ، ما دايما هما اللي بيجولك راكعين وانت اللي ترميهم وتديهم بالجزم بعد ما تقطع الورقتين !
خالد : البنت دي بالذات مختلفة ياعمي .. تقدر تقول كدا حامل مني يعني
ومينفعش اسيب ضنايا يتربى بعيد عني بردو ولا ايه
يحي : اه صح يابني بتعرف في الأصول ، تمام متشيلش هم ابعتلي الموقع بتاعك وفي ظرف نص ساعة بالكتير هتكون عندك
خالد : دا العشم بردو ياعمي
يحي : بس مقولتليش ياخالد .. اشمعنا الخدمة دي اللي طلبتها مني ، مانت دايما بتطلب كل حاجة من عمك فتحي
خالد : عمي فتحي من القاهرة ، وعشان كدا بطلب منه أي حاجة ليها علاقة بالقاهرة لكن اسكندرية دي لعبتك بقا ياعمي
يحي : خلاص ماشي .. اعتبرها بقت عندك
قفل معاه يحي .. بص للراجل بتاعه
يحي : فتح مخك معايا .. هتبعت ٦ رجالة
اتنين منهم هيروحوا يحاطوا الشاليه عند خالد ويعطلوه بأي طريقة ميخرجش من الشاليه .. اتنين هيروحوا يدوروا على مروان والاتنين اللي معاه ويعرفوا مكانهم ويطمنوهم .. اتنين هيدوروا على رهف ويودوها لجوزها
كل دا هيحصل في سرية تاااامة .. مفهوم ؟
الراجل بتاعه : مفهوم ياباشا
💎💎💎💎💎💎💎💎💎💎💎💎
*بعد ساعتين *
*في العناية المركزة *
أسماء بتبدأ تفوق .. فتحت عينيها وبصت حواليها ، حطت ايديها على بطنها
أسماء بتعب وصوت واطي : إبني فين
بتبص حواليها تاني تدور على اي حد جنبها ياخد باله انها فاقت .. زياد بيفتح باب غرفة العناية المركزة وداخل يتسحب
أسماء ابتسمت اول ما شافته
أسماء بتعب : زياد .. جيت في وقتك كالعادة
زياد : حمدالله على سلامتك ياحبيبتي
أسماء بتضيق عينيها باستغراب : حبيبتك !
زياد : يااااه .. متتخيليش حصل فيا ايه طول المدة اللي جالك فيها غيبوبة دي ، كنت حاسس إن قلبي هيقف أقسم بالله .. الحمدلله إن اتطمنت عليكي
أسماء : إبني فين .. وحازم فين يازياد
زياد : حازم مشغول كالعادة في كام حوار كدا
أسماء دورت وشها بزعل
بينها وبين نفسها : حتى في الحالة دي تسيبني ياحازم ! كله كوم والمرة دي هتكون كوم تاني
أسماء : وفين إبني يازياد
زياد : بخير في الحضانة وقرب يخرج
أسماء : حضااانة !! لييه ماله
زياد : اهدي اهدي إبنك زي الفل ، اول ما نزل بس حالته مكانتش مستقرة ودلوقتي بقا تمام الحمدلله
أسماء : طيب اندهلي اي حد موجود بقا
زياد : طيب انا هرن الجرس اللي جنبك دا عشان يجولك واطير انا بقا عشان محدش يشوفني ..
راجعلك تاني ها
أسماء : وانا هستناك
💎💎💎💎💎💎💎💎💎💎💎💎
مروان وتامر و كريم كل واحد فيهم بيدور في إتجاه لوحده
مروان ماشي ينده على رهف بعلو صوته على أمل إنه يلاقيها
مروان ماشي جنب شط : رههههههف
انتي فين ياحبيبتي اديني أي إشارة بس .. أي إشارة صغيرة وانا هجيبك لو
من تحت الأرض .. يارهف أبوس ايديكي ساعديني وفوقي انا مش حمل وجع قلب اكتر ، انا قلبي اتمزق
من الوجع الفترة اللي فاتت واتمزق اكتر لما عرفت الحقيقة .. مش هستحمل وجع اكتر
واقف بيدب على شجرة : يارهففففففف انتي فييييييين
بيتلفت ع البحر .. على بعد ١٠ أمتار من الشط رهف بتغرق
❤️💎 البارت 22 💎❤️
بيتلفت مروان ع البحر .. على بعد ١٠ أمتار من الشط رهف بتغرق
قلع الچاكت وجري نط في البحر .. بدأ يعوم بأسرع ما عنده عشان ينقذها
بدأت تفقد الوعي بما إن بقالها كتير كاتمة نفسها تحت الماية وكانت بتغرق .. وصلها مروان شالها بسرعة وعام بيها لحد ما وصل عند الشط حطها ع الرمل وبدأ يفوق فيها بلهفة وخوف .. يخبط على وشها ويحرك فيها
قرب منها حس إنها مبتتنفسش والأكسجين واطي جداً ، بدأ يضغط على بطنها عشان يخرج الماية .. يعملها تنفس صناعي
مازالت مغم عليها
مروان بيضغط على بطنها : لا يارهف بالله عليكي انا ما صدقت لقييييتك أبوس ايدك فوووووقي
تامر وكريم جايين من بعيد .. مجرد ما تامر شاف رهف نايمة ع الأرض ومروان جنبها بيفوقها جري عليهم وبدأ يهز في رهف جامد
تامر : رهههههف مااااالك فيها ايييييه .. مالها يامرواااان حصل ايه في غيابنا انطططططق
مروان بيبصله باستغراب !! مردش عليه ورجع تاني يفوق في رهف ويضغط على بطنها
ومع شقشقة النهار وشروق الشمس فوق البحر فتحت رهف عينيها .. خرجت ماية كتير من بوقها وبدأت تكح جامد
عدلها مروان وحضنها حضن جامد اوووووووي بلهفة وشوق فظيع
مروان بيعيط : الحمدلله يارب .. الحمدلله
كنت خايف اوووي تروحي مني بعد كل اللي عملته فيكي ، الحمدلله
بعدها تاني ومسك وشها بايديه الاتنين : سامحيني يارهف ، سامحيني انا غلطت في حقك جامد اوي
رهف بتبصله بتعب ، وشها أصفر وعينيها هزلانى وتعبانة .. مش سامعة هو بيقول ايه أصلا
تامر بيغمض عينه : الحمدلللللله
كريم : حمدالله على سلامتك يارهف خوفتينا عليكي
رهف بتعب : انا عاوزة أروح بيتي
مروان : تامر قوم معلش أمن الدنيا كدا وشوف لو حد متربص هنا ولا هنا ، وانت ياكريم جهزلنا العربية وحاول تقرب بيها على مااجيب رهف واجي
قام تامر وكريم مشيوا .. مروان قاعد على الشط وساند رهف
مروان : قلبي كان هيقف من خوفي عليكي أقسم بالله ، لو كان حصلك حاجة انا كنت هموت وراكي ، ولو كانت جت على أذية شعره منك بس كنت هحرق الدنيا باللي فيها وبردو مش هسامح نفسي
رهف : ياااه .. بقالي كتير اوي مسمعتش منك كلام حلو ، بس للأسف جيت تقول الكلام الحلو في الوقت الغلط
سندت دماغها على كتفه وراحت في النوم من التعب واليوم الطووووويل دا
شالها ومشي بيها .. لحد ما كريم وصل بالعربية ، فتح العربية وحطها وركب جنبها
مروان : تامر فين ؟
كريم : جاي من بعيد اهو
جه تامر فتح باب العربية وركب جنب مروان
تامر : بقولك ايه يامروان .. ماتيجي ناخد أحمد وهو متكتف زي ماهو كدا معانا القاهرة بما إننا هنروح نستقر هناك وياعالم هنيجي تاني امتى
مروان : لا لا انا مش مستعد أشوفه دلوقتي ، لو شوفته هقتله والحكومة هتربط الأحداث ببعض وهيكشوفنا وهنتحبس ، خليه بعيد عني الفترة دي احسن
تامر : تمام .. اطلع ياكريم
💎💎💎💎💎💎💎💎💎💎💎💎
*في الشارع *
حازم عمال يلف بصورة رهف يوريها لكل الناس على أمل حد يكون شافها
💎💎💎💎💎💎💎💎💎💎💎💎
*في المستشفي *
ماجدة وصالح وإيمان قاعدين مع أسماء في الغرفة .. إيمان واقفة ماسكة ايديها
ماجدة : حمدالله على سلامتك ياحبيبتي ، يعلم ربنا احنا كنا عاملين ازاي اليومين اللي فاتوا دول من خوفنا عليكي
صالح : حمدالله على سلامتك يابنتي
أسماء : الله يسلمكوا
ال٣ عمالين يبصولها وعايزين يقولولها إن حازم مش موجود عشان رهف ضايعة وبيدور عليها .. وفي نفس الوقت مش عاوزين يقلقوها وتتعب زيادة
أسماء طبعاً متعرفش كل الكلام دا ، الحاجة الوحيدة اللي في بالها دلوقتي "حتى في الموقف دا حازم مش موجود"
صالح : يلا قوموا نخرج بقا ونسيبها تستريح شوية
إيمان : لا لو تعبانين أخرجوا انتو وانا هقعد معاها معلش
صالح : يابنتي سيبيها ترتاح دي لسة مفاقتش كويس حتى
أسماء : اسمعي كلام بابا ياايمان متذنبيش نفسك جنبي ع الفاضي انا كدا كدا هنام خلاص
إيمان : ماشي
خرجوا هما التلاتة من الغرفة وراحوا الغرفة التانية قعدوا فيها
*بعد نص ساعة *
أسماء نايمة حست بنفس جنبها ، فتحت عينيها
زياد قاعد جنبها وباصصلها
أسماء بخضة : ايه يازياد في ايه
زياد : قولت اجي في الخباثة اتطمن عليكي 😂
أسماء : انت لسة ممشيتش كل دا !!
زياد : امشي فين ؟ قولتلك انا مش هتحرك من هنا غير وانتي في بيتك
أسماء بتبتسم : فيك الخير والله يازياد
زياد : انا آخر واحد تقوليلي الكلمة دي
أسماء : مش فاهمة
زياد : انا لو عليا هعمل اكتر من كدا بكتيييير يااسماء
أسماء : ممكن اسألك سؤال يازياد بس ترد بصراحة
زياد : اكيد ، اتفضلي
أسماء : انت بتعمل معايا كدا ليه ؟
زياد : ما بلاش السؤال دا
أسماء : معلش .. ريحني
زياد : حسيتك شبهي ، ظروفك زي ظروفي
في كل مرة ببص في عينك بحس إني شايفني .. وعشان كدا طول الوقت مش عايز اي حاجة من الدنيا غير إني أشوفك مرتاحة ومبسوطة
أسماء : وانا اكتر حاجة مفتقداها يكون ليا ضهر يازياد
زياد : أوعدك لو بقيتي معايا هتفضلي متطمنة بقيت حياتك
أسماء : وجوزي ؟
زياد : أمره سهل .. اخلعيه
أسماء بتدور وشها وبتسرح في كل حاجة عملها معاها حازم من أول جوازهم وبالذات آخر موقف
أسماء : هنعمل ايه ؟
زياد : دلوقتي أنسب وقت نتحرك فيه وانتي في المستشفي والدنيا خربانة كدا ، انا هنزل الأول وهستناكي في العربية في الجراچ ، وهقولك دلوقتي الخطوات اللي هتعمليها عشان تنزليلي في ظروف ١٠ دقايق بالظبط من غير ماحد يحس
💎💎💎💎💎💎💎💎💎💎💎💎
*في بيت جاد *
شمس رايحة جاية في الشقة متوترة وبتعيط .. نفسها تتطمن أو تفهم ايه اللي بيحصل
مسكت تليفونها وحاولت تتصل بتامر تاني .. رد عليها
تامر : أيوة ياشمس
شمس : اخيراااا رديت ، ايه طمني عملتوا ايه .. قولي انكو انقذتوها
تامر : اه ياشمس لحقيناها في اخر لحظة وراجعين بيها في الطريق
شمس بتغمض عينيها : الحمدلللللله يارب ، تمام انا قاعدة مستناكوا أهو
💎💎💎💎💎💎💎💎💎💎💎💎
*في الشاليه *
خالد قاعد هيتجنن متوتر وعمال يهز في رجله
مسك تليفونه واتصل بعمه يحي ... التليفون مغلق
خالد : !!!!!!
مغلق .. ازاي يعني ؟؟
حاول يتصل بأي حد من رجالة عمه محدش فيهم بيرد
خالد : يعني ايه الكلام دا !!
خرج بسرعة على برا .. لقى اتنين رجالة بودي جارد قاعدين على باب الشاليه
خالد : انتو مين ومين باعتكوا ؟؟
واحد فيهم : احنا رجالة يحي بيه ، جايين نحرس سعادتك
خالد : لا ياحبيبي سعادتي مش محتاج حراسة ، وسعوا بقا عشان ورايا مشوار
التاني : انا آسف يااستاذ خالد بس يحي بيه محرج علينا سعادتك متخرجش غير بإذنه
خالد : مخرجش غير بإذنه !!!
انا قلبي مش متطمن .. اتصلي يابني بعمي أما أشوف قصده ايه باللي بيحصل دا
واحد فيهم : انا آسف يافندم بس مينفعش نتصل بيه احنا ، هو لما بيحتاجنا بيتصل
خالد : اهااا .. انا كدا فهمت
طلع سلاح وضرب الاتنين طلقتين وجري
💎💎💎💎💎💎💎💎💎💎💎💎
حازم ماشي في الشارع مازال بيدور .. إيمان بتتصل بيه
حازم بيرد : أيوة ياايمان
إيمان : ايه ياحازم انت مبتردش عليا ليه كل دا
حازم : بدور على اختك ياايمان ومش فاضي أرد
إيمان : ماشي ياحازم .. عموماً انا كنت عاوزة أقولك إن مراتك فاقت الحمدلله
حازم بفرحة : ايه ؟؟؟
انتي بتتكلمي بجد 😍😍😍
إيمان : اه والله بتكلم بجد .. تعالي شوفها يلا
حازم : طيب اقفلي انا جاي حالااااا 😍😍😍😍😍😍
قفلت معاه إيمان وحطت ايديها على دماغها : ياترى انتي فين يارهف .. ارجعي بقا أبوس ايدك كفاية كدا
💎💎💎💎💎💎💎💎💎💎💎💎
*في عربية مروان *
رهف نايمة في حضن مروان وضايعة خالص ، مروان عمال يبصلها ويتأمل في ملامحها
مروان بينه وبين نفسه : انا آسف ياحبيبتي ، انا آسف والله
حط ايده على بطنها : وانت كمان سامحني ، مكانش ليك ذنب في كلللل العك اللي حصل بسببك دا
كريم : احنا خلاص قربنا نوصل اهو .. هانت الحمدلله
تامر بيبص على رهف بزعل : حاولت احميكي بكل الطرق ، حاولت احذرك وانبهك
بس انتي كنتي ابرئ بكتير من إنك تفهمي حيل ناس ولاد كلب وعارفين هما بيعملوا ايه
💎💎💎💎💎💎💎💎💎💎💎💎
حازم وصل المستشفى .. دخل يجري على غرفة أسماء
حازم بيفتح الباب وداخل : حبيبتي 😍😍
أسماء مش نايمة على السرير !!
حازم برق : أسماء !!!
دخل على الحمام فتحه وبص بردو ملقاهاش
خرج على برا : اسماااااء
جم ابوه وامه وإيمان يجروا
صالح : ايه يااابني فيه ايه
حازم : أسماء فين يابا ؟
صالح : كانت لسة هنا
إيمان : ايه ده هي راحت فين
حازم : راحت فين !!!
لا حد يفهمني ايه اللي بيحصل بقا ؟؟؟
ماجدة : يابني احنا نفسنا منعرفش ايه اللي حصل احنا كنا لسة قاعدين معاها قبل مانكلمك على طول وسيبناها تنام شوية
حازم دخل تاني الأوضة ، بص ع السرير
طرف ورقة طالع من تحت المخدة
طلع الورقة وفتحها وبدأ يقرا اللي فيها
" استنيتك كتير اوي ياحازم .. استنيتك لحد ما الصبر نفسه زهق مني
كنت بحبك حب لو تاقلته بأطنان حديد كافته اللي كانت هتطب .. بس للأسف انت دايماً مكنتش موجود ، حتى وانا في اكتر وقت محتاجاك فيه مكنتش موجود ياحازم
كنت هسيبلك ابننا تربيه انت بس بردو للأسف ضميري مكانش هينيمني
عارف ليه ياحازم ؟
عشان انت مخدتش بالك منه وهو لسة نقطة دم في بطني عشان تاخد بالك منه لما ييجي الدنيا ..
وعشان خاطر أي حاجة حلوة عملتها في حقك .. طلقني ياحازم وسيب ورقة طلاقي في أي مصلحة حكومية وانا هاخدها بطريقتي .. انا آسفة ياحبيبي "
حازم بيقرا الورقة ودموع عينيه بتسابق الكلمات المكتوبة ع الورقة .. وقعت الورقة من ايده
حط ايديه الاتنين على دماغه
إيمان مسكت الورقة تقراها
💎💎💎💎💎💎💎💎💎💎💎💎
*في عربية مروان*
كريم : خلاص اهو احنا على وصول
مروان : تمام دوس بنزين بقا عشان نخلص عاوز اوديها مستشفى ولا دكتور يطمني عليها
داس كريم بنزين جااامد وفجأة جت قدامهم عكس عربية نص نقل وفيها اتنين خافيين وشهم وماسكين أسلحة .. وورا قاعدة دينا لابسة نقاب
طلعت الفون واتصلت بحد
دينا : تمام ياباشا .. نفذت الخطة زي ماقولتلي بالظبط ، نص ساعة ورهف هتكون عندك