رواية انتقام وعشق الفصل الثالث والثلاثون33 الرابع والثلاثون34والخامس والثلاثون35 بقلم اميره محمود
ي ده يوسف عندنا ايه النور ده كله
يوسف ، حبيبتي يا خالتو دائما جابره بخاطرى
ايلا ، أنا عزمته عالمحشي بتاعك ياست الكل وبصراحه هو ماصدق واجا معايا جرى
ساره ، خلاص لو كده هعمله كل يوم عشان اشوفك يا حبيبي
ايلا ، مامي يوسف هيراجع معايا كل اللي راح منه عشان ميعدش السنه ويجيب تقدير
ساره ، خلاص تعالي كل يوم ذاكر مع ايلا ولو وقفتوا في حاجه انا موجوده معاكم
يوسف ، تسلمي يا خالتو ياقمر
ساره ، حبيبي يا چو خلص ياللا غدا انت وايلا وانا هنضف التربيزه تذاكروا عليها
ايلا ، طب هروح اغير هدومي اول
ساره ، ماشي يا حبي وانا هحط الاكل عما تخرجي
بعد خمس دقائق
ايلا خرجت بسلوبيت علي شكل ارنوب وعمله شعرها قرنين شكلها بصراحه كان قمر
يوسف ، ههههه ايه اللي انتي لبساه ده
ايلا ، ارنوب اي رايك قمر صح
يوسف ، مش قمر اوي علي فكره
ايلا كشرت وغيرت ملامح وشها ، لا أنا قمر واخلي من ست ميرا بتاعتك كمان
يوسف ، ههههه لا ميرا احلي
ايلا ، طب اوم امشي مش هتاكل من اكلنا
ساره خرجه بالاكل وسمعت كده ، عيب يا ايلا ايه اللي بتقوليه ده
ايلا ، ماشي ماشي يا يوسف
يوسف ، ماشي بيعرج
ايلا ، اييييي خفه
ساره ، بس بقي ياللا كلو عما اصحي ايلان مراحتش المدرسه انهارده أصلها تعبانه
يوسف ، تعبانه ملها
ساره ، بطنها بتوجعها
يوسف ، اممم سلامتها
ساره دخلت لايلان وايلا قعدت تاكل ويوسف قاعد يتفرج عليها
ايلا ، مش عارفه امسك الشوكه خالص يوووه
يوسف حط الشوكه في الطبق وراح يأكلها
ايلا فتحت بقها وهي سرحانه في عنين يوسف ويوسف مادد أيده وسرح في عنين ايلا
ايلا ، في ايه
يوسف ، في محشي
ايلا ، انت بتبصلي كده ليه
يوسف ، مش عارف
ايلا ، يوسف مالك بتبصلي كده ليه
يوسف ، احممم هي ايدك لسه بتوجعك
ايلا ، المكسوره بتوجع التانيه بقي مبتوجعش بس وارمه مبعرفش امسك حاجه بيها
يوسف ، اومال عملتي شعرك كده ازاي وغيرتي ازاي
ايلا ، ايلان غيرتلي وهي اللي مسرحاني
يوسف ، أنا آسف عشان أنا السبب
ايلا ، هو انت كل شويه تتاسف في ايه يابني أما أقوم انده لمامي شكلها نامت جنب ايلان
يوسف ، هتندهيلها ليه
ايلا ، عشان تيجي تاكلني أنا جعانه اوي
يوسف ، افتحي بوقك وانا هأكلك
ايلا ، لا عشان تقعد تقولي يا نونه والكلام الرخم بتاعك
يوسف ، طب افتحي بوقك يا نونه ههههه
ايلا ، اهي مامي خرجت اهي مامي تعالي اكليني والنبي أنا جعانه اوي
ايلان ، بردك عملتي محشي يا مامي نفسي اكل حاجه بحبها
ساره ، هو في حد ميحبش المحشي
ايلان ، أناااااا ومش هاكل
يوسف ، ده انا جاي مخصوص عشان المحشي ده انتي مجنونه
ايلان ، والنبي اسكت انت كمان
يوسف ، طب وربنا لماكلك المحشي امسكيها ياخالتو وانا هحطه في بقها غصبا عنها
ساره ، اشطه ياللا يا يوسف
ايلان ، خلاص والله خلاص هاتي يا مامي وانا هاكل لوحدي
ساره ، عالم مبتجييش غير بالعين الحمرا
يوسف ، ازاي هتاكل محشي وهي بطنها بتوجعها دي لازم تاكل حاجه مسلوقه أنا امي قرفاني مسلوق بسبب وجع البطن
ايلا بصت لامها وراحوا واقعين علي روحهم من الضحك
يوسف ، بتضحكوا ليه
ساره راحت علي ودن ايلان ، أقوله بنضحك علي ايه واللا هتاكلي الاكل كله والله هفضحك
ساره ، اصل
ايلان ، مامي المحشي تحفه تسلم ايدك
ساره ، كل يا حبيبي متحطش في بالك هو رائد مطلعش معاكو ليه
ايلا ، قالنا رايح يجيب حاجه ومش هيتأحر
الباب خبط
ساره راحت تفتح الباب ، ابن حلال والله
رائد كان ماسك تورتايه وفيها شمع وعليها اسم ساره حبيبت عمرى
ساره ، ايه ده
رائد ، كل سنه وانتي طيبه ياقلبي ومنوره دايما حياتي أنا والبنات ودخل حط التورتايه علي التربيزه
ايلا ، اوووف نسيت انهارده عيد ميلاد مامي
يوسف ،. كل سنه وانتي طيبه ياخالتو وراح موطي علي ودن ايلا من غير ماحد ياخد باله بحبك
ايلا وشها احمر وبصتله جامد وراحت وقفت جنب امها وأبوها وفضلت واقفه جنبهم وبصت ليوسف لقيته واقف بيبص عليها وشها احمر وراحت داخله الأوضه بتاعتها
ايلا لنفسها قدام المرايا ، اي اللي حصلي ده قلبي بيدق بسرعه حاسه ان هيحصلي حاجه ليه انا شكلي بحبه أنا كمان واللا ايه بحبه ايه ده انا بعشقه
فجأه سمعت ساره بتنده عليها
ايلا اخدت نفس جامد وخرجت ملقتش يوسف
ايلا ، نعم يا مامي
ساره ، تعالي طفي معايا الشمع يا روحي
ايلا ، ماشي يا حبيبتي هو يوسف فين
يوسف ، مين بيسأل عن يوسف كنت بغسل أيدي
ايلا ، اممم طب شكلنا مش هينفع نذاكر انهارده
ساره ، احنا هنطفي الشمع وبعدين ذاكروا يا حبيبتي
ايلا ، اوك ماشي
رائد ، كل سنه وانتي معايا وراح مطلع سلسله وملبسها لساره انتي كل حياتي كفايه اني سمعت كلمت بابا بسببك مع اني عمرى ماكنت نفسي اخلف
ساره ، أنا بعشقك بجد يا رائد انت احسن راجل في الدنيا رائد شالها وقعد يلف بيها
ايلان ، يا بابي يا جااااامد
يوسف قعد يصفر جامد
ايلا داخت ووقعت في الارض
يوسف جرى عليها ، ايلا ايلا
رائد ، في ايه ايلا مالك ايلا فوقي
ساره ، كلم الدكتور يا رائد بسرعه
،،،،،ؤؤؤؤؤ،،،،،،،،،
سيلا ، مامي أنا رايحه لوحده صحبتي اذاكر معاها
فرح ، واحده صاحبتك مين
سيلا ، ايمان حضرتك متعرفيهاش
فرح ، طب وهي متجييش تذاكر معاكي ليه
سيلا ، عادي يا مامي أنا مره وهي مره
فرح ، لا ياسيلا اطلعي وخليها هي اللي تيجي
سيلا ، بس يا مامي
فرح ، مبسش ياللا وبدل ماتروحي لصحبتك اطلعي ذاكري مع اخوكي
سيلا ، سيف بيقعد يزعقلي جامد
فرح ، عشانه ماشاء الله نبغه ده بيطلع كل سنه الاول علي الدفعه مش بيدلع زيك انتي ويوسف
سيلا ، خلاص يا مامي مش عايزه اذاكر مع حد أنا طالعه انام مش هذاكر خالص
فرح ، انتي حره دي مصلحتك وسابتها ومشت
،،،،،،ؤؤؤؤ،،،،،،،
عند ايلا
الدكتور ، هبوط في الدوره الدمويه شكلها مبتكلش أو مبتعرفش تاكل بسبب أيدها أنا هكتبلها علي فيتامينات وعايزها تاكل كويس شكلها مأكلتش حاجه من الصبح لو حصل حاجه لقدر الله كلموني عن اذنكم
رائد ، تمام يا دكتور متشكرين لحضرتك جدا مع السلامه
ايلا ، والله العظيم أنا عماله اقول جعاااانه
يوسف جاب الطبق بتاعها وراحلها جرى ، افتحي بوقك ياللا
ايلا بصت لابوها وأمها وايلان بصدمه
رائد ، لا قوم يا حنين امها هتأكلها وشده من التيشرت قومه
ايلا ضحكت بصوت عالي ، ههههه هموووت منظركم مسخره
ساره ، هات يا يوسف ااكلها
يوسف عطاها الطبق وهو محروج ، احمم أنا لازم اروح
رائد ،، لازم تاكل تورته معانا ياللا يا ايلان قطعي التورته
ايلان قطعت التورته كلهم حتت صغيره واخدت ربع التورتايه ليها لوحدها
يوسف راح لها عند ترابيزه السفره ، انتي هتاكلي كل دى
ايلان ، الله اكبر علي عينك
يوسف ،. الاكل ده بيروح فين ها ده كلك علي بعض اخرك أربعين كيلو
ايلان ، اقولك بيروح فين ومتزعلش
يوسف ، يخربيتك اخرسي خالص ده انتي مقرفه
ايلان ، ماشي ياعم الرومانسي عايز تاكل البنت قدام ابوها وامها
يوسف ، اعمل ايه ماهي صعبه عليه
ايلان ، يا حنين تصدق قشعرت
يوسف ، طب اخرسي بقي بدل ما احط وشك في التورتايه اقسم بالله
ايلان ، خلاص اتخرسنا
يوسف اكل التورته ومشي روح الفيلا وهو في الطريق افتكر أن أمه عيد ميلادها مع خالته لأنهم توأم حب يجبلها هديه ومش عارف يجيب ايه اتصل بايلا يسألها
ايلا ، الو
يوسف ، عامله ايه دي الوقت
ايلا ، تمام بقيت كويسه الحمد لله
يوسف ، الحمد لله أنا عايز منك خدمه صغيره
ايلا ، خير
يوسف ، عايز اجيب هديه لماما عشان عيد ميلادها ومش عارف اجيب ايه
ايلا ، اممم خالتو بتحب الفورير هاتلها شال فورير ابيض
يوسف ، اشمعنا ابيض الاسود يليق عالمنا سبات
ايلا ، تصدق فعلا الاسود يليق علي كله معلش سورى اصلي بحب الفورير الابيض
يوسف ، أمم ماشي مابتحبيش حاجه تانيه
ايلا مردتش
يوسف ، الو روحتي فين
ايلا ، أنا اهو ممكن تقفل عشان تعبانه وعايزه انام
يوسف ، ماشي تصبحي علي خير
ايلا ، وانت من اهله
ايلا بعد ماقفلت ، هو مقليش كلام رومانسي ليه مش قالي بحبك المفروض يقول كمان ده رخم
،،،،،يوسف جاب الفورير الاسود وراح الفيلا
فرح ، اتاخرت كده ليه يا حبيبي
يوسف ، ازيك يا تيتا
منال ، الله يسلمك يارب ياحبيبي
فرح بزعييق ،، كنت فين كل ده رد و ايه الشنطه اللي في ايدك دي
يوسف قرب منها وباس رأسها ، كل سنه وانتي طيبه يا ماما وراح عطيها الشنطه
فرح بفرحه جامده ، اااه انهارده عيد ميلادي وراحت حضناه جامد ، كل سنه وانت طيب ياحبيبي انت الوحيد اللي افتكرتني
سليم داخل وفي أيده التورتايه هو وصاحبه حجزينهم مع بعض ، لا مش لوحده وراح حاطط التورتايه علي التربيزه ومولع الشمع
فرح ، ده بجد واللا أنا بحلم أنا مش مصدقه
سليم ، لا صدقي يا حبيبتي وراح مطلع انسيال الماظ وراح ملبسهولها وباس أيدها
فرح ، الله ده تحفه بجد تسلم يا حبيبي
يوسف ، طب هو احلي واللا الهديه بتاعتي
فرح باسته في خده ، طبعا هديتك يا حبيبي عندي اغلي كفايه انك افتكرتني
يوسف ، ربنا يخليكي لينا يا ست الكل
سليم بزعل ، بس هديتي اغلي واقيم بس كده
فرح ضحكت بصوت عالي ، طبعا يا حبيبي
يوسف قعد يضحك علي أبوه وأمه وبعدين طلع نام
،،،،،،،،ؤؤؤؤؤ،،،,
تاني يوم في الجامعه
يوسف ، غمضي عينك
ايلا ، ليه
يوسف ، غمضي بس
ايلا غمضت عيونها الزرقاء التي تسحر اي رجل بجمالهم
يوسف ، خلاص فتحي
لقت يوسف حاطط الفورير الابيض علي أكتافها
يوسف ، اي رايك
ايلا ، الله جميل اوي انت جايبه لمامتك
يوسف ، لا جايبه لحبيبه قلبي
ايلا وشها احمر جامد ، ميرا
يوسف ، انتي اصلا وشك احمر عشان انتي عارفه هي مين أنا بحبك اوي
ميرا ، الله الله يا استاذ يوسف تصدق طلعت رومانسي اوي ماشي كل شويه تقول لكل واحده انك بتحبها انت نسيتني يا يوسف
يوسف ، انتي مين اصلا عشان افتكرك
ميرا ، انا حبيبتك يا يوسف ايه نسيتني نسيتني عشان دي
ايلا قامت وقفت وعنيها كلها دموع وجايه تمشي يوسف شدها من ايدها
ايلا ، اااه أيدي
يوسف ، أنا آسف يا حبيبتي مقصدش رايحه فين
ايلا ، الجامعه بتتفرج علينا يا يوسف
يوسف بص لميرا ، لو سمحتي امشي من هنا احسنلك
ميرا ، ماشي يا يوسف بكره تندم وراحت ماشيه
يوسف ، انتي بتعيطي ليه
ايلا ، انت بتلعب بيا يا يوسف صح افتكر اني بنت خالتك قبل اي حاجه
يوسف ، أنا طول عمرى بعشقك من واحنا صغيرين وميرا دي هي اللي كانت بتفرض نفسها عليه وبصراحه كنت بغيظك بيها قولت جايز دي تحرك مشاعرك تحيتي
ايلا ، أنا هروح
يوسف ، يووه ابوكي لسه مجاش هتروحي ازاي
ايلا ، اممم
يوسف ، بتحبيني يا ايلا
ايلا وشها احمر وراحت لفته وشها الناحيه التانيه
يوسف حط أيده علي وشها وخلاها تبصله
يوسف ، أنا بكلمك يعني تبصيلي
ايلا ، اممم
يوسف ، هو كل حاجه اممم
ايلا ، اممم ههههه
يوسف ، ضحكتك قمر زيك
ايلا ، شكرا
يوسف ، انتي بتحبيني واللا لا
ايلا ، الامتحانات قربت ولو نجحت وبتقدير هقولك
يوسف ، اي اللي دخل الحب للدراسه
ايلا ، عشان محبش حد يجرحك بكلمه حتي ولو كان بباك
يوسف ، خلاص هنجح وبتقدير مش عشان ببايا ولا حد عشان هموت واسمعها منك
ايلا ، شكرا عالفورير الجميل ده
يوسف ، هو بقي جميل عشان انتي حطتيه عليكي
ايلا ، بابي بيرن شكله اجا سلام
يوسف ، سلام يا حبي
،،،،،،،،ؤؤؤؤؤؤ،،،،،،،،،
بعد شهرين
ايلا ، الحمد لله نجحت وجبت جيد جدا
نور ، وانا نجحت وجبت جيد الحمد لله
يوسف راحلهم مكشر
نور ، عملت ايه
ايلا ، اوعي لا
يوسف وهو مكشر ، للاسف
ايلا نفخت بضيق ، استغفر الله العظيم يارب
يوسف ، امتياااااز والأول كمان
ايلا جرت حضنته ، مبروك ياحبيبتي
يوسف ، بجد حبيبك
ايلا اتحرجت وبعدت عن حضنه
يوسف ، ما احنا كنا ماشيين حلو
ايلا ، مبروك فات بباك مش هيصدق نفسه
يوسف ، البركه في ربنا ثم فيكي يا حبيبتي
ايلا ، الحمد لله
انتقام وعشق
بقلم اميره محمود
يوسف راح لابوه الشركه وهو طاير من الفرحه
بابا أنا نجحت وطلعت الاول عالدفعه كمان
سليم ، لا بتهزر صح
يوسف ، أنا صورتلك اهو الاول يوسف سليم الهواري
سليم ، الف مبروك ياحبيبي
يوسف ، الله يبارك فيك يارب ممكن اطلب بقا حاجه
سليم ، اؤمر طبعا ياحبيبي
يوسف ، عايز اخطب ايلا
سليم وشه كشر ، انت اتجننت عايز تخطب وانت لسه بتدرس
يوسف ، بابا بقولك هخطب مش هتجوز علي فكره
سليم ، اروح اقول لجوز خالتك والنبي يا رائد ابني عايز يخطب بنتك ابني اللي لسه بياخد مصروفه مني و النبي وافق
يوسف لف وجاي يمشي
سليم ، استني هنا أنا لسه بتكلم مخلصتش كلامي
يوسف وعنيه كلها دموع ، هو انت لسه هتقول حاجه مكفايه اوي كده
سليم زعل من نفسه اول مالقي ابنه كده
سليم ، بتحبها اوي كده
يوسف ، هيفرق مع حضرتك في أي
سليم ، طب هتخطبها منين
يوسف ، هشتغل واجيب لها اللي هي عايزاه
سليم ، لا راجل عجبتني
يوسف ، ومش هاخد من حضرتك جنيه ممكن امشي بقي
سليم ، امشي
يوسف خرج وعنيه كلها دموع والإبتسامة اللي علي وشه اختفت
السكرتيره ، اي ده ده كان جاي بيضحك وفرحان ماله ده
،،،،،،،،،ؤؤؤؤؤ،،،،،،،،،،،،
في الفيلا عند سليم وفرح
سليم قعد عالسفره يتغدي هو واولاده
سليم ، اومال فين يوسف
سيف ، فوق في اوضته مش راضي ينزل مش عارف كل أما أكلمه يزعق فيا
سليم ، اممم طيب انا هطلع اندهله
فرح ، خليك هطلع أنا
سليم ، لا خليكي أنا طالعله
ايلا دخلت من باب الفيلا تبارك ليوسف وجيباله هديه
سليم طلع خبط عالباب لأن يوسف قافل الباب بالمفتاح
يوسف ،. مش نازل اطفح امشي بقي يا سيف
سليم ، افتح يا يوسف
يوسف ، سيبني يا بابا الله يسترك
سليم بزعيييق ، قولت افتح
يوسف قام فتح الباب
يوسف ، نعم
سليم ضربه بالقلم علي وشه
سليم ، القلم ده عشان تفوق وتعرف انك بتكلم ابوك
يوسف ،. ابويا امم ابويا اللي عمره ماحسسني للحظه أنه بيحبني طول عمره شايفني عاله عليه طول عمرك بتقارني باخواتي وأنهم احسن مني وأنا فاشل وحتي الانسانه اللي وقفت معايا في دراستي وبسببها طلعت الاول عشان معدش تهيني وتشوفني كويس بردك عايز تحرمني منها أنا بحب ايلا يا بابا بحبها ومش هعيش لحظه من غيرها
سليم ، هتموت نفسك عشان بنت
يوسف ، ايلا مش اي بنت يا بابا ايلا دي روحي
كلهم طلعوا عشان سمعوا الزعييق يحاولو يهدوهم
سيلا ، ايوه ياعم مين قدك يابختك يوسف واقف في وش سليم الهوارى بجلاله قدره عشانك
ايلا بدموع ، أنا هروح
منال ، لا استني عايزاكي
ايلا ، معلش يا تيتا متحرجنيش اكتر من كده
فرح خبطت عالباب ، افتحوا في ايه
سليم فتح الباب ، انتي اللي في ايه بتكلم مع ابني داخله حاشره نفسك ليه
يوسف ، أنا ماشي يا بابا وسايبلك الدنيا كلها
يوسف خرج ولقاها في وشه
سليم ، استني يا يوسف أنا عايز اقولك حاجه
يوسف ادور وبص لابوه ، نعم يا بابا
سليم ،. أنا لو قسيت عليك شويه فده عشان تبعد عن الشله الزباله اللي فشلتك وخليتك تعيد السنه اللي فاتت أنا لو كنت بكرهك مكنتش طلبت من ايلا أنها تحاول تبعدك عنهم وتخليك بني ادم محترم واهو أنا شفت النتيجه بعيني رجعت يوسف بتاع زمان وانا ل
يوسف قاطعه وبص لايلا ، هو انتي كنتي بتعملي كده بأوامر منه مش عشاني زي ماكنت فاهم
ايلا ، والله يا يوسف انكل بيحبك جدا لو مكنش بيحبك مكنتش اتغيرت كده
يوسف ، اتغيرت أمم اتغيرت بالحب يا ايلا أنا اتغيرت عشان بحبك ليه كده ليه بعد كل ده الاقي كل حاجه في الاخر فيلم
ايلا بدموع ، أنا اسفه يا يوسف
يوسف ، اسفه اسفه علي ايه علي جرح قلبي لا شكرا اوي يا بنت خالتي
سليم ، اهدي يا يوسف وكل حاجه ليها حل
يوسف ، أمم حل الحل اني ماشي يا سليم بيه وشكرا اوي علي قد كده ونزل جرى وخرج من الفيلا
فرح ، ليييييه كده يا سليم يووووسف استني يا يووووسف
سليم اخدها في حضنه ، اهدي يا حبيبتي هيرجع تاني صدقيني
فرح ، ابعد عني وبطل تحسسني أن انت صاحب الفضل عليه انا وولادي
سليم ، أنا يافرح
فرح ، ايوه انت يا سليم وسابته وراحت اوضتها تعيط
سيلا ، أجرى ورا اخوك هاته
سيف ، ماشي ونزل جرى ورا أخوه وايلا نزلت جرى ورا يوسف
سيف ، استني يابني معدتش قادر أجرى
يوسف ، عايز ايه
سيف ، اهدي يا بني وارجع مينفعش كده
يوسف بص لقا ايلا جايه جرى ورا سيف
يوسف ، انتي جايه ليه هنا كمان
ايلا بتنهج جامد ، أنا هه انا هه اسفه والله هه
يوسف ، اسفه علي ايه بالضبط مانتي عملتي اللي ابويا طلبه منك بالضبط
ايلا ، بس في حاجه هو مطلبهاش مني بس غصبا عني أنااااا
يوسف بزعييق ، انتي ايه هنكذب تاني
ايلا ، هكدب أنا ماشيه وخد دي هديه نجاحك اهي سلام يا يوسف
سيف ، طب استني اروحك
ايلا بدموع ، لا في تاكسي اهو سلام وراحت وقفت التاكسي وركبته
سيف ، يخربيتك كسرت جبهه البنت ايه الجبروت بتاعك ده البنت شكلها بتحبك
يوسف ، أنا مش عارف اعمل ايه
سيف ، تعالي نرجع الفيلا بابا والله عمل كده لمصلحتك مش عايزك تدمر عايزك تبقي ناجح واحسن واحد في الدنيا
سليم اتصل بيوسف
يوسف ، ده بيتصل
سيف ، طب ماترد
يوسف ، ايوه يا بابا
سليم ، أنا آسف يا بني
يوسف ، أنا اللي آسف يا بابا
سليم ، طب ارجع للفيلا
يوسف ، حاضر يا بابا أنا راجع مع سيف اهو
سليم ، ماشي يا حبيبي سلام
،،،،،،ؤؤؤؤؤؤ،،،،،،،،،،،،
ايلا روحت البيت وهي معيطه ومنهاره خبطت عالباب
ساره ، فتحت الباب ، في ايه مالك
ايلا دخلت جرى علي اوضتها وقفلت الباب بالمفتاح
ساره قعدت تخبط جامد ، مالك يا بنتي افتحي
منال اتصلت بساره
منال ، ايوه يا ساره اخبارك
ساره ، الحمد لله يا ماما ايلا بنتي داخله بتعيط ودخلت اوضتها وقفلت الباب عليها
منال ، مفيش اتخانقت أنا وهي بسبب مسلمتش عليه فزعلت ومشت مع اني كنت بهزر معاها
ساره ، بجد يا ماما اصل أنا قلقت اوي
منال ، متقلقيش أنا هاجيلها بليل اصالحها
ساره ، ماشي يا حبيبتي تنورى
،،،،،،رؤؤؤؤؤؤ،،،،،،،،،،،
بعد تلت ساعات
ساره ، البنت مخرجتش بره الاوضه انهارده ومتغدتش
رائد ، ليه مالها
ساره ، متخانقه هي وماما
رائد ، متخانقين ليه وشافت مامتك فين
ساره ، راحت لخالتها الفيلا ومسلمتش علي ماما راحت ماما مشكلاها
الباب خبط
ساره ، شكلها ماما اجت عشان تصالحها وقامت تفتح الباب
،،،،،،ؤؤؤؤؤ،،،،،،
عند يوسف
يوسف روح وطلع اوضته وفتح الهديه بتاعه ايلا لقا ساعه ومعاها كارت مكتوب فيه
يوسف مبروك يا حبيبي علي فكره انكل هو اللي قاللي اقف معاك عشان تعدي السنه دي وتبعد عن الشله البايظه اللي كنت ماشي معاها بس اللي حصلي
بقي اني حبيتك لا عشقتك أنا بكتبلك الكلام ده من قلبي بس عارفه ومتأكده اني مش هعرف أقولهولك عشان بأحرج بس بجد انت اجمل حاجه حصلت لي في حياتي
يوسف مشي أيده علي شعره ونفخ وفضل رايح جاي في الاوضه لحد مامسك الموبايل ورن عليها اتصل اكتر من عشر مرات مبتردش
راح بعتلها رساله
أنا آسف والله عن اللي حصل مني
استني ربع ساعه مردتش راح باعت واحده تانيه
خلاص بقي خلي قلبك كبير
برده مردتش راح متصل بايلان
ايلان بدموع ، ايوه يا يوسف
يوسف ، في ايه بتعيطي ليه
ايلان ، ايلا انتحرت
يوسف ، انتي بتقولي ايه
ايلان ، ادعيلها يا يوسف