رواية عشقت منقذي
بقلم ياسمين سامي
الفصل الرابع عشر والخامس عشر
الرابع عشر
عاصم : استعنا ع الشقي بالله ابقي وريني بقي مين هينقذك المره دي
أدهم وقف هو وزين قدام الفيلا بالعربية
أدهم:أقدر اعرف اي اللي انتا عملته ف نفسك ده انا مشفتكش كده بقالي سنين من ايام وسكت
زين وهو ساند دماغه لورا ع الكرسي:كمل من أيام شمس ههه هيا فين شمس ماهي راحت هيا كمان
أدهم :زين فوق انتا بتعمل كده ليه حصل اي لكل ده
زين بترنح رفع دماغه بصله وضحك ورجع تاني عاوزه تتجوزه وشاور علي صدره مش عوزاني أنا وعوزاه هو ههههههه وانا كنت مفكر هتفرح اووي
وتوافق تتجوزني هههههه تقولي عاوزه اخرج من هنا عاوزه تسيبني وتمشي بنت الإييييه ههههه
أدهم :زين قوم قوم معايا انتا لازم تطلع علي أوضتك وتفوق انتا مسطول ع الاخر خرج مع العربيه ونزل زين ودخلوا الفيلا رن موب ادهم
ليرد
أدهم :خير يبني عملت اللي قلتلك عليه
حارس أدهم: الانسه عشق واحد اتحرش بيها وكان هي. هي
أدهم :انطق في اي
الحارس:كان عاوز يغتصبها
أدهم بقلق ورعب: ساب زين من ايده يكمل طلوع ونزل يجري وحصلها اي حد لمسها حد عمل فيها حاجه
حارس:لا ياباشا الحمد لله جت سليمه وياسين باشا انقذها ف اخر لحظه وركبت معاه العربيه بتاعته
أدهم وقف مكانه بصدمه بعد ماكان بيفتح عربيته يروحلها خليك وراهم وعرفني الجديد أول بأول وضرب برجله بغيظ في باب العربيه رجله وجعته رفعها وقعد جوه العربيه يشوف حصلها اي
في داخل الفيلا
زين طلع درجتين وهو بيغني بعد ما أدهم سابه وبعدبن لف وشه بص علي أوضتها ونزل تاني بترنح بقي انا زين باشا العابدين بجلاله قدره اللي عمري ماواحده هزت شعره مني اترفض ومن مين من واحده زيك انا هعرفك انا اترفض ازاي
حاول يفتح الباب مبيفتحش عاصم كان قفله من جوه طلع المفتاح الاحتياطي من جيبه وحاول يفتح
في اللحظه دي كان عاصم مشغول انه يشيل هدوم غرام واخيرا وقعتي تحت ايدي ومحدش سمي عليكي رفع وشه ناحيه الباب اللي بيحاول يتفتح وقف بسرعه وجري استخبي ف الجنينه يراقب اي اللي بيحصل ومين اللي بيدخل اوضتها ف وقت زي ده
دخل زين وفتح النور وراح ف اتجاها ع السرير
بقي انتي مش عوزاني انا انا اللي اي واحده تتمناني واحده زيك تقولي مش عوزاك وعاوزه اخرج من سجنك انا لازم انتقم منك علي اللي عملتيه فيا ده والحاله اللي وصلتيني ليها بسببك وشد الغطا بغضب من عليها لنص جسمها وفتح عينه ف ذهول من اللي شافه لف وشه بسرعه الناحيه التانيه غرام شبه عاريه اي ده انا بحلم ولا اي انا شكلي تقلت اوي في الشرب مد وشه ببطء باتجاها لقي نفس المنظر لف دعك عينه الاتنين بايد واحده وقرب عليها يلمسها يتأكد اذا كانت موجوده فعلا ولا بيتهياله قعد جمبها ع السرير وشد الغطا عليها ولف وشها ليه وبصلها بحنيه ملاك حتي وانتي نايمه انتي ليه عملتي فيا كده انا مش حابسك بس انا مش عاوزك تبعدي وتسيبيني زيهم انا عاوزك تفضلي معايا ليا انا لوحدي وبس انا حاسس ان انتي غيرهم انا محتجلك وعارف انك كمان محتجالي كل واحد فينا جواه نقص والتاني هيكمله بس ده مش هينفع واحنا بعيد في نفس الوقت مده غرام ايدها وحاوطت خصره بايدها بص لايدها وابتسم وبصلها تاني باسها من دماغها وبص لشفايفها اللي بتخليه بتوه ف عالم تاني (ومعملش حاجه عادي يعني مش لازم قله ادب)
عاصم: الله ده كده احلوت اوي هيا الليله دي مبصوصلي فيها بس ولا يهمك يازين باشا هنعوضها بحاجه احلي وطلع موبايله وصورهم
أدهم:ماشي ياست عشق بقي تدوخي بين ايدي وتسيبيني وتجري تمشي ف وقت زي ده لوحدك وبمنظرك ده ملقتيش االا ياسين اللي تركبي معاه ووقفل باب عربيته بغضب ده واحد بصباص وبتاع حريم كل مايشوف واحده حلوه يريل عليها وبص لنفسه أنا مش زيه لأ وعدل هدومه ومشي للفيلا
دخل الفيلا ملقاش زين اكيد طلع علي اوضته
خبط ع الباب مفيش رد فتح ودخل الاوضه فاضيه
أدهم:غريبه هيكون راح فين وهو سكران كده انا لسه كنت معاه من دقايق
خبط ع حمام الغرفه:زين زين انتا جوه زين مردش فتح الباب ودخل غريبه هيكون راح فين
نزل علي تحت يدور عليه يمكن مطلعش وخرج للجنينه او ف مكتبه تحت نزل دور عليه تحت مفيش اثر ليه في الفيلا
خرج من المكتب بحيره هتكون روحت فين يازين بس طلع الموب ورن عليه سمع الصوت جاي من غرفه غرام بص ناحيتها لقي الباب مش مقفول كويس ونور الغرفه مفتوح معقول يكون زين عندها راح خبط ع الباب مفيش رد فتح الباب بهدوء ودخل زين يازين وصل أدهم لمكان السرير وقف بصدمه مكانه زيين يخرب عقلك اي اللي انتا عملته ده بص لغرام ولف وشه تاني وراح يقوم زين طلع جمبه ع السرير يقومه عاصم استغلها فرصه وخد كام صوره لأدهم هو كمان ومشي من الجنينه
أدهم :زين قوم معايا
زين :وهو نايم ف حضنها سيبني انا لازم انتقم منها انا هقتلها
أدهم :تقتلها طب قوم قوم ياحيله امك قال تنتقم منها ربنا يستر ومتكونش عملت حاجه تانيه
فريده لأدهم وزين :وهما طالعين ع السلم انتوا كنتوا فين
أدهم وهو ساند زين علي كتفه:زي مانتي شايفه كده فريده لزين :زين انتا سكران من امتي وانتا بتروح اماكن زي دي
زين قرب عليها ومشي بصابعه علي وشها من انهارده عندك مانع
فريده بقرف وعصبيه:بتبعد عنه اوووف طلعه علي اوضته يلا
فريده :أنا هوريكي يا غرام تتحديني ازاي وماتعمليش اللي قولتلك عليه
ورنت علي شخص ما هبعتلك صور حالا بكره الصبح عوزاها تكون ترند تنزل ف الصحف وف كل مكان تتخيله ومش هقولك بقي هتحط عنوان اي هبعتلك التفاصيل دلوقتي وقفلت الموب وابتسمت بخبث ابقي وريني بقي المره دي هتعملي ف نفسك ايه ههههههه
ع الجانب الآخر
عشق : خلاص انا هنزل هنا
ياسين :هنا فين لسه بيتك مش هنا
عشق:معلهش انا هكمل مشي لعند البيت
ياسين: بس
عشق: لو سمحت مش عاوزه حد يشوفني نازله من عربيه راجل غريب عني دلوقتي انتا عارف الحاره وكلامها
ياسين:غريب ماشي ع العموم قريب اوي مش هبقي غريب هنبقي قرايب قرايب اوووي
عشق بتوتر:طلعت العقد من الشنطه وحطته جنبه ع الكرسي بعد مانزلت انا اسفه مقدرتش اقبل حاجه غاليه زي دي عن إذنك ومشت
بص ياسين للعقد وبصلها وهيا ماشيه لحد ماختفت وامر السائق ان يمشي انتي عاوزه اي بالظبط جبتك بكل الطرق مفيش فيكي فايده العقد والحفلات والفساتين اللي اي واحده غيرك تتمناهم انتي مش عوزاهم غريبه اوي انتي عن كل اللي عرفتهم بس اكيد ليكي مدخل
عشق ماشيه بقلق بتبص وراها وقدامها وفجأه بتبص قدامها تاني : اااااه بسم الله الرحمن الرحيم
انتا عاوز اي انتا كمان.
الاسطي رضا الميكانيكي: عاوز أنول الرضا ياقلب رضا
عشق :لو سمحت يا أسطي بلاش الكلام ده احنا جيران وميصحش كده
رضا:وهو يصح برضوا رجوعك ف وقت متأخر زي ده وبصلها من فوق لتحت وبلبس زي ده
مش مضطره ابررلك ان كنت ف شغل وان وبعدين انتا مالك آصلا ارجع متأخر البس اللي علي مزاجي انتا مالك
رضا :تؤتؤ كده ازعل منك متنسيش اني مكلم الحاج عليكي وهو موافق ومستني ردك
عشق:وانا مش موافقه ارتاحت ومشت
مسك ايدها وقفها :هتوافقي غصب عنك رفعت ايدها ضربته بالقلم انا مبعملش حاجه غصب عني وانتا لو اخر واحد ف الدنيا عمري ماهتجوز واحد زيك وسابته ومشت
رضا وهو حاطط ايده علي خده:يابنت ال.. دايره تلفي علي حل شعرك وتيجي تعمليهم عليا انا ان مكسرتش نفسك ومناخيرك اللي رفعهالي ف السما دي مبقاش انا الاسطي رضا
حارس أدهم حاطط ايده علي وشه كأن هو اللي خد القلم ورن علي أدهم عرفه باللي حصل
أدهم بعد ماودي زين غرفته ونيمه ف سريره راح علي اوضته وكان داخل ياخد شاور
أدهم :طب تمام اتأكد انها طلعت وامشي انتا من عندك
الحارس:اوامرك ياباشا
أدهم: ههههه بإبتسامه من اللي الحارس حكاه ليه ان واحد وقفها واضح ان يعرفها وضربته بالقلم الظاهر ان معجبينك كتير ياست عشق وواضح كمان وحط ايده على خده ان ايدك اطول من لسانك
في الصباح
غرام بتعب بتحاول تقوم من سريرها حطت ايدها علي دماغها اااه دماغي مصدعه لييه كده ودماغي تقيله كمان اما اقوم اشوف حاجه الصداع وبنشيل الغطا من عليها بصت لنفسها بصدمه وغطت نفسها تاني بسرعه مش مستوعبه اللي حصل اي ده اي اللي عمل فيا كده انا اخر حاجه فكراها
وسرحت مع نفسها بتفتكر الداده داده ليلي كانت عندي و. وعيطت انا مش فاكره لييه اي اللي حصل تاني ولبست هدومها بسرعه وجرت علي المطبخ تشوف ليلي
غرام:داده
ليلي:صباح الخير يابنتي
غرام بدموع:انااااا
ليلي بقلق عليها:مالك يبنتي فيكي اي
غرام :انا مش فاكره حاجه من امبارح اي اللي حصل انتي كنتي بتأكليني وبعدها مش فاكره حاجه
ليلي: هههههه ياشيخه قلقتيني ولفت وشها تكمل اللي بتعمله كنت بأكلك وانتي قولتي عاوزه انام سيبيني ارتاح ياداده سيبتك وخرجت بعد ماتاكدت انك نمتي
غرام:بتحاول تفتكر وكنت كنت
ليلي: لفت ليها بإستغراب ‘كنتي اي قولي
غرام:كنت بهدومي ولاااا
ليلي: ههههه مالك كده ايوه طبعا كنتي بهدومك اومال هتقعدي من غيرها ولا اي
ثواني وهجهزلك الفطار تحبي تاكلي ولفت وشها ملقتهاش واقفه غريبه مالها كده ع الصبح شكل الكلمتين بتوع بليل اثروا عليها هيييح الحب بقي
غرام خارجه من المطبخ سرحانه هتتجنن مش معقول انا فاكره اني كنت لابسه هدومي والداده بتقول نفس الكلام اومال ليه لما صحيت كنت
لمحت زين نازل من ع السلم جرت علي اوضتها
زين :غررام
غرام وقفت مكانها
نزل زين وقف ‘وراها انا كنت عاوز اعتذرلك على اللي حصل انا مكنتش ف وعي و.... ويعني
غرام :لو كنت عاوز تعتذر بصحيح كنت سيبتني اخرج من هنا مكنتش صححت الغلط بغلط اكبر وقلت تتجوزني عشان تعرف تتحكم فيا براحتك
زين بإستغراب:انتي قصدك علي الموضوع ده
غرام :اومال هيكون قصدي علي اي
زين ف سره:الحمد لله معني كده انها متعرفش ولا حست بحاجه
غرام :أرجوك سيبني اخرج من هنا سيبني اخد حقي من الحيوان اللي اسمه عاصم واخد حق الطفله البريئه اللي ملهاش ذنب انا حتي مش عارفه هما لحقوها ولااااا
زين :لحقوها ماتقلقيش
غرام بفرحه اول مره زين يشوفها ف عنيها جرت عليه بجدد انتا بتتكلم جد صح وانتا عرفت منين وشفتها ازاي طب هيا راحت لاهلها ولا لا
زين :اهدي هيا كويسه يس محتاجه شويه رعايه بعد مافاقت من الغيبوبه
غرام بصدمه رجعت لورا:غيبوبه ليييه ليه كده حسبي الله ونعم الوكيل في كل ظالم هو السبب ولازم هاخد حقها لو مش بالقانون هاخده بإيديا دول
زين بإستغراب :هو انتي تعرفيها
غرام وهيا بتبكي:لا انا اول مره كنت اشوفها يوم اللي حصل لو سمحت انا لازم أشوفها ارجوك
زين : ماينفعش انا هبقي اطمنك عليها
غرام :أنا بترجاك لازم أشوفها اوعدك اني مش هعمل اي حاجه ممكن تضرك او اهرب منك بس خليتي اطمن عليها بنفسي
زين بص ف عنيها اللي بتترجاه بتوهان هو عارف انها مش هتهرب حتي لو هربت مش هتقدر من حراسته المشدده اد اي انتي حنينه وبريئه مش معقول لسه في حد شبهك في الزمن ده كل مره بترغميني اني اتمسك بيكي اكتر بتشديني ليكي زي المغناطيس مش عاوزك تسيبيني وتبعدي بعيد وف نفس الوقت مش عاوزك سجينه عاوزك حره عاوزك تفضلي معايا بس بإرادتك انتي
غرام بنظره أمل لزين : هتخليني اروح صح
زين : ساعتين واجهزي هعدي عليكي ونروح سوا
غرام بفرحه:انا متشكره اوووي شكرا بجد وجرت علي أوضتها
زين بإبتسامه:ده انا هنتقم منك انتقام شكلك انتي اللي هتنتقمي مني بالتلاته كمان
فريده كانت واقفه فوق وبتابعهم ف صمت
نزلت لغرام غرفتها من غير ماتخبط
غرام بخضه :بسم الله الرحمن الرحيم
فريده:اي شوفتي عفريت
غرام بصوت واطي:لا سمح الله كده هظلم العفريت
فريده :بتقولي حاجه
غرام :احم بقول حضرتك عاوزه حاجه ياتري المره دي عندك مفاجئه جديده ولا جاي تتسلي عليا
فريده :ههههه لا ابتديتي تفهمي مش قلتلك انتي مش سهله ع العموم انا مش جايه اتسلي عليكي المره دي انا فعلا عملالك مفاجئه بس اي جديده من نوعها حصري عندي أنا وبس كلها ساعه وهتعرفيها قصدي البلد كلها هتعرفها اتمني اشوفك ساعتها هتبقي عامله ازاي قلبي معاكي من دلوقتي أروح أنا بقي عشان اتابع التفاصيل
غرام لنفسها :انا مش فاهمه الست دي عاوزه مني اي وبتعمل كده ليه مش مهم المهم أن انا هخرج من هنا وتبقي تقابلني لو شافت وشي تاني
في مكتب زين
زين : أدخل
أدهم:صباح الخير يازين باشا ولا اقولك صباحيه مباركه ياعريس
زين بإحراج: عريس اي ونيله اي انتا صدقت ولا اي اومال لو مكنتش انتا اللي مطلعني أوضتي بنفسك
أدهم:لا بس انتا وسعت منك اوووي بقي زين باشا اللي كان عامل فيها الأسد وانا هنتقم منها وانا هقتلها يقلب قطه بلدي ويروح ينام ف حضنها
زين حدفه بالقلم اللي ف ايده:أدهم بلاش كلام ف الموضوع ده انتا عارف ان غصب عني وكنت متنيل سكران وبسببها لو غرام عرفت اللي حصل هتبقي مصيبه
أدهم :وهو كان حصل اي يعني هيا تطول أصلا زين باشا ينام معاها وعلي سرير واحد
زين :أدهم البنت دي نضيفه من جواها وتعرف ربنا مش زي الاشكال اللي انتا تعرفها لو عرفت حاجه زي دي مش بعيد تقتلني او هتفضل عمرها تكرهني زي مابتكره عاصم
أدهم بغمزه: وانتا طبعا عاوزها تحبك مش تكرهك
زين :ههههه حب اي ياعم احنا بتوع الكلام الفاضي ده
رحيم دخل عليهم بسرعه من غير مايخبط حتي
أدهم :وعليكم السلام ورحمة الله وبركاته
الحمد لله احنا كويسين
رحيم: أدهم مش وقت هزارك السخيف ده في مصيبه حصلت دلوقتي
زين بإنتباه اتعدل في قعدته :خير يارحيم انطق في اي
رحيم :ماهو بصراحه انا مش عارف اقول اي
أدهم:انجز ياعم انتا هتنقطنا كلمه بكلمه
رحيم بيغمز لأدهم وبيبص لزين أدهم مش فاهم
أدهم :ياعم اخلص احنا هنقضيها غمز ماهو شايفنا
رحيم :أمري لله اتفضلوا اقرأوا الجرايد بتاع انهارده
أدهم بصدمه :مش معقول دي غرام و. وبص لزين وزين
الحلقه15
أدهم بصدمه مش معقول دي غرام و..وزين
زين بإستغراب:غرام وشد من ايده الجريده قعد مكانه بصدمه لما شاف صورتهم وهما سوا ف حمام السباحه وصوره وهو شايلها وطالع بيها
زين لرحيم وهو لسه بيبص ف الجريده الصور دي وصلت لحد فين
رحيم :للأسف في كام صفحه معروفه ع النت نزلتهم وشافهم عدد كبير جدا
زين :صاحب الجريده دي يتعاقب مش محتاج اقولك ازاي والصفحات اللي نزلت الكلام ده تتقفل
زين:أدهم غرام ماينفعش تعرف حاجه عن اللي حصل ده نبه ع الخدم وعلي كل اللي ف الفيلا محدش يلمح ليها بحاجه لو بنظره حتي والا هيبقي اخر يوم ف عمرهم
أدهم:بسس
زين :مفيش بس
اللي عمل كده مش حد غريب ده حد قريب وقريب اووي كمان
رحيم :اهدي بس يازين واحنا هنحاول نحلها انتا رايح فين دلوقتي
زين:لازم اروح الحقها قبل ماتأذيها اكتر من كده
رحيم لأدهم بعد مازين مشي:انتا فاهم حاجه
أدهم: فاهم ان في مصيبه هتحصل انا رايح الحقه قبل مايرتكب جريمه
في فيلا زين العابدين
غرام بفرحه كانت بتستعد للخروج من السجن اللعين بتفكر في طريقه تهرب بيها من المستشفي بعد ماتتطمن علي البنت اللي رايحه تشوفها
ليلي بعد ماخبطت ودخلت:بصتلها بإستغراب خير يبنتي بتلبسي ليه لبس الخروج ده
غرام بفرحه:هخرررج هخرج ياداده من هنا وأخيرا
ليلي: هتخرجي ازاي زين باشا منبه علينا وع الحرس انك متخرجيش من اوضتك حتي
غرام :ههههه لا مفيش الكلام ده زين بنفسه هو اللي هيخرجني من هنا وبعدها معتش هرجع وحضنت ليلي هتوحشيني اوي ياداده
ليلي بصدمه :وانتي كمان يبنتي هتوحشيني :بس زين هو اللي قالك كده
غرام :بتكمل لف طرحتها اه طبعا هيوديني اشوف البنت اللي القذر اللي اسمه عاصم بهدلها وبسببه دخلت ف غيبوبه
ليلي :ياستير يارب اللهم احفظنا وهيا عامله اي الوقتي
غرام :لسه هعرف اما اروحلها ومش بس كده ولفت وشها ليها وهجيب حقها قبل حقي كمان
ليلي :بسسس
غرام :بس اي ياداده
ليلي :مابلاش تروحي انهارده
غرام بإستغراب :ليه مروحش انا ماصدقت اقنعه ان يخليني اخرج من هنا
ليلي :أصل يبنتي
غرام : اصل اي انتي مالك كده خايفه من اي
ليلي :أصل يعني مش عاوزه حد يقولك كلمه تزعلك او يبصلك بصه وحشه
غرام:مش فاهمه مين هيبصلي ومين هيقولي كلام يزعلني هو انا عملت اي انا دكتوره في المستشفي دي والكل عارفني هناك من اللصغير للكبير ورايحه اطمن علي حاله هناك هيبصولي بصه وحشه ليه
ليلي :بتخبط بإيدها علي خدها الكل عارفك أهي كده كملت
غرام :هههه انتي غريبه اوي انهارده ياداده شكلك متأثره عشان همشي
ليلي:انا فعلا مش عوزاكي تمشي انا كنت عاوزه اقولك ان صور
زين :ان العربيه مستنياكي بره وبص ل ليلي مش كده ولا اي ياداده
ليلي بتفهم :اه اه فعلا العربيه مستنياكي عن أذنكم
زين:فريده هانم فين
ليلي:خرجت من بدري مقالتش راحه فين
زين:طب روحي انتي ياداده
ليلي:حاضر يبني
غرام :انا متشكره اوي انا مش عارفه اقولك اي
زين :مبيردش بيبصلها بس بإعجاب شديد بلبسها واحتشامها صحيح هو طلب لبس محجبات ع البيت وهيا اختارت اللي يناسبها بس مكنش متوقع انها هتختار اللبس ده وخصوصا ان كان في ماركات اغلي كتير وحاجات شيك اختارت أوسع فستان وأشيكهم بالنسبه ليها هيا كان لونه رمادي غامق واختارت عليه طرحه فاتحه وجزمه سودا

غرام بإحراج بصت علي نفسها وبصتله :في حاجه غلط ف لبسي
زين:ها لا لا بالعكس ده حلو جدا عليكي احم قصدي كويس يلا عشان متأخرش علي شغلي وسابها ومشي
سرحت هيا فيه وهيا واقفه مكانها لف وشه ليها لقاها لسه واقفه مكانها وبتبصله بص لنفسه بيقلدها لبسي في حاجه
غرام بإبتسامه :لا
زين:أومال بتبصيلي كده ليه
غرام : انا لا ولا حاجه وانا هبصلك ليه عن اذنك وسابته وجرت علي بره
زين ابتسم وبصلها :انتي عاوزه تعملي فيا اي بالظبط
في بيت عشق
عشق بدموع:طمني يادكتور بابا ماله
الدكتور :لازم يتنقل المستشفي حالا حالته خطر جدا ولازم يعمل العمليه ف أسرع وقت
عشق مسحت دموعها:أنا هتصرف
في مكتب رحيم
أمل خبطت ودخلت
رحيم :في حاجه يا آنسه أمل
أمل بتوتر:انا كنت جايه أشوف حضرتك لو محتاج حاجه
رحيم :لا شكرا أنا رايح مشوار مهم جهزيلي الورق ده علي ما اجي وقام من ع المكتب ومشي لقاها لسه واقفه ف مكانها لف ليها لقاها بتفرك ايدها ف بعض
رحيم بإستغراب:انتي كنتي جايه تقوليلي حاجه
أمل لفت ليه:بصراحه اه
رحيم:حد ضايقك او حصل حاجه ف الشغل
أمل :لا لا خالص كل حاجه تمام انا كنت عاوزه اقولك اني
رحيم:انك اي وبص في الساعه بإستعجال انا اتأخرت ع الميعاد اما اجي نكمل كلامنا
أمل :بس وبصت علي رحيم اللي سابها ومشي يوووه هو أنا مش عارفه أتكلم معاك لا في الشغل ولا بعد الشغل هوووف
رفيف فتحت الباب ودخلت بإبتسامه عريضه لما ملقتش أمل بره ثواني وتحولت علامات وشها للغضب والغيره
رفيف :انتي بتعملي اي هنا
أمل بكيد :انتي اللي بتعملي اي هنا وقعدت علي كرسي رحيم ده مكتب مديري وحضرتك اللي جايه هنا وأكيد جايه ف شغل ماهو مش معقول تكوني جايه تعاكسيه مثلا
رفيف :احترمي نفسك يابتاعه انتي وإلا
أمل بتحدي :وإلا إيه هتروحي تنزلي دمعتين لرحيم بيه عشان تصعبي عليه ولا هتقوليله يرفدني من الشغل هههههههه ياحرام تصدقي صعبتي عليا ع العموم أحب أطمنك ان رحيم بيه عمره مايقدر يستغني عني بسبب واحده زيك وقريب اووي هتكون في مفجأه ليكي بس ماتقلقيش أكيد مش هنسي أعزمك
رفيف:تعزميني علي اي
أمل:خطوبتنا هو انتي متعرفيش ولا اي وقامت وقفت قدامها بس انا عذراكي هتعرفي منين أصل رحيم مخلي الموضوع سر بينا لحد مانعلن خطوبتنا عشان الحسد وكده انتي عارفه بقي كل البنات اللي هنا بيتمنوا نظره منه بس وأولهم انتي ولا اي
رفيف بغضب: ضربتها بالقلم علي وشها أنا مش واحده رخيصه زيك عشان تكلميني بالأسلوب القذر ده أنا مبسهوكش ولا بلعب على حد اللي بيعمل الالاعيب دي هو انتي مش انا واهو عندك اشبعي بيه وسابتها وخرجت
امل وهيا حاطها ايدها علي وشها ابتسمت بخبث برافو عليكي يا امل كده وفرتي نص المسافه وفضيتي السكه لنفسك أما نشوف بقي اخرتها معاك يارحيم بيه وأنا يا انتي ياست رفيف
في أمريكا
كانت شارده في لوحاتها لم تنم طوال الليل كان يشغلها التفكير فيه وفي ماحدث له ومافعله بها لكن الآن مشغوله بلوحاتها التي تنسي العالم معها كانت مبتسمه لا اردايا وهيا ترسم لوحه لبنت بفستان أبيض في حديقه خضراء جميله جدا يملأها الزرع والورد الأبيض والبنفسجي سرحت فيها قليلا لماذا هي وحيده هل تركها حبيبها مثلما فعل معي أم خانها وتركها كما تترك الروح الجسد قاطع تفكيرها صوت تعرفه جيدا
عزيز:واضح ان مكنتش غلطان اما جبتلك ادوات الرسم دي انا عارف انك بتحبي الرسم بس مكنتش اعرف انك موهوبه كده
شمس:حطت الفرشاه من ايدها وقامت وقفت عند الشباك المفضل ليها عزيز وقف قصادها وناولها كوب القهوه انا عارف انك بتحبيها ومشربتيهاش من زمان
قولت اعملك معايا مع ان لللي بعمله ده ممنوع وغلط ليا وليكي بس ده مايمنعش ان ده يبقي سر بيني وبينك والا هتلاقيني ف الاوضه اللي جمبك دي وهقرفك بقي
ابتسمت شمس وخدت منه كوب القهوه شمت ريحتها وغمضت عنيها وبدأت تشرب
عزيز وهو سرحان فيها : مكنتش اعرف ان ابتسامتك حلوه اوي كده
بصتله شمس ببرود وبصت قدامها تاني معدتش بتصدق ولا بتثق ف اي حد بعد اللي حصلها
عزيز:احم قصدي مدام ابتسمتي يبقي هتوافقي ننزل نتمشي سوا الجو انهارده حلو جدا وحط من ايده كوب القهوه وشد شمس من ايدها حطت بسرعه كوب القهوه ومشت معاه من غير ماتنطق
في الحديقه الخاصه بالأطباء
عزيز:ده بقي ياستي المكان المفضل ليا كل اما اكون مخنوق اومضغوط ف الشغل باجي هنا منظر الشجر والورد والعصافير كفيل ان يخرجني من المود اللي انا فيه
بصت شمس للمكان بإنبهار وقعدت جنب بركه عاليه شويه ف وسط الشجر وحطت ايدها في الميه
عزيز :عجبتك أنا كمان بحبها اوي وقعد جمبها وبصلها وعمري ماحبيت غيرها
وقفت شمس ايدها اللي كانت بتلعب ف الميه وقامت مشت بإتجاه شجره كبيره كلها زرع أخضر وورد أحمر وقفت تبصلها وابتسمت لما افتكرته
فلاش باك
شمس: ها افتح ولا لسه
شخص ما:أوعي تفتحي لسه كام خطوه بس وتبقي قدام حلمنا
شمس:يامسهل ياارب
أيوووووه هنا بالظبط برافو ياقطتي
شمس بضحك مش هتبطل بقي تقولي قطتي دي
وهو يحتضنها من الخلف ويهمس في أذنها تؤتؤ مش هبطل ياقطتي فتحي عنيكي
شمس :هممم
هههههه لا فوقي معايا كده لسه بدري ع التوهان بتاعك ده انا عارف ان محدش يقدر يقاومني بس انتي كده هتخليني أحبسك هنا
شمس خبطته ف كوعها ف بطنه اتلم
اااه خلاص فتحي عنيكي فتحي دا انتي مفتريه
شمس فتحت عنيها وهيا بتضحك عليه ثواني واتحولت ضحكتها لذهول
شمس :واااااو حلوه اوووي الجنينه دي انا بحب الخضره والمناظر الطبيعيه جدا الشجره دي حلوه اوي وكمان أنا بحب الورد الأحمر جدا والبنفسجي
شد ورده حطها ف شعرها ورا ودانها عجبتك الفيلا لفت وشها الفيلا تحفه ولفت ليه بتاع مين الفيلا دي
شدها ليه ولف ايده حوالين وسطها وهمس بصوت واطي وهو بيبص ف عنيها بتاعتنا ده حلمنا أنا وأنتي بيتنا المتواضع اللي هنمليه سعاده وحب وغمزلها بعينه وعيال
شمس ابتسمت بكسوف ووطت وشها رفع وشها بإيده تعالي نتفرج عليها من جوه
فلاش باك
عزيز :بتحبي الورد صح وشد ورده وجه يحطها ورا ودنها رجعت لورا بسرعه بصتله بدموع وجرت وسابته طلعت علي أوضتها
عزيز لنفسه: وهو يسند بظهره ع الشجره وبيبص مكانها مش عارف كل ما اقربك مسافه بتبعدي مسافات ليه ليه مصممه تبعديني عنك وأنا بحبك وهفضل أحبك لأخر نفس ف عمري ياشمس
في المستشفي
زين نزل من العربيه هو وغرام وقف استناها لما جت جنبه بصتله وشاورلها بأيده وطلعوا سوا السلالم الحرس لغرام
دكتوره غرااام معقوول ازي حضرتك كنتي فين كل الوقت ده
غرام: ابتسمت وبصت لزين بتوتر
زين بجديه :عن أذنكم الدكتوره وراها شغل شدها من ايدها ودخلوا
شدت غرام ايدها منه:شكرا
زين:علي ايه
غرام :عشان رديت عليهم وعشان وافقت اني أخرج
زين:خمس دقايق بس المسموح بيهم ياريت متتأخريش عن كدا والا انتي عارفه وااه ياريت كمان ماتتكلميش مع اي حد نهائي حتي لو تعرفيه مفهوم
غرام بغضب :هزت دماغها وقالت ف سرها مضطره استحملك بس لما اخرج من هنا انتا مين انتا عشان تحكمني أكلم مين ومكلمش مين
مشت خطوتين لفت انتباها الممرضات اللي بدل مايسلموا عليها قاعدين بيضحكوا عليها ويتكلموا بصوت واطي
مدتش اهتمام ووصلت لغرفه العنايه ولسه هتفتحها وقفها صوت
دكتوره غرام لو سمحتي عاوزك ف مكتبي شويه
غرام بس
مدير المستشفي:لو سمحتي نتكلم هناك أفضل
غرام بعدم فهم :تحت أمرك
في المكتب
المدير:طبعا يادكتوره انتي عارفه مكانتك ف المستشفي ازاي وبالأخص عندي أنا
غرام :طبعا عارفه أنا بعتذر لحضرتك عن غيابي بعدم عذر بس الحقيقه كان غصب عني أنا كنت محبو
كنتي في فيلا زين باشا العابدين
غرام بصدمه:اييه حضرتك كنت عارف اللي حصل
المدير:تقريبا البلد كلها عرفت مش المستشفي بس مفيش حاجه بتستخبي وانتي عارفه ان ده مستشفي محترم ومشهور مينفعش اللي بتشتغل هنا تبقي
غرام قامت وقفت مكانها بدموع :انتا ازاي بتحاسبني علي حاجه أنا ماليش ذنب فيها انا كنت مجرد ضحيه لواحد حيوان كل ذنبي ان كنت عاوزه أنقذ حياه طفله بريئه
المدير :واللي ف الفيديو ده حضرتك بتسميه اي
.غرام بصدمه وعدم فهم مسكت الفون تشوف فيديو اي اللي بيتكلم عليه قعدت غرام مكانها ع الكرسي بصدمه ودموعها بتجري علي خدها وهيا شايفه نفسها مع زين ف حمام السباحه وهو شايلها وطالع بيها
غرام حطت الفون ع المكتب أناااا
المدير :أنا كان ممكن أفصلك نهائي من المستشفي بس هكتفي بإستقالتك وحطلها ورقه وقلم قدامها كتبت استقالتها بصعوبه بإيد وبتمسح دموعها بإيد
هو أنا ممكن أطمن ع البنت اللي جت هنا ليلتها
المدير:خمس دقايق بس مش اكتر من كده وياريت تمشي علي طول بدون شوشره
غرام هزت رأسها بتفهم وراحت للبنت
خرجت من مكتب المدير
الممرضات بيبصوا ليها من فوق لتحت
ممرضه1:اش اش ده اي الحلاوه والنضافه اللي ظهرت فجأه دي
ممرضه2:وكانت عامله فيها الشريفه علينا ودكتوره محترمه قال
ممرضه3:بس بقي اتقوا الله شويه وبطلوا كلام ف أعراض الناس
جرت غرام علي غرفه البنت ودخلت وهيا بتبكي
وبتبص عليها بحسره أنا مش عارفه أنا وانتي عملنا اي لكل ده ذنبك اي يحصل فيكي كل ده اللي زيك بيلعبوا ويطنططوا وعايشين طفولتهم وانتي
هنا بين الحياه والموت ياتري أهلك عاملين اي ولا بيدوروا عليكي فين مسكت ايدها وقعدت جنبها يمكن ملكيش اهل زي حالاتي والا مكنتيش هتبقي ف الشارع ف وقت زي ده مسحت دموعها انا لازم اسيبك وامشي الوقتي بس مش هسيبك هحاول اشوفك تاني
خرجت غرام تترقب من الأوضه من غير ماحد يشوفها ف نفس الوقت كان زين ابتدي يقلق من تأخيرها مكنش متوقع انها هربت بس كان قلقان حاسس ان في حاجه غلط بتحصل راح علي مكتب المدير فتح ودخل علي طول من غير مايخبط
المدير : ز زين باشا
زين:غرام فين
المدير:دكتوره غرام اه هيا كانت موجوده هنا حالا وقالت انها راحت تشوف البنت اللي في العنايه
خبط زين بإيده ع المكتب ووطي بجسمه قدامه وهو بيجز علي أسنانه عارف لو كنت أذيتها بكلمه بس هيبقي حسابك معايا عسييير
المدير :لا لا طبعا الدكتوره غرام محدش يقدر يكلمها طول منا موجود
لف زين وشه وبيترفع من ع المكتب لمح ورقه ومكتوب عليها اسم غرام لف تاني بسرعه وبصلها المدير بتوتر شدها بسرعه تقدر حضرتك ترتاح وانا هروح أشوفهالك بنفسي
زين شد من ايده الورقه وقرأ المكتوب فيها بغضب هجم ع المدير ورفعه من رقبته ع الحيطه اللي وراه أكيد انتا السبب انها تعمل كده دقيقه واحده استقالتك انتا تكون متقدمه والااا انتا عارف هيحصلك اي كويس
المدير:بس يازين باشا حضرتك كده بتأذيني ف شغلي وبتخرب بيتي
زين: دي مجرد قرصه ودن بس واللي انتا طردتها دي بكره هتتحايل عليها عشان تشغلك عندها وساعتها هتدوس عليك زي منتا عملت دلوقتي ورماه ع الأرض وخرج يجري علي غرفه البنت وقف قدام الغرفه ياخد نفس عميق كان امله ان يلااقيها جوه فتح الباب ودخل لكن كانت المفجأه
زين:دكتور بسرعااااه