رواية عشاق الصعيد الفصل الخامس عشر والسادس عشر بقلم اية الابشيهي
عند فرح$عمر
فرح(بابتسامة صغيرة): -هااا..... يعني بتحبني بقالك 5 سنين!
عمر(بابتسامة وهو بيمسك إيديها): -ااه
فرح: -ااه!؟؟...... صريح اوي انت يا عموري..... وجرئ
عمر(بحب): -لو عليا انا عاوز اقوم و اقول للناس كلها إنك بقيتي مراتي بعد حب خمس سنين
فرح: -لا...... انا بحب الجنان بس مش للدرجة دي
عمر: -طب ايه...... مش هتقوليهالي بقي
فرح (باستهبال): -هيا ايه دي!!!
عمر: -كنافة
فرح: -ايييه!!!!
عمر: -العب باليه...... هههههههههه
فرح: -هيهيه...... شيبسي وكرتيه
عمر: -قلبظ بجنيه
فرح: -بحبك
عمر: -اشربي نسكافيه...... ادا ادا...... انتِ قولتيها؟!؟؟
فرح: -هههههههههه
عمر: -لا انتِ كدا بتخمي...... قوليها تاني
فرح: -أبدا أبدا
عمر: -والله ماينفع كدا...... انتي قولتيها فجأة وماتحققتش في ملامحك
فرح: -وانت عاوز تتحقق في ملامحي ليه؟!
عمر: -قوليها وانا اقولك
فرح: -تؤ تؤ عشان تبقي تقولي اشربي نسكافيه كويس
عمر(وهو يرفع إحدي حاجبيه): -يعني مش هتقوليها
فرح(بنفي): -تؤ تؤ
عمر(بمكر): -حاضر....... (قام وقف ومسك إيديها وعالي صوته وكل اللي في الكافيه سمعوه وفرح كانت مصدومة) يا جماعة لو سمحتوا...... دي المدام بتاعتي ولسه كاتبين كتابنا انهاردة بعد خمس سنين حب..... ومش عاوزة تقولي بحبك...... يرضيكوا
فرح(بخجل): -الله يخرمبيتك يا عمر
الناس فضلوا يتحايلوا عليها عشان تقوله بحبك وناس كتير فضلت تضحك على تصرفه ده....... وفي الآخر قررت إنها تقوله
فرح: -انا هقتلك
عمر: -مش مشكلة..... بحبك برضه
فرح: -وانا كمان بحبك
عمر: -يا فرج الله
فرح: -ربنا يستر من جنانك ده....... ههههههههه هتودينا في داهية أكيد
عمر(بضحك): -قولي انتي بس ان شاءالله
فرح: -ههههههههه...... يعني معترف إنك هتودينا في داهية؟؟
عمر: -انا اسمي الحقيقي عمر مشاكل
فرح: -هههههههه....... عمر
عمر: -عيونه
فرح: -عاوزة اعرف انت شوفتني فين أول مرة؟!
عمر(بجدية): -بصي يا ستي....... كنا في العيد وانتي كنتي بتوزعي رسايل فرحة وبون بوني على الناس
فرح: -ادا؟!!...... وشوفتني ازاي؟!
عمر: -شوفتك وانتي طالعة وتقريبا كان باقي معاكي رسايل وعاوزة تخلصي منهم
فرح: -فعلا..... انا مش بحب اروح البيت وفاضل معايا حاجة...... بس برضه.... عرفت منين ان اسمي فرح واني من عيلة الدالي!!
عمر(بابتسامة واسعة): -ما انا مشيت وراكي...... لحد ما شوفتك لما قبلتي أحمد أخوكي
فرح: -طبعا انت وقتها ما كنتش تعرف إنه أخويا!
عمر: -دا انا كنت هاجي اجيبك من شعرك هههههههههه
فرح: -هههههههههه....... وعرفت ازاي انه اخويا بقي
عمر: -مشيت وراكوا لحد البيت...... وسألت يحيي ابن عمي وقالي انه اخوكي..... وقتها روحت لعمي عزت و قولتله اني بحبك وعاوز اتجوزك
فرح: -بس ابوي ما جاليش الا السبوع اللي فات
عمر(بحب): -اللهجة الصعيدي زي السكر وانتي بتقوليها
فرح(بخجل): -عمر...... كمل
عمر: -ماشي يا ستي..... عمي عزت عمل تحرياته وطلب مني اني استني شوية..... عرف ان والدك رافض اي خطوبة في الوقت ده على الأقل تخلصي سنتين في كليتك
فرح(بابتسامة): -وطبعا انتهز الفرصة لما شافني وجيه طالبني من بابا...... بس انت ازاي كنت متأكد اني مش هتخطب لحد غيرك
عمر(قرب منها شوية): -عمي عزت لما يقول كلمة....... عمرها ما تقع ابدا
فرح: -والله انا بحب عمك عزت ده...... وبحبك انت كمان جدا
عمر: -يااااااربي على الجمال
*________________*
أحمد&ورد
أحمد: -قولتلك ما تتكلميش صعيدي واحنا برا او مع حد
ورد: -وااه!!..... مافيش حد هيسمعنا اياك
أحمد؛ -يوووووه
ورد: -هههههههههه خلاص........ هات البلونة ويالا
أحمد: -كل دول بلونة!!
ورد: -أحمد!!
أحمد: -نعم يا حبيبتي
ورد: -بلونة ولا مش بلونة؟؟
أحمد: -طبعا
ورد: -ايوا كدا
أحمد: -اومال
ورد: -اوعي تكون بتتريق عليا!؟
أحمد: -أبدا
ورد: -بحسب
أحمد: -بس كان شكلك يفطس من الضحك لما ركبتي السلسلة هههههههههه
ورد: -بطل رخامة..... انا بس كنت خايفه شوية
أحمد: -شوية!!!
ورد: -شوية كتيير يعني
أحمد: -ايوا فعلا...... فرجتي الناس اللي في الملاهي علينا...... كان المفروض تفرجي أمة لا إله إلا الله
ورد: -أحمد
أحمد: -نعم
ورد: -ادا؟!!
أحمد: -في ايه؟!
ورد: -أول مرة تقولي نعم بس...... من غير حبيبتي ولا اي حاجه
أحمد(بمكر): -لا ماحنا خلاص بقي كتابنا الكتاب..... والكلام ده كان زمان
ورد: -يعني ايه؟؟....... مابقتش تحبني
أحمد: -تقدري تقولي حاجة زي كدا
ورد وقفت مكانها وكان شكلها زعلان جدا وأحمد كان هيموت ويضحك بس فضل ثابت وملامحه جد..... لف وبصلها ولقاها عمالة تبصله
أحمد: -واقفة كدا ليه؟!؟؟..... يالا عشان نروح
ورد(بزعل): -أحمد انت بجد مابتحبنيش؟!!!
أحمد: -وانا هكدب عليكي ليه بس!!...... يالا امشي
كان لسه همشي بس لقاها هتعيط فجري عليها
أحمد (بسرعة): -لالالالا...... والله العظيم بهزر
ورد(بعياط): -لا..... انت لسه قايل مابتحبنيش
أحمد: -والله بهزر...... والله بحبك جدا
كان هيمسك ايدها بس هيا زقته ورجعت لورا
ورد: -لا مش بتحبني...... انا متأكدة انك مش بتحبني
أحمد: -طب بالعقل كدا..... لو مش بحبك..... هستحمل رخامتك وحركاتك اللي كنتي بتعمليها عشان تطفشيني بيها ليه قبل كتب الكتاب!!!
ورد(بصتله و دموعها نازلة): -انا دلوقتي فهمت..... انت اتجوزتني عشان خاطر تنتقم مني
أحمد: -لااا بصي..... مش تعيشي في شغل الروايات ده...... انا اتجوزتك عشان بحبك وبس
ورد: -كداب
أحمد (قرب منها ورفع حاجبه): -انا!!...... كداب
ورد (بتحدي وهي بتمسح دموعها): -ايوا...... انت كداااب
أحمد: -يعني مش مصدقه اني بحبك!!!!
ورد: -لا مش مصدقه...... ولا هصدق
أحمد(قرب اكتر): -وانا مش هسيبك الا لما تصدقي
شلها فجاءة وهيا فضلت تصوت
أحمد: -بصي..... والله حتي لو أهل سوهاج كلهم اتلموا علينا...... مش هسيبك الا لما تصدقي اني بحبك
ورد: -اتحشم يا أحمد
أحمد: -اسكتي يا باشمهندسة الغفلة انتِ
ورد: -واااه.... هتچل أدبك هعلمك الأدب
أحمد: -دا انا اللي هعلمك الأدب على طولة لسانك...... وعشان تبقى تتكلمي صعيدي تانى
ورد: -نزلني الناس بتتفرج علينا
أحمد: -قولتلك مش هنزلك الا لما تتأكدي اني بحبك
ورد: -اتأكدت..... اتأكدت
أحمد: -لا مش مصدقك
ورد: -والله اتأكدت..... اتأكدت الله يخرومبيتك
أحمد نزلها قدام العربية
أحمد: -طالما يخرومبيتي...... يبقي صدقتيني
ورد: -..........
أحمد: -مالك!!!
ورد: -هههههههههه
أحمد: -بتضحكى على ايه؟؟
ورد: -عليك
أحمد: -عليا!؟؟؟..... ليه
ورد: -حبيت اشوف هتعمل ايه
أحمد: -مش فاهم!!!
ورد: -يعني زي ما حضرتك كنت بتمثل وبتضحك عليا...... انا كمان.....
أحمد: -كنتي بتضحكى عليا؟؟!
ورد: -هههههههههه........ بحبببك جدا والله
أحمد (بحب): -وانا بعشقك صدقيني
ورد: -طب يالا نروح..... لحسن فهد اكيد هعلقك
أحمد (بغرور مصطنع): -ولا يقدر
ورد: -واثق من نفسك اوي..... طب يالا بينا بقي..... واعمل حسابك هتدخل تسلم على فهد وبابا قبل ما تمشي
أحمد: -لازم يعني!!؟
ورد: -جيبت ورا
أحمد: -لا طبعا..... يالا قدامي عشان ارميكي قدام الباب
ورد: -هههههههههه
*_______________*
بمنزل عزت القناوي
فهد فضل واقف في الجنينة مش عارف يعمل ايه..... ومش عارف هو عمل ايه عشان تمشي كدا من غير ماتقوله...... طلع أوضة ورد يمكن تكون جات وهو ما اخدتش باله..... طلع
وملاقش حد في الأوضة.... كان لسه هيكلمها في التليفون بس لقاها داخلة بتضحك..... نزل وقرب منها وهيا سكتت خالص
ورد: -السلام عليكم..... مالك يا فهد؟!
فهد: -ليل ماكلمتكيش؟!!
ورد: -ليل!!؟!.... هيا مش فوق!
فهد: -لا مش فوق.... كلمتك!؟
ورد: -لا..... بس ايه اللي حصل!؟
فهد(بضيق): -مافيش يا ورد
ورد: -طب استني هكلمها
فهد: -لالا..... انا هروحلها
ورد: -طب انت زعلتها ولا ايه اللي حصل؟!
فهد: -مااعرفش يا ورد..... انا مازعلتهاش ولا عملت حاجه
زهور كانت طالعة وسمعتهم وقربت منهم
زهور: -لا يا فهد زعلتها...... معلش انا كنت نازلة بس سمعتكم وانتوا بتتكلموا
فهد (بعدم فهم): -زعلتها في ايه؟!
زهور: -عشان انت قولت لوالدتها ان ده مش بيتها
فهد: -لا طبعا
عفاف فتحت الباب واتكلمت بهدوء: -في ايه....... ماتروح يا فهد تجيب مراتك..... وبعدين زهور عندها حق...... ماكنش ينفع تقول لنبيلة كدا.... حتي لو بتكرهها
ورد: -هيا مرات عمي كانت إهنه
فهد: -في ايه يا جماعة...... انا ماكنش قصدي كدا...... وبعدين مستحيل ليل تكون فهمت اني اقصد كدا
عفاف (بهدوء وهيا داخلة أوضتها): -لا فهمت كدا..... ولولا اني عمتك كنت فهمت إكديه..... روح هات مرتك يا فهد
ورد: -بص انا مش فاهمه حاجه...... بس روحلها..... اطمن عليها مثلا!
فهد (بغضب مكبوت): -اطمن عليها!!!...... دا انا هكسر راسها
ورد: -فه
فهد: -ادخلي نامي يا ورد
زهور: -ربنا يستر يا ورد
ورد: -تعالي احكيلي ايه اللي حصل
زهور: -تعالي انتي احكيلي
ورد: -هنحكي لبعضينا تشعالي
زهور: -هههههههههه
*______________*
بمنزل حاتم
حاتم (بغضب لنبيلة): -انا دلوقتي بسألك..... انتي ايه اللي جابك
نبيلة(بصوت عالي): -وانا مش هتكلم طول ما انت بتتكلم بالطريقة دي
حاتم(بعصبية): -عوزاني اتكلم ازاي؟!!!...... انتي لما بتحلي على مكان بتحصل مصايب.... وبتفتحي اللي فات.... والكل بيفتكر اننا ولادك فبيكرهونا
ليل(بإرهاق): -حاتم ماتعصبش نفسك..... صدقني مافيش فايدة
نبيلة: -حتي انتِ؟؟؟
رحيق: -ماما ارجوكي ارجعي..... انتي جيتي وجيبتي معاكي المشاكل
نبيلة: -انتي تخرسي خالص....... حسابك معايا بعدين..... عشان تبقي تعرفي تسيبي البيت وتمشي
حاتم: -تخرس ليه؟؟!!...... هو انتي كنتي عاوزاها تفضل مع العيل اللي انت متجوزاه..... واللي انتِ عارفة انه بيحبها
ليل: -رحيق..... انزليارجوكي في الجنينة شوية
حاتم: -سيبيها يا ليل...... سيبيها تسمع.... وتعرف ان والدتها اتجوزت كريم وهيا عارفة انه
ليل: -حاااتم...... انزلي يا رحيق ارجوكي
رحيق نزلت وحاتم بص على نبيلة لقاها مصدومة....... ماكنتش متخيلة انه عارف انها اتجوزت كريم وهيا عارفة انه بيحب رحيق...... واديته فلوس عشان خاطر يتجوزها..... ليل قعدت بإرهاق واضح وللحظة ندمت إنها مشيت من غير ما تقول لفهد وفضلت تفكر تكلمه ولا لا
رحيق نزلت الجنينه وفضلت تفكر في كلام حاتم..... وفضلت تفتكر كل ذكريتها مع نبيلة وكانت بتحاول تدور على ذكري حلوة ما بينهم يمكن تشفعلها وترجع تعيش معاها تاني..... وما تسيبهاش لوحدها...... في وسط تفكيرها دا سمعت صوت من وراها بس ماكنتش متخيلة انها ممكن تسمعه وخصوصا في بيت حاتم
كريم: -رحيق!!
رحيق لفت بصدمة وفضلت بصاله كتييير: -ااانت!!!!
كريم: -وحشتيني
رحيق كانت لسه هتصوت بس هو كتفها وحط ايديه على بوقها عشان ما تصوتش
كريم؛ -ماتصوتيش...... انا جيت اشوفيك وماشي من غير ما حد يعرف
رحيق بعدت عنه واتكلمت: -انا هقول لحاتم انك هنا.... واول ما يعرف اصلا هيقتلك
كريم: -ماحدش اصلا هيعرف اني هنا
رحيق: -اناا هقو....... كريم: -ماحدش هيصدقك...... عشان انا مش هبقي موجود....... وماحدش هيشوفني
رحيق: -يعني ايه؟!!
كريم: -يعني........
يحيي: -رحيق !!!!!!!!
*
الفصل السادس عشر
بمنزل عزت القناوي
فهد خرج من البيت ولسه هيركب عربيته ف يحيي لحقه
بسرعة
يحيي: -على فين العزم
فهد (بضيق): -انا مش رايق دلوقت يا يحيي..... اشوفك الصبح
يحيي: -طب رايح فين؟؟
فهد: -لحاتم
يحيي: -اشطا يالا
فهد ماكنش قادر يتكلم.... كل اللي في دماغه انه يشوف ليل ويتكلم معاها.... ركبوا وفهد طلع بالعربية والاتنين فضلوا ساكتين..... لغاية ما يحيي اتكلم
يحيي(بهدوء): -وبعدين!!!!
فهد: -............
يحيي: -لازم تتكلم
فهد: -انا مش فايق لحوار الدكتور النفسي ده دلوقتى
يحيي؛ -هااا
فهد (بضيق): -ماشي...... انا مش فاهم هيا ازاي مشيت كدا من غير ما تقولي..... اصلا مش مستوعب
يحيي(بهدوء): -ما يمكن نفسيتها تعبانة من اللي حصل.... فحبت ترتاح و........
فهد(بحزن مخفي): -ترتاح بعيد عني!!؟؟...... ولو نفسيتها تعبت من اللي حصل..... المفروض تفضل معايا... مش تبعد عني وتمشي مع أمها..... اللي هيا السبب في كل ده
يحيي (بهدوء): -ممكن تكون اضايقت برضه من كلام مرات عمك..... بص يا فهد..... اللي حصل انهاردة ده لغبطنا كلنا.... رجوع مرات عمك..... والكلام اللي مرات عمك هنية قالته.....
فطبيعي تكون اضايقت من كل ده..... ايوا انت رديت على هنية مرات عمك وعلى الكلام اللي قالته.... بس هيا أكيد برضه لسه مخنوقة من اللي اتقال
فهد: -انا ماليش دعوة بكل اللي انت بتقوله ده..... انا كل اللي في دماغي ازاي تبعد عني..... انت مش متخيل انا مضايق على مخنوق على غضبان
يحيي(بضحك): -احم...... طب لو ناوي تطلع غضبك على العربية وتقلبها..... نزلني على جانمب
فهد: -هههههههههه..... والله انت فايق
يحيي: -ومبقاش فايق ليه يا اخويا!....... انا انهاردة تقريبا اسعد واحد....... ولولا اللي حصل كنت خطبتها
فهد: -انت قولتلها!؟
يحيي (بهزار): -قولتلها وقالتلي وقولنا لبعض..... وقولنا
فهد: -طب ع العموم يا سيدي الف مبروك
يحيي(بابتسامة واسعة): -الله يبارك فيك يا بوب..... عقبال...... هههههههههه..... عقبال ولادك
فهد: -عقبالي اااه..... ماهي ناقصة
يحيي: -بس عارف.... كويس اني جيت معاك.... هطلبها من حاتم ونتفق
فهد: -والحج عزت
يحيي: -هو ممكن يرفض؟؟
فهد: -ما أظنش..... بس الصح انك تقوله الأول وهو يروح معااك تطلبوها من حاتم
يحيي: -طمنتني.... خلاص هأجل الموضوع لبكرا ان شاءالله.... اللي هو المفروض انهاردة الصبح..... هو انت مش شايف اننا رايحين متأخر؟!!
فهد: -لا
يحيي: -لا!!!!..... الساعة 2 بعد نص الليل
فهد: -تمام ابقي ارجع انت لما نوصل
يحيي: -لا طبعا انت بتقول ايه... لازم افضل معاك واخلي بالي منك..... و
فهد: -وتشوف رحيق
يحيي: -بالظبط
فهد: -طب يالا عشان وصلنا
يحيي: -يالا
فهد وقف العربية والاتنين نزلوا..... وكانوا هيطلعوا بس سمعوا صوت في الجنينة
فهد: -ممكن الناس اللي بيشتغلوا هنا..... يالا مالناش دعوة
يحيي: -الناس اللي بيشتغلوا هنا هيفضلوا لحد الساعة 2 وقاعدين في الجنينة؟!!؟؟
فهد: -يحيي....
يحيي: -اطلع انت وانا هاشوف في ايه
فهد: -طب انا جاي معاك
يحيي: -اطلع وانا مش هتأخر
فهد: -تعالي يالا يا يحيي
_________________
رحيق نزلت الجنينه وفضلت تفكر في كلام حاتم..... وفضلت تفتكر كل ذكريتها مع نبيلة وكانت بتحاول تدور على ذكري حلوة ما بينهم يمكن تشفعلها وترجع تعيش معاها تاني..... وما
تسيبهاش لوحدها...... في وسط تفكيرها دا سمعت صوت من وراها بس ماكنتش متخيلة انها ممكن تسمعه وخصوصا في بيت حاتم
كريم: -رحيق!!
رحيق لفت بصدمة وفضلت بصاله كتييير: -ااانت!!!!
كريم: -وحشتيني
رحيق كانت لسه هتصوت بس هو كتفها وحط ايديه على بوقها عشان ما تصوتش
كريم؛ -ماتصوتيش...... انا جيت اشوفيك وماشي من غير ما حد يعرف
رحيق بعدت عنه واتكلمت: -انا هقول لحاتم انك هنا.... واول ما يعرف اصلا هيقتلك
كريم: -ماحدش اصلا هيعرف اني هنا
رحيق: -اناا هقو.......
كريم: -ماحدش هيصدقك...... عشان انا مش هبقي موجود
رحيق: -يعني ايه؟!!
كريم: -يعني........
يحيي: -رحيق !!!!!!!!
رحيق وكريم بصوا وراهم..... وكان يحيي وفهد واقفين..... يحيي قرب منهم وهو بينقل نظره ما بينهم هما الاتنين
يحيي(بغضب مكبوت): -بتعملي ايه هنا؟!!..... وفين حاتم!؟
كريم(بجراءة): -انت مالك!..... وازاي تدخل البيت من غير ما تستأذن
فهد كان واقف وبيحاول يفتكر مين ده وشافه فين قبل كدا!؟
يحيي(بغضب): -انا بسألك مين ده
رحيق (اترعبت من لهجة يحيي): -دااا.... جوز ماما
يحيي: -دا جوز امك؟!
كريم: -ايه جوز امك دي!؟
فهد قرب منه ومسكه من هدومه: -هو انت
كريم اول ما شاف فهد خاف لأنه عارفه..... وفهد كمان افتكره
كريم(بخوف): -دكتور فهد..... اناااا
فهد: -انت ايه!؟...... وبتعمل ايه هنا؟؟......دا انت هتشوف اسود ايام حياتك على ايدي
كريم: -ليه بس يا دكتور فهد؟؟...... حضرتك شوفت مني حاجة وحشة لسمح الله
فهد: -دا انت واسخ انسان انا شوفته في حياتي..... ولا نسيت عملت ايه مع رحيق
رحيق كانت لسه هتطلع بس إيد يحيي منعتها
يحيي: -على فين؟!
رحيق: -هاشوف حاتم!؟
يحيي: -بصيلي يا رحيق..... مين ده!؟..... وليه واقفة معاه في وقت زي ده.... ليه واقفة معاه أصلا
رحيق (بدموع): -والله انا اتفاجأت انه موجود..... مااعرفش والله انه هنا.... ارجوك سيبني انادي على حاتم
يحيي: -اتفضلي
يحيي قرب من فهد وكان بيحاول يفهم الحوار الداير بينهم.... وكل شوية يمنع فهد من انه يضرب كريم
كريم: -صدقني يا دكتور فهد..... رحيق كدابة
فهد(كان لسه هيضربه بس يحيي مسك ايده): -انت ايه يا حيوان
يحيي: -اهدي بس يا فهد
حاتم كان سامع صوت تحت فنزل هو وليل وقابلوا رحيق وهيا طالعة وقالتله ان كريم تحت.... وفهد ماسكة وشكله هيضربه.... حاتم طلع يجري على برا ووقف قدام كريم وضربه بالبوكس
حاتم(بغضب وهو بيحاول يضربه تاني): -انت قلبك جامد لدرجة انك تيجي لقضاك برجليك
فهد: -اهدي يا حاتم
حاتم: -دا انت نهايتك انهاردة يا حيوان..... سيبني يا فهد
ليل: -يا حاتم أرجوك
نبيلة نزلت وشافت اللي بيحصل فراحت وقفت قدامهم
نبيلة: -انت بتضربه ليه؟!..... بتضرب جوز مامتك
حاتم(بغضب): -اطلعي برا..... مش عاوز اشوفك انتي ولا الزبالة اللي متجوزاه ده
الكل اتصدم من اللي حاتم قاله..... حتي كريم اتصدم..... رحيق قربت بهدوء من حاتم وبتحاول تهديه
رحيق (بصدمة): -حاتم!!!!
حاتم(بعصبية): -مش عاوز اسمع حاجة..... عاوزة تقولي ايه؟؟؟.....انتِ مش شايفه انها بتدافع عنه حتى بعد ما عرفت انه كان عاوز يتهجم عليكي
نبيلة: -انت بتطردني؟!!
حاتم: -انت لسه هنا..... ايوا بطردك اتفضلي ارجوكي وانسينا...... انسي خالص ان عندك ولاد
ليل: -يا حاتم......
حاتم: -قولت مش عاوز اسمع كلمة..... واتفضلي اطلعي فوق انتِ ورحيق..... يالا اتفضلوا
نبيلة بصت لحاتم بغضب هو وفهد ويحيي: -يالا يا كريم..... بس خلي في بالك يا حاتم..... مهما حصل انتوا ولادي وهتفضلوا ولادي غصب عنكم..... انا عند جدك منصور الدالي لو حبيت تعتذر......يالا يا كريم
نبيلة مشيت هيا وكريم.... وحاتم غمض عينيه بيحاول يهدي من أعصابه
حاتم: -انا متأسف على اللي حصل ده يا جماعة
فهد: -احنا اللي متأسفين يا حاتم اننا جينا في وقت متأخر
حاتم: -البيت بيتكم يا فهد..... تعالوا نطلع فوق..... اتفضل يا يحيى
يحيي كان مصدوم من اللي سمعه.... بس طلع فوق معاهم عشان يسمع من رحيق اللي حصل........ طلعوا البيت فوق وقاعدوا مع بعض
حاتم: -تشربوا ايه يا شباب؟!
يحيي: -لا ولا حاجه
فهد: -شاي
ليل(باستغراب): -شاي؟!!!
فهد (بنظرة توعد): -ايوا شاي
حاتم: -اعمليلوا قهوة يا ليل..... شكله عاوز يهزر
فهد: -لا بجد.... انا عاوز اجرب الشاي
يحيي: -طيب بالمرة بقي..... انا كمان عاوز شاي
حاتم: -هو فيه ايه مالكم؟؟.... انتوا عمركم ما شربتوا شاي
يحيي (بضحك): -اجرب انا كمان ولا ماليش نفس
ليل: -طيب عن إذنكم اما اعمل الشاي..... وبالمرة تجرب انت كمان يا حاتم
ليل دخلت المطبخ وبعدها بشوية فهد دخل وراها
فهد: -انتِ بتعمليلي شاي بجد!؟؟
ليل(بفزع): -خضتني يا فهد
فهد (بغضب مكتوم): -انتِ ازاي تعملي كدا!؟
ليل(بارتباك): -عملت ايه
فهد (قرب منها شوية): -انتِ أول مرة تعملي كدا وتمشي
ليل: -انا كنت تعبانة
فهد (بتصحيح): -انتِ كنتِ زعلانة
ليل: -وهزعل من ايه؟!
فهد: -مني
ليل(بحزن): -كويس انك عارف
فهد(بلوم): -وليه مافضلتيش معايا..... ولومتيني
ليل: -يمكن عشان ماتعودتش الومك يا فهد... دايماا بتبقي عارف اني زعلانة وبتبررلي اللي عملته..... بس انك تحرجك والدتي قدام والدك وقدام مرات عمي هنية اللي هيا بتكرهها..... مالوش تبرير..... ولا ايه
فهد: -انتِ عارفة ان الكلمة طلعت غصب عني..... وانتي مش بتلوميني على حاجة عملتها غصب عني..... ولا ايه
ليل(بابتسامة): -ولا ايه
فهد (بضحك): -ضحكت يعني.....
ليل: -اطلع برا يا فهد..... خليني اعملك الشاي
فهد (وهو بيحضنها وبأسلوب طفولي): -لا انا مش عاوز شاي
ليل: -هههههههههه.... طيب وسع
حاتم: -انتوا بتعملوا ايه
فهد: -شوفت اختك وحركاتها!...... جذبتني للمطبخ عشان تخدش حيائي
ليل(بخجل): -فهد
فهد: -عن إذنك يا حاتم...... انا هطلع برا بدل ما حيائي يتخدش اكتر من كدا
حاتم: -الشاي خلص يا ليل!؟.... ولا ايه
ليل(بخجل): -ايوا خلاص.... يالا نطلع..... (كملت بهمس)الله يخرمييتك يا فهد
يحيي: -ادا شاي!!.... هو الموضوع طلع بجد
حاتم: -ههههههههه..... ايوا بجد و لازم تشربه
فهد: -طبعا الكلام ده ليحيى بس
ليل: -وليك انت كمان على وجه الخصوص..... رأفة مني يا يحيي.... ممكن ما تشربوش
فهد: -وانا؟؟
ليل: -انت بالذات هتشربه
فهد(بهمس): -كدا يا ليلِ
ليل(بنظرة توعد): -ايوا كدا
فهد :-انتِ عارفة لو شربته هتعب
ليل: -ما تقلقش انا حاطة نعناع
فهد: -(بصوت عالي):- حبيب قلبي يا ناس
حاتم: -يا عمي..... فيه هنا سناجل
فهد: -اه صحيح ما اخدتش بالي.....طب نستأذن احنا بقي..... يالا بينا يا ليل
حاتم: -على فين ان شاءالله؟!
فهد: -ع البيت.... هيكون على فين يعني
حاتم: -طب ما تسيبها يومين هنا
فهد: -اسيبها فين يا بني... والفرح اللي بعد بكرا ان شاءالله
يحيي؛ -تصدق اني انا نسيت
فهد: -ونعم الأخوة
حاتم: -طب مش المفروض ان ليل تخرج من البيت هنا!؟
فهد: -لا طبعا..... العروسه بتخرج من بيت ابوها اللي هو بيتي
رحيق (بضحك): -هتخرج من البيت وتدخل في نفس ذات اللحظة
يحيي(بيحرك شفايفه وباصص لرحيق وابتسامة): -عقبالنا
حاتم: -تمام.... ربنا يسعدكم يارب ويتمم على خير
فهد(وهو ينظر ل ليل): -اللهم امين
يحيي: -ما تيجي معانا يا حاتم انت ورحيق
حاتم: -لا يا عم شكرا..... مش عاوز مرات عمك تشوفني اليومين دول هههههههههه
ليل: -تعالي معايا يا رحيق
حاتم: -مش هينفع يا ليل..... هبقي اجبهالك بكرا ان شاءالله الصبح
يحيي: -شكلك زعلتي يا ليل.... وانا مايهمنش عليا زعلك.... عشان كدا نكتب الكتاب انا ورحيق بكرا.... عشان تفضل معاكي ليلة الفرح
فهد: -طول عمرك حنين يا يحيي
يحيي: -انا مرهف الحس على فكرا.... بس ماحدش واخد باله
رحيق وليل: -هههههههههه
فهد: -طب يالا يا مرهف عشان لو استنينا شوية...... هنصلي الفجر هنا
يحيي: -يالا..... سلام يا حاتم... زي ما اتفقنا
حاتم: -تمام ان شاءالله الحچ عزت يحدد الميعاد اللي هيناسبه وبلغني
فهد: -ان شاءالله..... يالا سلام تصبحوا على خير..... ومستنك بكرا ان شاءالله ماتتأخرش
حاتم: -ان شاءالله
*______________*
تاني يوم بمنزل عزت القناوي
بالتحديد بغرفة هنية
هنية: -انا ما هسكوتش واصل علي اللي بيوحصل ده
عفاف: -خلصنا يا هنية.... اللي حوصل حوصل..... وبتك موافچة على حاتم... ويحيي بيعشچ رحيق
هنية: -انتِ بتفرسين ولا ايه عاد
عفاف: -لع يا مرت اخوي..... انا بفوچك عشان تريحي نفسك
هنية: -لااا دا انتِ حد مسلطك عليا انهاردة...... بس مش هچعد واحط يدي على خدي واسكت
عفاف: -ابعدي عنيهم يا هنية انتِ وشيطانك..... العيال بيحبوا بعض... فسيبيهم في حالهم عاد
هنية: -انتِ ايه اللي چرالك عاوزة افهم.... نسيت اللي ابو العچربة نبيلة عملوه
عفاف: -اچفلي خشمك يا هنية وقصري حديتك الماسخ ده..... في الأول والأخر ده چسمة ونصيب
هنية: -من ميتة الحديت ده؟؟
عفاف: -من دلوچيت يا هنية.... ومن إهنه ورايح... انا اللي هقف في وشك... اتي فاهمة ولا لا
عفاف خرجت من الأوضة.... وهنية الغضب زاد في قلبها اكتر وفضلت تفكر ازاي هتخلي حياة ولاد عزت و ولاد نبيلة جحيم...... قعدت شوية وبعد كدا افتكرت بنتها زهور وانها موافقة على جوازها من حاتم.... طلعت بسرعة وراحت لأوضة زهور ودخلت
زهور: -ايه يا أمي خضتيني
هنية: -كويس انك صاحية عشان اتحددت معاكِ
زهور (بترقب): -تتكلمي معايا في ايه!!
هنية: -في چوازك من ابن نبيلة
زهور: -اانا
هنية: -انا عارفة انك ما وفچاش
زهور: -يا أمي
هنية: -انا هعرف ابعده عنك ازاي.... ومالكيش صالح بالموضوع ده.... وهعرف ازاي أچيب يحيى تحت رجليكي
زهور (بعصبية): -يا أمي الموضوع مش كدا خاالص..انا بحب حاتم وموافقة اني اتجوزه.... وماليش دعوة اذا كان ابن نبيلة او ابن الجن الازرق حتي... انا بحبه وخلاص... اما يحيى فهو اخويا مش اكتر من كدا
هنية(بغضب): -طب اسمعيني زين..... مالمحش طرفك خالص برا الأوضة دي.... انهاردة ولا بكرا.... فاهمة ولا لا
زهور (باعتراض): -بس
هنية: -سامعة ولا لا
خيري دخل الأوضة عليهم وهما بيتكلموا
خيري: -انا چولت برضك اني هلاقيكي إهنه
هنية: -وكنت عاوزني ليه!؟
خيري: -انا ما هعوزش حاچة منك..... انا چاي اشوف بتي واطمن عليها.... واشوفها مش چاعدة وايه بنات اعمامها ليه
هنية بصت لزهور بحدة
زهور (بحزن): -مش هينفع أطلع يا ابوي
خيري: -ليه يا بتي مالك!؟...... انتِ زينة!؟
زهور: -الحمدلله
خيري (بص لهنية وعرف انها اللي منعاها من الخروج): -غيري خلجاتك و روحي اچعدي مع اخواتك يا زهور...... واياك اشوف حد بيمنعك انك تخرجي تاني
هنية سكتت وما تكلمتش خالص وخرجت من الأوضة... كانت لسه هتنزل بس سمعت صوت ضحك طالع من أوضة "ورد"...
لسه بتمشي ناحية الصوت بس افتكرت ان خيري عند زهور وممكن يطلع ويشوفها وهيا بتصنت.... فراحت ناحية أوضة "زهور" تشوف هما خلصوا كلام ولا لسه
بس خيري فتح الباب مرة واحدة وهيا اتخضت من الحركة
خيري: -بتعملي ايه يا وليه؟!
هنية(بارتباك): -مافيش
خيري: -ماشي.... انا داخلي انام شوية.... مش عاوز اشوف وشك في الأوضة الا وانتِ جاية تصحيني العصر إكديه
هنية(بابتسامة مصطنعة): -نوم العواف
هنية راقبته بعنيها لحد ما دخل الأوضة وهيا جريت على أوضة" ورد " ووقفت تتصنت عليهم
بالداخل
ورد: -يالا يا ليل.... والله هموت من العطش... انزلي هاتي العصير والماية واطلع بسرعة.... شوفتي سهلة ازاي
ليل: -سهلة!!.... دا انا لسه هلبس العباية والطرحة وانزل من ع السلم واروح المطبخ واجيب الحاجة واطلع تاني
ورد: -بصي من الآخر انتِ هتنزلي يعني هتنزلي
رحيق: -طب ما تنزلي انتِ يا ورد بسرعة
ليل: -حبيبتي يا رورو
ورد: -لا بقولكوا ايه..... انا مش هنزل يعني مش هنزل
ليل: -انزلي انتِ بسرعة... حتي مش هتلبسي العبايه ولا طرحة
ورد: -وبالنسبة لعمر ايه؟؟....وولاد خلاتي اللي تحت في المندرة دول ايه؟!
هنية عقلها لمع بفكرة شريرة.... فنزلت بسرعة على المطبخ وجابت إزازة زيت واتأكدت إن ما حدش شافها وطلعت
بسرعة... وفضت الزيت على السلم اللي قدام أوضة "ورد" ضميرها كان لسه هيأنبها ان "ورد" هيا اللي ممكن تنزل وتقع
من على السلم بس افتكرت ان "عزت" مارضيش يجوز بنتها لحد من ولاده وبكدا هيكون نصيب "ليل" قد نصيب جوزها... الغل والغضب زاد جواها وخلصت نص الإزازة ومسحت على
ترابزين السلم بحيس لو سندت عليه تتزحلق برضه.... نزلت بسرعة ورمت الإزازة وغسلت إيدها وفضلت واقفة عند باب المطبخ مستنية تشوف مين اللي هيطلع فيهم هما الثلاثه
في أوضة "ورد"
ليل: -برضه مش هنزل
ورد: -ولا انا كمان هيه
رحيق: -يوووه عليكم دا انتم مملين بشكل.... انا هروح انادي لزهور واجيب العصير والماية
ورد: -طب بصي رأفة بيكِ انا هروح انادي لزهور
رحيق: -لا يا حبيبتي ودي تيجى... خليكي دا انتِ عروسة
ورد: -شايفة الناس اللي بتفهم
ليل: -هجيبك من شعرك
ورد: -وريني كدا.... وانا اقصلك لسانك ده
رحيق: -يوووووووه
رحيق لبست طرحتها وطلعت ولسه بتقفل الباب ونازلة سمعت صوته
يحيي: -بسبس
رحيق لفت وبصتله بابتسامة
يحيي(بصوت واطى وهو بيشاورلها): -تعالي اقولك
رحيق راحت ناحيته وبتضحك: -هههههههه (وبعدين قلدته) هتقولي ايه؟!
يحيي: -ههههههه.... هقولك وحشتينى
رحيق (بخجل): -يحيي
يحيى: -عيونه
رحيق: -انا نازلة
يحيي: -تعالي بس.... رايحة فين؟!
رحيق: -نازلة اجيب عصير وماية وبعدين هنادي لزهور
يحيي: -طب روحي انتِ نادي لزهور... وانا هجيب الحاجة
رحيق: -بس
يحيي: -مابسش
هنية فرحت لما شافت رحيق هيا اللي طلعت.....فضلت واقفة تتصنت عليها هيا ويحيي....ولما سمعت ان يحيي هو اللي هينزل طلعت من المطبخ وعملت نفسها سمعتهم بالصدفة.... وراحت قاعدة على الكرسي وهيا بتتكلم
هنية: -ماهينفعش يا يحيي تدلي على المطبخ.... المطبخ كله حريم.... انت فاهمني زين
رحيق (بصت ليحيى بتفهم): -خلاص مافيش مشكلة.... انا هنزل انا عادي
يحيي: -انا قولت مش هتنزلي.... اتفضلي روحي انتِ لزهور.... وانا هطلب من سميحة تجيب الحاجة
هنية(ببرود): -سميحة ماهياش فاضية.... عم بتچهز الوكل للضيوف
يحيي: -الوكل مش هيبوظ من دچيچة يا مرت عمي..... سميحة... سميحة
سميحة تطلعت من المطبخ بسرعة: -نعم يا سي يحيي
يحيي: - معلش يا سميحة هاتي عصير وماية وطلعيهم في أوضة ورد لو سمحتي
سميحة (بابتسامة): -فوريرة وهطلعهم
يحيي(ببساطة): -شكرا يا سميحة هتعبك
سميحة دخلت تجهز الحاجة... وهنية جاعدة عنيها بتطق شرار مش عارفه تعمل ايه عشان تخلص منهم كلهم مرة واحدة..... بس بسرعة قامت وطلبت من واحدة تانية تيجي تمسح السلم بسرعة
هنية(بغضب): -اتي يا هبابة البرك يالا ما تتسمي
الخادمة: -ايوا يا ست هنية
هنية: -امسحى السلم اللي چدام أوض الصبايا بسرعة
الخادمة: -أمرك يا ست هنية
الخادمة جريت تجيب الحاجة
و هنية طلعت تشوف مين اللي في المندرة.... وسميحة طلعت من المطبخ وراحت ناحية السلم اللي عليه الزيت..... ويدوب فضلها سلمتين و زميلتها ندهت عليها
بدور: -بت يا سميحة استني
سميحة: -واه.... رايدة ايه يا بدور
بدور طلعت بسرعة وكلمت سميحة بصوت واطي
بدور(بهمس): -بصي يا اختي تحت رجليكِ
سميحة بصت ولقيت زيت كتيير واقع
سميحة: -وااه وانتِ ما مسحتيهوش بسرعة ليه.... عم تلتي وتعجني معاي
بدور (بهمس): -بچرة... انتِ بچرة.... البومة هنية.... انا شوفتها من هبابة وهيا داخلة ع المطبخ عم بتتسحب كيف
الحرامية واخدت إزازة الزيت وبعديها بشوية رچعت تاني ورمت الإزازة من غير ما حد يشوفها... بس انا شوفتها.... ولما
چيت اطلع من المطبخ لچيتها واچفة ورا الستارة وبتبص على أوضة "الست ورد" ولما الست"رحيق " طلعت فرحت چوي.... بس سي "يحيي" نده عليكي ومناعها تتدلي ع المطبخ ونده عليكِ
سميحة؛ -يا واچعة مربربة.... دا حديت واعر چوي يا بت.... بس ما تجبيش سيرة لحد... وهمي امسحي السلم چبل ماتيچي وتطربقها على نفوخنا
سميحة طلعت الحاجة لأوضة ورد وراحت ليحيي أوضته
يحيي: -خير يا سميحة في حاچة؟؟
سميحة: -في حاچة واعرة چوي يا سي يحيي... ولازم اچولهالك
يحيي: -حاچة ايه؟!... چولي
سميحة قالت "ليحيى" على اللي عرفته... وهو وقتها ماشكش في كلامها بالعكس دا كان مستغرب ليه "هنية" كانت عاوزة "رحيق" تنزل... بس دلوقت عرف وقلق منها على ""رحيق" و "ورد" و"ليل"... سكت شوية وطلب من سميحة ما تقولش الكلام ده لحد الا اذا هو طلب منها
*______________*
بغرفة عزت القناوي
فهد: -خلاص يا ابوي... انا لسه راچع من عند الحچ منصور واتفچنا على كل حاچة.... والأرض مش هتخرج برانا
عزت: -عال يا ولدي
فهد: -بس انا مش مرتاح لعيلة الصاوي يا چدي
عزت: -يخبطوا راسهم في الحيط هما وهنية
فهد: -عندك حق.... استأذن انا عشان استچبل الضيوف
عزت: -ماشي يا ولدي..... فهد..... عينك على مرت عمك.... انت فاهمني زين
فهد (بقلق مخفي): -فاهم
*___________*
بمنزل منصور الدالي
أحمد: -فرح.... عمر جاي يشوفك يا عروسة
فرح(بخجل): -أحمد
أحمد (بضحك): -عمل ايه
فرح: -هههههههههه.... انت رخم
والدة فرح: -اطلعي يا بتي لچوزك.... وارجعي لأوضتك بسرعة
فرح: -حاضر يا امي
فرح نزلت تحت وقابلته
فرح: -عامل ايه!؟
عمر؛ -وحشتينى
فرح: -طيب
عمر: -هو ايه اللي طيب!؟
فرح: -طيب طيب
عمر: -هههههههههه انتِ علقتي ولا ايه؟!.... ولا ده تأثير الفرحة
فرح: -انت كمان وحشتني
عمر: -الحمدلله... المهم انتِ عاملة ايه؟!
فرح: -الحمدلله بخير... وانت؟؟
عمر: -الحمدلله.... المهم انا كنت جايلك في موضوع
فرح: -موضوع ايه؟! خير
عمر: -خير ان شاءالله.... بس يعني لو حد من عيلة والدتي عيلة الصاوي جم عشان يباركولك حاولي تقصري معاهم... وما تطلعيش مع حد فيهم ممكن؟؟
فرح(بقلق): -هو فيه حاجه ولا ايه؟!
عمر: -لا مافيش... بس زيادة احتياط... انتِ عارفة انهم ماكانوش عاوزين صلح ما بين عيلتنا وعليتكم
فرح: -طيب ماشي... ماتقلقش خير
عمر: -ماشي يا حبيبيتي.... هامشي انا بقي... وبكرة تبقي في بيتي ان شاءالله
فرح(بخجل): -مع السلامه
عمر(باسها بسرعة ومشي): -بحبك يا فرحتي