رواية عشق الفهد
بقلم / منه ياسر محمد
الفصل السابع والثامن
عمار: يعني مش قصدي
فهد: دي مراتي وتبق المدام عشق انت فاهم مش عشق ياروحى
عمار: اه بعتذر اهلا يامدام عشق
فهد: عشق تعالى نطلع نرتاح فوق يلا
عمار: هو ده احترام الضيف
فهد: نعم
عمار: اي مسمعتش
فهد: لا انا ممكن احترمك بطريقتي
عمار بضحك: ياشيخ
فهد: اه و.... عشق: فهد يلا نطلع مش قادره
فهد: تعالى يلا ياحبيبتي..... صعدوا الى غرفتهم وظل عمار يضحك بحقد وبكل مافى....
عمار: والله والضحك عليك يافهد
مريم: شوفت بقا ضحكت على فهد ازاي
مدام ناديه: عمار احنا لازم نتصرف اظن انو انت فاهم البت دي
عمار: الحلوه بتترعب مني انا بقا هفرجها مين عمار.....
مريم: بضحك شكلوا هيبدأ الشغل على اصوله
عمار: لا وكمان احلى شغل
_________________
فهد: عشق حبيبتي انتي كويسه
عشق: اه بس خايفه اوى يافهد..... ضمها فهد الى صدره ووضع يده على شعرها وقال...
فهد: ششش اطمني محدش هيقدر يعملك حاجه
عشق: عمار وحش اوى اوى يافهد
فهد: على نفسه
عشق: طيب لو أذانى
فهد: مش هيقدر قبره هيحصله
عشق: خايفه وخايف عل.... اصدي يعني
فهد: اصدك اي
عشق: انت اتخليت عن مستقبلك واجوزت واحده مش بتحبها عشان تحميها
فهد: عشق.... عشق: لا يافهد دي الحقيقه ومسحت دموعها كالاطفال وقالت
عشق: انا محدش بيحبني يافهد صدقني خالتي اللى كنت فكراها هتحتويني طلعت بتكرهني ومريم اللى هي تعتبر اختي بتكرهني وحسام يعتبر انا بنت عمته وهو بيكرهني وعمار وطنط سوزان بيكرهوني ليه يافهد ليه انا كدا.... ودموعها نزلت وقالت..
عشق: عايشه طول عمرى على وشوش بيضحكوا وهما من جواهم حقد دايما بقول انا اهه عيلتي كبيره بس فين العيله دول لو جتلم الفرصه هيقتلوني يافهد هيضحوا بيا عشان الفلوس انا مش عايزه فلوس عايزه عيله عايزه حنان ام واب عايزه احس انو فى حد بيحبني..... ضمها فهد اليه اكتر وسقطت دموعها من حديثها وظلت تبكى داخل احضانه الدافئه....
فهد: هفضل جنبك ياعشق دايما متخافيش انا جنبك.... ولكن عشق كانت فى عالم تاني داخل احضانه وكان يضمها اكتر ويسمع صوت بكائها وكأن قلبه يحترق عليها وكان يسأل نفسه لماذا هو حزين عليها لماذا لم يستطيع ان يراها وهي هكذا لماذا يحب ان يرى ضحكتها وليس بكائها.....
فهد: شششش عشق خلاص انا جنبك... ثم مسح دموعها وابتسم وقال اي رأيك نسمع فيلم كوميدي حلو كدا هاا
عشق: بجد
فهد: اه يلا تعالى وهشغل عشان نتفرج....ظلوا معا يضحكان وكان فهد عندما يرى ضحكتها كأنه قلبه ينبض من جديد..
فهد: حلو الفليم
عشق بسعاده: اوى..... ضمها فهد وقبل رأسها قائلا: يارب اشوفك مبسوطه دايما يلا نكمل...
عشق: يلا...
فى المساء....
عشق: فهد انهارده اجازتك
فهد: لا
عشق: بجد مروحتش شغلك ليه
فهد: عشان انهارده اجازتك وعايز اكون معاكي
عشق: اه طيب وانت
فهد بتنهيده: انا اي
عشق: انا نسيت فى اوضتي القديمه حاجه هروح اجبها
فهد متتأخريش
عشق: حاضر..... خرجت عشق وظلت تفكر كيف لها ان ترتاح مع شخص هكذا وكيف هو يهتم بها ولم ترى فى عينيه اي حقد فهو لم تقابله من قبل وشعرت بشعور لم تشعر به من قبل...... خرجت عشق متجه الى غرفتها واخذت اشيائها وخرجت فشاهدت عمار واقف امامها...
عمار: اي ياعشق مالك معقوله اجوزتي
عشق بعصبيه: اه اجوزت
عمار بضحك مرتفع: لالا وصوتك على كمان مكنتش اعرف اني الجواز بيغير كده وخلاكي تنطقى
عشق: وسع ياعمار يلا
عمار: تؤ عايز اكلم معاكي ياروحى مش انا بحبك صح
عشق: انتوا كلكوا عايزين الفلوس وبس انتو ناس عايشين تحقدوا على غيركم
عمار: تؤتؤ ازعل كدا انا.... وامسكها من خسرها وظلت تصرخ من قبضته...
عمار: انا برضوا اللى بحقد ولا انتي اللى كنتي بعيده عني ياروحى
عشق: بس كفايه سيبني ياعمار
عمار: اي بس ماقولتلك كذا مره هتبقى معايا هحبك لكن ضدي متحاوليش بقا
عشق بعصبيه: عمار بسس قولتلك......
فهد: عشق انتي فين
بقلمي الكاتبه/ منه ياسر محمد
part 8
عشق الفهد
عمار: شش انا همشى قبل ما حبيب القلب يشوفنا شوفتي انا بحبك ازاي ومش عايز اعملك مشاكل
عشق: ابعد عني.... ذهب عمار وهو يبتسم بحقد وجاء فهد وقال..
فهد بعصبيه: فينك كل ده
عشق: اسفه يافهد مكنش اصدي اتأخر
فهد: اما بقصد مين هااا حد دايقك
عشق: لالا بس سرحت شويه وفضلت اشوف صور ماما فى الاوضه
فهد: طيب تعالى قلقت عليكي... امسك يدها وذهب بها الى غرفتهم.....
عشق: اوف زهقت
فهد: اي مالك
عشق: حاسه بزهق من البيت
فهد: عايزه تروحى فين
عشق بحركات طفوليه: اي هتوديني فين
فهد: تيجي نخرج
عشق: الوقت اتأخر
فهد: مش اوى يعني الساعه تمانيه
عشق: نتمشى على البحر ياااه
فهد بضحك: يلا يامجنونه البسى وتعالى وهااااا اقول التعليمات
عشق: حاضر لبس طويل وشعرى هلمه حاضر يافندم
فهد بضحك: ايوه كدا يلا يلا بسرعه.....
عشق: حااااضر....وبعد مرور وقت... خرجت عشق شاهدته نائم كالملاك على مقعده وكان يظهر انه متعب ابتسمت عشق واخذت تنظر اليه وهو نائم....
عشق بهمس: فهد قوم نام هناك
فهد: ايه
عشق: قوم نام يلا
فهد: لالا يلا عشان نخرج
عشق: انت تعبان خلاص يوم تاني نخرج قوم نام وانا بكره هقعد اذاكر فى البيت معنديش حاجه مهمه فى الجامعه
فهد: طيب انا اسف ياعشق...
عشق بهمس: شش مش مهم انت تعبان وانا مبسوطه انك جنبى قوم نام وانا هروح اغير هدومي وهنام..... قبل فهد رأسها وكان ينظر اليها ويبتسم......
فى الصباح...
فهد: عشق انا نازل
عشق: استني انت مفطرتش
فهد: مش مهم متأخر
عشق: لالا خد كل ده
فهد: متاخر و... عشق اوف خلاص مش هاكل
فهد: مجنونه هاتي يلا انا نازل
عشق: سلام.... نزل فهد مسرعا متجها الى شركته....جلست عشق تقرأ بعض الكتب ثم خرجت من غرفتها متجها الى الحديقه....
عشق: اي ده محمد
_مدام مريم قالتلى اقعد بيه شويه هنا عشان كان بيعيط
عشق: ياروحى على القمر هاتي انا هشيلوا شويه
_اتفضلى..
عشق: محمد ياروحى فيك شبه من فهد شوفت بقا
عمار: وفى مني كمان ولا اي
عشق: انت لسه هنا
عمار: اما همشى وهسيبك
عشق: نعم
عمار: اي بس اللي نعم وبعدين احلويتي كدا ليه بقا
عشق: عمار ابعد الولد فى ايدي
عمار بضحك: يعني لو مش فى ايدك كنتي قربتي
عشق: داده زينه خدي محمد جوه...
عشق: انت عايز اي
عمار: سيبك من فهد انا احسن وهعجبك صدقيني
عشق: عمار بس
عمار: ازاي اصلا قدرتى تجوزى فهد ده انسان بارد من اول ما جيت وحاسس انو... عشق بعصبيه: بسسس كلمه كمان عليه هتشوف حاجه مش هتعجبك ياعمار
عمار: اي ده اي ده للدرجادى اي عطاكي كام وانا هديكي
عشق بعصبيه: بس ياعمار بس انت فاكروا زيك
عمار بضحك: هو يطول ومتخافيش متعصبنيش عشان فهد حبيبك مزعلهوش هاا
عشق: راجل قرب منو وساعتها مش هتعيش يوم واحد
عمار: تؤتؤ تصدقى خوفت ياحرام...
عشق: هتفضل طول عمرك واطي وجبان مشوفتش اوطي منك
عمار: بجد طيب هنشوف انا ولا فهد ومتخافيش هتبقى لعبه بين ايدي قريب اوى وساعتها حبيبك فهد مش هينقذك لا انا هدوس عليه
عشق بضحكه سخريه: هاا هتخسر وحكمت على نفسك بالموت..... نظر لها عمار وهو يبتسم وفى عينيه الشر واتجه داخل المنزل...
عشق: فهد وعدني انو مش هيسيبني وانت مش هتقدر تعمل حاجه..
فى المساء...
مريم: عمار عرفت هتعمل اي
عمار: عرفت
مريم: يلا ادخل حسام الصبح هيكون هنا...
عمار: تمام..... ذهب عمار وهو نظرات الحقد فى عينيه متجها الى غرفه عشق.....
كان فهد يقود سيارته متجها الى المنزل.......
كانت عشق نائمه ولم تدرى بشيئ.. دخل عمار واغلق الباب وهو يبتسم...... فاقت عشق على صوت شيئ يسقط على الارض....
عشق: فهد انت جيت فهد.....
عمار: ششش
عشق: مين... بدأت عشق ان تصرخ ثم جاء عمار ووضع قطعه من القماش على فمها...
عمار: شش انا حبيبك مالك تعرفى انك انتي حلوه اوى اوى
عمار: اي يقمر فهد مش موجود انا بس اللى موجود وبحبك اوى اوى هاا... ثم بدأ ان يلمس شعرها..
عمار: اي بس قربى كدا عشان مزعلش هااا
__________________
فهد: مالك يامريم واقفه كدا ليه
مريم: انت جيت مش قولت هتبات فى الشركه
فهد: عشق وحشتني ومقدرتش اسيبها وسعي يلا....ذهب فهد الى الغرفه وقام بفتح الباب شاهد.....