رواية عشق في حي شعبي
الفصل الاول والثاني
بقلم ايات الرحمن ايات وقلب نورك
في حاي شعبي
الساعه 8 صباحاً.... استغفر الله العظيم في اي على الصبح إستهدي بالله يا ماما و ادخلي جوه
الام.. اوعي يابت سبيني وديني ل اجيبها من شعرها
أم ياسر... تجيبي مين من شعرها ياوليه انتي
هايدي بنفاذ صبر ... ما خلاص يا ام ياسر انتي كمان الله جيجي لو صحيت مش هعرف احوشها
......
تخرج جيجي من غرفتها وهيا تفرك في شعرها بنعاس .....
اصطبحنا في اي ياماما بتروقي علي مين علي الصبح كدة
الام ... تعالي ياجيجي شوفي الوليه دي غسيلها نقط على البلوزه الجديدة بتاعتك
جيجي وهيا تجز علي أسنانها بغضب..
انتي بتقولي اي يا ماما
ام ياسر وهيا تقف خلف هايدي.. يقطعني ياختي دا ابو ياسر كان لية غيارين بس
هايدي تمتمت بخفوت.... استر يارب كمان غيارات ابو ياسر هو اليوم باين من اوله سلم على الشهدا اللي معاك يا أم ياسر...
تجمع الناس تحت بلكونة ام جيجي
أحد الجيران... خلاص سماح المرادي ياست جيجي دي وليه هبلة ومتعرفش حاجه
جيجي وهيا معلقه ام ياسر في البلكونه.
لا ام ياسر مش هتنزل غير لما تقول حرمت اغسل غيارات ابو ياسر
ام ياسر وهيا تنتفض فزعا ... حرمت ونبي ياست جيجي حرمت مش هنشر غيارات للمنيل جوزي تاني
جيجي بملل.. خلاص نصايه كده ونزليها ياهايدي...
هايدي وهيا تضرب ام ياسر علي مؤخرتها... ايوا بقا يا ختي افراج بدري اهو
هايدي و هي تنظر من البلكونه للاسفل ... يلا ياجماعه كل واحد علي بيته يلا ام ياسر خمسه بس وهتنزل يلا يا أبله انتي وهيا
خرجت هايدي من البلكونه ودخلت المطبخ..
جيجي اعملك سندوتش معايا
جيجي وهيا تقف علي باب الشقه... لالا دا انا اتأخرت اوي المدير هيصبح عليه
الام بحنان... ربنا معاكي ياحبيبتي
جيجي بإبتسامة... سلام ياعسل سلام يابت هايدي
............
نتعرف بقاا جيجي مصطفى الأخت الكبيرة طويله بشرتها بيضاء عيونها زرقاء لكن دائما جديه فمها صغير بس ربنا ميكتبلك تقف قصدها أنفها صغيره
عنيده جدا جدا لسانها اطول من شارعهم بتلعب ملاكمه وده اللي مخلي جسمها رياضي جدا
هايدي الاخت الاصغر حاجه كده مدلعه تشبه جيجي في كل شئ و هي النسخه التانيه من جيجي لكن علي اصغر
ابوهم الحاج مصطفى محبوب من أهل منطقتة جدا هو شخص طيب لكن عند بناته مليووووون خط احمر لانة ممكن يتحول لاسد في اي لحظه
.......
لتخرج جيجي الى الشارع...
أم حنكش من البلكونه...
ابله جيجي يا ابله جيجي
جيجي وهيا تلطم علي خدها... خير يا ام حنكش في اي علي الصبح
ام حنكش.. ونبي ياابله تدي الواد محمد ابني كام كلمه انجليزي كده عشان يتفشخر بيهم قدام العيال
جيجي بضيق... وانتي ابنك عيزاه يتعلم انجليزي عشان يتفشخر علي الواد شنبر ابن ام سعيد ولا حماكشه ابن ام سيد
ام حنكش.. يختي يتفشخر عليهم كلهم
جيجي وهيا تتحرك من أمامها... عيني يا ام حنكش همشي انا بقاا عشان اتأخرت علي الكلاس
جيجي في طريقها لكن استوقفها صوت
سيد... صباح الخير يا ابله
جيجي بزهق.. صباح الخير يا سيد مش نقصاك علي الصبح
سيد.. لية بس يا ابله جيجي دا انا سيد عجله يعني احسنها سمكري عربيات فيكي يا منطقه.
جيجي وهيا تمسكة من ياقته... اسمع يلا جو الطنطيت دة مش عليا اظبط عشان مروقش عليك جنب خالتك ام ياسر.
سيد ينزع يدها بغضب... طب اسمعي بقى ياقطه الحاج ابوكي عليه فلوس للمعلم ضاحي وانتي عارفه المعلم ضاحي بلغي الحاج يرجع فلوس المعلم إما المعلم مبيسميش بسلامه ياابله
........
في كليه هندسه
في الكافتيريا....
هايدي وهيا تضع عينيها في الكتاب وتهز بي كتفها علي شروق
شروق... بت ياشروق شروق شرووق
شروق بفزع... في اي الله يخربيت امك فزعتيني
هايدي بتركيز.... شوفي يابت الكتاب ده بعدين سمعت إن عندنا امتحان قريب
شروق وهي تضع الاكل في فمها..... امممم عارفه ياختي بعد بكره
هايدي وهيا تنظر إليها بقرف... ابلعي ياختي الاول جتك نيله اي همك علي كرشك دائماً.
شروق وهيا تحاول مضغ و بلع الاكل.. امممممم دا يدوبك الطبق التالت يعني ملحقتش
هايدي وهيا تلوي فمها..... نعم ياختي التالت ولسه طب لعلمك ده الخامس وحيات خالتك
كادوا يكملوا كلامهم لكن قاطعهم صوت أحد الرجال.... احم انسه هايدي ممكن كلمتين علي انفراد
شروق وهيا ممسكه السندوتش وعينيها توسعت.. اوباااا اي الموز ده اسفه مش هينفع اسيبك معاها ده مش خوف منك تؤتؤ دا خوف عليك
هايدي بزهق.. اؤمر ياشبح خير جاي بطلتك البهيه لية ان شاء الله خير
عمر بابتسامة هادئه.... خير إن شاء الله انا كنت عايز اتعرف
هايدي وهيا تقف تضرب بيدها علي الطاولة ..... ناااااعم تتعرف علي مين ياروح خالتك
عمر بصدمه.. ياانسه هايدي انا بس بقول اتعرف علي اهلك يعني اتقدم لحضرتك
هايدي وهيا تجلس بهدوء.. اااه تعرف حلال يعني اذا كان كده ماشي اكتب عندك
عمر بعدم فهم.. افندم اكتب اي
هايدي بزهق.. الله اكتب عندك رقم ابويا كلمه مش عايز تتعرف
عمر بتوهان.. ااه اه اتفضلي قولي
.............
بعد مرور بعض الوقت ترجع هايدي إلى المنزل
هايدي وهيا تقفل باب الشقه ورائها... ماما ياست الكل. بت ياجيجي
لتخرج الام من المطبخ... في اي يابت عامله دوشه لي بعدين اختك مجاتش لسه
الاب وهو يجلس في البلكونه... تعالي ياهايدي عايزك
هايدي... لا اللي عايزني يجيلي لامؤاخذة يعني.
الاب.. تعلي يابنت ال*كل*ب بدل مجيبك من شعرك
هايدي وهيا تقبل يد ابيها... ولية العنف بس ياحج انا اهو
الاب بابتسامة..... في عريس جاي بكره اي رايك
هايدي.... الي تشوفو انت يا بركه
لتدخل الام.. عريس عريس اي بعدين ازاي الصغيره قبل الكبيره
الاب... ملكيش دعوه انتي جيجي تنقي براحتها وانا مش مستعجل علي حد بس العريس الي جاي لهايدي شخص محترم هنشوف ونسال عنه
خرجت امهم بعصبيه
.......
تاني يوم والكل على ام الاستعداد لإستقبال العريس لكن جيجي لا تعرف عنة شئ
ليدخل عمر ووالدته ووالدة
الاب.. أهلاً وسهلاً نورت ياعمر يابني نورت يا أبو عمر
ام عمر وهي تنظر للمنزل بقرف.. هو ده بيتكم
الاب ب احراج... احم ايوا إحنا بيتنا تمليك يا مدام
ام جيجي تمصص فمها بطريقه عشوائيه..... وانت بقاا ياعمر عايش فين
ام عمر بتكبر... ابني معاة شقته تمليك في المهندسين هتعرفوا تفرشوها.
هايدي كانت واقفة خلف الستار و تسمع كل كلمه..
ليفتح الباب فجأه وتدخل جيجي
ياا اهل الدار انت ياراجل ياللى مخلفني
لتدلف جيجي وتصدم من الموجودين... احم اسفه معرفش إن عندنا ضيوف
ام عمر وهيا تأشر علي جيجي بقرف.... مين دي
جيجي وهيا تقلد ام عمر... مين دي انتي الي مين دي
الاب.. جيجي عيب كده المدام ضيفة عندنا اقعدي
لتجلس جيجي بملل... منورين قصدي منور ياشاب ياقمر انتي والحج الي جنبك
عمر وهو يضع يدهد علي صدره... دا بنورك
ام عمر بتكبر... مردتوش هتعرفوا تفرشوا الشقه بتاعت ابني
الاب بضيق.. وانتو هتدفعه مهر كام بقاا ان شاءلله
ام عمر بصدمه.. مهر احنا ندفع مهر كفايه اسم ابني وسمعته وانه هيناسب من عندكم
جيجي بردح مصري... نعاااام ياعمر وعلى اي ياختي الانعرا الكدابه دي
ام عمر بقرف... اي دا صوتك دا انتي اكيد مش بنت انتي عمله كده اومال اختك عامله ازاي
لتخرج هايدي من خلف الستار... اختك عامله كده يعنيه
لتنظر جيجي بفخر.. منور ياخويا جيت في معادك
ام عمر... يلا يلا ياعمر اي البيت المقرف ده واي الناس البلدي دي
هايدي برادح... بلااادي انتي لسه شوفتي بلدي دا انا هوريكي البلدي على حق يوليه ياقرشانه
جيجي بخبث.. براحه ياهايدي عليها ال قوليلي صحيح انتي نزلتي ام ياسر
ابتسمت هايدي بخبث.. اااه والمكان فاضي ياغاليه
...
بعد مرور ساعتين
ام عمر بتعب... اااه ااه تعبت نزلوني ياوحوش انا هحاسبكم
جيجي وهيا تشرب الشاي... بعدين بقا انا جايه اشرب الشاي في البلكونه ب مزاج اتعلقي وانتي ساكته ياطنط لو سمحتي عشان الجيران
هايدي من خلف جيجي... مالك ياطنط بس لو مش عجبك انك متعقله في البلكونه ممكن اعلقك في السطح عادي الهواء في اي مقولكيش ياخد روحك علي طول
جيجي وهايدي ظلوا يضحكون حتى فجأه كسر الباب
جيجي بغضب.. يابن الك*لب كوباية الشاي كانت هتلسعني وديني لعلقك جنب الوليه دي ان شاءالله تكون مين ها
لتخرج هايدي وجيجي و هم يفتحون فمهم بصدمه مما يروا أمامهم
جيجي و هي تبتلع ريقها بتوتر و خوف ..... آحييييية
البارتي التاني
بقلم ايات الرحمن
جيجي و هي تبتلع ريقها بتوتر و خوف ..... آحييييية
ليدلف العساكر كثيرون مسلحين و يدلف معهم عمر و والدة
عمر وهو يأشر علي جيجي وهايدي.. هما دول ياباشا اللي خطفوا والدتي
هايدي وهي تتمتم بصوت منخفض. اه يابن المبقعه وحيات امك مهسيبك
الاب... بناتي انا يا حضرت الظابط دول نسمه دول بيتكسفوا يقفوا في البلكونة عشان محدش يشفهم
الضابط وهو يتأمل في عيون جيجي... هما فعلا نسمه ياحاج بناتك قمر اوي
جيجي وهي تمثل دور الملاك.. ميرسي ياحضرت الظابط دا من زوق حضرتك
هايدي... جرا اي ياباشا انت جاي تشقط اختي قدام ابويا بص هيا بتنزل كل يوم بتروح المدرسه الي جنبينا هيا بتشتغل مدرسه استناها بقاا علي اول الشارع وشقطها براحتك
الام وهيا تهمس لي الاب... واخد بالك ياحاج باين كده والله اعلم اللعنه هتتفك وهنخلص من جيجي
الاب.. باين كده يا موحه (دلع سماح)
جيجي وهيا تنظر لوالديها وتتحدث برقه.. طب ياموحه قصدي ياماما ممكن تعملي عصير ل حضرت الظابط شكله تعبان خالص
الظابط بابتسامة.... تسلمي ياقمر
ثم نظر لعمر بحدة ... وانت اتفضل معقول البنتين الملاك دول يعرفوا يمسكوا فرخه عشان يخطفوا امك
جيجي بنفس الهدوء... حضرتك شخص محترم اوي اوي
الظابط وهو بيعدل الجاكيت بفخر.... متشكر ياقمر عن اذنكم
كاد الظابط أن يخرج من باب الشقه لكن استوقفه صوت
ام عمر بتعب... ااااه عمر الحقني ااه مش قادره
لتلطم هايدي وجيجي... يانهار اسود يانهار اسود ااه اخرتها هنتحبس في الوليه القرشانه دي
تغيرت عيون الظابط إلى الغضب وهو يشير إلى البلكونه.... روح يابني انت وهو افتحوا البلكونه دي
ليخرج العساكر من البلكونة وهم ممسكين ب ام عمر
عمر بلهفة... ماما حبيبتي عملو فيكي اي المتوحشين دول
هايدي وهيا تقلده.. ماما حبيبتي نينيني عيل خرع بصحيح اهي عندك يكش تقع في بلاعة مجاري انت وامك
الظابط بحدة وهو يأشر علي جيجي وهايدي.... هتوهم علي البوكس
جيجي وهيا تنزع زراعها بغضب.... شيل ايدك ياض لتوحشك منك لي احنا هننزل معكو بس بالزوق
هايدي وهيا تمسك زراع جيجي بفخر... يلا ياصاحبي اهو نفضي البيت لموحه و صاصا انهارده براحتهم
سماح امهم وهيا تبعث لهم قبله في الهواء... امواه بناتي يخليكم ليا يارب
لتنزل جيجي وهايدي وهم ياشران للجيران بفخر بينما ابوهم يتحدث معهم انه سوف يذهب لهم و معة محامي
ام عبير احد الجيران.. ابله جيجي وخدينك علي فين انتي والانسه هايدي
هايدي وهيا تخرج راسها من البوكس.. رايحين مشوار على السريع كده لحد القسم خلي بالك من امي واوعي الوليه ام ياسر تنشر غيرت ابو ياسر فوقينا
ام عبير وهيا تنظر لها من البلكونه.. متخافيش ياختي دي في عنيه تروحو و ترجعوا بالسلامه يارب
....
في الزلزله
جيجي وهايدي كانوا يتحدثون بينما قاطعهم صوت احد فتيات الليل
جر اي يابت انتي وهيا شغلين رغي من اصبح وجعتوا دماغنا
هايدي وهيا تنظر لها بدقه.. وانتي مالك ياختي يكونش بنتكلم بي بوق امك
كادت الفتاه ان تضرب هايدي لكن امسكت جيجي يدها وقامت بلفها وتحدثت بغضب.. لا ياحلوه مش إحنا يابت اللي يتعلم علينا
وقفت باقي الفتيات في الزنزانة وهم ينظروا لهايدي بدقه...
هايدي وهيا تشمر اكمامها بابتسامة خبث.. الله دا انتو اللي جبتوة لنفسكم بقاا استعنا على الشقا بالله يامسهل الحال يارب
....
بعد مرور بعض الوقت احد الفتيات وهيا تهوي على جيجي بالمنشفا
تؤموريني بحاجه تانية ياست جيجي
جيجي وهيا تسترخي... لا مأمورش شوفي ستك هايدي عايزه حاجه كده ولا كده
هايدي وهيا تهمس لها.. بت ياجيجي اخدتي بالك من البت الي قاعده لوحدها هناك دي ومكلبشه كده ف نفسها
جيجي وهيا تنظر لها بدقه.. ااه تعالي نشوف مالها
هايدي وهيا تقترب من الفتاه.. مالك يابت انتي حد عملك حاجه
لترفع الفتاه راسها بتعب بينما دموعها تغطي عيونها....
جيجي وهيا تربت على شعرها بحنان.... اسمك اي وشغاله اي.
جودي وهيا تضم رجليها الى صدرها بخوف... جودي انا انا مش شغاله انا بدرس
جيجي وهيا تنظر لملابسها المتسخه... نعم بتدرسي بلبسك ده
جودي بصوت منخفض.. هما اخدوا لبسي معرفش لي ومش عيزني اكلم بابي
جيجي وهيا تنظر للمساجين بحدة... انتي يابت انتي وهيا مين اخد هدوم البنت دي هتوها حالا
احضرت احد الفتيات ملابس جودي وقامت برتدأها
جودي بخوف.. ممكن اكلم بابي
هايدي بضحكة على رقتها.. بابي حاضر هجبلك تلفون
احضرت هايدي تلفون لجودي
خدي ياستي كلمي البابي بتاعك
جودي بصوت يكاد يسمع من كثرة البكاء..... بابي انا انا في القسم معرفش كان في خناقه واخدوني
.................
معرفش قسم اي
جيجي وهيا تأخذ منها التليفون... الو باشا بنت حضرتك في قسم........... ايوا لا متخفش هيا في ايد هايدي وجيجي يعني متخفش الو الو
جيجي وهيا تضع يدها علي راسها.. احم الخط قطع
بعد مرور بعض الوقت
يحدث حالة هياج في القسم
و يفتح باب الزنزانة مرة واحده
و يقف الجميع بفزع ماعدا هايدي وجيجي الذين يتحدثان مع جودي
عيسى بصوت يهز اركان المبنى ... جووووودي
لتذهب اليه جودي وتحتضنه بفرح... بابي انا كنت خايفة
عيسى وهو يضع يده على شعرها بحنان وينحني كي يكون امامها.. قوليلي مين زعلك
حركت جودي راسها بنفي وهيا تأشر علي جيجي وهايدي.. محدش زعلني كانو في الاول اخدوا هدومي بس ميس جيجي وهايدي خلوهم يرجعولي لبسي وكمان خلوني اكلم حضرتك
عيسى بابتسامة اظهرت غمازتة.... طيب ياحبيبتي يلا عشان نمشي
ركضت جودي إلى هايدي وجيجي وعانقتهم بحب
جيجي وهيا تضحك على طريقتها.. عرفتي يابت لما حد يثبتك هتعملي اي
جودي وهيا تلوح بيدها... اه هقولوا اوعاا يااااض ايدك لتوحشك وقوم مشوحه كدا اهو
هايدي بفخر.. جدعه يابت
عيسى بنظرات غاضبة..... جودي اي الي بتقوليه ده
انتفضت جودي بفزع.... اسفه يابابي
عيسى وهو ينظر لجيجي وهايدي بقرف.. وانتوا كنتوا جايني ف اي
هايدي بحدة من نظراته.. وانت مال اهلك مش اخدت بنتك ياله اتكل بدل متبات هنا
عيسى بغضب.. انا هعديلك بس عشان الي عملتي مع جودي غير كده كنت دفنتك مكانك
هايدي بردح.. تدفن مين ياحيلتها دا انا اعلقك هنا
عيسى وهو يضع نضارته الشمسية بغرور..... فعلاً هستنا اي من ناس مشبوهة زيكم
ثم امسك يد جودي ويتجه الى الباب لكن استوقفه صوت جيجي بغضب.. إحنا يا باشا مش مشبوهين إحنا جينا هنا عشان وحده شيفا نفسها زي حضرتك دخلت بيتنا وتانعرت علينا واتريقت على عيشتنا واحنا محليتناش غير كرامتنا ودايما راسنا مرفوعه ودي لو راحت يبقا ملهاش لازمة العيشه ولولانا مكنتش بنت حضرتك في ايدك اهي وسليمة
نظر لها عيسى بعدم اهتمام لحديثها وخرج
هايدي بحزن.. مالك ياجيجي من امتا واحنا بنبرر لحد حاجه ما اللي يفهم يفهم محدش بيشيل من تعبنا ومش رايحين نناسبه بروح امة
دلفت جيجي لحضن اختها بحزن
بينما دخل احد العساكر وهو ينادي.. جيجي مصطفى وهايدي مصطفى
هايدي وهيا ترفع يده.. انا هنا ياشاويش
العسكري... يلا افراج
عقدت جيجي حاجبيها بتعجب... بت يكونش ابوكي نفض لامك وراح جبلنا محامي بجد
هايدي وهيا تهز كتفها بعدم فهم.. علمي علمك ياختي تعلي نخرج ونشوف
..
في مكتب الظابط
عمر وهو يبتلع ريقة بخوف.. والله ياباشا مكنت اعرف انها مراتك ابوس ايدك و رجلك يا باشا سامحني
الظابط وهو يرتعش من نظراته.. ياباشا انا مكنش قصدي اعاكسهم يعني
تحولت عيونه الى سواد من شدة الغضب وهو يسحبه من ياقته.. انت بتقول اي ياروح امك عاكست مين
لتدلف جيجي وهايدي إلى المكتب
الظابط بخوف والله ياهوانم مكنتش اعرف ان واحدة فيكو مرات الباشا
جيجي وهايدي وهم يفتحان فمهم بصدمه.....
هايدي وهيا تحدق بهذا الرجل..... جيجي اسمحيلي انا المرادي احيييييييييية