رواية عشقت منقذي
بقلم ياسمين سامي
الفصل السابع عشر
,,والثامن عشر
بصلها زين وشد الماسك من علي وشها مره واحده
زين بصدمه وغضب رمي الماسك ع الأرض لما لقاها ممرضه مش غرام زي ماكان متوقع
زين:غرااام فين
الممرضه :غرام مين
زين :الدكتوره غرام محمد عزمي انا متأكد انها معاكم وراح ناحيه باقي الممرضات وشد الماسك من علي وشهم كلهم انتوا مخبينها فين انطقوا
الممرضه: لو سمحت حضرتك مينفعش كده احنا معنا حاله تعبانه ولازم ترتاح ف أوضتها عن إذنك
بعد زين عن طريقهم بإحراج وطلع تليفونه
زين:عملتوا اي
الحارس:للأسف ياباشا مفيش ليها أثر
زين:تجبلي عنوان ييتها بسرعه هنروح علي هناك
الحارس :اوامرك ياباشا
زين:ياتري انتي فين ياغرام ليه عملتي فيا كده كلكم صنف واحد مينفعش حد يثق فيكم كلكم كذابين وعاملين فيها ملايكه أنا الحق عليا ان
ضعفت قدامك ووافقتك علي كلامك وصدقت انك مش هتهربي مني بس صدقيني هتندمي علي اللي عملتيه ده ومشي زين بس وقف لما سمع حد بينادي عليه
الدكتور:زين باشا
زين :أفندم محتاجين مصاريف لعلاج البنت
الدكتور:لا لا خير سعاتك سابق أنا بس كنت عاوز أقولك ان دكتوره غرام هربت بلبس دكتوره بإتفاق مع الممرضات
زين :راحت فين
الدكتور:الحقيقه معرفش انا سمعتهم وهما بيتكلموا هيا والممرضات كانوا بيتفقوا انهم يهربوها
زين بعد الدكتور عن طريقه وراح للمرضات فتح الباب بعنف ودخل عليهم
بصوله الممرضات بصدمه وبصوا لبعضهم
زين: أنا هسألكم مره واحده بس غرااااام فين
ممرضه: والله احنا مانعرف هيا راحت فين
ممرضه2:احنا ساعدناها تخرج من هنا بس لكن راحت فين منعرفش
ممرضه3:زين بيه دكتووه غرام طيبه ومتستاهلش حاجه وحشه
ممرضه1:دي هيا اللي صممت تدخل معانا وتنقذ حياه البنت ولولا هيا بعد ربنا كان زمان البنت ميته دلوقتي
بص زين للبنت وهو مذهول من اللي بيسمعه وبصلهم تاني
ممرضه2:لو عملت حاجه ارجوك تسامحها عليها كفايه الفضيحه اللي حصلتلها
زين بصدمه:فضيحه اي هيا غرام شافت الفيديو
ممرضه:ماهو ماهو
زين:ماهو اي انطقي
المدير وراها الفيديو واحنا كمان قعدنا نتريق عليها بس والله كان غصب عننا من اللي سمعناه عنها واعتذرنا ليها قبل ماتمشي
زين:لو سمعت بق حد تاني اتفتح بكلمه واحده علي،غرام مش هقتله لا أنا هخليه يتمني الموت وميلاقيهوش غرام دي تبقي مراتي واللي شفتوه ده شئ طبيعي بين راجل ومراته ولا متعرفهوش
بصوا ف الأرض بخجل سابهم زين ومشي
للممرضات لبعض:معقول جوزها ازاي وامتي دي حتي مقالتش ولا عزمت حد
واحنا مالنا المهم انها بريئه وطلعت مراته عاوزين اي تاني
في بيت ياسين
ياسين باشا في واحده بتقول انها عوزاك ضروري
ياسين وهو يتصفح صوره عشق بفستان السهره الي كان بعتهولها وصورها وهيا بترقص مع أدهم وساعه ماسابته وهيا جايه عليه وصورها وهيا قاعده معاهم من غير ماتاخد بالها
يااسين بعدم اهتمام :مين دي
الخادم:بتقول اسمها عشق وعاوزه سعاتك ضروري
قفز ياسين من ع الكرسي بسعاده وصدمه مما سمعه للتو:بتقول اي عشق
الحراس مش راضيين يدخلوها وهيا مصممه ومش راضيه تمشي
ياسين : تمشوا مين يابهايم دخلوها بسرعه
وكلم نفسه بخبث تمشوها هو انا صدقت انها تيجي
لحد عندي برجلها
دخلت عشق بعد ماسمح ليها الحراس
ياسين وهو نازل ع السلم :أهلاأهلا عشق هانم بنفسها هنا وف بيتي
عشق جرت عليه تبوس ايده وهيا بتبكي:أبوس ايدك ياباشا اقف جنبي أبويا بيموت
ياسين بإستغراب :شد ايده منها بس بس اهدي اقعدي عشان افهم في اي وقعدها ع الكرسي وقعد جنبها بحزن مصطنع ممكن تفهميني في اي
عشق بتبكي بإنهيار:أبويا بيمووت محتاج عمليه غاليه اووي ومش معايا تمنها ومفيش قدامي الا حضرتك تساعدني
ياسين:تؤتؤ ياحرام وحط ايده علي ايدها بيخبط عليه كانه بيواسيها اهدي يس اهدي وماتقلقيش كل حاجه هتبقي تمام طول ماحنا مع بعض.
شدت عشق ايدها بتوتر وبعدت بعيد عنه شويه ومسحت دموعها:يعني حضرتك هتساعدني
ياسين قام وقف وادالها ضهره ونفخ سيجارته :اه طبعا معنديش مانع أساعدك مش معقول تجيلي بنفسك عشان حاجه زي دي وارفض طلبك ولف وبصلها من فوق لتحت انتي عارفه انتي عندي اي
عشق:بس انا محتاجه مبلغ كبير
ياسين :مش مهم انتي محتاجه كام مدام كله بحسابه
عشق : م مش فاهمه بحسابه ازاي
ياسين:لا فتحي مخك معايا كده انا بقول انك ذكيه وبتفهميها وهيا طايره
عشق:ااه فهمت عاوزني اشتغل معاك ف الكباريه تاني
ياسين:ههههه ده كان زمان ياحلوه لكن دلوقتي عاوزك تشتغلي عندي
عشق:عندك ازاي يعني قصدك خدامه
ياسين:لا لا مش معقول واحده زيك تبقي خدامه لاسمح الله انتي هتبقي أحسن من كده بكتيرر هتبقي هانم ليا أنا وبس
عشق بغضب:انتا بتشتريني بفلوسك
ياسين: احسبيها زي مانتي عاوزه مع اني محسبتهاش زيك
عشق:وان موافقتش
ياسين.:تبقي تقرأي الفاتحه علي روح بابا من دلوقتي
عشق:انتا حقير واستغلالي
ياسين:هههههههه ومشي صابعه علي جانب وشها مقبوله منك انتي بس لو حد تاني قالهالي كان زمانه مقابل وجه كريم دلوقتي
عشق: أرجوك ياياسين باشا أنا مش هقدر أعمل كده أبويا وأمي لو عرفوا ممكن يجرالهم حاجه
أنا مستعده امضيلك علي وصلات امانه بالمبلغ اللي هخده عشان تضمن حقك
ياسين: وأنا موافق بس بشرط
عشق:اي هو
ياسين:لو مجبتيش الفلوس خلال شهر هعتبر انك وافقتي ع الاتفاق الأولاني
في ألمستشفي النفسيه في أمريكا
عزيز خبط ودخل صباااح الخير اي ده ! هيا راحت فين خبط ع الحمام مفيش رد فتح بهدوء مفيش حد جوه
عزيز بإستغراب: غريبه هتكون راحت فين نزل علي جنينه المستشفي نده علي ممرض من الموجودين يسأله عنها ولكن قبل مايسأله لمح مجموعه من المرضي قاعدين متجمعين علي كرسي الاستراحه الكبير في هدوء ببصوا قدامهم ومبتسمين
شمس واقفه قدامهم وبترسمهم بفرحه منسياها كل أحزانها
عزيز شاور للممرض ان يمشي وهو لسه بيبصلها وراح في اتجاها وقف جمبها
عزيز :الله حلوووه ااوي ينفع ترسميني معاهم
هزت شمس بدماغها لأ وهيا لسه باصه ف اللوحه بترسمهم
عزيز:طب ينفع انافسك
شمس بصتله بأستغراب.
عزيز :يعني انا كمان هرسمهم زيك وهنشوف لوحه مين الأحلي ف الآخر مع اني متأكد اني هغلبك
بس علي شرط
رفعت شمس حواجبها وربعت ايديها
عزيز :لو انا اللي كسبت التحدي هعزمك علي عشا بره ووطي صوته بس ده سر بيني وبينك عشان ماأروحش ف داهيه
ابتسمت شمس وهزت راسها بالموافقه
عزيز:مد كفه هو ده شمس بصتله ومردتش سحب ايده تاني بإحراج ومشاها علي شعره ياكسفتك ياحاازم
وقف جمبها على مسافه منها يرسم شمس بتبصله بإستغراب مكنتش تعرف انه بيحب الرسم زيها وهو بصلها بتحدي وكمل رسم كل واحد مركز في لوحته بيحاول يطلعها أحسن من التاني
بعد ساعه تقريبا صقف الدكتور صاحب عزيز اللي شاف الموقف من اوله ووقف يشجع صديقه بيعلن ان انتهي الوقت
شمس وريتهم لوحتها انبهر الجميع منها ومنهم عزيز
دكتور جاك :ها قد جاء الوقت لتعلن لوحتك يا صديقي احنا هنكلم بالفصحي مش بالأجنبي طبعا (مالناش دعوه ياموهيي)😂
عزيز :لا لا مش لازم مره تانيه بقي وشال لوحته
أخلع انا بقي
جاك :انتظر لن تهرب بهذه السهوله وشد من ايده اللوحه
عزيز :طب بس هقولك انا خايف عليكم
جاك :لا مفر من الهروب
لف جاك اللوحه وبص فيها بصدمه ولفها ليهم
المرضي الي كانوا بيترسموا بصوت واحد :ييييييييي
شمس :انفجرت ف الضحك بصوت عالي
عزيز بيبصلها بصدمه وابتسم علي ضحكها مش مصدق نفسه اخيرا سمع ضحكتها تجاهل الكل وراحلها أنا مش مصدق نفسي اخيراا ضحكتي لا دا انا ابقي فعلا اللي كسبت التحدي لما شفت ضحكتك الجميله دي تاني
ابتسمت شمس ومردتش
عزيز :ها موافقه تخرجي معايا انهارده في السر انا عارف انك بتحبي المغامرات اعتبريها مغامره من ضمنهم
ابتسمت شمس وهزت رأسها بالموافقه وسبته ومشيت
جاك حط ايده علي كتفه هل تحبها
عزيز وهو لسه بيبص عليها وسرحان فيها
اوووي
جاك :لماذا لم تعترف لها حتي الآن
عزيز:مش وقته ياصديقي واحده واحده انا ماصدقت انها ضحكت
في فيلا زين العابدين
فريده :داده ليلي 'داده ليلي
ليلي:نعم ياهانم
فريده:الست غرام فين مش في اوضتها
ليلي:زين باشا خدها وراحوا يزورو البنت ف المستشفي
فريده بصدمه:اييييه ده اكيد اتجنن ازاي يعمل كده المفروض مكنش يبان اليومين دول أصلا عشان مايلفتش الانتباه ليه يروح المستشفي برجله ومعاها
يادي المصيبه
رفعت تليفونها ورنت علي زين قفل عليها
زين وهو راكب العربيه:يوووه مش وقتك دلوقتي
فريده:بيقفل عليا طبعا ماهو مع الهانم هيرد عليا ليه
ماشي ياغرام شكلك كده هتضطريني اوريكي الوش التاني
في مكان ما
كانت تائهه في الشوارع لاتدري أين تذهب ولمن ليس لها احدا سوي خالقها حتي بيتها وبيت عائلتها تخاف الذهاب اليه مجددا خوفا من سجينها الذي حتما سيسبقها اليه
غرام: قعدت في مكان عالي نوعا ما أشبه بالدرج يااارب اديني القوه وخليك معايا أنا ماليش غيرك هروح فين يارب وانا ماليش حد اعرفه وحتي لو أعرف حد هروحله ازاي بعد الفضيحه دي وحطت ايدها علي وشها وقعدت تبكي
مجهول:ياضنايا يبنتي اي اللي مقعدك كده شكلك بنت ناس مش وش بهدله
غررام :مسحت دموعها مفيش ياطنط أنا كويسه شكرا لحضرتك
كويسه ازاي بقي دا انتي عنيكي وارمه من العياط ياحبه عيني انتي محتاجه فلوس خدي دول
غرام وهيا بترجع ايدها:لا يا امي شكرا انا مش محتاجه حاجه أنا بس كل اللي عوزاه مكان اقعد فيه أنا ماليش حد بعد ربنا
ياحبيبتي يبنتي وبصتلها بإستغراب من فوق لتحت اي ده مش انتي الدكتوره الي كنتي معانا ف المستشفي من شويه
غرام :بصت لهدومها ايوه أنا الدكتوره كنت دكتوره.
واالله منا فاهمه منك حاجه طيب تعالي قومي معايا
غرام قامت معاها علي فين
علي بيتي ماتقلقيش انا زي امك وانا عندي بنت من دورك كده مانتي شفتيها
غرام :بس أنا مش عاوزه اسبب ليكم اي ازعاج
ازعاج اي دي البت بنتي هتفرح بيكي اووي
في بيت غرام القديم
زين:اكسروا الباب
كسروا الحراس ودخلوا يدوروا عليها
دخل زين وراهم وهو بيبص ف كل مكان ف الشقه
علي امل ان يلاقيها خارجه
الحراس :مفيش اي حد هنا يازين باشا
زين:شاورلهم استنوني تحت.
مشي في الشقه بيتفحص كل مكان فيها تفاصيل كتير كان محتاجلها كان نفسه يعيشها ومعشهاش كان بيحلم بس وللأسف عمر حلمه ماتحقق ف احساس دفي البيت والعيله صور بتجمعها مع عيلتها وصور لوحدها
زين :ياااه صعب ان الواحد يعيش حاجات كتير حلوه زي دي وفجأه واحده كل حاجه تضيع من ايديه
فتح باب غرفه ودخل
ابتسم لما شاف صورتها جمب سريرها وهيا بشعرها
شاف مكتبها وكتبها شاف ألبوم صور فتحه وقعد يتفرج ليه
كان بيضيع وقت علي ماغرام تيجي كان مفكر انها هترجع ع الشقه تجري مايعرفش انها مش بالغباء ده
بعد ساعه عدت
زين :ياتري روحتي فين انتي مالكيش حد في الدنيا دي ولا ليكي مكان تروحيه حتي ليه عملتي كده ليه ورمي الالبوم من ايده بغضب وقعت كل الصور منه على الأرض
نزل زين للحراس :انا عاوزكم تقلبولي الدنيا عليها تعرفولي مكانها راحت فين ومع مين
في المساء
كانت نايمه ف غرفتها بتحاول تنسي اللي حصل وتنام ومش عارفه
رن تليفونها لقيته هو قفلت عليه رن تاني
رفيف:يوووه وقفلت عليه تاني
كان واقف في البلكونه او الشرفه بتاع غرفته مستنيها تخرج او حتي يلمحها وفي ايده الموب بيرن عليها
رن التليفون للمره التالته
رفيف:انتا عاوز مني اي بالظبط مش كفايه اللي عملته فيا ليك عين ترن عليا تاني
حور صاحبتها :حيلك حيلك هو مين ده اللي زعل القمر بتاعي عمل فيكي اي الحيوان
رفيف:بصت للرقم وحطت الموب علي ودنها تاني
احم حور لو سمحتي ماتقوليش عليه كده
حور :الله الله وكمان مش عوزاني اشتمه ماعلينا عمل فيكي اي الواطي
رفيف:حووور
حور :خلاص خلاص هو رحيم صح
رفيف وهيا بتفتح باب البلكونه بتاعتها
وهو في غيره دخلت ولسه هتقف لقيته بيشاورلها بفرحه وبيشاور ع الموب ردي عليا
رفيف:هوووف ودخلت وقفلت الباب ف وشه
حور :لا احنا لازم نتقابل دلوقتي حالا وتحكيلي علي كل حاجه
حور: لا مش قادره دلوقتي وماليش مزاج اخرج خليها بكره
حور : خلاص انا هجيلك انا
رفيف بصت ع البلكونه:لا لا خليكي زي ما انتي تحبي نتقابل فين
بعد ربع ساعه (نمشيها ربع مفيش بنت بتلبس ف نص ساعه حتي إلا انا سامحني يارب ع الكذب ده)😂
بعد ربع ساعه من رن رحيم المستمر ليها رفيف نزلت وبتدور عربيتها رحيم زهق من الوقفه ودخل ولسه بيقفل الباب سمع صوت عربيه بتدور رجع تاني يبص لقاها هيا
رحيم بغضب:يابنت الإيه بقي انا بكلم نفسي من ساعتها والهانم راحه تخرج ومش معبراني
نزل بسرعه ركب عربيته وطلع وراها بيرن عليها رفيف قفلت عليه ورنت علي حور خلاص انا جايه ف الطريق اهو خمس دقايق واكون قدامك اطلبي حاجه نشربها علي ما اجي
نزلت من عربيتها قدام الكافيه ودخلت سلمت علي حور وقعدوا
حور :ها ياستي احكيلي
رفيف لسه بتفتح بقها وهتحكي لقت واحد قصادها بيغمزلها
رفيف:اللهم طولك ياروح
حور :لفت وشها بصتله في اي يبنتي
رفيف:لا مفيش متركزيش المهم يستي الاستاذ طلع بيستغفلني بيحب السكرتيره بتاعته اللي حذرتيني منها دي وناويين علي خطوبه يعني كل ده صاحبتك كانت هبله ومختومه علي قفاها وانا راحه اشتغل معاه عشان ابقي جمبه شفتي الوكسه
حور:هيييه يابن الايه يارحيم طلعت مش سهل طب وانتي عرفتي منين الكلام ده
رفيف :من بوز الاخص اللي اسمها أمل بس أنا مسكتلهاش ادتها حته كف خماسي سداسي الأبعاد زمان دماغها لسه بتلف الوقتي
حور:هههه الله عليك يا ابو الصحاب ايوه كده وريهم روح الأكشن الي جواكي
رفيف:ولسه لسه هوريها هيا والزفت بتاعها اللي اسمه رحيم ده
حور:احم احم
رفيف:لازم اخليهم عبره للشركه كلها
حور :كح كح كح احم احم
رفيف:في اي مالك يبنتي
رحيم شاورلها وايده علي بقه يعني اسكتي
حور: ها لا مفيش كنت بقولك ان الاستاذ رحيم يعني حد كويس ومحترم ويمكن انتي غلطانه
رفيف:محترم ده ميعرفش يعني اي احترام اصلا ولا عنده احساس ولا مشاعر الخاين الكذاب وبعدين من امتي وانتي بتدافعي عنه مش كان من شويه الحيوان الواطي
حور:ااااه لا ده انا استأذن انا كده بقي
رحيم حط ايده الاتنين ع الترابيزه بيبص لرفيف وموجه كلامه لحور:علي فين ما لسه بدري
رفيف بصدمه:رحيم انتا هنا من امتي
رحيم بتمثيل وهو بيفتكر : من ساعه هخليه عبره للشركه كلها
حور :حطت ايدها علي بقها وضحكت بصوت واطي
رفيف بتوتر:علي فكره انتا مينفعش تتصنت علي حد وهو بيتكلم علي حد تاني عشان كده عيب وحرام
رحيم :بتهيألي الحد اللي كنتي بتتكلمي عليه هو انا مش كده ولا اي
رفيف:برضوا مينفعش تسمع كلامي وانا بكلم عليك وبعدين انتا هنا بتعمل اي جاي ورايا ليه
رحيم :أنا جاي وراكي انتي لا ابدا وبص لحور انا بس كنت معدي بالصدفه وشفت الآنسه حور قولت اشوفها لو محتاجه مني حاجه
حور بصدمه:اناا
رحيم غمزلها :طبعا اومال بصراحه كان نفسي اتعرف عليكي من زمان بس للاسف دلوقتي مش هينفع مره تانيه بقي نكون لوحدنا انا ع الترابيزه االي جنبك هنا لو احتاجتي حاجه
حور برقه :ميرسي يا استاذ رحيم فرصه سعيده
رحيم: انا أسعد
رفيف: بتقطع وصله النظرات اللي بينهم وأنا سعديه
رحيم بص لرفيف بإشمئزاز:بايخه وبص لحور تاني بإبتسامه عن إذنك يا آنسه حور
رفيف فاتحه بقهاوعنيها بتبصلهم هما الاتنين
رفيف لحور:والله ياهانم وبتقلدها فرصه سعيده يا أستاذ رحيم
رحيم حاول يمسك نفسه من الضحك وهو قاعد جنبهم علي منظرها وغيرتها وف نفس الوقت شايف اللي بيحصل من الولد اللي قدامها وهيا مش مدياه اهتمام ومصمم برضوا يلفت انتباها
حور:الله وانا مالي مش هو اللي قالي ان عاوز يتعرف عليا
رفيف :يافرحتي بيكي وانتي ماصدقتي طبعا تصدقي انك واطيه انا ماشيه وسيبهالك اشبعي بيه انتي كمان
شخص ما وقف جمبها وهيا بتقوم علي فين مالسه بدري
رفيف :افندم وانتا مالك انتا بدري ولا متأخر أبعد عن طريقي لو سمحت
رحيم قفل كف ايده وماسك أعصابه وباصص قدامه لسه بس سامع كل حرف
انتي عصبيه ليه كده طيب تعالي نشرب حاجه سوا ونتعرف
رفيف:ده اي البجاحه دي كنت من بقيه عيلتك عشان تكلمني بالعشم ده كله
اعتبريني
رفيف:نعم
اعتبريني من بقيه عيلتك بس بلاش اخوكي وحياه ابوكي
رفيف:لا دا انتا قليل الادب بقي ولازم
رحيم وهو بيلف وش الراجل ليه:ولازم تتربي واداله بوكس ف وشه وقع ع الأرض
رفيف:صرخت انتا بتعمل اي انتا مالكش
رحيم :صرخ فيها خمس دقايق وتكوني في البيت والا هتحصليه فاااهمه
هزت رفيف دماغها وشدت شنطتها وجرت هيا وصاحبتها علي بره
حور:استني يارفيف
رفيف:عاوزه اي انتي كمان
حور :استني بس والله كنت بهزر بحاول اثير غيرتك مش اكتر
رفيف:والله وليه معرفتنيش ان هو واقف ورايا
حور: مانتي اللي مخك تخين قعدت اكح واشاورلك وانتي ولا انتي هنا اعملك اي وبعدين الراجل جاي وراكي وهيموت واحد جوه عشانك عاوزه اي بقي
رفيف: انا مقولتلوش يجي ورايا ولا قلته يضرب حد انا ماشيه سلام
خرج رحيم يجري بس كانت ركبت عربيتها ومشت
رحيم :ااه يامجنونه طب استني حتي اما تطمني عليا قصدي ع الراجل اللي مات جوه ده
في بيت ما
سعاد الأم:ادخلي يبنتي تعالي ماتخافيش ده زي بيتك بالظبط
دخلت غرام بخوف وإحراج بتبص حواليها في المكان
خرجت بنت من الأوضه بصت لغرام مين دي ياماما
الام:دي الدكتوره وسكتت
غرام بإبتسامه:غرام اسمي غرام
أمنيه اخت عشق:الله اسمك حلو اوي يا أبله
غرام نزلت لمستواها وباستها من خدها وانتي بقي اسمك اي
أمنيه :اسمي أمنيه
غرام:شفتي بقي اسمك احلي من اسمي
أمنيه :لا انتي اسمك أحلي
غرام :خلاص احنا الاتنين اسمنا حلو متفقين
أمنيه ضربت كفها متفقين
الام :بطلي لماضه وخشي ذاكري
أمنيه :يوووه كل يوم مذاكره سيبيني اقعد مع ابله غرام شويه
الام سيبيها ترتاح دلوقتي وبعدين ابقي اقعدي معاها يلا
دخلت أمنيه ذات ال12عام بحزن وتأفف كغالبيه الاطفال عندما يسمعوا كلمه مذاكره. مكنتش أنا لأ😂
الام : ادخلي يبنتي ارتاحي وعندك الدولاب جوه تقدري تغيري هدومك بنتي ف جسمك كده هتلاقي مقاسك عندها
غرام:انا بجد متشكره جدا لحضرتك انا مش عاوزه اتعبكم معايا
الام :ماتقوليش كده يبنتي انتي زي بناتي بالظبط
بعد دقائق دخلت عشق بحزن جلست علي كرسي قريب منها واغمضت عينيها بألم وهيا تبكي بهدوء
خرجت الأم من المطبخ عشق انتي جيتي
عشق :مسحت دموعها ايوه ياماما جيت
طب يلا غيري هدومك عشان تاكلي لقمه من الصبح محطتيش حاجه ف بقك
عشق:ماليش نفس ياماما انا يدوب هغير هدومي واروح اقعد جمب بابا عشان لو احتاجوا حاجه
الام :تزوحي فين انا هروح انا لنتي خليكي ف شغلك ومصلحتك وخلي بالك من اخواتك وانا هطمنك عليه
عشق:بس ياماما
خرجت غرام من الغرفه وهيا لابسه هدوم عشق
عشق بصدمه:انتي
الحلقه18
خرجت غرام من الغرفه وهيا لابسه هدوم عشق
عشق بصدمه :انتي
فلاش باك
عشق:مالك يابابا اهدي معتش تتكلم وانا هجيب دكتور واجي
خرجت عشق من الغرفه بسرعه
الام وهيا بتبكي جرت عليها في اي ابوكي جراله حاجه
عشق:بعد الشر عليه خليكي معاه اما اجيب دكتور واجي
لمحت غرام جايه من بعيد وبتتلفت يمين وشمال جرت عليها عشق دكتوره الحقيني لو سمحتي ابويا حالته صعبه جدا
غرام: معلهش أنا مش فاضيه وبتبص وراها بخوف شوفي حد تاني انا مستعجله دلوقتي
عشق بعصبيه:يعني اي مستعجله بقولك ابويا بيموت تقولي مستعجله
غرام :انا اسفه اسفه مقصدش والله بس انااا
طب فين اوضته
عشق:قدامك اهي اتفضلي
دخلت غرام وكشفت عليه :حالته خطر جدا ولازم يعمل العمليه ف اسرع وقت
عشق :يعني مفيش حل تاني
غرام :للأسف مفيش كل مايعملها بدري هيكون افضل ليه عن اذنكم وسابتهم وخرجت
عشق:اي الدكتوره دي هو احنا بنشحت منها الكلام دي مستنتش حتي اما ارد عليها
الام :معلهش يبنتي يمكن في حاله تانيه محتجاها
عشق:مادي حاله برضوا ولا احنا عشان فقرا يعني لكن لو معانا فلوس كانت المستشفي كلها وقفتلنا علي رجل واحده
فلاش باك
عشق :انتي
غرام:انااا
الام:اه نسيت اقولك ياعشق يبنتي ان الدكتوره غرام هتقعد معانا شويه كده
عشق:نعم يعني اي شويه كده
الام بتبتسم لغرام وبتشد عشق من ايدها ع الاوضه عن اذنك يبنتي وانتي تعالي معايا عوزاكي ف موضوع
عشق:بعد مادخلت وقفلوا الباب اقدر افهم اي اللي انتي عملتيه ده هو احنا كنا ناقصين بلاوي
الام :هشش عيب يبنتي احسن تسمعك
عشق:منا عاوزاها تسمع احنا كفايه علينا اللي احنا فيه دي واحده مرضتش تساعدنا احنا هنساعدها ليه واهلها فين
غرام خبطت ودخلت : اسفه علي مقاطعتكم واسفه يا انسه عشق لو ضايقتك
نفخت عشق ولفت وشها الجهه التانيه
الام:لا يبنتي ماتقوليش كده هيا متقصدش
عشق:لا بقي اقصد احنا كفايه علينا نفسنا وتعب بابا مش ناقصين حد يزود علينا اللي احنا فيه
الام بصوت عالي:عشق كفايه لحد كده انتي زودتيها زياده عن اللزوم من امتي وانتي قليله الذوق كده ومعندكيش رحمه مهما كان دي بنت زيك ومينفعش نرميها ف الشارع
غرام وهيا بتبكي:هيا معاها حق ده بيتها وهيا حره ماينفعش افرض نفسي عليكم كل واحد وفيه اللي مكفيه مش محتاجين ازود عليكم همي انا همشي ومتشكره جدا ياطنط لكرمك معايا وحنيتك واسفه مره تانيه لو ضايقتك يا انسه عشق عن اذنكم
الام وهيا تضرب عشق ضربه خفيفه علي دماغها عجبك كده اهي هتمشي وابقي شيلي بقي ذنبها لو حصلها حاجه
عشق :يوووه
بعد دقايق دخلت عشق علي غرام لفت غرام ليها ثواني وهمشي حالا اسفه لو اتأخرت
عشق:بطلي تتأسفي انا مبحبش كده
غرام ابتسمت :حاضر
عشق:علي فكره انتي مش مضطره تمشي
لفت غرام ليها يعني اي
عشق:يعني خليكي علي ماتلاقي مكان تقعدي فيه
غرام :متشكره جدا انا هصرف نفسي مش حابه اكون ضيفه تقيله عليكم
غرام : هتصرفي نفسك فين ياحلوه انتي مفكره نفسك فين انتي لو قعدتي ف الشارع بحلاوتك دي مش بعيد كلاب السكك نفسهم يقطعوكي انتي شكللك بتحبي الرغي الكتير وانا معنديش وقت عن اذنك
غرام بتبصلها بذهول ومردتش
الام:معلهش يبنتي هيا اسلوبها شديد شويه بس عشان تعب ابوها اعذريها
غرام:ابتسمت للام وطبطبت علي كتفها ربنا يكون ف عونها ويطمنكم عليه
في أمريكا
كان يتجسس في ملابس ممرض الي غرفتها دق الباب مره ولم يجد ردا كالعاده ليفتح ويدخل ليجدها تجلس عند نافذتها المفضله ونائمه علي ذراعيها كالملاك اقترب منها ببطئ وابتسامه جلس علي الكرسي الموجود أمامها واخذ يزيل خصلات شعرها التي تغطي وجهها كالليل عندما يجتمع مع القمر فتحت عيونها ببطئ لتجده هو لتبتسم له تلقائياً ثواني وتحولت ملامحها الي الجمود وانتفضت من مكانها ليبتعد هو عنها بحزن لما فعلته
عزيز:أنااا كنت جاي عشان الميعاد اللي اتفقنا عليه
واضح ان انتي مستعجله اوي حتي لابسه ومستنياني اهو
بصت شمس علي ملابسها وبصتله تاني
عزيز :ياستي بهزر مبتهزريش خدي البسي دول بسرعه خمس دقايق وتكوني جاهزه ومتنسيش تلبسي الماسك والكاب ده غطي شعرك بيه
بصت شمس للهدوم بأستغراب
عزيز: ده لبس ممرض اما نخرج من هنا هنغير ماتقلقيش ابتسمت شمس علي جنونه وانو عاوز يعمل اي حاجه حتي لو هتضره ف شغله علشانها غيرت شمس وخرجت
عزيز :صفر لما شافها هو القمر بيطلع بليل ولا اي
بصتله شمس بجمود
عزيز :احم اي الغباء ده ماهو فعلا بيطلع بليل حتي ف المعاكسه مش نافع البسي الماسك البسي
لبست شمس الماسك وابتسمت عليه وعلي جنانه وهو معاها من زمان اوي ماضحكتش كده مابتسمتش حتي كنت نسيت الضحكه والفرحه بتبقي ازاي مكنتش عايشه ف الدنيا اصلا كنت مجرد جسد بدون روح بس هحاول هحاول اخرج نفسي من اللي انا فيه لازم ارجع تاني اقوي من الاول لازم مبقاش ضعيفه عشان نفسي وعشان وسكتت افتكرته ودموعها نزلت عشان زين
عزيز:استني خليكي واقفه اما امن الطريق اول
مسحت شمس دموعها اللي نزلت بسرعه من غير مايلاحظها وري عزيز للامن وشه اللي كان متفق معاهم وخرجوا
عزيز لشمس وهما في العربيه في مطعم قريب من هنا ادخلي غيري ف الحمام عما انا اطلب اكل
شمس مردتش
عزيز:اه صح هدومك اهي انا جيبهالك علي ذوقي يارب تعجبك انتي ونصيبك بقي
ابتدي عزيز يخلع هدومه شمس شهقت ولفت وشها الناحيه التانيه وايدها علي عنيها عزيز ههههههه ماتخافيش انا لابس تحت هدومي وعامل حسابي اكيد مش هقلع ف الشارع يعني كده
فتحت شمس صوابعها ببطء وبصت من بينهم عليه لقيته فعلا لابس هدومه شالت ايدها وخرجت من العربيه
دخلوا المطعم قعد عزيز يقلب ف المنيو وشمس دخلت تغير هدومها وبعد ربع ساعه خرجت وجت قعدت معاه
عزيز :لو سمحتي انا اسف واله بس المكان ده محجوز للقمر بتاعي ممكن تقعدي ف مكان تاني
بصتله شمس بغضب وعدم فهم
عزيز: متقعديش تبصيلي كده كتير انا ممكن اضعف واخدك من ايدك واتجوزك دلوقتي حالا
ابتسمت شمس ورجعت شعرها لورا ودنها هيا فاهمه انو بيهزر عشان يخرجها من المود اللي هيا فيه كانت مفكره ان كان معجب بيها زمان والوقتي نسي الكلام ده بعد ماجه امريكا وشاف فيها اشكال والوان متعرفش انه فعلا بيحبها وبيعشقها كمان
وعمره ماحب ولا شد انتباهه واحده غيرها
عزيز:بصراحه الفستان هياكل منك حته تسلم ايدي والله طلعت بفهم
بصتله شمس وبصت ف المنيو
عزيز انا هطلب سكالوب ومكرونه اطلبلك معايا سابت المنيو من ايدها وهزت دماغها بالموافقه واتعشوا وخرجوا عزيز ها ياستي تحبي نروح فين بقي
تحبي نتمشي شمس هزت دماغها لا
عزيز تحبي نروح السينما
شمس هزت دماغها لا
عزيز برضوا لا طب اي رايك اوديكي الملاهي
شمس ابتسمت وهزت دماغها بالموافقه
عزيز :واخيرااا علي بركه الله
بعد نصف ساعه من الزمن
تحبي تركبي اي واحده ف دول لفت شمس نفسها وهيا بتتفرج عليهم وشاورت علي واحده
عزيز بلع ريقه :بس دي صعبه اوي وانا بخاف من المرتفعات
شمس تقمصت ولفت وشها
عزيز خلاص يستي امري لله يلا بينا ركبت شمس بسعاده وجمبها عزيز
عزيز :بقولك اي انتي تخلي بالك عليا والا هتلاقيني جثه هامده جنبك هنا
ابتدت اللعبه تشتغل وعزيز مسك ايد شمس وغمض عنيه بصتله شمس وقبل ماتشيل ايدها اللعبه طلعت وعزيز مسك ايدها اكتر بس بعد ثواني فتح عيونه لما سمع صوتها وضحكتها .
عزيز فتح عنيها بصلها بصدمه وفضل يبصلها متناسي خوفه ورعبه من المرتفعات مركز معاها هيا بس وف ضحكتها
ياإلهي هل انا في واقع ام خيال هل ما أراه الان حقيقه امامي لقد سمعت صوتها مجددا بعدما تخيلت انني لن اسمعه مره اخري لقد كدت اياس من محاولاتي معاها التي تبوء جميعها بالفشل ولاتحدثتي ولو لمره وتشبع قلبي بكلمه واحده من صوتها اسمع اسمي مره واحده فقط منها وقتها سأحارب وأحارب من اجلها من اجل تحريرها من سجنها الذي وضعت نفسها فيه لم يستفيق من خياله الا علي شمس وهيا تخرج من اللعبه بعد ما وقفت وأشارت له بالخروج
راحت علي لعبه تانيه وركبت وهو معاها
لتهتز بهم العربه وهم فوق ف مكان مرتفع لتخاف شمس وتمسك في عزيز بكل قوتها وهيا تنظر الي الاسفل عزيز متفاجئ من فعلتها
أمسك بيديها الممسكه بقميصه واليد الاخري تحاوطها
شمس بصتله وحطت وشها علي وشه وهيا بتنهج جامد عزيز بصدمه بيبصلها كل نفس بيخرج منها ف وشه تقريبا غمض عيونه وراح ف عالم تاني خاص بيه مش مصدق انها قريبه منه كده بالدرجه دي ماسك ايدها ونفسها ف نفسه وتقريبا ف حضنه احساس اخر ف عالم موازي بينما اغمضت عيونها هيا الاخري لكن ليس في عالمها الخاص كما عزيز عالم الحب والرومانسيه لكن تاهت في عالم الخوف هيا لاتخاف المرتفعات لكنها تذكرت ماحدث منذ سنوات مع ابيها في موقف مشابه لهذا الموقف تشبتت به جيدا فهو مصدر الامان بالنسبه لها تذكرته وتذكرت الماضي الذي يجمعهم سويا وهاهو نفس الموقف يعيد نفسه مره اخري لكن هذه المره ليس مع ابيها ولكن معه هو عزيز فتحت عيونها عندما بدأت اللعبه في الهبوط لتنظر له وتجده مازال مغمضا عينيه وفي عالمه الخاص به نظرت لنفسها وهيا بين احضانه بإحراج وسحبت يدها منه واليد الاخري تزيل يده التي تحاوطها فتح عزيز عيونه ببطء وابتسم لها خرجت شمس مسرعه للخارج عزيز وهو يجري وراءها شمس استني بس وقفت عند العربيه فتح لها عزيز لكن كسفته وركبت ورا قفل عزيز الباب تاني وركب ومشي من غير ولا كلمه طول الطريق بيبصلها ف المرايه وهيا بتبصله وتلف عيونها تاني بسرعه للخارج
عزيز بعد ماوصلوا ادخلي اوضه الامن غيري بسرعه يلا قبل ماحد يشوفنا وطلعها علي اوضتها
عزيز بعد ماطلعوا:شمس انا اسف انا مكنش قصدي اللي حصل انتي مسكتيني وانا بصراحه مقدرتش اقاوم نفسي مكنش ينفع اسيبك بعد ماكنت مصدر الامان بالنسبه ليكي معرفش انتي كنتي خايفه من اي بس انا متأكد انك دلوقتي كويسه تصبحي علي خير
شمس: عزيز
في احدي الملاهي الليله
احد العاملين بالمكان:زين باشا كفايه لحد كده حضرتك شربت كتير اوي
رفع زين وشه وبصله:عاوز انسي انا مبنساش ليه الخم....بتاعتكم دي مضروبه لييييه سابتني وهربت لييه انا كنت كنت عاوزها جمبي ومعايا كنت عاوز اجبلها حقها واقف معاها انا معملتهاش حاجه وحشه انا كنت كنت بحبها
لو سمحت يازين باشا اهدي مينفعش كده العيون كلها عليك
زين :هههههههه طب وعيونها هيا فين
فريده بصدمه:زين قوم معايا حالا
زين رفع وشه بصلها :ههههه اي ده انتي كمان هنا
انتي جايه تنسي حد انتي كمان تعالي تعالي وشد الكرسي اللي جمبه وخبطلها عليه اقعدي هنا
فريده بتتلفت حواليها بإحراج:زيييين ماينفعش كده بلاش فضايح
زين زق الكرسي وقام وقف فضايح اه وبعلو صوته خلي كل الموجودين يبصوله الست فريده هانم بتخاف من الفضايح بس مخافتش علي سمعه بنت مالهاش ذنب ف حاجه حصلتلها مخافتش علي فضيحتها اما تنشرلها صور زي دي وتفضحها لا ومع مين مع ابنها ورجع راسه لورا هههههه وبصلها تاني بسخريه قد اي انتي ام حنينه
ادهم داخل بيجري بسرعه وجمبه حارس زين اللي بلغه
أدهم للحارس واي اللي جاب فريده هانم هيا كمان
الحارس:حضرتك مكنتش بترد مكنش قدامي حل تاني
ادهم بصله بغضب:غبي
ادهم:زين تعالا معايا
زين زقه بعيد عنه الله انتا كمان جيت ده كده السهره هتحلو وشده يقعده تعالا تعالا لسه فريده هانم هتقولنا ناويه علي اي المره الجايه عشان بس منتفاجأش اصل مفجأتها كترت اوي اليومين دول
فريده بصت علي الموجودين لقت الكل بيهمس ويتكلم عليهم واللي مطلع الفون وبيصور فريده خبت وشها وزقت الحارس بعيد عن طريقها وخرجت تجري
أدهم وهو بيزعق للناس:فيييه ايييه في مسرحيه هنا وبتتفرجوا ماكل واحد يخليه ف حاله
بص للترابيزه اللي جمبهم:ماتيجوا تقعدوا معانا احسن اتفضلوا تعالو لفوا وشهم بإحراج
أدهم لزين: هو انا كل يوم هروحك البيت سكران بسبب اللي اسمها غرام دي
زين:ماتنطقش اسمها علي لسانك
ادهم :اهو ياسيدي قفلته خالص اتفضل انتا احكيلي بقي حصل اي
زين :خد بوق من الكاس اللي قدامه سابتني وهربت مطلعتش قد ثقتي فيها وعدتها تزور البنت ووعدتني انها مش هتهرب بس العيب مش عليها لا وشرب بق تاني العيب عليا انا انا اللي صدقت انها غيرهم ووثقت فيها وهيا خانت الثقه دي
ادهم :بصراحه يازين انتا اللي غلطان مش هيا واي واحده مكانها كانت هتعمل زيها واكتر احمد ربنا انها اما هربت مبلغتش عنك ولا عملت اي خطوه لسه انا شايف انها معملتش حاجه غلط
زين بغضب وترنح: حتي انتا بتدافع عنها بدل ماتقف معايا انا البنت دي لازم اجيبها انتا فاهم لازم اعرفها ازاي تتحداني وتهرب مني انا زين باشا العابدين اللي عمر ماواحده لفتت انتباهي ليها حتي تيجي هيا وتخليني الف وراها
ادهم:قوم يازين معايا دلوقتي انتا شربت كتير وشكلك تعبان ع الاخر قوم وهنكمل كلام ف الموضوع ده بكره
ادهم ركب زين العربيه مع الحرس الخاص بيه ووصاهم يخلوا بالهم منه وطلع وراهم بعربيته
في الطريق
رن هاتف أدهم ليجده الشخص المكلف بمراقبه عشق رد أدهم عليه بلا مبالاه فهو حزين علي صديقه وعلي الحاله التي وصل لها
أدهم:خير
الشخص: انسه عشق عند ياسين باشا دلوقتي
ادهم وقد تحولت ملامحه من الحزن للصدمه والغضب :ايييه قلت فين خليك عندك وانا جاي حالا