رواية عشق الفهد ج٢
الفصل الخامس والعشرون
بقلم منه ياسر محمد
مريم: اي حور كنتي فين
ادهم: انطقى كنتي فين... اختبئت حور خلف زين..
زين: اهدوا بس
ادهم: اي اللى بيحصل كنتي فين
زين: هقولك مش انت قولت انو احنا بنجهز لجوازنا صح وكنت كذاب بس
انا طلعت بحبك ياادهم واللى انت قولته اتحول لحقيقه شوفت بقا...
ادهم: مستحيل
زين: يلا حور زين فهد الرافعي مراتي
مريم: يانهار اسود...
زين: اي مالك
حور: م.. مريم: تخرسى خاالص فرجتي علينا الناس
حسام: مكنتش اعرف
انك ممكن تعملى حاجه زي كدا ياحور
زين: احنا معملناش
حاجه غلط ولا حضرتك كنت عايز تجوز بنتك لواحد مبتحبهوش ولا طايقه..
ادهم: زين هتندم اوى
زين: طيب هنشوف..
مريم: يلا بره انتي من انهارده ملكيش عيله ملكيش حد....
استاذ محمود: بس يامريم انتي نسيتي انو نص الڤيلا بأسم زين ولا اي
وهو اللى يحكم هيقعد ولالا والنص تاني لعشق امو...
مريم: يعني اي اسيبوا اناا
زين: ششش ولا انتي ولا غيرك انا ليا بيت وهعيش فيه وهنبق قريبين منك ياجدو
استاذ محمود: بس يابني
زين: متقلقش حور فى عنيا... خرج زين ومعه حور متجهين الى منزلهم.
. دخلت حور وكانت الدهشه فى عيناها المنزل مزين ومرتب بطريقه لم يتوقتها احد كان اكثر من رائع...
حور: زين زوقك حلو اوى اوى
زين: بجد انا عملت اي حاجه فى اخر وقت عشان كل حاجه تمشى وجبت عفش وكل حاجه ربنا حلها
حور: حلو اوى يازين
زين: البيت مكون من دورين الدور اللى فوق فى اوضتين واللى تحت اوضه هو صغير بس.. حور: زين لا ده حلو اوى اوى
بجد انا مستعده اعيش معاك حتي لو كان فين.... اقترب منها زين
وحملها وصعدوا الى غرفتهم ووضعها على الفراش رأت حور الغرفه مزينه والفراش ممتلئ بالورد..
حور بابتسامه: زي
غرفه اميرات الكرتون
زين: وهنروح بعيد ليه ماانتي اميرتى وكل حاجه بالنسبالى.. امتلئت
عيون حور بالدموع قائلا اتخلوا عني
زين: حاسس بيكي بس انا معاكي والله ومش هسيبك وكلهم هيعرفوا غلطهم
وهترجعي لعيلتك
حور: خايفه اخسرك يازين خايفه عليك اوى... ضمها زين قائلا انا معاكي صح
حور بهمس: صح
زين: وطول ماانا معاكي قولتلك متخافيش وهنفضل مع بعض وهفضل
متمسك بيكي لحد اخر يوم فى عمرى عشان انتي كل حاجه فى حياتي
مقدرش استغني عنك...
زين بضحك: اه ونسمع الكلام بقا تمام
حور: على فكرا انا اكبر منك
زين نعم
حور: بشهرين نسيت... شد زين لداخل احضانه قائلا اوريكي مين الكبير
فينا قال شهرين قال اتلمي بقا ها..
حور بضحك: ششش بحبك... دفنت حور رأسها داخل احضانه.. وظلت متمسكه
به قد وجدت الدفئ وجدت كل الامان معه كان كل
شيئ لها وهو مثلها بأختصار انو كل شخص قد كمل الثاني بحبه.....
فى الصباح...
استيقظت حور ولم يوجد زين بجانبها وقفت حور ثم نزلت الى الاسفل شاهدت زين...
حور: زين بتعمل اي
زين: بعلق ورد
حور: اي ليه
زين: عشان البيت يبق حلو واحسسك انو فى تجديد يعني
حور: والله حلو يازين كفايه انك معايا اي كل الورد ده البيت متزين حلو اوى
زين: عجبك
حور: اه
زين: جهزتلك فطار حلو اوى
حور: كل حاجه من ايدك حلوه... نزل زين وكان يبتسم لها.. ثم وضعت حور يدها على عنقه قائلا انت سبتني ونزلت ومسألتش فيا تمام
زين: لا ده.. حور: وكمان مش مهتم بيا
زين: يابنتي لا.. حور: وكمان بتقاطعني لما بكلم.. ثم ابتعدت عنه حور قائلا انت متتكلمش معايا تاني يازين عشان انت مش مهتم بيا... نظر لها زين مبتسما ثم ضمها قائلا طيب انا لو مش مهتم بيكي ههتم بمين ياقمر هااا ثم همس فى اذنها قائلا معنديش حد اغلى منك..
زين: حوووور حصلك اي انتي بتقعى ولا اي
حور: لالا كويسه انا هطلع فوق
زين بضحك: طيب روحي روحي....
_____________________
ادهم: عجبك اللى بيحصل
مريم: اكيد دلوقتى طبعا مبسوطين مكنتش متخيله زين يعمل كل ده
ادهم: زين مش سهل وانا حذرتك منو
مريم: والله لوريك يازين قولى ياادهم هو زين كل يوم بيمشى الساعه كام
ادهم: يعني على تسعه الصبح بس البيه واخد اجازه
مريم: تمام انا عرفت كدا هعمل اي..... اخذ ادهم يفكر فى امر زين وحور كان يفكر لماذا حور ذهبت الى المستشفى وشغله الامر عندما شاهد زين وهو يهدئها عند بكائها وكان الامر يشغله...
____________________
زين: حور يانهار اسود المطبخ عامل كدا ليههههه
حور: زين اهدي بس
زين: شكلك عامل كدا ليه اتكهربتي ولا اي اي الاسود دههه
حور: زين البوتجاز
زين: ده مكملش يوم ده المطبخ كله مكملش يوم ده المفرود لي ضمان انتي بتهزرى
حور: المطبخ لي ضمان يازين
زين: البيت كلههه لي ضمان اصلا البيت ده لازم يفضل ٣٠ سنه ادام.. معاكي مش هيفضل يومين
حور: يوه بقاا... ذهب زين وضمها من الخلف قائلا خلاص متزعليش ماشى المهم انك حاولتي ويلا نعمل غدا مع بعض
حور: بجد
زين: اه يلا ياحبيبي.... كانوا يضحكون بأعلى اصواتهم وكأن السعاده رجعت من جديد كان قلب زين ينبض عندما يشاهدها تبتسم...
زين بغمزه: انتي حلوه ليه
حور: بجد عشان انت معايا
زين: يعني لما امشى هتبقى وحشه
حور: نعم
زين: لا مش قصدي بس حلاوتك بتزيد كل يوم خفى يابا
حور: زين اسكت عشان مصدعه
زين ببرود: زين اسكت عشان مصدعه
حور: هي بقيت كدا ماشى ه..
حور: اي الريحه دي
زين: اي اللى بيتحرق وراااكي دهههه
حور: يالهوي الاكل اتحرق يازين كان هيقع عليااا
زين: خدي بالك
حور: اخدت بالى
زين: خدي بالك على البوتجاز ونبى
حور: نعمم...
فى المساء...
كانت حور نائمه داخل احضان زين ويشاهدون فيلم...
زين بهمس: بحبك
حور: وانا كمان بس انا زعلانه عشان انت هتمشى
زين: هحاول اخد اجازه
حور: زين متبعدش عني ماشى
زين: متخافيش هنزل ومش هتأخر بس عندي اجتماع مهم
حور: ماشى ياحبيبي...
ساره: محمد انت اي يااخي مش خايف الا تموت كفااايه يامحمد كفاااايه بقاا...
مريم: الو ادامكوا بكره عشان تجهزوا كل حاجه تمام
_تمام يامدام