رواية عشقت منقذي
بقلم ياسمين سامي
الفصل العاشر والحادي عشر
10
في فيلا زين العابدين
يفتح الخدم باب الفيلا الداخلي ليرتمي قاسم في الداخل وهو مغطي بدمائه
زين دخل بغضب زقه برجله عشان يعرف يعدي وأمر واحد من الخدم عاصم يكون عندي حالا
فريده وقفت مكانها بسرعه زين !قاسم !هو في اي
ايه اللي حصل؟
زين :هتعرفي كل حاجه دلوقتي يا يافريده هانم
بص زين لغرام اللي خرجت وقفت علي باب أوضتها بصت لزين كأنها بتستنجد بيه نفسها تروح تحكيله علي اللي ناويين يعملوه فيها يمكن
يساعدها بس هيساعدها ازاي لو كان عاوز يخرجها كان زمانه خرجها من اول يوم
غرام بتكلم نفسها وهيا لسه بتبصله أكيد هو كمان عاوز ينتقم مني هيساعدني ليه هو انا ابقاله اي اصلا هو زيه زيهم شايفني مجرد مجرمه
زين بيبصلها بنظره حزن واعتذار اسف أسف علي كل حاجه اسف علي أذيتك وانتي
متستهليش كده انتي ملاك ملاك وصعب ان يبقي في زيك في الزمن ده اتأذيتي كتير واتظلمتي ولازم أعوضك عن كل ده لازم اجيبلك حقك
كان بيبصلها بأمل ان كل حاجه تتصلح ويديها فرصه تقرب منه أو تخرج وتعيش حياتها هيا اللي هتختار بينه وبين حريتها
في نفس اللحظه
غرام ابتسمت ابتسامه جانبيه علي قلبها اللي خلاها تخرج تجري اول ماسمعت صوته عنيه في حاجه بتسحرها بتوديها دنيا تانيه صوته بيخليها تحس بالدفي حضنه بيحسسها بالأمان الأمان اللي راح من ساعه ماعيلتها ماتت بعدت عنيها عن زين وبتلف وشها عشان تدخل تاني لمحت قاسم وقفت مكانها بصدمه ولفت وشها بصت عليه تاني لقيته مرمي ع الأرض بتألم وشبه غرقان ف دمه
بصت لزين بأستفهام ابتسم لها زين ابتسامه بيطمنها فيها ماتقلقيش كل حاجه هتبقي أحسن من الأول
عاصم داخل شبه سكران من الباب وجاي من ورا زين
قالولي انك عاوزني بره سبت الكاس وجيتلك علي طول هههه مقدرش اتأخر علي زين باشا لايزعل مني وانا بصراحه مقدرش علي زعله
لف زين بسرعه واداه لكمه اترمي ع الارض رفع وشه بصدمه علي قاسم اللي مرمي علي الارض بيبصله ومش قادر ينطق ورفع وشه تاني لزين وقام وقف علي رجله بكل برود مسح الدم من علي بقه وهو بيبص لزين وابتسم ابتسامه بجنب وشه اه انتا عرفت مش تقول ياراجل كنت حكيتلك انا بدل بهدلتك دي
قفل زين ايده المره دي بغضب شديد واداه لكمه تانيه طيرت سنانه. وخرج الدم كتير من بقه
غرام وقفت بإنتباه واستغراب للي بيحصل ياتري بيضربهم ليه بعد ماكان مصدقهم وكانوا دراعه اليمين معقول عرف اللي حصل حتي لو معرفش يستاهلوا اديله اديلوا كمان
حست غرام بسعاده محستهاش قبل كده كان نفسها تكون هيا اللي بتضربه وبتاخد حقها منه بس مش مهم المهم ان ضرب زين ليهم طفي نار انتقامها شويه
عاصم انتا اتجننت انتا فاكر نفسك مين عشان تمد ايدك عليا زين جري عليه وخده ووقع ع الأرض ونزل ضرب فيه لما أغمي عليه
فريده : انتا مجنون ابعد ابعد عنه هيموت ف ايدك
زين قام من عليه وبصق علي وشه بكل غل
ولف وشه لغرام اللي كانت واقفه سعيده باللي بيحصل اول ماشافت زين بيبصلها جرت علي اوضتها
زين :غرررام
وقفت غرام مكانها ضهرها ليه وبلعت ريقها بخوف من منظره معقول يكون بيضربه عشان هيتجوزها زين بعد ماقرب منها لفها ليه غرام بصدمه وهيا بتبص ع ايده اللي علي كتفها أناا أنا معملتش حاجه أنا اصلا مش موافقه هما اللي
زين بعدم فهم مش موافقه علي اي اهدي محدش هيقدر يأذيكي طول ما انا موجود بصتله غرام بإستغراب فهم زين من نظرتها وابتسم ايوه أنا
فريده :انتا هتبقي شاهد. علي عقد جوازهم بكره
لفلها زين بعد ماساب ايد غرام وقالها جواز مين تقصدي اي بكلامك ده
فريده بعد ما امرت الخدم بفوقوا عاصم جواز ال الدكتوره الدكتوره الحلوه دي وعاصم
ولا زين باشا عنده مانع ؟
زين بصدمه:لف وشه لغرام اي اللي هيا بتقوله ده وازاي توافقي علي حاجه زي دي من غير اذني
فريده:وهيا هتاخد أذنك ليه ف حاجه زي دي دي حياتهم وهما حرين فيها
زين بغضب اسكتي انتي مش عاوز اسمع صوتك خالص اكيد ده تخطيطك انتي انتي أكتر واحده حقوده مش علي غيرك بس حتي علي ابنك عملتلك اي الانسانه دي عشان تعملي فيها كده مش كفايه اللي حصلها بسبب واحد سافل وحقير زي عاصم عاوزه كمان تجوزيها ليه
فريده تؤتؤ تؤ مش أنا اللي عاوزه دي هيا ماهو بصراحه يعني ماينفعش بعد ماخد شرفها تتجوز غيره وحد تاني ياحراام يتدبس فيها مش كده ولا اي يادكتوره
جرت غرام علي اوضتها وهيا بتبكي وتتحسر علي حالها
ليه مصممه تدوس علي الجرح وتفكرني بيه انا صحيح مانستش بس بحاول أتعايش بده بحاول اخرج من هنا بأي طريقه عشان أرجع لشغلي وحياتي يمكن انسي اللي حصلي ليه محسساني انه كان بمزاجي واني مبسوطه
كده ياريته كان سابني مت ياريته ماكان لحقني ياريته
ساعتها زين كان داخل عندها وماسك مقبض الباب بعد ماسمع اللي قالته شال ايده من عليه وطلع علي غرفته
فريده :زين زين
زين......
طلع علي أوضته طلع كل غضبه فيها كسر اللي فيها مستحيل مستحيل تكوني لحد تاني حتي لو هضطر اني
أدهم :انك اي
زين :لف بصله ومتكلمش
أدهم:هتقتله طب لييه اما انتا بتحيها اوي كده ومش عاوزها لغيرك ماتتجوزها
زين :اي اللي انتا بتقوله ده
أدهم :مع اني كنت زعلان منك بس اللي عملته يومها خلاني اتأكد انك بتحبها
زين يتوتر:حب حب اي انا مبحبش حد انتا عارف اني ماليش الا في الشغل وبس
ادهم:اومال كنت غيران عليها ليه واتجننت اما شفتني معاها
زين :أدهم لو سمحت سيبني لوحدي انا مش ناقصك انتا كمان
أدهم بسعاده يمثلها:طب حيث كدا بقي بما اتي اتأكدت انك مبتحبهاش اروح اواسيها المسكينه زمانها مموته نفسها من العياط
زين بعصبيه وهو يمسكه من ياقته تروح فييين ياروح أمك
أدهم بمزاح:الله الله ده الموضوع شكله كبير وهيوصل للشتيمه وانا بمووت ف الشتيمه
زين وهو يفلت قميصه :ادهم غرام بالذات خط احمر دي مش زي الأو... اللي انتا تعرفهم دي محترمه جدا ومؤدبه ورقيقه و
أدهم:ياحنين واي كمان
زين:قصدي يعني.
أدهم :ها اتفقتوا هتسموهم اي
زين:هما مين دول.
أدهم:ولادكم
زين :بعد ماحدفه بالمخده امشي اطلع بره
أدهم:تصدق انا غلطان واناا اللي كنت جاي اقولك علي شويه حاجات رومانسية تعملها يمكن تغلط غلطه عمرها وتحبك بس واضح كده انك مالكش الا ف الشغل بس يلا هسيبك ترتاح أنا بقي
زين :أدهم
أدهم :جري عليه تؤمرني بحاجه ياكبير
زين:كنت عاوز اقولك انا أسف انا كنت مضغوط شويه وانتا أخويا استحملني انا عارف ان زودتها اليومين دول
أدهم :ايوه فعلا انتا مقصر جامد بس هعديلك بمزاجي عشان خاطر ال
بصله زين بتبريقه كأنه بيتوعدله لو نطق اسمها
ادهم : احم عمي عشان خاطر عمي
زين: وهو يخلع ملابسه طب يلا غور من هنا بقي ورينا عرض اكتافك
ادهم :همشي بس بكره انتا اللي هتجيلي تتحايل عليا عشان أفيدك من بحر خبراتي وساعتها انا اللي هذل فيك
زين وهو بيحدفه بالمخده وادهم بيجري عند الباب غور يلا قال بحر خبراتك ولا اللي بيحضر الدكتوراه وفخور اوي لف وشه للمرايه وشاف الجرح اللي ف بطنه افتكر لما خافت منه وعورته وفكرته عاوز يأذيها مشي ايده على الجرح وضحك ضحكه خفيفه مش هسيبك تتجوزيه ولاهو ولاغيره انتي تخصيني انا وبس محدش تاني يقدر يقرب منك وانتي اللي ادتيني الاذن بكده يوم ما استسلمتي وانتي ف حضني ساعه ماكنت خايفه ومسكتي فيا انا كأن انا الامان اللي هينقذك من اي خطر حواليكي كنتي محتجاني زي ماكنت محتاجك ماسكه فيا ومتبته بتقوليلي بعنيكي اوعي تسيبني وانا عمري ماهسيبك
في الصباح
كانت عشق تستعد ليومها الجديد وهيا متفائله وقلقه بعض الشئ
ياتري الشغل المره دي هيطول ولازيه زي غيره
سعاد ام عشق : الجميل بيكلم نفسه ع الصبح ليه
عشق بإبتسامه :صباح الخير ياماما بابا عامل اي
سعاد بقلق :مالك يبنتي فيكي ايه مش نايمه كويس في حاجه مزعلاكي
عشق:لا أبدا انا بس متوتره شويه عشان الشغل الجديد سيبك انتي وباست راسها اهم حاجه دعواتك ياست الكل
سعاد:ربنا يوفقك يابنتي ويكتبلك الخير ويجعلك ف كل خطوه سلامه
عشق:أحلي دعوه دي ولا اي ربنا مايحرمنيش منك أبدا ياست الكل أطير أنا بقي عشان الحق ابص علي سحس
سعاد بخوف بتداريه لا ماهو
عشق :ماهو اي بابا فيه حاجه
سعاد:لا هو بس كان تعبان شويه والوقتي نايم سيبيه يرتاح شويه
عشق بخوف : استر يارب وأقدر أجمع فلوس العمليه قبل ماحالته تتدهور اكتر من كده
في شركه العابدين
كان أدهم نازل من عربيته لفت انتباه صوت واحده بتتخانق أنا سمعت الصوت ده فين قبل كده كانت نازله من التاكسي هو انتوا مش هتبطلوا تفترو علي خلق الله
سائق التاكسي :انا برضوا اللي مفتري يامدام
عشق وهيا تنظم ملابسها مدام !مدام ف عينك وعشان كلمتك دي مش هتاخد زياده عن اللي خدته
سائق التاكسي :اتقي الله حرام عليكي انا مطلبتش اكتر من حقي
عشق:دك كسر حقك ياشيخ دانتا واخد عشرين جنيه بحالهم
أدهم بعد ماكتم ضحكته :باااس باس اي االي بيحصل هنا
عشق :وانتا مالك انتا حد كان ندهلك يا أخ
السائق لأدهم: اه يابيه عاوز تاكل نص الاجره عليا
ومش راضيه تدفعلي الباقي
أدهم عاوز كام
اللي تشوفه يابيه
عشق وهيا فاتحه عينها علي اخرها ميه جنيه ليه هو كان اخترع الذره ولا جايبني بطياره
السائق كتر خيرك يابيه ربنا يكتر من امثالك وبص لعشق بقرف زباين تقصر العمر ومشي
عشق وهيا بتجري وراه عاوزه تلحقه شالها أدهم من ضهرها بترفس برجلها ف الهوا انا اقصر العمريابن ال.. انتبهت لأدهم
نزلني انتا كمان انتا شايل ابن اختك وقفت عدلت هدومها بإحراج مش كفايه اللي عملته فيا ف مكتبك
أدهم خبطها علي دماغها خبطه خفيفه بالملف اللي ف ايده:ماتبس بقا ياشيخه انتي بالعه راديو ع الصبح رغي رغي رغي اي مابتهمديش دا انتي كان ناقص تضربي الراجل
عشق :وانتا مالك انتا أصلا وبعدين انا مطلبتش منك تدفعلي والفلوس اللي انتا دفعتها دي ماتحلمش انك هتخدهم مني عن إذنك
أدهم بضحك وهو بيبص عليها بعد ما مشت والله العظيم مجنونه رسمي وكمل بتحدي بس أنا لسه عند وعدي وهعرفك ازاي تتجرأي وتمدي ايدك اللي عاوزه تتبا
احم عاوزه قطعها
في مكتب رحيم
أمل صباح الخير يا رحيم باشا
صباح الخير ياريت تجهزيلي الأوراق بتاع الصفقه الجديده وتبلغي أدهم وزين باشا ان في اجتماع مهم
رحيم بإنتباه لما لقاها واقفه بتبصله ومتردش: في حاجه يا أنسه أمل
أمل فاقت بعد ماكانت سرحانه فيه:ها لا ولاحاجه
رحيم :طب اتفضلي روحي علي شغلك
أمل بعد ماخرجت من عنده:"هوووف معتش عارفه أعمل معاك اي عشان تاخد بالك مني شويه دا انتا تقييل تقل
رفيف:احم رحيم باشا موجود
أمل بتبصلها من فوق لتحت لا مش موجود اقدر اعرف عوزاه ليه
رفيف:وانتي مالك انتي عوزاه ليه وبعدين انا متأكده ان هو جوا اوعي كده
امل بتشدها من ع الباب :تعالي هنا انتي رايحه فين
رفيف بتشيل ايدها اوعي بقي
رحيم :اي ده ايه اللي بيحصل ده انتوا ازاي تدخلوا عليا بالطريقه دي
امل:انا منعتها تدخل وهيا اللي بعدتني ودخلت غصب عني
رحيم وهو ينظر لرفيف بتوعد طيب اتفضلي انتي يا أمل دلوقتي
خير في حاجه يا أنسه رفيف
رفيف :احم انا كنت عاوزه اقولك يعني
رحيم : اتفضلي سامعك اي الموضوع المهم اللي يخليكي تدخلي من غير استئذان احنا هنا ف الشغل علي فكره يعني أمور الدلع والهزار دي مش مسموح بيها وياريت متجيش مكتبي تاني الا لو لزم الامر وبرضوا يكون ف حدود الشغل وبس فهماني يا آنسه رفيف الشغل وبس
رفيف بدموع بعد مارحيم احرجها: انا اسفه عن إذنك وخرجت تجري علي برا
رحيم بإبتسامه علي خجلها وكسوفها منه ومن كلامه:انتي اللي بدأتي التحدي خليكي قده بقي
أمل :بشماته مطولتيش يعني ولا كنتي فاكره ان الشويتين بتوعك دول هيدخلوا عليه
رفيف : غوري من وشي انتي كمان وزقتها وقعت ع المكتب ومشت
عند مكتب زين
ملفات الصفقه تكون عندي حالا ولو في مواعيد مهمه تلغيها واعرفيلي في اجتماع انهارده ولا لأ
عشق :حيلك حيلك ياعم انتا داخل حامي كده تدي الأوامر تقولش صاحب الشركه وأنا معرفش
زين بصلها شويه بإستغراب من جرأتها:الله يخربيت شورتك يا أدهم علي بيت اللي شغلك معاه هيا دي السكرتيره الجديده
عشق :سمعتك علي فكره واه
انا السكرتيره الجديده عندك مانع
زين:وهو بيوطي قدامها وساند ايده الاتنين ع المكتب لا ماعنديش بس هيبقي عندي لو لسانك الطويل ده مخلتيهوش لنفسك وبس انا مبحبش الرغي الكتير ومبحبش قله الأدب مفهووم وسابها ودخل ع المكتب
عشق:هو اي اصله ده هو كل واحد حلو شويه لا شويه اي شويتين تلاته هيجي يشوف نفسه عليا انا اتهنت ف الشركه دي زياده عن اللزوم ولازم اثبت قدراتي عشان الكل يحترمني
احمد :صباح الخير يا انسه.
عشق :عشق أنسه عشق
احمد :عشق اسمك حلو اوي وانا احمد ومد ايده تجاهلته عشق وكملت ترتيب الورق اللي قدامها رجع ايده تاني بإحراج شكلك من النوع المخربش اللي مابيجيش بسهوله
عشق:أفندم! حضرتك قولت حاجه
أحمد :لا ابدا كنت عاوز اقابل زين باشا
عشق لسه بترتب في الأوراق وقامت وقفت عشان تدخلهم الأوضه للي لسه ماتعرفش هو مين ده
زين باشا لسه مجاش ابقي تعالي ف وقت تاني
احمد :مجاش ازاي وانا لسه شايفه بعيني داخل جوه
الفصل الحادي عشر
عشق بصدمه:الاوراق وقعت من ايدها يخربييييتك
احمد :نعم
عشق :ق قصدي اللي دخل دلوقتي يبقي ز زين باشا يعني هو مش راجل عجوز وسنانه واقعه وكده وده ابنه
احمد :هههههههه انتي اول مره تشوفيه بما انك لسه جديده مش كده
عشق :يا اخي ياريتني ماشوفته انا كده اترفدت وش وبتلم حاجتها فأنا هاخد بعضي وهاخد حاجتي بالأدب بدل ما اخدها بقله الأدب واتكل ع الله انا
أحمد :هههههه طب قابلي بقي ردي يختي
عشق بصت علي التليفون اللي ع المكتب ورفعت السماعه أ الو
زين :تكوني عندي حالا بالاوراق اللي طلبتها عشق بصت للسماعه ونزلتها
أحمد :شوفي عاوز اي بدل ماتندمي زين باشا مبحبش التأخير ف الشغل بالذات
عشق: عنه ماحب انا مبخافش من حد انا كده كده ماشيه ولسه بتخطي خطوه رن جرس الانذار بيستعجلها
عشق يوووه وحطت حاجتها وخدت الورق ودخلت
أنااا انا اسفه انا مكنتش
زين: بلغي رحيم باشا وادهم باشا ان عاوزهم ضروري
عشق ف سرها:اي الغرور ده شكل انا وانتا كده مش هنعمر مع بعض
زين رفع وشه من اللاب وبصلها عاوزه تقولي حاجه تاني
عشق :هو انا كنت قولت اولاني احم قصدي رحيم باشا بيبلغ حضرتك ان في اجتماع انهارده الساعه 12
زين: قبل الاجتماع يكونوا عندي هنا وياريت ماتنسيش تبقي تقفلي سماعه التليفون كويس افتكرت لما نزلت السماعه وشتمته ومخدتش بالها هيا قفلت الخط ولا لا يعني هو سمع اخر كلام بينهم عشق وشها احمر من الإحراج وخرجت يعني كان لازم انجر من لساني الطويل واغلط فيه اهو هيستقصدني دلوقتي ده لو مطردنيش
من الشركه كلها بلغت رحيم في التليفون وأدهم مبيردش يووه ماترد انتا كمان هضطر اروح بنفسي لأبو عين زايغه ده وقامت عشان تروحله ربنا يستر وميتهزقش مني ع الصبح كفايه اللي حصل من شويه عاوز يعمل فيها جدع وجنتل وهو معفن اصلا
في مكتب أدهم
رفيف:حضرتك طلبتني
أدهم بيبصلها من فوق لتحت وبعدين أفتكر رحيم اتعدل واتكلم جد احم كنت عاوز اوراق الصفقه الجديده
حد بلغ زين باشا ان في اجتماع
رفيف:اكيد بلغوا السكرتاريه بتاعته زي مابلغوني اقول لحضرتك
أدهم:اه تمام أنااا كنت عاوز اعتذر عن سوء التفاهم اللي حصل المره اللي فاتت وبما انك بقيتي السكرتيره الجديده ويعتبر هنقضي اغلب الوقت مع بعض فمينفعش نشتغل سوا واحنا بينا اي حاجه مش لطيفه يعني اعتبريني مش رئيسك اعتبريني زميلك هنا شغال زي زيك ومد ايده ليها صافي يالبن
رفيف بإبتسامه :مدت ايدها حليب ياقشطه
ف نفس الوقت فتح باب المكتب رحيم بصلهم الاتنين وايدهم ف ايد بعض كانت جايه من وراه عشق اللي وقفت تنحت ورا رحيم اما شافتهم
عشق يخربيتك حتي السكرتيره بتاعتك مسبتهاش
رفيف شدت ايدها بسرعه من ايد أدهم أنااا أنا كنت
رحيم وعيونه بطق شرار بص لأدهم اللي راح قعد بإحراج ف مكتبه وهو عارف رحيم هيفكر اي فيه دلوقتي
رحيم :زين باشا كان عاوزني انا وانتا ف موضوع مهم قلت اعدي عليك نروح سوا نشوف ف اي وبص لرفيف بس واضح ان حضرتك مش فاضي
رفيف :رحيم انا قصدي رحيم باشا انا كنت رفع رحيم ايده ف وشها عشان تسكت من غير مايبصلها حتي هو منعها انها تشتغل في الشركه دي ومع ادهم بالذات فكر انها هتخاف علي زعله ومش هتيجي تاني بس معملتلوش اي اعتبار واتحدته واشتغلت مع أدهم
أدهم: رحيم لو سمحت انا مسمحلكش تلمح لحاجه ايا كانت اي هيا بالطريقه دي
رحيم بصله بغضب ومشي
رفيف خرجت بإحراج علي مكتبها
أدهم لعشق انتي عاوزه اي انتي كمان
زين باشا عاوز حضرتك رنيت ع التليفون مبتردش جيت أبلغك
أدهم :طب اتفضلي اطلعي برا دلوقتي
عشق وهيا ماشيه :اي قله الذوق دي هو انا كنت قلتلك امسك ايد الرايحه والجايه يكش تولعوا انتوا الاتنين انا مالي
في فيلا زين العابدين
كانت نايمه علي سجادتها في الأوضه بعد ما التعب غلبها ونامت وهيا بتصلي فتحت عنيها بتعب وقامت تاخد شاور يفوقها شويه بتكلم نفسها تحت الميه وهيا سرحانه أنا مش لازم أسكت اكتر من كده انا لازم أوقف اللي اسمها فريده دي عند حدها مش ممكن أوافق علي حاجه زي دي
خرجت من الحمام لمحت حاجه ع السرير راحت بإستغراب تشوف اي ده فستان محجبات ومعاه حجابه
غرام :اي ده اي اللي جاب ده هنا
فريده من وراها :أنا أنا اللي جبته عشان تحضري كتب كتابك بيه
غرام شهقت بصدمه ورجعت لورا: كتب كتاب مين أنا مستحيل أوافق ع اللي انتي بتقوليه ده
فريده :ههههههههه هتوافقي برضاكي او غصب عنك
غرام بتحدي وان موافقتش:فريده يبقي الصور دي هتكون ماليه النت والأخبار والمستشفي بتاعتك كمان خليهم يتأكدوا انك مش مخطوفه وانك فعلا هربانه مع حد لا وعايشه حياتك كمان من غير ماتتجوزي
غرام بصت للصور بصدمه: انتي ازاي تعملي كده
فريده:قفلت الموبايل وشالته من قدام وشها أنا عارفه ان زين باشا اي واحده تتمناه يبصلها بس مش مكنتش عارفه انتي عملتيله اي عشان يدافع عنك ويخاف عليكي لحد ماشفتكم ف حمام السباحه مع بعض ساعتها عرفت نيتك بالظبط تعيشي ف دور البريئه المظلومه لحد ماتصعبي عليه ويبدا يحبك وبعد كده تجريه لحمام السباحه قال اي مش بتعرفي تعومي وقربي منه وامسكي فيه أوي عشان انتي خايفه ياحرام ومش بتعرفي تعومي وبعدين تبو
غرام:بس كفايه انتي اي ياشيخه مش هتبطلي الافترا اللي انتي فيه ده انا لا لفيت ولادورت علي حد انا فعلا مابعرفش اعوم وابنك هو اللي باسني واهو عندك اشبعي بيه وسيبوني اخرج من هنا
فريده :واما انتي محترمه اوي وشريفه سيبتيه ليه ممنعتيهوش ليه ولا لقتيها فرصه ماتتعوضش
غرام رفعت ايدها تضربها بالقلم: اخررسي قطع لسانك
فريده مسكت ايدها قبل ماتضربها دا انا اللي هقطعلك ايدك دي لو فكرتي تمديها تاني انتي لسه مشوفتيش حاجه وان معملتيش اللي قلتلك عليه ورفعت التليفون ف وشها صورك الحلوه دي هتبقي ف كل المواقع بكره واه لو احتجتي اي حاجه اطلبيها من ليلي انا
وصيتها عليكي ومدت ايدها تحت دقن غرام ترفع وشها وهيا بتعيط زقت ايدها بعيد عنها ع العموم متتأخريش ياقطه عشان عاصم عصبي جدا وممكن يعاقبك وانتي عارفه عقابه عامل ازاي ههههههههه وسابتها وخرجت بصقت غرام مكانها منك لله حسبي الله ونعم الوكيل فيكي يافريده
في مكتب زين
دخل رحيم بغضب وقعد قدام زين من غير مايتكلم
زين رفع عينه من الورق اللي قدامه بصله خير مالك
رحيم :مفيش
زين :مفيش ازاي انتا مش شايف وشك عامل ازاي فتح الباب ودخل أدهم اللي بيبص لعشق وهيا علي مكتبها نظره كلها غل بصتله هيا بتحدي وقفل الباب ف وشها
عشق:تقولش بتقفل باب الجنه ياخويا ولا كأن واحده قمر زيي قاعده عدي دخل ومعبرنيش ولا يكونش أنا اللي مش مسيطره لا لا أنا زي الفل وتمام اهو خمسه عليا يكش يولع أنا مالي وكملت شغلها
رحيم بص لأدهم بغضب وغل وأدهم بادله نفس النظرات زين ساب الورق من ايده وبصلهم الاتنين
لا بقي الموضوع شكله كبير وانا لازم اعرف في اي
رحيم :أسأله
زين: في اي يا أدهم
أدهم:وأنا اعرف منين هو قالب وشه كده عليا من غير داعي
رحيم:واللي عملته من شويه ده شايف انك عادي ومعملتش حاجه
ادهم :عملت اي يعني سكرتيره عندي وانا حر يا أخي انتا مش هتحاسبني
رحيم :لا بقي هحاسبك عشان هياتخصني وانتا عارف الكلام ده كويس
زين بصوت عالي :بسسسسس خلاص خلصتوا خناق كل الخناقه دي عشان سكرتيره مش حذرتك يا أدهم تبطل شغل الهلس بتاعك ده
أدهم :زين دي السكرتيره بتاعتي كان حصل بينا سوء تفاهم وكنت بحاول نتصافي عشان نقدر نشتغل مع بعض مش اكتر الأستاذ بقي فهم حاجه تانيه دي حاجه تخصه مش تخصني انا
زين :رحيم انتا تعرف البنت دي
رحيم بتوتر:ايوه دي تبقي جارتي و و
أدهم بمرح بيحاول يلطف الجو هو كان بيستفزه مش اكتر عشان يوصل لغرض معين ف دماغه
وكمل وتبقي الجو بتاعه كمان
رحيم :ماتحترم نفسك بقي يا أخي ولا عشان الواحد ساكت هتسوق فيها
زين :الكلام ده صحيح يارحيم
رحيم :لا لا طبعا مش صح دا هو بس كان بيهزر انتا عارف ان هزاره رخم زيه
زين :اه ماهو عشان كده كنت داخل ولا اللي مقتولك قتيل وبص لأدهم وانفجروا الاتنين ف الضحك
رحيم لقهم بالأقلام اللي ع المكتب هزاركم سخيف زيكم
زين بجديه احم:خلينا ف المهم اللي كنت بعتلكم عشانه
رحيم :خير يارب
زين :هو خير انا يعني كنت عاوز أقول
أدهم :انجز ياعم الحبيب
رحيم :حبيب الله الله الظاهر ان في حاجات ابتدت تحصل من ورا ضهري هيا لسه هتحصل هيا حصلت خلاص ولا كان ليا لازمه ف ام الشركه دي
زين :حيلك حيلك ياعم رحيم مكنتش كلمه يعني وبرق لأدهم بعنيه عشان يسكت
أدهم:الله وانا مالي يالمبي منتا اللي يشوف منظرك يقول انك رايح تتجوز
زين بتوتر:اه ماهو ماهو يعني
غمز أدهم لرحيم بعينه وشاورله علي زين وعلي قلبه ان في حد يعني
رحيم:قام سلم عليه هو وأدهم ف نفس واحد
الف مبروك يا حبيب أخوك
ألف مبروك يا غالي الحمد لله ان هنخلص منك والنحس هيتفك
ولفوا وشهم هيمشوا
زين بجديه وصوت عالي :اقفوا مكانكوا انا لسه ماكملتش كلامي
لف ادهم ورحيم وشهم في الارض بيضحكوا
زين :هو انتوا هتعملوني الحفله بتاعتكم ولا اي
ايوه انا نويت اتجوز مش عيب ولاحرام غمز رحيم لادهم اللي واقف جمبه بايده كمل زين ومش حب علي فكره زي ماتوقعتوا انا بسس حسيت ان هيا اتظلمت كتير بسببي ومينفعش اسيبها تتجوز الحيوان اللي اسمه عاصم ده والا هبقي بظلمها للمره الثانية
رحيم بإستغراب جواز مين وظلم اي وايه اللي دخل عاصم في الموضوع
ادهم بصوت واطي عشان زين مايسمعوش وهو عاطيهم ضهره :هبقي أفهمك بعدين
زين لف وشه ليهم أنا قولت لازم اخد رأيكم بما اننا احنا التلاته واحد وموضوع مهم زي ده لازم تكونوا عارفين بيه
أدهم :طب وده قرارك لوحدك ولاا
زين قصدك اي
رحيم قصده ان قرار زي ده لازم تكونوا متفقين عليه مع بعض
زين :لا انا لسه مخدتش خطوه زي دي وكلمتها الحقيقه ان معنديش الجراه الكافيه لكده
أدهم:حط ايده علي دماغه يادي الوكسه معتش وقت
زين :معتش وقت علي اي
أدهم:ماهو كتب كتاب غرام علي عاصم اانهارده
زين قام من مكانه بغضب:اي اللي انتا بتقوله ده وعرفت منين الكلام ده
من قاسم هو اللي حكالي كل حاجه من بدايه الحكايه لاخرها وهو كمان اللي كان بيجيب الفستان اللي غرام هتلبسه انهارده ساعه كتب الكتاب
زين بغضب القلم اتكسر ف ايده: فريده اكيد
كل ده تخطيطها مش هسمحلها تضيع واحده تانيه كفايه واحده ضاعت من ايدينا والله اعلم هترجع تاني ولا لا انا لازم اروح الحقها قبل ماتغصب عليها تتجوزه
رحيم:اهدي بس يازين لازم نفكر اول عشان نعرف هتتصرف ازاي وبعدين مين قالك انها مغصوبه مايمكن هيا موافقه
زين :لا مش موافقه
أدهم وهو يرفع حاجبه بفرح :هيا قالتلك كده
زين بإحراج:لا انا عارف لوحدي
رحيم :امممم يالئيم انتا شكلكوا مخلفين ف السر وعامل فيها غلبان قدامنا
أدهم :مخلف اي ياعم دا اخره يتفرج عليها وهيا بتضيع منه
زين :وانتا عاوزني اعمل اي يعني اروح اقولها انا بحبك وعاوز اتجوزك
رحيم :واي المانع مش احسن ماعاصم هو اللي يقولها كده
زين :ده يبقي اخر يوم ف عمره عاصم ده حسابه لسه تقيل معايا علي كل المصايب لللي عملها
ادهم: يبقي خلاص انتا تروح انهارده وتقولها الكلمتين دول
زين :كلمتين ايه
أدهم:انا بحبك وعاوز أتجوزك ومستحيل تكوني لحد غيري