روايةغرام أحفاد الشيطان
الفصل الثالث عشر
بقلم سماء احمد
💥💥💥💥💥💥💥💥💥💥💥
عثمان بعصبية : يعني ايه يا أوس
أوس : يعني بعد الفرح هرجع العقيد أوس الشرقاوي
عثمان : عارف دا معناه ايه
أوس : ولا حاجة
عدي : يا أوس بس انت كنت هتموت فيها مرتين حرام يا ابني وغير كدة وعدت امك انك مش هترجع
أوس : وهخلف فيها ايه
عدي : يا أوس
أوس : قدامنا من هنا للفرح نبقي نتكلم تمام
عثمان : فين يزن دا كمان وياقوت المفروض تكون اشتالت الشاش
دخل عليهم يزن ناكس رأسه حزين
أسعد : كملت مالك يا ابني
جلس بجانب أوس الذي احتواه بيده
أوس : في ايه
يزن : ياقوت الدكتور المتخلف غيرلها وشها وهي حطت الحق عليا و...... نقلتها لمصح الدكتور قالي كدة افضل لانها حاولت تنتحر
عثمان بعصبية : بتقول ايه وازاي تعمل حاجة كدة
أوس وهو يضمة : خلاص ان شاء الله هتكون كويسه
سند رأسه واغمض عيناه وتداهمه ذكرايتها وضحكتها وحديثها فمسك ملابس اخاه وبكي فالتف اخواته حوله
أوس : يزن
الياس بقلق : يزن اهدي
اما هو فلا يسمع سوا "بكرهك يا يزن"
**************************
مر اليوم وجاء يوم جديد استمر كأي يوم لا جديد ولا مفيد
عادت لمنزلها بعد العمل وبدلت ملابسها لأخري عبارة عن بلوزة واسعه وطويلة تصل لمنتصف فخذها سوداء وربطت شعرها للخلف وبدأت تفعل طعام لنفسها ليعود الماضي
في المقر بمكتب أوس
روح : يوووه يا أوس انت زعلان مني طيب
أوس بضيق : مفيش يا روح
روح بحزن : أوس عشان خاطري قولي بجد بزعل لما بتعمل كدة
أوس : روح امشي روحي كليتك انا ورايا شغلي
روح : ماشي يا أوس افتكر اللي حصل
وجاءت لتتركه فشدها وتنهد بعصبيه
أوس : متزعليش يا ست روح
روح : مش هزعل اما تقول انت زعلان من ايه
أوس بضيق : من جهاد ده مش صاحبنا ايه اللي يخليه بينا وحضرتك متلزقه فيه اربعه وعشرين ساعه
ابتسمت اهذا يعني انه يغير عليها
روح : بتغير يا أوس
أوس : احم هغير علي مين يعني
روح : عليا صاحبتك مش كدة
أوس مغيرا الموضوع : انتي كنتي جايه ليه
روح : كنت جايه اقولك جايلنا ناس مهمة يشوفوا طلاب الشرطة وكنت عايزاك بما انك ظابط تيجي بس الظاهر ان غيور باشا مشغول في غيرته
دفعها للحائط محاوطها بزراعيه
أوس : قولتي ايه
وضعت يدها علي صدرة تدفعه بهدوء لكنه لم يتزحزح
روح بأنفاس مضطربه : أوس ابعد
أوس : انا غيور
روح : لا ابعد بقي
أوس : انتي كنتي عطتيني حاجة في مطروح وهرجعها الوقتي
روح : ايه
انحني وقبل فمها قبلة سطحيه فوجدها تغمض عيناها فاقترب وقبلها بعشق من شفايفها ثم ابتعد لتلفظ انفاسها ثم دفعته وجرت فوقف يضحك
أوس : ظابط قال والنبي غلطان اللي دخلك الشرطة وربنا هيحاسبه ههههههه
لمست شفايفها وتنهدت ثم فعلت سندوتش وقهوتها وخرجت تضعهم علي المنضدة والتفتت لتشهق حين رأته يجلس واضعا قدم علي اخري
روح : بتعمل ايه هنا
أوس ببرود : ايه حرام ازور مراتي
روح : طيب اطلع برة
أوس : بتطرديني
روح بعصبيه : ايوه واطلع
وقف واتجه لها بينما هي لم تتزحزح فجذبها من خصرها
أوس : هطلع بس اعملي حسابك من بكرة هتيجي القصر تقعدي فيه
روح ببرود : مش جايه يا أوس
أوس : هتيجي يا روح والا وربي بيتكم ده لهطربقه فوق دماغك
واقترب من اذنها وفك شعرها لينسدل علي وجهه
أوس ببرود : وافتكري يا حلوة دا اخر ذكري من اهلك
وتركها ليذهب فتحدثت بنفس نبرته
روح ببرود : خده يعني هيرجعلي اللي راح هسيبه من بكرة ولع فيه
التفت له بعصبيه وذهب جذب شعرها وكان سيقتلعه بين يديه
أوس : متخلنيش اتبع طريقه مش عايزها
روح : اعلي ما في خيلك اركبه
أوس بإستفزاز : ليه بس منا ممكن وبكل بساطة الوقتي اتمم جوازنا وتاني يوم الفرح هرجعك لهنا بس هتكوني مش بنت بحق وحقيقي
روح بتلاعب : ومين قالك اني لسه بنت مش يمكن اكون غلطت مع جهاد ما انت عارف انه حبيبي
أوس وهو يمسك فكها بعنف : ساعتها هقطعه حتت قدامك هقتله يا روح
دفعته بكل قوتها واطلقت ضحكات رنانه
روح ودموعها تتساقط : ههههههه هتقتله هههههههه هتقتله هههههههه ههههههههه
نظر لها بإستغراب وصدمة من منظرها فصرخ بها
أوس بصراخ : بس اخرسي في ايه
روح وهي تمسح دموعها : اللي متعرفوش ان جهاد مات خلاص هتقتله ازاي وهو مات
نظر لها بصدمة اشد واستدار ذهب فنظرت خلفه وجلست
****************
في صباح يوم جديد
في شركة الياس وعدي
كان عدي يجلس منتظرها ان تأتي فهو لا يصدق ان يمر الليل حتي يراها وجعل مكتبها بمكتبه حتي يظل يراها وجدها تدخل فوقف واندفع لها يحضنها
عدي : عارفه وحشتيني اد ايه
عين بابتسامه : اد ايه
عدي : اد الشمس والنجوم والكواكب اقولك اد السما كلها
عين : وانت كمان وحشتني وعين وحشتني يا عدي اوي
عدي : عين طيب تعالي
وجذب يدها ونزل لسيارته وركبوا وقادها في طريق مختصر لا يوجد به مارة او سيارات
عين : احنا رايحين فين
عدي : مش عين وحشتك هنروحلها
عين : اه قول كدة بقي هو انت منهم تعالي نشوف ماما وماما هتحبك اوي ولازم ماما تشوفك عشان اخطبك وانت عين حجتك
اوقف السيارة ونظر لها ثم انحني حملها ووضعها بحضنه
عين بخجل : عدي
عدي : انتي مراتي يا هبلة
عين : ههههههه منا عارفه بس بردك ممكن تتغرغر بيا
عدي : ا ايه
عين : ههههههه خلاص مش هقولها تاني فاتتك
عدي : انتي منين يا بت
عين : مش اقولك ويلا هنتأخر علي ماما
عدي : يارب وقعتني في مجنونة
عين : ومالها المجنونة يا عدي بيه دا انا جميلة وعسوله وكيوت
عدي : خلاص اسفين يا ريس احنا كنا نطول
عين بابتسامه : انا اللي كنت اطول
عدي : اه كنتي تطولي وتطولي اطول من كدة كمان مش كفاية الجمال دة كله بتاعي انا ليا لوحدي
ابتسمت بخجل وحضنته دافنه وجهها بعنقه فضحك وهو يضمها اه كم زاد حبه واصبح عشقا
****************************
في شركة الشرقاوي
دخل أوس للشركة بعصبية فظل طول الليل يفكر كيف متي لما وقف وسط المكاتب
أوس بعصبيه : جيدان فين
احد الفتيات : لسه مجتش يا أوس بيه
دخلت جيدان مسرعة فهي متأخرة
جيدان : أوس بيه في حاجة
أوس بحدة : علي مكتبي يا انسه انتي وزفت احمد
واكمل بصراخ : يلا
اومأت برأسها بخوف وذهبت خلفه بينما دخل مكتبه والتفت فوجدها هي وأحمد
أوس بهدوء مميت : جهاد فين...... رد يا أحمد جهاد فين...... جيدان فين جهاد
لم يجبوا اكتفوا بالنظر للأرض بخوف فاتجه أوس لأحمد ومسكة من ملابسه بعصبيه
أوس بصراخ هز الشركة : جهااااد فين يا أحمد
لكمة بقوة صارخا اكثر : رد يا زفت
اجتمع الموظفين امام المكتب ودخل أسعد وسيلا المكتب وحاول أسعد بعدهم الا ان أوس بدأ يضرب به
جيدان بصراخ : اوقف يا أوس جهاد مات
تركه أوس ونظر لها وجذبها من زراعها
أوس : جهاد مات وأوس البديل بتاع الهانم وانتم عارفين مش كدة
جيدان وهي تبعد يده : سيلا لو سمحتي علي مكتبك
اومأت برأسها وخرجت فأغلقت جيدان الباب
أحمد وهو يمسح دمة : انت ظالم يا أوس
جيدان : لو مفكر ان انا واحمد صالحنا روح عشان رجعتلك غلطان احنا صالحناها عشان عرفنا الحقيقه
أحمد : روح بتحبك انت يا أوس..... في غيبوبتك سافرت فلسطين مع جهاد تدافع عن قضية روح
جيدان : هيا مكنتش بتحب جهاد وسافروا سوا هناك اتعرفوا علي بنت وجهاد حبها اوي واتجوزها بعدين حصل حرب ومشاكل وناس اتقتلت وحبيبة جهاد كانت هتفجر نفسها لكن جهاد
أحمد : جهاد هو اللي فجر نفسه مات شهيد وقتل كتيبه اسرائيليه كامله روح رجعت خسرانه لقتك في غيبوبه جات تعيطلك وتقولك جهاد راح ذي باباها معتش غيرك سندها
جيدان : كانت هتقولك يوم الفرح لكن سمعتك...... واكملت وهي تمسك ملابسه..... سمعت وسختك واللي كنت هتعمله يا أوس روح خسرت كمان مرة اخر سند ليها بسببك هي مش مسمحانا لحد الوقتي فكرناك غالي بس فعلا غلينا الرخيص ولحد الوقتي بتظن فيها اثم
أحمد : عارف يا أوس لو في في وطنا العربي كل دوله شاب وبنت ذي روح مش هنضطر يبقي حته مننا تحت احتلال
دفع أوس يد جيدان وذهب يتذكر
"قضيه روح
انا روح التي تظهر الولاء ليس لبلدها مصر بل ل فلسطين..... فلسطين التي قطعه من روحنا اخواننا واخواتنا بها..... يموتوا ليلا نهارا تخسر الام ابنها ويخسر الاب ابنته تخسر الزوجة زوجها ويتيتم الصغير..... انا روح التي مشت في مظاهرات فلسطين ودافعت عنها انا روح التي رأت الشباب والفتيات يقتلوا ولا يجدوا من يدافع عنهم...... يظلوا يدافعوا عن بلادهم ولا يجدوا من يعينهم ويأخذ بيدهم يروا زهرة عمرهم تتبخر قبل الفرحة بها...... اي عهد هذا يا سادة اي اتفاق يجعلنا نري قطعه مننا تدمر ولا نساعدها...... انتم تحت عهد لكني حرة خلقني الله حرة لم اعهد احد..... سأذهب سأدافع سأقاتل العدو مع اخواتي نحن عرب نحن نسل سيدنا ابراهيم واسماعيل..... نحن اخوه ويد واحدة..... تذكروا انهم من وضعوا الحدود بيننا..... كنا يد واحدة لا يوجد دولة مصر ولا فلسطين ولا غيرها كنا الوطن العربي لا يفصلنا حدود..... سمحتم لهم هل سمحتم لهم ان يضعوا الحدود ليس فقط بين اراضيكم بل بين قلوبكم...... ضعوا انفسكم مكانهم هل يا ايها الأب ستقدر علي خسارة اولادك في نفس الوقت..... هم يقدروا ويصبروا نفسهم بأن يوما ما اجل يوما ما ستصبح بلدهم حرة طليقة"
كانت تقف وسط زملائها وتداهمها ذاكرة ما حدث بينها وبينه فوجدت بعض رتبات الشرطة يأتوا ماذا هو من ضمنهم يمشي بهيبته وبدأ احدهم ينظر لهم ويتلوا عليهم خطاب فكانت تستمع بإنتباه تام
الرجل : حد عنده اسئله لينا
روح وهي ترفع ايديها : انا
الرجل : اتكلمي يا بنتي
روح : هو احنا مش اسمنا الوطن العربي ومش العالم العربي
الرجل : ايوه
روح : ودا ليه
الرجل : لأننا وطن
روح : طيب ليه نسمح لأي حد يحتل جزء مننا ومندافعش عنه ذي فلسطين وغيرها ومتقولش اتفاقيه لأن الرئيس اللي عملها مات
لم يقدر الرجل علي الإجابه نظر للذين معهم بينما ابتسم أوس علي طفلته المتمردة والذكيه
روح : خلاص مفيش داعي تبصلهم
الرجل : عارفه انتي لو في منك في كل دوله كنا بقينا حاجة كبيرة اوي في العالم اسمك ايه
روح بفخر : روح رحيم ايمن الأحمدي
الرجل : بنت المشير رحيم الأحمدي الله يرحمه
روح : ايوه
الرجل : وانا بقول القوة دي متجيش من هدر
مسح علي وجهه بقوة عائد للقصر لا يعلم ان تلك الفكرة ستطور عندها لهذه الدرجة وتصل لكل هذا
***********************
في قصر الشرقاوي
كانت تقف عين وهي تحمل الصغيرة بسعادة وتقبلها وتغني لها بينما هو يتابعها بابتسامه
عدي : انا كدة هغير
عين : لا عندك لو سمحت دي حبيبة ماما
الصغيرة : مما مما
ابتسمت هي وهي تهزها لتنام
عدي : يا بختك بماما يا حبيبتي
عين بضيق : اسمها عين
عدي : هنبتديها غيرة بقي
عين : ايون ولاحظ كلامك احسنلك مش كفاية اتجوزتك هعلمك كلامك كمان
عدي : تعلمي مين يا بايرة
عين وهي تضع الصغيرة بفراشها : مين اللي بايرة يا عم انت
عدي : انتي طبعا دا المفروض تشكريني اني اتجوزتك
عين : نعم نعم انت متعرفش انا منين
عدي : هتكوني منين يعني
عين : انا يا بابا من المنصورة يعني بلد الجمال
عدي : فين الجمال ده
اشارت علي نفسها ثم عليه
عين : الظاهر انك اعمي مش شايف الج......
شدها من يدها واطبق شفايفه علي شفايفها يقبلها بعشق بل بهيام وابتعد بعد وقت يفك حجابها ويفرد خصلاتها البنيه ثم عاود تقبيلها بينما هي بعالم اخر عالم اول مرة تراه شخص يعشقها حقيقي تري حنيته ومزاحه فكانت لا تجد من زوجها سوا الجمود
عدي : بعشقك يا عين
عين بدموع : وانا بعشقك يا عدي
واحتضنته تعلقت برقبته قائله : بحبك اوي اوعي تسبني يا عدي اموت من غيرك متتخلاش عني
عدي بابتسامه : انتي كل حياتي يا عين
واستنشق رائحتها بعشق وشعور لأول مرة يحس به في حضن احدهم