رواية امراة اقتحمت قلبي
الفصل السادس
بقلم ندي محمود
مرت عد ايام على خطبة جاسم ورهف ومازال جاسم يحاول ان يكسر الحاجز الذى بينه وبين رهف ولكن هى لا تدع له طريق
افاق من نومه على صوت هاتفه نظر فى الساعة وجدها الساعة التاسعة صباحا قال بصوت نائم : الو يارهف
رهف : جاسم الحقنى
جاسم بخضبة : فى ايه
رهف : العربية بتعتى مش راضية تشتغل وانا واقفة فى الشارع وبرن على بابا مش بيرد والشارع فاضى انا خايفة
جاسم تنهد يارتياح وقال : ياشيخة خضتينى .. طيب انا هالبس واجيلك
رهف : انت لسا هاتلبس بقولك الشارع فاضى
جاسم : امال هانزل بهدوم البيت
رهف بتمثيل البكاء : يا جاسم تعال على كده انا خايفة ليطلع عليا حرامى
جاسم : طيب طيب يارهف انتى فين
رهف : انا فى ( .............. )
اغلق الخط وغسل وجه بسرعة وذهب لها ..
بينما هى قالت بمكر : انت لسا شوفت حاجة
بعد مرور وقت ليس بطويل اتى لها وقال : ايه فى ايه
رهف : مش عارفة العربية عطلانة
جاسم نظر حوله وقال : فين الشارع اللى فاضى ده انا مش شايف انه فاضى يعنى الناس رايحة جاية اهو.
رهف : لا كان فاضى لما كلمتك
جاسم : اممم كان فاضى
بعد مرور دقتيتن قال : العربية مفيهاش حاجة .. ثم دخل العربية وجدها تعمل
جاسم : ماهى شغالة اهى انتى بتشتغلينى
رهف بابتسامة : ايه ده غريبة يعنى مكنتش راضية تشتغل
جاسم بانفعال بسيط : ومصحيانى من النوم والحقنى ياجاسم والشارع فاضى ومش عارف ايه
رهف : انت بتزعقلى ليه انا غلطانة انى بتصل بيك
جاسم : بتركبوا عربيات ليه لما مش بتفهموا فيها نفسى افهم
رهف ببرود : نمشى على رجلينا يعنى مثلا
جاسم : لا طبعا ازى مينفعش لا كن تقرفونا احنا ينفع .. ابو اللى عملكم السواقة اطلعى يابت قدامى
رهف : احترم نفسك 😡
جاسم بانفعال : ما انا دلوقتى محترم نفسى فا لوكترتى فى الكلام ومطلعتيش على العربية هاتشوفى قلة الادب
رهف : طاب والعربية
جاسم : سيبى ام العربية دلوقتى ابقى ابعت اى حد ياخدها
________________________________________
ريتال : مالك يا ادهم سارح فين
ادهم : بقولك هى صحبتك مريم دى مرتبطة
ريتال بخبث : ليه 😉
ادهم : ردى على قد السؤال
ريتال : لا ليه برضوا
ادهم : اصل بصراحة عايز اتقدملها
ريتال : وانت شوفتها فين
ادهم : كانت بتاجى هنا علطول وكنت بشوفها بس مكنتش متاكد من اللى فى دماغى دلوقتى خلاص
ريتال : تتأكد من ايه ؟؟
ادهم : يعنى ان .. انا بحبها وعايزيها ودلوقتى اتأكدت
ريتال بصدمة : احلف كده يا هم اقرصنى طيب وربنا مامصدقة ادهم يحب اكيد بحلم
ادهم : اقرصك يعنى .. بلاش 😂
ريتال : لا لا دى من الصدمة بس 😅
ادهم : هههههههههههه
ريتال : تعرف انا هاوزع رز بلبن
ادهم بضحك : رز بلبن مرة وحدة ... طاب بقولك ايه ماتكلميها فى الموضوع وشوفيها هاتقول ايه
ريتال وضعت رجل على رجل وقالت بتفاخر : تدينى كام 😎
ادهم : مادية حقيرة
ضحكت بقوة وقالت : خلاص ببلاش بس علشان خاطرك وعلشان هاخلص منك كمان
ادهم : طيب يا ام لسان طويل هوينا يلا
______________________________
جاسم : حلوة الاشتغالة دى يا رهف هانم
رهف بتمثيل عدم الفهم : اشتغالة ايه
جاسم : انتى هاتعملى نفسك عبيطة
رهف : انا مش عبيطة
جاسم بابتسامة : انا سايبك دلوقتى براحتك تعملى اللى عيزاه بعد مانتجوز بقى مفيش شغل العيال ده
سمع صوت هاتفه يرن فارد : الو
احد اصدقائه : ايه فينك يابنى انت ناسى ان فى عملية بعد ساعة ولا ايه
خبط يده بقوة على رأسه وقال : اووووبا تصدق نسيت طيب اقفل وانا جاى حالا
اغلق الخط وقال بعصبية لرهف : عاجبك اهو فى عملية بعد ساعة وكله بسبب شغل العيال بتاعك ده
شعرت بالندم وقالت : طاب وانا ايه عرفنى انك معاك عملية
جاسم بانفعال : رهف اسكتى خالص دلوقتى مش عايز اسمع صوتك لحد مانوصل
صمتت ولم تنطق بنصف كلمة حتى ان وصلت وبعدها ذهب هو الى المنزل بأسرع مايمكن وبدل ملابسه وذهب الى المستشفى
_________________________________
سعاد : ايه ليه اتأخرنى كده
رهف : العربية بتعتى عطلت ورنيت على بابا مردش عليا فا اتصلت بجاسم وجه اخدنى
سعاد : اهاااا طيب اطلعى غيرى هدومك وانزلى افطرى انتى طلعتى من غير فطار
رهف : بس انا عايزة اروح لبابا الشركة وكده هاتأخر
سعاد : هو قالى متخلهاش تاجى مفيش شغل كتير
رهف : طيب
فى المساء اتى جاسم وكان يبدو عليه التعب الشديد
فاطمة : حمدالله على سلامتك ياحبيبى ليه اتأخرت كده
جاسم : كان معايا عملية ياماما وشغل كتير
فاطمة : احضرلك العشا طيب
جاسم : لا لا مليش نفس انا هاطلع انام تصبحى على خير
فاطمة : وانت من اهله ياحبيبى
جاسم : هو الكل نايم ولا ايه
فاطمة : اهاا انا كنت قاعدة مستنياك قلقت عليك
جاسم : اهاا
ذهب الى غرفته وتذكر رهف فقال : اكيد زعلت منى لو اتصلت بيها دلوقتى هالقيها صاحية
كانت تجلس على فراشها تقرأ بعض الكتب سمعت صوت هاتفها يرن
رهف : الو
جاسم : الو يارهف
رهف : جاسم
جاسم : ايوه انا جاسم
رهف ببرود كالعادة : عايز ايه
قال بصوت واطى : انا مش عارف ايه اللى خلانى اتصل بيكى انا غلطان
رهف : بتقول حاجة
جاسم : لا ياحبيبتى مفيش حاجة انا اتصلت بالغلط
رهف : اهاا عملت ايه فى العملية لحقت توصل
جاسم : قال يعنى انتى هامك الموضوع اوى .. بعدين وصلت بالعافية وتعرفى انى من الصبح مكلتش حاجة وطبعا بسببك ملحقتش افطر حتى
رهف بندم : انا اسفة .. بس انا مش بشم على ضهر ايدى علشان اعرف انك معاك عملية
جاسم : متعرفيش تعتذرى ابدا زى الناس ... سيبك انتى بس وحشتينى 😉
رهف بغضب : سلام ياجاسم انا عليا النوم
جاسم : ياساتر يارب بكلم واحد صاحبى سلام يارهف سلام هاتشل منك والله
اغلقت الهاتف وقالت بغيظ : احسن قال وحشتينى قال جاتك القرف
اتى صباح يوم جديد افاق جاسم على صوت هاتفه وكان من احد اصدقائه ويخبره انه يوجد عملية مهمة فى لندن يجب ان يسافر خلال الاسبوع القام .... ظل على فراشه يفكر فى شئ ما ولكنه كان يخشى من رد فعلها من ان لا توافق فاهو بالفعل يحبها كثيرا حسم امره وذهب الى احمد فى الشركة
احمد : اهلا يا ابنى اتفضل اقعد
جاسم : عامل ايه ياعمى
احمد : الحمد الله ايه اخبار شغلك
جاسم : تمام كنت عايز اكلمك فى موضوع كده
احمد : موضوع ايه