روايةغرام أحفاد الشيطان الفصل السادس
بقلم سماء احمد
ومر اليوم وجاء يوم جديد
كانت ترفع شعرها الاسود الطويل في هيئة ذيل حصان وترتدي سلوبت سوداء عبارة عن شورت قبل الركبه واسفلها بلوزة كت سوداء وحذاء رياضي اسود وارتدت شئ خاص بحمل مسدسها
أمل : الله الله يا انسه ايه ده راحة فين
روح : هحل اخر لغز في القضيه وهروح ع البحر اقضي اليوم
أمل : دا منظر لبس
روح بلامباله : انا حرة سلام
وقبلت وجنتها ببرود وذهبت متجهة لشركته في سيارتها ووصلت بعد وقت ونزلت لتتجه الانظار لها ومشت بثقة
لامتناهيه وسط الموظفين ولم تري ذلك الذي رأها وود لو يفتك بها لكنها لمحت بعض الموظفين يجلسوا سويا من ضمنهم جيدان ويشاهدوا فيلم فوقفت تنظر للفيلم وهي تكور يدها بقوة فرأتها جيدان واتجهت لها
جيدان بفرحة : روح
بينما تلك تتابع الفيلم وتنفسها يعلي
جيدان : فاكرة دا فيلم اصحاب ولا بيزنس كنتي بتكرهيه اوي بس كنت دايما اجبرك تسمعيه ودايما تقولي دا فيلم اوفر وانا كنت اعيط
روح : اسمه جهاد مش كدة
جيدان : ايوة
روح : وهو شبه جهاد وعنده ضحكة جهاد
رأت في الفيلم نظرة توديع البطل للأبطال فاستدارت واغمضت عيناها تتذكر كيف نظر لها هي ونايا
روح بنفس طويل : فين أسعد بيه او أوس
أوس من خلفها : انا هنا
حين سمع الموظفين صوته تفرقوا بلمح البصر وتركوا مكتب جيدان فضحكت جيدان
روح : جايه اقولك ان تم القبض علي المجرم وكان موظف من الشركة بس دا تبع واحد تاني تبع شركة منافسه واسمه ياسر المهدي تمام وكدة شغلي انتهي
أوس : جاية عشان كدة
روح : وكمان خد بالك لأن القريب غدار
واستدارت فتحدثت جيدان : هتمشي الوقتي
روح بسخريه : لا هقعد
أوس : روح قدامك اسبوع وتختاري اما تنفذي اللي انا عايزة او.....
روح : هختار او
أوس ببرود : انتي اللي جبتيه لنفسك استقبلي اسود ايام عمرك
روح بصراخ : كل الموظفين برررة
اشار لهم أوس ان يذهبوا فذهبوا وتركوهم مع جيدان واقتربت روح منه بهدوء
روح : مفكر انك تأثر فيا تؤ امثالك امثالك يا أوس ميهزوش فيا شعرة دا انا روح
أوس بثقه : هكسرك
روح : كنت اتكسرت بموت روحي انا الوقتي صخر يا أوس الغيبوبه رحمتك اوي بس قتلتني عارف وهقولهالك بثقة موتك وموت جيدان وأحمد سوا ميهزنيش عارف ليه...... لأن روح الحقيقية ماتت دا مجرد جسد خالي من كل حاجة
وتركتة وذهبت
"انا روح
انا الروح التي ذاقت الألم بأنواعه
انا الفتاة التي كانت تجري وسط الماء ويحملها اباها ليسمع ضحكتها
انا الروح التي كان اباها يخبرها انها فرحته وروحه
انا الروح التي تسكن جسم فتاة لكنها توجد بالكل
انا الروح التي عاشت افضل طفولة يتمناها طفل
انا التي كان اباها يحملها خوفا ان يأذيها الغبار
انا مدللة ابي...... وايضا انا الروح التي رأت اباها يموت امامها بين يداها غدرا
انا الروح التي وصاها اباها ان لا تتخلي عن ضحكتها
انا الروح التي خرجت روحها مع روح اباه الذي تركها وحيدة
انا الروح التي مات اباها بين يدها"
****************
كانت تقف بالباص وتبكي ثم نزلت في مكان لا تعرف اين هي في مرسي مطروح فاتجهت للبحر ووقفت تتابع الأمواج
...... : يا صغننه انتي بتعيطي ليه
استدارت له وبكت اكثر فاقترب واعطاها منديل فأخذته ومسحت دموعها لكن بقت تشهق
..... : طيب قولي انتي منين
روح : من اسكندريه وكنت جاية رحلة مع اصحابي بس تهت
أوس : الرحلة اللي فيها الكلبة جيدان
روح بفرحة : ايوة انت تعرفها
أوس : طيب بطلي عايط وتعالي هوصلك
قفزت من الفرحة ومسكت يده فابتسم كم يدها صغيرة بين يديه
روح : اسمك ايه
أوس : أوس وانتي
روح : روح
سحبها وذهب واشار لباص ثم ركبوا سويا وجعلها بجانب الشباك
أوس : انتي تجارة ذي جيدان
روح : لا انا شرطة بس جيدان كانت صاحبتي في الثانوي وطلعت رحله معاهم وانت
أوس : انا يا ستي ضابط برتبة مقدم وادعيلي اترقي يا صغننه
روح : ههههههه تترقي اكتر من كدة طب يا كبير بتعمل ايه هنا
أوس : شغل هنا وكمان الحيوانه اصرت اجي معاها هي وأحمد واحرسهم
أحمد دكتور جيدان وفي نفس الوقت قريبها وأحمد وأوس اصدقاء ك جيدان وروح لكن حين تحول أوس من شرطة لإدارة اعمال عمل معه أحمد وجيدان
روح : ههههههه واضح انك بتحبها
أوس بضيق : جدا
صعد شباب الي الباص ونظروا لها فخافت ومسكت يده لكنها وجدته ينظروا لها اكثر فخافت اكثر ورفعت يده
أوس : في ايه
مسكت قميصة واندست بحضنه
روح : بيبصوا عليا اوي
نظر لهم نظرة نارية فاستداروا
أوس : مين دخلك شرطة وظلمك
روح : انا بس مش في بلدي لو في بلدي كنت عميتهم
وتثائبت وحاوطت خصرة فتأكد ان الجاكت يخفي يدها وتركها تنام حتي قربوا علي الوصول فبعد شعرها عن وجهها
أوس : روح روح قومي روح
فتحت عيناها ونظرت له ثم فركت عيناها
روح : وصلنا
أوس : ايوه قربنا
اومأت ووقفوا مسكت يده ونزلوا حين رأت الفندق ضحكت والتفتت بإندفاع وقبلت وجنته ثم جرت فنظر خلفها وضحك
بعدت وجهها عن فخذ امها تفتح عيناها وتمسح دموعها
أمل : حلمتي تاني بكابوس
روح : لا المرة دي حلم
أمل : طيب دي نفس اللي بيحصل معاكي
روح : ايوة يا ماما كله بالتفصيل
ووقفت اتجهت للحمام غسلت وجهها بماء بارد ثم خرجت
أمل : روح جايلك دعوة لحفلة
اخذتها وفتحتها وضحكت بكل صوتها
**************************
في منزل حياة
كانت تجلس بملل تقلب في الكتاب فهو لم يأتي وهي لم تذهب للجامعة وسارت افكار تأتي في بالها ثم ابتسمت بخبث والتقطت فونها ورنت علي رقم وبعد وقت اجاب
أسعد بضيق : ايه..... حياة مالك.... يا بنتي ردي
حياة : عااااا أسعد عااااا
واغلقت السكة وبعد ربع ساعة وجدت الباب يفتح ودخل ليجدها تجلس وتبتسم بمشاكسه
حياة : يعني لازم اعمل كدة عشان تيجي
أسعد : يعني الله يخربيتك يا.....
حياة : ههههههه عيييب يا مان
جري بإتجاهها فجرت وهو خلفها ثم حملها ورماها علي السرير وهي تضحك
حياة : اهدي بس يا أسعد انا
وضع يديه الاثنان بجانبها محاوطها ووجهه مقابل وجهها
أسعد : دا انا عايز اقتلك الوقتي
حياة : ما انت اللي ماجتش امبارح
أسعد : وانتي عايزاني اجي ليه
حياة : مش هقولك
أسعد وهو يقترب : وبعدين معاكي
لم تجب فاقترب وقبلها و........
**********************
في الجامعة
كان يجلس بمكتبه يصحح بعض الاوراق بتمعن فسمع من يخبط فوضع الأوراق في الدرج
أيان : ادخل
دخلت لين بابتسامتها المستفزة له واغلقت الباب
لين : هاااي
أيان : هو انتي عايزة ايه
لين : محسسني اني جاية ارزل مثلا انا جاية عادي ع فكرة اسأل شويه اسأله ذي الطالب المجتهد
أيان : معاكي حق ذي اسألي
لين : اشرحلي الاول المحاضرة اللي قبل اللي فاتت وانا اسألك لو مفهمتش
أيان بتنهيد : امري لله غبيه وهعمل فيها ثواب تعالي هنا
اتت وجلست علي طرف المكتب فانصدم
لين : فكك مني واشرح انت اشرح
بدأ يشرح وهي تتابعه بإهتمام وتسأل حين يقف عليها شئ
لين : بس كدة دي سهلة
أيان : في اكتر من طريقه بس احنا بناخد الأسهل والشائع
لين : طرق ذي ايه
أيان : عندك مثلا العنصر ده
وبدأ يشرح لها عدة طرق وهي تنظر بتمعن وتركيز
لين : اقولك انا بقي اخر طريقه والاصعب والاذكي
وبدأت تشرحها له وهو منصدم فهي نفس طريقة كلامة كأنها هو
أيان : مين بقي قالك دي
لين بتوتر : هااا لا دا استاذ من لندن
اومأ بتفهم قائلا : بس يا ستي كدة المحاضرة خلصت
لين : تمام ميرسي
ونزلت واتجهت للخارج بينما هو وقف يفرد زراعيه فالتفتت وسألته
لين : هو انت ليه بتكرهني
أيان ببرود : عشان انتي وقحة اوي
اغتاظت منه بشدة وعادت له وجذبته من جاكته
لين بغيظ : وجريئه كمان
واطبقت شفايفها علي شفايفه تقبلة ثم كورت وجهه والاغرب انه حاوط خصرها ووضع يده بشعرها ثم بعد وقت طويل ابتعد وبدأوا يتنفسوا انفاس بعض
أيان بهمس : حاسس انها مش اول مرة
لين بنفس الهمس : ومش هتبقي اخر مرة
واستدارت جرت خارج المكتب متجهه لسيارتها بينما هو داعب شعره بيده وابتسم وهو يتذكر كيف بادلها
*********************
كانت رأسها تتوسط صدرة ويدة تداعب شعرها بعدما اكلوا سويا
حياة : ايه رأيك في الاكل
أسعد : جميل
حياة : الاكل بس
التقط يدها وقبل باطنها فابتسمت
أسعد : الاكل وصاحبه الاكل واللي عامله الاكل
حياة : والمجامله دي لكل العملاء الستات كمان
أسعد : عايزة الحق ولا ابن عمه
حياة : ههههههه ابن عمه
أسعد : بجد انا مش بجامل ولا بقول كدة لحد غيرك
حياة : ولا حتي سيلا
أسعد : ولا امي حتي
ضحكت علي كلامه ثم تحدثت بجديه
حياة : أسعد بتحب سيلا اوي
ادار وجهه واومأ حتي لا يضايقها فابتسمت وهي تتمدد فوقه فنظر لها بإستغراب
حياة : انا بس اللي انام كدة مش كدة
ضحك وهو يومأ برأسه وقبل جبينها
حياة : بص يا أسعد احنا مع بعض تركيبه غلط وانتي غلطان دا مش مكاني يعني مش انا اللي هنام كدة سيلا بس لأن قلبك ملكها..... انا هشتغل معاك في الشركة وهقربك منها يا أسعد وهخليها تحبك وفي المقابل هتطلقني
أسعد : في حد قابلتيه في الجامعه او برة
حياة : تبقي خيانه ليك لو عملت كدة وانا مش خاينه يا أسعد واعرف هتكون الاول والاخير
أسعد : هتبقي وحيدة
حياة : انا عايزة ابقي كدة اكتشفت ان معتش امل من حور وانت قلبك ملك غيري انا وحيدة يا أسعد انا اتولدت كدة وراضيه ابقي كدة وعايزة ابقي كدة
أسعد : هتعملي ايه
حياة : هرجع الاوضه اللي كنت سكناها وهشتغل شغلانه شريفه واصرف علي نفسي وبالنسبة لحور فانت دافع مصاريف مدي قعدتها فخلاص اظن اني دفعت تمن ده
شعر بقبضة تضم قلبه حين احس ان فراقهم اقترب فلف يداه حولها
حياة : لو شوفتني بعد طلاقنا تعمل نفسك مش عارفني وانا كذلك
أسعد : بس هتفضلي مراتي فعلا لحد اما.....
حياة : موافقه...... أسعد
أسعد : نعم
حياة : هو انا وحشة ومتحبش
أسعد : ليه بتقولي كدة
حياة : لأني ملقتش اللي يحبني ويشتالني من وجعي
أسعد : بالعكس يا حياة عارفه لو شوفتك قبل سيلا كنت حبيتك
حياة بدموع : ماشي
واغمضت عيناها تنام بل تبكي
*********************
جاء المساء اجتمع الجد ونسرين والياس وعدي وأوس وأيان ويزن
عثمان : فين أسعد
أوس : رن وقال هيبات برة
عدي : يزن فين ياقوت
يزن بشرود : راحت عند عمها يومين
وهنا تذكر كلامها
ياقوت : القصر بيخنقني انا هروح لعمي يومين وهرجع يوم العملية يا يزن
عثمان : يا عدي والياس اعزموا كل الموظفين في حفلة كبيرة في القصر بعد خمس ايام بمناسبه شراكة الشركتين
عدي : تمام اوي
عثمان : يزن قول لياقوت تيجي لأن ضروري تحضر
يزن : طيب
الياس : انا طالع
وتركهم وصعد فلحقته نسرين بينما هو يفكر في رؤي وشكلها وملامحها التي تجذب الناظر
نسرين : حبيبي
الياس بضيق : نسرين خلاص خدي بطاقتي واشتري زفت فستان
اهتز فونه برقم غريب فاجاب وهو يتجه للتراس
الياس : الو
رؤي بتوتر : ا.الياس بيه انا رؤي
ابتسم تلقائي فور سماع اسمها
الياس بجديه مزيفه : نعم يا رؤي
رؤي : هو كان في عقد مش فاهمه حاجة فيه تبع شركة في هنا اصدي اسكندريه
جاء لها ابن اختها وهو يحاوط اكتافها
رؤي : ديدو ابعد الوقتي
الياس : نعم
رؤي : احم مش حضرتك انا كنت بقول انه في
بدأ عدي يناثر قبلات علي وجهها
رؤي : يووه يا ديدو ابعد بس الوقتي..... وانا كمان بحبك ابعد بقي
تضايق الياس فمن يكون هذا ديدو بينما تلك عضها عدي من وجنتها
رؤي : عاااا يا ابن العضاضة وشي
ورمت الفون وجرت خلفه تضحك بينما يستمع لها ذلك الذي تأكل الغيرة قلبة
******************
كانت تتمشي علي الشط بملل فوجدت جيدان تقف مع شابين لم تعيرهم انتباه واكملت لكن
جيدان : روووح روح تعالي
نظرت لها وابتسمت حين رأته وذهبت حضنت جيدان وسلمت علي أحمد ثم عليه مبتسمه وهو يبتسم
جيدان : ماشية لوحدك ليه
روح : عايزة اعوم بس كلهم لابسين مايوهات ويعني في شباب وكدة
جيدان : اه طيب ايه رأيك تفضلي معانا..... دا دكتور أحمد صاحبي واوس بردك صاحبي بس هما اكبر مننا شويه كتار وقرايبي
روح : اه تمام
أوس : بقولكم ايه تعالوا نروح في يخت
روح وهي تقفز : بجد
اومأ فاندفعت تحضنه متعلقه برقبته فضحكوا وهو ايضا وبالفعل ذهبوا في يخت
اوس : بنات جبتوا هدوم
اومأوا بتأكيد فاردف : بتعرفي تعومي وتغطسي يا روح
اومأت بخجل فضحك وهو يعطيها اكسجين ونظارة لعينها
روح : ايه ده
اوس : البسي من سكات
خلع قميصه لتظهر عضلاته فخجلت ابتسم وهو يظل بشورت اسود ويرتدي نظارة واكسجين وساعدها في ارتدائهم ونظر لأحمد
أوس بضيق : بلاش اقصر من كدة عشان انا ع اخري
لم تفهم لما لكنها فرحت بينما هو مسك يدها وهو ينظر للهوت شورت والبلوزة الكت بضيق ووقفوا علي السطح ثم قفزوا الاثنان وكان يمسك يدها ويريها الاسماك أسفل الماء بينما هي تضحك بسعادة لرؤيتها للأسماك الملونه وبعد وقت خرجوا وكانت سعيدة جدا ثم بدلت ملابسها وبحثت عنه لتجد أحمد وجيدان يعوموا بينما هو علي سطح اليخت فصعدت له
أوس : تعالي يا روح في حاجة
روح : ايوه شكرا اوي بجد فرحت
ابتسم واستدارت لتذهب لكنها تذكرت قبلته له فاستدارت لتقبله لكنه ادار وجهه فانطبقت شفايفها علي شفايفه وقبلته بسطحية ثم ابتعدت بشهقه ونزلت جري لأسفل بخجل
فاق من هذه الذكري وكيف ظلت فترة تخجل منه علي هذا الموقف نام علي ظهره متأمل السقف وكيف بدأ عشقه لها من اشياء بسيطة وانتهي بمتاهه لا يعرفوا اين اولها من اخيرها
مسك فونه ورن علي احدهم
أوس ببرود : بيت روح يولع كتهديد وتقولها هديه من أوس ومحدش يتأذي فاهم دا بكرة وبعده جواب تحويل للصعيد ويتلغي تاني يوم الحفلة فاهم
واغلق الخط وهو يفكر كيف سيكسرها لا يعلم انها لا تحتاج