رواية انتقام وعشق الفصل الخامس5والسادس6بقلم اميره محمود

البارت  الخامس والسادس 

 انتقام وعشق

بقلم  اميره محمود

انا داخله انام السحلب تقل دماغي 

سليم ، لا تعالي اطلعي نامي فوق في الاوضه 

فرح ، لا عادي أنا بحب انام مع الفيران

سليم ، ياسلام اصلا مفيش فيران 

فرح ، طب تعالي اوريك

سليم ، مصدقك خلاص

فرح ، عيب علي عضلاتك دي وتخاف من حته فار

سليم ، أنا مبخفش منهم أنا بترعب

فرح ، ممكن اطلب منك طلب بدال مزاجك اتعدل

سليم ، ايه

فرح ، بس لو معترض بلاش ضرب والنبي أنا معدش فيا حته سليمه

سليم ، اخلصي

فرح ، أكلم ساره صحبتي 

سليم ، خدي الموبايل حافظه رقمها

فرح ، بجد انت متأكد 

سليم ، خلاص أما اعين الموبايل

فرح ، خلاص خلاص هاته افتح الرمز كده 

الو ايوه ياسو والله وحشتيني

ساره ، فرح انتي فين انتي كويسه

فرح ، اه الحمد لله كويسه خالص لدرجه اول ماهتشوفيني هتتجنني بجمالي وبصت علي سليم

سليم زعل من نفسه علي اللي عمله فيها

ساره ، مالك يا بنتي ومين اللي خطفوكي

فرح ، أنا كويسه والله اللي خطفني صعبت عليهم واخدت الموبايل منهم اكلمك مانا ملييش غيرك

ساره ، ربنا يخليكي ليا ياحبيبتي أنا كنت هبلغ البوليس بس بباكي كلم ماما وقالها مكلمش حد وانك في امان

فرح ،اه أنا في امان أنا هقفل بقي قبل مارئيس العصابه يضايق سلام

فرح ، شكرا اتفضل

سليم ، أنا طالع انام ياللا بينا

فرح ، اوك ياللا

طلعوا ووصالها لحد باب غرفتها

فرح ، هو انا هفضل هنا لحد امتي

سليم ، اتفقنا أنا وابوكي أنه هيتنازل الصبح واول ما المصنع يرجعلي هسيبك 

فرح ، طب هو انت هتقتلني أنا وبابا

سليم ، ههههه ربنا يسهل ياللا روحي نامي 

وسابها ودخل اوضته

،،،،،،،،،،،

صباح تاني يوم في الشركه

سليم بيه ايمن بيه بره وعايز حضرتك

سليم ، دخليه فورا

ايمن ، اخرت اللي بتعمله ده ايه

سليم ، آخرته روحك 

ايمن ، بنتي فين

سليم ، المصنع اول 

ايمن ، أنا جاهز اتنازل بس صدقني هتصعب عليه من اللي هيحصلك اوي

سليم ، متخافش أنا مأمن نفسي كويس

ايمن ، أما نشوف اتفضل دي الاوراق بتاعه المصنع 

سليم ، ايوه كده انت شاطر وانا كده احبك

ايمن ، بنتي فين

سليم ، نص ساعه بالضبط وهتكون في بيتك

ايمن ، ماشي يا سليم بس انت اللي بدأت الحرب

سليم ، الحرب دى انت اللي بدأتها وانا مش هرحمك علي اللي عملته في امي وابويا واختي

ايمن ، أما نشوف بس متزعلش

سليم ، أنا مبتهددش اتفضل اطلع بره ياللا بدل ما اجبلك الأمن

ايمن ، ليه وعلي ايه أنا ماشي

رائد دخل جرى ، ايه ياسليم

سليم ، ابن الكلب بيهددني

رائد ، متخادش في بالك المهم اتنازل

سليم ، اه الورق والمستندات اهي

رائد ، طب وبنته

سليم قلبه وجعه ، كلمهم يرجعوها قدام بيتها بس محدش يلمسها

رائد ، سليم انت واعي بتقول ايه

سليم ، بقول ايه بقول رجعوها

رائد ، ماشي ياسليم بس هتقدر

سليم ، هقدر علي ايه

رائد، انت فاهمني كويس انت صاحبي من زمان وانا فهمك اكتر من نفسك

سليم. ، رائد خلص ورجع البنت عشان مينفعش ارجع في كلامي

رائد ، ماشي ياصاحبي أنا رايحلهم يمشوها

سليم رجع بضهره علي الكرسي وشبك أيده وراه دماغه وقعد يفتكر الليله اللي سهروها سوا في الجنينه

السكرتيره دخلت ، سليم بيه سليم بيه 

سليم ،ها 

السكرتيره ، أنا همشي الساعه بقت خمسه حضرتك مش هتروح

سليم ، لا شويه وماشي روحي انتي

فضل قاعد لحد ما رائد كلمه أن فرح روحت 

،،،،،،

في الفيلا

نرمين ،. تعرف ياسليم أنا حبيتها اوي حاسه اني اعرفها من زمان بجد هفتقدها جامد بس اهي اترحمت من اللي كنت بتعمله فيها ياللا اهو المصنع رجع والحمد لله صح 

سليم قاعد سرحان ومردش

نرمين ، سليم

سليم ، ها بتكلميني

نرمين ،. لا ابدا شكلي مش لوحدي اللي هفتقدها

سليم ، أنا طالع انام

نرمين ، كمل غداك انت مأكلتش

سليم ، لا تعبان وطالع انام

سليم طلع اوضته وفضل يأنب في نفسه 

ياريتني ماكنت شوفتها اصلا

،،،،،،،،،،

فرح روحت بيتها

فرح ، شكرا يا بابي انك اتنازلت عن المصنع عشاني 

ايمن ، عارفه انتي سبب في اني خسرت ملايين مصنع الاسمنت ده انا عملت كل حاجه عشان أوصله اجيتي بغبائك ده وضيعتيه مني

فرح ، بس انا مليش ذنب

ايمن ، أنا كان ممكن اسيبك لسليم الهوارى اللي مبيرحمش اللي يجي عليه بس اتنازلت وجبتك عشان ميبقاش علم عليه فيكي

فرح ، علم عليك هو انت ده اللي فارق معاك مش فارقه اني بنتك دي معاك خالص هو انت ايه ليه بتعمل معايا كده انا عملتلك ايه

ايمن، انتي بقيتي نقطه سوده في حياتي دي الوقت اللي عايز يبتزني هيبتزني فيكي 

فرح ، عادي يا بابي أنا ممكن اسيبلك الدنيا 

ايمن ، ياريت وابقي ارتحت منك 

فرح ، طب ليه اتنازلت عن المصنع كان ممكن تسيبهم يقتلوني

ايمن ، عمرى ماخلي سليم الهوارى ينتصر عليه في حاجه

فرح ، طب ماهو انتصر واخد المصنع

ايمن ، هعرف اخده تاني بنفس الطريقة اللي اخدك بيها 

فرح ، ماخلاص يابابي مش مصنعهم ورجعلهم

ايمن ، مسمعش حسك تاني وياريت تتخفي عن وشي

فرح ، طب أنا هروح لساره صحبتي 

ايمن ، روحي أن شاالله تروحي في داهيه

فرح ، عن اذنك يابابي 

،،،،،،،،،،،

عند ساره

فرح خبطت عالباب

ساره ، مين

فرح ، أنا فرح

ساره فتحت بلهفه ، وحشتيني يابنت الايه والله كنت هموت من القلق عليكي وبعدين ايه اللوك الجامد ده قصه شعرك ومزرقه وشك ههههه

فرح ، بتضحكي يانادله ماشي

ساره ، والله ابدا يابنتي متزعليش حقك عليه

فرح ، بقولك ياسو فاكره الرقم اللي كلمتك عليه امبارح

ساره ، اه ماله

فرح ،اوعي تكوني مسحتيه عايزه أكلمه ضرورى

ساره ، حفظته علي الشريحه اهو 

فرح ، معاكي رصيد عايزه أكلمه ضرورى

ساره ، اه 

فرح ، رد يا سليم بقي ياربي أخيرا ايوه ياسليم

سليم ، مين معايا

فرح ، نسيت صوتي بسرعه

سليم ، خير في ايه مش روحتي بخير

فرح ، اممم طب بقولك خلي بالك عشان بابي عايز يخطفك عشان تتنازل عن المصنع

سليم ، طب وبتقوليلي ليه 

فرح ، تصدق أنا غلطانه يعني أنا سبت الفيلا واجيت جرى عند ساره صحبتي عشان اقولك في الاخر ده جزاتي

سليم ، هاتي عنوان صحبتك 

فرح ،ليه

سليم ، هخطفها هاتي العنوان وخلصيني

فرح اديته العنوان

،،،،،،سليم ، سلام دي الوقت

رائد ، خير ياسليم

سليم ، ايمن عايز يخطفني

رائد ، هههههه طب اخاف عليك بقي

سليم ، بقولك تعالي معايا عايزك في خدمه

رائد ، ايه

سليم ، منفسكش تتجوز هجوزك

رائد ، انت اكيد اتجننت

سليم ، بص احنا هنروح عن ساره صحبت فرح علي اساس عايز تخطبها عشان نعرف نطلع لها عشان اكيد حراسه سي زفت قعده تحت البيت

رائد ، طب وانا مالي 

سليم ، عشان خاطرى عايز اروح اشوف الكلام اللي فرح قالتله بجد واللا ايه

رائد ، يارب صبرني ياللا بينا

سليم ، ياللا بالحق ورد واللا شيكولاته

رائد، ليه

سليم ، هندخل عالناس فاضيين 

رائد ، نجيب الاتنين ياللا

سليم ، في واحد هيروح يخطب ومكشر كده

رائد ، يعني اعمل ايه 

سليم ، اضحك ياعم وانسي انك كنت ظابط مخابرات

رائد ، امشي ياسليم الله يهديك

،،،،،،،،،،

تحت بيت ساره

سليم ، كلم الحراسه تقف بعيد عشان ميتشكش فينا

رائد، تمام 

سليم ، ياللا وصلنا

الامن تحت العماره ، رايح فين انت وهو

رائد ، طالع فوق أخطب عندك مانع 

الامن، تخطب مين

رائد في سره هي كان اسمها اي

سليم ، ساره الانسه ساره

الامن ، طب اطلع ياخفيف

رائد ، مين اللي خفيف يا روح 

سليم قاطعه ، رائد اطلع الله يهديك

في الاسانسير

رائد ، بقي أنا يتقلي ياخفيف

سليم ، لو كنت مسكت فيهم كان فاتنا عند ايمن زفت بالساهل سلمنا نفسنا تسليم اهالي

رائد ، اللهم طولك ياروح

سليم ،. طب ياللا ياخفيف وصلنا هههههه

رائد ، خفيف بردك امشي بدل ما أنزل اقسم بالله

سليم ، خلاص انا خبط 

ام ساره فتحت الباب

ام ساره ، نعم

سليم ، سلام عليكم أنا سليم الهوارى وده رائد صحبي 

كنا جايين نطلب ايد الانسه ساره

ساره خارجه من الاوضه هتكلم السحلب اهو بس متناميش مني الله يسترك

ام ساره ، اهلا يابني اتفضلوا يا اهلا وسهلا

ساره بصت عليهم ودخلت جرى المطبخ اتحرجت من هدومها كانت لابسه شورت وكات وعامله قرنين

ام ساره ، عن اذنكم جايه حالا

رائد ، هي دى اختها الصغيره

سليم ، ملهاش اخوات ههههههه

رائد ، اوعي تكون

سليم ، اه هي هههههههه

رائد، انت جيبني أخطب عيله

سليم ، دي في تالته جامعه مع فرح بس عادي يعني اخده راحتها في البيت

رائد، يارب صبرني

،،،،،،،،

ام ساره ، بت ياساره جايلك عريس بره

ساره ، عريس عريس مين

ام ساره، خشي البسي حاجه عدله واخرجي نقابل الناس

ساره ،. اللي بره دول عريس

ام ساره ،. ههه ايوه ياللا البسي حاجه واخرجي نشوفهم

،،،،،،،

فرح خارجه راحه لساره اتصدمت اول ملقت سليم في وشها

فرح ، انت ايه اللي جابك هنا 

سليم ،جايين نخطب رائد لساره

فرح ، بطل جنان وقول في ايه

سليم ، اهو عندك اسأليه

فرح بصت لرائد ، حرك دماغه باه

فرح ، طب ممكن افهم ليه

سليم ، هفهمك كل حاجه أما ننزل

سليم ،اممم تعرفي فعلا السحلب ده جميل وبيدفي 

روايه انتقام وعشق 

البارت السادس

بقلم  اميره محمود

وحياه امي لاوريها ااااااااه 

سليم ، هي اللي قلتلك كل زى المفجوع وتاكل حر كمان مش كفايه معدتك الخربانه دي

رائد ، حبيت اغيظها عشان مسيبلهاش بانيه 

سليم ، انت اتجننت

رائد ، يابني طول مانا قاعد معاها عماله تغلط فيا لا وايه المقابله انتهت

سليم ، طب اسكت عشان بترن اهي الو

ام ساره ، ايه الاخبار يا بني 

سليم ، اهو قاعد في المستشفي اهو اخد مسكنات وهنمشي عالطول

ام ساره ، طيب ماشي ربنا يطمنك عليه

سليم ، يارب هي اخبار فرح ايه

أم ساره ، قاعده مبطلتش عياط من ساعه مامشيتوا بسبب انها افتكرت امها

سليم زعل من نفسه علي اللي قالهولها ، طب أنا هقفل بعد اذنك عشان الدكتور اجا حالا يكشف علي رائد تاني

ام ساره ، ماشي ياحبيبي سلام

رائد ، أنا بقيت كويس ياللا نروح 

سليم ، متاكد 

رائد ، متاكد

،،،،،،،،،،،،

تاني يوم في الشركه 

سليم ، أنا رايح لفرح البيت عند ساره تعالي معايا

رائد ، طب انت رايح ليه وبعدين أنا مالي

سليم ، أنا زعلتها امبارح ورايح اصالحها

رائد ، فوق ياسليم دي بنت الراجل اللي قال ابوك وامك فوق

سليم ، أنا هتجوزها وهحرق قلبه وهاخدها منه

رائد ، وهو هيسكت انت عارف أنه أما بيهدي يبقي بيخطط لحاجه هيعملها

سليم ، بس انا حبيتها 

رائد ، انت متاكد من اللي هتعمله

سليم ، ايوه ورايح اسألها لو وافقت هتجوزها انهارده وهحط ايمن زفت قدام الأمر الواقع

رائد ، بتفتح ابواب جهنم عليك ليه 

سليم ، بقولك بحبها افهم بقي يا اخي واللا انت عشان مراتك ماتت قلبك مات معاها مبتحسش

رائد ، أنا مبحسش يا سليم أما اقولك فوق تقولي الكلام ده 

سليم ، أنا آسف يا صاحبي بس والله قلبي واجعني و

مش بعرف انام من التفكير فيها

رائد ، طب تعالي ياللا نروح لها والله ما مضيقني غير ام لسانين اللي هشوفها يعني لازم تخدني معاك

سليم ، اه طبعا عشان الزفت الأمن اللي تحت

رائد ، طب ياللا بينا

،،،،،،،،،،

في بيت ام ساره

ساره فتحت الباب ، اهلا يا سليم بيه اتفضل

رائد ، ما في خاصيه هي رقيقه فيكي

ساره ، انت جاي ليه 

رائد ، وحشتيني قولت اجي اشوفك

ساره ، طب ادخل يا خفيف اقعد مع صاحبك في الانتريه عما انده لماما من المطبخ

رائد ، هو انتوا بتكلوا بليل ليه ده حتي غلط عالمعده

ساره ،. لا اطمن معدتنا حديد مش نايتي

رائد ، وقسما بربي أن ما حسنتي اسلوبك معايا لهكون عملك عاهه مستديمه 

ساره قطعته ،. لهتكون ايه سمعني كده تاني اصلي مسمعتش 

رائد ، ادخلي اندهي امك يا عقله الاصبع

ساره ، ماشي يا زرافه 

رائد ، ماشي اصطبري عليه وشوفي هعمل فيكي ايه

ساره ، هتعمل ايه لحسن بخاف يا ماما 

رائد ، بت اتلمي واحترمي نفسك معايا

سليم خرج ، انت مدخلتش ليه

ساره ، ادخل يا خفيف ادخل ودخلت تنده لمامتها

رائد ، سليم أنا همشي والله 

سليم ، معلش عشان خاطرى استحملها

رائد دخل ، اللهم طولك ياروح

ام ساره ، اهلا يابني نورتونا 

ساره ، دخلت لفرح

ساره ، سليم بره

فرح ، اجا ليه

ساره ، أنا أعرف ماتخرجي تشوفي في ايه

فرح ، ماشي

خرجت فرح ونست هي لبسه ايه

فرح ، عايز ايه 

سليم أنصدم ازاي تيجي بالمنظر ده قدام صاحبه كانت لبسه قميص بيتي قط لحد الركبه

سليم ، ادخلي غيري اللي انتي لبساه

فرح اتحرجت ودخلت جرى الاوضه

ام ساره ، هتلاقيها مأخدتش بالها أن صاحبك معاك

رائد ، طنط سليم عايز يكتب كتابه انهارده علي فرح وأبوها طبعا مكبر دماغه منها فعايزين نكتبه هنا عند حضرتك

ام ساره ، مينفعش لازم ابوها يبقي وكيلها 

سليم ، ابوها طردها وأما اجيت اطلب اني اتجوزها بسرعه قالي اهي عندك مليش دعوه بيها

ام ساره ، لا حول ولا قوه الا بالله العلي العظيم في أهل كده ربنا ينتقم منه بدل مايبقي حنين علي بنته

سليم ، ممكن بعد اذنك ادخل اسألها

ام ساره ، ماشي يابني

،،،،،،،،،،

فرح قاعده علي السرير وحاطه أيدها علي دماغها وباصه في الارض

سليم فتح الباب ودخل قعد جنبها

فرح ، نعم

سليم ، نعم الله عليكي المأذون فاته علي وصول جهزي نفسك

فرح ، مأذون ليه

سليم ، هيكشف عليكي

فرح ، بطل استظراف بقولك ليه

سليم ، هتجوزك هو هيجي علي أن كتب كتاب ساره ورائد عشان الأمن اللي تحت بس هيكتب كتابنا

فرح ، بس انا مش 

سليم قاطعها بقبله طويله لحد ما الباب خبط

فرح زقيته ، انت مجنون والله

سليم ، بلاش احسنلك 

فرح ، ليه وعلي ايه مين

ساره ، المأذون وصل وأحمد ابن عمك معاه

سليم ، ياللا هكتب الكتاب انهارده وبكره هخدك من الجامعه وأحط ابوكي قدام الأمر الواقع ياللا أنا خارج اجهزي ياللا مش انتي عديتي الواحد وعشرين سنه 

فرح ، أنا مش موافقه بابي مش هيسكت ممكن يقتلنا فيها

سليم وهو بيجز علي اسنانه ، وربنا أن ماجهزتي حالا لهخدك غصبا عنك الفيلا واخلي ابوكي يجي يسترجاني عشان اتجوزك

فرح ، العفريت ظهر اهو

سليم ، ياللا يافرح بسرعه هاتي الورق والحاجه

فرح ، ماشي 

،،،،،،،،

بارك الله لكما وبارك عليكما وجمع بينكما في خير

سليم ، مبروك يا حبيبتي

فرح باستغراب ، حبيبتك اول مره تقولها

سليم ، حبيبتي وروحي وقلبي واللي مجنناني من ساعه ما شفتها

احمد ، مبروك يا ابن عمي عقبال ماتوافق اني اتجوز اختك

سليم ، أما تعمل العمليه وتبقي كويسه هجوزهالك لسه الورق مجاش من بره

رائد ، تيجو نتعشي بره وبالمره نحتفل

سليم ، طب واللي تحت دول 

رائد ، هنقول اني كتبت كتابي وانتو جايين تفرحوا معايا

ام ساره ، خلاص ماشي انزلوا افرحوا وغيروا جو

فرح ، ماشي احنا جاهزين أنا و ساره ياللا بينا

ساره ، ماشي ياللا

،،،،،،،،،

نزلو من الاسانسير 

رائد مسك ايد ساره

ساره ، ايه ده

رائد ، هشش لازم كده

الامن ، فرح هانم رايحه فين

فرح ، كتب كتاب صحبتي كان انهارده ونازلين نحتفل

الامن ، معنديش أوامر انك تخرجي

فرح ، لازم اروح مع صحبتي 

الامن ، اتفضلي اطلعي عشان مش عايزين مشاكل والعرسان يخرجوا لوحدهم عادي

فرح ، أمم مفيش امل

سليم ، خلاص اطلعي وانا هطلع معاكي اجيب المحفظه عشان نسيتها وروحوا انتو افرحوا ده هو يوم

رائد ،. ماشي عن اذنكم

ساره ، لا هطلع معاهم سيب أيدي

رائد ، مينفعش لازم نركب عشان ميتشكش في أمرنا مش شايفه المسدسات اللي في ايدهم

ساره بخوف ، أنا خايفه بصراحه منظرهم مرعب

رائد ، ما طلعنا بنخاف اهو

ساره ، لا مش هيعملوا حاجه لازم اطلع ماما هتزعل مني

رائد ، اركبي بقي هنموت

ساره ، طب ومنتاخرش يعني دقيقتين ونرجع 

رائد ، ماشي ياللا الله يهديكي

ساره ركبت العربيه ، هو احنا هنروح فين

رائد ، متقلقيش خاطفك وجرى صاروخ بالعربيه

ساره ، يا مصبتي نزلي نزلني احسنلك 

رائد ، احسنلي أنا مبتهددش

ساره ، اقف والنبي قلبي هيقف اقف بقي

رائد ، وقف علي الكورنيش انزلي

ساره ، لا الدنيا برد

رائد ، طب الدنيا برد كنتي واقف بشورت وكت ازاي

ساره ، وانت مالك اصلا

رائد ، بطلي تتكلمي معايا كده عشان مزعلكش

ساره ، وريني كده هتزعلني ازاي 

رائد سابها ونزل

ساره ، والله مجنون حد ينزل في الجو ده شمت ريحه بطاطا

رائد راح قعد علي سور الكورنيش وفضل يبص للنيل وسرحان

ساره ، خد بطاطا

رائد ، مقولتليش ليه وانا اجبلك ليه تروحي تقفي وسط الناس دي

ساره ، عادي محدش يستجر يبصلي حتي احنا جامدين

رائد ابتسم ابتسامة خفيفة

ساره ، بقولك ياللا نروح عشان ماما متقلقش

رائد ، هي دي عنيكي

ساره ، لا سلفاهم

رائد ، حاسس اني خارج مع واحد صاحبي

ساره ، لخص ياللا مالها عيني

رائد ، أصلها جميله اوي ده لو لونها الطبيعي

ساره وشها احمر ولفتت وشها الناحيه التانيه

رائد ، اي ده عم فتحي بيتكسف

ساره ، تصدق انك حيوان

رائد ، ماتلمي لسانك ده

ساره ، ملموم بس في ناس قليله الذوق بتخليه يتبعتر بكلام بقيمتها

رائد ، الله يكون في عون امك أنها مستحملاكي 

ساره ، أنا ماشيه ومش هركب معاك كفايه لعب لحد كده 

رائد شدها من أيدها ، بزعييق رايحه فين خدي هنا

ساره ، ابعد ياله عن وش امي عشان مزعلكش

رائد ، تصدقي انك بالفاظك دي بتدل انك بنت شوارع 

ساره ، الشوارع دي اللي امك لقيتك فيها

رائد ضربها قلم بكل قوته فتحلها شفايفها

ساره بعدت أيده عنها وراحت توقف تاكسي

رائد شدها وركبها غصبا عنها في العربيه 

طول الطريق الدموع بتنزل من غير ما تعمل صوت 

رائد وقف ومسك منديل ومسحلها الدم اللي نازل من بقها

رائد ، أنا آسف بس انتي اللي وصلتيني لكده

ساره ، باصه قدامها ومش بترد وعنيها مبتبطلش دموع

رائد ، خلاص بقي اهدي بطلي عياط وادي خدك وراح بيسها علي خدها اللي ضربها عليه

ساره ضربته بالقلم ، حسك عينك اشوف وشك تاني واياك تلمسني تاني بجد هعورك

رائد ، مشي بالعربيه ، اتفضلي وصلنا 

ساره نزلت ومعبرتهوش ولا قالتله اطلع

الامن ، ايه لو مش عجبك أنا موجود ياقمر

ساره ، تصدق انك حيوان 

رائد نزل جرى ،في ايه

الامن ، لو عايزاني ارقعهولك علقه أنا مستعد بس عشان خاطرك يا جميل

رائد ، ترقع مين علقه يابن الجزمه ومسك الأمن عطاله علقه موت 

الامن ، طلع المسدس وضرب رائد بالنار في رجله