روايه ولي العهد
الفصل السابع عشر
والفصل الثامن عشر
بقلم الاء فرج
راحت وعد ناحيه ساره وضربتها بالقلم جامد على وشها
فتحت ساره عينها وهي مرعوبه وفضلت ترتعش لقيت حد لابس اسود في اسود وبعدين صرخت اول لما لقيت الحزام بيضرب على الأرض
وعد بشر : هيهيع أنا هوريكي
ساره بخوف : عاااااااا انتِ مين وعايزه مني أي
وعد بشر : بقا انتِ جايه هنا القصر جاسوسه اكيد فاروق اللي بعتك انطقي يا بتتتت
ساره ببكاء : ارجوكي افتحي النور أنا بخاف من الضلمه ارجوكي
وعد بشر : هششش عامله نفسك غلبانه وطيبه وانتِ قتاله قتله يا مجرمه
فضلت ساره تعيط جامد وترتعش، وعد استغرب من الحاله اللي هي فيها وراحت فتحت النور
وعد بهدوء : في حاجة غريبه في الموضوع ازاي انتِ شكلك طيبه وبتخافي اوي كده وعايزه تقتلي
ساره ببكاء : أنا مش هقدر اقولك حاجة بس كل اللي اقدر اقوله أن بعمل كده غصب عني
وعد بغضب : انطقي وقولي وأنا مش هقول لحد
ساره :..................
مسكت وعد الحزام وضربته على الأرض جامد راحت ساره صرخت
ساره بخوف : خلاص خلاص هقولك
After 10 Mintes
بعد ١٠ دقايق
وعد بصدمه : انتِ متأكده ان ده أبوكي
ساره ببكاء : ايوه بابا، بس هو بيكرهني ودايماً بيضربني
شمرت ساره كم التيشيرت وبانت علامات الضرب على ايدها
دمعت وعد وراحت حضنت ساره
وعد بحزن : انا أسفه حقك علي قلبي، أنا مش شريره والله أنا بس خوفت لما سمعتك بتتكلمي في التليفون وبتقولي انك هتقتلي
حد، خلاص ما تعيطيش بقا وأنا هاخدلك حقك من فاروق الزفت ده
ساره ببكاء : هتعملي اي
وعد بشر : أنا هعمل كل خير
____________بقلمي الاء فرج
في شركه فاروق
كان قاعد في مكتبه وعمال يتصل على ساره ومش بترد وفجأه لقا النور قطع
قام فاروق من علي الكرسي بتاعه بغضب وطلع برا مكتبه يشوف اي اللي حصل
فاروق بغضب؛: انتوا يا بهايم ازاي النور يقطع في شركه كبيره زي دي ريماااااااس
ريماس بخوف : اي يا فاروق بيه
فاروق بغضب : انزلي شوفي اي اللي حصل في الكهرباء، بسرعه
عندي اجتماع من الأجانب في شركتي كمان نصف ساعه، يلااااااااا
دخل فاروق مكتبه وهو بيرزع الباب لقا حد بيحط المسدس على دماغه وماسكه من رقبته
حسن بشر : يا ترى اي اللي هيحصل لما كل الأخبار والقنوات تتكلم عنك وانك قد اي راجل ***** وبيقتل
فاروق بخوف : اااانتَ مين، نزل السلاح من على دماغي أنا راجل أعمال كبير نزل للسلاح بقولك
حسن بشر : تؤتؤ صوتك يبقى واطي وتتكلم بأحترام
وبعدين مش انتَ عمال تقتل في اي حد بيقف في طريق شغلك وعامل
نفسك راجل أعمال طيب وبتاع أعمال خيريه وانتَ اصلاً ******
فاروق بزعيق : ما تشتمش
حط حسن حقنه منوم في دراعه وفاروق وقع اغم عليه
حسن ببرود : أدهم جبت كل الأوراق المهمه من مكتبه؟
أدهم وهو شايل ورق كتير : ايوه ده طلع عامل بلاوي سوداء الأوراق دي تخليه يروح لحبل المشنقه
حسن : طب يلا نطلع من هنا قبل ما الكهرباء ترجع
____________بقلمي الاء فرج
في قصر حسن
في المطبخ
دعاء : كان في واحده ست عندها ١٢ بنت جم قالولها يا ماما جعاااانين
مصطفى : بخ بتعملي اي هنا
دعاء : بعمل كيكه بقالي كتير ما دخلتش المطبخ وقولت اما اجرب
مصطفى : وريني كده
مسك مصطفى شوكه واخذ حته من الكيكه
مصطفى بصدمه : كح كح كح رهيبه طعمها تحفه تسلم ايدك
دعاء بسعاده : بجد، خلاص هعملكم كيكه كل خميس على الفطار
مصطفى : لأ لأ لأ لأ خلي مواهبك دي تطلع كل سنه كل خمس سنين عشان ننبهر كل مره، بلاش تدخلي المطبخ كتير
دعاء بكسوف : هي الكيكه حلوه للدرجادي
مصطفى بضحك : هههههه رهيبه دول هيموتوا من كتر جمالها
____________بقلمي الاء فرج
في اوضه حسن ووعد
وعد : بصي الفستان ده أطول حاجة عندي
ساره : ليه كل لبسك قصير كده؟
وعد بحزن : ماما ماتت وهي بتولدني وبابا راجل أعمال كبير وما كانش بيعلق على لبسي كان ببقى طول اليوم في الشغل
اصلاً، وانا اتعودت علي كده بس هحاول اغير في طريقه لبسي وبدأت
اصلي ورميت كل الشورتات اللي عندي اصلاً، تفتكري ربنا هيسامحني ويغفر ليا؟
ساره بهدوء : ان الله غفور رحيم إن شاء الله ربنا هيتقبل توبتك، انا هقوم البس الفستان والطرحه وانزل اعمل الغداء
دخلت ساره الحمام وراحت وعد تقف في البلكونه عبقال ما ساره تخلص
____________بقلمي الاء فرج
*لو التفاعل فضل يقل كده هوقف الروايه لان ما فيش تقدير لتعبي عارفة ان دة ملوش علاقة بالحلقه بس انا جبت اخرى
بجد مفيش تفاعل علي رواياتي زي الاول حتي الناس
الي كانت تتفاعل بطلت بس فعلا نفسي حد يقدر تعبي ويستنا شغلي انا بتعب بس مفيش غير قليل
بجد تعبت ولو التفاعل فضل كده الروايه هتوقف لان نسبه المشاهده فوق ٤٠٠٠ والتفاعل تحت الالف
____________بقلمي الاء فرج
دخل حسن الاوضه وهو بيخلع الجزمه والجاكيت بتاعه
لقا ساره خارجه من الحمام وبتنشف شعرها اول لما شافته صرخت وحطت الفوطه على شعرها
حسن بصدمه : انتِ بتعملي اي هنا في اوضتي وفي حمامي انطقي
خرجت وعد من البلكونه بسرعه اول لما سمعت صوت صريخ
وعد : في اي؟
حسن بزعيق : ازاي يا هانم سايبه البت دي تدخل اوضتنا وتدخل الحمام كمان
وعد : اهدي يا حسن ما حصلش حاجة انتَ كنت برا وهي دخلت الحمام عادي ما حصلش حاجة
حسن بزعيق : اطلعي برا
طلعت ساره من الاوضه وهي حاطه الفوطه على شعرها وعماله تعيط
حسن بغضب : ما تعرفيش انها بنت فاروق وكان ممكن تقتلك في اي وقت وانتوا لوحدكم كده
وعد : لأ عارفه انها بنت فاروق بس هي طيبه أوى وبتعمل كل ده غصب عنها يا حسن صدقني دي مظلومه زينا
قالت وعد لحسن كل حاجة وان ساره ابوها دايماً بيضريها ويعذبها وبعتها عنها غصب عنها
حسن بهدوء: بصي يا وعد هي فعلاً شكلها طيبه بس بلاش ثقتك الزياده دي احنا ما نعرفهاش برده انا قولت اهو خلي بالك منها وقللي في الكلام معاها
وعد بهدوء : حاضر، تأكل؟
حسن بتعب : لأ أنا عايز انام واول لما اصحى هبقا اكل
نام حسن وقفلت وعد الستاير وشغلت التكيف وقفلت الانوار وخرجت من الاوضه
اول لما وعد خرجت من الاوضه
قام حسن من على السرير ووقف في الشباك وهو
حاطط إيده على دماغه وعمال يفكر هيعمل اي في فاروق
____________بقلمي الاء فرج
في اوضه أدهم
دخل أدهم الاوضه واترمي على السرير لقا باب اوضته اتفتح ودخلت ندى
ندى بقلق : انتَ كويس شكلك تعبان؟ وعملت اي مع فاروق ده؟
أدهم بتعب : أنا مش قادر اتكلم يا ندى حقيقي تعبان وعايز اريح شويه عشان
بليل هيحصل حاجات كتير وحسن كمان راح نام، اول
لما نصحى هنجمع كل اللي في القصر ونقولكم على اللي هيحصل الايام الجايه
ندى : استنى انا بكلمك رد عليا انا مش هستني لحد ما تصحى
أدهم بغضب : يلاهوي على القرف اللي انا فيه قولت
تعباااان وعايز انام اسكتييي واطلعي برا
طلعت ندى برا ورزعت الباب بغضب وادهم حط المخده على دماغه ونام
____________بقلمي الاء فرج
خرجت وعد من القصر وهي بتبص يمين وشمال وبعدين فضلت تجري ناحيه المخزن
في المخزن
فتحت وعد باب المخزن بالمفتاح اللي أخذته من حسن من غير ما يعرف وفتحت باب المخزن
لقيت فاروق وخالد والجد قاعدين على الأرض مربوطين في حديده كبيره وملامحهم مش باينه من كتر الضرب
خالد بتعب : وعد وعد ارجوكي عطشان عايز اشرب هاتيلي مياه
وعد بخوف : لأ مش هجيب ليك حاجة خليك مربوط كده
خالد : طب انا لسه بحبك يا وعد فكيني واطلقي من حسن وتعالي نتجوز ونهرب بعيد عن الدنيا دي انا لسه بحبك وعمري ما كرهتك وانتِ كمان يا وعد بتحبيني سيبك من حسن ده
وعد ببرود : هششش انا ست متجوزه وحتى لو مش بحب جوزي انا بحترمه لانه راجل ومش بيكدب ومش بيعمل نفسه ابن عمي ولا عمره ضربني عشان راجل مش زيك
فاروق بغضب : خرجوني من هنااااا
الجد بتعب : كح كح كح بالله عليكي يا بنتي خرجيني من هنا
مسكت وعد المفاتيح وفضلت تحركها يمين وشمال
وعد : شايفين المفاتيح دي اقدر افكم دلوقتي
واخركم من هنا بس
أنا مش خاينه عشان اسيبكم تهربوا كل واحد نهايته سوداء
راحت وعد عشان تخرج لقيت حد بيضربها على
دماغها بالحديده راح اغم عليها
مسكت ساره المفاتيح وراحت عشان تهربهم ووووو
روايه ولي العهد
الفصل 18
راحت وعد عشان تخرج لقيت حد بيضربها على
دماغها بالحديده راح اغم عليها
مسكت ساره المفاتيح وراحت عشان تهربهم ولسه هتتحرك من مكانها
خبطها حسن بطرف المسدس على دماغها راحت وقعت جمب وعد واغم عليها
After 30 Mintes
بعد ٣٠ دقيقه
فتحت وعد عينها براحه وهي حاسه بصداع رهيب في دماغها
فتحت وعد عينها لقيت حسن قاعد جمبها على السرير وكل العيله واقفه عشان تطمن عليها
حسن بلهفه : وعد وعد انتِ كويسه سمعاني..... طيب فكراني؟
وعد بتعب : اه فاكره بس... دماغي وجعاني أوي حاسه بصداع رهيب...... عايزه اشرب مياه!
ابتسم حسن وراح بسرعه يجيب ليها مياه كان خايف لتكون فقدت الذاكره بسبب قوه الخبطه
دعاء : حمد لله على سلامتك يا وعد
ندى : الحمد لله انك كويسه
شيماء : حسن كان خايف اوي عليكي
مصطفى بخبث : ولي العهد بقا لما يحب
اتكسفت وعد وسكتت
دخل حسن الاوضه وهو ماسك كوبايه المياه وصنيه ساندوتشات
أدهم : حمد الله على السلامة يا وعد، يلا يا شباب نخرج احنا برا
خرجوا كلهم برا وقفلوا الباب وراهم
حسن بهدوء : اشربي مياه الأول وبعدين خدي الساندوتش ده عشان تفوقي كده وتقدري توقفي على رجلك
وعد بتعب : لأ لأ مش عايزه أنا عايزه انام
حسن : لأ لازم تاكلي، افتحي بوقك أنا هأكلك
وعد : لأ يا حسن مش عايزه
حسن : أفتحي بوقك اخلصي
فضل يأكلها حسن بأيده في بوقها ووعد بصتله بسعاده وسكتت وبعدين خلصت الاكل ونامت وحسن طلع برا الاوضه ونزل على تحت
____________بقلمي الاء فرج
حسن بصوت عالي : دعاء، ندى، شيماء، مصطفى، أدهم تعالوا بسرعه عايزكم في موضوع
كلهم نزلوا من على السلم وقعدوا في الصالون مع حسن
حسن بهدوء : أنا طلبت البوليس وهو دلوقتي في الطريق عشان ياخد وليد وخالد وفاروق وقدمت كل الملفات والأوراق بالأعمال السوداء اللي حصلت في حياتهم، فاروق الملفات
بتاعته عن القتل وكميه الجرائم اللي عملاها، وخالد اكتشفت انه بيتاجر في الأعضاء، ووليد بتاع غسيل أموال
كل الملفات دي لاقتها في مكتب فاروق
وليد قال انه مثل انه جدي عشان كان فاروق هيقتله لو قال لأ وانه طيب ولكن الحقيقه ان فاروق كان ماسك عليه ذله عشان كده وليد اضطر يمثل
وخالد نفس الكلام فاروق برده ماسك عليه ذله
الحقيقه ان التلاته **** وكل واحد فيهم يستحق الإعدام والبوليس جاي في الطريق وهياخدهم كلهم، انا بس حبيت اقولكم عشان تبقوا عارفين
أدهم : طب وساره هتعمل فيها أي دي كانت هتقتل وعد؟
حسن بغموض : لأ ساره دي اللي هيحدد عقابها وعد لما تصحي لأنها خانت وعد ووعد هي اللي هتقول هتعمل فيها أي
قام حسن من مكانه واخد دعاء في حضنه جامد
حسن بحزن : عملت تحليل Dna امبارح واتأكدت انك اختي، أنا آسف على كل السنين اللي ضاعت واحنا عايشين في نفس القصر وما نعرفش ان احنا اخوات، أنا بحبك بالله
مش بكرهك زي ما انتِ فاكره أنا هفضل احبك وهعاملك زي ندى وشيماء انتوا اخواتي وربنا يعلم انا بحبكم قد اي
فضلت دعاء تعيط في حضنه وحسن فضل يطبطب على شعرها
خرج حسن من حضن دعاء واتكلم بهدوء : انا غلطت في حق كل واحد فيكم ولكن من النهارده هبدأ صفحه جديده معاكم كلكم واول حاجة هقرب من ربنا وهبطل اعمل اي حاجة غلط وهتوب
واخواتي ههتم بيهم وهسمع كلامهم من غير ما اقول انا مش فاضي
هحافظ عليكم وهحاول ابقى دور الاب والأخ في نفس الوقت
وادهم ومصطفى غلطت في حقكم كتير أوي وكنت بعاملكم معامله وحشه واخدت كل ورثكم ما تزعلوش مني
ووعد عرفت انها زوجه اصيله وهي السبب في أن كل اللعبه دي تتكشف
ومش هطلقها وهكمل معاها باقي حياتي
والقصر ده كلنا هنعيش فيه والفلوس كلها قسمتها علينا زي شرع ربنا ما قال
كلهم ابتسموا على كلام حسن اللي اتغير ١٨٠ درجه بسبب وعد
سمعوا صوت عربيه البوليس راح حسن خرج من القصر وخرجوا كلهم وراه
____________بقلمي الاء فرج
في المخزن
اخذ البوليس وليد *الجد اللي كان تعبان جداً*
وخالد وفاروق اللي عمال يزعقوا
فاروق بزعيق : انتوا مجانين انتوا مش عارفين أنا مين أنا هموتكم كلكم
حسن بأستفزاز : هشش يالا
خالد بغضب : هاخد وعد يعني هاخدها، هي اصلاً مش بتحبك خلي عندك كرامه بقا
راح حسن ناحيه خالد وراح ضربه بالقلم على وشه جامد
راح خالد عشان يهجم عليه البوليس أخذه
خالد بصريخ: مش هسيبك يا حسنننننننننن، بكرهك
حسن ببرود : ابقى اعمل عمل خير قبل ما تروح لحبل المشنقه يا روح ماما
مشي البوكس وعربيه الشرطه وراه
حسن بهدوء : انا رايح مشوار ادخلوا جوا وخلي بالكم من وعد وانا مش هتأخر
After 2 hours
بعد ساعتين
وقفت عربيه حسن قدام الترب ونزل منها ولأول مره يزور امه وابوه من ساعه ما توفوا
حسن : وحشتوني أوي الايام وحشه اوي من غيركم
عارفين كان نفسي اوي تبقوا معايا ما كنش ده هيبقى حالي
كان نفسي يا أمي اترمي في حضنك في آخر اليوم واحكيلك اللي حصل معايا ولما يحصل مشكله اروح احكيلك ولما احب يبان في عنيا واقولك انتِ اول واحده
اتحرمت من لحظات كتير أوي كان ممكن اعيشها معاكم بس أنا متأكد انكم في مكان احسن
يمكن لو أبويا كان راجل بسيط مش راجل أعمال ما كانش فاروق قتله
بس ده قدر
تعرفوا انا حبيت وعد
كنت بقول دايماً إن الحب ده كلام فارغ وان عمري ما اتجوز وهقضيها صياعه بس وعد جات وغيرت كل حياتي لأحسن
كان نفسي اوريهالكم كنتِ هتفرحي بيها اوي يا ماما
ممكن في الأول كنتِ هتزعقي عشان هي بنت مدلعه اوي ومش قريبه من ربنا
بس انا وهي هنتوب مع بعض وهنتغير لأحسن و ايدنا في ايد بعض هنتوب
انا عايز اخلف عيال كتير اوي مش هفرق بين الولد والبنت لما حد فيهم يغلط هخليهم يقولوا ومش يكونوا خايفين مني لا يكونوا خايفين على زعلي، النهارده الراجل اللي كان السبب في قتلكم هيتعدم وكل حاجة بانت على حقيقتها، انا بحبكم أوي وهفضل دايماً ادعليكم بالرحمه
ثم اكمل كلامه ببكاء : بابا قول لربنا انه يسامحني أنا تعبان اوي يا أمي وحاسس ان النهارده يوم وفاتكم
احم مش هعيط خلاص انا عارف أنكم هتزعلوا لما انا بعيط
انا متأكد انكم سامعين انا بقول اي وحاسين بيا صح...... بحبكم ربنا يرحمكم
خرج حسن من الترب وهو بيعيط وبعدين ركب العربيه ومشي
* الام والاب نعمه كبيره أوي لو لسه عايشين اقعدوا معاهم معظم الوقت واسمعوا كلامهم وبلاش زعيق فيهم لان قبل ما يكون عيب ده حرام، حسسوهم انكم بتحبوهم عشان في لحظه وداع ليس لها وقت 💔
*ولو ماتوا ادعيلهم بالرحمه *